اذهب إلى المحتوى
محاورات المصريين

حكايه السبع بنات والمدينه الجامعيه


pocy

Recommended Posts

السلام عليكم ورحمه الله وبركاته

اليوم ساعرض عليكم اولى حلقات مسلسل حكايه السبع بنات والمدينه الجامعيه

وبها العديد من المواقف الجميله والمحزنه والمؤلمه جدا والطريفه ايضا حكايه تضم سبه بنات يتقابلون للمره الاولى فى حجره واحده وكانوا جميعهم اعدادى هندسه فمنهم

غاده وهى من المنصوره وهى فتاه انيقه جدا وهادئه جدا تحب الضحك جدا جدا ودمها زى العسل

و ايضا الهام من المنصوره وهى شخصيتها شخصيه غريبه فهى من الفلاحين ولا اقصد اى اهانه ولكنها تتوالى فى الكذب عن نفسها وعلينا وترسم لها شخصيه غير شخصيتها تماما ولكن سرعان ما يظهر ذلك

وميرفت وناديه من الاسماعليه وهم شخصيتان لذيذتان وبجد هتحبوهم جدا وخصوصا مرفت اللى بيدفها دايما فضولها ويحطها فى مواقف بايخه جدا هههههههه

وشيري من القاهره وهى فتاه انيقه جدا ومحترمه وعقلها يوزن بلد تربت وعاشت عمرها كله تقريبا فى الامارات وجاءت على الجامعه

وريهام من الاسكندريه وايضا مجموعها جابها بورسعيد فلقد كانت المسافه كبيره من هنا للاسكندريه فكانت دائما ما تجلس فى المدينه وقت الاجازه وممكن تكون الفتره تقريبا شهر او اكتر وهدفها الاساسي هو انها تنجح اول سنه وتقوم بالتحويل الى هندسه الاسكندريه

وسمر من دمياط وهى بنت ملتزمه جدا لم تختلط ابدا بالمجتمع عاما وخصوصا الجزء الذكورى منه وكانت منظمه وتتبع فى نومها وغذائها نظاما خاصا وده هيتعرف من خلال الحلقات

اعتقد كده اتعرفنا على جزء بسيط من شخصيه كل واحده وفى الحلقات القادمه ان شاء الله هتكون بدايه القصه وبدايه اليوم الاول لكل منهم وكيف تقابل كل منهم بعضهم البعض وكيف كان اليوم الاول لهم فى المدينه الجامعيه والجامعه

الى اللقاء فى الحلقه الاولى من قصتى الثانيه

حكايه سبع بنات والمدينه الجامعيه

اتمنى ان تنول اعجابكم ان شاء الله

تم تعديل بواسطة pocy

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

  • الردود 61
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

متابع و أهلاً و سهلاً بالاصدار الثاني

ايه رأيك يا أم عمر نفتحلك دار نشر بتمويل من أعضاء المحاورات و تكون الأرباح بالعدل .. 60% ليا .. 20% ليكي .. 20 % لباقي الأعضاء المشاركين ؟

تمام كدة

حد في نفسه حاجة ؟

مكاوى ..

رابط هذا التعليق
شارك

مية مية يا مكاوي ... ايه العدل ده ... دانت غلبت الحكومة يا راجل

شوفي بقي يا بوسي ... انا أكيد هاشجع بتوع المنصورة ... فركزي معاهم شوية وطلعيهم بشكل حلو

ألا شيري اللي هنا .. هيا هيا شيري اللي هناك !! ولا ايه النظام

تسجيل متابعة

تم تعديل بواسطة INVESTOR

العقول الكبيرة تبحث عن الأفكار ..

والعقول المتفتحة تناقش الأحداث ...

والعقول الصغيرة تتطفل علي شؤون الناس ....

رابط هذا التعليق
شارك

السلام عليكم ورحمه الله وبركاته

اليوم ساعرض عليكم اولى حلقات مسلسل حكايه السبع بنات والمدينه الجامعيه

وبها العديد من المواقف الجميله والمحزنه والمؤلمه جدا والطريفه ايضا حكايه تضم سبه بنات يتقابلون للمره الاولى فى حجره واحده وكانوا جميعهم اعدادى هندسه فمنهم

غاده وهى من المنصوره وهى فتاه انيقه جدا وهادئه جدا تحب الضحك جدا جدا ودمها زى العسل

و ايضا الهام من المنصوره وهى شخصيتها شخصيه غريبه فهى من الفلاحين ولا اقصد اى اهانه ولكنها تتوالى فى الكذب عن نفسها وعلينا وترسم لها شخصيه غير شخصيتها تماما ولكن سرعان ما يظهر ذلك

وميرفت وناديه من الاسماعليه وهم شخصيتان لذيذتان وبجد هتحبوهم جدا وخصوصا مرفت اللى بيدفها دايما فضولها ويحطها فى مواقف بايخه جدا هههههههه

وشيري من القاهره وهى فتاه انيقه جدا ومحترمه وعقلها يوزن بلد تربت وعاشت عمرها كله تقريبا فى الامارات وجاءت على الجامعه

وريهام من الاسكندريه وايضا مجموعها جابها بورسعيد فلقد كانت المسافه كبيره من هنا للاسكندريه فكانت دائما ما تجلس فى المدينه وقت الاجازه وممكن تكون الفتره تقريبا شهر او اكتر وهدفها الاساسي هو انها تنجح اول سنه وتقوم بالتحويل الى هندسه الاسكندريه

وسمر من دمياط وهى بنت ملتزمه جدا لم تختلط ابدا بالمجتمع عاما وخصوصا الجزء الذكورى منه وكانت منظمه وتتبع فى نومها وغذائها نظاما خاصا وده هيتعرف من خلال الحلقات

اعتقد كده اتعرفنا على جزء بسيط من شخصيه كل واحده وفى الحلقات القادمه ان شاء الله هتكون بدايه القصه وبدايه اليوم الاول لكل منهم وكيف تقابل كل منهم بعضهم البعض وكيف كان اليوم الاول لهم فى المدينه الجامعيه والجامعه

الى اللقاء فى الحلقه الاولى من قصتى الثانيه

حكايه سبع بنات والمدينه الجامعيه

اتمنى ان تنول اعجابكم ان شاء الله

عزيزتى بوسى وحشتينى فى انتظار الجديد

رابط هذا التعليق
شارك

الحلقه الاولى

قصتى تبدأ في يوم 1/10/1997 وكان هذا هو الزمان

اما المكان فكان فى مدينه بورسعيد الجميله والتى تجمع كثيرا من الذكريات الجميله والمؤلمه احيانا وبالتحديد فى المدينه الجامعيه ببورفؤاد وكانوا يسمونها المدينه الكبيره وهناك كان ملتقي كثيرا من البنات الذين اعتادوا ان يأتوا كل سنه للدراسه فى بورسعيد والاقامه فى المدينه الجامعيه ووسط هذا التهلليل والصراخ والفرح باللقاء كان هناك سبع بنات كل واحده تقف مع اهلها ماعدا واحده فقط فلقد اتت مع والدها من قبل وحفظت المكان ووالدها قد سافر وهى الان بمفردها ولكنها تعلم جيدا انها أد المسئوليه التى وقعت على عاتقها كان اسم هذه البنت شيري وكانت ترتدى بنطلون جينز وبودى ابيض وفوقه جيليه جينز وكان الكل ينتظر ان ينادى على اسمه وياخد رقم حجرته بعد دوامه من الاجراءات الروتينيه الممله واللى كان عليها زحمه بشكل لا يوصف وفجأه ينادى عى شيريين احمد عبد الوهاب السيد حجره رقم 129 فى الدور الاول

واخيرا يا فرج ربنا ايه ده كل ده علشان اخد رقم الاوضه وصعدت شيريين الى الحجره وكانت متوقعه انها ستذهب وتختار سريرا لها وتقوم بتهيأته لها ولكن ماحدث انها ذهبت الى الحجره لتجدها فارغه تماما وكانت حجره كبيره يعنى 7*4 تقريب وقالت فى نفسها

عقل شيريين : وان شاء الله انا هقعد هنا ازاى هى مش متوضبه ليه بيهرجوا العالم دى ولا ايه وايه القرف ده ثم ايه الدوشه ديه

شريين : ايه ده الشباك بيطل على الكليه بتاعه تجاره وايه ده كليه هندسه اهه ده الواحد يخرج من المدينه على الكليه عدل وده ممكن ينط من هنا ما البتاع ده قريب وفى ثوانى هيلاقي نفسه فى الكليه

عقل شريين : انتى سيبتى كل حاجه وناسيه انك واقفه من صبحيه ربنا ومش لاقيه حتى كرسي تقعدى عليه

شريين : اهه صحيح طب وبعدين اعمل ايه

وهنا تدخل ناديه الى الحجره وتقول

ناديه : السلام عليكم ورحمه الله وبركاته

شيريين : وعليكم السلام ورحمه الله وبركاته

ناديه : هى ده حجره 129 صح ؟؟؟

شريين : ايوه هى بعينها

ناديه : انا اسمى اتسجل هنا

شريين تضحك: اتفضلي يا قمر ومن غير عزومه معلش بقي مش هقدر اقعدك لانى زى ما انتى شايفه ابيض يا ورد

بس انتى مش ملاحظه ان فى تلات دولايب في الحيطه

ناديه : اهه فعلا

شريين : هم هيقعدونا تلاته مع بعض

ناديه : هههههههههههه والله ياريت بس اللى سمعته تحت مش يطمن ابدا

شريين : طب انا هو احنا هنفضل كده واقفين على الارض ولا هيجوا يسلمونا السراير والحركات دى ؟؟؟؟؟؟؟

ناديه : انا شايفه بنات بيجيبوا سراير من الحجره اللى هناك دى

شريين : طب اخلى حاجتى معاكى واروح اسال

ناديه : خليكى انتى وانا هاروح واسال واجبلك المفيد

فى الوقت ده جت بنت تانيه اسمها غاده سكره ومن ساعه ما دخلت وهى هتفطس من الضحك

غاده : ايه ده هو مفيش سراير امال هننام فين ؟؟؟

شريين : طب قولى سلام عليكم الاول

غاده : وعليكم السلام معلش اصل منظر الاوضه يفرح ومحدش قالى اجيب سرير معايا هههههههههه

شريين تضحك : لا يا بنتى تجيبى سرير ايه هم بس تقريبا فى عهده لازم نستلمها ونوقع عليها

غاده تضحك : يعنى حد هيسرق سرير هههههههههههههه ومعفن كمان

فى اللحظه دى كانت غاده شافت ناديه وهى بتدخل بالسرير الغير مجمع واللى مفروض هى اللى تجمعه

ناديه وهى تنظر الى غاده لانها قالت كلمه معفن وهى داخله فافتكرت بتقول حاجه عليها

ناديه : روحى عند الاوضه اللى جنب 106 وهناك هتلاقي الحارث بيسلم السراير قوليله اسمك ورقم الاوضه وهو هيسلمك السرير وبعدين تروحى تجيبلى المخدات والمرتبه من الاوضه اللى جنبها وبرضه تديله اسمك ورقم الاوضه

شريين : اوك بس هو احنا اللى هنجمع السرير مش حد يجي يركبه لينا

ناديه : لا انتى اللى هتجمعيه وتركبيه

شريين : اممممممممممم طيب انا هسيب حاجتى هنا خدوا بالكم منها

تخرج شيري وغاده تنظر الى ناديه منتظره منها اى كلمه ولكنها لم تتحدث بسبب كلمه معفن اللى اتقالت فى وشها

جت شيريين : Oh My gud

شريين : البتاع ده تقيل وبيعمل صوت فظيع فى الارض

ناديه تضحك : لانك مفروض مش تجريه تشليه ثم هو مش تقيل ولا حاجه

غاده : شريين هسيب حاجتى معاكى وهاروح اجيب الحاجه اوك

شريين : اوك

ناديه : هى البنت دى معانا هنا فى الاوضه

شريين : اهه غاده بس ايه سكره ومن ساعه ما دخلت وهى بتضحك معرفش ليه مع الموقف يحزن يعنى المهم عايزين بقي نرتب الاوضه شوفى انتى هتاخدى انهى مكان وانا وغاده لما تيجى انا هاخد المكان اللى تحت الشباك

ناديه : وانا هاخد المكان اللى هنا وتشاور على جنب الحيطه

غاده جات رمتهم فى الاوضه وقعدت على الارض وبتضحك

ناديه وشيري كانوا بيحسبوها بتعيط وجريوا عليها

شريين : ايه يا بنتى مالك

ناديه : دى بتضحك يا شيخه خضتينى

غاده :وهى فطسانه على روحها من الضحك اصل البتاع ده تقيل قوى والبتوع التانيين كل شويه يقعوا منى اروح سانده البتاع الطويل ده واروح اجيب البتوع دول واول ما امشي بالبتاع الطويل ده تروح البتوع التانيين يوعوا منى هههههههههههههههه

شريين : بتاع ايه وبتوع ايه يابنتى انتى شاربه حاجه قبل ما تيجي هنا

غاده : عصير تفاح

شريين : اكيد ده طبعا اللى عمل فيكى كده ههههههههه

وفجأه تدخل ميرفت ومعها بنت اخري اسمها كريمه

ميرفت :هى دى حجره 129

ناديه : ايوه هى ليه

ميرفت : لا اصل انا هقعد هنا انا هاخد السرير اللى عند الشباك ده

شريين : يا جميل ده بتاعى انا لسه جايباه وناديه اللى يكرمها جمعته لي

ميرفت وكانها تنظر لوجه واحده فقط

ميرفت : انتى معايا هنا فى الاوضه

شريين : انا اهه هنا فى الاوضه وكمان ناديه وغاده

وغاده بقي كانت ساعتها كانت مش قادره تجمع نفسها وقعده على شنطتها فطسانه على روحها من الضحك وخرجت ميرفت وكريمه من الاوضه علشان تجيب سرير وهنا تنفجر غاده من الضحك

غاده : ههههههههههههه ودى هتحط حاجتها فين ان شاء الله مش هم تلات دواليب برضه ولا انا مش عارفه اعد هههههههههههه الا هى مش عارفه تشوفنا بالنظاره وراحت تاخد السرير على طول دانا بتاعى لسه مرمى على الارض

شريين : طب تعالى نجمعه سوا يالا يا ناديه ايدك معانا

ناديه اتحرجت وعلى مضض جمعت كمان سرير غاده وحاست انها بتشتغل فى الفاعل وشيريين وغاده دول عالم مايصه وخصوصا البنت اللى اسمها غاده دى فشتها عايمه على الاخر

وجت ميرفت وكريمه وكانوا عاملين دوشه كبيره قوى بس جابوا سرير واحد بس المهم جمعوه وحطوه وسلموا على بعض وكريمه مشيت وتبقت مين ؟؟؟؟؟؟؟؟؟ ميرفت

وشويه ولاقينا بنت كمان جت ومن لبسها واضح جدا انها ريفيه وكانت الالوان صعبه التناسق لدرجه ان شيري قالت فى نفسها مش معقول الالوان الفظيعه دى تركب ازاى على بعضها وكانت البنت دى اسمها الهام وبرضه قعده معانا فى الاوضه وساعتها عرفت انها تروح تجيب السرير والمخدات من المخزن وتيجي المهم طب يا بنات فين المراتب هو احنا هنام على السوست

لالا بس الحارث اللى بيسلم المراتب مش موجود راح معرفش فين وجاى تانى

وبعد قليل جاءت سمر وبتقول : ازيكم يا بنات عاملين ايه ايه ده انتوا هتناموا على السوست وتضحك وتقول انا هقعد معاكم هنا انا من دمياط بس النهارده هبات عند خالتى واجى انام معاكم بكره ان شاء الله الا انتم اسمكوا ايه

وتعرفت علينا واحد ه واحده وكانت مستعجله وحطت شنطه فى الدولاب اللى فى نص وكانت شيري حاطه حاجتها فيه ومشيت دون ان تسال شنطه مين اللى جوه دى

ناديه : احنا كده يا بنات بقينا سته مش كتير قوى على الاوضه ست بنات ولا ايه ؟؟؟؟؟؟؟؟؟

الكل استسلم للامر الواقع وهنا قالت ميرفت بس احنا مفروض نروح الكليه ننقل الجدول ونيجي ونشوف اسماينا فن وندفع المصاريف هناك

ناديه : بس كده الاول لازم نشترى قفل ورزه للاوضه

وهنا صحيت غاده من اللى كان شاغلها وقال ت انا معايا قفل انا معايا قفل

وطلعت القفل والكل ينظر الى التانى وعايز يضحك بس مش قادر الى ان قالت شيري

شيري : انا اول مره اشوف قفل صغير كده هههههههههههههه

وانفجر الباقي فى الضحك وردت عليها ناديه

ناديه : انا خايفه ادوس عليه بالجامد بصوابعي يفتح من غير مفتاح والكل يضحك

غاده فى نفسها يا ريتنى ما كنت طلعت القفل ههههههههههه

وفجأه تطلع الهام قفل مضاد لصفه القفل بتاع غاده وساعتها انفجر الجميع بالضحك وقالت شيري

شيري : لالالالالالالالالالالا ولا برضه شوفت القفل العملاق ده

والاتنين جايبين القفل ومن غير الرذه بتاعته والحمد لله انهم افتكروا يجيبوا المفتاح بس الحمد لله كان فى رزه موجوده على الباب وطبعا الكل سيتسال ليه تجيبوا رزه على الباب ما الباب ليه كالون

ومفتاح ههههههههههههههههه وهنا يضح المشاهدون لان الباب لم يكون بيه كالون يمكن كان موجود فى عهد قديم ولكنه ليس موجوده الان ولكن الموجود كان فتحه كبيره والمفروض انها خرم مكان المفتاح

وفجأه شاهدت ناديه واحده معديه وشايله مرتبه فجريت على الباب هو الحارث جه بتاع المراتب اهه

وهنا كان الهجوم من اصحاب الاوضه والكل راح علشان يجيب المراتب واللى كانت اقل ما يقال عنها انها مقرفه جدا جدا جدا وبعد ان حضروا وجابوا المراتب انزعجت شيري وبكت بكاءا حارا هم ليه بيعاملونا

كده وهنا انكب الجميع على شيري يحاولوا ان يمزحوا معاها وخصوصا ناديه وكمان ان غاده التقطت منها العدوى وبكت هى الاخرى

وبعد قليل ميرفت اعتذرت ومشيت حيث انها من الاسماعليه وهتيجى بكره ببقاى حاجتها وتبقي اربعه فقط بالحجره وهم شيري وغاده والهام وناديه وفى حوالى الساعه الخامسه والنص أتت واحده اخرى اسمها

ريهام و انضمت اليهم فى الحجره رقم 129 وعرفنا انها من الاسكندريه ولكنها لن تبات اليوم هنا هتبات فى فندق مع والدايها حتى تدفع مصاريف المدينه فى الغد وتنتقل وكده اصبح العدد الموجود فى

الحجره 7 بنات وتبقي منهم فقط اربعه ولكن ما حدث لهم بعد ذلك هو الذي لم يكن فى الحسبان

وهذا ما ستعرفونه فى الحلقه القادمه بإذن الله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

متابع و أهلاً و سهلاً بالاصدار الثاني

ايه رأيك يا أم عمر نفتحلك دار نشر بتمويل من أعضاء المحاورات و تكون الأرباح بالعدل .. 60% ليا .. 20% ليكي .. 20 % لباقي الأعضاء المشاركين ؟

تمام كدة

حد في نفسه حاجة ؟

مكاوى ..

ههههههههههههههههه انا موافقه بس اخد ال20% الاول ههههههههههههههه

مية مية يا مكاوي ... ايه العدل ده ... دانت غلبت الحكومة يا راجل

شوفي بقي يا بوسي ... انا أكيد هاشجع بتوع المنصورة ... فركزي معاهم شوية وطلعيهم بشكل حلو

ألا شيري اللي هنا .. هيا هيا شيري اللي هناك !! ولا ايه النظام

تسجيل متابعة

هم نفس الموجوده بس قبل ما يتعرفوا على بعض

وبالنسبه لبتوع المنصوره هم مش محتاجيين وبجد انا حبتهم جدا جدا

السلام عليكم ورحمه الله وبركاته

اليوم ساعرض عليكم اولى حلقات مسلسل حكايه السبع بنات والمدينه الجامعيه

وبها العديد من المواقف الجميله والمحزنه والمؤلمه جدا والطريفه ايضا حكايه تضم سبه بنات يتقابلون للمره الاولى فى حجره واحده وكانوا جميعهم اعدادى هندسه فمنهم

غاده وهى من المنصوره وهى فتاه انيقه جدا وهادئه جدا تحب الضحك جدا جدا ودمها زى العسل

و ايضا الهام من المنصوره وهى شخصيتها شخصيه غريبه فهى من الفلاحين ولا اقصد اى اهانه ولكنها تتوالى فى الكذب عن نفسها وعلينا وترسم لها شخصيه غير شخصيتها تماما ولكن سرعان ما يظهر ذلك

وميرفت وناديه من الاسماعليه وهم شخصيتان لذيذتان وبجد هتحبوهم جدا وخصوصا مرفت اللى بيدفها دايما فضولها ويحطها فى مواقف بايخه جدا هههههههه

وشيري من القاهره وهى فتاه انيقه جدا ومحترمه وعقلها يوزن بلد تربت وعاشت عمرها كله تقريبا فى الامارات وجاءت على الجامعه

وريهام من الاسكندريه وايضا مجموعها جابها بورسعيد فلقد كانت المسافه كبيره من هنا للاسكندريه فكانت دائما ما تجلس فى المدينه وقت الاجازه وممكن تكون الفتره تقريبا شهر او اكتر وهدفها الاساسي هو انها تنجح اول سنه وتقوم بالتحويل الى هندسه الاسكندريه

وسمر من دمياط وهى بنت ملتزمه جدا لم تختلط ابدا بالمجتمع عاما وخصوصا الجزء الذكورى منه وكانت منظمه وتتبع فى نومها وغذائها نظاما خاصا وده هيتعرف من خلال الحلقات

اعتقد كده اتعرفنا على جزء بسيط من شخصيه كل واحده وفى الحلقات القادمه ان شاء الله هتكون بدايه القصه وبدايه اليوم الاول لكل منهم وكيف تقابل كل منهم بعضهم البعض وكيف كان اليوم الاول لهم فى المدينه الجامعيه والجامعه

الى اللقاء فى الحلقه الاولى من قصتى الثانيه

حكايه سبع بنات والمدينه الجامعيه

اتمنى ان تنول اعجابكم ان شاء الله

عزيزتى بوسى وحشتينى فى انتظار الجديد

انتى وحشانى اكتر ياقمر ويار تعجبك وبجد ميرسي جدا جدا على النقد البناء وهارد هناك ان شاء الله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

هى الحلقه الاولى رخمه قوى كده ولا ايه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

  • بعد 2 أسابيع...

مش رزاله يا قمر انتى منورانى انا فى القصه دى وجدت المتابعه من الاخوات والاخوان قلت جدا فقلت سئموا منها لذا فانا اكملها ولكن لن اكملها هنا واذا اردتى متابعتها ممكن اعطيكى اللنك لباقي الحلقات ان شاء الله على موقع اخر ياقمر

وميرسي جدا جدا على كلامك الجميل

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

و الله يا أستاذة بوسي كتابتك جامدة جدا ما شاء الله و أحسن ما فيها إن الصورة بتتطلع في دماغي و انا بقراها يعني رحت بورسعيد و شوفت منظر المراتب ... في إنتظار المزيد. bv:-

رابط هذا التعليق
شارك

و الله يا أستاذة بوسي كتابتك جامدة جدا ما شاء الله و أحسن ما فيها إن الصورة بتتطلع في دماغي و انا بقراها يعني رحت بورسعيد و شوفت منظر المراتب ... في إنتظار المزيد. bv:-

اخى الفاضل اشكرك وبشده على كلامك الجميل جدا جدا وراح اكمل ان شاء هنا ومره تانيه ميرسي جدا جدا

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

الحلقه التانيه

عرفنا فى الحلقه الماضيه ان الحجره التى تضم البنات السبع هى حجره 129 وان اربع بنات بس اللى هيباتوا فيها وان الوحيده اللى راحت الكليه كانت مرفت ونقلت الجدول والتانيين مش راحوا ولا حاجه وقالوا نبقي نروح بكره وخلاص وفى حوالى الساعه السادسه ذهب البنات لشراء الغداء لان وقت الغداء راح عليهم وكل منهم اشتروا مجموعه سانودشات وشيري الوحيده اللى عملت حساب العشا وجابت معاها علبه جبنه شيدر و عيش فينو وعملت حساب ان ممكن حد يا كل معاها و رجعوا البنات للمدينه الجامعيه و وللاسف اكتشفت شيري انها مش جابت ملايه ولا جابت كبرته معاها لان المفروض كانوا يسلموها الحاجات دى وتكون مطهره كمان ونظيفه مش زى منظر المرتبه اللى يقرف الواحد يقعد عليه حتى ولا ريحتها اللى تطفش المهم بعد قليل بدأ البنات ينظموا المكان بتاعهم وكانت فقط غاده وناديه هم اللى معاهم ملايات وكبرتايه لكن الهام وشيري مكنش معاهم ففكروا انهم يجمعوا السراير ويفرشوا الملايات ويتغطوا سوا بالكبرتايات لحد ما باقي البنات يجيبوا وشيري طبعا قالت بكره ابقي اعرف بيبعيوا الحاجات دى فين و تشترى لانها صعب تسافر تجيب من البيت وترجع المهم بعد ين فكر البنات انهم يناموا وطفوا النور ثم ظهر من لم يخطر على البال ولا الخاطر الا وهو الناموس وهناك لا يطلق عليه ناموس لانه متغدي فبيكون بحجم الجاموس وهنا لم يعرف اين من البنات طعم النوم فاستيقظوا جميعا وولعوا النور واشتغلوا حكايات وعن حلمهم لليوم الاول للمدينه الجامعيه وكيف كانوا متخيلينه وظلوا كل من غاده وشيري يتحادثون بينما ناديه والهام قد استطاعوا النوم وكانت هناك معارك وصراعات من الناموس على ناديه والهام وناديه كل شويه تتقلب لكن الهام نامت وملا الهوا يحركه هههههههههههههه وكانت غاده وشيري بيحاولوا انهم يهشوا الناموس من فوق الهام وناديه طول الليل واخدوا قرار انهم لازم يرشوا الاوضه ويقفلو ا الشباك بكره بدرى علشان الموضوع مش يتفاقم وكان فى الفتره دى شيري بتحكى عن الامارات ونضافتها وازاى ان الدنيا هناك وردى وغاده بتحكى عن اسرتها الصغيره والدها والدتها واخوها الكبير وكان كل واحد فى نفسه اهه هى دى البنت اللى احب اكون معاها لذيذه ودمها خفيف وتانى يوم غاده وشيري قاموا ودخلوا الحمام واللى هو بالمناسبه بجوار المطبخ اللى جنب اوضتهم وكانوا بيعتبروها ميزه ولكنهم لاقوا انها عيب كبير بس لم يكتشفوا هذا الامر بعد

واستيقظوا كل من الهام وناديه وبدأ الجميع فى اللبس وخرجوا حتى يواجهوا يومهم الاول فى الجامعه

كانت الدنيا زحمه جدا عند باب الدخول وكان كل واحد بيدخل بالكارنيه وهم مش معاهم الكارنيه لسه مش دفعوا المصاريف بتاعه الكليه بس معاهم جواب التنسيق ودخلهم الحارس محمد وقالهم الاسبوع ده بس اللى مسمحوح بالدخول بجواب التنسيق وراحوا البنات وكانوا ماشيين مع الناس اللى ماشيه وبعدين شافوا ميرفت واللى كانت لسه مقتنعه ان مفيش حد واقف جنب شيري وبتكلم شيري بس كانها هى بس اللى موجوده المهم قالتلهم على الجدول فين ويشوفوا نفسهم مجموعه كام والمدرجات الناحيه التانيه وراحوا على الجدول وكان زحمه جدا جدا جدا وعرفوا ان الهام وشيري وسمر وريهام مع بعض فى نفس المجموعه بينما ناديه وغاده وميرفت فى مجموعه تانيه وكانت الهام فى سكشن 2 بينما ريهام فى سكشن 9 وسمر وشيري فى سكشن 10 و غاده فى سكشن 12 وناديه ومرفت فى سكشن 15

سمر وريهام تقابلوا فى المدنيه وتعرفوا على بعض وقابلوا شيري والبنات فى الكليه وذهبوا لمحاضرتهاهم وكان دكتور محمد يوسف دكتور الرياضيات والمدرج كان مليان جدا وكانوا البنات منهم المجموعه الشامله و ومش درسوا النهايات والدكتورلا بالنسبه ليهم بيشرح فى طلاسم ومنهم فاهم ما يقال لانهم كانوا مجموعه التانيه بتاعه هندسه بس وطلعوا من المحاضره ابيض يا ورد

غاده : هو الدكتور كان بيقول ايه اصل انا طول الوقت مش قادره اركز كان فى ريحه رجيلان وحشه جدا فى افاى وتقريبا الولد اللى ورايا كان قالع الجزمه وقاعد بالشراب

شيري تضحك: ياه وانا اللى كنت بقول يا ترى الريحه دى جايه منين ههههههههههههه بس انتى ايه مش درستى النهايات فى الثانوى هبقي ارحهالك مش تقلقي الموضوع سهل

والهام : هو الراجل ده كان لازم حد يدوس على رجله علشان يتكلم براحه او يسكت شغال رغي رغي رغي ومش يستنى شويه

ناديه ومرفت جم وقالوا لغاده محدرتيش المحاضره معانا ليه انتى مجموعه ب مش أ على العموم احنا نقلنا المحاضره وهنقولهالك فى المدينه وغاده بتقول بجد ايه ده انا ايه اللى جبنى معاكم

شيري بتسال ريهام هو احنا علينا بعد كده مين ؟؟؟؟

ريهام :كيمياء دكتور فتحى الصيفي تقريبا

وهنا انفجرت ناديه وميرفت بالضحك ولم يستطيعوا امساك نفسهم من الضحك

وسالت شير ي: ايه اللى مزغزغكم كده

ميرفت : انتوا شويه وهتعرفوا من نفسكم هههههههههههههه

وقالت الكلمتين دول وهى فطسانه على روحها من الضحك هى وناديه

وهنا ناديه بتقول لغاده هتيجي تحضري التانيه معانا تقريبا دكتور الرياضيات محمد يوسف فرغلي

وهنا انفجر الباقي بالضحك وعندما سالوا البنات ردوا نفس الرد هتعرفوا كمان شويه

وعندما دخلت كل من ريهام وغاده وشيري وسمر والهام المحاضره عرفوا السبب وخرجوا مش عارفين يمسكوا نفسهم من الضحك مش علشان المحاضره صعبه لالالا لان الدكتور ومع الحشد الفظيع ده كله كان مش بيحط الميك على بقه الا لما بيقول انت يا حمار ياللى لابس اللون الاحمر اللى جنب البت الملزقه شعرها اللى قدامك بت لابسه خفيف هتتطلع ولا اجيلك والكل بيضحك ومش عارفين نرضيه ازاى والبنات معظمها شعرها كان نفس التسريحه هههههههههههههههه

المهم انتهت المحاضره ورجعوا البنات على المدينه لان مفيش سكاشن لليوم ده ولما رجعوا المدينه وراحوا المطعم علشان يصرفوا بون الاكل اجاركم الله على اللى شافوه

الى اللقاء فى الحلقه القادمه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

الحلقه الثالثه

فى الحلقه الماضيه ذهبوا البنات للكليه وكان اول يوم ليهم فى الكليه وحضروا محاضرتين والبنات خرجوا منهم مش فاهمين حاجه وقعدوا يضحكوا على الدكاتره والعدد المهول للطلبه داخل المدرج الواحدوقرروا الذهاب الى المدينه واحضار الطعام وكان المطعم بجوار باب المدينه يعنى يدخلوا من الباب يلاقوا على ايدهم الشمال باب كبير قوى بيودى على المطعم وبجوار المطعم سلالم تؤدى للطابق الاول وطلعوا البنات وغيروا لبسهم وذهبوا الى المطعم واول ما دخلوا من الباب ومعهم بونات الاكل

شيري: ايه الريحه الفظيعه دى ريحه نفاذه بشكل وحش

ناديه : دى ريحه الاكل

غاده تضحك هههههههههههه هو دى ريحه الاكل اللى هناكله

ميرفت جعانه : اهه ريحته كل ده طابور الاهو فين اوله من اخره

ريهام : تقريبا نقف هنا

ووقف الحشد وهم منتظرين ويتقدم الطابور ببطئ اخد الامر ساعه الا ربع حتى تصل ميرفت لاول الطابور وعديت فى البدايه واخدت الخبز ثم عدت على الثانى وهو الطبيخ وكان موجود فى ازنه كبيره زى بتاع الجيش وكان الطيخ اليوم كما يقال هو بطاطس حيث ان البطاطسايه الواحده مقطعه لاربع قطع وميه يقال عليها صلصه محطوطه فيها البطاطس وكان لون الميه برتقالي اللون ثم اخدت الرز واللى كان ابيض معجن ثم اخدوا الفراخ وكانت ورك واللى وراها ياخد نص صدر وهكذا ثم اخدت السلطه فى الصينيه ثم اخدت كيس الفطار والعشا وهبقي نقول محتواه بعدين وهكذا باقي البنات واللى كانوا جعانين جدا وكلهم اتجمعوا على تربيزه مش نضيفه مكان البنات التانين اللى اكلوا قبلهم وطبعا مكنش فى حد بينضف بعدهم

شيري كانت قرفانه جدا ومضايقه بس لاقت البنات بياكلوا وقالت لغاده انا مش هقدر اكل الاكل ده قالتلها ولا انا بس جعانه هغمض عينى واكل

شيري : انا هاكل الفراخ بس

غاده : براحتك

شيري شايفه البنات بتاكل وهى بس اللى قرفانه راحت جت تمسك الفراخ لقيت فيها دم راحت جريت على المكان اللى بيغسلوا فيه ايديهم وده كان جنب الباب ورجعت ومش قدرت تستحمل وجريت على الاوضه اخدت غاده الحاجات بتاعتها وبتاعه شيري وطلعت وراها وباقي البنات حصولها ولما شافوا شيري لاقوها منهاره وبتعيط ولما جت غاده تطبط عليها هى وناديه قالتلهم

شيري : انا اتبهدلت قوى انا مش هقدر اكمل هنا انا هشوف اى كليه فى القاهره واحول حتى لو كانت كليه تجاره مش مهم بس انا مش هقدر استمر بالقرف ده

غاده : مااحنا يا بنتى كلنا فى الهوا سوا وانا مضطره اصبر السنه دى وبعدين احول المنصوره وانتى كمان حاولى تصبري السنه دى وبعدين ابقي حولى القاهره بس خساره تضيعي سنه وامل حياتك انك تكونى مهندسه زى بابا

ناديه : يا بنتى احن ا معاكى وانا بشوف البنات جايبين حلل وحاجات واطباق وممكن نطلع الاكل فوق ونعمله من اول وجديد وينفع يتاكل ساعتها ايه رايك واتفقوا البنات كلهم تانهم يجيبوا حاجات يطلعوا فيها الاكل فوق ويبقوا ياكلوا وقعدوا يهزروا ويضحكوا شيري واتفقوا انهم هيسألوا عن السوق في بورفؤاد وازاى يجيبوا الحاجات دى ونزلوا واشتروا شويه طلبات وحاجات فى الاوضه زى معالق وسكاكين وشوك واطباق وكوبايات وكنكه للشاي وما الى اخره وطبق غسيل واريال وكل الحاجات دى وكانوا بيجيبوا ويقسموا الفلوس على سبعه وفى حاجات كانت شيري بتجبها لوحدها ومش بدفعهم معاها وجابوا مقشه ومساحه وهى كانت جابت ملايات وزينه وشماعات للهدوم وكيس مخده مؤقتا ورجعوا على المدينه ومسحوا الاوضه وفرشوا السراير وكانت ريها م ملهاش دولاب فسلموها دولاب بس صغير وكانت مضايقه فبدلت ريهام مع ناديه وقالت انا حاجاتى قليله وكان طبعا زى ما قلنا سابقا ان هم تلات دواليب في الحيطه كانت شيري وسمر مع بعض وريهام وميرفت مع بعض والهام وغاده مع بعض

وعدى اليوم وناموا البنات وكانوا اشتروا كمان عشا غير عشا المدينه اللى كان عباره عن بيضه وقطعتين جبنه مثلثات وخبز ووواحده مربي صغيره دا غير ان ميرفت قالتلهم ان بالليل بيبقي في ازنه فول في المطعم بالليل وممكن يبقوا يروحوا ياخده منه بالليل

وعندما صحيوا البنات بدأو يحكوا عن اهليهم ووعن نفسهم وقامت شيري وقلدت دكتور الكيميا ببراعه مطلعه وحاولت تقلد دكتور الرياضيات واللى قامت بعد كده ميرفت وقلدته وبدأوا يفكروا يعملوا عشا وانهم يساعدوا بعض فيه اتنين يجيبوا الفول من تحت واتنين يروحوا المطبخ ويسلقوا البيض ويسخنوا العيش والباقين يروقوا الاوضه ويفرشوا الارض علشان ياكلوا وواحده عليها الشاي بعد الغدا اختارت شيري انها هتعمل الشاي بعد العشا وغاده ومناديه راحوا يجيبوا الفول واللى اكتشفوا انه من غير زيت ومفروض يحطوا زيت وهم نسيوا يشتروه وباب المدينه خلاص اتقفل المهم والباقي هيروق الاوضه ويسلقوا البيض راحت ريهام ومرفت علشان يسلقوا البيض ويسخنوا العيش ولقت فى المطبخ الواسع والكبير ناس كتير عليهم الدور وكل واحده وراه واحده لحد ما وصلوا لنهايه الدور وعرفوا انهم وعليهم خير بعد تلات ساعات ممكن يشوفوا ووصوا اللى قبلهم انهم يخبطوا على الاوضه لما يبداوا علشان دول يستعدوا وهنا شيري قالت لا احنا نبقي نجيب سخان فى الاوضه ولا اقولكم انا هجيب من البيت وبعد تلات ساعات اتعشوا البنات وعملوا عشا محترم واكلوا وناموا حتى يذهبوا الى الجامعه مبكرين وكانوا قبل النوم عملوا حسابهم انهم يهشوا الناموس ويطفوا النور ولكن غاده وشيري ومريهام لم يسلموا وسمر طول اليل بتعيط من قرص الناموس وتتذمر وغاده وشيري راسهم فى راس بعض اصلهم السراير جنب بعض وبيحكوا لحد ما عرفوا يناموا على الفجر وجاء صباح اليوم التالى واستيقظ البنات على اصوات البنات فى الدور بينادوا على بعض وكانت ناديه نومها خفيف جدا فاستيقظت اول واحده وصحت باقي البنات والكل ذهب الى الحمام وفى هذه الاثناء حدث شئ لشيري

هنعرفه الحلقه الجايه ان شاء الله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

  • بعد 2 شهور...

الحلقه الرابعه

انتهينا فى الحلقه الماضيه ان شيري كانت قرفانه جدا من الاكل ورجعت لما لقت دم فى الفراخ بتاعه المدينه وانها عيطت كتير والبنات ساعدوها وغادت عيطت هى كمان وبعد كده قضوا باقي اليوم عادى فى حكايات ونوم وبعد ما صحيوا من النوم وحبوا يجهزوا عشا لقوا الدنيا زحمه جدا وفى دور على البوتجاز المهم بعد تلات ساعات انتظار عملوا الاكل والحمد لله واتفقوا يبقوا يجيبوا سخان فى الاوضه وناموا بعد مشاقه مع الناموس وفى اليوم التالى استيقظوا البنات وذهبوا الى الحمام ولكن ما حدث لشيري كان فظيعا تعالوا نعرف ايه اللى حصلها ههههههههههههههههه

منظر الحمام كان صعب جدا تدخلى من باب كبير لتجدى اربع حمامات مغلقه ودى فيها دش للى عايز يستحمى يعنى وهناك حوالى خمس حمامات منهم تلات حمامات افرنجي والباقي عربي ودخلت شيري وجدت نفسها تقززت من المنظر فالسافون معطل والرائحه لا غنى عن تعريفها فتراجعت ووضعت الفرشه ومعجون الاسنان على الاحواض واللى كانوا اربعه وكانت سمر تقف بجانبها وفجأه بينما كانت شيري تغسل وجهها بالصابون صرخت سمر صرخه مدويه وبالتالى صرخت شيري فيها

شيري : ايه يا بنتى فيه ايه ؟؟؟؟

وقد كانت فى ذات الوقت شيري تحس ان فى حاجه فى رقبتها ووضعت يديها لتحك رقبتها من الخلف (أفاها )واذا تجد صرصار كبير في يديها وبيطير صرخت شيري وجريت الى خارج الحمام وهى مرتعبه جدا من اللى حصل بينما سمر تضحك على المنظر فلم تكن تعرف ان الحمام ملئ بالصراصير الكبيره والطائره ومن هنا قررت شيري الا تدخل الحمام ابدا بعد هذا الموقف

شيري جريت على الاوضه وسمر وراها وشيري متنرفزه جدا وعماله تشتم وتقول ايهخ القرف ده على الصبح وراحت عيطت

ناديه : يا بنتى انتى مالك بس استهدى بالله كده وقولى مالك

سمر : اصل في صراصار كبير بيطير وطار ووقف في قفاها وانا صرخت اول ما شوفته وهى مسكته فى ايديها وطار وخرجت تصرخ

غاده : يععععععععععععععععععع ايه القرف ده

ناديه : طب يعنى اول حد يعبر عن جمال قفاكى كان صرصار زعلانه ليه بقي هههههههههههه

شيري : انا مش عارفه هفضل مستحمله لحد امتى ؟؟؟؟؟ انا خلاص استحاله ادخل الحمام اهنا

ناديه : معلش اصبري شويه وعلى الاخر اليوم هتنسي بس انتى شدى حيلك والبسي علشان هنتاخر

بدأ الجميع فى اللبس وكل واحد راح محاضراته وهناك وفى مدرج أ كانت شيري وسمر وريهام والهام يجلسون سويا وكان عندهم دكتور سامي الخولى فيزياء وكان الماده دى من احب المواد لريهام وشيري والدكتور كان سكر وعمال يلقي بالنكات من حين لاخر وخرجوا من المحاضره وكان عندهم بعد كده محاضره ميكانيكا للدكتور محمد عطيه واللى كان بيحب الدمايطه جدا مع انه من المنصوره المهم حضروا المحاضره بتاعه المكانيكا ولم يفهموا اى شئ وخرجوا من المحاضره وتقابلوا مع ناديه وميرفت وبنت اسمها عبير كانت منتظره واحده اسمها زينب فى المدرج الاول وبعد ذلك تعرفنا عليهم ووجدناهم يجلسون فى حجره 125 قريبه من حجرتهم 129 وكانوا البنتين دول فشتهم عايمه وعمالين يضحكوا على طول المهم ونحن فى الطريق اوقفنا واحد وكان عايز يتكلم مع مرفت

والبنات تتوقفوا منتظرين ميرفت واللى نسيت انهم مستنيناها وراحت تتمشي بعيدا عنهم مع هذا الولد وطبعا ناديه لما شافت كده يالا مرفت اكيد بتعرف تيجي لوحدها ونبقي نقعدها على كرسي الاعتراف لما تيجي الا فى حد فهم حاجه فى محاضره الميكانيكا والجميع بلا استثناء ولا حاجه على الاطلاق

وذهبوا الى المدينه ماعدا غاده وشيري راحوا يشتروا زيت وشويه حاجات لزوم عمايل الاكل فوق وذهبوا الي السوق وبالفعل جابو الحاجات ورجعوا ولسه دورهم على البوتجاز مجاش وبعد ساعه تقريبا جه عليهم الدور وبعد ساعه اكلوا وناموا وصحيوا ولما صحيوا لقووا ميرفت جت وكانت نايمه ومحدش حس بيها المهم

ناديه: كنتى فين ده كله احنا جبنالك الاكل وشلناه

ميرفت : ده ابن عمى محمد ومعانا فى الكليه وفى السكشن بتاعك يا ناديه

ناديه : طب خير بس انتى مش قلتلى ان ليكى ابن عم هنا

ميرفت : انا لى هنا قرايب بعدد شعر راسي منهم بنات فى كليه تجاره وشباب برضه فى تجاره جايبنا واتنين بس فى الكليه بتاعتنا واحد اكبر مننا بسنتين ومحمد أدى

ناديه : طب مش كنتى تقولى بدل ما احنا مستنينك

ميرفت : انتوا استنتونى ؟؟؟؟معرفش انا قلت اكيد مشيتوا

ناديه : طيب بس لما تبقي تروحى فى حته قليلنا مش نستناكى

شيري وباقي البنات كانوا بيسمعوا الحوار وبعد دقائق خبط الباب ودخلوا زينب وعبير ودخلت معانا وقعدنا نحكى بقي عن الدكاتره وطبعا قاموا بتقليد كل دكتور على حدى وغدا هيكون عندهم رسم هندسي ووصفيه وربنا يستر بيقولوا صعبه جدا

وفى اخر اليوم من الكلام والهزار ذهبوا البنات للنوم وذهبت شيري وغاده للمعاناه اليوميه مع الناموس وبعد ساعات قررت شيري انها مش عارفه تنام فقالت تقوم وتقف فى البلكونه شويه وقامت واستيقظت غاده وقالت

غاده : انتى كمان مش عارفه تنامى ؟؟؟

شيري : بجد الناموسس فظيع انا مش عارفه هم ازاى نايمين وعمال يقرؤص فيهم كده

غاده : طب انتى رايحه فين؟؟؟

شيري : قلت هقف في البلكونه شويه

غاده : طب استنى انا هاجى معاكى

شيري:اوك

وراحوا سويا الى البلكونه واللى هناك كان الناموس افظع ونظروا امامهم ووجدوا مبنى كبير جدا وبعيد وفى زى لمبه بتنور وتطفى تنور وتطفى وسكتت الانوار قليلا ثم عاده مره تانيه

بس يا ترى المبنى ده بتاع ايه ؟؟؟؟؟؟ والنور ده مين اللى كان بيعمله وبيعمله لمين ؟؟؟؟؟؟؟

ده هنعرفه فى الحلقه القادمه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

الحلقه الخامسه

غاده وشيري معرفوش يناموا فى الحلقه السابقه وذهبوا ليتحدثوا فى البلكونه قليلا وهم فى البلكونه وجدوا انوار تصدر من مبنى بعيد وبعد دقائق عرفوا ماهو هذا المبنى ومن كان يفعل كذلك

غاده : هو ايه المبنى اللى بعيد ده انتى اخده بالك انه بينور بكشاف ويطفي كانها اشاره لحاجه

شيري : تصدقي فعلا تحسي انها إشاره

ثم سمعوا من احدى البلكونات اللى فوقهم

بنت 1: خلاص قالك تصبحي على خير

بنت 2: اهه بس لازم لما يدخل ويقفل البلكونه ابقي ادخل انا كده اتاكد انه نام خلاص

بنت 1: طب وانا تعذبينى معاكى ليه

بنت 2: معلش علشان خاطري اهه خلاص بيقلي باي ودخل ينام

بنت 1: طب الحمد لله ممكن احنا بقي ننام

بنت 2: لا خلينا شويه عايزه احكى معاكى شويه

بنت 1: ارحمى ابويا بقي ونبقي نحكى بكره طب تعالى ونحكى عقبال ما نوصل لللاوضه

بنت 2: كده الله يسمحك مش عايزه احكيلك عن حبيب قلبي سامح

بنت 1: انا اعرف كل حاجه عن سامح واقدر اسمعهالك ارجوكى هنام على نفسي

بنت 2: طيب طيب روحى نامى وهحصلك

بنت 1: طب تصبحي على خير

غاده : سمعتى ؟؟؟

شيري : اهه سمعت ايه الحب الفظيع ده هههههههههههه

غاده : انا سمعت ان المبنى ده المدينه الجامعيه للولاد

شيري : بجد وهى تبتسم

غاده : بتضحكى ليه

شيري : ابدا بس بتخيل نفسي لما احب هبقي زيها كده ولا لا ؟؟؟

غاده : مش عارفه بس انا مش فى دماغي دلوقتى الموضوع ده انا مستنيه اروح المنصوره الاول واحول واستقر

شيري: متقليش كده يا غاده وانا اعمل ايه من غيرك هنا انا كمان بفكر ابقي احول عين شمس ولا القاهره لانى مش هقدر استحمل العيشه هنا كتير

غاده: بس احنا هنفضل اصدقاء على طول

شيري : اكيد طبعا انا حبيتك والله من اول يوم شوفتك فيه

غاده : وانا كمان والله ارتحتلك بس مش عارفه باقي البنات مش عارفه اخد عليهم قوى

شيري : ليه ده ناديه زى العسل وسمر تصرفاتها تدل علي طيبتها وريهام ومرفت تحسي انهم كبار كده وعقلهم مش معانا بس الهام هى اللى مقلقه منها معرفش ليه يمكن لانها رسمت فى الاول شخصيه غير شخصيتها والكذب واضح فى كلامها ؟؟؟؟

غاده : تصدقي وانا كمان مش حابه الهام ومش مرتحالها انا بحط شنطه ايدي تحت راسي علشان قلقانه

شيري : لالالا يا شيخه هى كويسه بس فيها طبع الكذب بس على ما اعتقد

غاده : لا يا بنتى الاحتياط واجب وخصوصا انك معاكى فلوس كتير ببقي قلقانه عليكى وانتى حاطه المبلغ ده كله معاكى

شيري : انتى عارفه اهلى مش هنا وانا معرفش ايه اللى ممكن يحصلي وايه اللى ممكن احتاجه

غاده : امممممممممم هى الساعه كام دلوقتى ؟؟؟؟

شيري:الساعه 4 يالا نلحق ننام قبل ما المفروض نصحي

غاده : طب يالا

وذهبوا الى الاوضه ليناموا واستيقظوا بعد معاناه من سهره امس وحكوا للبنات على اللى شافوه

ميرفت : المدينه الجديده دى بتاعه الولاد محمد قاعد فيها

ومن جوه تحفه وكبيره وكل حاجه فيها جديده

غاده : طب مش كانوا ادهولنا بدل العذاب ده

شيري: انا عندى مشكله

غاده: ايه خير

شيري: انا عايزه ادخل الحمام ومتعقده من امبارح بس مش قادره امنع نفسي ؟؟؟؟

غاده : طب نعمل ايه بيقولوا في حمام تانى فى الدور ده

شيري: فين فين

ناديه : تعالى معايا

وذهبت شيري مع ناديه والحمد لله كا ن الوضع فى الحمام التانى افضل بكثير من الحماماالاول وده واضح لان استخدامه قليل ولان عدد الحمامات فيه قليله كمان

وخرجوا البنات وذهبوا الى الكليه وهناك وهم فى محاضره الرسم الهندسي واللى كان موجود ساعتها دكتور صالح زرومبه

وضعت شيري رجلها على البنش اللى قدامها ولم تقصد ان تضرب الشخص اللى كان قدامها والذي نظر اليها بعيونه الخضراء نظره قويه ولكنه سرعان ما تبددت النظره هذه انه يعرف تلك الفتاه انها من القاهره لقد ركبت معه الاتوبيس في بدايه الاسبوع وكم تمنى ان يجلس بجوارها حتى يخف طول الرحله ولكنه لم يعرف انها معه فى الكليه وفى نفس المجموعه هزت شيري راسها وهى تحاول الاعتذار وهو قال مفيش مشكله ولكن دكتور صالح زرمبه شاهده وطرده من المحاضره وطبعا ده ضايق شيري جدا واحست هى بالذنب لانه نظر اليها فقط عندما ضربته دون قصد برجلها وكانت هناك علامه كوتشي على جيب بنطلونه من الوراء وبعد المحاضره كان هو منتظر فى خارج المحاضره وشاهدته شيري وذهبت حتى تعتذر منه

ولكن ماحدث كان غير ذلك تماما وده اللى هنعرفه فى الحلقه القادمه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

يا ريت تشجعونى انى اكمل هنا لانى زعلانه جدا لان محدش تابع معايا قصه ايمى وبجد كانت ممتازه من وجه نظرى ههههههههههههههههههههه

لو مش لقيت ردود مضطره انى مش اكملها هنا للاسف

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

حلقه النهارده فيها موقف كوميدي فظيع يارب يعجبكم ان شاء الله بس فى اخر الحلقه السابعه

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

الحلقه السادسه

عرفنا فى الحلقه اللى فاتت ان شيري دون قصد منها طبعت الكوتشي بتاعها على بنطلون ولد كان قاعد قدامها فى البنش وطبعا عندما نظر خلفه اليها ووجدتها هى نفس البنت اللى كانت ركبه معاه الاتوبيس فرح جدا وقرر انه يتعرف عليها ولكن ماحدث ان شاهده الدكتور صالح زرمبه وطرده من المحاضره وبعد انتهاء المحاضره قررت شيري ان تعتذر له عن ما بدر منها ولكنها فؤجت بالاتى

احمد : انا اسف جدا جدا يا بشمهندسه

شيري: على ايه انا اللى اسفه لانى ماخدتش بالى وومكنش قصدى والله

احمد : لالالا عادى بتحصل المهم انتى حضرتك من القاهره

شيري : ايوه من القاهره

احمد : وانا كمان انا من حدايق القبه

شيري : وانا من المهندسين

احمد : اممممممممممم اهلا وسهلا انا شوفتك فى الاتوبيس واحنا جايين فلما شوفتك النهارده افتكرت

شيري : اهه بس بجد انا بعتذر وبشده عن اللى حصل ومره تانيه مكنش قصدى

احمد : لا عادى

وهنا جاء صديق احمد وهو فى المجموعه التانيه كان اسمه هانى ومن السويس وكان احمد دهبي الشعر اخضر العيون وسرعان مما جاءت سمر لتشد شيري وتمنعها وتزعقلها انها متكلمش ولاد واعتذرت منهم ومشت ولكن احمد استوقفها

احمد : بشمهندسه لو سمحتى باقي محاضره النهارده ممكن ابقي اصورها منك

شيري : اوك بس بعد محاضره الوصفيه ابقي خد الكشكول صوره

احمد : اوك

ومشيوا البنات لان كان فى فرق نص ساعه بين المحاضرات

وقال هانى لاحمد

هانى : ايه البنت دى بجد جميله قوى

احمد : دى كمان من القاهره بس بجد عايز اتعرف عليها

هانى : مش انت قلتيلها كشكول المحاضرات هى دى البدايه انت بس حاول تعرف هتسافر امتى يوم الخميس وتحجز فى نفس الاتوبيس

احمد : اتصدق فكره اعرض عليها احجزلها فى اليوم اللى قبلها يمكن توافق

هانى : يالا ياعم عقبال مالاقي انا حد من السويس انا كمان

احمد : انت رايح المدينه ولا لا ؟؟؟

هانى : لا خلينا نجيب ساندوتشات من الراجل اللى فى اخرشارع مدينه البنات

احمد : لا ياعم انا بطنى وجعتنى من الفول بتاعه فى واحد جنب مكتبه اسلام

هانى : طب خلاص يالا علشان نلحق نرجع

احمد : يالا

فى الوقت ده كانت سمر تعنف شيري وتقولها مكنش مفروض تقفي معاه عيب ده ولد الناس هتقول ايه وميرفت تضحك على كلامها

ميرفت : يا بنتى انتى كبرتى وفى كليه امال داخله هندسه ليه وشغلك هيكون اكيد مع رجاله

سمر : لا عيب انا ماما قلتلى ملكيش دعوه بالولاد

يزداد ضحك ميرفت : هههههههههههههههه ماما قالتلك مش تكلمى الولاد امال لما يكون معاكى مجموعه ولاد وانتى هتعملى مشروع معاهم هتعملى ايه ؟؟؟؟ثم انتى كل كلامك ماما قالتلى نامى قبل 12 بالليل وماما قالتلى متخرجيش بره المدينه بعد الكليه وماما قالتلى ....... ايه يا بنتى انتى مش عارفه مصلحتك تدبريها لنفسك

سمر : كده يا مرفت والله لانا مخصماكى ومش راح اكلمك

شيري: بطلوا بقي انتم الاتنين الواد انا طبعت رجلى على بنطلونه بص وراه علشان يشوف مين عمل كده الدكتور شافه وطرده طبعا انا مكنش قصدى وهو مقلش للدكتور عنى فالحمد لله وقلت اعتذرله فى حاجه دى ؟؟؟؟؟

غاده : لا عادى المهم هو طلب منك الكشكول

شيري : ايوه وانا قلتله بعد المحاضره التانيه ليه؟؟؟؟

غاده : اصل دى بتبقي نقطه البدايه ثم الانطلاق ههههههههههههههه

شيري : انطلاق ايه وبتضحكى ليه ؟؟؟؟؟؟؟

غاده : اصل افتكرت نصايح امى وهى بتقلي لو حد طلب منك الكشكول قليله مبكتبش ولما سالتها ليه قالتلى دى حجه تافهه زى اللى بيقولها علشان يكلمك ههههههههههههه

سمر : شوفتى مش انا قلتلك

شيري : انا حاسه انكم مكبرين الموضوع وهو مش يستاهل المهم يالا ناكل لقمه قبل ما المحاضره تبدأ

ميرفت : انتى جايبه اكل معاكى ؟؟؟؟

شيري : اكيد طبعا امال الشنطه دى مليانه ايه اكيد مش كتب ههههههههههههههه

ميرفت : طب طلعي طلعي

وكملت كلامها وهى تنظر الى سمر وتقول

ميرفت : اصل ماما قالتلى لازم تفطرى الصبح هههههههههههههههههههههههه

سمر : كده يا مرفت بتتريقي على الله يسمحك وبجد مخصماكى

شيري : بطلوا لعب العيال ده بقي قدامنا عشر دقايق ونقوم ناديه ساكته ليه

ميرفت : اصلها مضايقه فى واحد داس على رجلها وكان ضخم جدا

شيري : رجلك وجعاكى يا ناديه ؟؟؟؟

ناديه : انا اللى وجعنى اكتر انه داس على رجلى دون ان يلتفت ورائه كانه داس على رجل حشره

شيري : ههههههههههههههههه يا ستى متكبريش الموضوع مش بتقولى هو ضخم اكيد مش اخد باله منك فكرتينى بموقف وانا فى المطار واحد ضخم الجثه عريض المنكبين واحسست وانا بجواره انه هيعطس قلت الراجل ده اكيد هيطيرنى بالعطسه بتاعته وفى الاخر بعد طول انتظار خروج العطسه طلعت عامله ازاى (تس) تخيلي بقي موقفه بعد الضخامه دى يقل تس دانا مش بقولها كده هههههههههههههههههههههه

وضحك الجميع وذهب كل منهم الى محاضرته وكانت للدكتور ابراهيم وكان دكتور سكره حبته جدا شيري وحبت الوصفيه لان اسلوبه رائع جدا فى الشرح وبعد انتهاء المحاضره نسيت شيري احمد واللى اتى من ورائها مسرعا وسالها عن الكشكول واعطته له وقال لها انتظرى عند لوحه الاسماء وانا هجبلك الكشكول هناك وبعد نص ساعه انتظار وكانت سمر وريهام والهام منتظرين معها وكانوا مضايققين جدا من الانتظار واخيرا جاء احمد

احمد : انا اسف جدا والله بس المكتبه زحمه جدا انا جاى جرى لانى اتاخرت عليكى

الهام : اتاخرت قوى

احمد : انا اسف يا بششمهندسه على التاخير

شيري : لا عادى

احمد: معلش كنت عايز اسال حضرتك سؤال هو حضرتك مسافره بكره اصلي رايح احجز النهارده بالليل فممكن احجز لحضرتك معايا

وهنا اتنطرت ريهام وردت

ريهام : لا هى مش مسافره بكره ويالا يا بنات علشان نلحق الغداء

شيري : مع السلامه

احمد يجر ازيال الخيبه : مع السلامه

شيري : انتى قلتيله ليه انى مش مسافره

ريهام : لانها بتبقي كده خطوات وخصوصا انكم من نفس البلد هو ياخد الكشكول وبعدين يحجز الاتوبيس وبعدين تسافروا وتروحوا مع بعض وبعدين تليفوننات وهكذا ويتعرف فى مدينه الولاد ان شيري البت بتاعه احمد وطبعا ده مش يرضيكى نهائي ولا ايه

شيري : او ه ماي جد لا طبعا الحمد لله انك قولتيله كده

ويذهب كل منهم فى طريق ولكن المفاجأة التى هتحصل غدا انها ........

ياترى ايه ؟؟؟؟؟ هنعرف الحلقه الجايه ؟؟؟؟؟

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

الحلقه السابعه

يوم الخميس لم يكن عند البنات الا سكشن واحد فقط وكل منهم كان محضر شنطه السفر وبعد ان انتهى السكشن وكانت ريهام وشيري وسمر مع بعض لانهم كانوا ضاميين سكشن 9 و10

وفى محطه الاتوبيس تقف شيري منتظره دورها لتقطع تذكره واذا باحمد يراها ويطلب منها ان تقطع له لم تستطيع الرفض وخصوصا انها سبب طرده من المحاضره

وبعد ان حجزت واعطته التذكره وركبت الاتوبيس علمت انها كده ستجلس بجواره وهو كان فرحان جدا الموضوع ده وبعد ان ركبوا الاتوبيس جلست شيري بجوار بنت وانتظرت ان ياتى احد لتبدل معه التذكره واذا برجل ياتى وتبدل معه التذكره ويجلس هو مكانها بجوار احمد طبعا دى كانت حركه قويه جدا وغير متوقعه وتضايق منها احمد وعند وصول الاتوبيس الى القاهره نزلت شيري ونزل احمد واخدت شنطتها لتضعها فى سياره بها رجل وامراءه وكانت سياره قويه وجامده جدا وواضح ان البنت دى عايشه عيشه حلوه ولم يكن يعرف احمد ان من اتى لتوصيلها هى اختها وجوز اختها وانها قد اتصلت بهم لينتظروها فى القاهره عند وصولها

ذهبت شيري الى المنزل وظلت تحكى وتحكى الى ان قالت لها اختها منى

منى : يا بنتى افصلي التلاجه بتفصل

شيري : كده يعنى انا غلطانه انى بحكيلك دانا بسليكى

منى : فعلا انتى احسن من ب1جنيه لب

شيري : طب انا غلطانه ومش هكمل حكاوى وابقي اسالينى بقي كده وانا مش هرد عليكى

منى : طب قوليلي محتاجه حاجه معاكى

شيري : اكيد مش بقولك عايزه بطانيه وعايزه ملايتين وعايزه كبرتايه وعايزه مرتبه سرير وعايزه

منى : مرتبه سرير بتهرجى امال كنتى نايمه على ايه هناك

شيري : مرتبه حقيره ومليانه بقع وياعالم فيها حشرات ولا لا ؟؟؟؟

منى : حشرات بتهرجى اجرى ع الحمام خدى دش تعقيم وارمى هدومك دى وانقعيها لحد ما اشوف صرفه فيهم

شيري : هههههههههههههههه مش بقولك الوضع فظيع ومتفاقم

منى : بتضحكى انا هقول لكمال النهارده ننزل نجبلك الحاجات دى وحاولى وانتى هناك تبعدى عن اى حشره ربنا يباركلك ولو كده انا اختك حبيبتك اوعي تستورديهم وانتى جايه

شيري : ايوه كده ....هحاول اقنعهم بانهم يقعدوا هناك بس هههههههههههه

منى : طب يالا ع الحمام لحد ما اجهز العشا

شيري : اوك بس هو أبيه كمال فين ؟؟؟؟؟

منى : خرج راح الشغل ماهو استاذن علشان يجيبك وجبنا وراح يكمل شغله يالا قدامك ساعتين تروحى وتيجي براحتك قبل ما يجي طب انا جري على الحمام

وفى هذا الوقت كان كل من ناديه وزينب وعبير وميرفت يتجهون الى الاسماعليه ويحكون لبعضهم البعض وكانوا بيتكلموا عن شيري

عبير : البت شيري دى مش عجبانى كده

ناديه : ليه بس دى زى العسل ودمها خفيف جدا وخدومه جدا وبتعمل دايما حساب الكل فى كل حاجه حتى اللبان

عبير : اصلى حاسه انها شايفه نفسها حلوه وعامله حركات وكده يعنى

ناديه : لالالا خالص هى اصلا جميله ومش محتاجه تعمل حركات ثم انتى مش ملاحظه ان لا بسها حلو وكمان شعرها جميل جدا لو هى وحشه ماكانت تخرج بشعرها ولا ايه

عبير : يمكن

زينب : بس هى شكلها شاطره

ناديه : بصراحه هى الوحيده اللى لما بنقوم من النوم بتقعد وتكتب المحاضرات وتقراهم ولما بنقلها بتعملى ايه بتقول بنقل المحاضرات بخط كويس علشان لما اجى اذاكر وكمان انا اتعودت ان المعلومه بثبت لما بتلزق في نفس اليوم

زينب : اصل النهارده قامت وسألت دكتور ابراهيم بتاع الوصفيه على حاجات والدكتور انبسط منها قوى واحنا اساسا مكناش فاهمين هو بيقول ايه

ناديه : ايه ده هى فهمت حاجه فى محاضره الوصفيه انا مكنتش عارف هو بيقول ايه ولا سمعاه اساسا

زينب : ما اصلك نقلت من جنبنا وقعدت قدام على اول بنش اللى مش ليه مسند ده وتلاقيها كانت سمعه

ناديه : والله جريئه البنت دى انا مقدرش اقوم خالص فى المحاضره

ميرفت : انا حاسه ان اهلها متريشين من لبسها والحاجات اللى بتصرف فيها

ناديه : يا بنتى ماهى اهلها فى الامارات وهى قاعده مع اختها وجوزها وجايبه معاها يجي الف جنيه

عبير : بتهرجى جايبه معاها الف جنيه ليه ؟؟؟ دانا جايبه ميه وكنت عايزه اخد 50 بس

ناديه : اصلها مكنتش عارف هتدفع كام فى المدينه ولا مصاريف الكليه والادوات الهندسيه اللى هتشتريها وكل ده يعنى

عبير : اهه انا لسه مش جبت الحاجات بتاعه الرسم الهندسي انتوا جبتوا حاجه

ناديه : لا انا لسه لما ارجع الاسبوع الجاى لانى مكنتش عامله حسابي انى هجبهم بس شيري الوحيده هى وسمر اللى جبتهم

ميرفت : وانا كمان جبتهم بس في البيت اصلي اختهم من قريبي اللى اكبر منى هو مش محتاجهم

ووصلوا الى الاسماعليه بينما غاده راحت بينهم وجلست مع امها تحكيلها عن البنات واحساسها بكل واحده فيهم وانها قررت انها تاخد شيري زميلتها الانتيم ومامتها قالتلها ربنا يوفقك ويكرمكوا جميعا وقامت علشان تحضر الغداء

عدت الايام والسكاشن بدأت تبقي موجوده وبقوا يرجعوا متاخر وكانت شيري من حبها فى الوفيه والرسم الهندسي كانت بتساعد البنات وتشرحلهم المحاضرات بتاعتهم وبالفعل كانت متقدمه جدا فيهم والدكتور كان عارفها بالاسم ونصحها انها تدخل عماره طالما حابه المجال ده وفى يوم من الايام كانت ناديه نومها خفيف وراجعه من السكشن متاخر بتاع الكمياء وتعبانه جدا وعايزه تنام وحصل موقف فظيع جدا لم تعرف كيف تفعل فيه

كان هناك جرس منبه فظيع جدا فى الدور شغال يرن من ساعه ما حطت راسها على المخده والكل نايم ومفيش حد بيوقفه ولا حاجه خرجت ناديه وهى متعصبه جدا وزعقت فى الدور وقالت اللى عندها المنبه ده ياريت تطفيه ولا حياه لمن تنادى الجرس صوته عالى وفظيع جدا تمشت فى الدور لعل وعسي تعرف الصوت خارج من انهى اوضه وطلع الصوت بتاع المنبه من حجره زينب وعبير خبطوا عليهم ولم يفتحوا الباب فلم تجد من بد الا انها تدخل عليهم من الشباك طبعا الكل هيسألنى ازاى

المدينه تحت كل شباك الدور فى مكان ممكن تحطى فيه كرسي وتربيزه تحسوا انهم كانوا هيعملوا بلكونه ونسيوا يحطوا السور بتاعها المهم خرجت ناديه من شباك حجره 129 وراحت عند شباك 125 وفتحته ودخلت الاوضه وكانوا زينب وعبير نايمين فى هذا الصوت الفظيع حاولت ايقاظ عبير دون جدوى وزينب نفس النظام دورت هى على المنبه ولم تجده والصوت عالى كالصريخ فى ودانها راحت رشه على عبير ميه وقالتلها فين المنبه

ناديه : عبير فين المنبه

عبير : فى الدولاب

ناديه : انهى دولاب

عبير : اللى فى النص يا ناديه

ناديه : ده مقفول بالقفل

عبير : المفتاح تحت المخده بتاعتى

ناديه : طب وسعي اجيبه وتحاول ناديه ولكن المفتاح وقع تحت السرير ونزلت ناديه تحت السرير وجابت المفتاح وفتحت باب الدولاب وقفلت المنبه واخدته معها ثم خرجت من الباب وهى كاظمه الغيظ وحاولت ان تنام ولكن دون جدوى باقي البنات استيقظوا وطبعا هيولعوا نور الاوضه وهى مش هتعرف تنام فى النور واستيقظت هى الاخرى و

شيري : هو كان فى جرس مال يرن الله يسمحهم معرفتش انام كويس

ناديه تنظر الى شيري وتكاد ان تهجم عليها الا ان قول مرفت حال دون ذلك

ميرفت : تصدقي انا كنت بحلم ان فى جرس بيرن بس جيت اصحي لقيته اتقفل فكملت نوم

غاده : لا هو فعلا كان فى جرس منبه بيرن وفى واحده صوتها مزعج عماله تقول ياريت تقفلوا المنبه ياريت تقفلوا المنبه كنت عايزه اقوم اقولها ياريت تقفلي بقك وكانت بتضحك

وهنا انفجرت ناديه ولم تستطيع ان تحبس الكلام داخلها

ناديه : يا غاده هانم انا اللى كان صوتى مزعج انتم كلكوا نايمين وانا بحاول محاولات فظيعه لاغلاق المنبه علشان سيادتكم تكملوا نوم وحكت لهم ماحدث وكيف وصلت للمنبه وطفته وجابته معاها والجميع يضحك وناديه تكمل الكلام الى ان خبطت الباب ودخلت زينب وعبير لم تستطع ناديه مسك نفسها وسرعان ما جريت ورا زينب وعبير فى الدور والادوارالاربعه الاخرى وعندما نزلوا بعد المباراه عرفنا سبب وضع المنبه فى الدولاب واغلاقه عليه ووضع المفتاح تحت السرير فيا ترى كان ايه السبب هل هم نسيوه جوه الدولاب ام ماذا ؟؟؟؟؟

ده اللى هنعرفه الحلقه الجايه

تم تعديل بواسطة pocy

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

بوسى حكاية ايمى والدكتور خالد اكتر من رائعة اينعم صلاة الظهر راحت على مع انى كنت متوضية والاكل الى على البوتجاز شاط والعيال رجعوا من المدرسة بدرى طبعا انا الى الوقت سرقنى وانا مندمجة مع القصة وطبعا بعد اعجابى بالحكاية الاولى وانبهارى رالتانية قررت انى اتابع الثالثة وانا على ثقة انها هتعجبنى اجمل حتجة فى قصصك انها وبتبتدى هادية وبعدين تسخن وتعدين تولع وفى الوقت الى بنكون خلاص مش عاوزين القصة تخلص من كتر اندماجنا مع الشخصيات بتنزلى ستارة النهاية كمان فى مواقف كتير حصلت معانا كلنا فبترجعينا لايام حلوة اوى انصحك بجمع القصص فى مجموعة قصصية وسميها سنة اولى جامعة لان معظم توهج الاحداث عندك فى سنة اولى جامعة كملى انا متابعكى حتى لو معلقتش لانشغالى وياريت الجزء التانى من ايمى بس بعد منخلص دى من ناحية علشان منشتش ومن ناحية علشان الاكل ميتحرقش تانى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...