Jump to content
ArabHosters
hOuSsAm

هو ليه الطبيب والصيدلى والبيطرى.. بنقوله يا دكتور....

Recommended Posts

عشان الموضوع ميتفهمش غلط ومحدش يقول انى منفسن او ماشابه..... انا كنت فى ثانوى علمى رياضة وعمرى مفكرت فى الكليات دى... بس خلونا نفكر بصوت عالى

من زمان وفى ايام الجامعة ويا محلاها ايام,,,, ماعلينا

فى مرة من المرات وساعة العصرية ماشى مع واحد صحبى من طلبة طب فى حرم كلية الطب... واذا به كل شوية ازيك يا دكتور ويسلم على واحد ازيك يا دكتور ويسلم عالتانى وبيبصولى نظرات ثاقبة أهذا عميل او شخص مندس داخل الكلية لا ينتمى اليها,,,,, ماعلينا بردوا

اللى لفت انتباهى ان كل الناس فى الكلية دى دكاترة..... يعنى مش زى عندنا فيه طلبة ومعيدين واستاذ مساعد ودكتور ومعيد

لاء هناك عندهم بيقولوا لاى حد يا دكتور,,,,, حتى شكيت وظننت انه هيقول للساعى يا دكتور

مما دفعنى لالقاء سؤال برئ هو ليه بنقول لاى حد لابس بالطو ابيض والمتمثلين فى مهن الطب والصيدلة والبيطرة يا دكتور بالرغم من انهم مش معاهم دكتوراة ولا ماجيستير اصلا

وتسالت ايضا هو ليه احنا بنساوى بين الناس اللى تعبت وذاكرت وحضرت دكتوراة وعملت ابحاث وسافرت بلاد بطلبة او خريجين تلك الكليات

وايضا بحثت وتسالت هل فى اوروبا وامريكا والدول المتقدمة والمتاخرة :) بيقولوا للطبيب والصيدلى يا دكتور.... ولا بينادوهم يقولولهم ايه

ولا الدكتور حصريا على حاملى درجة الدكتوراة

هل التسمية دى فى مجتمعنا ليها تاريخ او اساس علمى ولا اخترعوها ازاى دى....... ولا انا اصلا فاهم الموضوع غلط واستاهل دوا كحة 8 مرات قبل الاكل و12 بعده

---------

سؤال برئ اخر

لو انا دخلت صيدلية او عيادة وقولتله صباح الخير يا صيدلى وصباح الخير يا طبيب,,,,,, فيها حاجة دى..... ولا حد هيزعل منى والاقى حقنة 100 سنتيمتر لابسة فى كتفى الشمال

Share this post


Link to post
Share on other sites

كلامك صح جدا يا اخ حسام بس ماهو ده عادي ما سالتش نفسك ليه بنقول لسواق الميكروباز يا هندسة ولا ياباشمهندس

اظن حكاية الدكتور ارحم

انا عند اخواتي الاتنين طبيبات كانوا مستغربين جدا ايه كل واحده تقول لزميلتها يادكتورة بس بيني وبينك يعني هيمنتشرة ف الاقاليم اكتر كلمة يادكتور او ياباشمهندس ف الكليه بين الطلبة انما ف بقية المناطق كله باسم الدلع او باسمه

انا مقتنع ان كلمة دكتور للحاصل ع الدكتوراة فالطبيب طبيب وصيدلي صيدلي

ياسيدي امال بتوعم العلاج الطبيعي 5 سنوات دراسة وعاوزين راسهم تبقى براس الروماتيزم والتاهيل خريجين الطب

يعني يعملوا شغلهم

فيا اخ حسام ماشتغلش بالك

لما يبقى سواق الميكروباظ يتقاله ياباشمهندز والسباك ويمكن اي حد مالوش مهنة تعرف تندهو ا بها تقوله كده

انا عن نفسي اول ماعيشت ف مصر بقيت اقول كده لكن لما دخلت هندسة قولت بعينه بقى بعد 5 سنين وف الاخر يبقى هو باشمهندز ومعاه ميكروباظ بكذا الف وانا لسه بدور ع شغل لا ده كتير

وزي برده ماتلاقي اللي واقف ف الصيدليه معاه دبلوم صنايع ومدرس اللغه الانجليزية اصلا بتاع جغرافيا

ياعم حسام قووووووووووووووول ياباسط

Share this post


Link to post
Share on other sites

وايضا بحثت وتسالت هل فى اوروبا وامريكا والدول المتقدمة والمتاخرة :) بيقولوا للطبيب والصيدلى يا دكتور.... ولا بينادوهم يقولولهم ايه ولا الدكتور حصريا على حاملى درجة الدكتوراة

أعتقد إنه الطبيب هناك برضه "دكتور" :P

وتسالت ايضا هو ليه احنا بنساوى بين الناس اللى تعبت وذاكرت وحضرت دكتوراة وعملت ابحاث وسافرت بلاد بطلبة او خريجين تلك الكليات

يا سيدي وهي الناس دي تعبت وذاكرت عشان يتقال لها يا دكتور؟ لو كده يبقى يستاهلوا بقى. الناس دي المفروض تعبت وذاكرت عشان حبوا كده ووجدوا متعة في كده، والمتعة دي مستمرة سواء بقى اتقال لهم يا دكتور أو يا أسطى. اللقب لا قيمة حقيقية فعلية له بقدر القيمة الفعلية للشخص نفسه. عمرك سمعت حد مثلاً بيقول: الأستاذ الدكتور/ ألبرت أينشتين؟ ذي ما في توقيع أحد الأفاضل الزملاء، العظماء الحقيقيون هم من تذكر أسماؤهم بدون ألقاب. لكن في مصر طبقية فجة وحادة، الألقاب واحدة من ملامحها.

الألقاب صنعتها البشرية لتمييز الناس غالبًا بناء على خلفية مهنية أو علمية. يعني الأصل إنه مفيش حد أعلى من حد بشكل عام. يعني المهندس لقب مهني لواحد شغلته الهندسة، والطبيب (أو الدكتور) لقب مهني لواحد شغلته الطب، والدكتور (الأكاديمي حامل الدكتوراه) لقب علمي لواحد حقق شروط علمية معينة ... الخ. يعني الأصل إنها ألقاب مهنية أو علمية مش هدفها المفاضلة أوالطبقية. لكن بمرور الوقت تولـّد عنها طبقية اجتماعية مقيتة، موجودة في كل مجتمعات العالم، لكن بدرجات متفاوتة. تزيد وتترعرع وتزدهر بازدياد تخلف المجتمع، وتقل وتضمحل وتتدهور بازدياد تقدم المجتمع (وبإمكانك وضع المقاييس اللي تحبها للتقدم والتخلف).

ويا سيدي جامعات مصر مليانة أساتذة مكانهم الطبيعي مش الجامعة. فمنهم مثلاً اللي مكانه يتاجر في الأراضي، ومنهم مثلاً اللي مكانه يبيع عربيات ... وهكذا، لكن الضغوط الاجتماعية بقى هي السبب. وفي النهاية تلاقي المكان الطبيعي هو اللي بيغلب، وبتبقى "دكتور" لقب لا قيمة فعلية له في الحقيقة.

Share this post


Link to post
Share on other sites

يا حسام يعنى لما يبقى الملط رئيس الجهاز المركزى للمحاسبات

واحمد عز رئيس لجنة الخطة والموازنة

يبقى متسألش ليه

Share this post


Link to post
Share on other sites

فى مرة من المرات وساعة العصرية ماشى مع واحد صحبى من طلبة طب فى حرم كلية الطب... واذا به كل شوية ازيك يا دكتور ويسلم على واحد ازيك يا دكتور ويسلم عالتانى وبيبصولى نظرات ثاقبة أهذا عميل او شخص مندس داخل الكلية لا ينتمى اليها,,,,, ماعلينا بردوا

مما دفعنى لالقاء سؤال برئ هو ليه بنقول لاى حد لابس بالطو ابيض والمتمثلين فى مهن الطب والصيدلة والبيطرة يا دكتور بالرغم من انهم مش معاهم دكتوراة ولا ماجيستير اصلا

وايضا بحثت وتسالت هل فى اوروبا وامريكا والدول المتقدمة والمتاخرة :) بيقولوا للطبيب والصيدلى يا دكتور.... ولا بينادوهم يقولولهم ايه

ولا الدكتور حصريا على حاملى درجة الدكتوراة

السلام عليكم

بداية تعليقا على النقطة الاولى ، والتى اشرت فيها الى ان الكل ينادى الكل بلقب " دكتور " ، أعتقد ان هذا واضح انك كنت فى احدى كليات الاقاليم ، حيث فى الاقاليم او الارياف عموما يطلق لقب دكتور ومهندس ومتر واستاذ على كل من التحق بتلك الكليات ( طب ، هندسة ، حقوق ، الخ ، وفى الماضى كان كل من انتقل للاعدادى ومابعده يلقب بلقب " أستاذ " وأفندى ، فى الارياف طبعا.

ثانيا: لقب دكتور يطلق على الاطباء لان هذا هو لقبه العالمى " حيث يلحق بأسم الطبيب حرفى " MD " أى " Medical Doctor "

أما الحاصل على الدكتوراه فيطلق عليه بروفيسور ، ويوضع بجانب اسمه " PhD " أى " Doctor of Philosophy "

بالنسبة للصيدلى والبيطرى ، الحقيقة لا أدرى .

Share this post


Link to post
Share on other sites
السلام عليكم

بداية تعليقا على النقطة الاولى ، والتى اشرت فيها الى ان الكل ينادى الكل بلقب " دكتور " ، أعتقد ان هذا واضح انك كنت فى احدى كليات الاقاليم ، حيث فى الاقاليم او الارياف عموما يطلق لقب دكتور ومهندس ومتر واستاذ على كل من التحق بتلك الكليات ( طب ، هندسة ، حقوق ، الخ ، وفى الماضى كان كل من انتقل للاعدادى ومابعده يلقب بلقب " أستاذ " وأفندى ، فى الارياف طبعا.

ثانيا: لقب دكتور يطلق على الاطباء لان هذا هو لقبه العالمى " حيث يلحق بأسم الطبيب حرفى " MD " أى " Medical Doctor "

أما الحاصل على الدكتوراه فيطلق عليه بروفيسور ، ويوضع بجانب اسمه " PhD " أى " Doctor of Philosophy "

بالنسبة للصيدلى والبيطرى ، الحقيقة لا أدرى .

الفاضل محمد

وعليكم السلام

كان نفسى يبقى كلامك موضوعى شوية ومتحملش الليلة فوق دماغ الاقاليم (انا عامل التوبيك فى موضوعات خفيفة وبالتالى الموضوع مش هيستحمل كلام عالاقاليم او غيره),,,,,, ماعلينا وخلينا فى موضوعنا

انت فعلا عندك حق انهم بيقولوا للطبيب doctor وده اكتشفته النهاردة وانا بقرا روشتة دوا كانت 3 لغات انجليزى وفرنسى وعربى (كانت الجملة اللى استنتجت منها التعريف لا يصرف الدواء الا بمعرفة الطبيب)

فى الانجليزى مكتوب The doctor who responsible for medicen

فى الفرنساوى مكتوب le medicen

فى العربى مكتبوب لا يصرف الا تحت اشراف الطبيب

كلامك صح بالنسبة اللقب العالمى doctor ولكن الترجمة العربية له طبيب وده عشان احنا مش بنقول عاللى معاه phd بروفسيور

يبقى كدة استنتاجى مظبوط ان الناس اللى كاتبة عاليافطة بتاعتها دكتور ده استعباط (الا لو كان معاه دكتوراة فعلا) والاصل يكتبوا طبيب زى ماهو متعرف فى وزارة الصحة

------

عايز اسالك سؤال تانى... هو المعيد اللى فى كلية طب واللى مش بيمارس مهنة الطب بردوا تقوله يا دكتور (كلفظ عالمى) ولا نناديه نقوله يا ايه؟

الفاضل shawshank

أعتقد إنه الطبيب هناك برضه "دكتور"

اثبت وانا مستنيك

يا سيدي وهي الناس دي تعبت وذاكرت عشان يتقال لها يا دكتور؟ لو كده يبقى يستاهلوا بقى. الناس دي المفروض تعبت وذاكرت عشان حبوا كده ووجدوا متعة في كده، والمتعة دي مستمرة سواء بقى اتقال لهم يا دكتور أو يا أسطى. اللقب لا قيمة حقيقية فعلية له بقدر القيمة الفعلية للشخص نفسه. عمرك سمعت حد مثلاً بيقول: الأستاذ الدكتور/ ألبرت أينشتين؟ ذي ما في توقيع أحد الأفاضل الزملاء، العظماء الحقيقيون هم من تذكر أسماؤهم بدون ألقاب. لكن في مصر طبقية فجة وحادة، الألقاب واحدة من ملامحها.

انا بحييك عالكلام ده بس ده مش موضوعى ........ انا بس عايز اعرف انادى اقول يا ايه...... وانا مقتنع

الفاضل هيرو

انا عند اخواتي الاتنين طبيبات كانوا مستغربين جدا ايه كل واحده تقول لزميلتها يادكتورة بس بيني وبينك يعني هيمنتشرة ف الاقاليم اكتر كلمة يادكتور او ياباشمهندس ف الكليه بين الطلبة انما ف بقية المناطق كله باسم الدلع او باسمه

انا بصراحة لاحظت الحاجة دى بس سؤال.... هما اخواتك كانوا طب القاهرة ولا الاقاليم... لان حسب علمى الحاجة دى فى كل مكان.... احنا مش جايين من عالم تانى ياعم بردوا

------------------

تقبلوا تحياتى

Share this post


Link to post
Share on other sites

الطبيب اسمه Physician ده رسمى يعنى

وفى الابحاث العلميه والكتب تلاقى مكتوب كده

لكن ودى يعنى ممكن تقول يا دكتور , يا كبير , يا ابو ايد خفيفه.........الخ

كان واحد صاحبى اخد دراسات عليا فى التحاليل الطبيه وبعدين قرر انه يفتح معمل

وكان له واحد صاحبه طبيب بس الطبيب ده بقى غريب شويه ودار بينهم الحوار التالى

صاحبى : انا هفتح معمل ان شاء الله

الطبيب : الف مبروك انا ما عنديش مانع بس ياريت تكتب عليه الكيميائى فلان وبلاش تكتب الدكتور فلان يعنى

صاحبى : هو انت مين علشان يبقى عندك مانع او معندكش تكنش مدير مراجيح مولد النبى وانا معرفش

الطبيب : ايه ياعم قفشت ليه

صاحبى : اقفش ايه بس انت مش واعى انت بتقول ايه

وبعدين هو انت ليه كاتب يافطه عشره فى عشره وكاتب عليها الدكتور فلانى وانت اساساً لسه فى الامتياز

وبعدين انا مستعد اكتب كيميائى بس لما الطبيب يكتب على اليافطه بتعته طبيب

والصيدلى يكتب صيدلى

والبيطرى يكتب بيطرى

وقتها انا هكون اول واحد يكتب على المعمل الكيميائى فلان الفلانى

____________________________________

بس لو عاوز خبرتى يا حوس فى الموضوع ده

اعمل زى انا شخصيا بقول لاى واحد اللقب اللى هو بحبه ويمكن ده بيخلى العيال اصحابى يزعلوا منى قوى وخصوصا المهندسين

لان فيه واحد كهربائى اعرفه ممكن يزعل ويخاصمنى العمر كله لو قولت له يا استاذ ومقولتش له يابشمهندس

تخيل مش راضى بالاستاذ !!!!!!!!!!!

بس الحق يقال يا حسام الموضوع ده منتشر فى الارياف والاقاليم بشده

تحياتى

عنبو وهو عنده برد

Share this post


Link to post
Share on other sites
لكن ودى يعنى ممكن تقول يا دكتور , يا كبير , يا ابو ايد خفيفه.........الخ

gra:-

الطبيب اسمه Physician ده رسمى يعنى

صح، ده برضه موجود، بس أعتقد بيستخدم كاسم رسمي للمهنة (ذي ما حضرتك قلت) أكتر منه لقب.

أعتقد إنه الطبيب هناك برضه "دكتور"

اثبت وانا مستنيك

ماهو حضرتك أثبت أهوه بقصة الروشتة :rolleyes:

أنا بصراحة ده اللي شفته، فمش هعرف أثبت ازاي :blush2:

انا بس عايز اعرف انادى اقول يا ايه...... وانا مقتنع

أنا رأيي تناديهم كلهم بـ "دكتور". ولو ماكانتش أعراف المجتمعات الأخرى مقنعة، يبقى أمرنا لله ونحاول نقتنع بأعراف مجتمعنا.

أنا لي بس ملحوظة بخصوص حامل الدكتوراه. حسب معلوماتي، هو لقبه دكتور بشكل عام بصرف النظر عن مجال عمله. لو بيشتغل في المجال الأكاديمي، يبقى لقبه (برضه بشكل عام) Professor ذي ما تفضل الفاضل Mohammad. لو مش في المجال الأكاديمي (في الصناعة مثلاً)، بيبقى مفيش معنى للقب ده، لكن بيحتفظ بلقب "دكتور".

:roseop::roseop::roseop:

Edited by shawshank

Share this post


Link to post
Share on other sites

طيب ما الناس كلها في مصر بتقول للضابط يا باشا مع ان الباشوية ملغية من قرن فات ولو مقلتش هيزعل

لدرجة ان امناء الشرطة بيقولوا على بعض فلان بيه لما بيكلموا المواطنين

وعلى رأي واحد صاحبي

عديها الناس لبعضيها

Share this post


Link to post
Share on other sites
Guest خالد ابو الرُب

الطبيب ليش دكتور، ومعنى كلمة طبيب هي "Physician” و ليس "Doctor".

كلمة دكتور هي كلمة لاتينية تعني "I teach" او "teacher" وكانت تطلق على كبار معلمي الكنيسة في روما في القرن الثالث عشر، وهي درجة اكادمية، ولا يوجد شيء اسمع "دكتوراه مهنيه".

اول شخص حصل على لقب دكتور كان طالب في جامعة بولونيا في القرن السابع عشر، وحصل على دكتوراة في القانون.

الدكتور او "ph.D" يجب ان يكون قد انهى بحوث علمية خلال دراسته، تبدأ ب “Dissertation"، ويجب عليه ممارسة مهنة التدريس في الجامعات. الطب هي مهنه وليس لها اي بحوث بأستثناء من يَدرُس ال "Ph.D in Medicine"، هاهؤلاء طبعاً دكاترة.

على الرغم من ان الجامعات في الولايات المتحدة الامريكيه هي اول من حوّل شهادة ال "bachelors of Medicine" الى "Doctor of Medicine"، إلا ان وزارة التعاليم الامريكيه الرسميه الى اليوم لا تعترف ب MD  كدكتور، فقط تعتبرة "Master of Medicine"، اي انه فقط حاصل على شهادة تساوي درجة الماجستير واقل من الدكتوراة.

الطبيب ليس دكتور، فقط من معه شهادة الدكتوره او “Ph.D" هو الدكتور، فالطبيب طبيب، والصيدلي صيدلي، والمهندس مهندس.

Share this post


Link to post
Share on other sites
في ٢٩‏/٨‏/٢٠١٠ at 12:18, hOuSsAm said:

التسمية دى فى مجتمعنا ليها تاريخ او اساس علمى ولا اخترعوها ازاى دى....... ولا انا اصلا فاهم الموضوع غلط واستاهل دوا كحة 8 مرات قبل الاكل و12 بعده

---------

لا هما فاهمين الموضوع غلط اصلا دا من راى ومن راى انى متستاهلش دوا كحه ولا حاجه احنا اللى لازم ناخد كلنا وعلى فكره انت اكيد بتقول للصيدلى يا دكتور صح يعنى دى متهيألى عادات او لقطات شاشه🤔

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • Create New...