لغز فقر و رفاهية المصريين فى مصر

[president]

بيان التنحي

بقلم: طارق عبد المعز

لأ لأ ماحدش يفهمني غلط. انا لا رحت مكتب أمن الدولة ولا اتقرصت في وداني ولا جاني تهديد من جانب أي حد لا سمح الله. إنها الحقيقة العارية البلبوص التي أدركتها بعد سنوات التيه والضياع في بحر إبراهيم عيسى ووائل الإبراشي ومنى الشاذلي ومعتز الدمرداش ومحمود سعد. لقد انجلت الغشاوة من على بصيرتي وهاأنذا أعلن من منبري هنا من الرياض الحبيبة التي هاجرت إليها باختياري ورغبتي منذ ثلاث سنوات، أنني أتنحى تمامًا ونهائيًا عن الاهتمام بالشأن العام المصري ومتابعة ما يجري على لسان الفضائيات الخاصة والعامة وما تكتبه جرائد المعارضة والمستقلة ، وأن أعود إلى صفوف المصريين النابهين أجمع المال واعزل نفسي عن كل ما يدور حولي مثلي مثل أي مصري آخر مقيم في كومباوند مغلق في القطامية هايتس أو أكتوبر والشيخ زايد أو مدينتي والرحاب والقاهرة الجديدة.

لقد اكتشفت أيها الإخوة أننا نحن المصريون المقيمون في الخارج بلهاء وقليلي الذكاء فبدلًا من أن نركز جهودنا في جمع المال والإكثار منه تحسبًا للأيام التي لا يعلم إلا الله كيف ستكون إذا عدنا إلى بلدنا للتقاعد قبل الحصول على باسبور كندي أو أسترالي أو نيوزلندي (لا قدر الله) ، بدلًا من ذلك نستغل أوقات الفراغ القليلة في الاهتمام بالشأن العام ورفع الضغط والسكر والكولسترول بالمناقشات العقيمة والبكاء على أحوال مصر واللي جرالها، بينما عندما زرت مصر في إجازتي الأخيرة وجدت المصريين على النقيض التام من ذلك كله، ولربما خضنا في مقال آخر عن سبب اهتمام المغتربين بالوطن أكثر من اللازم، لكن دعوني أصف لكم كيف كان شكل الثمانين مليون داخل الوطن.

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن السيارات السيراتو ذات المائة ألف جنيه أصبحت السيارة الشعبية الأولى في مصر ويمكن أن تقول بملء فمك أنها أخذت مكان الفيات بأرقامها 128 و127 الهاتشباك. إذا وقفت في شارع الملك فيصل، وهو شارع عشوائي يلعن كل ساكن فيه الساعة التي جعلته يسكن بالقرب منه، إذا وقفت في ذلك الشارع دقيقة واحدة ستمر أمامك على الأقل عشر سيارات سيراتو ماشاء الله تبارك الله. سألت موظف محترم في سوبرماركت بنزينة شل هو أيه حكاية العربية السيراتو في مصر؟ قاللي كل العربيات دي قسط يابيه، سألته وياترى قسطها يعمل كام؟ قاللي: ألفين ألفين ونص، كبرت وهللت الله الله الله كل دول ماشاء الله مرتباتهم بتعدي الست آلاف جنيه وبيدفعوا القسط بسهولة كده قاللي: ده نصهم كمان موظفين في الحكومة ! ...إذن يبقى كلام أحمد عز وجمال مبارك صح، يبقى فعلًا فيه تنمية في البلد والناس اتزبطت. أمال الناس في مصربتصرخ ليه لما تلاقي كيلو اللحمة بستين جنيه؟ وما فيش بيت فيكي يا مصر دخلته مالقيتش فيه لحمة على السفرة!!

التقسيط الآن ملأ بيوت المصريين بأرقي أثاث وأفخم ديكورات وأكسسورات وأحدث أجهزة منزلية والكترونية، وبالطبع ملأ شوارع المصريين بأحدث العربيات على الزيرو، حتى السياحة بقت بالتقسيط، وكل ما أتصل بواحد صاحبي عشان نتقابل اللي يقوللي معلهش مش فاضي أصلي طالع تركيا أعمل شوبنج الأسبوع الجاي، والثاني يقوللي أنا في ماليزيا مع المدام بنجدد شهر العسل، واللي يقوللي أصلي لسه راجع من اسبانيا وهلكان. أما اللي وقته (مش جيبه) مايسمحش يسافر بره بيأجر أسبوع في الساحل، بأعيد وأؤكد إني بأتكلم عن أصحابي ولاد الطبقة المتوسطة ، لأن طبقة موظفي الحكومة والقطاع العام "المعدمين" بيصيفوا في أسكندرية ومرسى مطروح. الصدمة الكبرى إن أم عزة اللي ساكنة فوق سطوح بيتنا بقالها ثلاث سنين كل سنة بتصيف في نيو جيرسي عند ابنها المقيم هناك بصورة غير شرعية من سبع سنوات ... وبتحكي للجيران إن لولا عزة وأخواتها الصغار لسه في المدارس كانت قعدت في أمريكا على طول!!

بلاش العربيات والعفش والسفر، تعالى نتكلم عن الدروس الخصوصية، أصدقائي وقرايبي بيحلفوا أن أي أسرة لديها 3 أطفال في المدارس الحكومية لن يتكلفوا أقل من عشرة آلاف جنية في السنة دروس، تتضاعف 3 مرات لو إن أحد العيال في الثانوية العامة، ولو العيال في مدارس خاصة عادية تصل مصاريف المدارس مع الدروس لخمسين ألف جنية في السنة، ولو مدارس خاصة أجنبية لن تقل مصاريف الثلاث عيال مع دروسهم عن مائة ألف جنية في السنة، أما الدراسة الجامعية الخاصة والحكومية فحدث ولا حرج فالميزانية مفتوحة بدون سقف. الظريف إن جحافل العيال طوال السنة صيف شتاء رايحة جاية بين المدارس والدروس في سوق تعدى حجمه المليارات (إذا كان اللي بيدخلوا امتحان الثانوية العامة بس 15 مليون عيل !!!)، يا عالم ياهوه المليارات دي كلها بتيجي منين إذا كنتم فقراء؟! مافيش إجابة غير إن المصريين بيستعبطوا وكهنة وبيدّعوا الفقر.

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن حسب الإحصائيات السعودية فإن أكبر عدد معتمرين في العالم كله يأتي من مصر (أكثر من ستمائة ألف معتمر في السنة) أكثر من دول تعدي مسلميها المائة مليون مثل إندونيسيا وماليزيا وباكستان والهند والصين، وهذا الشعب المؤمن المتدين هو اكبر مستهلك للحشيش في العالم وأكبر مستهلك للمخدرات المستوردة في الشرق الأوسط بحجم تجارة مليارات (أقل بقليل من حجم تجارة الدروس الخصوصية).

هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن الشباب اللي قاعد على القهاوي في الثلاث الطوابق ودي من المناطق الغارقة في العشوائية والعبث وكل الألفاظ اللي نفسك فيها، الشباب دول ما شاء الله تبارك الله لابسين جزم نايكي وساعات سواتش ونضارات شمس أوكسيدو أصلي مش مضروبة، وأنسى الموبايلات فآخر إحصائيات عدد الخطوط اللي نزلتها الثلاث شركات المشغلة في مصر تعني أن المتوسط لكل مصري فوق عمر ستة عشر سنة هو موبايلين!! ...أمال أيه حكايات الفقر والبؤس والإضرابات وقلة الأدب اللي قرفونا بيها دي؟

بصراحة كده ومن خلال احتكاكي بكل اللي قابلتهم في مصر من أقارب وأصدقاء ومعارف تيقنت وآمنت أن الناس كلها مزبطة حالها على كافة المستويات وبكافة الطرق سواء حلال أو حرام لأن الحلال والحرام أصبح مصطلح مطاطي في مصر كل واحد بيعمل قانون الحلال والحرام على راحته. وأصبح متوسط الدخل في مصر مقارب للدخل في الخليج ، والكلام ده مش اعتباطي والدليل موجود ، فإذا كانت أسعار الاحتياجات الأساسية من مأكل ومشرب وملبس ووقود في مصر أعلى (أؤكد مرة أخرى أعلى) من مستوى أسعارها في الخليج بينما مازال المصريين بيأكلوا ويشربوا ويلبسوا ويشتروا سيارات جديدة بل ويسيحوا في بلاد الله فلا بد وان الدخل في مصر مقارب للدخل في الخليج. أما الفقر فأنا ماشفتش فقراء وإذا كان فيه فقير في مصر فده بسبب غباؤه ليس إلا بدليل إني لما كنت بادور على مكان لركن عربيتي الحقيرة الآفيو في شارع القصر العيني عشان أقضي مصلحة شاور لي شاويش طيب وقاللي تعالى هنا وركنت صف تالت في شارع جانبي قريب من مجلس الشعب.المهم إني قضيت مصلحتي ورجعت لقيت فيه ورقة على زجاج العربية بما يفيد المخالفة مسكتها وبصيت للشاويش وقلتله بقى كده يا حضرة الصول؟! قاللي يا بيه أنا اللي حاططها وانت نازل،انت ماختش بالك ولا ايه؟ طب بص يابيه في الورقة هاتلاقيها مكتوبة بخط اليد مافيش فيها حاجة مطبوعة عشان بس لو عدى الونش ولا حاجة تبقى محمية بالمخالفة، انفجرت في نوبة ضحك هيستيري وقررت أعطيه عشرة جنيه مش عشان كان بيحمي عربيتي لأ عشان ذكاؤه في تزبيط حاله.

إذا كان صاحب العربية الحقيرة اللي هو أنا بيديه عشرة جنيه أمال اللي راكب سيراتو ولا باسات ولا بي أم ولا مرسيدس هايديله كام؟ ألا يجمع هذا الشاويش بنهاية كل يوم ورقة بمائة جنيه على الأقل يعني ألفين ونص في الشهر غير مرتبه الكحيان يبقى يدفع قسط السيراتو ولا لأ؟ ....يبقى من حقي أصدق جمال وأحمد وعز ولا لأ يا شعب يا كهين ياللي بتستعبط.؟

----------------------------------

بصراحه مقال رائع . روعته بالنسبالى انى كنت بادخل فى جدال عقيم مع ناس كتير منهم مغتربين وقله غير مغتربين كانو محسسنى

ان الغالبيه العظمى من شعب مصر مش لاقيين ياكلوا وشحاتيين وهدومهم مقطعه ولما كنت بقولهم انتوا مابتنزلوش مصر وتشوفوا الناس عايشه ازاى

يقولوا دى حالات شاذه انما معظم الناس فقراء وجعانين .

أقولهم ياجماعه يعنى العربيات دى كلهااللى انتوا شايفنه اصحابها هم الفئه الشاذه يردوا بالفم المليان ايوه .

للآسف احنا المصريين اختزلنا كل المصريين اللى مش مغتربين انهم فقراء وجعانين بس .

مش عارف ليه برغم انناعندنا كل الطبقات زى اى بلد فى العالم .

فى فقراء آه بس فيه طبقه متوسطه وفى طبقه غنيه .

معلش انا عندى رأى صادم شويه . اوقات كتير بحس اننا بنهول من الفقر والجوع فى البلد وخاصه من - بعض وليس كل -

المغتربين عشان كل واحد

يحس انه أحسن من غيره وانه فى نعمه عن غيره وبالتالى يبقى مستريح نفسيا ان فيه ناس بتعانى وهوا عايش احسن منه وبيبقى عنده قناعه انه حاله ميه ميه

ودا مبرر قوى للأستمرار فى الغربه . مع ان الموضوع مش محتاج اللفه دى كلها . انت لو مبسوط فى حياتك ومقتنع بيها مش محتاج تبرر لحد

ومش محتاج تقلل من شعب كامل وتنعته بالفقر والجوع عشان تحس انك كويس وان اختيار الغربه بالنسبالك هو الحل الأمثل .

المقال جاء على هواى عشان انا كنت متبنى نفس وجهة النظر اللى فيه . بس دا مايمنعش ان فى وجهات نظر مختلفه واكيد وجهات نظر تحترم.

تحياتى

[akramgroup]

بصراحة مقال فى منتهى الروعة

وقريب جدا من الواقع بل ممكن ان يكون الواقع بالتمام

كلنا بنلاحظ كده فى اجازاتنا فى مصر وبنحس بالاحساس الغريب ده

وقال بيقولوا مصر مفيهاش فلوس ده

تحياتى

أكرم,,

[nightmare]

الموضوع ده عقدنى في حياتى السنة اللى فاتت لما كنت في أجازة.

وشككنى في نفسي وبدأت أسأل هو انا اللى مسافر والا أصحابى اللى مسافرين.

امال ايه اللى انا بشوفه في 90 دقيقة والعاشرة مساءاً وغيرهم , انا نازل فاكر ان هلاقي الشحاتين واقفين على باب المطار.

الاقي اقل واحد في اصحابي راكب هيونداى اكسينت ب 75 الف , وانا لو نفضتنى مش هتلاقي معايا المبلغ ده. ربنا يبارك لهم طبعاً.

المشكلة بقي تقعد مع اى واحد فيهم يشتكيلك من المصاريف والغلاء ويقولك خليك هناك اوعى ترجع وابعد عن القرف ده :blink:

بصراحة مش عارف العيب فين .

مع خالص تحياتى

[Howayda Ismail]

كل ده بنشوفه فى المدن الكبرى حتى فى الاحياء الشعبية بتلاقى احدث موديلات عربيات

لكن مصر مش هى بس القاهرة والجيزة واسكندرية ولاعواصم المحافظات لان النخبة بتسكن

المناطق دى لكن لو نزلتم مش حنقول الارياف ولا قرى الصعيد اللى فيها ملايين تحت خط الفقر

انزلوا المناطق العشوائية والحوارى الفقيرة عندكم فى المحافظات دى حتشوفوا الناس

اللى بتسألوا عليها وطبعا الصورة دى غير الصورة اللى بيشوفها السياح والاجانب وغير

اللى الحكومة بتديها للبنك الدولى عن حالتنا الاقتصادية انه كله تمام ومافيش تضخم ولافقر

ولابطالة عارفين احنا عاملين زى ايه زى بيت ايل للسقوط ومخوخ من جوة ومن برة احسن ديكور

ومطلى احسن دهان وممكن لو حد زارك تغطى الاثاث البالى اللى عندك بحتة قطيفة مزوقة

اصحابه بيستلفوا عشان يجيبوا احسن لبس واحسن عربيات فى حين ولادهم جوة البيت مخبينهم

عشان هدومهم المقطعة واشكالهم الرثة

[جسار]

بغض النظر عن لهجة الحسرة المختلطة بالقهر والغل سواء من كاتب المقال أو بعض التعليقات

الا أنه من الواضح أن هذا التقييم كان سطحيا ولم يرى سوى ما أراد أن يراه ، وتعالوا نحسبها

85 مليون مصرى × 15 % =12.75 مليون وهم من يمتلكون المال الحقيقى ويستحوذن على 85% من الدخل

ولديهم مساكن وشقق وممتلكات عقارية فى أغلى مناطق فى مصر هذا عدا فيلات وشاليهات للتصييف

والاستجمام والاستحمام فى محتلف مصايف ومشاتى مصر ، ويتلقى أولادهم التعليم المميز فى مدارس

وجامعات خاصة وبخلاف الثروات فى البنوك أو فى المعاملات فى سوق الاوراق المصرفية

طيب لما يكونوا حوالى 13 مليون مكوشين على اغلب ثروة البلد ومنهم حوالى 8 مليون يسكنون

بالعاصمة المركزية فى القاهرة والباقى موزع على بقية الاقاليم ، طبعا للانطباع الاول

سيعطى مؤشرا بأن البلد ميت فل وعشرة وليس فى الامكان أحسن مما كان ، دول 8 مليون بنى آدم

يعنى أكبر من تعداد بعض الدول الخليجية والاوربية ، ولن ندخل فى تفاصيل تقسيم ال 15 %

لانهم ليسوا شريحة أو طبقة واحدة فهناك أقل من نصف فى المائة هم الاثرياء الحقيقيون

يمتلكون من 50 - 150 مليون جنيه وهم الطبقة المتوسطة العليا ويعلوهم شرائح أكبر من

150-800 مليون جنية وتتبقى حوالى عشرين أسرة تخطت المليار جنيه ، وعن بقية ال15 %

فتتراوح ثرواتهم بين المليون وال 50 مليون وهم الطبقة المتوسطة الدنيا

وبالطبع لن من هؤلاء سوى المظهر الخارجى فقط ، السيارات الحديثة والتعليم المميز

وفيلات المصايف والمولات والسنتر والشوبنج ، وهذا هو نمط الانفاق الغالب والشائع

لاننا لانملك حتى الآن آلية الاستثمار الصغير المأمون والمضمون من قبل الدولة فى مشاريع

أنتاجية حقيقية وتضمن دخلا محترما للأسر يفى بأحتياجاتها اليومية ، يعنى بالبلدى دى

قشرة المجتمع الحارجية وهذا ما أحب صاحب المقال أن يراه لأنه لو أراد لرؤية الواقع

الحقيقى لذهب للمناطق التى يسكن فيها الشعب الحقيقى فى بولاق الدكرور وامبابة والوراق

وزينهم ودار السلام والمعصرة والسيدة والازهر وعين شمس والقطامية ....ألخ

لرأى العمال فى التبين وحلوان وشبرا الخيمة ولرأاى الفلاحين فى بشتيل وبهتيم وكرداسة

ومخر الخيل والمنيب وساقية مكى ،ولرأى الموظفون الغلابة وهم يتشعبطون فى الاتوبيسات

ويتكدسون فى نفق المترو ويهرولون وراء الميكروباسات غير عابئين بالاخطار الوارة

حنقول أيه ولاأيه طيب كان يمشى رجليه للقرى وحتى البنادر فى دلتا مصر لكان رأى ما لم

يرد أن يره .

[sarmar]

الموضوع ده عقدنى في حياتى السنة اللى فاتت لما كنت في أجازة.

وشككنى في نفسي وبدأت أسأل هو انا اللى مسافر والا أصحابى اللى مسافرين.

امال ايه اللى انا بشوفه في 90 دقيقة والعاشرة مساءاً وغيرهم , انا نازل فاكر ان هلاقي الشحاتين واقفين على باب المطار.

الاقي اقل واحد في اصحابي راكب هيونداى اكسينت ب 75 الف , وانا لو نفضتنى مش هتلاقي معايا المبلغ ده. ربنا يبارك لهم طبعاً.

المشكلة بقي تقعد مع اى واحد فيهم يشتكيلك من المصاريف والغلاء ويقولك خليك هناك اوعى ترجع وابعد عن القرف ده :blink:

بصراحة مش عارف العيب فين .

مع خالص تحياتى

من المعروف ان اكبر بلد فى العالمهى مصر فى احتوائها على العديد من المتناقضات فلن نستطيع مهما حوالنا ان نصنفها عالميا او اقتصاديا بطريقة صحيحة حتى لو اعتمدنا بيانات وزارة المالية

انا ايضا كنت فى اجازة واقيم فى منطقة لاهيا عشوائية ولا راقية بل منطقة شعبية متوسطة رايت اعداد السيارات الجديدة مثل الكرولا ولالكياو غيرهممن ماركات جديدة تملآ الشارع حتى انك ممكن لاتجد مكان تركن فية على الرغم انة ليس شارع رئيسى

وجدت الناس تعودت على نمط استهلاكى لحياتها لايقل عن 3 او 4 الاف جنية شهرى هذا كحد ادنى طبعا كلامى على السواد الاعظم من المصرين رايتهم فيما يشترون من اجهزة او اثاث بيت او مكتب او شركة تساوى ان لم تزيد فى السعر عما نشترية فى الخليج بمراحل ودون اى اهتمام

مصر كلها متنافضات فى كل شىء رايت من رواد احد المقاهى من يسدد يوميا اكثر من 50 جنية مشاريب فقط طبعا غير مصاريف بيتة ومعظم المقاهى مقتظة بروادها ولكن لايقل مايصرفة المواطن عن 5 جنية على اقل تقدير

اما اللحوم ومحال بيعها اقصد الجزارين فانة من السهل جدا تجد الجزار على يقف العديد من الناس لدرجة انك ممكن تعتبرة هذا المكان مثل المظاهرة الصغيرة ينتظروا الدور فى شراء اللحمة والسعر لايقل عن 55 جنية للكيلوا

الاسعار مرتفعة ولايوجد شكوى عند المصريين الا ارتفاع الاسعار حتى من هم ميسورى الحال والذين يصعب ان تجد عندهم شكوى تجدهم يشكون من ارتفاع الاسعار حتى اصبحت الشكوى عادة للجميع

[president]

كل ده بنشوفه فى المدن الكبرى حتى فى الاحياء الشعبية بتلاقى احدث موديلات عربيات

لكن مصر مش هى بس القاهرة والجيزة واسكندرية ولاعواصم المحافظات لان النخبة بتسكن

المناطق دى لكن لو نزلتم مش حنقول الارياف ولا قرى الصعيد اللى فيها ملايين تحت خط الفقر

انزلوا المناطق العشوائية والحوارى الفقيرة عندكم فى المحافظات دى حتشوفوا الناس

اللى بتسألوا عليها وطبعا الصورة دى غير الصورة اللى بيشوفها السياح والاجانب وغير

اللى الحكومة بتديها للبنك الدولى عن حالتنا الاقتصادية انه كله تمام ومافيش تضخم ولافقر

ولابطالة عارفين احنا عاملين زى ايه زى بيت ايل للسقوط ومخوخ من جوة ومن برة احسن ديكور

ومطلى احسن دهان وممكن لو حد زارك تغطى الاثاث البالى اللى عندك بحتة قطيفة مزوقة

اصحابه بيستلفوا عشان يجيبوا احسن لبس واحسن عربيات فى حين ولادهم جوة البيت مخبينهم

عشان هدومهم المقطعة واشكالهم الرثة

على فكره الهدف من الموضوع مش اننا نقول ان مافيش حد فى مصر فقير والناس كلها بتركب عربيات

وبتاكل سيمون فيميه . ابدا الموضوع مش كده خالص . اكيد احنا مصريين وبنشوف الحالات دى

بس المبالغه الشديده فى وصف الأوضاع وسوء الحال والفقر الشديد برغم مظاهر النعمه مش هنقول الثراء اللى موجوده

هى اللى بتخلى واحد بيتساءل عن التضاد الفظيع ده .

واحد صاحبى بيحيكلى مره هو ساكن فى القاهره فنزل مره الأرياف اللى بتتكلمى عليها عشان بيت العيله وكده .

كل مايقعد مع حد بيسمع حكايات تشيب الراس والناس اللى عايشه ب 50 جنيه فى الشهر وكده .

المهم كان فى محل حوواشى عندهم فى البلد وكان صاحبى مشتاق ياكل من عنده قعد اسبوع يروحله وكل مايروح زحمه موت

ويتقاله استنى ساعتين المهم قرر يستنى ويشوف الزحمه دى ليه اكتشف ان اللى واقف مش بيطلب مثلا رغيف ولا اتنين لأ دا بيطلب 5 وعشره

لأهل بيته وعرف ان سعرالرغيف ب 4 جنيه . الغريبه انه شاف اتنين من اللى كانوا بيحيكلوا على احوال البلد وكل واحد طالب كميه معتبره

فبيقولهم مالحال زى الفل وبتتعشوا حوواشى امال فى ايه بس ؟ رد واحد وقاله ايوه الحال زى الزفت ومش لاقيين ناكل ومش لاقيين علاج

وبيطلع عين اللى جابونا عشان الجنيه . بس برده الواحد لازم يشوف نفسه وينزه نفسه برده امال هيبقى قرف من كل حته .

ياترى فهمتوا حاجه .

على فكره واضح ان الموضوع بقى عدوى فعلا . اخويا المفروض انه خريج كلية تربيه يعنى مدرس المهم هوا واخد اجازه من التدريس وعنده

مشروع تجارى شغال فيه وبيجيبلوا مكسب حلو ماشاء الله . اشترى عربيه جديده فكنت بهزر معاه وبقولوه ايوه ياعم على العربيات الجديده .

لقيت وشه قلب وبيقولى مانت لو تعرف انا عايش ازاى والواحد بيطلع عينه فى المدرسه ازاى والقرف وهم ال 148 اساسى يعيشوا بنى آده

دا مابيعيشوش قطه اساسا . قاطعته وقلتله هوا انت مش واخد اجازه من المدرسه يابنى ؟ قالى آه صحيح مدرسه ايه بس

معلشى اصل انا اسستستمت على الكلمتين دول .

تحياتى

[Howayda Ismail]

الغنى والفقر ده عملية نسبية بمعنى الغنى غنى النفس يعنى ممكن تلاقى فقير او واحد مرتبه على

قده لكن بيحاول يعيش اهل بيته عيشة كريمة ومظهر كويس وممكن يصرف اخر مليم فى جيبه فى سبيل

تحقيق ذلك ودى بتكون اولوياته ومظهره ده ممكن يوحى انه نايم على خميرة فى حين انه مش محتاج

غير قوت يومه(مش بيحوش لانها ماتفرقش معاه) وهؤلاء الذين يظنهم الجاهل اغنياء من التعفف

على النقيض تماما تلاقى غنى فقير النفس والمظهر خايف يصرف فلوسه تنقص ودايما شايف انه محتاج

يكثرها عشان كده مهما ربنا عطاه يشتكى الفقر ومش راضى عن حاله رغم انه ممكن تلاقيه ساكن كويس

وعنده عربية ورصيد فى البنك لكن لان نفسه عمره ماحتشبع وباصص للى اعلى منه فالشكوى مستمرة

وده بقى حال كثير من المصريين يااما طمع او زيادة خوف من المستقبل وخصوصا احوال البلد فى

النازل مخلى الناس خايفة على اللى معاها او عشان القيمة الفعلية للفلوس بتقل يوم عن يوم

واخيرا فئة الناس الطبيعية اللى مش بيفرق معاها فقر او غنى وبتصرف عادى فى حدود متطلباتها

واولا اوخيرا البركة البركة بركة ربنا السر ورا واحد بتكفيه ال50 جنيه فى حين ابو 5000 مش عارف يعيش

[yasser moustafa]

الانسان المصرى بجد مميز جداً ... يعنى الموظف او الحرفى او حتى العاطل

تلاقيه مظبط حاله ... وبجد ومش تريقة - ما حدش بيبات من غير عشاء

وده لأن كل واحد عمل لنفسه قانون ماشى عليه وبيطبقه

دا غير فوانين الدولة اللى عفى عليها الزمن ومالهاش أى علاقة بالواقع

[المهندسه]

presidentاحييك على الموضوع جداااا انا كان نفسى من زمان افتح الموضوع ده ..الكلام ده حقيقى جداا..احنا بقالنا فى السعوديه 4 سنين

اتغير فيهم حاجات كتير ..جدا جدا كل ما انزل اجازه الاقى اصحابى بيقضوا اجازاتهم فى شرم الشيخ او الغردقه وطابا او على الاقل الساحل

اقعد اسأل نفسى ازاى و احسبها يمين و شمال واقول مش دى (اسم صاحبتى)بتشتغل كذا و جوزها بيشتغل كذا اومال جابوا الفلوس دى منين

واقعدت انخور واسأل هنا هنا لغايه ماعرفت ان فعلا المرتبات عليت اوى ده انا بقعد احسبه لما انزل اقضى يومين فين وانقى الارخص لان الواحد

متغرب و طالع عينه علشان يوفر عيشه كريمه لولاده ودول مترفهييييين اوى طيب ازاى؟؟؟؟...انتوا عارفين انا قبل ما اسافر كان راتبى

700 جنيه!!!!فعلا والله فوجئت دلوقت ان المهندس اول لما بيتخرج بياخد 2000 و ساعات 3000 واتصدمت لما عرفت ان جوز صحبتى مثلا مهندس

معمارى برضه بياخد راتب 0الاف جنيه مع ان سنه 34 سنه فقط بس بينزل احيانا مواقع ...طيب تيجى ازاى و غيره محاسب راتبه 6الاف

...ايه الارقام دى يا راجل من امتى ...بس دى فعلا حقيقه

طيب اخويا السنه الفاتت قبل ما يبقى ضابط متخصص قدم على وظيفه مدرس لغه فرنسيه فى مدرسه خاصه و كان مرتبه 1500 و بعد 3 شهور هيزيد

طيب ازاى برضه ده لسه متخرج فى نفس السنه من امتى رواتب المدرسين متحسنه كده...فعلا ...وكمان واحد اعرفه عنده bmw س ده غنى ابا عن جد من

زمان يعنى حاله موجوده من زمان كان بيزورنا فى البيت و قال اروح التوكيل الجنبكم اظبت حاجه فى العربيه و ارجع على طول ..خد فى

المشوار ده 3ساعات ولما رجع بنقوله اتأخرت ليه قالنا كل ده واقف فى الطابور مستنى دورى العربيات الBMW كترت جدا فى البلد اصلها بقت

بالقسط.. ظيب حتى لو قسط ماهو غالى بالافات فى الشهر طيب الناس راتبها كام؟؟؟؟ولا واحد قريبنا جوزى بيقولو ممكن اجيبك السعوديه بس

علشان انت لسه متخرج هتيجى على 2500محاسب ..قالو ياعم ده بطلع ضعفهم من بيع كروت الموبايلات بس مع العلم انه معندوش محل ده واقف فى

الشارع حضراتكم !!!!!!!!كل ده شوفناه من قرايبنا واصحابنا لما نزلنا اجازه و الواحد كاتم فى قلبه لدرجه انى بقول لجوزى ماتيجى ننزل

لو جوز صحبتى جابلك شغل ب10الاف زيوه كده تبقا على رأى طلعت زكريا فى التجربه الدنيماركيه"خلاص جبرت قوضيت النهارده" الواحد فعلا كان

بيقعد يتفرج على عمرو الليثى ويعيط يعيط ويصعب عليه الناس و يشيل همهم طيب مافى حيتان فى البلد اهو واكلينها والعه ما يشيله الهم

معانا

وسعلى بقه مكان جنبك يا president علشان هنضم انا كمان لصفوف المتفرجين واخلى بالى من عيالى بس أأمن لهم مستقبلهم الاول و بعدين نشوف

تم تعديل 26 سبتمبر 2010 بواسطة المهندسه

[president]

presidentاحييك على الموضوع جداااا انا كان نفسى من زمان افتح الموضوع ده ..الكلام ده حقيقى جداا..احنا بقالنا فى السعوديه 4 سنين

اتغير فيهم حاجات كتير ..جدا جدا كل ما انزل اجازه الاقى اصحابى بيقضوا اجازاتهم فى شرم الشيخ او الغردقه وطابا او على الاقل الساحل

اقعد اسأل نفسى ازاى و احسبها يمين و شمال واقول مش دى (اسم صاحبتى)بتشتغل كذا و جوزها بيشتغل كذا اومال جابوا الفلوس دى منين

واقعدت انخور واسأل هنا هنا لغايه ماعرفت ان فعلا المرتبات عليت اوى ده انا بقعد احسبه لما انزل اقضى يومين فين وانقى الارخص لان الواحد

متغرب و طالع عينه علشان يوفر عيشه كريمه لولاده ودول مترفهييييين اوى طيب ازاى؟؟؟؟...انتوا عارفين انا قبل ما اسافر كان راتبى

700 جنيه!!!!فعلا والله فوجئت دلوقت ان المهندس اول لما بيتخرج بياخد 2000 و ساعات 3000 واتصدمت لما عرفت ان جوز صحبتى مثلا مهندس

معمارى برضه بياخد راتب 0الاف جنيه مع ان سنه 34 سنه فقط بس بينزل احيانا مواقع ...طيب تيجى ازاى و غيره محاسب راتبه 6الاف

...ايه الارقام دى يا راجل من امتى ...بس دى فعلا حقيقه

طيب اخويا السنه الفاتت قبل ما يبقى ضابط متخصص قدم على وظيفه مدرس لغه فرنسيه فى مدرسه خاصه و كان مرتبه 1500 و بعد 3 شهور هيزيد

طيب ازاى برضه ده لسه متخرج فى نفس السنه من امتى رواتب المدرسين متحسنه كده...فعلا ...وكمان واحد اعرفه عنده bmw س ده غنى ابا عن جد من

زمان يعنى حاله موجوده من زمان كان بيزورنا فى البيت و قال اروح التوكيل الجنبكم اظبت حاجه فى العربيه و ارجع على طول ..خد فى

المشوار ده 3ساعات ولما رجع بنقوله اتأخرت ليه قالنا كل ده واقف فى الطابور مستنى دورى العربيات الBMW كترت جدا فى البلد اصلها بقت

بالقسط.. ظيب حتى لو قسط ماهو غالى بالافات فى الشهر طيب الناس راتبها كام؟؟؟؟ولا واحد قريبنا جوزى بيقولو ممكن اجيبك السعوديه بس

علشان انت لسه متخرج هتيجى على 2500محاسب ..قالو ياعم ده بطلع ضعفهم من بيع كروت الموبايلات بس مع العلم انه معندوش محل ده واقف فى

الشارع حضراتكم !!!!!!!!كل ده شوفناه من قرايبنا واصحابنا لما نزلنا اجازه و الواحد كاتم فى قلبه لدرجه انى بقول لجوزى ماتيجى ننزل

لو جوز صحبتى جابلك شغل ب10الاف زيوه كده تبقا على رأى طلعت زكريا فى التجربه الدنيماركيه"خلاص جبرت قوضيت النهارده" الواحد فعلا كان

بيقعد يتفرج على عمرو الليثى ويعيط يعيط ويصعب عليه الناس و يشيل همهم طيب مافى حيتان فى البلد اهو واكلينها والعه ما يشيله الهم

معانا

وسعلى بقه مكان جنبك يا president علشان هنضم انا كمان لصفوف المتفرجين واخلى بالى من عيالى بس أأمن لهم مستقبلهم الاول و بعدين نشوف

طب تصدقى وتؤمنى بالله الحاجات اللى حضرتك بتحكيها اتكررت مع ناس كتير واحنا منهم وبنفس التفاصيل .

يعنى ننزل الأجازه نفاجأ بأن اصحابنا ولادهم فى مدارس انترناشونال وحاجزين فى مدينتى ومغيرين العربيه واسبوع الساحل

ده شئ اساسى وغير كده الزوجه مبتشتغلش . طبعا ربنا يزيدهم ويباركلهم بس اللى ينرفز انك لو سألتيهم عن حالهم وحال البلد

يقوللك زفت وهى دى عيشه والغلاء واللحمه ام 100 جنيه . ياعم طب مانت عايش وزى الفل يقوللك كلو اقساط . ياعنى مرتبه مغطى

قسط العربيه وشقة مدينتى والمدارس وبردوا مش عاجب ؟

المرتبات فى مصر فعلا بقت مرتفعه جدا يعنى 1500 جنيه دا بقى مرتب مقبول بينما المعقول 3000 جنيه .

وفى مرتبات من 15000 الى 20000 ولشباب فى اوائل التلاتينات

بس هاقول لحضرتك على حاجه . الهدف من الموضوع مش تأمين مستقبل أولادنا والبعد عن مشاكل البلد .

الهدف من الموضوع واللى هيجننى طالما ان الواحد عايش حياه كريمه جوه بلده .ليه مصمم ان يرثى حاله و ينعت البلد

بأسوء الصفات وبيحسسنا ان الصومال بالنسبالنا هتبقى جنه . يارب الاقى اجابه

تحياتى

[herohero]

انا مؤيد لهذا الكلام وعندي دلائله زان سنة 2001كنت فرحان بالانسر الاتوماتيك 1300 سي سي وفتحه سقف والكورولا

صحابي حاليا الفقري فيهم معاه سيراتو

السيارات الشعبيه في مصر:

1-سيراتو

2-النترا

3-كورولا

4- فولكسفاجن جيتا

اما الانسر زي 128 وكذلك الصني

المرتبات ف مصر ارتفعت وانا هتجنن من الشكاوي بجد انا حاليا بعتبر السفر خارج مصر لغرض الفلوس خطأ فادح

اما لو مسافر الخليج كمرحلة انتقاليه لكندا او استراليا ماشي

وزهقت من الفوضى الخلاقة اللي ف مصر ماشي

اما لو فلوس بعد اللي بشوفه تبقى غلطان بجد

[Howayda Ismail]

الاخت المهندسة والاخ president فعلا المرتبات زادت فى ال5 سنوات الماضية الى معدلات

تقارب رواتب الخليج بل هناك فئات معينة مرتباتها تفوق ذلك بكثير وذلك فى قطاع

البترول وشركات الاستثمار وبعض الشركات التى حدث لها خصخصة حسنت رواتب العاملين

بها ل5 اضعاف المرتب قبل الخصخصة بالاضافة لارباح سنوية بارقام فلكية وجميع هذه الشركات

هى ضمان للبنوك لتملك سيارات او شقق بضمان المرتب دون مقدم وكان ذلك السبب الرئيسى فى

وجود الاف السيارات باحدث موديلات انما حكاية العيشة زفت بالنسبة لهم سببه الرئيسى خزى

العين والخوف من الحسد لانى صراحة اعرف ناس كتير من معارفنا واقاربنا ملتحقين بهذه الوظائف

وهذه الشركات

وده بالنسبة للمعينين الجدد الذين تساوت رواتبهم بالملتحقين بهذه الوظائف من 20 سنة

ولعلم حضراتكم هناك وظائف ادارية تصل ل مائة الف جنيه شهريا

وده كان يمكن سبب فى اعتراضى على السفر للخارج ان ممكن الانسان يحقق نفسه وذاته هنا

واقرب مثال قدامى اخى عمل لفترة فى ابو ظبى ولكن كان فى الوقت ده عنده طفلة واحدة

لكن لما اصبح لديه 4 ومحتاجين رعاية ترك السفر نهائى رغم الحاح زمايله اللى عايشين

فى الخليج من25 سنة وجاء له فرص عمل فى دبى وقطر وشركة الخرافى فى الكويت

لكن الحمد الله اقدرت اقنعه ان الفلوس مش كل حاجة واولاده اهم من الفلوس وبعدين مرتبه

هنا ماشاء الله وووظيفته مش حتفضل مستنياه لو مارتحش وحب يرجع

ونفس الكلام حصل مع زوجى جاله عقود عمل مثيلة لكن كان فكرة السفر دى مش واردة

معانا نهائى رغم مميزاتهاوالحمد لله حصلنا على اكثر من اللى ممكن ياخده فى الغربة

ده مش حجر على الاخوة الافاضل المغتربين لأ دى وجهات نظر وكل واحد عارف اولوياته

وفى ناس فعلا محتاجة تسافر وده الحل الوحيد قدامه لكن اعتراضى على اللى ماسك

وظيفة هنا ولو صبر شوية حتتساوى ويمكن تكون احسن من فرصة السفر

[herohero]

اللي عاش بره مصر مش سهل يعيش فيها تاني

والامر ده ملموس للي اتربى او عاش فنرة كبيرة بره مصر

مصر حلوة لكن فيها سلبيات سهولة الحياة ف الخارج مغريه

اما العائد المادي فدلوقت بقت محصلة بعضها

وبرده نراعي ان مش كل الناس شغاله ف البترول او الاتصالات والا مكنش فيه اماكن يعني مش كل المهندسين والمحاسبي

وزمان كانت الحياة رخيصة في مصر فموضوع السفر كان مغري انما دلوقت للي جرب العيشه بر مصر والبعد عن الزحمة فبره أفضل ولو تساوت ماديا والحكاية نسبية والخليج يجب ان يكون مرحله انتقاليه لكندا واستراليا

وبرده الحكاية نسبية وربنا يسعد الجميع

[Howayda Ismail]

لا طبعا مش كل الشركات بترول ولا بنوك انا ماقصدتش كده انا قصدت ان فى فرص عمل كويسة فى مصر

بدليل اقارب زوجى من الارياف ملتحقين بوظايف كويسة فى القاهرة بعيد عن محافظتهم

الفكرة ان السفر والهجرة ده حلم كثير من الشباب ومنهم ابنى اللى مش محتاج للسفر

يعنى لسة بيتعلم وعنده شقة وفى وظيفة مستنياه وممكن نساعده فى تكاليف زواجه لكن مخه (....)

مصمم يسافر برة ايه الفكرة مش عجباه البلد طيب ليه مايسبش فرصة السفر دى لناس محتجاها

فعلا ويرضى باللى فى ايده

[أبوعمار]

أنا موافق مع الرأي اللي بيقول ان الموضوع نسبي

وفعلا في ناس كتير في مصر مظبطة أمورها

وعايشة في مستوى معقول

وده لاحظته عند معظم معارفي في مصر

بس والله فعلا في ناس كتير بالملايين عايشة في فقر مدقع

بس احنا مش حاسين بيهم

ناس بتواجه الفقر والجوع والمرض كل يوم

الحمد لله على نعمه التي لا تعد ولا تحصى

المشكلة عندي أنا اننا لما بننزل مصر بنبقى زي اللي رقصوا ع السلم

و الأهم اني بأحسدهم ع الاستقرار والعيشة الهادية

وأهم حاجة استمتاعهم بدفء الأسرة والأصحاب

اللي مهما قابلونا بحرارة بنحس اننا بقينا أغراب

واننا بقينا جزء باهت في حياتهم الاجتماعية

[ابو محمود]

على فكرة لو سأل اى واحد منكم ترك مصر من اجل تجميع المال نفسة هو لما بينزل مصر بيتصرف ازاى او بيتفسح فين او بيحاول يكون من اهل اى موقع بيعيش فية مصريين هيعرف بسرعة ان مصر بها من الفقراء ما يدمى القلب بمعنى لما سعادتكم تنزلو فى فنادق او تعملو شوبنج فى احدى المولات الكبيرة بالعاصمة او المدن الجديدة اكيد هتلاقو ناس تعرفوها بس ماتعرفوش دخلها وانها ممكن تبيع اى شيء ؟ اي شيء من اجل التنعم بالمعيشة وما تزعلوش اوى من المصريين لانهم بيشتكو من الفقر ماحدش مد ايدو لحضراتكم يشحت بلاش تعالى واظهار الطبقية عيشو مع الناس اللى تحت وانتو تعرفو الفارق بين ما تسطرونة من كلمات وحكايات والواقع الدامى هناك لا زال شرفاء لا يأكلون الربا او يتعاملون بالغش وعلى قد ما قسم الله لهم ويتم اهانتهم من الجميع خارج وداخل ومعايرتهم بالفقر رغم ان الدنيا ليس لها ضمان فربما نتكلم عن غنى جمع مالة وعددة ونهايتة انة أفقرة الله واصبح معدومآ فلا تتباهو بما لديكم لان الله قادر على التغيير وانزلو الى الارض ولفو مصر او القاهرة لتعرفو ولتشاهدو ابناء الفقراء وهم يعملون فى الاسواق حمالين لبضائع الاغنياء ستجدونهم فى اسفل الدرك او السلم لكنكم ترون من يرتدى اجمل الملابس ويركب السيراتو او غيرها ولم تأخذكم اعينكم الى ما دون ذلك وهذا ليس عيبآ فيكم لكنها الحياة الانسانية الغنى يرى الناس جميعآ اغنياء لانة يرتاد اماكنهم ولا يشعر بالفقراء لانة لا يدوس احيائهم

اعزائى الاغنياء من اموال الخارج ارجو لكم ان توفقو فى جمع الاموال واتمنى ان تكونو ميسورين الحال ويغنيكم الله ويهدى بالكم

اما فى مصر والمصريين المقيمين داخلها من الفقراء ان يعينهم الله على ما يحسدهم على فقرهم وعدمهم ويساووهم بأغتيائها رزقنا الله واياكم الى الصواب والمكسب الحلال والبعد عن الربا والسفة لانها رحلة مهما جمعنا من متاعها فألى زوال رحم الله الجميع وعلى مصر السلام

[herohero]

لا طبعا مش كل الشركات بترول ولا بنوك انا ماقصدتش كده انا قصدت ان فى فرص عمل كويسة فى مصر

بدليل اقارب زوجى من الارياف ملتحقين بوظايف كويسة فى القاهرة بعيد عن محافظتهم

الفكرة ان السفر والهجرة ده حلم كثير من الشباب ومنهم ابنى اللى مش محتاج للسفر

يعنى لسة بيتعلم وعنده شقة وفى وظيفة مستنياه وممكن نساعده فى تكاليف زواجه لكن مخه (....)

مصمم يسافر برة ايه الفكرة مش عجباه البلد طيب ليه مايسبش فرصة السفر دى لناس محتجاها

فعلا ويرضى باللى فى ايده

لان عاوز يعيش ف شوارع هاديه وحياة سهلة ويحتك بناس تانيه حقه يجرب سيدتي كتير سافروا وكان عندهم الامكانيات ده وليه ما يطلعش يكمل دراسه ف الخارج يشوف ويحتك ليه مايشوفش شوارع الناس بتلتزم فيها باشارات المرور واولوية المرور ف الدوار حقه يجرب خلوه يجرب القصه مش قصه فلوس سهولة حياة style of life

يمشي ف ماكن منظمة مصالحه تتقضي بانتظام مفيش رشاوي واضحه

حضرتك وفرتي له شقه وشغل هل حضرتك شايفه ان الطبيعي ف اي بلد ان الوظيفه تبقى مستنية الانسان هل ده بيحصل ف اي بل صح

ابن حضرتك عاوز حياة بجد مش عيشه وحضرتك عارفه الفرق بين الحياة والعيشة

[herohero]

على فكرة لو سأل اى واحد منكم ترك مصر من اجل تجميع المال نفسة هو لما بينزل مصر بيتصرف ازاى او بيتفسح فين او بيحاول يكون من اهل اى موقع بيعيش فية مصريين هيعرف بسرعة ان مصر بها من الفقراء ما يدمى القلب بمعنى لما سعادتكم تنزلو فى فنادق او تعملو شوبنج فى احدى المولات الكبيرة بالعاصمة او المدن الجديدة اكيد هتلاقو ناس تعرفوها بس ماتعرفوش دخلها وانها ممكن تبيع اى شيء ؟ اي شيء من اجل التنعم بالمعيشة وما تزعلوش اوى من المصريين لانهم بيشتكو من الفقر ماحدش مد ايدو لحضراتكم يشحت بلاش تعالى واظهار الطبقية عيشو مع الناس اللى تحت وانتو تعرفو الفارق بين ما تسطرونة من كلمات وحكايات والواقع الدامى هناك لا زال شرفاء لا يأكلون الربا او يتعاملون بالغش وعلى قد ما قسم الله لهم ويتم اهانتهم من الجميع خارج وداخل ومعايرتهم بالفقر رغم ان الدنيا ليس لها ضمان فربما نتكلم عن غنى جمع مالة وعددة ونهايتة انة أفقرة الله واصبح معدومآ فلا تتباهو بما لديكم لان الله قادر على التغيير وانزلو الى الارض ولفو مصر او القاهرة لتعرفو ولتشاهدو ابناء الفقراء وهم يعملون فى الاسواق حمالين لبضائع الاغنياء ستجدونهم فى اسفل الدرك او السلم لكنكم ترون من يرتدى اجمل الملابس ويركب السيراتو او غيرها ولم تأخذكم اعينكم الى ما دون ذلك وهذا ليس عيبآ فيكم لكنها الحياة الانسانية الغنى يرى الناس جميعآ اغنياء لانة يرتاد اماكنهم ولا يشعر بالفقراء لانة لا يدوس احيائهم

اعزائى الاغنياء من اموال الخارج ارجو لكم ان توفقو فى جمع الاموال واتمنى ان تكونو ميسورين الحال ويغنيكم الله ويهدى بالكم

اما فى مصر والمصريين المقيمين داخلها من الفقراء ان يعينهم الله على ما يحسدهم على فقرهم وعدمهم ويساووهم بأغتيائها رزقنا الله واياكم الى الصواب والمكسب الحلال والبعد عن الربا والسفة لانها رحلة مهما جمعنا من متاعها فألى زوال رحم الله الجميع وعلى مصر السلام

سيدي من هم اغتربو هم قليلين البخت الي نمالوقوشوسايط تعينهم ف البترول او معاهم فلوس يدفعوا رشوة ورفضوا وفضلوا يعملوا نفسهم بنفسهم سيدي كل اصحبي لطشت معانا ف مصر واحنا مش فشله كلنا مهندسين يعن ماغلطناش النتيجه رفضنا ندفع فلوسنتعين ف المصرية للاتصالات ولمااشتغلنا ف الكهرباء مارضوش يثبتونا

والبترول مالناش واسطة فيه غلطتنا سيدي لما سافرنا

ناخد رشاوي واحنا ف الاحياء غلطنا لما زهقنا من الفساد غلطنا لما حينا نرتاح من قرف الزحمة

بس اللي بنستغرب منه لا ننزل ونلاقي ناس ولا فارق معاها هموم الشعب يا اخي صحابي ف مصر اللي ظبطوا نفسهم الخليج بالنسبة لهم زباله

صحابي ف القريه الذكية حدث ولا حرج والحمد لله مرتباته مستحيل يخوها ف الخليج لو جود الهندي والفلبيني ف ظل انعدام المنافسه ف مصر

نحن لسنا كانزين للمال بل اننا مهتمين بالشان الوطني وغيورين ع وطنا لكننا نعيب ع نغمه الشكوى والتي نتعجب لما نراه سيدي انا نزلت قرى فيها وفيها لكن اسمح لي اقولك مظاهر الثراء بقت واضحه اما مظاهر الفقر فمصر طول عمرها فقيرة

اما مظاهر الرفاهيه الحاليه تضع علامات استفهام

هي البلد بتسرق نفسها بنفسها كل واحد حاطط ايده ف جيب التاني

والضحيه الشرفاء سيدي لم ينظر احد من برج عاجي لانك متاكد من هم ف الخليج قليلي الحيلة

لان لو ابويا ف البترول ولا الاتصالاات ولا المطار ولا ياسيدي حتى الري

والله بقت وراثه وانا شايف بام عيني فشلة ثانوية عامه دخلوا حقوق بتقدير مقبول دور نوفمبر واتعينوا ف النيابة

سيدي نحن لم نتكلم وكاننا من كوكب اخر لقد انكوينا بنار الفساد ولذنا بالفرار

ف البلد لاتحتاج الشرفاء الان للاسف وليعترض من يعترض الشريف ف مصر ف حرب ويعاني معاناة

الحرام بقى سهل قووووووووووووووووي ف مصر ف كل شيئ

وربنا يسترها مع الجميع

[Ahmed Anwer]

لا طبعا في فقرا و غلابه و اغلب من الغلب كمان

ودول مش حنشوفهم في الكمبوندز أو مارينا او شارم ... شرم الشيخ سابقا !!

الحسبه بمنتهى البساطه اننا 80 مليون

5% منهم البشوات اللي بنسمع و نقرا عنهم في الجرايد ويقدروا يركبوا طيارات مش عربيات

و5 % طبقه غنيه او ميسوره

دول كده 10 % .. يعني 8 مليون ... مش حنشوفهم الا في مارينا و شارم و كمبوند الصفوه

و30 % طبقه حنقول مجازا متوسطه .. لانها طبقه مطاطه زي الاستك ما بين اللي معاه حته مرسيدس موديل قديم او سي كلاس مثلا .. ولحد اللي معاهم السيراتو و ما فوقها وما تحتها ..

ومن سكان الرحاب و الشروق ومدينه نصر و لحد سكان غمره والمنيب و فيصل

يعني كاتب المقال صاحب الافيو الحقيره لا يمت لطبقه الفقراء بصله ويعتبر من الطبقه المتوسطه

بمعنى اصح دول غالبيه الناس اللي شايفينها راكبه عربياتها في الشارع و بيشتروا اللحمه اللي كانت ب 60 جنيه و بقت ب 100 علشان رمضان وبيدخلو ولادهم مدارس لغات او انترناشيونال

دول كده 40% ... يعني 32 مليون

يتبقى كام ... 60% ... ودول ما تحت الطبقه المتوسطه وانت نازل

60% من 80 مليون يعني 48 مليون ... يا بلااااش !!!

دول بقى ممكن يبتدوا من عند الدش القسط و التوك توك واللي بيركب الميكروباص و في ايده العلبه المارلبور و الحته النوكيا قسط ... او مستعمل ... او مسروق ... أو .... و انت نازل !!!

وعلى فكره الجزم النايكي و الساعات السواتش معموله للطبقه المتوسطه .. و لا مستكترينهم علينا كمان !!

______________________________________________________________________________________________________________________________________________

ده أحلي رد قريته علي المقال ده في منتدي آخر

أصل المقال ده انتشر انتشار النار في الهشيم في الميلات و المنتديات

أنا شكيت إن اللي كتبه أحمد عز حاجة من نوعية انتشار الزبالة دليل رفاهية المواطن

و أنا أضيف علي رده ،،،

لو حد حضر رمضان في مصر هيجليه ذهول من المساجد اللي مش ملاحقة علي الناس صلاة و قيام و تهجد و قرآن

طب يا ولاد اللذينا فين الحرامية و المرتشين و معدومي الضمير !!!!!

لكنه برده هيجيله ذهول من الخيم الرمضانية و الفنادق و الدنس و متابعة المسلسلات الهبلة في الشهر الكريم !!!

الفكرة باختصار إن مصر بلد كبيرة و أني نسبة مئوية فيها بتظهر بشكل كبير

و كله موجود

فمتروحشي تبص علي اللي بيعرف يعيش نسبيا و تنسي الأغلبية الساحقة اللي مش لاقية تأكل

بس الأمانة تحتم عليا إني أقولكم إن المتعلمين و أصحاب الحرف و حتي اصحاب القدر البسيط من الذكاء و الطاقة

بسهولة بيقدروا يعيشوا عيشة مقبولة و البلد مليانة فرص و فلوس أحسن من بره كمان