اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

مسلسل الجماعة , حقائق, إفتراءات أم إستخفاف بعقل المشاهد


Recommended Posts

أنا شايف إن مفيش أي حاجة تزعل

بالعكس الأخوان المفروض يمبسطوا

المسلسل ده دعاية جديدة ليهم بمليون جنية و هيكسبوا مزيد من التعاطف

المتلقي مش غبي إطلاقا و المسلسل ده هيجيب معاه نتيجة عكسية

رابط هذا التعليق
شارك

فكرتوني بالكاريكاتير بتاع الراجل الي قاعد قدام قناة ( ميلودي ) وعمال يبحلق في الشاشة على آخره فمراته بتقوله مش هتيجي تتعشى قالها اصلي عاوز اشوف آخرتها مع الست نانسي عجرم الي مش راضية تجيبها البر دي ..

يعني المسلسل مش عاجبكم وبتقولوا فيه استخفاف بعقلية المشاهد طيب بتابعوه ليه ؟ بتقيسوا يعني مدى الاستخفاف ؟

المثل بيقول لست بحاجه الى اكل البيضه كلها لتعرف انها فاسده .. فان كنتم مازلتم تتابعوا المسلسل برغم المغالطات الي بتقولوا انها فيه يبقى ده دليل كافي ان المسلسل ناجح ( فنيا ) بدليل اجباره لكم على متابعته بشكل دقيق كده ..

عن نفسي الحمد لله لا شفت المسلسل ده ولا غيره في رمضان المسلسلات عندي اجازه تماما لغايه بعده باذن الله ان ربنا احيانا ابقى اشوف ان لقيت مسلسل ما بيتعاد على قناه محترمه هعرف انه يستاهل ويمكن ساعتها اتابعه انما اضيع وقتي في رمضان على مسلسلات هو ده موسمها وبينعرض منها فيه الغث والسمين يبقى حرام علي بجد ..

فوتكم بعافية ومتنسوش تبحلقوا في الحاجه زهرة كويس لما نشوف هتجيبها البر امتى . .

رابط هذا التعليق
شارك

فكرتوني بالكاريكاتير بتاع الراجل الي قاعد قدام قناة ( ميلودي ) وعمال يبحلق في الشاشة على آخره فمراته بتقوله مش هتيجي تتعشى قالها اصلي عاوز اشوف آخرتها مع الست نانسي عجرم الي مش راضية تجيبها البر دي ..

يعني المسلسل مش عاجبكم وبتقولوا فيه استخفاف بعقلية المشاهد طيب بتابعوه ليه ؟ بتقيسوا يعني مدى الاستخفاف ؟

المثل بيقول لست بحاجه الى اكل البيضه كلها لتعرف انها فاسده .. فان كنتم مازلتم تتابعوا المسلسل برغم المغالطات الي بتقولوا انها فيه يبقى ده دليل كافي ان المسلسل ناجح ( فنيا ) بدليل اجباره لكم على متابعته بشكل دقيق كده ..

عن نفسي الحمد لله لا شفت المسلسل ده ولا غيره في رمضان المسلسلات عندي اجازه تماما لغايه بعده باذن الله ان ربنا احيانا ابقى اشوف ان لقيت مسلسل ما بيتعاد على قناه محترمه هعرف انه يستاهل ويمكن ساعتها اتابعه انما اضيع وقتي في رمضان على مسلسلات هو ده موسمها وبينعرض منها فيه الغث والسمين يبقى حرام علي بجد ..

فوتكم بعافية ومتنسوش تبحلقوا في الحاجه زهرة كويس لما نشوف هتجيبها البر امتى . .

بس التشبية والقياس هنا غير صحيح تماماً يا ضُحى وخلطتي فيه إنتي الغث مع السمين ...

فلا المسلسل حاجه فيها عُري ولا هيافه زي الحاجه زُهره ولا فيه كليبات لا نانسي ... ولا يوجد مانع من متابعته للتعرف على فكر أشخاص نختلف معهم ..

يعني هل عشان أنا لا أتفق مع فكر الحكومة يبقى لا أتابع أي تصريحات حكومية وأقول وأنا مالي وخليني في حالي ؟

رابط هذا التعليق
شارك

الهددف من المسلسل هو الي احنا فيه حاليا

و ارجع اقول تستاهلوا يا مصرين طالما انتوا راضين

و اذا كان ده حالنا في عهد الي ابوه فلاح فكيف يكون حالنا في عهد الي ابوه رئيس جمهورية

ربنا يستر علي كل مصري

رابط هذا التعليق
شارك

و ارجع اقول تستاهلوا يا مصرين طالما انتوا راضين

إيه يا عم رضا

داخل سخن علينا ليه كده

هما مين اللي يستاهلوا ؟

المصريين ؟

على أساس إنك واقف الناحية التانية لوحدك وبتقول لهم أحسن تستاهلوا وياكش تولعوا ؟

يا رضا باشا كلنا مصريين وكلنا مشاركين فيما يحدث بشكل أو بأخر

وما ينفعش حد يعزل نفسه ويخاطب المصريين وكأنه ليس منهم أو كإنه عمل كل ما في وسعه وخرج في مظاهرات وحده وعانى وقاسى لوحده .. وفي الأخير يئس وقال تستاهلوا ... صح ؟

رابط هذا التعليق
شارك

لا يا سي السيد لما اقول المصرين فانا منهم بالتاكيد

بس الي بيغظني اننا بنرضي بالظلم في كل شئ يعني الواحد لما بيدخل قسم شرطة يملأه الرعب و كانه دخل النار و و لما يكون فيه انتخابات يقولك ابعد عن الشر و غنيله و لما مواطن يموت من الشرطه قدامك تقول و انا مالي

بالله عليك ده مش شعب يستاهل ؟

رابط هذا التعليق
شارك

لا يا سي السيد لما اقول المصرين فانا منهم بالتاكيد

بس الي بيغظني اننا بنرضي بالظلم في كل شئ يعني الواحد لما بيدخل قسم شرطة يملأه الرعب و كانه دخل النار و و لما يكون فيه انتخابات يقولك ابعد عن الشر و غنيله و لما مواطن يموت من الشرطه قدامك تقول و انا مالي

بالله عليك ده مش شعب يستاهل ؟

أصل برضوا كلمة شعب .. كلمة كبيرة شويه ... وعندنا بالذات كبيرة قوي كمان

فلما تكون نسبة الأُمية متفشية هي والفقر وتتعدى 40 % ...

يبقى من الظلم إننا نطالب الناس اللي زي دي بإن قلبهم يبقى جامد ويقولوا للظلم لأ ..

لأن في بديهيات وفي اولويات ...

فعلى الأقل نوفر لهم ادنى الحقوق الادمية وبعدين نقول يستاهلوا ولا ما يستاهلوش

لكن كل اللوم بيقع على الطبقة المثقفة اللي إحنا منها واللي بتقول يالا نفسي ...

رابط هذا التعليق
شارك

رمضان كريم

الظاهر كلنا بنتفرج بس .. و ممكن نكون بنتكلم و نتناقش و ننتقد .. بس قليلين اوي اللي بيعملوا حاجة بجد .. الباقي مستني الحال يتغير "للأفضل" لوحده و لما بيبقى عنده "مشكلة" بيدور على "معرفة" تخلصهاله

عجبوني الكلمتين دول لبلال فضل

أما إن سألوك: أما من فرج قريب لمصر؟! فقل لهم: فرجها لا يصنعه إلا أهلها، وفجرها الذى ظنه الناس مستحيلا من كثرة ما رأوه من فُجر، قادم إن أراد أهلها إليه سبيلا، وإن استبدلوا اليأس بالأمل، والسخط بالمقاومة، وإن آمنوا بأن انتظار البلاء هو السبيل إلى وقوعه، وأن الذى لا تعرفه هو دائما خير من الذى عرفته وجبت آخره، وأن العمر واحد والرب واحد، وأن الله لا يغير ما بقوم حتى يغيروا ما بأنفسهم.

تم تعديل بواسطة masraweya
رابط هذا التعليق
شارك

فعلى الأقل نوفر لهم ادنى الحقوق الادمية وبعدين نقول يستاهلوا ولا ما يستاهلوش

طيب هو مين الي المفروض يوفر ليهم الحقوق دي ؟

و تفتكر طالما هما مظلوين ممكن ياخدوا حقهو و هم ساكتين ؟ و لا لازم يطالبوا بيها ؟

انا بقول يستاهلوا لانهم راضين بالظلم ؟

رابط هذا التعليق
شارك

رمضان كريم

الظاهر كلنا بنتفرج بس .. و ممكن نكون بنتكلم و نتناقش و ننتقد .. بس قليلين اوي اللي بيعملوا حاجة بجد .. الباقي مستني الحال يتغير "للأفضل" لوحده و لما بيبقى عنده "مشكلة" بيدور على "معرفة" تخلصهاله

عجبوني الكلمتين دول لبلال فضل

أما إن سألوك: أما من فرج قريب لمصر؟! فقل لهم: فرجها لا يصنعه إلا أهلها، وفجرها الذى ظنه الناس مستحيلا من كثرة ما رأوه من فُجر، قادم إن أراد أهلها إليه سبيلا، وإن استبدلوا اليأس بالأمل، والسخط بالمقاومة، وإن آمنوا بأن انتظار البلاء هو السبيل إلى وقوعه، وأن الذى لا تعرفه هو دائما خير من الذى عرفته وجبت آخره، وأن العمر واحد والرب واحد، وأن الله لا يغير ما بقوم حتى يغيروا ما بأنفسهم.

السلام عليكم و رحمة الله و بركاته

اساذتي الفاضلة

مع اني بحب كتابات بلال فضل جدا....و هو السبب انه جر رجلي في المنتدي هنا

بس خليني اختلف مع حضرتك في حاجة من وجهة نظري المتواضعة جدا

حضرتك بتقولي ان الظاهر ان احنا بنتفرج و بس

كتير مننا متخيل ان التغيير لازم يكون بثورة و لا بالمقاومة المسلحة و لا بالاعتصامات

مش تقليلا من اهمية و دور كل واحد من صور التغيير دي بس كل في موضعه

بس تغيير القوالب الفكرية....الخروج عن نمطية التفكير....القاء احجار في مياه الاعلام الراكدة قادرة علي جعل الفرد العادي انه يفكر و يحلل و يناقش و يرفض او يقبل بس ع الاقل بيكون فاهم هو بيتفرج علي ايه.....اه النهاية ممكن انه انضحك عليه.....مشهد يتكرر علي الشاشة و يتركر اكثر في الحياة اليومية

المقاومة الحقيقية....الا يفقد البني آدم حاجتين ....انسانيته...وسط الفساد....و عقله وسط الجمود

و ده اللي بيعمله الحوار و النقد

تعليقي غلي موضوع مسلسل الجماعة

الحقيقةانا مبتفرجشي ع المسلسل و لا اي مسلسل تاني في رمضان...الحاجة الوحيدة اللي بتابعها بشغف هو برنامج اسمه نشرة اخبار الفراخ بتاع طارق نور علي قناة الحقيقة و الناس....مدته حوالي 5 دقايق بس دماغه عالية

يمكن كاتب المسلسل موضح توجهه الفكري من فترة طويلة بس السؤال اللي بساله لنفسي ...الواحد لما بيشوف مسلسل اجنبي او فيلم بيحس انه بيتلعب في دماغه....و ده الدور اللي بتعمله صناعة الميديا بشكل عام...السؤال بقي....ليه ببقي مبسوطة باللعب في الدماغ الاحترافي اللي بيحصل في الميديا الاجنبية اللي بحس انها مع انها بتلعب في دماغ الواحد بس بتفترض في المشاهد نسبة ذكاء...علي عكس الدراما العربية....في مجملها

ليه بقي...هه؟؟؟

صباحكم رضا

رابط هذا التعليق
شارك

فعلى الأقل نوفر لهم ادنى الحقوق الادمية وبعدين نقول يستاهلوا ولا ما يستاهلوش

طيب هو مين الي المفروض يوفر ليهم الحقوق دي ؟

و تفتكر طالما هما مظلوين ممكن ياخدوا حقهو و هم ساكتين ؟ و لا لازم يطالبوا بيها ؟

انا بقول يستاهلوا لانهم راضين بالظلم ؟

السلام عليكم و رحمة الله و بركاته

قريت مداخلة حضرتك اكتر من مرة......و كل مرة بتترسم في ذهني صورتي انا او اي حد من اخواتي لو لا قدر الله تعرض للظلم....تخيلت لو مرت عليا كأسرة ليلة زي دي

دورت علي احساس الرضا اللي حضرتك بتقول عليه...ملقتوش

لاني لقيت ان الشعب اللي حضرتك بتوصفه ممكن يكون مقهور....ممكن يكون مظلوم.....ممكن يكون مهموم بلقمة العيش...او انه ينستر و انه يتقفل عليه باب بيت و محدش يطالبه بالايجار مثلا

الشعب دوت يا استاذي ميعرفشي يعني ايه اصلا حقوق اللي احنا بنتكلم عليها.....فيه جزء كبير منه هو فقط يبحث عن لقمة العيش

تعالي نبتدي من البداية الصح

الفقر.....المرض

توعية بثقافة الحقوق.....و مقابلها الواجبات

ساعتها نحاسب الشعب ده.....و نقول يا تري يستاهل كده و لا لا؟؟؟

و دي وجهة نظر

تحياتي

صباحك رضا....صباحك مصري جدا

رابط هذا التعليق
شارك

بس خليني اختلف مع حضرتك في حاجة من وجهة نظري المتواضعة جدا

حضرتك بتقولي ان الظاهر ان احنا بنتفرج و بس

كتير مننا متخيل ان التغيير لازم يكون بثورة و لا بالمقاومة المسلحة و لا بالاعتصامات

المقاومة الحقيقية....الا يفقد البني آدم حاجتين ....انسانيته...وسط الفساد....و عقله وسط الجمود

و ده اللي بيعمله الحوار و النقد

hi.gifhi.gifhi.gif

رابط هذا التعليق
شارك

فكرتوني بالكاريكاتير بتاع الراجل الي قاعد قدام قناة ( ميلودي ) وعمال يبحلق في الشاشة على آخره فمراته بتقوله مش هتيجي تتعشى قالها اصلي عاوز اشوف آخرتها مع الست نانسي عجرم الي مش راضية تجيبها البر دي ..

يعني المسلسل مش عاجبكم وبتقولوا فيه استخفاف بعقلية المشاهد طيب بتابعوه ليه ؟ بتقيسوا يعني مدى الاستخفاف ؟

المثل بيقول لست بحاجه الى اكل البيضه كلها لتعرف انها فاسده .. فان كنتم مازلتم تتابعوا المسلسل برغم المغالطات الي بتقولوا انها فيه يبقى ده دليل كافي ان المسلسل ناجح ( فنيا ) بدليل اجباره لكم على متابعته بشكل دقيق كده ..

غريبه قوي ان الرأي ده يطلع منك انتي بالذات يا ضحى

كنت متوقع ان متابعتك الدءوبه للكثير من النقاشات و المواضيع اللي شايفاها مش مهمه وتضييع وقت و مش مبسوطه منها يخليكي آخر واحده في الدنيا تقول كلامك أعلاه

صباح الورد :)

رابط هذا التعليق
شارك

فكرتوني بالكاريكاتير بتاع الراجل الي قاعد قدام قناة ( ميلودي ) وعمال يبحلق في الشاشة على آخره فمراته بتقوله مش هتيجي تتعشى قالها اصلي عاوز اشوف آخرتها مع الست نانسي عجرم الي مش راضية تجيبها البر دي ..

تشبيه غير موفق بالمره و اعترض عليه و لا اقبل ان يتم تشبيهنا به اساسا فشتان بين من يتمادى فى امر مسوقا بغرائزه و بين من يتمادى فيه مسوقا بعقله

يعني المسلسل مش عاجبكم وبتقولوا فيه استخفاف بعقلية المشاهد طيب بتابعوه ليه ؟ بتقيسوا يعني مدى الاستخفاف ؟

اى تقيم لابد ان يكون متكامل لان هذه هى الموضوعيه و بغض النظر عن نبره السخريه نعم نقيس مدى استخفافه و لكى يكون القياس متكامل يجب ان يكون مبنى على العمل باكمله لا حلقه او حلقتين لانها بالكثير من الممكن ان تعطى انطباع و لكنها لا تساعد على بناء حكم

المثل بيقول لست بحاجه الى اكل البيضه كلها لتعرف انها فاسده .. فان كنتم مازلتم تتابعوا المسلسل برغم المغالطات الي بتقولوا انها فيه يبقى ده دليل كافي ان المسلسل ناجح ( فنيا ) بدليل اجباره لكم على متابعته بشكل دقيق كده ..

ليس بالضروره انطباق هذا المثل لان شتان بين الامرين و كذلك متابعه العمل ليس دليل كافى لوحده على جودته فنيا من عدمها و لكن دليل على اهميه الموضوع الذى يتناوله

و هو ما يقود بالضروره الى اهميه المتابعه بغض النظر عن الجوده و بالتاكيد الفرق واضح

عن نفسي الحمد لله لا شفت المسلسل ده ولا غيره في رمضان المسلسلات عندي اجازه تماما لغايه بعده باذن الله ان ربنا احيانا ابقى اشوف ان لقيت مسلسل ما بيتعاد على قناه محترمه هعرف انه يستاهل ويمكن ساعتها اتابعه انما اضيع وقتي في رمضان على مسلسلات هو ده موسمها وبينعرض منها فيه الغث والسمين يبقى حرام علي بجد ..

مادام حضرتك متبعتيش المسلسل كما ذكرت و تفرغتى للاهم و اخدتى اجازة زى ما ذكرتى دخلتى الموضوع و قريته و علقتى كمان عليه و ضيعتى وقتك الثمين فى كدا من باب ايه كمان مش عارفه العلاقه بين اخبارنا بالطقوس الى حضرتك بتتبعيها فى رمضان و اختيار المسلسلات بعد رمضان علاقته ايه بما نناقشه هنا صدقينى دا استفسار مش اكتر

فوتكم بعافية ومتنسوش تبحلقوا في الحاجه زهرة كويس لما نشوف هتجيبها البر امتى . .

كمان تلميح مقبلوش فلا نحن هنا فى المنتدى شله مراهقين يلهثون وراء مسلسلات سفيهه و لا الموضوع اتفتح اساسا لمناقشه مسلسل من عينه المسلسل الذى تلمحى اليه فما الداعى لذكره و التلميح المستفز هذا به

ياريت كل كلمه تخرج مننا خصوصا فى هذا الشهر الفضيل نوزنها كويس و نشوف احنا ممكن نقبلها قبل الناس و لا لا

تم تعديل بواسطة مغتربة
رابط هذا التعليق
شارك

صلوا عالنبي يا جماعة ... ورمضان كريم ..

خلاص .. ضُحى محقوقه لنا .. وهاتعمل صينية كنافة بالقطشة والمكسرات عشان تصالحنا ...

قومي حمري القطايف بقى يا ضُحى زمن قمر الدين برد

-----------------------------------

الغريب بقى في الموضوع إن من يدعون الفهم في الفن والدراما والحبشتكانات دي .. ما قريناش لهم في أي جريدة ولو صفره أو خضرا حتى رأيهم في الحبكة الدرامية والسيناريو والحوار الهزيل اللي عامله الأخ وحيد القرن . قصدي وحيد حامد .... سكوت وصمت مريب .. مش كده ؟

لاحظوا إننا ما بنتكملش برضوا عن حرية تعبير ...

فمن حق وحيد حامد يقول ما في الخمر عن الأخوان أو أي فكر هو يختلف معه

أمبارح شاهدت ربع حلقة من المسلسل عشان كنت مستعجل ..

وكتاب الله يا جماعة حوارات ولا في الاحلام ..

- البنت الشغالة اللي إتنقبت ... جوزها عمال يعجن فيها ويضربها عشان لبست النقاب ... وعاوز يعرف مين اللي دلها على الفساد ده .. فقالت له : دي الحاجه أحلام اللي بتركب معايا الميكروباص كل يوم وأنا رايحه الشغل .. فقال لها مش عاوزك تلبسي البتاع ده تاني ... وبعدين نقاب إيه يا أختي هو من جمالك وحلاوتك قوي خايفة الرجالة تبص عليكي في الشارع ؟

قشطة جداً .. ولا تعليق

- في تحقيق نيابة أمن الدولة مع أحد شباب الاخوان المشاركين في العرض العسكري .... والله العظيم وكيل النيابة - نيابة أمن الدولة يعني واخدين بالكم - صعب عليه وتعاطفت معاه جداً لأن بجد في نهاية التحقيق الدموع تكاد تكون نزلت من مقلتيه ... أه والله ....

ده كان بيقول للولد : يا فندم .... تخيلوا ؟

مش بأقول لكم .. بقوا يطلبوا وجبات كومبو دلوقت للمعتقلين

المهم بيسأل الولد سؤال : كلمني بقى عن بداية الشيخ حسن البنا ونشأته وتأسيسية لجماعة الأخوان المسلمين ؟

هههههههههههههههههههههههههههههههههههههههههههههههه .. أه يا قلبي يا مامي

الواد بقى بيجاوب : هاكلمك أنا عن نشأتي يا باشا في منطقة قلعة الكبش وتحديداً في حارة أم الخلاخيل ... عُمرك شوفت منطقة ما فيش ميه شرب بتوصل لها يا باشا ؟

يا باشا الدقن اللي إنت شايفني مربيها دي مالهاش دعوة بالاخوان ... ده أنا بس عشان مش لاقي أحلق ولا لاقي ميه أغسل وشي ..

من الأخر يعني عاوز يقول إن الأخوان بيستقطبوا الفقراء والجهله واللي ما بيستحموش ويخلوهم بالمنظر ده ....

والظاهر إن عُمر وحيد حامد لا عرف ولا شاف حد من الاخوان .. ولا يعرف المهندس خيرت الشاطر ولا الدكتور عصام العريان ولا الدكتور أبو الفتوح ولا كتير من أساتذة الجامعة المنتمين لجماعة الأخوان

مرة أخرى .... شكراً للحكومة

شكراً لوحيد حامد

رابط هذا التعليق
شارك

انا كنت شايف ان المسلسل دا كويس

انما للاسف خدت مقلب

دا مسلسل ........ زى مؤلفه

وفيه حاجات تضايق

لدرجة والله دعيت على المؤلف فى الافطار وصلاة المغرب

ومعاه لآخر رمضان

رابط هذا التعليق
شارك

حضرتك بتقولي ان الظاهر ان احنا بنتفرج و بس

كتير مننا متخيل ان التغيير لازم يكون بثورة و لا بالمقاومة المسلحة و لا بالاعتصامات

مش تقليلا من اهمية و دور كل واحد من صور التغيير دي بس كل في موضعه

بس تغيير القوالب الفكرية....الخروج عن نمطية التفكير....القاء احجار في مياه الاعلام الراكدة قادرة علي جعل الفرد العادي انه يفكر و يحلل و يناقش و يرفض او يقبل بس ع الاقل بيكون فاهم هو بيتفرج علي ايه.....اه النهاية ممكن انه انضحك عليه.....مشهد يتكرر علي الشاشة و يتركر اكثر في الحياة اليومية

المقاومة الحقيقية....الا يفقد البني آدم حاجتين ....انسانيته...وسط الفساد....و عقله وسط الجمود

و ده اللي بيعمله الحوار و النقد

و عليكم السلام و رحمة الله و بركاته

حبيبتي لماضة

على فكرة .. انا مبقللش من اهمية الحوار و النقد .. بس ميبقاش هو ده "كل" اللي بنعمله

المشكلة ان الحكومة نجحت في إفساد الشعب بامتياز .. حتى الاعتصامات أغلبها بيطالب الرئيس و الحكومة بتظرة عطف! بس

و نظرة على أحوال مصر تورينا ان البني آدم شبه فقد انسانيته خلاص إلا من رحم ربي

رمضان كريم

رابط هذا التعليق
شارك

بعد مشاهده مشهد معين فى المسلسل قلت المسلسل دة هيكون دعايه مجانيه لاخوان

خصوصا وان الشعب والحمد الله بيذاكر التاريخ من نافذة التليفزيون

والدليل على كدة النكته الى بتقول من هو القائد الاسلامى محرر القدس من الصليببن

الاجابه :احمد مظهر

نرجع للمسلسل

المشهد كان عزت العلايلى هو الحفيدة بتفرجوا على التلفزيون وجابوا قناة اسمها قناة الخلد

واذ بشيخ على هذه القناة يدعو وينصح المهم مش فى الكلام الى الشيخ كان بيقوله

ولكن فى شخصيه الممثل وهو اصلا ممثل كوميدى ولكنه متخصص فى مشاهد الهبل والعبط واعتقد انها مقصودة حتى انا مش عارف اسمه

وكان بيدعو على القناة وكانه شيخ مع بعض الحركات الغريبه فى الوجهة

منذ هذا المشهد وان اقتنعت ان المسلسل لن يقبله المصريين شكلا او موضوعا فى توجهاته ولكن

يمكن مشاهدته من قبل المتابعة فقط وفرز الاخطاء والاستعباط ومعرفه النشاءة التاريخيه للجماعة

والله العظيم فى ناس مكنتش تعرف اصلا من هو حسن البنا اساسا والحمد الله دلوقتى تعرف البركة فى التليفزيون ودروس التاريخ

المسلسل من مذكرات حسن البنا وكتب تاريخ بها كل الاحداث وهذة الاحداث لايستطيع وحيد حامد التغير فيها لانها من التاريخ

عشان كدة لجاء لفكرة طلاب الازهر عشان يدخل خياله فى الاحداث وتصدير وجه نظرة الشخصيه

واعتقد انها ستكون السبب فى فشل المسلسل لانه ينتقد الاخوان بسذاجه ويعظم فى الدوله بزيادة

لان المسلسل لو كان تاريخى فقط على الشخصيه كان لا يمكن لاخوان او اى جهة الاعتراض على احداث حقيقيه مسجله فى التاريخ

بما لها من ايجابيات او سلبيات على الشخصيه نفسها

رابط هذا التعليق
شارك

بعد مشاهده مشهد معين فى المسلسل قلت المسلسل دة هيكون دعايه مجانيه لاخوان

خصوصا وان الشعب والحمد الله بيذاكر التاريخ من نافذة التليفزيون

والدليل على كدة النكته الى بتقول من هو القائد الاسلامى محرر القدس من الصليببن

الاجابه :احمد مظهر

نرجع للمسلسل

المشهد كان عزت العلايلى هو الحفيدة بتفرجوا على التلفزيون وجابوا قناة اسمها قناة الخلد

واذ بشيخ على هذه القناة يدعو وينصح المهم مش فى الكلام الى الشيخ كان بيقوله

ولكن فى شخصيه الممثل وهو اصلا ممثل كوميدى ولكنه متخصص فى مشاهد الهبل والعبط واعتقد انها مقصودة حتى انا مش عارف اسمه

وكان بيدعو على القناة وكانه شيخ مع بعض الحركات الغريبه فى الوجهة

منذ هذا المشهد وان اقتنعت ان المسلسل لن يقبله المصريين شكلا او موضوعا فى توجهاته ولكن

يمكن مشاهدته من قبل المتابعة فقط وفرز الاخطاء والاستعباط ومعرفه النشاءة التاريخيه للجماعة

والله العظيم فى ناس مكنتش تعرف اصلا من هو حسن البنا اساسا والحمد الله دلوقتى تعرف البركة فى التليفزيون ودروس التاريخ

المسلسل من مذكرات حسن البنا وكتب تاريخ بها كل الاحداث وهذة الاحداث لايستطيع وحيد حامد التغير فيها لانها من التاريخ

عشان كدة لجاء لفكرة طلاب الازهر عشان يدخل خياله فى الاحداث وتصدير وجه نظرة الشخصيه

واعتقد انها ستكون السبب فى فشل المسلسل لانه ينتقد الاخوان بسذاجه ويعظم فى الدوله بزيادة

لان المسلسل لو كان تاريخى فقط على الشخصيه كان لا يمكن لاخوان او اى جهة الاعتراض على احداث حقيقيه مسجله فى التاريخ

بما لها من ايجابيات او سلبيات على الشخصيه نفسها

انا تابعت الحلقات. و الحقيقة لم تكن عندي فكرة كبيرة عن تاريخ الاخوان او فكر جماعتهم.... اول الحلقات كانت عن احداث جامعة عين شمس و الازهر و الحقيقة اعتقد الكاتب الحقيقي لاول حلقتين هو احمد زكي بدر و ليس وحيد حامد - حيث تم عرض ان الاخوان هم من تسبب في حوادث جامعة عين شمس و ليس الامن

ظباط امن الدولة يظهرون في المسلسل كأنهم ملائكة و احنا عارفين ان في منهم من هو اسوأ من مليسوفيتش

بقية الحلقات تعرض تضارب مذهبي بين كون الجماعة صوفية او سلفية وده من ضعف السيناريو و تخبطه و نحن نعرف ان السلفيين يرمون الاخوان و خصوصا البنا بالتصوف

عم وحيد حامد زي كل اعماله يقدم نموذج سلبي و اخر ايجابي و طبعا الايجابي ده بنته او امه مش لابسين حجاب - مثقفين - شكلهم نضيف - الجد معندوش مانع حفيدته تقابل شاب غريب برة - مش مهم - اما السلبي فنقاب و لحية و تخلف و سوء تصرفات بالظبط زي فيلم الارهابي و اللي انتهى بنتيجة عكسية لما اريد له

اما بقية الحلقات دفعتني ان اقرأ السيرة الذاتيه و ما كتب عن حسن البنا نفسه...فوجدت الرجل ذو همة عالية و انتماء حقيقي للاسلام و قد حول انتماؤه لعمل جماعي منظم يشمل الخيري - الدعوي - التربوي -

فعلا شخص رائع و قيادي هائل و ياريت عندنا مثله الان

اما الجماعة الان فمحصورة قيد نظرة مجموعة قليلة من القيادات الذين لا نعرف عنهم شيئاَ عن مسيراتهم الاصلاحية او التربوية او الدعوية باستثناء قليل من الاسماء

و شكرا على طرح الموضوع

رمضان كرييم يا مصريين

رابط هذا التعليق
شارك

انا تابعت الحلقات. و الحقيقة لم تكن عندي فكرة كبيرة عن تاريخ الاخوان او فكر جماعتهم.... اول الحلقات كانت عن احداث جامعة عين شمس و الازهر و الحقيقة اعتقد الكاتب الحقيقي لاول حلقتين هو احمد زكي بدر و ليس وحيد حامد - حيث تم عرض ان الاخوان هم من تسبب في حوادث جامعة عين شمس و ليس الامن

ظباط امن الدولة يظهرون في المسلسل كأنهم ملائكة و احنا عارفين ان في منهم من هو اسوأ من مليسوفيتش

بقية الحلقات تعرض تضارب مذهبي بين كون الجماعة صوفية او سلفية وده من ضعف السيناريو و تخبطه و نحن نعرف ان السلفيين يرمون الاخوان و خصوصا البنا بالتصوف

عم وحيد حامد زي كل اعماله يقدم نموذج سلبي و اخر ايجابي و طبعا الايجابي ده بنته او امه مش لابسين حجاب - مثقفين - شكلهم نضيف - الجد معندوش مانع حفيدته تقابل شاب غريب برة - مش مهم - اما السلبي فنقاب و لحية و تخلف و سوء تصرفات بالظبط زي فيلم الارهابي و اللي انتهى بنتيجة عكسية لما اريد له

اما بقية الحلقات دفعتني ان اقرأ السيرة الذاتيه و ما كتب عن حسن البنا نفسه...فوجدت الرجل ذو همة عالية و انتماء حقيقي للاسلام و قد حول انتماؤه لعمل جماعي منظم يشمل الخيري - الدعوي - التربوي -

فعلا شخص رائع و قيادي هائل و ياريت عندنا مثله الان

اما الجماعة الان فمحصورة قيد نظرة مجموعة قليلة من القيادات الذين لا نعرف عنهم شيئاَ عن مسيراتهم الاصلاحية او التربوية او الدعوية باستثناء قليل من الاسماء

و شكرا على طرح الموضوع

رمضان كرييم يا مصريين

منور المحاورات يا دكتور مصطفى

ورمضان كريم

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...