اذهب الي المحتوي
ArabHosters
Hend Ali

امنية عايزها تتحقق دلوقت

Recommended Posts

بجد و من غير شعارات

نفسي مصر ترجع شيك تاني

حاجة كده زي الثلاثينيات الميلادية

أيام أحمد شوقي و حافظ ابراهيم و أحمد رامي ... أيام الشيخ محمد رفعت و المنشاوي و مصطفى اسماعيل .... أيام عبد الوهاب و يوسف بك وهبي

نفسي ترجع طريقة الكلام بسيطة و راقية وكلها طيبة

نفسي يكون في صالونات أدبية و سياسية ( و لو إن ده بجد موجود في المحاورات و هو ده اللي بيخلليني أعيش في الزمن الجميل)

نفسي الناس ترجع أعصابها هادية و وشوشهم تبقى بشوشة مش شايلين الهم

نفسي كل المغتربين و المهاجرين يرجعوا مصر و يحسوا انهم كسبانين

نفسي اشارك في الحياة السياسية و اطلع بطاقة انتخابية وانتخب بجد

نفسي يبقى لي صوت مسموع و نواب يمثلوني

نفسي في تعليم محترم لأولادي و مراكز رعاية صحية في كل قرية و كل نجع

نفسي في بيت جميل يلمني انا و أسرتي مش لازم يكون فخم اوي بس يكون لائق ان ناس تعيش فيه

نفسي في شارع آمن ممكن أخللي أولادي ينزلوا و أنا مطمئنة

نفسي ما أشوفش ست كبيرة مرمية بتعيط و مقهورة لأن ولادها اللي شقيت في تربيتهم مش سائلين فيها

نفسي ما أشوفش راجل كبير قاعد على القهوة بعد ما يطلع معاش و جواه كآبة شديدة تخليه يتمنى الموت كل لحظة مع احساسه انه خلاص ماعادش له لزمة

نفسي ما أشوفش ولاد الشوارع و ألاقيهم بيتعلموا القدر الأساسي من التعليم و لو عايزين يبقوا أصحاب حرف يلاقوا مدارس محترمة تعلمهم من غير ما يحسوا انهم مواطنين درجة تانية

نفسي المرور يبقى منظم

نفسي الناس ترجع تبتسم و يبقى عندها أهداف عايزة تحققها و همة حاسين ان كل شيء ممكن يتحقق

نفسي ما أحسش بالخوف من الشرطة و ترجع تاني في خدمة الشعب مش لإرهاب الشعب

نفسي في حاضر أعيشه و مستقبل أستناه .... كفاية بقى عيش في الماضي

دي مش أحلام مستحيلة

كلي إيمان انها تتحقق و قريبا جدا كمان

و من غير فانوس كمان:P

والله من غير مبالغة فى حاجات كتيرة من اللى حضرتك ذكرتيها متوفرة بالفعل

عندكم فى القاهرة مثلا ساقية الصاوى ومايعرض فيها من زخم ثقافى وفنى وبيت السحيمى وبعض

قصور الثقافة فيها ندوات كويسة واسكندرية برضه فيها اماكن زى كده كتير

انا وبنتى بنمشى بامان فى الشارع والحمد لله وبنتى بتروح دروسها ومدرستها بامان

ابنى الكبير ساعات يرجع من شغله بعد3 صباحا فى امان

وساعات بلاقى فلاحات جايين وقت الفجر مع بضاعتهم ولوحدهم وسيدات رايحة تصلى الفجر لوحدها

فى لسة ناس محترمة بتتكلم بادب وبهدوء

فى رجالة وستات لحد دلوقت بتبوس ايد امها وابوها

مستوى التعليم كويس فى مدارس كتير بس عاوز تطوير

الشرطة مش بتعامل كل الناس وحش الا لو فى احتكاك مباشر معاها لكن احنا بنمشى جنبهم

عادى من غير مشاكل ولاضرر طالما ماشين فى حالنا ومش بنثير مشاكل

الناس بتحاول تتغلب على المرار اللى هم فيه بالضحكة حتى لو كانت مصطنعة

لكن الحياة السياسية بقى دى اللى حتخلى العفريت يطفش من الفانوس والدنيا كلها

أمنياتي مش ليا لوحدي يا هند

دي لمصر كلها

عن نفسي البيئة اللي اتربيت فيها مكانش فيها أي حاجات وحشة من دي

و لا عمري تعرضت لأي أذى أو ضرر في مصر

بالعكس تماما

كل ذكرياتي في مصر جميلة جدا

اتعلمت في جامعة عين شمس ببلاش

اشتغلت في مدرسة لغات بعد التخرج و كان راتبي كبير و كان وسط الشغل راقي جدا

أصحابي كلهم من مستوى راقي اجتماعيا و ماديا و بيتكلموا بأدب و هدوء

عمري ما حسيت بالخوف و أنا في الشارع

و لا عمري اصطدمت بالشرطة

و لا تعرضت لظلم من حد

محدش من أسرتي و لا قرايبي أهان أبوه و أمه

بس دي حياتي أنا

اللي نفسي كل المصريين يعيشوها

في كل حتة في مصر

و مش بس في القاهرة و اسكندرية

شارك هذه المشاركه


رابط المشاركه
شارك

عارفة يامصرية ربما لاننا ولدنا ونشأنا فى مدن كبرى حازت على اكبر قدر من الاهتمام والرعاية

من جميع المسئولين فذلك جعلنا نشعر بالرضى والامتنان ولكن فى المقابل مانراه من سلبياتهم

وربما عدم اهتمامهم بمدن اخرى جعلت من سكانها يجئرون بالشكوى لعدم توافر ادنى مستوى للنظافة

وانعدام فرص العمل او حتى الفشل فى الحصول على كوب ماء غير ملوث فذلك جعلنا نشعر بالسخط لم

وصل اليه حالهم وايضا المعاناة بسببهم لان كل ذلك تسبب فى ملايين من الهجرة الداخلية من هذه

المدن الى العاصمة والمدن الكبرى بحثا عن لقمة عيش وفرصة عمل وبالتبعية قامت مئات الاماكن العشوائية

لتاوى هذا السيل من المهاجرين وماتبعه ذلك من افرازات غير سوية بلطجة ومخدرات وتحرشات وازدحام وتكدس

فى الشوارع والمرور واصبح فعلا هناك مناطق تخافى السير بها نهارا وتجدى الفاظ تعف الاذن عن سماعها

ولن نعفى سكان هذه المدن من المسئولية ولكن اختلاط كل هذه الفئات ببعضها شوه معالم السكان

الاصليين وانتج جيل مختلط منهم مازال متمسكا بالعادات والتقاليد وهؤلاء ابناء الطبقة المتوسطة (الاخذة

فى الاندثار) الذين اتيح لهم فرصة للتعليم واخرون نخر الفقر والجوع اجسادهم ولم تتح لهم الا فرص

عمل حرفية وربما اخرى متدنية زادت من سوقية الفاظ البعض منهم فاصبح الكثيرون يفقتدون الاسلوب

الراقى والصوت الهادئ وايضا بعض من عدم الشعور بالامان

المسئولية مسئولية الحكومة فى المقام الاول والاخير لما ال اليه حال المجتمع من عشوائيات

شارك هذه المشاركه


رابط المشاركه
شارك

ياسلام و الله هعيط

اللى عايز يحرر غزة واللى عايز صلاح البلد والللى عايز نهاية اليهود واللى عايز غاندى واللى عايز صلاح الدين الايوبى

انا بقى عايز لب ابيض :lol:

هوا بس الفنوس يقع فى ايدى وانا طبعا ليا سبع طلبات زى اسماعيل يس ومكى :blink:

1- بليون استرلينى

2- جواز سفر دبلوماسى

3- قصر احسن من قصر سلطان بورناى

4- طيارة خاصة

5- ملكة جمال الكون تجيى تسلينى ( فى الحلال طبعا ) محدش يفهمنى غلط

6- شوية بنات من اليابان لزوم المساج والتدليك wst::

7- شقة تطل على الحرم لزوم الروحانيات :P

شارك هذه المشاركه


رابط المشاركه
شارك

....شاليه تايم شير فى شارم الشيخ...

....فدان ارض فى البلد ....

....سويت تايم شير فى مكة (فى ابراج الصفا )

.....منحة للماجستير فى نيو يورك .........

....سرة من الدنانير السويسرية ...........

.....لحد فى البقيع ...

دعوة مستجابة ...

اللهم انت ولى ذلك والقادر عليه

تم تعديل بواسطة shiko

شارك هذه المشاركه


رابط المشاركه
شارك

انا نفسي ربنا يشفي هشام ابني.

شارك هذه المشاركه


رابط المشاركه
شارك

انا نفسي ربنا يشفي هشام ابني.

اللهم اشفيه وعافيه ...امين امين امين

شارك هذه المشاركه


رابط المشاركه
شارك

انا نفسي ربنا يشفي هشام ابني.

يارب يمن عليه بالشفا والعافية باذن الله

شارك هذه المشاركه


رابط المشاركه
شارك

افرح بجواز الولاد والبنات

شارك هذه المشاركه


رابط المشاركه
شارك

افرح بجواز الولاد والبنات

ربنا يفرحك بيهم وتشوفى ولاد ولادهم ان شاء الله

شارك هذه المشاركه


رابط المشاركه
شارك
في Tuesday, September 21, 2010 at 19:08, shiko said:

اخبار عن Shiko

 

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...