اذهب إلى المحتوى
محاورات المصريين

أيام قليلة و أغادر مصر إلى السعودية


kitkat

Recommended Posts

كلمتين و بس

" 99,9% من اللي بيتعب المغترب (لو هو عنده عقل و اختار شغله على اساس سليم) هو بعده عن اهله ثم اصحابة. لكن انا مش شايف ان الخليج عيشة زبالة و بكاء و نحيب و غم و اكتئاب.

و برده تاااااااااااااااااااااااااااااني لعاشر مرة يا جماعة الناس اللي بتقول ان بالسفر الى الخليج انت حليت مشكلة الفلوس بس والله غلط . انت بالسفر حليت مشاااكل كتيير اوي يمكن اهم من الفلوس و مش حعد اعد تاني .

و اخيرا رابط الاسلام يعلو على رابط الجنسية

و ربنا يوفقك يا معلم ، و زي ما قال الريس منتخب مصر طلع من كاس العالم :closedeyes:

رابط هذا التعليق
شارك

عزيزي / كيت كات

مش عاوز أرغي معاك كتير بس هاقولك أنك لازم تجرب بنفسك علشان تحكم عالتجربه وتأكد أن ظروفي غير ظروفك غير ظروف ناس تانيه والإختلاف ده بيبقى له أثر سلبي أو إيجابي على التجربه نفسها .

ومتنساش أن في السفر 7 فوائد ومتسألنيش أيه هما علشان مش عارفهم :sad:

توكل على الله وإفتح قلبك وصدرك وإستقبل الرحله الجديده وكلك أمل في الله أنه يوفقك ويريحك من مشاكلك ويكتبلك النجاح والتوفيق .

ربنا يوفقك ويكتبلك الخير وللمسلمين أجمعين يارب.

وحمد الله على سلامة الوصول مقدما ياريس .

:closedeyes: :happy: :blink:

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك

ضحى.. سى السيد..

انتو بتتكلموا عن نقطة تانية خالص غير اللى بنتكلم فيها :closedeyes:

انتو بتتكلموا عن العقد.. و المرتب.. و العيشة الصعبة فى السعودية... و احنا بنتكلم على الخروج من مصر... و بنبارك له عالخروج من مصر.. رايح بقى السعودية ولا موزمبيق مش هتفرق :blink:

لماضة... كلامك جميل قوى و يمس القلب... و هو ده بالظبط اللى احنا بنقوله :happy:

مينفعش نحبها و احنا جوه.. و مينفعش نقعد فيها اصلا...

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

برده مشكلة مصر لا يمكن اختزالها ف الفلوس كتير مننا معاهم فلوس تكفيهم ف مصر بيهاجروا ليه وبيطفشوا ليه

مشكلة مصر هذه الزمرة المفسده اللي مسيطرة ع كل شيئ

خنقت الواحد مصر مش مشكلتها فلوس

مصر عشان تعيش تمام

مصر = فلوس + نفوذ + "حد بحديد او نيابة"

ياسلام لو تناسب ناس بحديد او نيابه ومعاك قرشين تعيش باشا ف مصر

واتحدى اي حد يقدر يعيش باشا ف مصر من غير الثلاثي ده

روح وربنا يوفقك يا كيت كات بعيد عن هذا العفونه المنتشرة ف المجتمع

رابط هذا التعليق
شارك

herohero مشاركة بتاريخ اليوم, 03:29 PM

برده مشكلة مصر لا يمكن اختزالها ف الفلوس كتير مننا معاهم فلوس تكفيهم ف مصر بيهاجروا ليه وبيطفشوا ليه

مشكلة مصر هذه الزمرة المفسده اللي مسيطرة ع كل شيئ

خنقت الواحد مصر مش مشكلتها فلوس

مصر عشان تعيش تمام

مصر = فلوس + نفوذ + "حد بحديد او نيابة"

ياسلام لو تناسب ناس بحديد او نيابه ومعاك قرشين تعيش باشا ف مصر

واتحدى اي حد يقدر يعيش باشا ف مصر من غير الثلاثي ده

روح وربنا يوفقك يا كيت كات بعيد عن هذا العفونه المنتشرة ف المجتمع

اذا معاك فلوس فى مصر هيبقى معاك سلطه والعكس

المال والسلطه وجهان لعمله واحده

اعرف ناس معاهم فلوس والفلوس دى مدياهم سلطه فوق ما تتصور

بيتعمل ليهم مليون الف حساب

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

صدقني

كل شيئ هيوحشك بمصر

احنا بنقعد نقول ونعيد ده وحش واتخنقت من كذا وكذا

بس لما تسافر هتوحشك كل حاجة بمصر

متصدقش الي يقولك غير كده

خلاص اتعودنا عليها كده وهي كده مش هتتغير

بحلوها بمرها بلدنا ومسرنا رجعين لها

--------------------------------

وحشاني يا :rolleyes: مصــر :rolleyes:

الضحكة واللمة الحلوه مع اهلى وناسي الطيبين

وصوت الكرته والخيل والاسطى أمين

والحارة والست ام بسينه وخنقها تملى مع الست ام حسين

ولعب الضمنه والطوله على القهوة مع الناس الحلوين

وبتاع العسلية والحرنكش ابو قرش وابو قرشين

وعيال المدارس واجراس الكنايس وصوت الاذان

ورنة خلخال الست الخطبة ام دلال

تعالي جدة وانت تلاقي الحاجات دي

اللهم الا ان مفيش كنيس عشان تسمع جرسها

ممكن جرس الموبايل :rolleyes:

شوف هي زي ما قال س س الخليج ليس من دول المهجر

يعني المفروض تبقي موجود هنا وودنك مع مصر

وده اللي الكل بيعمله

الاتصالات اليويية والماسانجر وخطوط موبايلي وزين اللي مغرقة مصر ههههههههه

والأكل المصري مغرق والقهاوي المصرية في جدة من عينة

كركر

ام الدنيا

المحروسة

وغيرها

تعالي انت بس وربنا يسهل

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

اخواني واخواتي ،

أشكركم من كل قلبي علي كلماتكم الرقيقة ونتمني أن تعود مصر كما كانت ونتخلص من البلطجة والفساد والمفسدين

لماضة أختي الصغننة ، جبتي كلمة في الصميم : انا راحل حتي استطيع ان احتفظ بحبها !

عمدة ، كونسالتانت ، عاشق الترحال ، سي السيد ، ميكو ، انا ناسي حد ؟

دكتور إسماعيل صبري أستاذ جراحة المخ والأعصاب مرة نبهني لخطورة التلوث وانه سبب رئيسي للاصابة بالزهايمر :lol:

أشكركم جميعا ، الشنطة جاهزة وكله تمام ، دعواتكم ، بأهديكم الصور دي لمصر - طريق صلاح سالم والعباسية ، مخللات عبد الباسط (ميدان الجيش) :lol:

أنا في مرحلة اللاوعي زي الي راح يطلق مراته وهو بيحبها :happy:

راجعلكم بعد وصولي السعودية ان شاء الله

826846452.jpg

367146793.jpg

052610140524a81j6kgt.jpg

a-58cd18e333.jpgzomup.gif

a-2de7e4bd0f.jpgzomup.gif

a-7d807d6d94.jpgzomup.gif

تم تعديل بواسطة kitkat

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك

يا باشا توصل بالسلامة يا رب و بالتوفيق و عليك بالدعاء طول الطريق لأن دعوة المسافر مستجابة

و قولي بردو هتوصل إمتى عشان أستناك

يا عم بتكلم جد و الله أنا فاضي تماماص اليومين دول .. و هتبا فرصة جميلة نتعرف بدري بدري و نتقابل .. أكون سعيد

مكاوى

رابط هذا التعليق
شارك

والله يا ميكو لاااااااااااااازم هانتعرف ان شاء الله ويشرفني مقابلتك جداااااااااا

انا مش عايز اتعبك يوم اجازتك ده غير ان فيه 3 هايستنوني في المطار وهي شنطة يتيمة الي معايا

كتر الف خيرك ان شاء الله اول ماوصل هابعتلك رقمي في رسالة :happy: :lol: :lol: :sad:

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك

أشكركم جميعا ، الشنطة جاهزة وكله تمام ، دعواتكم ، بأهديكم الصور دي لمصر - طريق صلاح سالم والعباسية ، مخللات عبد الباسط (ميدان الجيش) wst::

أنا في مرحلة اللاوعي زي الي راح يطلق مراته وهو بيحبها :happy:

راجعلكم بعد وصولي السعودية ان شاء الله

كيت كات يا اخويا... و انتا ماشى كده فى صلاح سالم (خصوصا ناحية الدراسة والله اعلم)... مأخدتش بالك من صورة القيادة و المستقبل؟ :sad: خدت بالك من اليفط الحديد اللى معمولة عالطريق... و عليها صورة مبارك و جمال.. و مكتوب عليهم القيادة و المستقبل؟ :lol: :lol:

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

اللة يكرمك ويسعد ايامك يارب ويوصلك بلسلامة وشكرا يا عم على ال4 كتكاتات بس انت ازاى عرفت ان احنا اربعة بس هو مفيش حاجة بتستخبى فى المنتدى دة على العموم ها بقى احسبك عليهم لما تيجى عندنا السعودية اللة ينور لك طريقك وابقى طمنا بقا من اى نت

سلام

عفا اللة عما سلف

رابط هذا التعليق
شارك

ترجع بالسلامة وعلي امل انها تنظف وتبقي زى الفل قريب :P يامسهل وربنا يجعل ايامك سعيدة وابقي طمننا

اه صح اشمعنى انا متبعتليش كيت كات :D ؟

sara_88

رابط هذا التعليق
شارك

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

كلام قاسي قوي قوي ...

ولكن في الاخير كل واحد حُر .. يسمع النصيحة .. يرميها في البحر هو حُر ..

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

كلمة أخيرة : اللي فاكر نفسه مسافر الخليج على أساس إنها دول هجرة وهايقطع جذورة بمصر الظالمة واللي فيها قوم جبارين ... وهنا هايلاقيهم منتظرينه في المطار بالورود والرياحين .... يبقى غلطان وهايتصدم بالواقع اللي احياناً بيصاحب ظروف عمل صعبه بدون الخوض في تفاصيل أخرى

لكن ربنا يعين كل من يسعى على رزقه بعقله وقلبه معاً

كلام سى السيد كلام راجل عاقل ومجرب وفاهم.

للأسف لما شوفت عُنوان التوبك عزت علىًَ نفسى وكذلك بلدى الغالية مصر.

رغم ما فى مصر من مساوئ وبلاوى وفقر إلا أنك بين ناسك وأهلك.

فى الخليج حضرتك بتحل مُشكلة واحدة فقط وهى الفلوس وبتخسر كل شيئ من الترابط والتواصل مع أهلك وأسرتك وأصحابك وحبايبك &إفتقاد الشعور بالأمان لأن فى الخليج الكفيل ممكن يشوطك فى أى لحظة برة البلد & لو لا قدر الله الواحد تعب ومرض مرض شديد فى الخليج أو إحتاج عملية خطيرة وكبيرة ،،مين راح يقف معاك هنا ،،تعرف تتسند على مين هنا؟؟؟؟!!!!

لو وقعت فى مشكلة هنا ووصلت الأمور للشرطة هنا مين راح يدافع عنك أو يُساعك؟؟؟؟؟

لو كفيلك كان رخم وزبالة ولم يعطيك حقك وطردك برة البلد أو لبسك تهمة ،،مين يساعدك هنا؟؟؟؟؟

على كل حال مُوفق إن شاء الله

أن شيل لك شوال مش محتاجة علشن تلم فية الفلوس & وأعرف محل بيعمل زكايب فى الرياض تلم فيها الفلوس على مزاجك :wub: wst:: .

كلام جميل ما اقدرش اقول حاجة عنه

لكن الله يرضي عليكم

ممكن حد يجاوبني علي سؤال واحد

لما السفر والعمل بره مصر مأسااااااااااااااة

وحاجة تقطع القلب كدة

ولا تطاق ولا تحتمل

طيب قاعدين عندكم بتعملوا ايه ?

ما في أيدكم ترجعوا لحلل المحشي ولمة الاصحاب وقاعدة القهوة

أنتم ليه محسسني انكم مربوطين هناك بسلاسل

او لا قدر الله عليكم حكم واجب النفاذ

ببساطة أرجعوا

بس عشان الكلام يبقي منطقي

انا مش بتكلم عن انكم تنصحوا غيركم وتفيدوه من خلال تجاربكم

فيما يخص بنود العقد وكل ما هو في صالحة

الكلام ده لا غبار عليه

لكن اللي يطلع يقول الغربة بشكل مطلق سيئة وبهدلة وحاجة كدة ذي الجحيم

وهو ذات نفسه عايش بره مصر بمزاجه

عمري ما هصدقه

واكيد هطرشأ وانا بقرأ مداخلته :P :D

واضح إنك ما فهمتيش كلامى كويس مع العلم بأنى حاولت أوضح الكلام قدر المستطاع

ودى الخلاصة ولا يوجد أبسط من كدة:

فى الخليج حضرتك بتحل مُشكلة واحدة فقط وهى الفلوس وبتخسر كل شيئ

تُريد معرفة كل شيئ عن العمل الحكومى كطبيب أو صيدلى أو تمريض فى السعودية

نتشرف بزيارتك لنا

http://www.egyptiantalks.org/invb/?showtop...075&st=1890

رابط هذا التعليق
شارك

كيت كيت يا كيت كيت

خلاص حضرت شنطتك........طب تيجى بالسلامة يارب

شوف بقى الصور اللى وجعتلى قلبى لما شوفتها دى وافتكر كويس ان وانت فى الغربة هتبقى بالنسبالك صور ذى دى ممكن تبقى أجمل حاجة تفكرك بمصر حبيبتى واهلها الطيبين

الصور دى للدكتور يحيى الشاعر على فكرة انا جبتها من موضوع ليه لانها فعلا حاجة جميلة جدااااااا

caire11ij7.jpg

cairo6ox5.jpg

cairo10nr6.jpg

caire5lk3.jpg

caire14pm7.jpg

cairo2004265.jpg

cairo2004261.jpg

caire3wi5.jpg

رابط هذا التعليق
شارك

بقولكم ايه لو ركزنا ف الصور ومعظم حكاوينا عن ما نفتقده بره مصر هنلاقي شيئ غريب اننا لو ركزنا وتاملنا شوية فاحنا بنتكلم ع حجاات بيني وبينكم مش كويسة قوي

1- يعني بنقول بنفتقد اللمه والحياة الاجتماعيه وهي ف مجملها صح بس لوركزنا هنلاقي اننا ف مصر نمتازبشيئ جميل صعب قوي ان حد يديلك موعد قبل ما يجي

يعني فجاه تلاقي جرسالباب بيضرب مين محمدين ابن عمي اصلي كنت نواحيكم وقولت اعدي " طبعا دائما محمدين بيكون نواحيكم وقت الغداء"

وممكن الزيارات ده تكون ايام امتحانات انا افتكر اولمانزلت مصر لفتت نظري لان ف الخليج التزاور اذا حدث بيكون بموعد مسبق وفي ايام الاجازات

2- بنفتقد الروح واللمه وهي باختصار الزحمة هل الزحمة بقت شيئ جميل نشتاق اليه كده

3- نفتقد القهاوي يعني باختصار الفراغ وتضييع الوقت ونبقى قاعدين ع القهوة نتكلم ف معظمه كلام لغو وتضييع وقت مش اكتر واللي قاعدين يبصوا ع اللي رايحخ واللي جاي

4- بعض المشاهد اليومية والتي لو رها غيرنا لقال انتوا ازاي عايشين وهو مثلا ركوب الاتوبيس وهو ماشي ده ماتلاقيهوش الا ف مصر الاتوبيس واقف واول ما يمشي تلاقي نا عندها هواية تركبه وهو ماشي وتنزل وهو ماشي وتنزل من القطار القشاش اول ما يقف وامتدت هذه العادة ف الطائرة شوفا الرحلات اللي فيها مصريين ا لالطيارة ماتوصل جري كله وقف يعني مرتبطة برده بفكرة ننزل قبل لزحمة والاتوبيس دخل الاسعاف ننزل لانه هيتزحم عشان ناس بتركبه من هنا وترجع بيه وكده يعني

بيوحشنا بتاع الفول والطعمية اللي هو كمحل غير نظيف بالمرة بيمسك الحاجه بايده وايده مادراك اللي فيها وومكن يكون عنده كبد وبائي a

ويكح ويعطس وي.... ف ايده يعني سلوكيات بشرية ورغم كده قال بتوحشنا

بيوحشنا العيش الي محطوط ع الارض والجزم اللي ف فاترينة وده شيئ نادر جزم نخاف عليها اكل يكون مكشوف وعليه مخلوقات ربنا من ذباب لغيره

عربية الفول الي الراجل بيغسل الاطباق ف جردل

عصير القصب اللي كوبايته بتتشطف بميا وطبعا مش نظيفه

واخير وليس اخرا الشوارع اللي مرمي فيها زبالة وميا وحتى بلاحظ ان المصريين ف السعوديه بيحبوا جده ويتبسطوا منها لان بصراحه فيها ظواهر من كده يعني

بجد هو احنا كشعب بنستمتع بكده وبنفتقد له وبنتعب قوي لو عيشنا ف مكان منظم انا ملاحظ اننا حطينا صور لاشياء لا تحتوي ع اي منظر جمالي يعني هفتقد محل المخلل اللي معمول بطريقه غير صحيه والمواصلات اللي متشعبط فيها

يعني الناس تقول هفقتد الخضرة والانهار الجارية والهواء النقي مش الهواء الملوث بعوادم السيارات وبانفاس البانجو والمخدرات وانفاس بشر شغالين رشاوي وفساد

بقولك ايه يا كيت كات هو احنا بجد بنتعب وبنحس بغتراب لما نبعد عن الحاجات اللي كل شايفها وحشة وسلبية الا احنا

ايه الشيئ الغريب ده ياترى ده سر مرتبط بشرب مياه النيل ولا ايه بالظبط

رابط هذا التعليق
شارك

انا متفقه تماما مع heroفي كلامه السابق

ملوش لازمه يا جماعه اننا ..بصراحه يعني من غير زعل من حد من اخواني اللي اكن لهم الأحترام ..بس ملوش لازمه نتكلم كلام يخلى اخونا كيت كات يحس بالندم على تركه مصر..

متهيألي ندعيله بالتوفيق وانه ان شاء الله عمره مايندم على الخطوه دي ..بالعكس ان شاء الله تكون بداية كل خير ومش معقوله مستقبله مايساويش بعده عن اتوبيسات مصر ومخلل مصر ..ربنا يكرمك اخونا كيت كات بجد انا اتفهم كل مايدور بتفكيرك وادعيلك من كل قلبي والله بالتوفيق والسداد ..وادعيلنا نحصلك ..موفق ان شاء الله

ذابلة كزهور بلادي

دامعة كعيون القدس

والأحزان تلف فؤادي

واقاوم في نفسي اليأس

رابط هذا التعليق
شارك

للأسف يا هيرو معظم ما ذكرته انت في مداخلتك اعتبره ميزة لهذا الشعب العريق

يعني فجاه تلاقي جرسالباب بيضرب مين محمدين ابن عمي اصلي كنت نواحيكم وقولت اعدي " طبعا دائما محمدين بيكون نواحيكم وقت الغداء"

ربنا ما يقطع لنا عادة ,,, لإن اكرام الضيف مأمورين نحن به في ديننا .. وده بالذات من شيم العرب .. ويا حبذا لو كان اكرام الضيف مقرون بصلة الرحم

وممكن الزيارات ده تكون ايام امتحانات

مش صحيح .. لأن اللي بيزروك مش صايع برضوا وبالتأكيد عنده اولاد في امتحانات ..بل بالعكس الناس بتراعي شعور بعضها وبتظبط مناسباتها مع الاجازات

2- بنفتقد الروح واللمه وهي باختصار الزحمة هل الزحمة بقت شيئ جميل نشتاق اليه كده

عاوزك توصف لي شعورك في الاعياد هنا في الخليج ... حتى وانت مع عائلتك ؟ وابتدي الله يخليك من مراسم الدفن .. سوري .قصدي من صلاة العيد

- بعض المشاهد اليومية والتي لو رها غيرنا لقال انتوا ازاي عايشين وهو مثلا ركوب الاتوبيس

والله يا فندم اللي غيرنا ده لو كنت تعرفه شخصياً ابقى فرجه على مترو الانفاق اللي مش موجود في بلده .. او الاتوبيسات الاخرى المكيفه ام اتنين جنيه

وامتدت هذه العادة ف الطائرة شوفا الرحلات اللي فيها مصريين ا لالطيارة ماتوصل جري كله وقف يعني مرتبطة برده بفكرة ننزل قبل لزحمة والاتوبيس

لو انت نفسك بتعمل كده .. يبقى فعلاً المصريين كلهم بيعملوا كده .. وبالتالي لا تستثنى نفسك من هذا او تقول لي انك ما شفوتش خليجيين بيقفوا قبل الطيارة ما تتوقف وما الى ذلك

بيوحشنا بتاع الفول والطعمية اللي هو كمحل غير نظيف بالمرة بيمسك الحاجه بايده وايده مادراك اللي فيها

ياااااااااااي ياااااااااااي .. تصدق انا الجوافه كانت بتوجشني .. بس بطلت اكلها عشان بالاقي فيها بذر ؟

مساء الخير يا هيرو

عصير القصب اللي كوبايته بتتشطف بميا وطبعا مش نظيفه

طب ما تشرب ايس تي او اي سوفت درنك تاني ؟

ده على اساس ان الراجل بتاع القصب جوس بيسغل الكوبايات في الترعه ولا ايه بالظبط ؟

واخير وليس اخرا الشوارع اللي مرمي فيها زبالة وميا وحتى بلاحظ ان المصريين ف السعوديه بيحبوا جده ويتبسطوا منها لان بصراحه فيها ظواهر من كده يعني

لا تعليق ... مع اعتذاري لأهل جده النضاف اللي عيونهم ما بتشوفش غير الجمال

يعني الناس تقول هفقتد الخضرة والانهار الجارية والهواء النقي مش الهواء الملوث بعوادم السيارات وبانفاس البانجو والمخدرات وانفاس بشر شغالين رشاوي وفساد

على اساس انك بتوصف جُهنم وبأس المصير مش كده ؟

طب استفتاء سريع بين اعضاء المنتدى

كام مره كمصري او كمصريه شوفتي شكل الحشيش او البانجو فعلياً او حتى شميتي ريحتهم ؟

جاوبوا بصراحه

اما الهواء الموث والعوادم فدي بلدنا واللي مش عاجباه البلد كل الطريق الداخلية والخارجية متاحه امامه

فرق كبير يا هيرو بين ان تنتقد سلوكيات ليست مقبولة في بلدك اللي ربتك وعلمتك ..

وبين ان مجرد انك اشتغلت بره اينما كنت ومسكت قرشين في ايدك وبالتالي تبتدي تنظر نظره فوقية لتلك البلد اللي مازال أهلك يعيشون بها ... ومازالت انت مردك إليها

وأخيراً

ايه الشيئ الغريب ده ياترى ده سر مرتبط بشرب مياه النيل ولا ايه بالظبط

الامر مالوش دعوة بشُرب مياه النيل او المياه المعدنية

ولكن السر يمكُن في تمسك الإنسان بأصله

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مدام فتفوتة

أدمعني هذا المقطع

وتفاعلت معه الجوارح

بارك الله فيكِ

مصر

أم

الدنيا

اللهم احفظ مصرنا الحبيبة

واحفظ عليها أمنها

وولي أمورها خيارها

وبارك في أرزاق أهلها

اللهم تول أمورهم يارب العالمين

هل صليت الصبح في جماعة؟؟

رابط هذا التعليق
شارك

للأسف يا هيرو معظم ما ذكرته انت في مداخلتك اعتبره ميزة لهذا الشعب العريق

حقك عليا يا سي السيد انا غلطت ف المقدسات

اوعدك هغير وجهة نظري وهاكل من عربيات الفول والمحلات اللي مش نظيفه انا راجل وحش

واوعدك ان هفضل اتغنى ياه من الغربة وقرفها وافضل متبت هنا بايدي وسناني مش ده النغمة اللي ماشية هنا

يلعن ابو الغربة ونقعد ب 30 سنة عادي

بس طلب صغنن ابقى اسال اولادك بيحبوا ياكلوا من عربيات الفول اظن انهم جم هنا اطفال ياترى برده بيحبوا ياكلوا من عربيات الفول ويشربوا من كوبايات مش نظيفه ياريت تبقى تقولي

اما موضوع معايا قرشين الحمد لله من زمان قوي القرشين موجودين وانا كنت اصلا بره مصر فعشان كده فاقد الولاء لعربية الفول والجردل

بس ابقى قولي اولادك رايهم ايه

شكرا ع التهكم اللي مالوش اي مبرر الا الحجر ع اي راي وده طبيعه المناقشه المصرية اتناقش بس ف راي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...