اذهب إلى المحتوى
محاورات المصريين

قمة جديدة بين الأهلى والزمالك


fatfouta

Recommended Posts

هي دي المشكلة اللي جايبة الزمالك ورا

يتعادلوا تلاقي الجماهير فرحانة ومهيصة وبتقول هنكسب الماتش الجاي والزمالك راااجع

تحس ناس وقعين

ehm448.gif

رابط هذا التعليق
شارك

  • الردود 91
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

كلمت بقية حبايبي الزملكاوية من زمان ما اتكلمناش

ابو المحابيط - محبط كان في اجتماع بس سلمنا سلام سريع مؤكد ان الشغل هو الي بينسي الواحد ربنا يكون في عون

و كلمت العزيز النوبي الي قالي يا ريت يبقى في مطش دائما علشان نسمع صوتك وطبعا علشان يسمع صوتي لازم نكون فزنا يا رب دايما

شخصيات رغم انها زملكاوية لكنها جميلة

رابط هذا التعليق
شارك

حد يقفل الموضوع ده ، الله يكرمكو ياريتني كنت مشرف :Ahly:

انا اللى جيبت ده كله لنفسى

بدل جو الاكتئاب اللى عند اخوانا الزملكاوية

والتوترالشديد بسبب التوأم الحزين

قررنا نحن الأهلوية التخفيف عنهم مرة اخرى :Ahly:

نزولا على رغبة الجماهير

و تدعيما لمبدأ الأبيض قادم

:hunting:

إيه الفرق بين الزمالك و بيرت بلس

:diablo:

بيرت بلس تلاتة فى واحد .... أما الزمالك تلاتة فى عبد الواحد

:Zamalek:

:diablo: :diablo: :diablo:

:Ahly: :Ahly:

العقول الكبيرة تبحث عن الأفكار ..

والعقول المتفتحة تناقش الأحداث ...

والعقول الصغيرة تتطفل علي شؤون الناس ....

رابط هذا التعليق
شارك

من أطرف الايميلات التي وردت بعد الماتش ..

مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه

:diablo:

اكفل زملكاوى فى بيتك ..... اتبرع ولو بجنيه

واحد زملكاوى طلع له عفريت الفانوس السحرى وقال له

شبيك لبيك عبدك بين ايديك قال انا عايز اشوف المرحوم ابويا ...

العفريت قاله ده طلب صعب جدا اطلب حاجه تانيه

قال له عايزين نفوز على الاهلى.....

العفريت قاله انت ابوك مات سنة كام ؟؟؟

:Zamalek:

:hunting:

تم تعديل بواسطة hanzalah
رابط هذا التعليق
شارك

مكانش العشم يا فتفوتة

تطلعى زملكاوية

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن


24556918.jpg

nX0pp2.png
رابط هذا التعليق
شارك

والله حسام حسن ده شخصيه لا تطاق.......رحع الزمالك وراء ويقولك الزمالك قادم

قادم فين بالضبط؟؟؟؟؟ حاجة تقرف بصراحة

ايه يا فتفوتة انتي غرقتينا بالموضوع دة و خلاص بقيتي مع الناس التانييين :roseop:

انا عايز اقول ان احنا اخوات يعني و بعدين الشماتة حرام و الدنيا دوارة و مفيش حاجة دايمة .

و الزمالك قادم ان شاء الله بس هو اتصل و قال حيتأخر شوية!!!!! :roseop:

بس كلمة حق من تحت الضرس صراحة الاهلي كان شكلة احسن بمراحل و الزمالك كان زبالة و الحيوان اللي اسمة إديكو ده لازم يتولع فيه بجاز .

رابط هذا التعليق
شارك

الماتش ده كان ناقصه حاجه واحده بس

اوسا يلعب مكان عبدالواحد

كان ممكن ساعتها الماتش يخلص 9 مش 3 بس

وعلشان الصيادله المصريين زعلانين على حال الزملكاويه فتم تركيب دواء جديد للقضاء على هذا المرض

4701_1156159149484_1392872469_30413905_4941328_n.jpg

إذا أردت أن يكون المستقبل صفحه مفتوحه أمامك فعليك أولا أن تدرس الماضى , فلن تحقق شيئا بالصدفه

لكى الله يا مصر http://www.youtube.com/watch?v=kpTg9XHi5zc

رابط هذا التعليق
شارك

ماذا حدث في المباراة ؟

شوية تحليل بقى عالماشي ..

- الاخ حسام حسن هيء اللاعبين وهيء الرأي العام الزملكاوي إنه ليس هناك ذرة شك في إن الزمالك سيفوز على الاهلي .. وبسكور كبير كمان .... سؤال للاخوة الزملكاوية .. بالله عليكم .. كان عندكم شك إن الزمالك هايكتسح الاهبي في الماتش ده ؟

طبعاً هذا وهم ... فلا توجد مقدمات لتلك الأوهام ... ولا الأهلي ده فريق مركز شباب الحبانية وبالتالي تكسبة في أي وقت وبأقل مجهود .. ولا الزمالك فجأة بين يوم وليلة إتحول لوحش يفترس من أمامه واخر مباراة 3-3 تشهد على ذلك . فالمباراة كانت متكافئة ...

- إذن حسام وحده يتحمل نتيجة ما حدث لإن الغرور والكِبر اخده ولم يتعلم من درس اوتوفيستر بتاع 6-1 واللي بالصدفه هو كان شاهد هو وإبراهيم على تلك الفضيحة لإنهم كانوا بيلعبوا في المباراة دي بل هو من أحرز الهدف اليتيم في تلك المباراة ... وبالتالي الكورة مالهاش كبير .. لكنها علم وفن وتخطيط وتوفيق بالتأكيد ..

- الاهلي على العكس تماماً .. تعامل مع المباراة بمنتهى الجدية والموضوعية .. ولم نسمع أي تعليق من أي اهلاوي عن إن المباراة في جيبنا او إننا هانكسب او أو أو .. لأن الملعب هو الفيصل ...

وفرق كبير بين تصريحات الجهاز الفني التي يجب أن يُحاسب عليها لإنها تاثر على اللعيبة سلباً أو إيجاباً ..

وبين تمنيات الجماهير التي تظل مجرد كلام في الهوا ومناوشات

- لأول مره أرى حسام البدري يُدير مباراة بتلك المهارة ... لأن الاهلي كسب بتطبيق 3 خطوات هامه من البداية .. وهي :

1- فرض رقابة لصيقة على شيكابالا أخطر لاعب في مصر كلها ... ولزق له حسام عاشور اللي لأول مره أحبه .. والواد كان زي الدبانه الغلسة وخلى شيكابالا يكره الكوره واللي عملوها ....

2- تثبيت شريف عبد الفضيل في الناحية اليمين وكان نجم من نجوم المباراة بصراحة دفاعاً وهجوماً وقضى على خطورة محمد عبد الشافي المتألق هذا الموسم ولم نشاهده طوال المباراة .. بل بالعكس شريف تفوق عليه وفتح شارع خلفه .

3- خداع الزمالك برمي بركات ناحية الشمال لمساندة سيد معوض بالتبادل بينهما وبرضوا وقفوا أحمد غانم سلطان وأكلوا عليه عيش للصبح ...

يبقى بس إنت مش عاوز حاجه من المباراة تاني .. أما احمد جعفر المهاجم الوحيد في الزمالك فأصلاً الزملكاوية مش مقتنعين به ... وحسين ياسر المحمدي لياقته ضعيفه وسهل لما يتقدم أي حد من مدافعي الاهلي يراقبه ..

مع تألق شريف إكرامي .. وقيام احمد حسن وأبو تريكه بمساندة محمد فضل من خط الوسط وعمل زياده هجومية ...

بكده كانت السيادة دانت للأهلي ...

وفعلاً مطلوب من حسام حسن وأخوه يروحوا يعملوا عُمره .. بجد - ويحمدوا ربنا إنهم نجوا من فضيحة كبيرة كانت ممكن تخليهم يبطلوا كوره ويفتحوا أي كشك سجاير أو أي مشروع تجاري .. لان عدد الفرص الضائعة من لاعبي الاهلي كانت لا تُصدق .. بالإضافة إلى تألق عبد الواحد السيد اللي خرج لوحده ما لا يقل عن 5 أنفردات كانت أهداف 100 %

يا ريت حسام حسن يكون أستوعب القفا ده كويس عشان يبطل لماضه ويعرف حجمه ويعرف اكتر إن الكره مالهاش كبير

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بس بصراحة عواجيز الاهلي دلو مفيش فايدة فيهم احمد حسن بركات ابو تريكة سيد معوض وائل جمعه وبعدين حسام عاشور ومحمد فضل وكل الشباب ايه الحلاوة ده و ايه الابداع ده و ايه الالتزان الخططي ده مشفنوش من زمان ولو ان في بعض الدقائق الضاعة بس معلش

ربنا سترها مع الزمالك وقمصان حسام حسن

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...