اذهب الي المحتوي
ArabHosters
عادل أبوزيد

آلية مبتكرة لتقنين الهجرة للإتحاد الأوروبى

Recommended Posts

سمعنا جميعا عن عمليات الهجرة غير المشروعة لدول أوروبا و خاصة إيطاليا و بح صوت الفاضل Scorpion و هو ينبه إلى خطورة دخول إيطاليا بطريقة غير مشروعة ، و لكن فى حالتنا هذه الطريقة مشروعة بالكامل و هى إختراع مصرى إيطالى مشترك.

ما سبق كان إستهلالا لابد منه

المعلومة موجودة فى جريدة "المصرى اليوم" http://www.almasry-alyoum.com/article2.aspx?ArticleID=265644

و تقوم الفكرة المبتكرة الجديدة على معلومة قانونية هى حق التبنى للمقيمين فى إيطاليا و عدد من دول الإتحاد الأوروبى فيتم تبنى الشاب الراغب فى الهجرة على أن يكون سنه أقل من 18 سنة و يتم هذا التبنى بموافقة والديه و نظير مقابل كبير يدفعه راغب الهجرة للسمسار الذى يتمم العملية من الناحية القانونية و يدخل الدولة الأوروبية بطريقة رسمية و قانونية و فوق ذلك فهو فى ذمة الدولة هناك من ناحية الإيواء و التعليم و حق العمل .... إلخ

هل أسمى هذا بنوع من الدهاء ؟ هو أكيد نوع من الدهاء و لكن الإعلان عن هذه الطريقة سرعان ما سيكون له رد فعل من تعديل قوانين الهجرة فى الإتحاد الأوروبى لمنع الدخول عن طريق التبنى.

شارك هذه المشاركه


رابط المشاركه
شارك

... سرعان ما سيكون له رد فعل من تعديل قوانين الهجرة فى الإتحاد الأوروبى لمنع الدخول عن طريق التبنى.

لا أتصور أن يكون رد الفعل منع الدخول عن طريق التبني، لأنه ببساطة حرمان فرد أو أسرة من حقها القانوني في اتخاذ من تراه مناسبًا ابنًا أو ابنة. ربما سيكون رد الفعل زيادة الرقابة على حالات تبني الأجانب، والتأكد أن التبني حقيقي ويهدف للتمتع بهذا الحق القانوني والاجتماعي، وليس بابًا خلفيًا للهجرة غير الشرعية. بحيث لو ثبت أن الهدف هو الهجرة، يتم ترحيل المتبنَى وتوقع العقوبة المناسبة على المواطن المتبنِي والسمسار.

شارك هذه المشاركه


رابط المشاركه
شارك

كل عام وانتم بخير ..

يااستاذ/ عادل ..

بدون اى احتياج لأى تحايل.........القوانين هنا تمنع ترحيل اى شاب اوغلام او قاصر (( يقل عمره عن تمنتاشر سنة ...(( ده قانون وثابت ))..من اوروبا اذا وصل وحده..!!!..وقال انه ليس له عائل..(((( هذا يدحض فكرة ان الاهل موافقين ...او...ممكن الطفل يكذب على اساس البقاء هنا ))))

بمعنى ...

لو تم اكتشاف اى شاب هربان .. كما يحدث مثلا من مراكش لأسبانيا يتم تهريب الاطفال عن طريق كامبيونات الفواكه والخضار او حتى ثلاجات الاسماك يهربون عن طريق البقاء ف الكامبيون تحت .وغيره وغيره والوسائل كثيرة جدا جدااا ده غير طبعاااا مراكب الموت

حكاية التبنى ايضا...هو تبنى صورى (( ليس تبنى كامل يعنى ....هو بيكون عبارة عن استضافة مؤقتة ....دى الحقيقة ))

مثلا...

كما يحدث مع ابناء الشعب الصحراوى ..!!!

يتم التبنى على اساس يحضر الطفل لفترة معينة كل عام (( وليس دائما )) ويكون المتبنى مسئولا عنه امام كل السلطات الرسمية ..

عندما يتم تمنتاشر سنة ....ممكن وقتها يتم عمل اوراق رسمية للاقامة ..

ماذا يحدث بعد وصول هؤلاء لأرض اوروبية ؟؟

توجد مبانى (( على فكرة ...رائعة فعلا ومجهزة )) يعيشون بها ..

يتعلمون ويحضرون لهم خصيصا من يتفاهم معهم ..

يعودونهم على ممارسة عدة انواع من الرياضة ..

وللعلم...

الاكثرية يكونون (( مشاغبين جداااا ))..

سبق لى وقلت هنا ..ان ابنى (( تعمد ان يترك عمله الذى يدر عليه مرتب محترم ))...واختار برغبته .

ان يعمل مع هؤلاء ك..مربى اجتماعى ...لفترة ...(( ف نفس الوقت مدرس ...وبعد الظهر مدرب كرة قدم...معهم ايضا ))...يخرج معهم فى رحلات كثيرة ..

(( هو يقول انه يتعلم منهم ايضا ....هى تجربة انسانية رائعة فعلا ...لأنهم ضحية مجتمع لايراعى اى حق للطفل ..لكنهم خامات طيبة واذكياء وفقط ينتظرون الفرصة حتى يثبتوا انهم افراد صالحين ))

فيهم فعلا موهوبين ..

المشكلة ؟؟

المشكلة ....رأيت بعض من النقاط المهمة الاساسية فى تكوين هذه المشاكل ..

]رأيتها فى موضوع لسى السيد....هل نحن شعوب جادة ؟؟ ...

http://www.egyptiantalks.org/invb/index.php?showtopic=18213&pid=190873&st=0entry190873

عندما تكون ميزانية المسلسلات التلفزيونية ...750 مليون جنيه ..؟؟ فى بلد .......يبحث بعض ابناءه عن طعامهم ...ف.....؟؟؟؟؟

عندما ينتحر المتفوقين ....قهرا....لأنهم لايجدون عملا يكفيهم شر الحاجة ؟؟؟

عندما تكون (( النخبة الحاكمة )) فى واد...وباقى الشعب فى واد آخر ..

عندما تتحدث ....مشيرة هانم خطاب ...من منبرها العاجى .. وهى فى حقيقة الأمر لاتعلم اى شئ الا من خلال تقارير وهمية تقدم لها وهى تحتسى القهوة ؟؟

اذن...

سوف نجد سماسرة ...

سماسرة يضحكون على (( العائلات...شبه المعدمة ))..فئة تعيش تحت خط الفقر...!!

يدعون....سوف يسافر ابناءكم ....سوف ترفلون ف النعمة ...

اوصوهم ان يقولوا انهم بلا اهل ...!!

هؤلاء....

طبعاااااااا

يختلفون عن الشباب ...الذى تم الاتفاق بشأنه بين الحكومة المصرية والايطالية ...

ايه بقى ؟؟

سوف يتم انشاء مدارس صناعية ....على غرار (( الدون بوسكو ...مثلا))

يتم تدريب الشباب على حرفة معينة تختارها الحكومة الايطالية ...

الحكومة الايطالية سوف تصرف بالكامل على هذه المدارس...وايضا...تأتى لهم بالمعدات اللازمة ..

وبعدين؟؟

احتمال ف المستقبل.....نبقى ناخد الشباب دول .

الله؟؟؟...وده معناه ايه؟؟؟ ياعينى ..؟؟ وايطاليا حاتصرف دم قلبها علشان الشباب بتوعنا ؟؟ ياحرام ...!!

لالالالالالالا..

ده بقى حايكون استثمار من الناحيتين ..

محدش (( قليل الأدب ...وعايز يسافر يسرق او يتاجر ف المخدرات او يتسول ...!! يجيلنا ...هى ايطاليا ناقصة ؟؟

ييجى يعنى بأى وسيلة ..يعنى يعدوا ف مراكب الموت))..

وف نفس الوقت ..

يبقى زى اللى بيربى ........(( فراخ ))...

وكل يوم بعد كدة ....

يلم البيض....والفراخ بقت ملكه..

صح؟؟

لو فيه حاجة مش مفهومة ...رجاء قبول اعتذارى ....

ممكن تعديل الكلام بعد موعد الافطار ...عندنا على الساعة تسعة الا تلات دقائق..

الخلاصة ؟؟

السماسرة يعنى ملهمش اى لازمة ....بس خلاص..

كل سنة وانتم طيبين ..

شارك هذه المشاركه


رابط المشاركه
شارك

الدول الاوروبية علي ما اعتقد انها اكتفت مهاجرين وبيحاولو يحطو اي عوائق مقننة بردو عشان يقللو سيل المهاجرين وبصراحة ليهم حق بالرغم من اني مهاجر ومش قديم بس فعلا ليهم حق يمنعو او يقللو موضوع الهجرة ده باي شكل لان صحاب البلد نفسها مابقوش لاقين شغل ده غير كمية المشاكل اللي الاجانب بيعملوها في البلد حاجات كتير شوفتها بعيني وحاجات اتحكتلي

انا من النوع اللي بحب اتكلم مع الناس واسمع والكلام ده خلاصة استشفتها من كلام ناس كتير ان البلد كل مدي في النازي زيها زي معظم البلاد وخصوصا في اخر سنتين

وبخصوص موضوع الشباب بجد اللي بيجي من غير ورق ده الناس بتستغله احسن استغلال لو بيشتغل شغلانة مرتبها 1000 بياخد 500 لانه من غير ورق غير ان مالوش تامينات ومالوش اي حاجة

وفي ناس بتيجي ايطاليا بس عشان تيجي ايطاليا بغض النظر عن الظروف في طبعا ناس جاية تشتغل عشان يقدرو يصرفو علي اهاليهم و علي بيوتهم و ناس تانية جاية عشان شاف عنده في البلد واحد سافر ايطاليا وبعديها ب 10 سنين رجع بني بيت وركب عربية وده بالنسبة له المثل الاعلي وفي ناس تانية عايزة تسافر زي ما كل الناس بتسافر بالرغم من انهم مرتاحين مادين المشكلة كمان غير ان الناس دي بتشوف الموت بعنيها عشان يوصولو بعد ما يوصلو ولا بيشوفو عيشة اوروبا ولا بيشوفو حاجة و بعيشو عيشة اقل من مستوي المعيشة تلاقي 8 في شقة بصراحة الناس دي بتصعب عليا بس انا مش عارف اللي بيعملوه ده صح ولا غلط !!!!!!!!!

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...