امنية عايزها تتحقق دلوقت

[Hend Ali 1,017]

فكر لو وقع فى ايدك فانوس سحرى بامنية واحدة تتطلب ايه

انا نفسى فى مهاتما غاندى ومهاتير محمد مصريون

[اغابي 430]

شوفى يا هند

بما ان مسكت الفانوس السحرى حاليا و العفريت طلعلى منه وشبك ولابك

فانا طلبت فرصة خمس دقائق فقط

وقولت اول حاجة تيجي فى دماغى يبقى هى دى الامنية

عارفة يا هند لاقيت ايه

لاقيت وشششششششششش كتير

كله عناويين فى تفكيري عن مصر ومشاكل مصر والمصريين وغربتهم وشقاهم وتعبهم والحالة اللى فيها

توتر توتر توتر كتير والسبب الارض - الام - الوطن - اللى اتغربنا منه وهو جوانا

يبقى الامنية الاولى والوحيدة

مصر تبقى بحال افضل :roseop:

اغابي

تم تعديل September 17, 2010 بواسطة اغابي

[Hend Ali 1,017]

شوفى يا هند

بما ان مسكت الفانوس السحرى حاليا و العفريت طلعلى منه وشبك ولابك

فانا طلبت فرصة خمس دقائق فقط

وقولت اول حاجة تيجي فى دماغى يبقى هى دى الامنية

عارفة يا هند لاقيت ايه

لاقيت وشششششششششش كتير

كله عناويين فى تفكيري عن مصر ومشاكل مصر والمصريين وغربتهم وشقاهم وتعبهم والحالة اللى فيها

توتر توتر توتر كتير والسبب الارض - الام - الوطن - اللى اتغربنا منه وهو جوانا

يبقى الامنية الاولى والوحيدة

مصر تبقى بحال افضل :roseop:

اغابي

عشان كده اتمنيت غاندى مصرى يقود عصيان مدنى ومهاتير محمد برضه مصرى يعدل اقتصادنا المنهوب

ساعتها المتغرب يرجع وهو مطمن والمهاجر الغير شرعى حيبطل ينتحر

ساعتها الناس تبطل تنتحر عشان فقر ولا مصروف بيت زى اللى حاصل دلوقت فى عهد كبير الرحمانية

ساعتها الشباب يلاقى وظايف ويشتغل بدل ماهو فريسة للفراغ والادمان

ساعتها الشباب يقدر يكون اسرة وينحصر التحرش والاغتصاب

ساعتها حتتغير حاجات كتيرة وحشة وتصبح مصر حالها افضل

[ذهبية 208]

نفسى ابطل اقرا الجرايد او اشوف اخر الاخبار على النت لو ينفع عفريت المصباح يبطل فيا الخصلة دى هاكون شاكرة

لانى نفسى اعيش لحد ما اربى العيال كل ما اشوف حالنا وصل لاية و المهازل اللى باقراها كل يوم ضغطى يرتفع و اقول حرمت اخر مرة هاعملها مش هاقرا تاتى

مفيش فايدةةةة

عايزة حد يبطلنى الخصلة دىىى عايزة اعرف اعيش يومين من غير ما الضغط يعلى و لا التشاؤم يركبنى و الخوف من بكرة يروح

ينفع الامنية المستحيلة دى تحقق

[engmido 101]

اتمنى من الله ان يحسن ختامنا وان يرحم موتانا وموتى المسلمين وان يشفى مرضانا ومرضى المسلمين

وان يوفقنا الى ما يحب ويرضى فى الدنيا والاخرة انه ولى ذلك والقادر عليه

[hakeem 8]

امانيكم حلوه ومشروعه كلها انا بقى امنيتى انى اسيب البلد دى خالص ومرجعش هنا تانى ..يعنى يجيبوا غاندى يحكمها ولا مهاتير محمد يصلح اقتصادها..مش هشغل بالى لان فى مقوله اتقالك من زماااااااااان وهى (مفيش فايده)

[se_ Elsyed 1,727]

نفسي في كوبري طوييييييييييييل يوصل بين القاهرة وإسكندرية

ونفسي مصر تاخد كاس العالم

[عبير يونس 2,659]

بجد و من غير شعارات

نفسي مصر ترجع شيك تاني

حاجة كده زي الثلاثينيات الميلادية

أيام أحمد شوقي و حافظ ابراهيم و أحمد رامي ... أيام الشيخ محمد رفعت و المنشاوي و مصطفى اسماعيل .... أيام عبد الوهاب و يوسف بك وهبي

نفسي ترجع طريقة الكلام بسيطة و راقية وكلها طيبة

نفسي يكون في صالونات أدبية و سياسية ( و لو إن ده بجد موجود في المحاورات و هو ده اللي بيخلليني أعيش في الزمن الجميل)

نفسي الناس ترجع أعصابها هادية و وشوشهم تبقى بشوشة مش شايلين الهم

نفسي كل المغتربين و المهاجرين يرجعوا مصر و يحسوا انهم كسبانين

نفسي اشارك في الحياة السياسية و اطلع بطاقة انتخابية وانتخب بجد

نفسي يبقى لي صوت مسموع و نواب يمثلوني

نفسي في تعليم محترم لأولادي و مراكز رعاية صحية في كل قرية و كل نجع

نفسي في بيت جميل يلمني انا و أسرتي مش لازم يكون فخم اوي بس يكون لائق ان ناس تعيش فيه

نفسي في شارع آمن ممكن أخللي أولادي ينزلوا و أنا مطمئنة

نفسي ما أشوفش ست كبيرة مرمية بتعيط و مقهورة لأن ولادها اللي شقيت في تربيتهم مش سائلين فيها

نفسي ما أشوفش راجل كبير قاعد على القهوة بعد ما يطلع معاش و جواه كآبة شديدة تخليه يتمنى الموت كل لحظة مع احساسه انه خلاص ماعادش له لزمة

نفسي ما أشوفش ولاد الشوارع و ألاقيهم بيتعلموا القدر الأساسي من التعليم و لو عايزين يبقوا أصحاب حرف يلاقوا مدارس محترمة تعلمهم من غير ما يحسوا انهم مواطنين درجة تانية

نفسي المرور يبقى منظم

نفسي الناس ترجع تبتسم و يبقى عندها أهداف عايزة تحققها و همة حاسين ان كل شيء ممكن يتحقق

نفسي ما أحسش بالخوف من الشرطة و ترجع تاني في خدمة الشعب مش لإرهاب الشعب

نفسي في حاضر أعيشه و مستقبل أستناه .... كفاية بقى عيش في الماضي

دي مش أحلام مستحيلة

كلي إيمان انها تتحقق و قريبا جدا كمان

و من غير فانوس كمان:P

[Hend Ali 1,017]

نفسى ابطل اقرا الجرايد او اشوف اخر الاخبار على النت لو ينفع عفريت المصباح يبطل فيا الخصلة دى هاكون شاكرة

لانى نفسى اعيش لحد ما اربى العيال كل ما اشوف حالنا وصل لاية و المهازل اللى باقراها كل يوم ضغطى يرتفع و اقول حرمت اخر مرة هاعملها مش هاقرا تاتى

مفيش فايدةةةة

عايزة حد يبطلنى الخصلة دىىى عايزة اعرف اعيش يومين من غير ما الضغط يعلى و لا التشاؤم يركبنى و الخوف من بكرة يروح

ينفع الامنية المستحيلة دى تحقق

الاخت العزيزة ذهبية

اضم صوتى لصوتك كل يوم اقول لنفسى الكلام ده ومش بانفذه

[Hend Ali 1,017]

اتمنى من الله ان يحسن ختامنا وان يرحم موتانا وموتى المسلمين وان يشفى مرضانا ومرضى المسلمين

وان يوفقنا الى ما يحب ويرضى فى الدنيا والاخرة انه ولى ذلك والقادر عليه

اللهم امين

[Hend Ali 1,017]

امانيكم حلوه ومشروعه كلها انا بقى امنيتى انى اسيب البلد دى خالص ومرجعش هنا تانى ..يعنى يجيبوا غاندى يحكمها ولا مهاتير محمد يصلح اقتصادها..مش هشغل بالى لان فى مقوله اتقالك من زماااااااااان وهى (مفيش فايده)

دى بلدنا واحنا مش ضيوف عليهاعشان نسيبها

لو كل واحد فكر زى حضرتك وقال الكلام ده يبقى فعلا احنا ضيوف زى مابيدعوا

خلى املك فى ربنا كبير وبلاش تتنازل عن حق ولادك

اسأل الاخوة المغتربين حيقول لك نار هنا ولاجنة الغربة

[akramgroup 93]

حرية وتعدد الاختيارات

بس كده

[Hend Ali 1,017]

نفسي في كوبري طوييييييييييييل يوصل بين القاهرة وإسكندرية

ونفسي مصر تاخد كاس العالم

[Hend Ali 1,017]

متهيألى ده اسهل على العفريت كما ورد فى نكتة للاخت مغتربة

[لماضة مصرية جدا 853]

السلام عليكم و رحمة الله و بركاته

بما ان حضرتك قولتي دلوقتي...دلوقتي...يعني....اصل العفريت اكيد مش فاضي...يبقي

انا بس نفسي بابا يصحي دلوقتي....عايزة ااقوله حاجة

هو ان شاء الله هيصحي ع الفجر

بس انا كنت عايزة ااقولهاله دلوقتي

نفسي بقي اللي عنده كلمة حلوة لحد....يقولها و ميعقدشي القعدة السودة اللي انا قاعداها دي

لو عمو العفريت قاعد شوية......لو ممكن علاج لكل طفل مريض.......نفسي علاج ميخليش الاطفال اصلا يعيوا و لا يتوجعوا...و ربنا يشفي كل المرضي

ع جنب بقي

هو التوبيك دوت محطوط في ناحية انجازات المصريين ليه.....؟؟؟ هو العفريت من شبرا :lol:

مسااااكي امينات حلوة.....و ربنا كريم

[لماضة مصرية جدا 853]

نفسي في شارع آمن ممكن أخللي أولادي ينزلوا و أنا مطمئنة

نفسي ما أشوفش ست كبيرة مرمية بتعيط و مقهورة لأن ولادها اللي شقيت في تربيتهم مش سائلين فيها

نفسي ما أشوفش راجل كبير قاعد على القهوة بعد ما يطلع معاش و جواه كآبة شديدة تخليه يتمنى الموت كل لحظة مع احساسه انه خلاص ماعادش له لزمة

و من غير فانوس كمان:P

السلام عليكم و رحمة الله و بركاته

وقفت قدام امنياتك اللي اقتبستهم فوق دول....و صدقيني بكيت

بكيت لان استاذي في الجامعة علمنا مقولة غريبة اوي....بيقولك عندما نشير باصبع التهام للاخر فان هناك اربع اصابع ترتد الينا

الشارع الآمن

البيئة الآمنة التي تكفل للمهمشين....اطفالا و شيوخا و نساءا سكنا نفسيا قبل ان ترمي اليهم بالفتات....هي مسئوليتنا جميعا.....هي تلك الامانة التي نحملها.....انها امانة....و عجبت حين تأملت ان كلمة أمانة تقترب كثيرا من كلمة أمنية.....لعل كل أمنية هي امانة تلح علينا و لعل كل أمانة هي أمنية لشخص آخر....تتضرع عيناه لتحقيقها

فقط خاطرة راودتني...من كلماتك

تحياتي

[Hend Ali 1,017]

بجد و من غير شعارات

نفسي مصر ترجع شيك تاني

حاجة كده زي الثلاثينيات الميلادية

أيام أحمد شوقي و حافظ ابراهيم و أحمد رامي ... أيام الشيخ محمد رفعت و المنشاوي و مصطفى اسماعيل .... أيام عبد الوهاب و يوسف بك وهبي

نفسي ترجع طريقة الكلام بسيطة و راقية وكلها طيبة

نفسي يكون في صالونات أدبية و سياسية ( و لو إن ده بجد موجود في المحاورات و هو ده اللي بيخلليني أعيش في الزمن الجميل)

نفسي الناس ترجع أعصابها هادية و وشوشهم تبقى بشوشة مش شايلين الهم

نفسي كل المغتربين و المهاجرين يرجعوا مصر و يحسوا انهم كسبانين

نفسي اشارك في الحياة السياسية و اطلع بطاقة انتخابية وانتخب بجد

نفسي يبقى لي صوت مسموع و نواب يمثلوني

نفسي في تعليم محترم لأولادي و مراكز رعاية صحية في كل قرية و كل نجع

نفسي في بيت جميل يلمني انا و أسرتي مش لازم يكون فخم اوي بس يكون لائق ان ناس تعيش فيه

نفسي في شارع آمن ممكن أخللي أولادي ينزلوا و أنا مطمئنة

نفسي ما أشوفش ست كبيرة مرمية بتعيط و مقهورة لأن ولادها اللي شقيت في تربيتهم مش سائلين فيها

نفسي ما أشوفش راجل كبير قاعد على القهوة بعد ما يطلع معاش و جواه كآبة شديدة تخليه يتمنى الموت كل لحظة مع احساسه انه خلاص ماعادش له لزمة

نفسي ما أشوفش ولاد الشوارع و ألاقيهم بيتعلموا القدر الأساسي من التعليم و لو عايزين يبقوا أصحاب حرف يلاقوا مدارس محترمة تعلمهم من غير ما يحسوا انهم مواطنين درجة تانية

نفسي المرور يبقى منظم

نفسي الناس ترجع تبتسم و يبقى عندها أهداف عايزة تحققها و همة حاسين ان كل شيء ممكن يتحقق

نفسي ما أحسش بالخوف من الشرطة و ترجع تاني في خدمة الشعب مش لإرهاب الشعب

نفسي في حاضر أعيشه و مستقبل أستناه .... كفاية بقى عيش في الماضي

دي مش أحلام مستحيلة

كلي إيمان انها تتحقق و قريبا جدا كمان

و من غير فانوس كمان:P

والله من غير مبالغة فى حاجات كتيرة من اللى حضرتك ذكرتيها متوفرة بالفعل

عندكم فى القاهرة مثلا ساقية الصاوى ومايعرض فيها من زخم ثقافى وفنى وبيت السحيمى وبعض

قصور الثقافة فيها ندوات كويسة واسكندرية برضه فيها اماكن زى كده كتير

انا وبنتى بنمشى بامان فى الشارع والحمد لله وبنتى بتروح دروسها ومدرستها بامان

ابنى الكبير ساعات يرجع من شغله بعد3 صباحا فى امان

وساعات بلاقى فلاحات جايين وقت الفجر مع بضاعتهم ولوحدهم وسيدات رايحة تصلى الفجر لوحدها

فى لسة ناس محترمة بتتكلم بادب وبهدوء

فى رجالة وستات لحد دلوقت بتبوس ايد امها وابوها

مستوى التعليم كويس فى مدارس كتير بس عاوز تطوير

الشرطة مش بتعامل كل الناس وحش الا لو فى احتكاك مباشر معاها لكن احنا بنمشى جنبهم

عادى من غير مشاكل ولاضرر طالما ماشين فى حالنا ومش بنثير مشاكل

الناس بتحاول تتغلب على المرار اللى هم فيه بالضحكة حتى لو كانت مصطنعة

لكن الحياة السياسية بقى دى اللى حتخلى العفريت يطفش من الفانوس والدنيا كلها

[Hend Ali 1,017]

حرية وتعدد الاختيارات

بس كده

يسمع منك ربنا

[Hend Ali 1,017]

السلام عليكم و رحمة الله و بركاته

بما ان حضرتك قولتي دلوقتي...دلوقتي...يعني....اصل العفريت اكيد مش فاضي...يبقي

انا بس نفسي بابا يصحي دلوقتي....عايزة ااقوله حاجة

هو ان شاء الله هيصحي ع الفجر

بس انا كنت عايزة ااقولهاله دلوقتي

نفسي بقي اللي عنده كلمة حلوة لحد....يقولها و ميعقدشي القعدة السودة اللي انا قاعداها دي

لو عمو العفريت قاعد شوية......لو ممكن علاج لكل طفل مريض.......نفسي علاج ميخليش الاطفال اصلا يعيوا و لا يتوجعوا...و ربنا يشفي كل المرضي

ع جنب بقي

هو التوبيك دوت محطوط في ناحية انجازات المصريين ليه.....؟؟؟ هو العفريت من شبرا :lol:

مسااااكي امينات حلوة.....و ربنا كريم

وعليكم السلام ورحمة الله وبركاته

واضح انك بتحبى والدك جدا ربنا يبارك لك فيه

لو فى زراعة نظيفة خالية من مبيدات وكيماويات مسرطنة تاكدى مش حتلاقى اطفال مرضى بالصورة البشعة

اللى شايفنها دلوقت

اما موضوع التوبيكات مش عارفة بتتصنف تبعا لايه لو عرفتى ابقى قولى لى

صباحك لبن حليب صافى

على جنب

بعت رد على رسالتك لكن ظهرت عبارة لماضة لاتستطيع استقبال رسائل الان (انت كنت قافلة الباب ولاايه)

[pocy 99]

انا بقي هيبقي نفسي فى حاجه واحده انى احج لبيت الله وارضي ربي ثم بعده زوجى ويكرمنى فى ابنى ويكون الولد الصالح فى حياتي ومماتى وادخل الجنه واكون رفيقه رسولنا ونبينا الحبيب محمد صلي الله عليه وسلم