اذهب إلى المحتوى
محاورات المصريين

ابحث مع الشرطة ..قمر تايه يا ولاد الحلال ...


aimen

Recommended Posts

اختفاء القمر الصناعى المصرى «إيجيبت سات ١» من مداره

كتب محمد السيد صالح وأبوالسعود محمد ٢٣/ ١٠/ ٢٠١٠

فقدت هيئة الاستشعار عن بعد اتصالها بالقمر الصناعى البحثى «إيجيبت سات ـ ١»، منذ ٣ أشهر، بعد خروجه عن سيطرة أجهزة التحكم فى موقع للبرنامج الفضائى المصرى بصحراء طريق «مصر ـ السويس».

واعترف الدكتور أيمن الدسوقى، رئيس هيئة الاستشعار عن بعد وعلوم الفضاء، بفقدان السيطرة على القمر الصناعى واختفائه من أجهزة المراقبة فى موقع التحكم، وقال لـ«المصرى اليوم» إن المهندسين يحاولون التقاط القمر مرة أخرى، وإعادته إلى مداره، مشيراً إلى أن إعادة التحكم فى القمر قد تحدث فى أى لحظة، وأن فقد السيطرة عليه كان قد حدث مرتين من قبل، واستطاعت الهيئة التقاطه بعدهما.

وقال مصدر مسؤول بالبرنامج الفضائى إن القمر، الذى يعد أول قمر صناعى مصرى للاستشعار عن بعد، اختفى من مداره بسبب فقدان أجهزة التحكم السيطرة عليه منذ شهر يوليو الماضى، واختفائه من شاشات المراقبة، مشيراً إلى أن السبب قد يرجع إلى نفاد الطاقة من بطاريات القمر.

وأضاف أن المشروع الفضائى المصرى أصبح يعانى العديد من المشاكل، خاصة بعد هروب العديد من المهندسين المصريين الذين تدربوا على إدارة القمر على يد الخبراء الأوكرانيين، وتوجههم للعمل فى برامج فضائية بعدد من الدول العربية، عقب مغادرة الخبراء الأوكرانيين موقعى تحكم واستقبال صور القمر على طريقى «مصر - الإسماعيلية» «وأسوان»، وتسليمهما للإدارة المصرية.

وأشار المصدر إلى أن القمر تم إطلاقه من على متن الصاروخ الروسى «دنيبر-١» فى ١٧ أبريل ٢٠٠٧ من قاعدة باكينور لإطلاق الصواريخ بكازاخستان، بعد تأجيل موعد إطلاقه مرتين، مضيفاً أنه تكلف ٢١ مليون دولار، من بينها ٦ ملايين دولار تكلفة الإنشاء، و١١ مليون دولار أبحاثًا ورواتب وإقامة للخبراء والمهندسين، و٣ ملايين دولار تأمينًا، وأشار إلى أن القمر يدور حول الأرض مرة كل ساعة ونصف الساعة، ويلتقط صوراً وخرائط بدقة ٨.٧ متر، وأن تشغيله يكلف مصر ٣٥ مليون دولار سنوياً.

http://www.almasry-alyoum.com/article2.aspx?ArticleID=274459

يا جماعه محدش شاف القمر ده ؟

طيب مش ممكن نشوف حد يفتح لنا المندل ولا مش عارف ايه علشان نعرف مكان القمر

طيب ممكن يكون القمر ده بيشتغل فى مكان تانى

ممكن نقول ان المحفزات المادية وظروف العمل مش مناسبة ليه

دا بيفكرنى بقصة تحتمس 400 بشرطة لأحمد بهجت ...القصة

ان مصر اطلقت صاروخ رايح للقمر فتاه فى الطريق وراح المريخ

ولما كان رواد الفضاء بيومى وعتريس وتفيده

من محبى الملوخية فقد طبخت لهم تفيده حلة الملوخية التمام

اللى بسببها حدثت غازات وانفجارات فى نخاشيش كل من رواد الفضاء وطبعا طلعت الغازات الممنوعه عالميا نتيجة استخدام الثوم ...وافتكرت امريكا اننا بنهاجم القوات بتاعتها على المريخ ....

واللى عاوز يضحك يكمل الرواية ....القصة منشورة قبل اصدار القمر المصرى نايل سات بفترة

sob7an2_www_different-des_com.gif

astghfr_www_different-des_com.gif

رابط هذا التعليق
شارك

هههههههه , أول خبر قريته على الصبح النهارده, ومت على نفسي من الضحك "هم يبكي وهم يضحك " , وقال ايه تاه قبل كده مرتين ولقيناه ( هو فيه كده ) , قمة العشوائية والفوضي للأسف, وقال ايه من 3 شهور , 3 شهور ياعالم ومفيش ولا حس ولا خبر .

والمهندسين هربوا ليه علشان الكبير فيهم مرتبه أكيد لا يتعدي 1000 جنيه , طب ما يروح ياخد 10000 دولار في حتة ثانية.

تشغيله يكلف مصر 35 مليون دولار سنوياً , طب كويس انه تاه واهو كله توفير وكفاية قوي الخرايط اللى هو جابها قبل كده عيشوا عليها بقي يعني احنا بنعمل بيها حاجة الخرايط دي .

انا بطالب من موقعي هذا بتكليف المفتش كرومبو بالبحث عن هذا القمر ويعرفلنا القمر ده سرح ورا اي نجمة بالضبط :lol:

مع تحياتي :roseop:

فداك أبي وأمي ونفسي ومالي يا رسول الله

http://www.youtube.com/watch?v=yOblBbK5FqI&feature=related

رابط هذا التعليق
شارك

دا بيفكرنى بقصة تحتمس 400 بشرطة لأحمد بهجت ...القصة

ان مصر اطلقت صاروخ رايح للقمر فتاه فى الطريق وراح المريخ

ولما كان رواد الفضاء بيومى وعتريس وتفيده

من محبى الملوخية فقد طبخت لهم تفيده حلة الملوخية التمام

اللى بسببها حدثت غازات وانفجارات فى نخاشيش كل من رواد الفضاء وطبعا طلعت الغازات الممنوعه عالميا نتيجة استخدام الثوم ...وافتكرت امريكا اننا بنهاجم القوات بتاعتها على المريخ ....

واللى عاوز يضحك يكمل الرواية ....القصة منشورة قبل اصدار القمر المصرى نايل سات بفترة

القصة دي كل ما اكون متضايقة .. اقراها

بالذات عشان مواقف رئيس الوزراء و وزير التصريحات

39_17.png

39_18.png

رابط هذا التعليق
شارك

بـــــــــــس

خلاص ظهرت الحقائق

أيها السادة جائنا البيان التالي

بعد محاولات الهيئة المصرية للفضاء و الاستشعار عن بعد و عن قرب للعثور على القمر الصناعي "الهارب" و الذي وردت أنباء عن اختفائه الغامض .. قام فريق من هيثة البحث العلمي بتطوير برنامج جديد يمكنهم من تحديد مكان القمر و وجد أنه يسبح هارباً في سماء مدينة جدة بالمملكة العربية السعودية حيث يتقاضي راتبه بالريال !!!

و فوجئ الباحثون بالقمر يسير في ميناء جدة الاسلامي حافي القدمين و لما تم سؤاله عما آل إليه حاله كانت الاجابة أنه دخل الأجواء الفضائية السعودية بفيزا عامل !!!

كما أخبر القمر أنه تقدم بطلب اثبات نسبه الفضائي و قام بطلب نقل كفالة أو تنازل عنها لأحد المؤسسات الفضائية الاماراتيةو ما زالت المعاملة بمكتب الجوازات الفضائية بجدة.

هذا و قد تفضل رئيس أركان الفضائيين المصريين بتقديم استجواب لمجلس الشعب يطالب فيه بسحب الجنسية عن القمر الهارب مما أثار حفيظة العديد من النواب حيث أن تربية القمر تكلفت كام و تلاتين مليون دولار .. و بناء عليه تكونت لجنة برئاسة السيد أحمد عز حديد الدخيلة و باشراف السيد جمال قلقاسة لتقدير الغرامات المفروضة على القمر الصناعي و التي قدرت بنحو 25 مليون دولار يغر البدلات.

فيما أعربت واشنطن عن قلقها ازاء التعسف المصري تجاه القمر المهاجر و طالبت منظمات حقوق الأٌقمار بوقفة احتجاجية على باب كوكب المريخ للمطالبة برفع الحظر عن القمر الهارب.

هذا و سنوافيكم بآخر الأخبار تباعاً.. و شكرا لكم على حسن استماعكم .. اقعدوا بالعافية

مكاوى .. برس

تم تعديل بواسطة mekkawy
رابط هذا التعليق
شارك

يا جماعه الراجل اتضح انه هرب نظرا لأسباب عاطفية مش علشان الفلوس

ممكن تسمعوا حتى الفيديو ده اللى بيشرح فيه الأسباب ...

http://www.youtube.com/watch?v=9s7OpVPvfTI

sob7an2_www_different-des_com.gif

astghfr_www_different-des_com.gif

رابط هذا التعليق
شارك

على فكرة يا جماعة اعتفد والله اعلم ان ده هو القمر المصرى الوحيد للتجسس!!!!

وده كان عامل قلق لاسرائيل لانه جعل مصر الدولة العربية الوحيدة اللى لها قمر تجسس فى الفضاء مع العلم ان اسرائيل تقريبا لديها 3-4 اقمار تقريبا تمسح كل الدول العربية وايران

المهم المضحك فى الموضوع ليس فقدان السيطرة على القمر لان ده عادى وبيحصل وبيرجعوا يسيطروا عليه ثانى بس مش معلوم الوقت يعنى قد يكون بالتعقب او المصادفة المهم المضحك انه بيقولك لان بطارياته خلصت ههههههههههههههه يعنى مفيش اى نوع من انواع المراقبة او المتابعة

:lol::lol::lol::lol::lol::lol::lol::lol::lol:

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

السلام عليكم و رحمة الله و بركاته

سؤال علي هامش القمر لو سمحت....

سيادة المسئول فوق بيقول ده بسبب اختفاء اجهزة التحكم عن بعد....(وش واحد فاتح بقة اذبهلالا؟؟؟)

ع حسب ثقافتي المتواضعة و التي لا تتعدي افلام الكارتون....هي الاجهزة دي يعني في حجم الريموت كنترول بتاع التلفزيون مثلا

يعني لما بيضيع مني الريموت دايما بلاقيه متسنتر في الجزمة اللي راكنة شمال تحت السرير

و اذا طبقنا النظرية دي

يبقي اكيد هنلاقي الريموت متسنتر برضه في الجزمة اللي ساكنة عقلية الفساد الاداري اللي احنا عايشينه

و انا من موقعي هذا امام طبق الملوخية...احب ااقولكم كل واحد يخلي باله من ريموته.....احسن الايام اللي جاية صعبة بجد....شيء لا يصدكه عكل....(وش شويكار في فيلم انت اللي قتلت القمر...قصدي بابايا)

ع جنب بقي

ممكن رابط القصة دي استاذي ايمن

احسن انا حاسة ان المواطنين الشرفاء بيومي و عتريس و تفيدة....معرفة.... wst::

صبااااااحك سكر

رابط هذا التعليق
شارك

اللى يضحك بجد موضوع البطارية اللى خلصت دى

ده على أساس انه مش شغال على طاقة الخلايا الشمسية

الموضوع ده اكيد فى مصلحة كبيرة للناس الكبيرة

وطني لو شُغلت بالخُلدِ عنه… نازعتني إليه بالخُلدِ نفسي

رابط هذا التعليق
شارك

اللى يضحك بجد موضوع البطارية اللى خلصت دى

ده على أساس انه مش شغال على طاقة الخلايا الشمسية

الموضوع ده اكيد فى مصلحة كبيرة للناس الكبيرة

يا عم محمد هو اكيد وبنسبة كبيرة شغال على الطاقة الشمسية

بس الطاقة الشمسية لا تستخدم مباشرة لكن تقوم بشحن بطاريات معينة والتى تقوم بتشغيل الاجهزة وده لاسباب علمية كثيرة يطول شرحها المهم ان الخلاصة ان الشمس تحفز لخلايا الشمسية الموصلولة بالبطاريات التى تقوم بتشغيل الاجهزة

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

ممكن رابط القصة دي استاذي ايمن

احسن انا حاسة ان المواطنين الشرفاء بيومي و عتريس و تفيدة....معرفة.... wst::

صبااااااحك سكر

وعليكم السلام

مرفق رابط القصة

http://www.4kitab.com/book-584.html

تمنياتى بقراءة ممتعه

sob7an2_www_different-des_com.gif

astghfr_www_different-des_com.gif

رابط هذا التعليق
شارك

يا جماعة انت مكبرين الموضوع ليه

عادى جدا ... ودا بيحصل فى جميع الدول المتقدمة، بس انتوا ما بتعرفوش عشان الدول التانية دى ما عندهاش شفافية

وجارى دراسة فرض ضريبة جديدة تسمى ضريبة "ياما القمر على الباب" لتمويل توفير قمرين بدل القمر اللى تاه

وبصراحة بقى احنا اللى توهنا القمر، عشان نبدء عملية تحديث لأسطول أقمارنا الصناعية بالفضاء

md2: صحيح شعب متعب

رابط هذا التعليق
شارك

طب يا جماعه إعملوا حاجه يعنى هانفضل كده ندور عليه وهو داير على حل شعره شوفوا حد بميكرفون يعلن والا ابعتوا له كهربائى ببطاريه يعمل له توصيله

"يا ابن آدم إنما أنت أيام كلما ذهب يوم ذهب بعضك"

الإمام العابد الحسن البصرى

رابط هذا التعليق
شارك

أحلى خبر برد نار جلبي إن القمر لسه تخت الضمان ... وعبد اللطيف جميل .. قصدي أوكرانيا مُلزمه إنها تعوضنا أو على الأقل مش هاتاخد بقية عرقها ..

وربنا يعوضنا بقمر 14 أحلى واجمل منه ..... قادر على كل شيء ..

لسه الأسبوع اللي فات سامع فاروق الباز كان بيتريق على إننا لسه لحد دلوقت مش عارفين نجمع قمر ...

بس أنا امم ريحة إسرائيل الخبيثة في الموضوع

والله مش نظرية المؤامرة أو حاجه

لكن دي حركات صبيانية كنا نفعلها ونحن صغار ..

كنت وأنا صغير في البيت اللي جنبنا واد إسمه ماجد عاوز قطم رقبته ... وكان معقدنا في حياتي .. فكان كل يوم يطلع فوق سطوحهم يطير طيارته الورق اللي عملها ومتفنن فيها

8f5a9a478577e0a647b06a390a6aa44d.jpg

وأنا أهري وأنكت في نفسي ..

لحد ما أتعلمت صنع الطيارات وبقيت أروبه

plane+and+sky.jpg

وبقيت ألبد له في الدُرا فوق السطح ... وكل ما يطلع يطير الطيارة أروح متسحب ومُطلق الصاروخ بتاعي عشان يصطاد طيارته وأعكنن عليه ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أحلى خبر برد نار جلبي إن القمر لسه تخت الضمان ... وعبد اللطيف جميل .. قصدي أوكرانيا مُلزمه إنها تعوضنا أو على الأقل مش هاتاخد بقية عرقها ..

وربنا يعوضنا بقمر 14 أحلى واجمل منه ..... قادر على كل شيء ..

لسه الأسبوع اللي فات سامع فاروق الباز كان بيتريق على إننا لسه لحد دلوقت مش عارفين نجمع قمر ...

بس أنا امم ريحة إسرائيل الخبيثة في الموضوع

والله مش نظرية المؤامرة أو حاجه

لكن دي حركات صبيانية كنا نفعلها ونحن صغار ..

كنت وأنا صغير في البيت اللي جنبنا واد إسمه ماجد عاوز قطم رقبته ... وكان معقدنا في حياتي .. فكان كل يوم يطلع فوق سطوحهم يطير طيارته الورق اللي عملها ومتفنن فيها

8f5a9a478577e0a647b06a390a6aa44d.jpg

وأنا أهري وأنكت في نفسي ..

لحد ما أتعلمت صنع الطيارات وبقيت أروبه

plane+and+sky.jpg

وبقيت ألبد له في الدُرا فوق السطح ... وكل ما يطلع يطير الطيارة أروح متسحب ومُطلق الصاروخ بتاعي عشان يصطاد طيارته وأعكنن عليه ...

والله يا ريسنا المفروض الحكومة تعينك قائد لحائط الصواريخ بتاعنا بس ماقلتش الصاروخ بتاعك كام محرك وهل محركه نفاث ولا ايه ؟

ردودك رهيبة والله يا عمونا bv:-

:lol: :lol: :lol: :lol: :lol: :lol: :lol:

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

  • بعد 5 سنة...

 

الا بالحق ايه أخبار القمر الصناعي “إيجيبت سات 2″  أبو 40 مليون دولار بس .. يا ترى لقيوه ولا لسة؟

أوسكت .. مش قبضنا التأمين بتاعه ؟

وهنعمل غيره

:)

واللى معاه تأمين محيره يجيب بيه قمر ويطيره

1- وفقاً لهذا المصدر فان تكلفة القمر “إيجيبت سات 1″ المفقود ( وليس إيجيبت سات 2 المفقود هو الآخر!) هى 21 مليون دولار، من بينها 6 ملايين دولار تكلفة الإنشاء، و11 مليون دولار أبحاثا ورواتب وإقامة للخبراء والمهندسين، و3 ملايين دولار تأمينا ... أما تكلفة التشغيل فكانت تكلف مصر 35 مليون دولار سنويا ...

هذا القمر الجديد بالمناسبة " ايجيبت سات 2 " ( ابو 40 مليون دولار بس!) وهو الذي سألتك عنه .. والذي كان بعد تداول وكالات الأنباء العالمية، وحتى المصرية الرسمية، لخبر فقد الإتصال به، وفقدانه نقلاً عن صحيفة «إزفيستيا» التى ذكرت وقتها أن الخبراء الروس من مؤسسة «إنيرجيا» لإطلاق الأقمار الصناعية والصواريخ يحاولون الاتصال بالقمر، لكنه يرفض الاستجابة بالدوران ... وهو ذات القمر الجديد الذي منذ حوالي 8 اشهر قد تسائل عنه أيضاً هنا الدكتور عصام حجى، المستشار العلمي لرئيس الجمهورية السابق عدلي منصور:

"ضياع القمر الصناعي المصري لثاني مرة نتيجة طبيعيه لإستمرار مسلسل تهميش الخبرات العلمية بالداخل والخارج. 305 مليون جنيه مصري تضيع نتيجة عدم وجود تصور لبناء أو للإستفادة من الخبرات المصرية وغياب وكالة فضاء مصرية."

وأضاف حجي: "القمر المعد للبقاء ١١ عام لم يكمل سنة واحدة. شعوري بالحسرة وأنا اقرأ هذا الخبر المحزن الذي إنتشر في مجال أبحاث الفضاء لا يوصف. واضح أنه مكتوب علينا نزرع في أرض الغرب و نرجع بلدنا في صناديق. شبابنا المقهور يموت وهو بيعدي البحر ويقف العالم عليهم دقيقة صمت وما يقفش أي مسؤول ثانية أمام ضميره و يسأل نفسه إلى متى سيستمر تهميش الشباب و تهجير العقول ؟"

وأختتم العالم المصري حديثه عن القمر الصناعي المصري "إيجبت سات 2" قائلا : "نحن نستورد النجاح ولكننا لا نصنعه...ملحوظة: أتمنى من كل قلبي أن أكون مخطئاً في كل ما قلته" 

وهو ذات القمر " الجديد" أيضاً الذي نقرأ عن أخر وأحدث خبر منشور لدينا عنه (حوالي 5 أسابيع فقط) نقلاً عن موقع المصري هنا :

خبراء روس يوضحون سبب فقد الاتصال بالقمر الصناعي المصري «EgyptSat-2»

فيا ترى رد حضرتك " الساخر " هذا:

أوسكت .. مش قبضنا التأمين بتاعه ؟

وهنعمل غيره

:)

واللى معاه تأمين محيره يجيب بيه قمر ويطيره

تقصد به القمر الأول " القديم" ... أم الثاني " الجديد" ... أم تقصد به القمر الثالث الذي في طور البناء، من ضمن حزمة  "المشاريع القومية العملاقة" اللي مُعظمها كانت بناء على " قرارات جمهورية " ؟

وهو الذي ورد عنه بهذا المصدر حول تلك النُقطة تحديداً:

أشار فلاديمير سولنتسيف رئيس مؤسسة إنيرجيا للصواريخ والتقنيات الفضائية  إلى أن مبلغ تأمين القمر الصناعي المفقود سيكون جزءا من تكلفة القمر الجديد الذي يجري التعاقد عليه.

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

يا سيد وايت هارت


لا هو أول ولا آخر قمر يفقد فى الفضاء


هو انت ما كونتش بتتابع مسلسل Lost in the space ولا إيه ؟


بتحصل مع أحسن الدول وفى أحسن المدارات


ولما ذكرت موضوع التأمين وان العمل جارى لإطلاق غيره كنت أسبقك فى المعلومة


التى تفضلت وأكدتها حضرتك باقتباسك من المصدر الأخير


إيه رأيك نفتح "حوار مجتمعى" فى موضوع جدوى إطلاق مصر لقمر صناعى جديد


قبل خبراء الفضاء ما يقوموا من عالقهوة

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

يا سيد وايت هارت

لا هو أول ولا آخر قمر يفقد فى الفضاء

هو انت ما كونتش بتتابع مسلسل Lost in the space ولا إيه ؟

 

ماشاء الله .. ماشاء الله ...

واضح فعلاً ان مستوى مصادري في النازل !

صحيح ايه يعني قمر والتاني " يضيعوا " ... عادي .. بتحصل ...

وربنا يباركلنا في رز الأشقاء ...

بتحصل مع أحسن الدول وفى أحسن المدارات 

بتحصل يا ترى في دول ظروفها وأحوالها زى دولتنا كدة؟ ومش قمر واحد .. لا قمر واتنين وورا بعض؟

مُمكن مثال لدولة من دول من فضلك؟

ولما ذكرت موضوع التأمين وان العمل جارى لإطلاق غيره كنت أسبقك فى المعلومة

التى تفضلت وأكدتها حضرتك باقتباسك من المصدر الأخير

لا يا عزيزي .. حضرتي أكد -ووفقاً لمصادر- أن " جزء " بسيط من ثمن القمر الثالث اللي في طور البناء سيكون من قيمة التأمين المرجو التحصل عليه من فقداننا للقمر الثاني " ايجيبت سات2 "  ... تفتكر فيه فرق يا ترى بين " معلومتك "  ... وبين اللي أنا أضفته من معلومات بهذا الصدد ... والا هانمشيها برضه "ما تدقش ... وبتحصل في أحسن العائلات " ؟!؟!؟

إيه رأيك نفتح "حوار مجتمعى" فى موضوع جدوى إطلاق مصر لقمر صناعى جديد

قبل خبراء الفضاء ما يقوموا من عالقهوة

" خبراء الفضاء" ؟ ماهو الدكتور عصام حجي قالهالنا يا عزيزي:

" ... ضياع القمر الصناعي المصري لثاني مرة نتيجة طبيعيه لإستمرار مسلسل تهميش الخبرات العلمية بالداخل والخارج ..."

" ... واضح أنه مكتوب علينا نزرع في أرض الغرب و نرجع بلدنا في صناديق. شبابنا المقهور يموت وهو بيعدي البحر ويقف العالم عليهم دقيقة صمت وما يقفش أي مسؤول ثانية أمام ضميره و يسأل نفسه إلى متى سيستمر تهميش الشباب و تهجير العقول ؟"

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

هو عصام حجى بيشتغل إيه بالظبط فى ناسا ؟


بجد عاوز اعرف


نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

هو عصام حجى بيشتغل إيه بالظبط فى ناسا ؟

بجد عاوز اعرف

حاضر ... المسألة بسيطة خالص مجرد ضغطة زر :

852147.jpg

في عام 2003م انضم عالم الفضاء المصري إلى فريق العمل بوكالة ناسا لأبحاث الفضاء، والذي شارك من خلاله بالعديد من الأبحاث الخاصة باكتشاف الماء في المريخ، كما كان عضواً في فريق عمل مصري فرنسي لدراسة حقل نيازك ضخم يقع في الصحراء الغربية بمصر عام 2004م.

هو حالياً يعمل في القسم المختص بالتصوير بالرادار في معمل محركات الدفع الصاروخي بوكالة ناسا الأمريكية، والذي يشرف على العديد من المهام العلمية لاكتشاف كواكب المجموعة الشمسية، كما أنه أستاذ لعلوم الفضاء بجامعة باريس في فرنسا.

قامت الجامعة العربية ومجلة تايمز سنتبيتسبرج الأمريكية بتصنيف الدكتور “عصام حجي”، كواحد من أهم الشخصيات الفكرية في مصر والعالم العربي وهو لا يزال في التاسعة والعشرين من عمره، كما حصل عده جوائز علمية تقديراً لدوره في أبحاث الفضاء.

https://www.youtube.com/watch?v=uCEGVt9GnuQ

ها؟ ياترى ينفع؟

لكن من وجهة نظري ما يهمنا ويعنينا يا عزيزي هنا في موضوع الحوار، هو ليس عمله بوكالة ناسا .. وانما عمله (ما لاقاة ويلاقيه؟!) في مصر.. او بمعنى أدق <<< عَمّلِتُه البيضا >>> مع "دولة" القوات المُسلحة الشقيقة، هناك 3 نقاط اسمح لي اسلط عليهما الضؤ:

1- في بداية شهر يوليو 2013 ( بعد ما يُسمى بـــ "ثورة التصحيح"!) أوقفت "القوات المسلحة" العمل بالدستور، وأعلن وقتها الجنرال القائد العام للقوات المسلحة الفريق أول عبد الفتاح السيسي عن أن المستشار "عدلي محمود منصور" رئيس للمحكمة الدستورية العليا سيتولى مهام الرئاسة حتى تجري الدعوة لانتخابات رئاسية مبكرة.

2- في منتصف شهر يوليو 2013 أعلن "أحمد المسلماني" (المستشار الاعلامي لرئيس الجمهورية)  أن المستشار "عدلي محمود منصور" (رئيس الجمهورية المؤقت) قد أصدر قراراً جمهورياً بتعيين الدكتور"عصام حجي" (الخبير بوكالة ناسا لعلوم الفضاء الأمريكية والحاصل على جنسيتين الأمريكية والفرنسية علاوة على المصرية بالطبع) مستشاراً علمياً لرئيس الجمهورية ... وينشر بالجريدة الرسمية.

3- في الأسبوع الأخير من شهر فبراير 2014 .. كان هذا الدكتور عصام حجي هو أول من "تجرأ"  وشن هجوماً حاداً على "إختراع" القوات المسلحة لعلاج فيروس "سي" الكبدي و"الإيدز" الذي كان قد أعلن عنه قبل هجومه هذا بأيام، بحضور الرئيس عدلي منصور والدكتور حازم الببلاوي رئيس الوزراء، والمشير عبدالفتاح السيسي وزير الدفاع، واصفاً هذا "الإبتكار" بأنه "فضيحة علمية لمصر" بالأدلة والوثائق !!!

وماذا حدث بعدها يا تُرى؟

حاجة بسيطة خالص:

قال مصدر رئاسى ان الرئاسة سوف تجرى اتصالات بالدكتور عصام حجى المستشار العلمى للرئيس و الموجود فى امريكا لمعرفة حقيقة تصريحاته حول اختراع القوات المسلحة لجهاز علاج فيروس سى و الذى وصفه بالفضيحة و قال المصدر انه من المنتظر ان يتخذ قرار ضد حجى قد يصل الى الاقالة لو ثبت عدم دقة تصريحاته و قال المصدر ان قادة القوات المسلحة أبدوا انزعاجهم من هذه التصريحات الى تسئ للجيش و من المنتظر ان يعقد مؤتمر صحفى خلال ساعات للرد على تصريحات المستشار العلمى للرئيس من ناحية اخرى طالب محمد أبوحامد رئيس حزب حياة المصريين ومؤسس جبهة مؤيدي السيسي، الداعمة لترشح المشير عبدالفتاح السيسي، في تغريده له على "تويتر"، الرئيس المؤقت للجمهورية عدلي منصور بعزل عصام حجي مستشاره العلمي؛ لتصريحاته المسيئة لمصر والجيش، بحد تعبيره.

واليوم وبعدما تأكد للقاصي والداني صحة وصدق ودقة ما " تجرأ " به اولاً .... أين هو اليوم؟ والأهم لماذا يا تُرى؟

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...