شمشون خلف.....باركولي!!!

[the consultant]

شمشون خلف.....باركولي!!! و الله يا حاجة لماضة بقالي فترة ببص على اسم الموضوع بيرقص كدة و يعدي قدامي و اقول هو يعني ايه الكلام ده ، و تفتق في اللاوعي

عندي ان اللي كاتب الموضوع دة و احد بيحكي عن قصة بطل فرنسي اسمه (باركو لي....على وزن ساركو زي ) و بعدين بركز كدة قلت لا ماهو مفيش حد فرنساوي اسمه (خلف ) و كمان

حيجيب ولد و يسمسه شمشون . و اصلا حتى لو حصل اكيد مش حيبقى فيه بطل في فرنسا اسمه ( شمشون خلف باركولي نيكولا ) مثلا .................المهم قلت افتح الموضوع و خلاص .

اتصدمت بان الفااااااااااااااااااااااااااااااااااااااااار اللي حضرتك مربياه هو بيحاول يقنعك انه مش فااااااااااااااااااااااااااااااااااار مع انه طبعا فااااااااااااااااااااااااااااااااااااااااار قال ايه خلف تلاته يوم ماتش الاهلي. .

الابيض قادم ( ان شاء الله ) و الله قادم . مش ممكن يعني ده ماكد عليا

[لماضة مصرية جدا]

السلام عليكم و رحمة الله و بركاته

و الله يا جماعة الخير انا بشكر كل اللي اتفضل مشكورا و دخل التوبيك دهوت و قال كلمتين....حتي لو هما في المعظم كلمتين في العضم....

يعني انا عايزة افهم حاجة دلوقتي بما ان احنا يعني في منتدي درقماطي....لا هما شوية حاجات:

1- انا حاطة التوبيك ده في باب "الهوايات" مش "دعوة للابتسام"....مع اني والله ضحكت علي كل التعليقات اللي حضراتكم حطيتوها....ربنا يملي حياتكم يا رب ضحك ...و اوعدكم اني ابلغ شمشون انه قدر يدخل الضحكة عليكو...حتي يعني لو كنت بتتريقوا عليه...!!!!!!!!!!!!!!!!!!!!

بس اللي اعرفه من فهمي المتواضع جد ان الهواية يعني مش لازم كل الناس تبقي موافقة عليها.....

و مش لازم يعني تبقي هوايتي اني اعزف الكورديون و لا اقرأ أبيات المتنبي.....

طب انا خلقتي طلعت كده...مش فاهمة يعني ايه الغريب...

2- ع فكرة بقي...للمرة المليون....يا بني آدمين هو مش فار خالص.....و اي محاولة منكو انها تمحي هويته.....هضطر اني اغرق البانر بقي قصص و حواديت عن الهامستر

طب بلاش

ما نيجي نقرا ع النت.....لان فعلا فيه حيوان اسمه الهامستر.....و هو فعلا شبه الصورة اللي حطها عماد...بس شمشمون أبيض الحقيقة

3- ع فكرة بقي....شمشون اللي مش عاجبكو دوت.....متتخيلوش ساعدني ازاي اني اجمع 4 اطفال (غزل .....كنان.....ادهم.....لي لي )من جنسيات مختلفة (سوريا......جاميبا....مصر)و نقعد كل يوم جمعة نتكلم عليه و نقرا عنه سوا...و بعدين بنقعد نلعب بيه....احسن من الرشقة قدام التلفزيون طول الاجازة.

انا بحب الاطفال يطلعوا كده بيحبوا الحيوانات و ميخافوش من حاجة....

و عشان كده سميته شمشون عشان شلة العيال دول....يحسوا ان مافيش حاجة نخاف منها.

4- انا لما اكلته بسكوت....مش من باب اني عيلة فافي بقي و بتاع....انا اكلته كده....لاني كنت باكل بسكوت فقط في فترة ما بسبب عيا....فاكلته اللي انا باكل منه.....

مع احترامي جدا لكلام دامو....بس انا برفض اني اعيش اي حيوان اربيه حياة صناعية......

بحاول ااكله نفس الحاجات اللي هو او هي عادة بياكلوها في الطبيعة...

و بعدين مش كفاية احنا عيينا من الاكل المعلب....هنعيي المخلوقات دي كمان.

5- شمشون يا بني آدمين........راااااااااااااااااااااااااجل....و مش عارفة ازاي يعني حد يقولي...اسميه ماهيتاب و لا سوسن......و بعدين ده احنا بنخطط ناخدوا معانا الصعيد....ايه ده...يا لهوي...ده كده ممكن انا انطخ....هما مش هيعرفوا ينشنوا عليه...لانه صغنتوت....(حجمه اكبر من الفار الابيض...و مش ممكن يوصل لحجم الارنب).

بس خلاص

ع جنب بقي

استاذي سكوربيون.....انا بحب.ال........:blush2:

حضرتك عرفت منين......كان عندي مشروع علوم عملته في الاجازة انا و اخويا و احنا صغيرين عنهم.....

طب عمرت شفت بوق....ال...........؟؟؟

فوتكم بعافية

[لماضة مصرية جدا]

عن النبي ص قال: «من مسح على رأس يتيم لم يمسحه إلا لله كان له في كل شعرة مرت عليها يده حسنات ومن أحسن إلى يتيمة أو يتيم عنده كنت أنا وهو في الجنة كهاتين» وفرق بين أصبعيه السبابة والوسطى.

جزاك الله كل خير أستاذي

شكرا لنصيحة حضرتك

[زعلان]

يفضل ولو مرة كل بضعة اسابيع انك تطلعي الهمستر على الحديقة ويا سلام لو تخليه يلعب على العشب تحت القفص يعني تحطي القفص عليه من غير القاعدة بتاعة القفص علشان يغير جو وما يملش و نصيحة انك تفصلي الاناث عن الذكور

[Diab]

يا تري شمشون صايم في رمضان

[hOuSsAm]

ده يعتمد انه عنده كام سنة

[لماضة مصرية جدا]

السلام عليكم و رحمة الله و بركاته

مش عارفة اقولكم ايه

بس شمشوني مات

الحمد لله الفترة الاخرانية ديت مكنشي عايش معايا...علشان متعلقشي بيه اكتر

اللي عرفته انه وصل لسن الشيخوخة بتاعه و هو عمره سنتين...(سبحان الله الحيوانات دي مش بتعيش كتير)

و كان تعبان في الفترة الاخرانية

مش عارفة اقول ايه

بس انا اتعلقت بيه....(في وقتها)

و خايفة اتعلق دلوقتي بالقطقوط بتاعي ...احسن يموت هو التاني...(ايه ده تفتكروا اني منكن اكون السبب....يعني من الحب ما قتل و كدهوت)

ربنا يخليلي القط بتاعي...و يباركلي فيه لغاية ما اجوزه باذن الله في شهر 10 و افرح بانجاله و نجلاته

صحيح نسيت اقولكم

شمشوني ساب وراه أرملة في عز شبابها....و عدد (23) شمشاين صغنتتين

حدش قال عايز....يربي هامستر

لا أراكم الله مكروها في أي قط او هامستر او سمكة لديكم

انتهي البيان

مارشات عسكرية

انقطع الارسال

تشششششششششششششششششش

[عماد حمدي]

:cry: :cry1: :cry: :cry1:

عندي شك أن البسكوت هوه السبب !!

أنتي اللي موتيه :cry:

قصفتي عمره بدري :hang:

يتّـمتي ولادة بدري

مراته هتقولهم إية لما يكبروا و يقولوا فين بابا !!

هتقولهم مات بسبب البسكوت و الشيكولا ..

فيه شمشون يموت بالشيكولا و البسكوت ..

جبتي لولادهم العااااااااااااار ..

ربنا يكون في عونهم ..

:cry1: :cry1:

لا حول ولا قوه إلا بالله ..

الدفنه إمته يا اخت لماضة ؟؟

[لماضة مصرية جدا]

:cry: :cry1: :cry: :cry1:

عندي شك أن البسكوت هوه السبب !!

أنتي اللي موتيه :cry:

قصفتي عمره بدري :hang:

يتّـمتي ولادة بدري

مراته هتقولهم إية لما يكبروا و يقولوا فين بابا !!

هتقولهم مات بسبب البسكوت و الشيكولا ..

فيه شمشون يموت بالشيكولا و البسكوت ..

جبتي لولادهم العااااااااااااار ..

ربنا يكون في عونهم ..

:cry1: :cry1:

لا حول ولا قوه إلا بالله ..

الدفنه إمته يا اخت لماضة ؟؟

يا ابني ابحد عني يا ابني...(وش عم أيوب و هو بيكلم محمود القلعاوي)

اولا صباحك....."ظلمتني"

علشان هو مكنشي عايش معايا الفترة الاخرانية اصلا

و هو مات طبيعي....(وش الدكتور السباعي بتاع مصلحة الطب الشرعي)

و ع فكرة بقي

انا ماليش في الحزن و كدهوت....فمتحطليش ايقونات متشحتفة

حقيقي انا بحبه...و هفضل مخلصة لحبه.......(يعني يومين بالكتير :closedeyes: و خلاص بقي)

بس انا دلوقتي مرتبطة بالقط بتاعي

و ايه العجلة ماشية

ابتدينا بهامستر

و بعيدن قط

اللي بعده ممكن يكون ايه

بفكر في قرد

ربنا يسهل

شكرا يا فندم علي القهوة السادة....و صباحك سكر زيادة

لماضة....لا دموع بعد اليوم....(اعلان جونسون بتاع الشامبوهات)

[عطر الجنة]

ابتديتى ..

هامستر ..

قط ..

يا ترى بتربى ايه الان ..

شكلها اسد ..