اذهب إلى المحتوى
محاورات المصريين

أنا آآآآآآآآسف


شريف مان

Recommended Posts

السلام عليكم

الحقيقة مش عارف الموضوع دا مكانه فين فى المنتدى لانه موضوع شخصى بس متعلق بالمشاركة هنا فى المنتدى فحبيت اضعه فى هذا القسم حتى يراه الجميع .

من فترة وجدت رد لاحد الاعضاء هنا فى المنتدى والرد عجبنى جدا وكلامه دخل قلبى لدرجة انى حبيته بجد وبعد كده عرفت انه توفى قبل تسجيلى فى المنتدى بحولى سنتين

العضو دا هو الافوكاتو ( رحمه الله ) . كل فترة كنت بدخل على ملفه الشخصى وأقرأ كل موضوعاته ومشاركاته وبعد كل موضوع أو مشاركه .. أدعيله

وحبيت أعمل مقارنه بينه وبينى !!

وقلت ياترى لو أنا مت النهاردة وسجل عضو جديد ورجع لمشاركاتى هيدعيلى وللا هيدعى عليا !!! ياترى هيحبنى وللا هيكرهنى !!! ياترى هيستفيد من مواضيعى وردودى وللا هيقول أيه الكلام الفارغ دا !!

المهم انى عملت المقارنة وكانت النتيجة صاااادمة !!!!!!!

وقلت لازم يبقى فيه وقفه مع نفسى وأراجع دفاترى القديمة

فلاقيت ان كل مشكلة حصلت هنا فى المنتدى منذ اشتراكى .. أنا مشارك فيها حتى لو مش سبب .. بس أنا مشارك

أفتكرت مشكلتى مع أحمد سيف .. وردى البايخ على ريهام .. وردودى الاكتر بواخة على أغابى

وسبحان الله انا وأغابى كانت علاقتها كزملاء هنا فى المنتدى أكتر من رائعة .. فى احترام متبادل .. كل موضوع كانت بتكتبه كنت ببقى أول مشاهد ليه وأحاول استفيد منه

وأفتكرت كلام حسام ليا أول اما اشتركت ها فى المنتدى ( متخدش كل حاجة على صدرك ) وكلام ريهام ( بترد بعصبية ويتاخ كل حاجة على نفسك ) وكلام ضحى ( راجع ردودك فى المنتدى ممكن تلاقى رد وتاخد عليه ذنوب .. كان فى موضوع حج الرئيس .. وكان كلام غير مباشر )

وافتكرت رد لضحى أمبارح ( فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ )

ولقيت أعضاء كتير زعلانين وبيفكروا يسيبوا المنتدى .. وحاسس ان انا السبب

طيب ليه مغيرش ردودى !! ليه مبقاش هادى !!! ليه بدل ما اقارن نفسى بالاستاذ محمود ( رحمه الله ) محاولش اتعلم منه !!

فقررت انى لازم يبقى فيه وقفه مع النفس قبل فوات الأوان .... لو فيه حاجة مش عجبانى فى المنتدى ليه مغيرش من نفسى لانى جزء من المنتدى ولو كل الاعضاء عملوا كده هيبقى شكل المنتدى أفضل بكتير....

عشان كده قررت الأتى :

أولا : تقديم أعتذار للى أسأت اليهم وكمان اللى حسيت أنهم زعلانين منى .. وهم مع حفظ الالقاب للجميع

أغابى - أحمد سيف - ريهام ( لماضة ) - سكوربيون - ابو محمد - محمد يوسف - عادل ابو زيد - اشرف حليم - psychologyteacher - سى السيد - اسلام المصرى

ثانيا : بالنسبة لى

1- عدم الرد بعصبية فى اى موضوع

2- عدم الهجوم على أى عضو

3- عدم استفزاز اى عضو واستخدام الفاظ غير مقبولة

4- عدم التواجد فى المنتدى لفترات ( طويلة ) والتركيز فى العمل والدراسات

5- تقبل الرأى الاخر بصدر رحب

6- عدم اهانة اى عضو فى المنتدى حتى لو اساء لى

أتمنى أن يقبل الجميع أعتذارى والا يترك أحد المنتدى بسببى

تحياتى

شريف

اللهم يــامن أجــاب نوحــــــــــــا حين ناداه

ويامن كشف الضر عن أيوب في بلــــــواه

ويامن سمع يعقوب في شكــــــــــــــــــــواه

ورد إليه يوسف وأخـــــــــــــــــــــــــــــــــاه

وبرحمته أرتد بصيرا وعادت النور عيناه

اللهم آتنا في الدنيا حسنة وفي الآخرة حسنة وقنا عذاب النار

رابط هذا التعليق
شارك

انت انسان محترم يا شريف , وموضوعك ده يدل على انك انسان أصيل وعلى درجة عالية من الإحترام, فالإعتراف بالخطأ فضيلة وليست عيباً أو نقصاً , والإعتراف بالخطأ من شيم الكبار, وأذكرك وأذكر نفسي بقول الله تعالى في كتابه الكريم braket_r.gif يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ 18 وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ أُوْلَئِكَ هُمُ الْفَاسِقُونَ braket_l.gif [الحشر:19،18].وقوله تعالي braket_r.gifولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌbraket_l.gif. فصلت:34

وقال سيدنا عمر بن الخطاب رضوان الله عليه ( حاسبوا أنفسكم قبل أن تحاسبوا، وزنوها قبل أن توزنوا، فإن أهون عليكم في الحساب غداً أن تحاسبوا أنفسكم اليوم، وتزينوا للعرض الأكبر، يومئذ تعرضون لا تخفى منكم خافية ).

ولست أنت الوحيد المطالب بالإعتذار , فهناك الكثيرين منا مطالبين بالإعتذار , فقد أخطأ كل منا في أحد الأعضاء بقصد أو بدون قصد, فكل من أخطأ في حق أحد من الأعضاء عليه أن ينتهز هذه الفرصة وينتهز هذا الموضوع ويقدم له إعتذاره أيضاً.

وأبداً بنفسي وانتهز الفرصة لتقديم الإعتذار لشخص أ.محمد يوسف لاننى جرحته ببعض الكلمات والله يعلم أنها بدون قصد , أنتهز الفرصة وأعتذر لأى عضو آخر جرحته كلماتى ولو بطريقة غير مباشرة.

مع تحياتي :roseop:

تم تعديل بواسطة nightmare

فداك أبي وأمي ونفسي ومالي يا رسول الله

http://www.youtube.com/watch?v=yOblBbK5FqI&feature=related

رابط هذا التعليق
شارك

استاذ شريف احييك بشدة انا من فترة سايبة المنتدى و مش عارفة الجديد فية بس شدنى التوبك بتاع حضرتك لانة بجد نابع من انسان محترم جدااا

انا شخصيا احترم الانسان اللى بعترف بخطاة و اللى بيقعد ما نفسة و يعيد حساباتة

مجرد ان حضرتك عيدت حساباتك من جديد و بتحاول تغير من نفسك و حاطط اهداف تحاول الوصول اليها دة فى حد ذاتة عمل يستحق الاحترام

اعتقد ان الروح دى اللى المفروض تكون فى المنتدى خاصة انة بيحوى على اعضاء وصلوا من الثقافةو الخبرة يخلينا نتكلم بحوار حضارى و راقى

احييك مرة تانية على شخصيتك و روحك الطيبة

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

احييك شريف باشا

واحيي شجاعتك الادبية

-------

على جنب يابن الايه يا شريف

بتتضحك علينا عشان تاخد كل الوزيتيف ده لحد دلوقتى +6

ههههههههههههههههه :lol: :lol: :lol:

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

جزاكم الله خيرا على هذا الموضوع الجمييييييل

و جعله في ميزان حسناتك

دايما قبل رمضان تكتر الرسايل اللي اصحابها بيطلبوا انك تسامحهم في هذه الأيام المباركة

و دايما كنت أسأل نفسي .. ليه ما يبقاش ده سلوكنا دايما؟

ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ

الانفعال و الغضب و سوء الفهم غالبا اسباب رئيسية في المشاكل

مشاركتي معاكم وضحتلي ان كلام كتير ممكن اشوفه واضح جدا و يتفهم غلط

و ان كلام اكتر مالوش لازمة

بحاول اسال نفسي دايما مشاركتي هتضيف حاجة و لاّ لأ

هتبقى مع الحسنات و لاّ...؟

39_17.png

39_18.png

رابط هذا التعليق
شارك

السلام عليكم

الحقيقة مش عارف الموضوع دا مكانه فين فى المنتدى لانه موضوع شخصى بس متعلق بالمشاركة هنا فى المنتدى فحبيت اضعه فى هذا القسم حتى يراه الجميع .

من فترة وجدت رد لاحد الاعضاء هنا فى المنتدى والرد عجبنى جدا وكلامه دخل قلبى لدرجة انى حبيته بجد وبعد كده عرفت انه توفى قبل تسجيلى فى المنتدى بحولى سنتين

العضو دا هو الافوكاتو ( رحمه الله ) . كل فترة كنت بدخل على ملفه الشخصى وأقرأ كل موضوعاته ومشاركاته وبعد كل موضوع أو مشاركه .. أدعيله

وحبيت أعمل مقارنه بينه وبينى !!

وقلت ياترى لو أنا مت النهاردة وسجل عضو جديد ورجع لمشاركاتى هيدعيلى وللا هيدعى عليا !!! ياترى هيحبنى وللا هيكرهنى !!! ياترى هيستفيد من مواضيعى وردودى وللا هيقول أيه الكلام الفارغ دا !!

المهم انى عملت المقارنة وكانت النتيجة صاااادمة !!!!!!!

وقلت لازم يبقى فيه وقفه مع نفسى وأراجع دفاترى القديمة

فلاقيت ان كل مشكلة حصلت هنا فى المنتدى منذ اشتراكى .. أنا مشارك فيها حتى لو مش سبب .. بس أنا مشارك

أفتكرت مشكلتى مع أحمد سيف .. وردى البايخ على ريهام .. وردودى الاكتر بواخة على أغابى

وسبحان الله انا وأغابى كانت علاقتها كزملاء هنا فى المنتدى أكتر من رائعة .. فى احترام متبادل .. كل موضوع كانت بتكتبه كنت ببقى أول مشاهد ليه وأحاول استفيد منه

وأفتكرت كلام حسام ليا أول اما اشتركت ها فى المنتدى ( متخدش كل حاجة على صدرك ) وكلام ريهام ( بترد بعصبية ويتاخ كل حاجة على نفسك ) وكلام ضحى ( راجع ردودك فى المنتدى ممكن تلاقى رد وتاخد عليه ذنوب .. كان فى موضوع حج الرئيس .. وكان كلام غير مباشر )

وافتكرت رد لضحى أمبارح ( فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ )

ولقيت أعضاء كتير زعلانين وبيفكروا يسيبوا المنتدى .. وحاسس ان انا السبب

طيب ليه مغيرش ردودى !! ليه مبقاش هادى !!! ليه بدل ما اقارن نفسى بالاستاذ محمود ( رحمه الله ) محاولش اتعلم منه !!

فقررت انى لازم يبقى فيه وقفه مع النفس قبل فوات الأوان .... لو فيه حاجة مش عجبانى فى المنتدى ليه مغيرش من نفسى لانى جزء من المنتدى ولو كل الاعضاء عملوا كده هيبقى شكل المنتدى أفضل بكتير....

عشان كده قررت الأتى :

أولا : تقديم أعتذار للى أسأت اليهم وكمان اللى حسيت أنهم زعلانين منى .. وهم مع حفظ الالقاب للجميع

أغابى - أحمد سيف - ريهام ( لماضة ) - سكوربيون - ابو محمد - محمد يوسف - عادل ابو زيد - اشرف حليم - psychologyteacher - سى السيد - اسلام المصرى

ثانيا : بالنسبة لى

1- عدم الرد بعصبية فى اى موضوع

2- عدم الهجوم على أى عضو

3- عدم استفزاز اى عضو واستخدام الفاظ غير مقبولة

4- عدم التواجد فى المنتدى لفترات ( طويلة ) والتركيز فى العمل والدراسات

5- تقبل الرأى الاخر بصدر رحب

6- عدم اهانة اى عضو فى المنتدى حتى لو اساء لى

أتمنى أن يقبل الجميع أعتذارى والا يترك أحد المنتدى بسببى

تحياتى

شريف

شريف باشا

ده دليل على اخلاق عالية

وبما انى احد الاسماء اللى حددتها

أسفك مقبول طبعا

وعلى العين والراس

تحياتى واحتراماتى

psychologyteacher

سُلطةٌ لا تكبحُ الجانى

ولا تحمى الضحية

سُلطةٌ مؤمنةٌ جداً

بدين الوسطية

فإذا استنجد محمومٌ بها

تسقيه ترياق المنية

وإذا استنجد بالخارج

تستنكر تدويل القضية !!!

أحمد مطر

رابط هذا التعليق
شارك

برغم انى مش بشارك كتير بس متابع جيد لكل المواضيع كنت بلاقيك كتير

فى وضع الهجوم بس كنت متأكد ان ورا الصورة اللى كل شويه تتغير دى :ninja:

واحد جدع وطيب جدا وصاحب صاحبه

بجد خطوة حلوة منك دى انك تعتذر للناس دى كلها على الملأ كده

ودى من صفات الرجااااااااااااال

تحياتى ياابو شريف

أكرم,,

الأشجار لاتموت إلا وهي واقفة.....

...

رابط هذا التعليق
شارك

..

وردودى الاكتر بواخة على أغابى

وسبحان الله انا وأغابى كانت علاقتها كزملاء هنا فى المنتدى أكتر من رائعة .. فى احترام متبادل .. كل موضوع كانت بتكتبه كنت ببقى أول مشاهد ليه وأحاول استفيد منه

شكرا يا شريف للمبادرة الطيبة

الموضوع بسيط صدقنى ومش محتاج اى اعتذار

احنا حنفضل اخوات

تذكر دائما ان صفحة الود لا تنطوى ابدا

اغابي

:roseop: :roseop:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

تحياتي لك يا شريف

الاعتذار فضيلة

ناس كتير بيكونوا أضعف من انهم يعتذروا

وبيفتكروا أن لاعتذار هزيمة أو ضعف أو إنقاص للشخصية

لكن في الحقيقة ده قمة قوة الشخصية

والقلب الكبير

تقبل تحياتي واحترماتي يا كبير

du3a.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...