لماذا يرتدي كل الناس الآن نظاره طبيه او في طريقهم اليها؟؟؟

[أمل حياتي]

صباح الفل والورد الجوري لكل المحاورين والمحاورات

سؤال طالما راود ذهني اتمنى ان اجد الإجابة عليه

قبل عشرين سنه واكثر كان عدد الناس الذين يرتدون نظارات طبيه او الذين لديهم

مشاكل طبيه بالعين عدد قليل يكاد يحصى على اليد اذا تلفت حولك تفتش عنهم في العائله

ولكن الان ازداد بشكل ملحوظ عدد الذين يستخدمون النظارات الطبيه ومن مختلف الأعمار والأجناس

فقد تجد العائلة كلها ترتدي نظارات طبيه :rolleyes:

ما هو السبب؟؟؟

هل هو استخدام الكمبيوتر ولا اعتقد ان كل العائلة تستخدمه ؟؟؟؟

هل هو كثرة مشاهدة التلفزيون ؟؟؟؟

ماهو السبب في انتشار النظارة الطبيه ؟؟؟؟

اتمنى من كل قلبي أن اجد جواب شافي وكافي

ودمتم

[تامر مصطفى]

اعتقد ان التلفزيون والكمبيوتر من اهم الاسباب وأولها

وبعدين صحة الناس مبقتش زي الاول

بتوع زمان كانوا واكلين اكل فيه خير اما الناس الحالية فأكلها كله هرمونات وبلاوي واكيد بتأثر سلبيا على الصحة من اولل شعر الراس لغاية الرجلين

[nightmare]

أعتقد ضعف البصر راجع لأسباب كثير قوي , منها الانتشار التكنولوجي الرهيب من تليفزيونات الى كمبيوترات الى موبايلات وكلها بتصدر اشعة مضرة للعين ونحن لا ناخد في اعتبارنا ولا ناخذ احتياطاتنا اللازمة للوقاية وعملاً بمبدأ " ما تحبكهاش ياعم", انا حاسس اننا بقينا عايشين وسط موجات الكترونية بتحاصرنا من كل الإتجاهات.

ثانياً : طبعاً سوء التغذية شيء اساسي وسبب رئيسي لضعف البصر , الأكل كله بقي ملوث بالهرمونات والمبيدات ومياه الشرب كمان دخلت عليها مياه الصرف واللى عايش في الخليج المياه محلاه او معدنية وغير نقية 100%.

ثالثاً : ضعف البصر ممكن يرجع لأسباب وراثية مش شرط تظهر على الأبناء نفسهم لكن ممكن على أبناء الأبناء وهكذا.

رابعاً : الهواء الملوث بالأدخنة وعوادم السيارات والأتربة , كله بيأثر على العين وعلى الإبصار.

خامساً : أمراض العصر اللى ظهرت وانتشرت حالياً وأخطرها مرض السكر "ربنا يعافينا جميعاً" وامراض ارتفاع او انخفاض الضغط احد اسباب ضعف البصر.

ساساً : السهر الكثير وعدم الراحة الكافية.

أسباب كثير , كلها في النهاية تؤدي إلي ضعف الإبصار , وربنا يشفي كل مريض ويعافينا جميعاً.

مع تحياتي

[اغابي]

بصراحة يا مدام - حمال الاسية موضوعاتك افكارها بتعجبني

انا عاوزة اقولك انى مرعووبة من الموضوع داه - مش عارفة ليه لدرجة ان لاقدر الله ونظرى ابتدا يتعب مجهزة ليستة باسماء افضل دكاترا ليزر فى مصر من اصحابي المهم ان ما يجيش اللحظة دى - هو الراجل مش مشكلة - لكن ان الست تلبس نضارة - انا خايفة اوى بس المشكلة كمان انى بقعد قدام التلفزيون والكمبيوتر طوول اليوم - وطبعا ما يمنعش من القراءة -

فممكن اتوقع حاجة زى كدا فى المستقبل القريب داه غير العدسات الملونة بقى والحاجات دى

ربنا يستر

اغابي

تم تعديل 24 أكتوبر 2010 بواسطة اغابي

[Diab]

احسن حاجة أن أغلب دكاترة العيون اللي بتعمل ليزر- حتي في مغربي - لابسين نضارات :lol:

[أمل حياتي]

شكرا لكل اللي ردوا عليه

الأخ تامر - الأخ Nightmare - Diab

اشكركم على ردودكم بس لسه عايزين نسمع من المختصين النظارة انتشرت ليه اكيد فيه سبب

ما احنا بنتفرج زمان عالتلفزيون ومش الكل بيستخدم الكمبيوتر لكن برضه بيحتاج لنظاره

طبيه مع انها زمان مكنتش منتشره زي دلوقتي من العيل ابو كم سنه للكبار

الأخت اغابي

اسمك حلو ومتابعه نشاطك المميز والملحوظ ربنا يزيدك

ربنا يسهل واخليكي تغيري رأيك بالكويت وتحبيها :rolleyes:

تم تعديل 24 أكتوبر 2010 بواسطة حمال الأسيه

[اغابي]

الأخت اغابي

اسمك حلو ومتابعه نشاطك المميز والملحوظ ربنا يزيدك

ربنا يسهل واخليكي تغيري رأيك بالكويت وتحبيها :rolleyes:

ميرسي لزوقك بجد

بس انت اسمك ليه صعب كدا لو عاوزة احكيلي على الخاص - صحيح ليه اخترتي الاسم الصعب داه

فكى عن نفسك شوية - عموما هو ارحم من اسم اغابي لان الناس مستغرباه جدا بحس ان اسمي من كوكب تانى

اما بخصوص الكويت مش بحبها ابدا بصراحة مملة جدا

:roseop:

[أمل حياتي]

صباح الفل على الكل

انا رجعت للتوبيك بعد غياب كام يوم في الشغل

طيب لسه مستنين راي الاطباء والمختصين همه فين

ايه السبب ان الكل دلوقتي بيشتكي من عينيه وعايز يلبس نظاره او يعمل عمليه او يحط عدسات طبيه

طيب ليه زمان قليل عدد اللي كانوا بيلبسوا نظارات وكان شكلهم متميز وبيبانوا ومعروف عددهم مثلا بالعيله

دلوقتي تلاقي العيله كلها بتلبس من وهمه صغار في السن

هل هو فعلا الكمبيوتر بس مش الكل بيستخدمه والا في سبب تاني احنا مش عارفينه

نفسي حد يجاوبني

تم تعديل 29 أكتوبر 2010 بواسطة حمال الأسيه

[أمل حياتي]

شكلي حاقتنع بالآسباب اللي حطها الأخ الفاضل Nightmare

ان حسب كلامه سوء التغذية شيء اساسي وسبب رئيسي لضعف البصر , الأكل كله بقي ملوث بالهرمونات والمبيدات ومياه الشرب كمان دخلت عليها مياه الصرف

تم تعديل 29 أكتوبر 2010 بواسطة حمال الأسيه