اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

تصريح العمل للعاملين فى الحكومة


Recommended Posts

ارجو الافادة فى تصريح العمل للعاملين فى الحكومة

وهل يسألوا عليه فى المطار وهل لسه الظباط والامناء بيغلسوا

وهل ممكن يمنعوا الشخص من السفر

ارجو الافادة بالتفصيل

رابط المشاركه
شارك

ارجو الافادة فى تصريح العمل للعاملين فى الحكومة

وهل يسألوا عليه فى المطار وهل لسه الظباط والامناء بيغلسوا

وهل ممكن يمنعوا الشخص من السفر

ارجو الافادة بالتفصيل

يا باشمهندس الموضوع ده قتل بحثا من قبل

وهتلاقي سين سين طالع يضربك الوقتي

المهم يا سيدي .. هو مش بيتسأل عليه في المطار

لكن بما انك بتسأل عن الموظف الحكومي بالتحديد

فأي موظف حكومي لازم يعمله

لأنه عشان يعمل عودة من الاجازة أو لما يحب يغير مسمي الاجازة

لازم يجيب خطاب من الامن العام يفيد ان مافيش عليه رسوم

يبقي لازم اي موظف حكومي يعمله

تحياتي

رابط المشاركه
شارك
أيوه يرجعك

لكن لحسن الحظ لهم مكتب في المطار ممكن تطلع منه واحد عالسريع بس المكتب تقريباً قُرب قرية البضايع يعني مشوار

بالمناسبة ..

قولنا وصوتنا إتبح " تصريح العمل إتلغى " لكن الحكومة مطرمخه عالموضوع وبتلم فلوس وبس .. والظباط بتوع الجوازات عندهم تعليمات واضحة بذلك وماحدش بيسأل حد

بس أمناء الشرطة عشان من غير مخ فلسة بيسألوا عليه ده يعني لو حظك وقع في أمين شرطة ..

وكمان أوقات كتير الظابط بيخليك تكتب تعهد إنك ما تعملش كده تاني وإلا هاتروح النار وبيخليك تسافر

اللي قدامك ده شخص سيستمتك وما بحبش أسيب حاجه للصدفة ... لكن مع ذلك هرشت المسألة من 4 سنوات .. وما بقتش أدفع مليم للحكومة في تصريح العمل وماشي بوصل النور بس

الأنكت من كده .. أعرف زملاء قدموا للمملكة لأول مره زز وما عملوش لا تصريح عمل ولا دياولو ولسه عايشين وبينزلوا أجازات وزي الفُل ..

وادى يا سيدى مداخلة قديمة ل س س

ولكن مش واضح فيها هل لموظفين الحكومة فقط ام لا

نقطة تانيةهل بيكتب فى تصريح العمل اسم الدولة اللى رايحينها ام لا

واللى ما يعملوش هل يمنعه الظابط فى المطار من السفر ...يعنى من حقه قانونا ولا يكتبه تعهد على نفسه كما ذكرتم

وشكرااااااااا مرة اخرى

رابط المشاركه
شارك

باختصار وبوضوح

أي موظف حكومة لازم يعمل تصريح العمل

بغض النظر بيسألوا عليه في المطار أو لأ

وهيرجعوك لو مش معاك او لا

موظف الحكومة له وضع خاص

لأنه هينطلب منك بأثر رجعي لو معلمتوش يعني كده كده هتدفع يا باشا

أي اجراء ليك في العمل الحكومي سواء تغيير مسمي الاجازة أو عودة من الاجازة

هيطلبوا منك خطاب من الامن العام .. اللي بيفيد انك طلعت التصريح ودفعت الرسوم عن كل سنة

ولو مكنتش بتعملوا وعدا عليك كام سنة .. هتدفع بأثر رجعي عشان يطلعولك الخطاب

وصلت ولا لسة ؟؟؟

وبالنسبة للمكان اللي انت مسافر عليه طبعا بيكون مكتوب

ولو بتطلعه لأول مرة بيطلبوا منك عقد العمل يشوفوه

ولو بتجدد بصورة التأشيرة

تم تعديل بواسطة INVESTOR
رابط المشاركه
شارك

القول الفصل

بص يا معلم اخك ابو عمر شغال فىالحكومه ( قطاع اعمال )

هاجبلك من الاخر

اى حد مكتوب وظيفته فى الباسابور انه شغال فى اى شركه سواء خاص عام اعمال لازم يجيب ما يفيد موافقه الجهه ده على اسفر او اخلاء طرف منها

غير كده ممكن يشك فيك انه خالع بره البلد وعملك مصيبه وممكن يوقفك ويقلك نستعلم عنك وتخش فى حوار كبييييييييييييييير

يبقى الاحسن ورقه ملهاش اى لازمه تتختم من شغلك بموافقه على السفر سواء عمل او عمره او حج او زيارة مدام اسم الشركة او الجهه ده مكتوب فى باسبورك

لو فى اى استفسار انا تحت امرك

اخوك ابو عمر

رابط المشاركه
شارك

القول الفصل

بص يا معلم اخك ابو عمر شغال فىالحكومه ( قطاع اعمال )

هاجبلك من الاخر

اى حد مكتوب وظيفته فى الباسابور انه شغال فى اى شركه سواء خاص عام اعمال لازم يجيب ما يفيد موافقه الجهه ده على اسفر او اخلاء طرف منها

غير كده ممكن يشك فيك انه خالع بره البلد وعملك مصيبه وممكن يوقفك ويقلك نستعلم عنك وتخش فى حوار كبييييييييييييييير

يبقى الاحسن ورقه ملهاش اى لازمه تتختم من شغلك بموافقه على السفر سواء عمل او عمره او حج او زيارة مدام اسم الشركة او الجهه ده مكتوب فى باسبورك

لو فى اى استفسار انا تحت امرك

اخوك ابو عمر

طب ايه رأيك في واحد زي حالاتى موظف حكومة, بس لما جيت أسافر لم أغير مهنتي في الباسبور ومازال الباسبور بتاعي "حاصل علي بكالوريوس ......" وكذلك بطاقتى الشخصية

وكل سنة في الأجازات اروح اجدد تصريح العمل وادفع الفلوس على اساس انى غير موظف , وخلاص.

ايه موقفى لما اجي ارجع الشغل واقطع الأجازة, فيها قلق دي والا ايه

مع تحياتي:roseop:

رابط المشاركه
شارك

...لاء موش عارفة بس كل مرة بسافر فيها عمر ما حد طلب منى تصريح جهة العمل ....

حتى لو موش فى مأمورية شغل ...ماحدش بيطلب منى التصريح ده

اتهيألى انه حاجة قديمة من قديم الازل

رابط المشاركه
شارك

الاخوة الاعزاء

تصريح العمل مش حاجه قديمه بالعكس

ده الاثبات الوحيد لو حصل اى كارثه فى البلد او شغلك انك كنت بره مصر

كمان الداخلية بتابعه يعنى لو التصريح ده لايران او باكستان او او او افهم انتى بقى

كمان فى حاجات جديده فى الدخلية اليويمن دول انهم ربطو كل الشبكه مع بعضها

يعنى اللى عليه احكام - الفيش الجنائى

اللى .... الدولة مقلقه منه - تصريح العمل

المخا....... تصريح العمل

الاخ اللى ثابت فى جواز سفره انه حاصل على ب . مش موظف يا بختك بس خلى بالك

لو الدخلية خدت حق الدخلو على سيرفر التامينات هاتلبس فى الحيطه - اول ما هيتكتب الرقم القومى هتلاقى على طول ظهر ----- موظف بالجهاز الإدارى للدولة

بس الاهم اوعى حد مش شغلك يبخ عليك

وتابع اول باول تجديد الاجازه

زتخلى بالك لو قطعهوها ومتنساش انه فى اقرار بيوقع انك مش شال فى مكان تانى او خارج البلاد

يبقى طول مانت فى الدراى امان

ونصيحتى ليك اثبت سفرك وخد اجازه عمل للخارج وسدد تامينات كل فتره

يعنى من الاخر امشى فى السليم البلد ده ما تضمنش

اخوك ابو عمر

موظف باحدى الشركات القابضه الكبرى - ان فاتك الميرى ........... اديلو بالجزمة

رابط المشاركه
شارك

الاخ اللى ثابت فى جواز سفره انه حاصل على ب . مش موظف يا بختك بس خلى بالك

لو الدخلية خدت حق الدخلو على سيرفر التامينات هاتلبس فى الحيطه - اول ما هيتكتب الرقم القومى هتلاقى على طول ظهر ----- موظف بالجهاز الإدارى للدولة

بس الاهم اوعى حد مش شغلك يبخ عليك

وتابع اول باول تجديد الاجازه

زتخلى بالك لو قطعهوها ومتنساش انه فى اقرار بيوقع انك مش شال فى مكان تانى او خارج البلاد

يبقى طول مانت فى الدراى امان

ونصيحتى ليك اثبت سفرك وخد اجازه عمل للخارج وسدد تامينات كل فتره

يعنى من الاخر امشى فى السليم البلد ده ما تضمنش

اخوك ابو عمر

موظف باحدى الشركات القابضه الكبرى - ان فاتك الميرى ........... اديلو بالجزمة

معلش يا ابو عمر فهمني بالراحة كده , الداخلية لو عرفت انى موظف هيفرق معاها ايه ما انا بدفع فلوس تصريح العمل بإنتظام ومفيش فرق في الفلوس بين الموظف او غير موظف.

ولو حد من زميلى عرف ايه المشكلة , انا مقدم اجازة بدون مرتب رسمي وبدفع كل سنتين تأميناتي ومعاشاتي وغرامات التأخير كمان والأجازة بتتجدد كل سنة عادي ومعايا قرارات التجديد.

واقرار ايه ده انى مش شغال في مكان تانى او خارج البلاد , انا اول مرة اسمع عنه

ايه المشكلة اللى ممكن تحصل.

مع تحياتي:roseop:

تم تعديل بواسطة nightmare
رابط المشاركه
شارك

انا لسة جاي من اسبوع وكان معي زوجتي وهي متعاقدة ايضا

وكان كل حاجة بحطها في الجواز -التزاكر ورقة التاشيرة

وحطيت تصاريح العمل في جيبي

البيه الضابط قالي انت حاطط اللي مالوش لازمة في الجواز وماليه كتالوجات

ثم قال فين تصريح العمل

فاخرجته له من جيبي فقال لي بالحرف الواحد

يعني اللي مالوش لازمة حاطه بالجواز والمهم حاطه في جيبك

دهاللي حصل معايا بالتمام

وعلى فكرة التصريح شكله اتغير واصبح فعلا هناك شبكة كاملة وفيه ناس طلع عليها قضايا واحكام وناس اطلبت في امن الدولة

رايي ان الواحد يطلعه من باب الاحتياط ربما يقع في ضابط خفيف الظل ويعملها معاه

تحياتي

رابط المشاركه
شارك

الاخ nightmare

بقولك قيمه التامينات المسدد على عقد عمل بتقى اكتر وبالدولار فاهمنى

انا بقولك بس حرص ولا تخون

طب ما هيا دي اللى انا بدفعها يا عم احمد

باخد خطاب من الشغل واروح التأمينات , اخد اشعار بالمبلغ للبنك

وبدفع بالدولار , السنة اللى فاتت دافع 1100 دولار , واخد ايصال الدفع اسلمه للشغل وصورة للتأمينات .. بس كده

فين المشكلة , وتصريح العمل علاقته ايه بقي بالقصة دي ويسببلى مشاكل ازاى

مع تحياتي:roseop:

رابط المشاركه
شارك

كده انت فاصل بين شغلك وتصريح العمل

عشان جواز سفرك مش مكتوب فيه اسم الجهه

انت بتعمل تصريح على الورقه البيضاء بتاعن عقد عمل شخصى

يعنى متسجل فى سجل الدخليه انك بدون عمل حتى الان

اللى بقولو لو الدخلية لو بقها اككس على موقع التامينات هتلاقى بيانات الرقم القومى بدون عمل وبيانات نفس الرقم القومى بس على لارقم التامينى موظف بالحكومه

فهمت قصدى

على العموم خير يا معلم دوس وكمل بس قولى انت مسافر بره فين

والتامينات 1100 دولار عن السنة

رابط المشاركه
شارك

كده انت فاصل بين شغلك وتصريح العمل

عشان جواز سفرك مش مكتوب فيه اسم الجهه

انت بتعمل تصريح على الورقه البيضاء بتاعن عقد عمل شخصى

يعنى متسجل فى سجل الدخليه انك بدون عمل حتى الان

اللى بقولو لو الدخلية لو بقها اككس على موقع التامينات هتلاقى بيانات الرقم القومى بدون عمل وبيانات نفس الرقم القومى بس على لارقم التامينى موظف بالحكومه

فهمت قصدى

على العموم خير يا معلم دوس وكمل بس قولى انت مسافر بره فين

والتامينات 1100 دولار عن السنة

شكراً يا حاج أحمد على التوضيح وعادي مش فارقه , على رأي حضرتك ان فاتك الميري ... ايدله بالجزمة

والله الشغل ده واقف على بخسارة لحد دلوقتى.

انا في جدة , و 1100 دولار دي لسنتين مش سنة + غرامة تأخير عن السنة الأولى لانها لم تدفع في ميعادها , ده اللى فهمته لانى ما دققتش قوي كنت عاوز ادفع وياخدوا اللى هما عاوزينه وخلاص واخلص, اكبر هم في الدنيا ان الواحد يخلص مشوار في مصلحة حكومية

مع تحياتي :roseop:

رابط المشاركه
شارك

طيب يا اخواننا

هو المطلوب للدفع قانونا كام سنويا تامينات او تصاريح العمل

طبعا للمسافر

اعتقد تصريح العمل سنوياً على ما اتذكر 135 جنيه

وبخصوص التأمينات والمعاشات بترجع حسب أساسي الراتب بتاعك بس بصراحة مش عارف بيحسبوها ازاى. انا تعيين 2003 وبدفع سنوياً حوالى 500 دولار وليا واحد زميلي هنا تعيين 1999 وبيدفع في حدود 600 دولار, قسها انت بقي على حالتك وشوف في الغالب تعمل كام

مع تحياتي :roseop:

رابط المشاركه
شارك
  • 6 years later...
  • 8 months later...
  • 2 years later...
  • الزوار
Guest ابو عبدالله

حبايبنا

طلبوا مني في الشغل مخالصة الأمن العام و انا موظف حكومي و كنت باعمل تصريح العمل على اني بدون العمل حد يعرف ايه التفاصيل و ازاي احل المشكلة و شكرا

رابط المشاركه
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • نقص المتابعة سيؤدي لإفشال التحول الرقمي و العمل عن بعد

      التقدم في إستعمال تقنية المعلومات  إنجاز ما بعده إنجاز ما سبق كان إستهلال لابد منه ولكن ذلك لا يعني أن المسئولين - يحطوا إيديهم في جيوبهم و خلاص - و الكومبيوتر بيشتغل لوحده  حاجة كدة زي المخابز الألية ! الأمر يحتاج  لمتابعة و مراقبة مستمرة ما معني إن تليفونات قسم الإشتراكات في المركز الرئيسي للأهرام - ٦ أرقام - لا أحد يرد عليها رغم عشرات المحاولات ما معني أن رقم الدعم للبنك الأهلي المصري  - كل الخطوط مشغولة  حاول في وقت آخر مع السلامة -  ما معني إن شاشة البنك الأهلي

      في سياسة داخلية

    • هل التطعيم مسئولية المواطن ..ام هو مسؤلية الحكومة ؟

      وخرج المسؤول عن الهيئة الصحية يتحدث. بدلا عن الوالدين لأنهما لا يستطيعان التحدث ويشعران بالخجل والوجع وأنهما غرر بهما.. يشعران أنهما لم يحصلا على  معلومات كافية. قال عنهما.. هم..مواطنين من هنا...من كتالونيا. قال هذا...وسط كلمات كثيرة...فهم منها... أنهما زوجان...كتلان...من طبقة اجتماعية عليا. راقية .. ابنهما توفى ب..دفتريا... تعتبر هذه الحالة..الاولى منذ تلاتين سنة.. لماذا ؟ لأنهما ببساطة... لم يعطيا ابنهما التطعيم ضد هذا المرض. الذى تغلب عليه العلم بواسطة هذا التطعيم

      في استشارات طبية و نفسية

    • التعليم و العمل .. عن بعد

      تصلني يوميا جريدتي الأهرام و المصري اليوم  … الموزع يلقيهم في البلكونة  الساعة ٤ صباحا  و مع وجبة الإفطار في الصباح أكون قد تصفحت الجريدتين ؛ الأمر يستغرق أقل من ربع ساعة  أشعر بالغيظ من المحتوى  أنه أقرب إلى طق الحنك كما يقول الشوام …  اليوم وجدت مقالا جيدا للدكتور مصطفى الفقي في جريدة الأهرام  فعلا  الدهن في العتاقي  إليكم المقال بالنص :  رغم الأسئلة الحائرة والأخبار الغامضة حول ذلك الفيروس الذي لا يرى بالمجهر إلا بصعوبة، والذي ألزم البشرية كلها بأن تقبع في بيوتها، وأن تغير برامجها ا

      في مختارات من الصحف

    • بريطانيا بعد الهجوم الاليكتروني على حزب العمل .. ديموقراطيتنا في خطر

      الانتخابات العامة في بريطانيا يوم ١٢ ديسمبر ؛ و يوم الإثنين و الثلاثاء تعرض حزب العمل لهجومين اليكترونيين  … و الآن الحديث عن ضرورة تحديث النظام الانتخابي السائد ليلحق القرن الحالي و مازال هناك الكثير الذي سيقال عن تدخلات اجنبية غير مشروعة في انتخابات ٢٠١٦ و ٢٠١٧

      في  فى الثقافة و العلم

    • تغيير المهنة قبل الحضور للملكة لزيارة العمل

      السلام عليكم جميعا انا جالي شغل بالمملكة و لكن بفيزا زيارة عمل مش بفيزا عمل. بعيد عن كل شئ حاليا انا محتاج اغي المهنة بالباسبور من كيميائي الي مهندس نظم جودة  طبعا معيش عقد عمل و لكن معايا عرض وظيفي خارج من الغرفة التجارية بالرياض و موثق منها و من الخارجية السعودية  ازاي بقي هغير المهنة؟ ثانيا هل لازم اوثق شهادة التخرج قبل زيارة العمل؟   

      في المغتربين المصريين - egyptian expatriates

×
×
  • اضف...