أروع ما قدم العالم الجليل الدكتور / مصطفى محمود

[المهندسه 154]

http://www.youtube.com/watch?v=QZVpgf9baKA&feature=related

الله يرحمه كان بيأذن فى مالطه!!!الله يرحمه

تم تعديل October 2, 2010 بواسطة المهندسه

[أبوعمار 340]

طبعا مصظفى محمود رحمة الله عليه... عقلية صعب انها تتكرر

وفي ناس كتير والله في مصر لحد الآن

مفكرين وعلماء وحتى أدباء... عباقرة

وممكن يكونوا بداية للإصلاح اللي أنا مستنيه

ولا يكتر على الله اني أشوف واحد زي مهاتير محمد يمسك بلدنا

ويرجع الأمور لنصابها

ويعطي كل ذي حق حقه

أشكرك على الفيديو القيم

[nightmare 254]

تسلم ايدك يا باشمهندسة

رحمه الله كان عالماً جليلاً قلما نجد مثله في زماننا.

لا أنسي أبداً إلتفافنا ونحن صغار حول التليفزيون لمشاهدة "العلم والإيمان".

الواحد بيتحسر وببكى بدل الدموع دم, ومش قادر اتخيل ازاى بلد كان ومازال عندها هؤلاء العلماء النوابغ في كل المجالات وعندها هذه الطاقة البشرية الهائلة من الشباب الواعى والمجتهد, ومازالت في هذه الحالة التى يرثي لها .

حسبي الله ونعم الوكيل فيك يا اللى في بالىmd2: , أشوف فيك يوم يا بعيد md2:

[محمد عبدالعزيز 183]

الله يرحمك يا دكتور مصطفى

أنا كمان بقيت حاسس إننا قريباً حنبقى متحف بشرى مفتوح على أرض مصر, وييجوا الناس المتقدمين دول يعملوا علينا دراسات و يتفرجوا علينا ويتصوروا معانا على سبيل التسلية.

يلا فكرة سبوبة لوز أهى لرجال الأعمال من أصحاب الفكر الجديد.

[المهندسه 154]

ولا يكتر على الله اني أشوف واحد زي مهاتير محمد يمسك بلدنا

اللهم امين يا ابو عمار يجى مهاتير محمد تانى و محمد على اخر بنهضته الواسعه والشامله فى مصر كن تعليم وزراعه وصناعهوفتوحات للجيش

الله يرحم كل قائد وحاكم عادل و عنده ضمير و يطبق الحديث الشريف "كلكم راع و كل راع مسئول عن رعيته"

لا أنسي أبداً إلتفافنا ونحن صغار حول التليفزيون لمشاهدة "العلم والإيمان".

فكرتنى بايام زمان يا nightmare يااااه فين الايام دى دلوقت هاتلى برنامج واحد بلتف حوله الاطفال...وسلملى على star academy

أنا كمان بقيت حاسس إننا قريباً حنبقى متحف بشرى مفتوح على أرض مصر, وييجوا الناس المتقدمين دول يعملوا علينا دراسات و يتفرجوا علينا ويتصوروا معانا على سبيل التسلية.

والله يا استاذ محمد انا خايفه الناس تيجى فعلا من جميع دول العالم بس علشان تتفرج علينا وتتسلى فعلاوهى بتحدفلنا موز!!!!!

[اغابي 430]

بصراحة يا بشمهندسة تستهلى نقطة خضرا

هو فعلا كان رجل علم وايمان

الراجل داه انا بحترمه اوى من زماان وباحترم كل كلمة بيقولها والبرنامج بتاعه ليه ذكريات فى البيت

لان كلنا كنا نتجمع نستناه وخاصة بابا داه حتي موسيقى البرنامج كنت بحبها اوى بتسحبك لمكان بعيد اوى

وعلمه وثقافته وصوته وحكمته وهدؤه وتاملاته مش بسهولة يتنسيوا ابدا ابدا

وله رؤية خاصة فى امور كتير اوى بعيده المدي

الراجل داه من رموز مصر حقيقي

الله يرحمه دكتور مصطفى محمود

اغابي

:roseop:

تم تعديل October 2, 2010 بواسطة اغابي

[sarmar 7]

بصراحة يا بشمهندسة تستهلى نقطة خضرا

هو فعلا كان رجل علم وايمان

الراجل داه انا بحترمه اوى من زماان وباحترم كل كلمة بيقولها والبرنامج بتاعه ليه ذكريات فى البيت

لان كلنا كنا نتجمع نستناه وخاصة بابا داه حتي موسيقى البرنامج كنت بحبها اوى بتسحبك لمكان بعيد اوى

وعلمه وثقافته وصوته وحكمته وهدؤه وتاملاته مش بسهولة يتنسيوا ابدا ابدا

وله رؤية خاصة فى امور كتير اوى بعيده المدي

الراجل داه من رموز مصر حقيقي

الله يرحمه دكتور مصطفى محمود

اغابي

:roseop:

كان الزمان جميلا والحياة اجمل بل كانت مصر ام الدنيا كان استاذا للعلماء والمفكرين والساسة والموظفين والعمال والفلاحين كان استاذا لشعب باكملة يتعلم ويقرأ ويعلمنا جميعا كبيرا ام صغيرا حتى من لايستطيع النطق كان يفهم من هذا البرنامج الذى كنا نسمع موسيقاة فى الطريق فنسرع الى البيت كى نتمكن من اللحاق بة ومشاهدتة

كنت ترى فية اخ كبير ام والد او معلم او عالم محترم انة هرم كبير من رجالات العصر الجميل اللة انفعة بما علمنا واغفر لة وادخلة الجنة برحمتك

[شريف مان 53]

فعلا كلام كله عبر :)

الله يرحمك يا دكتور مصطفى

[Mr MAGED 125]

باحييكي يا باشمهندسة علي اختيارك الجميل

وتذكيرك لينا بفتلة من فلتات الزمن

والكلام ده مش موجه للشباب من 25 سنة بس

ده موجه للشباب في كل وقت وفي كل أوان

لأن العلم بس هو السلاح الوحيد اللي نقدر نواجه بيه أي شيء

وهو السبيل الوحيد للتقدم

وهو الطريق الوحيد لكل شاب عايز يكون فعلا انسان له كيان في المجتمع

تحياتي وتقديري

[masraweya 332]

السلام عليكم

جزاكم الله خيرا

الفرق يبدو مرعبا بيننا و بينهم.. لكن لا زال هناك إمكانية أن نلحق بالركب

إذا توافرت الإرادة و الرغبة الحقيقية في النهوض سيمكن إصلاح التعليم و الإعلام و سيصبح البحث العلمي و الإنفاق عليه أمن قومي

لن نبرر كل شيئ بالزيادة السكانية و يصبح الإنجاز الوحيد أننا لا زلنا احياء

[المهندسه 154]

باحييكي يا باشمهندسة علي اختيارك الجميل

وتذكيرك لينا بفتلة من فلتات الزمن

والكلام ده مش موجه للشباب من 25 سنة بس

ده موجه للشباب في كل وقت وفي كل أوان

لأن العلم بس هو السلاح الوحيد اللي نقدر نواجه بيه أي شيء

وهو السبيل الوحيد للتقدم

وهو الطريق الوحيد لكل شاب عايز يكون فعلا انسان له كيان في المجتمع

تحياتي وتقديري

كلنا طبعا فاكرين دائما الدكتور مصطفى محمودوعمرنا ما بننسى برنامجه ابدا ..لكن نسينه كلامه للاسف الشباب فى وقتها من 25 سنه ال كان موجه لهم هذا الكلام

لو كانو وعوا هذا الكلام جيدا كان حصل جزء من التغيير فى هذه الايام..لكن الواضح ان شباب امس لم يفهموا الدرس و لم يعووه وتلك هى النتيجه ...اتمنى نحن

اباء اليوم ..ان نغرس فى ابناءنا قيمه العزه والكرامه التى لن نحصل عليها الا بالتعلم والتمييز وسط هذا العالم...لكى لا يكونوا(نسانيس)

تم تعديل October 3, 2010 بواسطة المهندسه

[الباشمهندس 2]

الحقيقة ان كلام الدكتور مصطفى محمود رحمه الله كلام واقعي و لا يحمل اي مبالغة فالعالم يسير من حولنا بسرعة و نحن العرب و المسلمين بصفة عامة و المصريين بصفة خاصة ما زلنا نحبو و نتحسس طريقنا وسط العالم و الاغرب اننا ندرك ذلك تماما و حكوماتنا المتعاقبة تدركه اكثر منا و لا نحرك ساكنا لتدارك الموقف و محاولة اللحاق بركب الحضارة الذي اصبحت المسافة بيننا و بينه ابعد ما بين الارض و القمر .....رحم الله هذا الرجل و هدى حكوماتنا و ولاة امورنا لمافيه صالح امتنا

[المهندسه 154]

لن نبرر كل شيئ بالزيادة السكانية و يصبح الإنجاز الوحيد أننا لا زلنا احياء

كلمه حلوه اوى ..فعلا لابد من المحاوله لاننا لازلنا احياء ...لكن للاسف قدروا يلهوا الناس بالاسعارال ارتفعت و الغلاء ...بقه الناس همهم توفير لقمه العيش

فقط وبعد كده الباقى محلول بس نوفر ال ممم الاول

[جسار 86]

وأن كنا نقدر رسالة د/ مصطفى محمود رحمه الله حول دور الشباب فى التنمية والنهضة الأ

أننى أجد أنه من المفترض ان توجه مثل تلك الرسائل للقائمين على ادارة شئون البلاد

لانه وببساطة لم تعطى لذلك الشباب فرصتهم الحقيقية فى المشاركة فى بناء وطنهم ، وأنظروا

حولكم ستجدون ان كل المراكز القيادية فى مصر سواء اكانت فى الجهاز الحكومى أو فى الاحزاب

السياسية كلهم كهول تعدوا السبعين من عمرهم باستثناء الطفل المعجزة أحمد عز ، ومن ترك منهم

المنصب الوزارى أو التنفيذى وجدوا مكانا آخرا فى المجالس القومية أو المحافظات أو مجلس الشورى

أو مستشارين بمرتبات خيالية فى الهيئات والبنوك والوزارات المختلفة وسبب ذلك معروف للجميع

وهو أن المناخ الديكتاتورى دائما ما يبحث عن الولاء أولا وكرهه للتغيير فى قيادات البلد وذلك

للهوس الامنى والخوف من الجديد واللى نعرفه احسن من اللى ما نعرفوش

كم من الشباب حاول فى بدايات حياته فى العمل ان يقدم أقتراحات كثيرة لتطوير العمل وزيادة

الانتاجية وسهولة الاجراءات فى الاعمال الادارية فماذا كان مصيره ام الاهمال المتعمد أو زجره

بلغة واضحة هو انت حتعرف احسن مننا وهو انت مين علشان تعدل علينا .

أن أستمرار ذلك النظام الاستبدادى فى فرض حكمه على المصريين ليس فقط يكتم الحريات ولكنه

وهو الاهم يمنع الابداع الحقيقى عند الشباب وهو بمثابة تجديد خلايا الجسم البشرى ويصاب

المجتمع بحالة تكلس فى شرايينه .

[المهندسه 154]

أننى أجد أنه من المفترض ان توجه مثل تلك الرسائل للقائمين على ادارة شئون البلاد

جبتلك يا جسار رساله للدكتور مصطفى محمود برضه للحكومه والحل للتقدم

http://www.youtube.com/watch?v=n-z2E0lCOQ8

تم تعديل October 3, 2010 بواسطة المهندسه

[مسافر زاده الخيال 278]

يظل هذا العبقري احد المبدعين الذين ظلموا انفسهم و ظلم من الاخرين...............رحمه الله رحمة واسعة

[المهندسه 154]

و ده مقطع لتعلم كيف نحمد الله على ما اتانه من قوه و نعلم انه وحده من يعطى وقادر على ان يسلب

http://www.youtube.com/watch?v=4ai5k7Xundg&feature=related

[المهندسه 154]

يظل هذا العبقري احد المبدعين الذين ظلموا انفسهم و ظلم من الاخرين...............رحمه الله رحمة واسعة

رحمه الله علينا جميعا احياء كنا او اموات و قد فتحت هذا الموضوع كنوع من التعبير عن اعجابى بهذا العلامه و محاوله منى لاعطاءه جزء من حقه الذى سلب منه ظلما فطالما تعلمنا منه ..فقد كان الشارع المصرى كله فارغا من الناس وقت عرض برنامجه "العلم والايمان"افقد كانوا يلتفون وقتها حول شاشه التلفزيون لمتابعته.

شكرا اخى مسافر لمرورك الكريم

[president 26]

دكتور مصطفى محمود رحمة الله عليه . له هذا المقال الرائع.

مقال بعنوان العذاب ليس له طبقة

الذي يسكن في أعماق الصحراء يشكو مر الشكوى لأنه لا يجد الماء الصالح للشرب.

و ساكن الزمالك الذي يجد الماء و النور و السخان و التكييف و التليفون

و التليفيزيون لو استمعت إليه لوجدته يشكو مر الشكوى هو الآخر من سوء الهضم و السكر و الضغط

و المليونير ساكن باريس الذي يجد كل ما يحلم به، يشكو الكآبة و الخوف من الأماكن المغلقة و الوسواس و الأرق و القلق.

و الذي أعطاه الله الصحة و المال و الزوجة الجميلة يشك في زوجته الجميلة و لا يعرف طعم الراحة.

و الرجل الناجح المشهور النجم الذي حالفه الحظ في كل شيء و انتصر في كل معركة

لم يستطع أن ينتصر على ضعفه و خضوعه للمخدر فأدمن الكوكايين و انتهى إلى الدمار.

و الملك الذي يملك الأقدار و المصائر و الرقاب تراه عبدا لشهوته خادما لأطماعه ذليلا لنزواته.

و بطل المصارعة أصابه تضخم في القلب نتيجة تضخم في العضلات.

كلنا نخرج من الدنيا بحظوظ متقاربة برغم ما يبدو في الظاهر من بعض الفوارق.

و برغم غنى الأغنياء و فقر الفقراء فمحصولهم النهائي من السعادة و الشقاء الدنيوي متقارب.

فالله يأخذ بقدر ما يعطي و يعوض بقدر ما يحرم و ييسر بقدر ما يعسر..

و لو دخل كل منا قلب الآخر لأشفق عليه و لرأى عدل الموازين الباطنية برغم اختلال الموازين الظاهرية..

و لما شعر بحسد و لا بحقد و لا بزهو و لا بغرور.

إنما هذه القصور و الجواهر و الحلي و اللآلئ مجرد ديكور خارجي من ورق اللعب..

و في داخل القلوب التي ترقد فيها تسكن الحسرات و الآهات الملتاعة.

و الحاسدون و الحاقدون و المغترون و الفرحون مخدوعون في الظواهر غافلون عن الحقائق.

و لو أدرك السارق هذا الإدراك لما سرق و لو أدركه القاتل لما قتل و لو عرفه الكذاب لما كذب.

و لو علمناه حق العلم لطلبنا الدنيا بعزة الأنفس و لسعينا في العيش بالضمير

و لتعاشرنا بالفضيلة فلا غالب في الدنيا و لا مغلوب في الحقيقة

والحظوظ كما قلنا متقاربة في باطن الأمر و محصولنا من الشقاء و السعادة متقارب برغم الفوارق الظاهرة بين الطبقات..

فالعذاب ليس له طبقة و إنما هو قاسم مشترك بين الكل..

يتجرع منه كل واحد كأسا وافية ثم في النهاية تتساوى الكؤوس برغم اختلاف المناظر و تباين الدرجات و الهيئات

و ليس اختلاف نفوسنا هو اختلاف سعادة و شقاء و إنما اختلاف مواقف..

فهناك نفس تعلو على شقائها و تتجاوزه و ترى فيه الحكمة و العبرة

و تلك نفوس مستنيرة ترى العدل و الجمال في كل شيء و تحب الخالق في كل أفعاله..

و هناك نفوس تمضغ شقاءها و تجتره و تحوله إلى حقد أسود و حسد أكال..

و تلك هي النفوس المظلمة الكافرة بخالقها المتمردة على أفعاله.

أما في كوامن الأسرار و على مسرح الحق و الحقيقة.. فلا يوجد ظالم و لا مظلوم و لا متخم و لا محروم..

و إنما عدل مطلق و استحقاق نزيه يجري على سنن ثابتة لا تتخلف حيث يمد الله يد السلوى الخفية يحنو بها

على المحروم و ينير بها ضمائر العميان و يلاطف أهل المسكنة و يؤنس الأيتام و المتوحدين في الخلوات

و يعوض الصابرين حلاوة في قلوبهم.. ثم يميل بيد القبض و الخفض فيطمس على بصائر المترفين و يوهن قلوب المتخمين

و يؤرق عيون الظالمين و يرهل أبدان المسرفين.. و تلك هي الرياح الخفية المنذرة التي تهب من الجحيم

و النسمات المبشرة التي تأتي من الجنة.. و المقدمات التي تسبق اليوم الموعود..

يوم تنكشف الأستار و تهتك الحجب و تفترق المصائر إلى شقاء حق و إلى نعيم حق..

يوم لا تنفع معذرة.. و لا تجدي تذكرة.

و أهل الحكمة في راحة لأنهم أدركوا هذا بعقولهم و أهل الله في راحة لأنهم أسلموا إلى الله

في ثقة و قبلوا ما يجريه عليهم و رأوا في أفعاله عدلا مطلقا دون أن يتعبوا عقولهم فأراحو عقولهم أيضا،

فجمعوا لأنفسهم بين الراحتين راحة القلب و راحة العقل فأثمرت الراحتان راحة ثالثة هي راحة البدن..

بينما شقى أصحاب العقول بمجادلاتهم.

أما أهل الغفلة و هم الأغلبية الغالبة فمازالوا يقتل بعضهم بعضا من أجل اللقمة و المرأة و الدرهم

و فدان الأرض، ثم لا يجمعون شيئا إلا مزيدا من الهموم و أحمالا من الخطايا و ظمأً لا يرتوي و جوعا لا يشبع.

فانظر من أي طائفة من هؤلاء أنت.. و اغلق عليك بابك و ابك على خطيئتك.

تحيه لهذا المفكر العظيم

[nightmare 254]

سبحان الله كإنك يا أ. president كاتب المقال ده ليا انا, اول ما قمت من النوم النهاردة لقيت نفسي بفكر في الموضوع ده وبقول سبحان الله يارب , اللى في مصر مش مستريح وقرفان وعاوز يهج واللى في الخليج مش مستريح وعاوز يهاجر , واللى شغال تعبان وعاوز يستريح واللى قاعد زهقان وحاسس بملل وعاوز يشتغل , والصيدلى عاوز يبقي مندوب ويغير الكاريير والمندوب بيتمنى يبقي دكتور والدكتور عاوز يبقي مهندس, واللى مخلف قرفان من العيال ودوشتهم وناس ثانية بتتمنى ظفر واحد فيهم , واللى متجوز بيشتكى وعاوز يطلق واللى عازب بيفكر في الجواز( مش انا طبعاً )

هو ليه مفيش حد مستريح وراضي كده ومطمئن , ليه كله تعبان وليه كله مش عاجبه حياته وحاسس ان فيه حاجة نقصاه.

مع تحياتي