اذهب إلى المحتوى
محاورات المصريين

مغامرات عصابة "حساس"


Scorpion

Recommended Posts

ياترى ممكن أنضم للعصابة ؟ :lol: ... أنا محتاج فلوس بأى شكل wst:: ... فيه فى راسى طبخة لو شديتوا حيلكم معايا حناكل بقلاوة :D

أَلا إِنَّ نَصْرَ اللَّهِ قَرِيبٌ

رابط هذا التعليق
شارك

حشيش....سى السيد....ابن مصر.....سكوربيون...

مش هم دول النبتة الاولى لعصابة حساس ؟؟ اللى عملها الغائب الحاضر (( سكوربيون )) ؟؟

اول حرف من اسم كل واحد فيهم ؟؟

وبعد كدة انضم الكثيرون لافراد العصابة ؟؟

اذن....

كيف تستأذن ياسيد حشيش فى الانضمام لهذه العصابة الجميلة ؟؟ وانت واحد منهم ؟؟ بل اصل الاسم يبدأ بأول حرف من اسمك ؟؟

نأمل فعلا فى عودة سكوربيون ....

ونأمل فعلا فى رؤية كل اصحاب هذه الاقلام مرة اخرى تنير هذا المكان ...اقصد هذا الموضوع الباسم ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

حشيش....سى السيد....ابن مصر.....سكوربيون...

مش هم دول النبتة الاولى لعصابة حساس ؟؟ اللى عملها الغائب الحاضر (( سكوربيون )) ؟؟

اول حرف من اسم كل واحد فيهم ؟؟

وبعد كدة انضم الكثيرون لافراد العصابة ؟؟

اذن....

كيف تستأذن ياسيد حشيش فى الانضمام لهذه العصابة الجميلة ؟؟ وانت واحد منهم ؟؟ بل اصل الاسم يبدأ بأول حرف من اسمك ؟؟

نأمل فعلا فى عودة سكوربيون ....

ونأمل فعلا فى رؤية كل اصحاب هذه الاقلام مرة اخرى تنير هذا المكان ...اقصد هذا الموضوع الباسم ..

الوالدة والأخت العزيزة مدام/ سلوى wst::

مش لاقى كلمات أشكرك بيها على مشاعرك الرقيقة تجاه كل أبناءك فى المحاورات :lol: ... الحقيقة إنتى شغلتينى على سكوب ولظروف غيابى عن المحاورات لم أعلم بهذا قبل الآن ... لعل المانع خير إن شاء الله وياريت لو حد يعرف رقم تليفونه يرسله لى برسالة خاصة حتى أطمئن عليه إن شاء الله ... تحياتى لشخصك الكريم :D

أَلا إِنَّ نَصْرَ اللَّهِ قَرِيبٌ

رابط هذا التعليق
شارك

فى قهوة (زكى بلغم) بالدويقة يلتقى أفراد العصابة كما إعتادوا عندما تشتد بهم الضائقة المالية حيث أنها الأرخص من بين المقاهى التى يترددون عليها

إبن مصر منادياً على صبى القهوة خميس: هات لى يابنى شاى على ميه بيضه وطبق كشرى من عند عونى :sad:

خميس: على عينى حاضر

سى السيد منادياً على خميس بغضب: مش قبل ما تمشى تجيب الطلب تسأل الطرابيش اللى قاعدين معاه عالترابيزة إن كان لازمهم حاجة ولا لأ md2:

خميس: لا مؤاخذة يابو السيد ... إفتكرتك حتطلب معلقة زيادة وشفاطة زى كل مرة

سى السيد: لأ خفيف ياوله !!! ... إجرى هات لى زى إبن مصر وبلاش كتر كلام معايا !!! ... يلعن أبو شكلك md2:

خميس: عينى ... طب قبل ما أمشى حد عايز حاجة تانية ؟!

حشيش: هات لى ياخميس يابنى نص حجر معسل ونص كباية حلبة حصى

خميس: إن كنت فاكر حتدفع نص التمن أحب أقول لك إن المعلم بلغم بطل النظام ده من أول إمبارح ... يعنى نص حجر تمنه زى حجر كامل والحلبة نفس الشئ ;)

حشيش: داهية فيك وفى معلمك ... طب روح هات لى كباية حلبة وسك على المعسل

خميس: وإنته ياأستاذ سكوب مش لازمك حاجة ؟!

سكوب: لأ أنا صايم

خميس: إيه المناسبة يعنى ولا مؤاخذة !!!

سكوب: ده صيام العدرا :blink:

خميس: بس ده خلص ييجى من شهرين !!

سكوب: وإنته مال أهلك ... أهو صايم وخلاص !!! ... وإمشى بقى ما تخلنيش أسب لك ... ولا بلاش md2:

ينصرف خميس ليحضر الطلبات

إبن مصر: وبعدين فى أم الفقر اللى ملازمنا ده :sad:

حشيش مخاطباً سى السيد: بقول يابو السيد ... دخل إيدك من غير محد ياخد باله فى لياقة القميص بتاعى من ورا وأهرش لى فى نص ضهرى :blink:

سى السيد: هنا

حشيش: لأ يمين شوية

سى السيد: هنا

حشيش: فوق شوية

سى السيد: إفففففففف ... هنا

حشيش: أيوه هنا ... أهرش جامد

سى السيد: جامد أكتر من كده !!! ... دى الفلنة بقى كلها دم !!!

حشيش: طب خلاص كفاية ... تسلم الأيادى :wub:

سكوب: ياخوانا لازم نشوف لنا صرفة ... لازمنا عملية جديدة ... بقالنا شهرين لا شغلة ولا مشغلة

إبن مصر: عارف البت صباح اللى بتبيع نعناع فى أول السوق

سكوب: مالها !!!

إبن مصر: البت دى بيطلع لها فى اليوم مش أقل من خمسة جنيه ... وغير كده لا عندها عيل ولا تيل ... يعنى عاكمة على قلبها شئ وشويات

سكوب: خمسة جنيه يوماتى من النعناع !!! ... ده كلام حد يصدقه ده !!!

إبن مصر: البت أصلها حلوة ونغشة والزباين بتشترى منها عشان الملاغية والدلع مش عشان النعناع ... صحصح معايا يا سكوب ;)

سكوب: قصدك يعنى ننط على بيتها بالليل وننضفه ؟!

إبن مصر: سيبنى بس الأول أدرس الموضوع كويس وأشوف مداخل ومخارج المطرح وبعدين نشوف حننفذ إمتى

حشيش: نعناع إيه وهباب إيه !!! ... يعنى حيكون حيلتها كام يعنى !!!

إبن مصر: أقطع دراعى لو ما كانت تحتكم بالميت على 500 جنيه !!!

سكوب: محدش بيشيل مبالغ كبيرة زى دى فى البيت ياسطى ... أكيد شايله فلوسها فى بنك وحيطلع نأبنا على شونة

حشيش: عايزين نبطل نتانة بقى ونكبر شوية !!! ... يعنى بدال ما نسرق بت غلبانة بتبيع نعناع ما نسرق حرامى من الحرامية الكبار اللى ماليين البلد وبلعينها ... عالأقل دول سرقتهم حلال ... وبدل ما نعرض نفسنا للسجن والبهدلة عشان 500 جنيه نهجم على واحد من الكبار ده ونهبش لنا أرنب ولا أرنبين ... حتى لو إتمسكنا يبقى شكلنا كويس !!!

سى السيد: إنته حاطط عينك على حد ياشيشو ؟!

حشيش: بصراحة آآآآآآآآآآآآآآآآآآه

إلى اللقاء

أَلا إِنَّ نَصْرَ اللَّهِ قَرِيبٌ

رابط هذا التعليق
شارك

أيوه كده خليك " مواطن لا متفرج "

وحياة والدك يا شيشو تصطاد لنا حد من الهوامير اللي في البلد زي عز أو كمال الشاذلي أو يوشع والي نهبر لنا منه مليار ولا حاجه ... اعتقد إن أي حد فيهم مش هايحس إن المحفظة نقص منها مليار مره واحده من كتر العكمة اللي معكمنها

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أوباااااااا :blink: .. مع إني أثبت فشل منقطع النظير في عملية سرقة المدرسة :wub: لكن حاسس إني هانتزحلقوا في أم العملية الجديدة دي :sad: .. عملية صينية البقلاوة md2:

شوف لي دور معاكوا يا شيشو إلهي ما يبوّظ لك خطة :sad: .. أخوك حالته ضنك و مأشفر عالآخر md2:

و إنت عارف أنا باحب أنهي دور .. أيوة هو الدور الأول و يكون ببلكونة تبص على مدرسة البنات :blink:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

معكم "بتاعة النعناع" ولية غلبانة زى حالات كل الناس اللى يادوب يادوب مستورين و الهوامير الكبار مايهمهمش سرقت منهم كام حيجيبوا غيرهم بالقانون واخد بالك بالقانون ..

فاكر على الزيبق كان بيعمل إيه ؟

الهوامير دول مش همة الأساس دور على الأساس و يمكن تستعجب إنك تلاقى موظف شكله غلبان هو اللى يستاهل السحل و هو اللى بيفتى و يحط القوانين اللى إبليس ما يعرفش يوصل لها

أو عسكرى أمن بياكل لحمة كل أسبوع بعكس كل ناسه و جيرانه و بيتفانى فى سمعان الكلام و ميعرفشى إنه كده ندل و جبان و غلب الكلبى عدو على الزيبق

بالنسبة للهوامير - و من غير أسامى - يمكن بلاش السرقة المسخرة يمكن أكثر فعالية خليهم يقولو أنا .. و الا بلاش ..

متأسف ... أتصور قلبتها نكد

الرد السابق كتبته و حذفته و أرجعته مرتين لو خارج السياق يتفضل أحد المشرفين بحذفه

مواطنين لا متفرجين


رابط هذا التعليق
شارك

  • بعد 11 شهور...
  • بعد 5 شهور...

سرقه مركز التجميل .

بعد ان نجا اعضاء الشله من المغامره السابقه جلسوا جميعا ينظرون الى انفسهم فى دهشه وقد زاد عددهم بوجود موديست معه ولاكثر من ساعه لم ينطق اى منهم بكلمه واحده .. وفجأه وبدون أى مقدمات قام عصام ليمسك بعنق ابن مصر يخنقه بشده وقد ملأت الدهشه عيون الجميع وازرق لون ابن مصر وعصام يصرخ..

عصام: كله منك.. كله منك.. انت السبب.. مش عارف افكر.. مش عارف اعمل اى حاجه... ودينى لفطسك...

سكوب وقد قفز على عصام يشد عنق ابن مصر من الجهه المعاكسه : ايه يا عصام سييبه انت هتموته ( يهز عنق ابن مصر بعنف ) انت اتجننت .. اهدا كده يا صاصا..

سى السيد وهو ينظر اليم بدهشه ليقوم ويمسك برقبه ابن مصر محاولا تخليصها منهم ( فيخنقه هو الاخر ) : كتكوا الهم كلكوا سيبوا الواد هايموت ..

موديست بمنتهة الهدوء وهو يشرب كوب الشاى : اعتقد والله اعلم انه ....... مات ..

ابن مصر وقد انتفض فى عنف فاسقطهم وطالت يده عنق عصام فامسك بها بعنف : ايه يا جنون منك ليه فى ايه ( ينظر الى عصام وقد ازرق لونه ) مالك يا زفت فى ايه ؟؟؟

عصام بصوت متحشرج : انت مبتموتش ليه؟؟؟ سيب رقبتى يا معفن...

سكوب وقد انفجر فى الضحك : حمدالله على السلامه يا قلل .. مالك يا سى صاصا... ايه الطلعه الشديده الى انتى طلعتها دى ؟

عصام: من ساعه ما الفيوزات ضربت من كتر الكهربا وانا كل ما اجى افكر الاقى دماغى نملت....

سى السيد: ايه؟؟؟ ايه؟؟؟ تفكر؟؟؟؟؟ والله العظيم دى حاجه.... قال يفكر قال ...

عصام بدهشه : ايه يا سى السيد.. يعنى ايه .. هو انا مش بفكر؟؟؟ والا انتم بقى الى بتفكروا بس...

سكوب فى هدؤ وقد ملأه الخوف: وانت هاتفكر ليه يا عصام.. فى يه ؟؟

ابن مصر وهو يبتسم : بسسسسسسسسسسسسسس .. عصام لقى الى هايخرجنا من الى احنا فيه ..

عصام وقد ابتسم اتسامه عريضه فظر ما تبقى من اسنانه : ايون.. ايون ......

موديست وهو يهم بالوقوف: استأذن انا علشان عندى ... عندى.. عندى اى حاجه تخلينى مقعدش معاكم ..

سى السيد بصوت جهورى : اقعد يا بتاع الجرجير انت ... وخلينا نسمع ..

سكون فى سره : استر يا رب....

عصام: بصوا بقى . احنا كده اتضح اننا مش نافعين فى مواضيع السرقه والنصب والتخطيط والبتاع ده.. علشان كده انا فكرت .. طب ليه منشتغلت هجامين ؟؟؟؟؟؟؟

موديست:عجانين ايه ؟؟ هانشتغل فى فرن ؟؟

ابن مصر : موديست يا حبيبى اقعد انت هنا جنبى وسيب عمو عصام يتكلم ..

سكوب: هجامين؟؟؟ ( ينظر الى نفسه بجسده الصغير قياسا بباقى الاجساد حوله ) احنا ؟؟؟؟؟؟

عصام ينظر الى جسده الرفيع ايضا: مش بالجسم يا سكوب.. دى مسأله قلب ميت ....(ينظر الى موديست بجسده الضخم ) قلب.. ها ... خد بالى ..

سى السيد : خلينى معاك للاخر .. علشان لما ابقى افتح دماغك محدش يبقى يغلطنى .. .. هانهجم على ايه ؟؟

عصام :عارفين مركز التجميل الى واخد التلات ادوار فى العماره الى فى اول المهندسين ؟؟

موديست : ايوه ايوه... بس اسعاره نار وكمان بيستخدم كريمات مضروبه.. والمعامله الى فيه مش ولابد....

سى السيد بهدؤ: انت عارف المكان يا موديست ؟

موديست : لأ ليه؟؟

سى السيد : ولا حاجه كمل يا عصام..

سكوب محدثا نفسه : محنا لازم يبقى حالنا كده ....

ابن مصر: كمل يا عصام

عصام وهو ينظر بدهشه الى موديست الذى جلس بمنتهى البراءه :المكان ده بيروحوه الاكابر يصرفوا فيه شىء وشويات على الهجص وهو راح ولا جه حلاق...

سى السيد بحسره : ايوه ايوه يا عصام خربوا بيتنا ...

سكوب بعنف : وانت يعنى صدقت انك حلاق.... والا يعنى كان بيجيلك زباين غيرنا ... طب انا راضى ذمتكم.. فى حلاق فى الدنيا معندوش مقص؟؟؟

سى السيد : يا بنى انت مش عارف .. دى احدث وسيله ل.....

عصام مقاطعا : صبركم بس.. المكان ده احنا نروحه بربطه المعلم... وكأننا زباين وهناك نقفل عليهم المطرح.. ونثبتهم و....

ابن مصر : بس بس .. انت كده هاتعك..( تلمع عينا بن مصر ) بلاش موضوع التثبيت ده..... انت ماشى كويس.. فعلا احنا نروح هناك ونعمل زباين.. وهناك نقلب رزقنا ..

سكوب: ازاى لا مؤاخذه ؟؟

عصام يضحك بخبث وهو ينظر الى ابن مصر وقد فهم ما يريد : انا اقولك يا سكوب...

يتبع

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

و لو إن البداية ما تطمنش لإن مركز تجميل يعني مقصات و مكاوي سُخنة و بلاوي زرقا لكن وراك يا معلم .. كلنا مأشفرين و الحالة ضنك من آخر عملية :roseop:

خش بالخوطة علشان نقلّبوا فيها و نفهموها بالراحة ... الواحد صدّى و مابقاش يفهم من قلة الشغل ksh::

قال يعني كنا بنفهم قبل كده :roseop:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

و لو إن البداية ما تطمنش لإن مركز تجميل يعني مقصات و مكاوي سُخنة و بلاوي زرقا لكن وراك يا معلم .. كلنا مأشفرين و الحالة ضنك من آخر عملية bv:-

خش بالخوطة علشان نقلّبوا فيها و نفهموها بالراحة ... الواحد صدّى و مابقاش يفهم من قلة الشغل ksh::

قال يعني كنا بنفهم قبل كده :D

انت شفت أصلآ مركز التحميم ده علشان تتنطط من أولها ..... بدال ما انت قاعد بتنش كده .. اعمل زيي و روح عاين المنطكة .. انا قريت بس العنوان و هووووب اخدت اتوبيس 167 بتاع خلوصي نزلني قدام المركز ده ... حاجة اييييه .. اشي خيال يا ناس .. و زباينه واضح جدآ انها عالم متريشة من بتوع السجاير الكليبوترا ام فلتر ... مش البفرة اللي حرقت صدرنا ....

عالعموم انا لقطت ليه صورة بالموباين علشان نبقي ندرس الخطة بوضوح .... استني لما اوريهالك ...

اففف .. هو البتاع ده بيشتغل ازااااي

اهه

ط­ظ„ط§ظ‚.jpg

ده احنا حناكل ضرب .....

:huh:

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

  • بعد 6 سنة...

من تراث محاورات المصريين  لما كان  الفكر رايق 

 

ما سبق كان إستهلالا لابد منه

 

هذا الموضوع به 120 مشاركة   كل منها  تعطيك جرعة من السعادة و المرح تكفيك مدة شهر

مواطنين لا متفرجين


رابط هذا التعليق
شارك

  • بعد 5 سنة...

حبيب قلبى سكوب. انتظر فى القريب العاجل تكمله سرقه مركز التجميل تتبعها دره تاج عصابه حساس وهى...

سرقه مطار القاهره .. علشان خاطر عيونك الى وحشتنى ضحكتها....

 

تم تعديل بواسطة إبن مصر
  • شكراً 1

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

يا حلاوو يا جودعاااااااااااااااااااااااااااااااااااااااااااااااااااااااااااااااااااان ....  حنرجع لأيام الشقاوة ....

لأ و النية حتبقي علي مطار القاهرة بعد كده ... البيه جاييلي بعد 11 سنة و يخططلي لمطار القاهرة  مرة واحدة...

يا عم خلص مركز التجميل اللي فلس من تحت راسك ده و بعدين خلينا نبتدا بحتة اجزخانة في بلد ارياف كده نقلب منها شوية فيتامينات ... مكملات غذائية ... مراهم ... قطرة ... الواحد يقف بيها علي طوله شوية من غير ما ندور علي حد نتسند عليه ... و بعدين نبقي نشوف موضوع المطار ده ...

حمد الله علي السلامة يا أحمد ... 🥰

 

 

  • أعجبني 1

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...