اذهب إلى المحتوى
محاورات المصريين

مغامرات عصابة "حساس"


Scorpion

Recommended Posts

احمد محمود محمود موديست احمد باشا ابو عمر والله ما انا عارف اقول ايه ولا ارد على هذه الروح الجميله

شوف يا ابن مصر ما دمت ابن مصر يبقى لازم نبقى خفيف الظل وكمان اديب متمكن ،، حبيبي وصديقي حودا ابو احمد واحشني يا غالي بس ايه الفن الررررهيب دا انا اول مره اكتشف فيك هذه الموهبه ؛؛؛ واضح ان ضغوط العمل وقرصة المدارس ولدت فيك بل فجرت فيك مكامن الادب والتي كانت تخرج من قبل فقط في بيت الادب ،،، عموما ارجوا في المرة القادمه ان {تتنحنح وانت بتكتب }

اخويا وصديقي وزعيم خفة الدم في المحاورات وكل المنتديات المجاورة ابو عمر الغالي ربنا يخليك والله يا ابن عمي ما كنت اعرف اني بطل هذه الملحمه وبعدين بيني وبينك كويس اني ما كنتش هنا وانت بتعمل فيه العميل دي والا كان الدم هيبقى للركب {انت عارفني :roseop: }

Yasso.gif

رابط هذا التعليق
شارك

إنذار للأخ ياسو .. وسيتم وقف عضويته لو ما بعتش الموبيل الخاص به في رسالة خاصة للاخ المجاهد سي السيد وذلك خلال 5 دقائق من الأن ...

حوووووووووول

وإقرأ القصة بتاعت الرحلة وما تكروتنيش نيش نيش وقولي رأيك

--------------------------

بمناسبة عصابة حساس .. ولمن لا يعرف ..

فصاحب هذا الأسم التجاري هو العضو الرفيق " سكوب " وكان قد أشتقها في القرن التاسع عشر من الاحرف الأولى للاعضاء :

1- حشيش : ح

2- سي السيد : س

3- أحمد محمود : أ

4- سكوربيون : س

ولدي إقتراح أرجو دراسته .. حيث أن الأخ الرفيق حشيش لم يشترك معنا في أي مغامرة لأي سبب يخصه ... وحيث أن الأخ موديست حالته كانت تصعب على شارون وسمحنا له بالإنضمام للعصابة لتلقيط رزقه .. فأقترح تغيير إسم العصابة إلى " مساس " على أساس ميم موديست يعني زي عين عبعال كده .. ما رأي البورد الأعلى بتاع العصابة ؟

بالمناسبة كنت ابتديت أكتب حتة جديدة إسمها " سرقة مستشفى المجانين " ما حدش يضحك دلوقت وأستنوا لما أشطبها فبعد إذن الكاتب الطاعن في السن احمد محمود .. هاتنزل إنت بحتة سرقة محل الكوافير .. وبعدين نخش عالمستشفى .. ولا انزل انا بالمستشفى وبعدين ندخل الصالون ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

إنذار للأخ ياسو .. وسيتم وقف عضويته لو ما بعتش الموبيل الخاص به في رسالة خاصة للاخ المجاهد سي السيد وذلك خلال 5 دقائق من الأن ...

حوووووووووول

سالتني على الرقم شحنت انا موبايلي

لي خمس ساعات جالس بجوار الموبايل ومش عايز اكلم حد علشان اخويا س س لما يتصل يلاقيني مستعد وعلى اهوبة الاستعداد

لدرجه اني كل شوية افتح الغطاء واتاكد ان في ارسال وان الموبايل شاحن وان الرنين شغال

حد يقول له حاجه يا جماعة الخير

يا عم اشغل لك الاغنية بتاعة احمد حلمي (قول الو ؛؛؛؛؛)

Yasso.gif

رابط هذا التعليق
شارك

إنذار للأخ ياسو .. وسيتم وقف عضويته لو ما بعتش الموبيل الخاص به في رسالة خاصة للاخ المجاهد سي السيد وذلك خلال 5 دقائق من الأن ...

حوووووووووول

سالتني على الرقم شحنت انا موبايلي

لي خمس ساعات جالس بجوار الموبايل ومش عايز اكلم حد علشان اخويا س س لما يتصل يلاقيني مستعد وعلى اهوبة الاستعداد

لدرجه اني كل شوية افتح الغطاء واتاكد ان في ارسال وان الموبايل شاحن وان الرنين شغال

حد يقول له حاجه يا جماعة الخير

يا عم اشغل لك الاغنية بتاعة احمد حلمي (قول الو ؛؛؛؛؛)

يابني إنت فاكر الإتصال من الرياض لدُبي بالسهل كده ؟!!!!

والله أنا بأستعجب على شباب اليومين الدول اللي مستعجل كده على طول ..

يا حبيب قلبي المسافة بيننا حوالي ألف كيلو .. وشوف إنت بقى الواحد على ما يرن تاخد قد إيه الرنه على ما توصل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

س س بيرن لي بجرس عم عبده قدرة بتاع الفول اللي بيعدي بعربية الفول بليل في محرم بيك ويرن بجرس في ايده

يدينا ويديك طولة العمر يا س س يا بتاع البليلة

Yasso.gif

رابط هذا التعليق
شارك

والله يا ياسو يابن خالتى إنى بقالى أكتر من 4 شهور ما كتبت هنا أكتر من مداخلتين .. بس ما قدرتش امنع نفسى لما لقيتك موجود هنا تانى

1000 حمد لله على سلامتك وكفارة يابن عمى

وادعى لى ربنا يفك عنى عشان أكمل الكصة بتاعتى

[وسط]!Question everything

[/وسط]

رابط هذا التعليق
شارك

اخي وحبيبي عصام باشا يعني المكن والمواتير

يعني الاصاله والفيات 128

يعني ال504 موديل 75 والعجل على الاسفلت

يعني العمرة اللي هي والدوكو برة وجوه دواخل وفرش

ربنا ما يحرمني من ذوقك يا راجل يا طيب

روح يا شيخ {الاهي وانت جاهي تفك عقدة لسانه وتحل ربطة كي بورده} وتبقى مش عارف الكلام والوحي نازل عليك منين يا عصام يا ابن خاتي ام عصام

Yasso.gif

رابط هذا التعليق
شارك

  • بعد 2 شهور...

:rolleyes: فعلاً يا ولاد حاجة مش طبيعية

أنا بقالي 3ايام بقرا في المغامرات بتاعتكم وطبعتها واخدتها البيت اقراها مع نَفَس المعسل البحريني باللوز والسماق

على فكرة دخلتي المنتدى ده جت بالغلط . أصلي دخلت على جوجل وبالبحث حطيت العبارة دي "فيديو شتيمة عادل امام لمحمد سعد فى برنامج القاهرة اليوم" وطلعلي الموقع بتاعكو من ضمن المواقع.

قعت اقرا النكت والمواضيع اللي فوق واضحك واضحك وسبت شغلي وبس قاعد قدام الشاشة بس لمن دخلت على قصتكم الأكثر من رائعة ما صدقتش جمالها

حتى إني قمت طابعها وموزعها على زمايلي في الشغل اللي هما مصريين عشان يخففوا من غربتهم شوية

...

بكل مودة وحب أشكركم جدا وياريت تقبلوا شخص لبناني في موقعكم المصري ...

سؤال جريء " ايه اللي حصل حتى وقفتوا الكتابة ؟؟؟

رابط هذا التعليق
شارك

السلام عليكم ورحمة الله...

بنرحب بك اخى الفاضل العجوز اخا عزيزا ..ونتمنى لك قضاء وقت سعيد ومفيد معنا....

العصابة واخدة اجازة ...بيصيفوا فى المزرعة....ادعى لهم يرجعوا لنا بالسلامة .....

انا كمان باوجه نداء لافراد العصابة ...ايه النزام ..انتم فين؟؟ورانا شغل كتير............. :rolleyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

أرحب معك بالعضو الفاضل العجوز...

وكم هى سعادتى ان اضافت حروف اخوتى وحروفى البسمه اليه ..

ونرجع بقى للنزاام..

أنا كنت مستنى عصام .. بس باين عليه واخد ادازه.....

يبقى معلش بجى... مدتر أنزل بالحته الديديه....

بتاعه .

مركز التجميل ..

فانتظرونا فى ..

سرقه مركز التجميل

إن ربا كفاك بالأمس ما كان.... يكفيك فى الغد ما سوف يكون

 

رابط هذا التعليق
شارك

انتظرونا فى ..

سرقه مركز التجميل

اللهم طوّلك ياروح :lol:

ما تنزل يا عم انت بالخطة خلينا نشتغل :D .. عايزين نطلع بقرشين حلوين علشان العيال نفسهم يصيّفوا و الحال زي مانت عارف :wub:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

سرقه مركز التجميل

إنت كده داخل في نفق مُظلم يا احمد وممكن نخسر بعض .. لإنك عارف إن مراكز التجميل يعني الحلاقين بالعربي كده ده تخصصي ...

وبعدين هاتسرق إيه من هناك يا حسره ؟

مقصات وملاقيط وامواس حلاقة ؟

على العموم سأتحلى بالحكمة ولن أحكم على التجربة إلا حين إكتمالها وقد يكون فيها خير وعلى رأي إبننا موديست نجيب فلوس المصيف

إدخل بقى عليه بالدقن .. وتدرج شويه شويه لحد ما توصل للقفا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

عملية مستشفى المجانين

( وسع وسع للعقلاء ... لاء لاء )

سوكه للإنتاج الفني تُقدم .. القصة التي بهرت العالم وانتظرها الجمهور ... يعني لا تقولي هاري بوتر 7 اللي باع 8 مليون نسخة في أول يوم .. إحنا بالصلاتو عالنبي بنعدي الرقم ده وزيادة وملحه في عين اللي ما يصلي عالنبي ......

إدخل يابني برجلك اليمين وصلي عالحبيب ...

------------------------------------

مشهد داخلي ... نهار صحو ... الشمس مشرقة وبتلفح في قفا الخلايق ..... والدنيا صيف بقى وكل سنة وإنتو طيبين والناس مفرهده وخايفة تُخرج من بيوتها بسبب الأشعة فوق البنفسجية والحركات دي ... واللي ربنا فتحها عليه بقرشين راح قبض الجمعية ويا فكيك عالمصيف ...

اما أعضاء عصابة حساس فالعملية كانت نايمه معاهم .. والسلك ضاربهم ومش لاقيين ثمن الدخان ... وفي أحدى سهراتهم الحمرا على قهوة الهجامين دار هذا الحوار :

إبن مصر : ما تسجر يا سونسون

س س : منين يا حبيبي ؟ والنبي ما كنت أحوشها عنك ... أخر عُقب حبست به بعد ساندوتش الفول بتاع الصبح .

إبن مصر : الله يلعن ابو الفقر ... يعني لحد إمتى هانفضل في الغُلب ده ؟ العصابات التانية كلت وشنا من كتر فشلنا

عصام : لحد ما نقع لنا وقعه سوقع نقب بها على وش الدنيا

س س : أهو من ساعة معرفتكو الهباب دي وأنا بأسمع نفس البؤين الحمضانين دول ... وبنقع على سنانا كل مرة ... إلا فين موديست بالحق ؟

إبن مصر : موديست يا سيدي من ساعة ماتش الكاس الأخراني والحالة رجعت له تاني بعد ما كان خف شويه والدكاترة قالوا فيه أمل ..راح إنتكس تاني بعيد عنك وبقت حالتو كرب .

س س : يعني مالو ... قصدي بيعيش حياته إزاي ؟

عصام : انا أتصلت بأحمد إبنه من يومين وقالي إن بابا رجع لبس البيجاما المقطعه تاني وطول اليوم واقف في البلكون يحدف الناس بالطوب لحد ما طوب الأرض أشتكى منه ومش عارفين بيجيب الطوب ده كله منين ؟

س س : بسسسسسسسسسسسسسسسس وجدتها ...... فُرجت يا عيال وهانصيف ونشرب سجاير مارلبورو كمان وهاينتكب لنا ندوق الكفته والكباب ولحمة الراس كمان .

إبن مصر : إيه .. هه إيه .... هي إيه اللي وجدتها يا أرشميدس ؟

س س : مش هاقولك دلوقت .... قوم بس يا عصام إخطف رجلك لحد ربيع بتاع كشك السجاير وإدي من عنده ميسد لموديست وخليه يغير أم البيجاما الفقر بتاعته وييجي قوام

عصام : يا سلام ..... يعني أول ما يشوف الميسد هايفهم هو كل حاجه وييجي على طول ؟

س س : يابني ما تتعبش قلبي .... قوم كلمه وقوله سين سين بيقولك النادي الأهلي ولع وعايزينك تيجي لنا عالقهوة عشان نروح نتفرج عالحريقة ...

عصام : قشطه يا مان .... حمامه فريره

وبالفعل ما هي إلا ربع ساعة إلا وأقبل عليهم موديست وقد أرتدى الشورت الأبيض والفالنة الحمالات المشهور بها ودخل القهوة مبتسماً :

موديست : هاي يا جماعة .... إيه الأخبار ... هانروح الحريقة إمتى ؟

إبن مصر : حريقة إيه فال الله ولا فالك ... أقعد بس وس س هايفهمك عالعبارة

موديست : إيه ده ؟ يعني ضحكتو علي وطلعتوني من خلوتي يا أشرار ؟

س س : قعد بس يا عم يعني طلعناك من الجنة يا خي .... بص يا موديست إنت حالتك العامة كده مش عجباني .... وموضوعك مالوش أخر ... فيا تسيبك بقى من الزمالك يابن الحلال وتلتفت لأكل عيشك وتخلص للعصابة عشان ربنا يكرمك ... يا إما تشوفلك بلد تانيه تروح تعيش فيها وما تقرفناش كل شويه وحالة الذعر اللي إنت معيشنا فيها وبعد كل ماتش إلحق يا جدع موديست هايولع في نفسه .. حوش يا عم موديست هايقطع شرايين رقبته بالقزازة والكلام الفاضي ده .

موديست : مش قادر يا س س ... شوفلي حل أرجوك ؟

س س : طيب .. إهدى بس كده ... إيه رأيك تروح تضرب لك إسبوعين في مارينا تريح فيهم أعصابك وتضرب لك غطسين وتبلبط ؟

موديست : منين يا حسرة ؟.. ده الأسبوعين دول يكلفو عالاقل كده تلتميت قول ربعميت جنية

عصام : تلتميت روبعميت جنيه ؟!!!!! يابني ده أنت لو رايح لحد العتبة هاتصرفهم في الطريق ... إيه يا عم الحاج إنت لسه عايش في عصر الجنية الجبس ؟

س س : سيبو يا عصام .. خدو يا سيدي على قد عقله ..... مش بس كده يا موديست ... ده أنت هاتصيف وتروشن نفسك ويتبقى معاك فلسو تشتري لك بهم طاقمين بدل هدوم وكالة البلح اللي إنت متكفن فيها دي ... وإحتمال كمان يبقى لك مبلغ تشتري لك بهم قاروصة مارلبورو تعيش عليها باقي السيزون .

إبن مصر : خش في الموضوع يا سونسون أنا ريقي جري خصوصاً من ساعة ما سمعت سيرة اللحمه وأنا ضربت لخمه .

س س : من غير لف ولا دوران ... أنا قررت نسرق مستشفى المجانين .... قولتو إيه ؟

موديست : الحمد لله مش أنا بس اللي مطرقع ... الحمد لله يارب

عصام : بس ياض انت وهو أنا هارش دماغ سين سين ... إحنا هانسرق لنا كام مجنون من دول ونفتح دماغهم ونسرق أمخاخهم اللي عالزيرو ونبيعها بالشيء الفلاني .. صح يا سين سين ؟

س س : مخ إيه وكبده إيه ؟ إيه التخريف بتاعك ده

إبن مصر وهو يضحك على عصام : دايماً بتحط نفسك في مواقف زبالة .... كمل يا سين سين يا راجل يا كُمل

س س : إحنا هانستغل حالة موديست النفسية اللي في الحضيض وندخله مستشفى المهابيش ..

موديست : والله العظيم كنت عارف إنك هاتغدر بيه لإن ده طبعك اللي مش هاتغيره ..... حرام عليك يا أخي إنت ما عندكش عيال ؟ دلوقت كريم إني يروح يقول إيه لأصحابه بتوع جريد تو لما يعرفو إن أبوه إتجنن ودخل المستشفى ؟

س س : حوش حوش .... ليه وهو أنت لو كنت أتقفشت في عملية سرقة المدرسة كان هيتباهى بك ويقول أبويا دكتور مخ وأعصاب ؟

أبن مصر : صلو عالنبي يا جماعة وبلاش حوارات وخناقات إلا لما نسمع الخطة بالكامل .... عيش يا س س

س س : أعيش إيه بقى بعد ما البني أدم ده فور دمي ... لو سمحت يابو أنجي إطلب لي ساندوتشين سجق أهدي بهم أعصابي .

إبن مصر : يعني هو تهدية أعصابك ما تجيش إلا على دماغي ؟ .. إن شالله عنك ما هديت يا أخي

س س : ميرسي .... نكمل يا رجالة .... بص يا موديست إنت بالذات لإنك إنت البطل عايزك تركز معايا .... بقى العلاج الرئيسي للمجانين في المستشفيات هو حقن المورفين اللي بيدوهالهم عشان يهدوا .... فتبص تلاقي الحقنة من دول قد الصوباع لكن بتتباع بالشيء الفلاني .. فتخيل لو قلبنا لنا 4 قول خمس كراتين من دول وبعناهم في السوق يجيبوا كام ؟ .

عصام : يا نهار مش فايت ... مخدرات يا سين سين ؟ دي أخرتها ... مورفين وكوكايين وبانكو ؟

س س : بانكو ؟!!!!! اقعد يا عم الحلو إنت وما تعملش فيها ثورجي .... مين جاب سيرة المخدرات ؟

عصام : إنت مش بتقول نسرق الحُقن وبعدين نفتح غرزة صغيرة نضرب فيها حقن للمدمنين ؟

س س : يا نهارك اسود ... إنت عايز تلبسني تهمة يا بني أدم .. انا قلت كده يا مفتري ؟

إبن مصر : سيبك منه يا برنس وكمل هانصرف البضاعة دي إزاي ؟

س س : أنا ليه واحد صاحبي شغال في صيدلية وعرفت منه إن الحاجات دي مطلوبة زي الحلاوة ... فهانسلك بضاعتنا هناك ... أما الولا أبو قميص بنفسجي اللي هناك ده – مشيراً على عصام – فهاديله حقه ناشف زي روقه في فيلم العار وهو يصرفه بمعرفته .

موديست : طب أنا فين في القصة دي يا كابتن ؟.

س س : العملية يا موديست زي شكة الدبوس وحاجه سونكومينتال خالص...

موديست : خش في الموضوع على طول وبلاش شك دبابيس وضرب حقن الله يرضى عليك أحسن أنا أتخنقت منك ومن تسهيلك للامور اللي بتتكركب على دماغنا في الأخر وبتقلب بغم ... وبعدين إيه المصطحلات الغريبة اللي بتستخدمها دي سونكومينتال وسك على بناتك ؟

س س : ماشي ... إنتا هاتعمل الشويتين بتوعك اللي بتعملهم بعد كل هزيمة للزمالك ... يعني الصريخ وتقطيع الشعر وتنزيل البيجاما المقطعة من فوق الدولاب وكده يعني .... نيجي إحنا نكتفك ونجرجرك عالمستشفى ..... تقعد لك قد يومين تلاته تعرف فيهم المكان اللي بيشيلوا فيه الحقن دي ... نجيلك إحنا بزيارة محترمة ... فراخ وبط وفطير وكإننا جايين نطمئن عليك ... تكون إنت مجهز لنا خريطة تفصيلية بالمداخل والمخارج ومكان البضاعة ... نيجي إحنا بالليل نقشطها وناخدك وتننا راجعين .... هـــــــــا إيه رأيك في التكتكه دي ؟ .

يُتبع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بلا سونكومنتال بلا ألوميتال ... أنا الفار بيلعب في عبّي و مش واثق فيك يا سين سين .. حاسس إنك هاتعمل فيا زي ما عملوا في وائل القباني md2:

لكن لو شايف الخطة مضمونة يعني و هانديها مارينا و فراخ و بط و فطير و نحبس بمارلبورو ، يبقى سوق ياسطى و ربنا يستر طريقنا :)

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

وبالفعل أجتمع الأربعة الأشرار صبيحة تنفيذ العملية – مين صبيحه دي ؟ !!! – وأرتدى موديست هدوم الشغل – كلنا عارفين البيجاما المقطعة وهي اليونيفورم اللي بيتفائل به كل عملية – وتوجهوا بالميكروباظ إلى مستشفى العباسية للصحة النفسية – السرايا الصفار سابقاً –

حمزه التمرجي : صباح الخير يا دكتور ... في 3 أنفار مكتفين واحد ونازلين فيه ضرب وهو في حاله هيجان وعمال يعض فيهم .

دكتور عُقده : يا فتاح يا عليم يا رزاق يا كريم .. يعني ما أعرفش أضرب شاندوتش الفول في أم المستشفى دي برواقه .. وأهو وأدي الساندوتش ويقوم بقذفه على المكتب ... دخلهم يا سيدي وأتأكد إنهم مكتفينه كويس أنا مش ناقص بلاوي .

س س : بونجور دكتور عُقده ... والله إحنا سمعنا عن سعادتك كتير وصيتك مسمع في كل مستشفيات المجانين من العباسية لحد الخانكة ... وعشان كده قلنا نيجي لحضرتك السرايا تشوف لنا حل في المصيبة اللي وقعت على دماغنا دي .

عُقده : خير يا إبني إن شاء الله ... أنا شعاري في الحياة وخصوصاً في كار الطب النفساني إن كل عقده ولها حلال .... ها إحكي لي .... ماله المجرم اللي معاكو ده ؟

إبن مصر : والله يا دكتور الباشمهندس موديست ده كان زينة الشباب ... طول بعرض بإرتفاع يعني تقدر تقول إنه كان شبه منحرف ... وكان عقل الدنيا كله فيه .. لحد الله يسامحهم ولاد الحرام اللي غاووه وبوظوا دماغه بالكوره .. مع إنه كان في حاله وما يعرفش الفرق بين كرة القدم ومصارعة السومو ... ولجل الحظ الإسود يقوم مشجع والعياذ بالله الزمالك ..

عُقده : يا ساتر يارب .. هو أنا ماورييش غيرهم ولا إيه ... ده أنا عندي عمبرين مليانين مشجعين من النادي المذكور واللي بيدخل ما بيطلعش تاني وغالباً بيموت جوه المستشفى .... والمرض ده بنسمية " الزملكتيشن "

موديست هامساً لـ س س : نهارك إسود ومقندل .. إنت سمعت بيقول إيه ؟

س س : ما تخافش .. إثبت انا قلت لك هما يومين بس اللي هاتقعدهم جوا .. لحد ما تظبط الخريطة وأنا كفيل إني أخرجك ومعانا الهبره المتينة .

عصام : عامة يا دكتور أهو عندكو اهو وإتصرفوا فيه زي مانتو عايزين .. أهما حاجه يرجعلنا صاغ سليم ويرجع موديست الحونين بتاع زمان .

عُقده : إطمئن يا إبني .. إحنا عاملين كورس علاج لمثل هذه الحالات ... والكورسي بيتكون من جلسات كهربا على الريق .. نتبعها بدش ساخن للمريض ثم نلحم فيه دش بارد .. وبعدين المريض بيروح العمبر ونبتدي اهم خطوة من خطوات العلاج وهو العلاج بطريقة الصدمات .

عصام : أه فهمت يعني بتخلي عربية تصدمه تقوم الذاكرة رجعاله تاني ... صح ؟

إبن مصر : الله يرضى عليك بلاش تتكلم يا عصام أحسن نرجع من غيرك .. الناس هنا ما بتهزرش ولو عبرت عن ذكاءك ممكن يحتاجوك معاهم شويه

عُقده : لأ يا بابا .. التصادم يعني بنعرضه لصدمه من الحاجه اللي هو متعقد منها ... يعني على سبيل المثال بنجبره إنه يتفرج على ماتش الـ 6/1 تلات مرات يومياً ..

س س : يا نهار مش فايت .. ده كده يفرفر منكو يا دكتور .

عُقده : وده اللي إحنا عايزينه .

س س : على خيرة الله .. إحنا هانسيبهولكو دلوقت وهانرجع نطمئن عليه بعد يومين يمكن ربنا يكتب على إيدك الشفا .

ومر اليومين ... وذهب ثلاثتهم إلى المستشفى حاملين زيارة محترمة للعميل موديست .

إبن مصر : صباح الخير يا دكتور عُقده .. طمننا الله لا يسيئك إزي إبننا موديست دلوقت ؟

عُقده : موديست مين .. أنا ماعنديش حالة بالإسم ده !!!!!!

س س : لأ إفتكر يا دكتور الله يكرمك ... موديست اللي جبناه من يومين وكان عنده زملكاتيزم

عُقده : يا إبني إسمعها زملكتيشن .

س س : يا عم مش هانختلف ... هو فين بقى ؟

عُقده : أولاً ده ما طلعش إسمه موديست .. ثانياً حالة المريض محتاجه على الأقل 3 شهور علاج

س س : يا نهار مدوحس .. أومال طلع إسمه إيه ؟ كوثر ؟

عُقده : لأ يا سيدي إسمه الحقيق بلحه .. فبعد الضغط والتعذيب إعترف بإسمه الحقيقي

إبن مصر : والله العظيم كان قلبي حاسس .. وفعلاً إسم موديست ماكانش لايق عليه خالص

س س : سواء بلحه أو حتى كنتالوب عايزين نشوفه الله يرضى عليك .

عُقده : يا حمزه يا ولد يا حمزه ... روح هات بلحه من عمبر جيم .

ويدخل حمزه ممسكاً موديست من رقبته وقد نقص وزنه وتقطعت ملابسه وأغرورقت عيناه بالدموع ولم ينطق بأي كلمة .

إبن مصر : لا حوال ولا قوة إلا بالله ... الواد ضاع ... ربنا ياخدك يا سين سين يا صاحب الفكرة السودا دي

س س : إنت هاتفضحنا قدام الناس ؟ مانتو كنتو معايا في الموضوع .

إبن مصر : هو ما بيتكلمش ليه يا دكتور ؟

عُقده : يتكلم مين ؟ إحنا كنا فين وبقينا فين ؟ هو عامة بيستجيب للعلاج وقدامه حوالي 3 شهور عقبال ما يقول بابا وماما وبعض الكلمات الأوليه .

عصام : بابا وماما ؟ هي حصلت ؟ ناقص تقولنا ده لسه هايسنن

س س : طب على العموم ولو سمحت يا دكتور عُقده .. بلحه يلزمنا .. وإحنا متكفلين بعلاجه في بلاد بره حتى لو بعنا هدومنا عليه .

إبن مصر وهو يغمز س س : ما تفتحش صدرك قوي كده .. إنت مش لاقي تمن السجاير الفرط أساساً .

س س : أسكت إنت أنا عارف بأعمل إيه .

عُقده : عالعموم إنتو في الحاله دي هاتوقعوا لي على تعهد إن بلحه تحت مسئوليتكم الشخصية وإنكم مسئولين عن تصرفاته .

س س : نوقع ما نوقعش ليه ...

وبالفعل أصطحب الأشرار الثلاثة بلحه .. قصدي موديست الذي لم يكن ينطق ولا بكلمة من تأثير التيار الكهربائي الذي تعرض له كجزء من العلاج .. ومن تاثير مشاهدة مباريات الاهلي لمدة يومين متتاليين ...

إبن مصر : وبعدين ؟!!!! هانفضل ماشيين كده كتير في الشوارع ومعانا المصيبة دي واللي رايح واللي جاي عمال يبص علينا يا خفيف ؟

س س : بأقولك إيه يابو إنجي ... نقطنا سكاتك وسيبني أدور على مخرج .

عصام : الشارع اللي إحنا ماشيين فيه ده فيه مخرج على إيدك اليمين بعد بتاع العصير اللي عالنصية .

إبن مصر : أيوه أيوه ما هي نقصاك إنت كمان عصير إيه وكوكتيل إيه يابو الذكاوة ؟ تعرف تسكت ولا نروح نحطك في المستشفى بدل موديست ؟

س س : بسسسسسسسسسسس لقيتها .... قشطه يا رجاله ....

إبن مصر : قول يا عم الحاج ماحنا أكلنا من الكلام ده كتير وفي الأخر بيطلع على مافيش ..

س س : عيب ده أنا أبو الأسيان بتاع التسعتلاف ... بص إحنا ناخد موديست زي ماهو كده .. ونحطه قدام باب بيتهم ونرن الجرس ونطلع نجري .. وبكده نبقى وصلنا لأهله معزز مكرم وهما يتصرفوا بقى والموضوع يبقى قضاء وقدر .

إبن مصر : إخص عليك وعلى ندالتك .. بقى هي دي أخرتها ... ترمي صاحبك الرميه السودا دي واللي إنت وصلتو لها إيه ؟ الشفقة والرحمه إتنزعت من قلبك إنتزاعاً ؟ .. وواجع دماغنا .. موديست صاحبي .. موديست حبيبي .. إخص مره تانيه .

س س : من غير بستفه .. عندك حل تاني يا بتاع المثاليات ؟

إبن مصر : أنا بأقول ناخده ونرميه قدام باب البيت ونطلع نجري من غير ما نرن الجرس أحسن حد يشوفنا ونروح في داهيه .

تمت وإلى اللقاء في عملية سرقة صالون الحلاقة .. اللي متأكد عن أحمد محمود هاينشف قلبنا سنة او إتنين لحد ما يكتبها .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • بعد 1 شهر...
  • بعد 1 شهر...

تصدق بالله يا سي السيد .. من يوم العملية المنيلة دي و انا مش عارف أرد أقول ايه :happy:

إلهي يارب الزمالك يكسب الأهلي 7/1 و أعمل عملية عكسية .. بس المرة دي مش هاوديك مستشفى المجانين :unsure:

أنا هاحبسك في نادي الزمالك علشان تتعذب بصحيح :closedeyes:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

فانتظرونا فى ..

سرقه مركز التجميل

و بعدين في العصابة الفقر دي.. ما تنزل يا عم بالخطة بلاش كسل .. خلي العملية تزهزه معانا بقى :unsure:

هو احنا بنسرق ليه .. ما هو من أجل مستقبل أفضل لأبنائنا :closedeyes:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

تصدق بالله يا سي السيد .. من يوم العملية المنيلة دي و انا مش عارف أرد أقول ايه :happy:

إلهي يارب الزمالك يكسب الأهلي 7/1 و أعمل عملية عكسية .. بس المرة دي مش هاوديك مستشفى المجانين :unsure:

أنا هاحبسك في نادي الزمالك علشان تتعذب بصحيح :closedeyes:

الزمالك يكسب الاهلي 7/1 ؟!!!!!!!!!!!!

طب إكسبوا طلائع الجيش الأول أو المحلة وبعدين تعالو إتكلموا

عالعموم يارب يا سيدي وإحنا في ديك الساعة .. على الأقل موديست بتاع زمان يرجع لنا تاني .. هاك الشاب المرح المتفائل الذي تعرفت عليه في أواسط فترة الستينات .. أيام ما كنا بنطلع سوا في مظاهرات تُندد بحكم الملك فاروق .. ويا ما أُعتقلنا سوا في الواحات وفي سجن القلعة .. وكان بيتجلد كل يوم 60 جلدة نيابة عني عشان قميصي ما يتقطعش من الكرابيج وكان وهو في عز ألمه يقولي بحنيه : انا فداك يا سين سين .. رقبتي فداك يا ريس ...

---------------------------------------------------------

بس خد الروشتة دي من أخوك سين سين وأدعي لي بعدها :

إنت تاخد الحته الكرولا بتاعتك .. وتطلع على مكه في غير أيام الأربعاء أو الخميس او الجُمعه .. وتعمل عمره في الروقان وتقضي هناك نص يوم كده من غير العيال .... وتعمل عُمرتك وتصلي وتدعي ربنا بدعاء فك الكرب وتقضي الوقت في قراءة القرآن ....

دعاء فك الكرب

" لا إله إلا الله الحليم الكريم، لا إله إلا الله العلي العطيم، لا إله إلا الله رب السماوات السبع رب العرش العظيم "

وتفضي دماغك من أي فكر او أي مشاغل

وشوف النتيجة

وما تنساش تدعي لاخوك الصغنن حلاوه .. قصدي سين سين ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

فانتظرونا فى ..

سرقه مركز التجميل

و بعدين في العصابة الفقر دي.. ما تنزل يا عم بالخطة بلاش كسل .. خلي العملية تزهزه معانا بقى :unsure:

هو احنا بنسرق ليه .. ما هو من أجل مستقبل أفضل لأبنائنا :closedeyes:

مش قلت لك ؟

لو فضلت مستني أحمد محمود عشان عملية سرقة مركز الحلاقة بتاعته دي .. يبقى شعرك هايطول لحد ما يتضفر ضفاير ضفاير .. وهو لسه بيخطط للعملية .

عامة ادعي من قلبك إن المارد الاحمر يفوز بكأس أفريقيا الجُمعه الجاية .. وأبقى في مود كويس وأنا أرزعك قصتين ما تقولش لعدوك عليهم

واحده بوليسي كوميدي وهي " سرقة مركز التجميل ( أو الحلاقة بالعربي يعني )

والتانية هاتكون قنبلة نووية غير مسبوقة .. وهي إن سين سين إبتدى يمشي في سكة الكصص العاتفية الرومانسية بتاعت الزمن الجميل .. بين الأطلال ببقى ورد كلبي وريا وسكينة وإسماعين ياسين في متحف الشمع والحاجات دي بتاعت عز الدين ذو الفقار .. لإن في قصة في إيدي بأخلص فيها بقى لي حوالي سنة فعلاً وهاسميها " الحب في زمان القُراع " قربت أخلصها بإذن الله و هانزلها برضوا مع الحتة البوليسي بتاعت الحلاقة عشان أقفل الزيزون ... وده سبق صحفي لك إنت بس يا موديست .. يمكن يابني لما تقرأ الحتتين دول حالك ينصلح وتشرأب وتنجلي وتنشكح وترجع زي ما كنت من 25 سنة فاتو ...

أخوك الأُسطى متولي

item26696.gif

او زي ما بأحب الناس ينادوني

الحاج متولي

وأدي الدليل

2101.nat.p8.n5.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...