أروع ما قدم العالم الجليل الدكتور / مصطفى محمود

[المهندسه]

انا اظن ان مصطفي محمود وبرنامجه العلم والايمان كانت صوره بدائيه لقناه ناشيونال جيوجرافيك الحديثه لكن مع بعض اللمحات والتعليقات الايمانيه

فعلا يا اوزوزو كل ما بشوف القناه دى بفتكره جدااا

ومرحبا بك معنا فى هذا التوبيك الذى اسميه المرجع الصغير للدكتور مصطفى محمود للمحاوراتين.

[nightmare]

عبارات خالدة للدكتور مصطفي محمود

نكون أو لا نكون

- كل العرب ينادون بالحرب و لا يريدون إلا السلام ، و إسرائيل تنادي بالسلام و لا تفكر إلا في الحرب .

- في الماضي كان هناك إمبراطور في جيبه سبعة آلاف مليون دولار هو الراحل شاه إيران ، ولم يستطع الشاه بكل ما في جيبه أن يشترى لحظة أمن و لا أن يشتري شقة يسكنها

...وظل يرتجف من الخوف و الهلع حتى لفظ أنفاسه … فهل تعلمنا ؟

- إن الأرض تهتز من تحت أقدامنا و غداً يفور التنور … فلنجتمع كما يجتمع الرجال ساعة الخطب الجلل و لنتفق على كلمة .

- لقد سقط جدار الرعب و أنشغل الفلسطيني بالفلسطيني و انفتح الطريق أمام إسرائيل إلى العواصم العربية .

- لماذا نخذل أنفسنا بأنفسنا و لماذا نظرب أعناقنا بأيدينا و لماذا نترك حرب المبادئ تتحول إلى حرب أشخاص و إلى تنازع رياسات و تنازع مناصب و تنازع غرور .

- إن السلام دبلوماسية مرحلة و إستراتيجية ظرف لا أكثر ، فلنفهمه في حدوده و لا نجعل منه أنشودة الخلاص فإن الخصم لا يريد لنا خلاصاً بل هو يصافح بيد و اليد الأخرى على الخنجر

اقرءوا تواريخ الأمم لتروا كيف يهلك الله أقواماً بعد أقوام ثم يستبدل غيرهم و لا يبالي

"من كتاب أيها السادة إخلعوا الأقنعة "

- المعاناة هي سلم الوصول إلي رحمة الله .. والدعاء هو المفتاح إلي باب القبول

"من مقال الأغلبية والأقلية"

- الأعمال وليست الدعاوي هي من تصنع الأبطال وليس العكس

" من مقال وضربوا لنا مثلاً "

- إن قلب لا يسكنه الخوف من الله .. ليس قلباً بل مقبرة

"من مقال نهاية الظلم "

- اريد لحظة إنفعال : لحظة حب : لحظة دهشة : لحظة إكتشاف : أريد لحظة تجعل لحياتي معني !!

- إن حياتي من أجل أكل العيش لا معني لها لأنها مجرد إستمرار !!!

- إفرح بالموجود يصبح في فمك كالسكر المعقود !!!

مع تحياتي

[nightmare]

من أروع ما قرأت مقال " كلنا في نفس السفينة"

السارق الذى يسرق فى غفلة من العيون يتصور فى العادة انه يقوم بعمل من أعمال الذكاء .. كما يظن الانتهازى الذى يقفز على أكتاف الآخرين بالرشوة واختلاس الفرص أنه أمهر وأقدر من غيره .. كما يتخيل صاحبنا الذى يخترق إشارة المرور أو يحدث أعلى ضوضاء فى الشارع أو يلقى بمخلفات بيته أمام باب جاره أو يتهرب من الضريبة انه شاطر وصاحب حيلة وانه استطاع ان يفوز بنصيب الأسد فى مجتمع المغفلين ..

ولو أن هؤلاء تابعوا فاتورة أعمالهم الى مجموعها النهائى وتابعوا ما تعرضوا له من خصومات لفوجئوا بأن الأعمال ترتد على صاحبها دائما فالذين يخترقون اشارات المرور يتعطلون فى النهاية أمام اختناقات وحوادث تخصم من رصيدهم واعمالهم أياما وشهورا فى المستشفيات .. والذى يتبول فى النهر هو الذى يشرب منه ..

وعادم السيارة يزكم أنف صاحبها كما يزكم أنوف الأخرين .. ورشاش المبيدات يقتل الحشرة الضارة والحشرة المفيدة ويصيب السمك فى البحر والفاكهة على الشجر ويصل الى لبن المرضع ولا يزال يتنقل حتى يصل الى أكباد هؤلاء الذين رشوا المبيدات والى أيديهم فيشلها ويتلفها

ان الشر والفساد له دورة يدور فيها يوزع فيها الاضرار على كل من يمر بهم ولا يزال يتنقل حتى يصل الى صاحبه فيصيبه ..

وهذه الدورة لا تعفى احدا ..

كلنا فى نفس السفينة ..

والذى يخرق السفينة أو يحاول ان يسرق منها لوحا أو مسمارا سيكون نصيبه الغرق مع الباقين .. لن يقول أفلت بنصيبى مجتمع المغفلين .. فحقيقة الأمر انه أول هؤلاء المغفلين وأكثرهم غباء .. وانه لن يفلت ..

وانما اذكى الكل هو الصادق المستقيم الفاضل الامين

ولو أدرك المجرم ان جريمته ستصيبه لتردد فى ارتكابها ولكن قصر النظر صور له أنه سيهرب والحق انه لم يكن يرى ابعد من انفه ..

فالعالم اتصل الأن وتقارب وتلاحم واصبح كنقطة فى فنجان

وقنبلة ذرية تطلق فى صحراء نيفادا يمكن ان تغير علاقات الطقس فى الفلبين وتثير غبارا ذريا يؤثر على المواليد فى استراليا ويقتل الأجنة فى اليابان .. ولذلك يجتمع الآن السياسيون العقلاء ليتفقوا على عدم تفجير القنابل الذرية وعلى الحد من الأسلحة النووية وعلى الحياة فى السلام لان الحرب سوف تقضى على الغالب والمغلوب ولن يسلم من المعركة أحد

ان تاجر المخدرات لن يهرب سليما بغنيمته فقد خلق مجتمعا من المخدرين وهو يعيش ضمن هذا المجتمع ويتعامل معه وسوف تصيبه الشرور التى أطلقها ان لم يكن اليوم فغدا أو بعد غد وان لم ترتد عليه فعلى بيته واولاده

والعالم بفضل العلم والأقمار الصناعية واللاسلكى والتلكس والتليفزيون اصبح صغيرا جدا .. اصبح غرفة واحدة وعائلة واحدة يرى الواحد فيها الآخر ويكلمه بمجرد الضغط على زرار

فأين يهرب المجرم بجريمته ونحن فى سفينة واحدة

متى ندرك هذا ونعيه جيدا ؟!!!

لو أدركناه ووعيناه جميعا لانتهى الإهمال والتواكل والرشوة والتسيب فى بلدنا ولأصبحنا على مستوى المواطن الأوروبي فى شهور.

مع تحياتي

تم تعديل 20 أكتوبر 2010 بواسطة nightmare

[لماضة مصرية جدا]

انا اظن ان مصطفي محمود وبرنامجه العلم والايمان كانت صوره بدائيه لقناه ناشيونال جيوجرافيك الحديثه لكن مع بعض اللمحات والتعليقات الايمانيه

السلام عليكم و رحمة الله و بركاته

قد اكون من محبي البرامج و الافلام الوثائقية جدا

و حاولت اكتر من مرة اتابع قناة ابو ظبي ناشيونال جيوجرافيك....علي فترات متباعدة

و اسمحلي استاذي اني اري ان برنامج العلم و الايمان...بفكر و تحليل الدكتور مصطفي محمود....افضل مئة مرة من اي فيلم وثائقي

انا كنت بستني ال 4 دقايق اللي بيختم بيهم دكتور مصطفي الفيلم

عارف حضرتك ليه

لانه بيديك الخلاصة في كبسولة

و الخلاصة المركزة دي....لازم يربطها في فهم الكون و بيربطها بمعرفة الله

و دي مش اي فيلم وثائقي هيقدر يطرحها

الفيلم الوثائقي بيقدم لك تأريخا لموضوع معين

لكن فكر مصطفي محمود كان بيحمل المشاهد انه يفكر في زاوية اعمق

و علي عكس العلم الغربي

لديه الزاوية الاعمق دائما هي مرتبطة بمعرفة الله سبحانه و تعالي

دي وجهة نظري

تحياتي

[لماضة مصرية جدا]

السلام عليكم و رحمة الله و بركاته

عندي اقتراح لصاحبة التوبيك و ارجو ان يتسع صدرها لي

التوبيك هو بمثابة مكتبة ثرية لمقالات الدكتور مصطفي محمود....و استاذنا سين سيتن كان جمع لنا من قبل بعض من مؤلفاته الموجودة ع الانترنت

بقترح ان احنا ناخد خطوة ابعد

القراءة خطوة اولي و خطوة مهمة

بس كل المقالات دي ممكن الاقيها ع الجوجل بكبسة زرار واحد

ليه مناخدشي الخطوة اللي بعدها

نشوف فكرة كل مقالة و نتحاور فيها.....نشوف هل وصلنا لفهم مشترك.....طب هل المقالة مثلا ليها اسقاطات في حياتنا اليومية

بتخيل هيجي يوم

هنختفي كلنا

لكن افكارنا هتبقي

و يجي ناس من بعدنا ممكن حوارنا يساعدهم و لو بنسبة واحد علي مية انه يشكل افكارهم و معتقداتهم

دي وجهة نظري

اللي مبتقللشي من مجهود اي حد تعب و بحث و ساهم في ادراج مقالة للدكتور مصطفي محمود

عسي ان تكون العلم الصالح الذي ينتفع به

تحياتي

[لماضة مصرية جدا]

السلام عليكم و رحمة الله و بركاته

لو وافقت صاحبة التوبيك و رواده علي فكرتي اللي اقترحتها فوق

اقترح ان يكون موضوع الحوار عن "الاصنام الجديدة"

موضوع ثري جدا

تحياتي

[masraweya]

السلام عليكم و رحمة الله و بركاته

............................

نشوف فكرة كل مقالة و نتحاور فيها.....نشوف هل وصلنا لفهم مشترك.....طب هل المقالة مثلا ليها اسقاطات في حياتنا اليومية

بتخيل هيجي يوم

هنختفي كلنا

لكن افكارنا هتبقي

و يجي ناس من بعدنا ممكن حوارنا يساعدهم و لو بنسبة واحد علي مية انه يشكل افكارهم و معتقداتهم

bv:-

و عليكم السلام و رحمة الله و بركاته

ممكن نخليه نادي للكتاب

كنا بنعمل كدة زمان ..نتفق على كتب أو مقالات (عشان الوقت) نقراها و نتناقش فيها

أعتذر لو مش ده المكان الصحيح للاقتراح

[لماضة مصرية جدا]

السلام عليكم و رحمة الله و بركاته

............................

نشوف فكرة كل مقالة و نتحاور فيها.....نشوف هل وصلنا لفهم مشترك.....طب هل المقالة مثلا ليها اسقاطات في حياتنا اليومية

بتخيل هيجي يوم

هنختفي كلنا

لكن افكارنا هتبقي

و يجي ناس من بعدنا ممكن حوارنا يساعدهم و لو بنسبة واحد علي مية انه يشكل افكارهم و معتقداتهم

bv:-

و عليكم السلام و رحمة الله و بركاته

ممكن نخليه نادي للكتاب

كنا بنعمل كدة زمان ..نتفق على كتب أو مقالات (عشان الوقت) نقراها و نتناقش فيها

أعتذر لو مش ده المكان الصحيح للاقتراح

السلام عليكم و رحمة الله و بركاته

استاذتي الفاضلة جزاكي الله كل خير

هي دي الفكرة....نقرا ...نحلل....نستوعب....نفكر....نربط

و هتندهشي من كمية الافكار اللي ممكن مقال واحد يثيرها في ذهن القاريء الواحد فما بالك لما تكون نخبة زي المحاورات

اراها فرصة لي للتعلم و التامل...باتساع الدائرة

و بانتظار موافقة صاحبة التوبيك

في امان الله

[المهندسه]

السلام عليكم و رحمة الله و بركاته

............................

نشوف فكرة كل مقالة و نتحاور فيها.....نشوف هل وصلنا لفهم مشترك.....طب هل المقالة مثلا ليها اسقاطات في حياتنا اليومية

بتخيل هيجي يوم

هنختفي كلنا

لكن افكارنا هتبقي

و يجي ناس من بعدنا ممكن حوارنا يساعدهم و لو بنسبة واحد علي مية انه يشكل افكارهم و معتقداتهم

bv:-

و عليكم السلام و رحمة الله و بركاته

ممكن نخليه نادي للكتاب

كنا بنعمل كدة زمان ..نتفق على كتب أو مقالات (عشان الوقت) نقراها و نتناقش فيها

أعتذر لو مش ده المكان الصحيح للاقتراح

السلام عليكم و رحمة الله و بركاته

استاذتي الفاضلة جزاكي الله كل خير

هي دي الفكرة....نقرا ...نحلل....نستوعب....نفكر....نربط

و هتندهشي من كمية الافكار اللي ممكن مقال واحد يثيرها في ذهن القاريء الواحد فما بالك لما تكون نخبة زي المحاورات

اراها فرصة لي للتعلم و التامل...باتساع الدائرة

و بانتظار موافقة صاحبة التوبيك

في امان الله

لماضه و مصراويه انا سعيده جداااا بأنضمامكم لنا فى هذا التويك...انا تعبت فى البدايه جدا لجذب الناس لهذا التوبيك وساعدنى كثيرااا جدا و اصبح نشاطه لا يقل ابدا عن نشاطى الزميل nightmare(لابد ان اعطى كل ذى حق حقه) وتحاورنا انا وهو وقدمنا للاداره بتغيير اسم الموضوع الى هذا الاسم الجديد ...ةقدمنا مطالب اخرى و لكن !!!

نحن نعلم جيدا انا و احمد nightmare ان بضغطه زر على جوجل يقدر اعضاء المنتدى ايجاد كل اعمال الدكتور ولكننا لاحظنا عدم اقبال الاعضاء على القراءه والمطالعه او الاعمال الادبيه والشعريه بأستثناء سمبا فى موضوع احاديث رجل و التى تشاركه معه اغابى..

فحببنا تقديم المعلومه اليهم بشكل يومى لجذب انتباههم والحمدلله نجحنا(كنا هنيأس و كنا بنكلم بعض انا و هو بس لكن كنت بقوله وماله ياخدوا فكره ويشتروا بكره) انا دعوت الاعضاء قبل ذلك فى موضوع "اخترت دينك" لقراءه كتاب الدكتور "رحلتى من الشك الى اليقين"فهو يجاوب على كل اسألتهم التى كانوا يتحاوروا فيها وكل منهم يتهم الاخر بالمعرفه الاوسع و يرجعوا ويتحاوروا ويلفوا و يدوروا...الخ ولكن لا احد فيهم عبرنى او حتى شكرنى بمشاركه"بأستثناء doha وpresident" رغم ان هذا الكتاب.يجاوب على اسئلتهم وبشكل اوسع واعلم من منظور دينى و علمى وفلسفى وذلك يرجع الى عدم اقبال الاعضاء على القراءه وان عدد قليل منهم يعرف قيمه الكتاب.

اما فكره التحاور فى المقالات والكتب ..كانت تراودنى فعلا هذه الفكره جدااا جدااا خصوصا ان كتابات الدكتور مصطغى محمود غنيه جدااا بمحتواها لدرجه انى احيانا اعود لقراءه نفس السطر مرات ومرات كى افهم ما يحتويه من فكره فلسفيه و دينيه...وهى فكره كنت سأناقش فيها الاخ احمد وطبعا اوافقك جدااا جدااا

اما عن ام هذا الموضوع يخصنى و انا صاحبته كما قلتى فأنا عند كتابه هذا الموضوع كنت احلم ان يشاركنى فيه الكثير و الكثير لكى يكون مرجع محترم للمحاوراتيه ..فكل من يشارك فى الموضوع هو صاحبه "وخصوصا انتى"

موافقه جدا على بدء النقاش

وارحب جدا بالاخت مصراويه وفعلا نتفق على كتاب او مقال ونبتدى "بالاصنام الجديده"

بس الا قوليلى يا لماضه هو انتى منين لماضه ومنين محبه للقراءه كده اتنين عكس بعض ده ليلى بنتى لماضه برضه و مغلبانى فى مسك القلم حتى هههههه

اسفه على التأخير فى الرد عليكم ...العيال بقه والبيت هههه(وشى وانا واقفه اغسل و اطبخ وبزعق ل ليلى هانم واختها)

لى عوده بس اشوف العيال ال بيضربوا بعض ...هروح اديهم شبشبين وجايه حالا

تم تعديل 22 أكتوبر 2010 بواسطة المهندسه

[masraweya]

حبيبتي المهندسة

أنا بفرح جدا لما الاقي الناس لسة بتقرا.. بالذات الأمهات .. تخيلي اولادك لما يطلعوا يشوفوكي بتقري .. هيقلدوك و يبتدوا يغوصوا في عالم القراءة و الإبداع

صحيح هتزيد لماضتهم .. بس هيبقى على قلبك زي العسل

ملحوظة .. كتيير آجي أديكي أخضر يقولي نفد رصيدكم

:sad:

ملحوظة تانية .. أنا كنت اقترحت على لماضة اننا نخاطب الإدارة لإنشاء قسم مخصوص في أدب و شعر نسميه نادي الكتاب .. نقترح فيه مقالات و كتب نقراها ونتناقش فيها بحيث يصبح الموضوع أعم

ما رأيكم دام فضلكم؟

تم تعديل 22 أكتوبر 2010 بواسطة masraweya

[لماضة مصرية جدا]

اما عن ام هذا الموضوع يخصنى و انا صاحبته كما قلتى فأنا عند كتابه هذا الموضوع كنت احلم ان يشاركنى فيه الكثير و الكثير لكى يكون مرجع محترم للمحاوراتيه ..فكل من يشارك فى الموضوع هو صاحبه "وخصوصا انتى"

موافقه جدا على بدء النقاش

وارحب جدا بالاخت مصراويه وفعلا نتفق على كتاب او مقال ونبتدى "بالاصنام الجديده"

بس الا قوليلى يا لماضه هو انتى منين لماضه ومنين محبه للقراءه كده اتنين عكس بعض ده ليلى بنتى لماضه برضه و مغلبانى فى مسك القلم حتى هههههه

اسفه على التأخير فى الرد عليكم ...العيال بقه والبيت هههه(وشى وانا واقفه اغسل و اطبخ وبزعق ل ليلى هانم واختها)

لى عوده بس اشوف العيال ال بيضربوا بعض ...هروح اديهم شبشبين وجايه حالا

السلام عليكم و رحمة الله و بركاته

الغالية الباشمهندسة

جزاكي الله كل خير ان الفكرة راقت لحضرتك

في البداية بس خليني أشراك حضرتك بخبرة متواضعة جدا جدا في الكتابة ع المنتدي

حقيقي جدا أن كتابتنا علي المنتدي هي بغية التحاور و بغية تحدي العقل في التفكير من زوايا مختلفة

و لكن ليس هناك معيار او طريقة معينة لجذب القاريء إلي مساحة بعينها....سوي المساحة ذاتها و قدرتها علي إمتاع العابر....و ليس المحاور

كما ذكرت لحضرتك آنفا....مقالات الدكتور مصطفي محمود بالفعل موجودة علي الانترنت....لكن الحوار حولها هو ما ينقص تلك المساحة

من وجهة نظري المتواضعة...حين تؤمنين....بفكرة ما...استمري بها....حتي و ان لم يتشارك بها سوي القليلن...فقط كوني كقطرة الماء....التي تتساقط رويدا رويدا فتفتت الصخر

و حين تحتسبين كل كلمة تخط بها يداكي....علها تكون الصدقة الجارية....العلم الصالح الذي ينتفع به....فستجدين أنك ستتركين خلفك مساحة تثير الفكر....قد تجنين ثمارها هنا....و قد تجنين ثمارها في عالم آخر

اختياري لموضوع "الاصنام الجديدة"....لأانه محفز للفكر بشكل خاص

سأطرح ما أتامله في المعني في مداخلة أخري باذن الله

ع جنب بقي

ايه علاقة اللماضة بقي....بالعلام....انتي ليه محسساني اني نحو الامية.... :lol: أينعم انا في بعض المواقف...(و خصوصا موقف عبود)...بتحسي اني صعيدي داقق عصافير جنب عينه اليمين....بس لا يمنع اني بستمتع بالقراءة....يعني مش هنجعص بيمسك ع الكنبة اللي انا قاعدة عليها دلوقتي و اقولك اصلي بقرا كل يوم مش عارفة ااد ايه...(وش احمد الضيف في فيلم مش فاكراه دلوقتي...بس تقريبا الزواج علي الطريقة الحديثة )

بس حضرتك معلومة صغنتتة جدا....الطفل اللمضاوي دوت...عنده طاقة...و عنده في نفس الوقت استقلالية و اعتزاز بشخصيته اوي...و عشان كده دايما عنيد... wst:: ....او صعب تطوعيه....عشان عاجباه دماغه

بالنسبة لبنوتة حضرتك.....افهمي بس الزرار بتاع دماغها منين....و دوسيه عليه.....من غير استعمال اي اسلحة بيضاء..(سيبي البتاع اللي في ايدك دوت....شايفاكي :lol: )

و الله هتلاقيها....اخدت في دنيا تانية خالص

ربنا يباركلك فيها و في اختها و تكون قرة عين لحضرتك في الدنيا و الآخرة

صباح حضرتك....نور يوم الجمعة.....ربنا يدينا فيها ساعة إجابة

في أمان الله

[لماضة مصرية جدا]

ملحوظة تانية .. أنا كنت اقترحت على لماضة اننا نخاطب الإدارة لإنشاء قسم مخصوص في أدب و شعر نسميه نادي الكتاب .. نقترح فيه مقالات و كتب نقراها ونتناقش فيها بحيث يصبح الموضوع أعم

ما رأيكم دام فضلكم؟

السلام عليكم و رحمة الله و بركاته

اقتراح جد جميل

بس هو سؤال....ايه علاقة الادارة بالموضوع

اصل حضرتك عندك الحرية انك تفتحي اي توبيك..في اي موضوع...و تصنفيه في الباب الاقرب للفكرة

و بالنسبة للنقاش في التوبيك...طب ما هو اصلا المنتدي عبارة عن "مكلمة"...يعني كلام....و حوار رايح جاي

يبقي ايه دور الادارة هنا؟؟

انا شخصيا جهة نظري لما يكون عندك فكرة نفذيها...حطيه في ارض الواقع....قصدي علي ملعب المنتدي...و تابعيها

دي وجهة نظر

صباح حضرتك.....وجهات نظر....فوق بعضيها

[المهندسه]

هبتدى بدايه بسيطه فى النقاش ثم انتظر مشاركتكم

كان اغراق العالم في الفساد وشغل العبيد في شهواتهم حتي لا يفيقوا وحتي لا ينتبهوا الي ما يراد بهم وفضائيات اوروبا التي تذيع العمليه الجنسيه بتفاصيلها وتبثها بالصوت والصوره والالوان علي شباب العالم شاهد علي ما اقول‏.‏

وطوفان المخدرات وعصابات دعاره الاطفال‏.

السياسه الرخيصه التى دوما تلعب بها الحقيره التى تدعى اسرائيل ..لخصها الدكتور فى هذه المقاله و لكن اقف عند هذه السطور

فعلا اسرائيل تحاول شغل العالم والدول الى لا تريد ان تتدخل عسكريا فيها مثل مصر مثلا الى ...شغل شعبه و ناسها بالحياه و المعيشه و الغلاء و نتغيرات جديده تدخل على شعبها لم تكن موجوده من قبل ...فمثلا لا استبعد ابدا ان ازمه رغيف العيش هو تخطيط وتكتيك منها لطفح الكيل علينا مما يترتب عليه كرهنا للعيشه و البلد وال فيها...اجبار مصر على تديدها بالغاز الطبيعى و دفع القليل من القروش سعرا له مما يترتب عليه نقص المخزون و حصول ازمه فى الغاز فى مصر و تظهر مصر بأنها عميلا لليهود امام العالم اجمع لتحظى بعدم احترام وكره من الشعوب الاخرى العربيه مثلا التى لاتنادى بالتطبيع مع اسرائيل و يترتب عليه غلو اسعار الانابيب و ارهاق الشعب و تحميله اكثر ما يطيق و يكره البلد والفيها و العيشه....

اما عن سيناء فحدث و لا حرج فهى دوله اليهود فقط ..صدق او لا تصدق انهم يدخلونها دون تصاريح ولا احم ولا دستور...بلد ابوهم هما مش احنا

ويمدو مصر عن طريق سيناء بالمخدرات التى تتلف عقول الشباب و تجعلهم غارقين فى دنيا غير الدنيا و فى حياه ليس لها معنى ولا طعم ولا لون ..مما يجعلهم فشله الشباب فى العالم ويقل عدد مبدعى مصر التى طالما كانت تمد العالم كله بالعلماء و خيره الشباب حول العالم...ويفسدوا شباب الجامعات و تصبح المخدرات تباع فى جامعات مصر كالبونبون و بأسعار رخيصه لان لا يهمهم الكسب المادى و لكن يهمهم اباده شباب مصر رجال المستقبل لكى تصبح اكتافهم رخوه هزيله غير قادره على حمل مصر ولا مستقبلها و تشيع فيها الاختصامات و الهرجله و يصبح ضهر شبابها منحنى تعبا و رهقا و تقدر هى "اسرائيل" وقتها للركوب على ظهر مصر و تقول لها "شيه"

وتمد مصر بمتغيرات و اضافات جديده لم تكن موجوده سابقا مثل الموضه فى اللبس و حتى الاكل و الشرب وانتشار الكافيهات "بتاعت الشباب الذوات بس" ودفع عشرات الجنيهات فى كوب شاى مثلا ..كل هذا تدسه يد الطاغيه اسرائيل الى البلد عن طريق الاعلام وافلامهم التى يقلده الشباب كالاعمى الاصم المعاق الذى لا يقدر على التفكير

حاولت و نجحت فى جعل الشباب بل العالم كلع يتصور ان الغرب هو التقدم والتكنولوجيا و الازدهار و النجاح و بالتالى تنساق وراءها دون تفكير او اراده ولغت عقول الشباب فى التفكير فى الانسياق وراء الغرب فى العلم والتكنولوجيا فقط ولكن لا انساق فى التحرر الغير مبرر و الذى لا يحكمه دين او اعرافنا و تقاليدنا بل بهرتهم اضواءها لكى تجعلهم ينساقون وراءها فى كل شىء دون اراده رأوه وراء اتباعها مبلغ قصدهم وفهمهم المتدنى والسطحى لمعنى التقدم...حتى اتباعهم وراء الاعمال الجنسيه المصوره متناسين علوم الدين والحلال و الحرام و الكبائر متناسين لعنه الله لهؤلاء القوم من بنى اسرائيل الذين طغوا فى البلاد

ارجو من الله هدايه الشعوب العربيه و الاسلاميه والرجوع لكتاب الله و عدم التقليد الاعمى لهؤلاء الشعوب المنحله اخلاقيا فهم كالسوس والعته التى تأكل فى نسيج بلادنا لتتركه مهلهل يتخلله الفجوات التى تسمح لهم بالدخول اكثر و اكثر.

تم تعديل 22 أكتوبر 2010 بواسطة المهندسه

[masraweya]

بس هو سؤال....ايه علاقة الادارة بالموضوع

و عليكم السلام و رحمة الله و بركاته

قصدي انه يكون قسم فيه كذا موصوع .. واحد للاقتراحات مثلا و واحد لكل مقال او كتاب نتفق عليه

عملية تنظيمية ليس أكثر

دمتم بخير

[المهندسه]

حبيبتي المهندسة

أنا بفرح جدا لما الاقي الناس لسة بتقرا.. بالذات الأمهات .. تخيلي اولادك لما يطلعوا يشوفوكي بتقري .. هيقلدوك و يبتدوا يغوصوا في عالم القراءة و الإبداع

صحيح هتزيد لماضتهم .. بس هيبقى على قلبك زي العسل

ملحوظة .. كتيير آجي أديكي أخضر يقولي نفد رصيدكم

:sad:

ملحوظة تانية .. أنا كنت اقترحت على لماضة اننا نخاطب الإدارة لإنشاء قسم مخصوص في أدب و شعر نسميه نادي الكتاب .. نقترح فيه مقالات و كتب نقراها ونتناقش فيها بحيث يصبح الموضوع أعم

ما رأيكم دام فضلكم؟

يعنى هو على حظى رصيدك بيخلص كل شويه حد يبعتلى رساله خاصه يقولى فيها " بيبقى نفسى اديكى نقاط خضرا بس رصيدى خلص" هو انتوا متفقين "المنحوس بقه" ...تعاطفكم لوحده مش كفايه ههههه

بالنسبه لمخاطبه الاداره اعتد هيقولولك ان فى باب للادب فعلا لانى كتب خطاب طويل عريض بمطالب و لم ينفذ منها سوى تغيير اسم الموضوع فلت خلاص خلينى مع نفسى مستمره و خلاص العاوز يقرأ هيدور و هيوصل...

خالينا احنا مع بعض نعمل المواضيع ال احنا عاوزنها و نتناقش فيها و نعمل ما بدالنا بس نستمر و نجاهد و اكيد هنلاقى ناس تشاركنا و ننجح نجاح اكبر ان شاء الله و العاوز يدخل يشاكنا اهلا و المش عاوز ادينا بنستفيد احنا و بنحقق حاجه احنا عاوزنها ..بس برضه قدمى الطلب يمكن يكون فى استجابه

بس على فكره لو الاداره استجابت برضه مش هتلاقى غيرنا بيشارك

تم تعديل 22 أكتوبر 2010 بواسطة المهندسه

[المهندسه]

يالاه يا لماضه و مصراويه فتحنا باب النقاش و التحاور مستنيه مشاركتكم ولا هفضل لوحدى

تم تعديل 22 أكتوبر 2010 بواسطة المهندسه

[masraweya]

بصي يا باشمهندسة (ترقية اهي) ..كلامه ده جزء من الحقيقة

نظرية المؤامرة لها شواهد كثيرة .. لكن مش المفروض تبقى هي الشماعة

فين دورنا إحنا؟

النظم الحالية في عالمنا العربي تفعل أكثر من هذا لمجرد ضمان عروشها

تسعى بكل دأب لزيادة الجهل و التخلف و ألهاء شعوبها -أزمات مفتعلة .. مصادرة الحريات .. إلخ

و مرة لأخرى .. يحيرني السؤال .. أين نحن .. و إلى متى السكزت؟

[المهندسه]

بصي يا باشمهندسة (ترقية اهي) ..كلامه ده جزء من الحقيقة

نظرية المؤامرة لها شواهد كثيرة .. لكن مش المفروض تبقى هي الشماعة

فين دورنا إحنا؟

النظم الحالية في عالمنا العربي تفعل أكثر من هذا لمجرد ضمان عروشها

تسعى بكل دأب لزيادة الجهل و التخلف و ألهاء شعوبها -أزمات مفتعلة .. مصادرة الحريات .. إلخ

و مرة لأخرى .. يحيرني السؤال .. أين نحن .. و إلى متى السكزت؟

نظريه المؤامره اذا كانت من دول تسعى و تسعى للوصول الى مؤامرات ...بل تدرس و تخطط و عاشت لحقوب و حقوب تغرز فى شعبها فن التأمر و التلاعب وفن اغراقنا فى الحضيض ...بل وايضا تدرسه ببراعه وتدرسه لابنائهم فهو منهاج اصبحت تتقنه هذه البلاد و اصبحت محترفه فيه فى نفس الوقت التى اصبحت قدراتنا للمقاومه ضعيفه و هشه ونغرق فى ظروف سياسيه واقتصاديه سخيفه ..فحتما ستنجح وتنتصر وهى ليست شماعه ابدا

فأذا فعلنا مقارنه بسيطه بين شبابهم وشبابنا فهم مثلا يدعمون البحث العلمى ببلايين الدولارات اما نحن لا نهتم به اطلاقا فهو فى غير الحسبان

حكوماتهم تدعم ماديا و صحيا فى الوقت ذاته التى تسعى فيه بلادنا الى الغاء التأمين الصحى او تقنينه..

فى بلادهم شىء عادى جداا ان يكون عندك وظيفه ومرتب تقدر به ان تعيش عيشه كريمه انت واولادك ...حتى لو لم يوجد فائض ..اما نحن عندنا عدد لابئس به يعيش عيشه غير ادميه وتحت خطوط الفقر العريضه ..

وكثير و كثير من المقارنات التى تجعل كثير منا يفكر ان التقدم هو الغرب ...يكفى انه اذا نظرنا حولنا لن نجد ابدا اى شىء صناعته محليه بل كله صناعه الغرب...

كل ذلك نقاط ضعف عدنا ونقاط قوة عندهم تجعل المقاومه لشبابنا ضعيفه ..كيف تقنعيهم بغير ذلك ...كيف تقنعيهم ان الاصل عندنا و نحن الذين اهملناه ..ان اصل الطب هو بن سينا.. ان الرياضيات هى الخوارزمى و هم بمزيد من الجهد بدؤا من حيث انتهى علمائنا فتفوقوا ولكن الاصل نحن..

كيف سننصح الشباب بالولاء لبلاده وهو غير قادر على العيش فيها عيشه عاديه يحصل فيها على ابسط الحقوق...وهى ليس عندها ولاء له ابدا بل تتمنى مزيد من الهجره و السفر للخارج كى تخفف من على اكتافها و كى يجلبوا لها العمله الصعبه والاستثمارات..فكيف تأخذ الام ولا تعطى

الاصلاح لابد ان يبدأ من فوق ...من الحكومات العربيه والاسلاميه ..اصلاح الفساد المتفشى فيها..الولاء منهم للبلد...حب البلد حب حقيقى للنهوض بها لكى تكون غاليه على ابنائها و حينئذ ستتغير نظرة الشباب للغرب و ستتضح رؤياهم و تتسع دائره الضوء امامهم ليروا مساوىء

حياة الغرب و بلاد الغرب كلها ويرجع الشرق يضىء العالم كله بعلمه و يصبح قدوه ثانيا مثلما كان من قرون بعيده

ذلك الجهد سيأخد سنوات كثييره و كوادر صادقه فى عملها و لكن النتيجه تستحق الجهد...ولكن اين من ينفذ؟؟؟

اين انت يا محمد على الذى وصلت فتوحاتك اوروبا ونهضت فى عصرك البلادمن تعليم بأرسال بعثات تعليميه و صناعه و زراعه و بناء القناطر والنهوض بالجيش الى ن اصبح اقوى قوه عسكريه فى العالم واصبحت بلادك فى عهدك قبله للعلم والتقدم

..الله يرحم الزعماء ماتوا خلاص

تم تعديل 22 أكتوبر 2010 بواسطة المهندسه

[لماضة مصرية جدا]

السلام عليكم و رحمة الله و بركاته

عجبني اوي تناولكم لفكرة "نظرية المؤامرة"

وممكن اشارك برايي المتواضع جدا

دايما لما بنطرح "نظرية المؤامرة"...بلاقيها بتنطرح في السياق السياسي و ممكن البعض بياخدها بشكل تهكمي....أو بشكل اسقاطي لما بنعلق علي خيباتنا علي شماعة "نظرية المؤامرة"

اللي مستوقفني في الحكاية

يعني ايه...نظرية

يعني مجموعة من القواعد.....و لو بشكل علمي تبقي ايه

الاسلوب العلمي لحل المشلكلات بيقولك

1- حدد المشكلة

2- جمع بيانات

3- حط افتراضات

4- جرب الافتراضات

5- طلع قانون

حلو

اهي نظرية....المؤامرة....او اي نظرية مبينة علي الخطوات دي

لو اخدنا مثلا السياق السياسي

1- حدد مشكلة العرب...."ببساطة..."بيتكلموا اكتر ما بيعملوا....احنا اخوة...و اول سؤال بنساله لبعض...انت منين...صح"

2- جمع بيانات.....اديني بقي الفرق اللي هتلعب معايا....مصر....مسيحين...مسلمين....و شوية كده نبقي نطلع البهائيين

لبنان...الشمال و الجنوب.....السعودية.....الحدود و اليمن

و جمع بقي بيانات

3- حط افتراضات.....لو ضربنا كرسي في الكلوب....اللمبة هتتكسر علي دماغ مين.....اللي قاعد ع اليمين و لا اللي قاعد ع الشمال

4- تعالي نطبقها......ولع في حتة.....شعلل....و هيج....و اديك بتعمل حاجة بنسميها بتجس النبض او بمعين اصح Testing Water

5- القانون بتاعك ايه بقي.....اضرب في الحتة دي المرة الجاية مباشرة

و خصوصا انك جربت السخونة في المحاولات التجريبية

في علم الحيوان بيقولك...لو عندك فريسة عايز تصطادها.....متروحشي تحاربها بنفسك....ابعتلها حيوان تاني بس اعلي في المرتبة الحياونية....ليه بقي...عشان ينهكها....تقوم انتي هاجم و تاخد بالروقان

نفس النظرية ......بعيد عن السياسة

تتطبق في كل حاجة في حياتنا

و الله العظيم في كل حاجة

بداية من عم عبده البواب....و تحايله عشان ميجبشي الطلبات....مروروا بالزوج اللي عايز يتجوز علي مراته.....و نهاية بتدمير و تفتيت بلد باكمله

النظرية هي عبارة عن نموذج.....هيكل عظمي يعني.....كل شوية بيتكسي لحم.....بس مرة لحمة حمرا....و مرة لحم من الصومال....(ايه نشفان الريق دوت... :lol: )

لو اخدنا خطوات النموذج نقدر نطبقها علي كل حاجة في حياتنا

الحل ايه بقي

خلاص يعني احنا مستهدفين.....حتي من عم عبدالسميع البواب...(مش كان اسمه عبده؟؟؟؟)

اه مستهدفين...طول ما انت مش قاري دماغ اللي قدامك....و طول ما انت لسه محطتش ايدك علي ايه مصالحه....يبقي مستهدفين

و لازم اللمبة اللي كنا هنكسرها بالكرسي فوق....تبقي شغالة طول الوقت

اللمبة تشتغل لما نفكر.....نحلل....نربط.....و الاهم نلاحظ.....و نعود عينينا انها تلاحظ....و تلقط اللي ابعد من الصورة

دي وجهة نظري

و اتمني مكنشي طولت عليكم

ع جنب بقي

احنا هنتناقش هنا و لا في نادي الكتاب.....انا هقضيها بقي مواصلات رايح جاي و لا ايه...كل دي مصاريف...(وش موظف اخر الشهر بيطلع جيوبه الفاضية)

بس خلاص

فوتكم ب......لمبة... :rolleyes:

[Om Zayd]

شوفوا .. لو هنقول كل حاجة سببها مؤامراتهم

برة .. أغلب الحاجات مصنوعة في الصين

الشباب مش مركز .. قدوته لاعبي الكرة و عالم الاستعراض و هو ايضا ينتظر فرصة للشهرة و الثراء السريع

ما الفرق؟

نظام صارم يسري على الكل .. يحدد المسئوليات .. الحقوق و الواجبات و يعاقب المخطئ أيا كان