انت ساكن فى الادوار العالية - طب تعالى احكيلك

[اغابي]

طيب دى نظريه اينشتاين طيب نظريه الزلازل بتقول لما تبقى فى الادوار التحت هتتفعص و هيبقى صعب انقاذك خليك فوق علشان تبقى على وش القفص

قصدى على وش الانقاض ...طيب لا العالى ينفع علشان الواحد ما يعجزش بسرعه و يموت والواطى ما ينفعش علشان الزلازل لما تشرف ما نموتش برضه

يعنى الواحد يروح فين يعنى ننام على الرصيف و لا ايه؟؟؟ّّّههههههههه

لا وانت الصادقة نظرية الزلازال بتقول لم ينجح احد

كله حيتفعص انت فاكرة برج مصر الجديدة واللى حصل فيه الادوارالعالية ماتو قبل الادوار الاقل

وبعدين ما تبقيش متشائمة انت بس اللى ممكن تستفيدي بيه انك فى اول فرصة ما تشتريش شقق ادوار عالية

وبكدا يبقى طبقتى نظرية اينشتاين بجد وما تخافيش من الزلزال اللى ساكنين فى الاول والتانى حياخدو السلالم وفى خطوتين حيبقوا فى الشارع وينقذو حياتهم

شكرا لمشاركتك

اغابي

:roseop:

[المهندسه]

اقولك على سر يا اغابى ....

انا عندى فوبيا من الادوار العليا ...فعلا دى حقيقه طيب اقولك الافظع الفوبيا بتجيلى لما بطلع الدور....

الثانى بعد الارضى .. cr((:

ايون التانى البعد الاول الهو على بعد 10 سلمات ده عارفاه ..فعلا بحس انى دايخه و هقع و رجلى ما بتتحركش سنه خالص بتصمر مكانى و ما اقدرش ابص من الشباك خالص...واى حد ساكن فوق ما بروحلوش خالص ...طيب خدى دى كمان ...وانا صغيره لما كان حد يشيلنى فوق اكتافه واحس انى اعلى من الناس كان بيجيلى نفش الشعور وانادى لحد ينجدنى :Laie:

[Ambitious]

ياجماعة دى مش نظرية اينشتاين دى حاجة زى دراسة وحبت تدعم كلامها بنظرية النسبية لإينشتاين لكن الموضوع مختلف تماما .. اينشتاين قال ان الزمن بيتغير مع الإرتفاع عن سطح البحر وفعلا النظرية دى أثبتت صحتها لكن مش لدرجة ارتفاع 100 متر يبقى نقول الزمن بيتغير .. المسافات دى بتتقدر بالمسافات بين الكواكب او بين كوكب الأرض وكواكب تانية خارج المجموعة الشمسية .. الموضوع ده فكرنى بمسألة جتلى فى امتحان فى الكلية عن اتنين توأم واحد منهم عاش على الأرض والتانى راح كوكب مش فاكر اسمه .. التوأم الأول اصبح عمره 30 سنة .. عمر أخوه التانى كام ؟ :blink:

عموما نظرية النسبية دى شئ معقد جدا جدا لدرجة اننا فى الكلية درسنا كورس كامل فى ترم لشرح نظرية النسبية والدكتور ياعينى كان بيتشقلب فى المحاضرة عشان يحاول يفهمنا وبرضه محدش فهمها :lol:

نفسى افهم الجدع ده كان بيعمل دماغ ايه smk:

تم تعديل 25 سبتمبر 2010 بواسطة Ambitious

[شريف مان]

نفسى افهم الجدع ده كان بيعمل دماغ ايه smk:

أكيد مكنش بياكل فوووووووووووووووووول

:lol:

تم تعديل 25 سبتمبر 2010 بواسطة شريف مان

[Damo]

اللي هقوله ده ليه علاقة برأيي في الدراسة دي :closedeyes: مش بره الموضوع

يوم من الايام طلعت دراسة تقول ان اللمبه السهاري اللي بتتحط للأطفال باليل بتسبـبلهم قصر نظر..وأثبتوا الكلام ده باحصائيات قويه جدا وضحت ان اللي كبروا على لمبه سهاري ونظرهم ضعيف عددهم أكتر كتييييييير من اللي نظرهم ضعيف بدون السهاري.

بعديها بفترة عملوا دراسة تانية ! لقوا ان السهاري بريئة من كل الاتهامات دي ....اللي بيحصل ان الاباااء اللي نظرهم ضعيف غالبا هما شخصيا بيستخدموا سهاري بليل ...ومن الطبيعي ان اولادهم يطلعوا نظرهم ضعيف بالوراثة !

وارد جدا يكون فيه سبب خفي لسة مش نعرفو اللي بيعيشوا فوق يعجزوا بدري واللي يعيشوا تحت بيعمروا والكلام ده مجرد indication على تواجد السبب ده ...لكن مش ضروري السبب نفسه. بعدين ازاي يعني حووته من الثانيه فرق بين كل عشرميت دور تفرق سنيييين من العمر بين دور والتاني

بالعقل كده يا جماعة :blink: