السادة والسيدات الأفاضل رواد موقع محاورات المصريين، زواراً وأعضاء، يرجى العلم أنه إبتداءاً من يوم الخميس الموافق الأول من شهر ديسمبر من العام الجاري (1/12/2022) سيتم منع الدخول من خلال اسم المستخدم، وسيتم السماح بالدخول باستخدام البريد الإلكتروني فقط، لذا يرجى التحقق من بريدكم الإلكتروني المستخدم بشكل دقيق.
اذهب إلى المحتوى
محاورات المصريين

نفسك تقول لمين .... "واحشنى"


عصام
 مشاركة

Recommended Posts

واحشنى ناس كتير ..

واحشانى قلوب كان وجودها حوليا بيدفينى

وحشانى مصر ..

وحشانى قوى

واحشنى الدفا اللى بيملا قلبى هناك حتى وانا فى عز الشتا..

واحشنى صوت ورق الشجر بالليل ,, ياااااااه قد ايه كان بيسحرنى

واحشنى الهوا نفسه هناك .. ستاير الأوضه اللى بتطير لما افتح الشبابيك

وحشنى صوت اذان الفجر ..

اذان الفجر فى مصر معرفش ليه مش شبه اى صوت بسمعه فى اى بلد ..

وحشتنى الوشوش .. ايوه الوشوش .. وشوش مصريه فى كل حته حوليا ,, فرحانه او زعلانه ..طايره او شايله كل هموم الدنيا .. المهم انهم وحشونى ..

وحشتنى الركنه ع الكورنيش .. باللللللللللللللللليل خالص .. النيل بيقى منور قوى .. وبتلاقى نفسك بتسرح والوقت ياخدك من غير ما تحس

وحشتنى حاجات هايفه قوى فى مصر .. لكن بجد وحشتنى

وحشنى اسمع صوت دوشه الشارع الصبح ..

روبابيكا .. وغيره وغيره

كنت وانا وسط الأصوات دى بسميها صوت الدوشه !!

حاليا بسميها صوت الحياة !!

وحشونى اصحابى .. قرايبى .. اهلى .. وحتى بواب العماره وصاحب الكشك اللى ع الناصيه !!

وحشتنى صوت المزيكا .. جنان الشباب ,,ضحكهم .. والسهر فى الصيف لحد الفجر ..

وحشتنى المصايف وريحة البحر واللمة والضحك اللى من القلب

وحشتنى خالتو

وحشتنى ماما

وحشنى بابا واخواتى

ووحشنى بيتنا

وحشتنى كراكيبى فى اوضتى القديمه

وحشتنى البنت الشغالة اللى كنت مش طايقه رخامتها ولا كلامها الكتير ,, بس وحشتنى

وحشتنى حاجات كتير

وحشتنى انا !! ايوه انا وسط كل ده ..

وحشتنى طاقة الرغى اللى كانت عندى والتهريج .. مش عارفه ساعات بتضيع منى ليه هنا !!

وحشتنى السينما ............... يااااااااااااااااااااه وحشنى العالم اللى كنت بنفصل جواه عن العالم لمده ساعتين ..

وحشتنى الحالة نفسها

الإنبهار

الخيال

واحساس كل جماليات الصوره والإخراج والأداء والتفاصيل الصغيره ..

واحشنى ايه ؟؟

واحشنى كتير

واحشنى كتير جدا ومهما قلت مش هخلص

لولا

يااااااااااااااه يا لولا تسلم إيدك اللى كتبت الكلام ده

كإنك بتقولى كل اللى جوايا وخصوصا آذان الفجر فعلا صوت الآذان فى مصر ليه طلعم تانى خالص غير اى بلد تانيه معاكى حق

انتظرى بقى الجزء التانى من مسلسل تقول لمين وحشتنى ..

ده لسه فى كلام ياما يا فتافيتو :rolleyes:

فكرتينى بموضوع لذيذ فضلنا الصيف اللى فات نتكلم فيه عن مصر .. والكلام مخلصش بجد لأن الشوق عمره ماخلص .

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

  • الردود 97
  • البداية
  • اخر رد

أكثر المشاركين في هذا الموضوع

الأيام الأكثر مشاركة

وحشتني البنوتة اللي كانت جوايا من يجي سنتين ثلاثة..

كانت طيبة اووي..بريئة اووي..هادية اووي..

كانت شايفة الدنيا حلوة كثيير..والناس الطيبين ماليين حياتها..

كانت شايفة الحياة غير شكل..ملونة ومليانة فرح وسعادة..

وحشتيني يا انا اللي من زماان..

طالما أننا احياء ..فلا مفر من الأمل..

رابط هذا التعليق
شارك

واحشني طبق سلطه خضراء طعمه حلو

بدون مبيدات

الخيار طعمه خيار

و الطماطم طعمها طماطم

والفلفل طعمه فلفل

زهقت من طبق السلطه البلاستك

وكمان كله سموم

l'important dans la vie

c'est de quelle maniére tu te perçois

635569846.gif

انااااااااااااااااااااااااااا انا مش هرد

لالالا

وانا بعرف اصد

ده انا وانا رافع ايدي بكتب علي الكيبورد

نصار ابو اللينك

عاوز تهاجر الي امريكا

مينا ممكن يساعدك

رابط هذا التعليق
شارك

  • بعد 8 شهور...

بابا وماما

وحشتونى اووووى اوى -

وما كنتش اعرف ان حيجي يوم وكل الليالى اللى كانت بتجمعنا

حتصبح ذكرى اعيش عليها فى انتظار لقاء تاني يجمعنا

اتمنى لكم طولة العمر والصحة

:blink:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

وحشتني حتة الفسيخ اللي اكلها زهيري .. أصلي كان نفسي فيها وهو مدي إيده الأول ولهفها

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مفتقد نفسى (بفتح النون) كثيرا ونفسى (بكسر النون ) ولو ساعة من ايام زمان

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

...وحشتنى ايها الطفل الذى لا طالما ربيته ...

احتضنته بين ذراعى ...دفست رأسه فى حضنى ...

حملته ...على كتفى ...لاعبته ...

والان صرت رجل ....على اعتاب الدنيا

تناهضنى ...تراجعنى ...

عفوا فلقد خفتت قواى ...واختفى حنينى لك رويدا رويدا ..

فصبرا جميلا ....

تم تعديل بواسطة shiko

18344710.jpg

رابط هذا التعليق
شارك

أقولها لبابا الله يرحمه ....

لزمايلى فى الكلية (أيام الدراسة يعنى)

لابنى اللى نايم دلوقتى وحارمنى من زنه :blush2:

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

  • بعد 2 أسابيع...

....ساعات بياخدنى الحنين ...وبيبقى نفسى اقولك

*** :lol: وحشتينى يا صاحبتى :roseop: ***

بس حقيقى ماتستاهليش ....

18344710.jpg

رابط هذا التعليق
شارك

  • بعد 3 أسابيع...

ماما واحشاني اوي....فوق حدود الكلمات

لو كلمتها بتخنق و بعيط.....لو مكلمتهاش هي بتعيط

انا وحشني احساسي اني اقوم الصبح و الاقيها في المطبخ و اخش احكي في اي حاجة لغاية العيش ما يجي من بره و نفطر مع بعض

واحشااااااااااااااااااااااااااني فوق الوصف

واحشاني جدا.......انتي مش هتقري الكلام ده

و انا مش هعرف اقوله لما اقابلك......بس لما نتقابل سيبيني ارمي نفسي جواكي

سيبيني و متسالنيش مالي لو بكيت

سيبيني ابكي

عايزة اتغسل

و مش هعرف اتغسل الا لو بكيت في حضنك

تعبت

وحشتيني

وحشتيني

وحشتيني

رابط هذا التعليق
شارك

  • بعد 10 سنوات...

وحشتني اللمة الحلوة هنا

ازيكم كلكم

اتوحشناكم

  • أعجبني 1

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

  • الزوار
Guest عضو قديم

أنا عضو قديم   قديم جدا   و كلكم وحشتوني جدا

الفيسبوك ما يغنيش و لا يتساوى مع محاورات المصريين إزاى أنا مش عارف

هنا خاصة الأيام دي محتاجين  الحضن الحنين و النصيحة الصادقة

ربنا يخليكوا و يبارك فيكم

رابط هذا التعليق
شارك

  • بعد 2 سنوات...

السلام عليكم 

ازيكم جميعا

اتوحشناكم يا الاكارم

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة

  • الموضوعات المشابهه

    • Guest ناصح امين
      0
      كل من يكتب في السوشيال ميديا  يكتب باحساس انه ناصح امين و يوجه الخليقة او كل الناس للطريق الاحسن او ينهاهم عن تعاطي الموبقات و ينسى نفسه انه بمجرد الكلام عن الناس فهو يبدأ  في توجيه الأذى لنفسه و للغير  اللهم الا اذا كنت طبيبا حاذقا و تعرف هموم الناس و مشاكلهم  … و ليس كل الناس الناس فقط المحيطين بك و تعرف ظروفهم الصحية مثلا في القرن الماضي او قبل الماضي تم الغاء الزواج بين صاحب جريدة المؤيد  لماذا  …  لعدم الكفاءة. لأن مهنة الصحافة غير محترمة و من يمتهنها يفقد يفقد الاعتبار فما ب
    • 0
      حقق مسلسل أنا وهى والذى عرض مؤخرا من بطولة الفنان أحمد حاتم والفنانة هنا الزاهد والفنان أشرف عبد الباقى نجعرض الصفحة
    • 0
      يقال إن بعض الناس لديهم حاسة سادسة تجعلهم قادرين على السفر بروحهم من جسدهم إلى جسد آخر والتخاطر بانتقال أفكارعرض المقال كاملاً
    • 0
      مع وداع عام سابق وبداية سنة جديدة تراودنا أحلام وأهداف جديدة مليئة بالأمل والتفاؤل.ونأمل فى تعويض ما فات فيمعرض الصفحة
    • 0
      فى وسطنا شخصيات دايما بيرددوا ما بقدرش أقول لا لحد يطلب منى حاجة وبيعتبروا دى ميزة فيهم بتدل على تفانيهمعرض الصفحة
×
×
  • أضف...