اروح اسكندرية ازاى؟ ضرورى جداّ

[myusername]

السلام عليكم,

انا مسافر اسكندرية بكرة الصبح ان شاء الله... و عايز اعرف اروح ازاى؟ :lol: ... معلش سؤال غريب بس انا مروحتش اسكندرية غير مرتين تقريبا.... آخرهم كانت من فترة طويلة جدا..

انا هروح اسكندرية بالميكروباز (و فى رواية اخرى: الميكروباص)... او بالسوبر جيت... أيهما أرخص wst::

انا بس عايز اعرف الاسعار... و اركب منين... شكرا جزيلا مقدما... و اهديكم اغنية شط ازجنجرية يا شط الهوا... للعزيزة فريوز... و هدعيلكم فى المرسى ابو العباس كمان smk:

[انسان مخنوق]

اى حاجة مش هاتفرق سواءا الميكروباص او السوبرجيت هاينزلك فى موقف

المهم انك اول ما تنزل

تاخد تاكس للمكان اللى انت عاوز ترحه احسن مدام انك اول مرة تروح

ولو قلتلى انت رايح فين هاقولك تركب ايه بالظبط

[myusername]

اى حاجة مش هاتفرق سواءا الميكروباص او السوبرجيت هاينزلك فى موقف

المهم انك اول ما تنزل

تاخد تاكس للمكان اللى انت عاوز ترحه احسن مدام انك اول مرة تروح

ولو قلتلى انت رايح فين هاقولك تركب ايه بالظبط

تمام... بس المشكلة انى مش عارف اركب منين اصلا :lol:

قول لى انتا بس انا اركب منين هنا فى القاهرة... و سعرهم كام.... و انا اول ما اروح اسكندرية, هركب المشروع wst:: (مش بيقولوا كده عالميكروباز هناك؟ smk: )

[mekkawy]

شوف يا بومبو

تروح رمسيس هتلاقي تحت الكوبري اللي هناك و في بؤرة ميدان رمسيس ميكروباصات اسكندرية كتييييييييييييير أوي .. ميكروباصات تويوتا الجامدة اوي دي ... مريحة و سريعة و عيال ولاد لذينة و هينجزولك في الوقت ... بس أنا لو مكانك أحجز في القطر النضيف الحلو ده و اقعد سلطان زماني و اشرب نسكافيه كمان ... دول أنا متأكد منهم مية في المية

عندك بأة الترجمان ... أكيد فيه .. بس أنا مش متأكد ... و الترجمان ده الموقف اللي جنب رمسيس بحتة سيكا صغيرة كدة ... يعني ممكن تدي ضهرك لميدان رمسيس و تمشي في شارع جامع الفتح لحد جريدة الجمهورية و تاخد يمين و اسأل هناك على موقف الترجمان هيقولوك أهو يجي 100 متر كدة ... بس مش مستأكد مية في المية اذا كان فيه اسكندرية ولا لأ.

عندك باة الاختيار الرابع و هو موقف عبود للبيجو السبعة راكب و انا بردو مش متأكد فيه اسكندرية ولا لأ ... بس علمي انه فيه كل حتة ي مصر ... و دي ألكس يعني مش شومبونجو

كل ده باة أنا معرفش بكام بس غالباً هيكون القكر اغلاهم مش عارف حاجة بتاعة 50-70 جنيه تقريباً بس حاجة نضيفة و ممتعة و محترمة

يلا عيش حياتك

مكاوى ... للرحلات

[alex fox]

بص أفضل وسيلة هى السوبر جيت

أريح وأضمن والفرق بينه وبين الميكروباص مش كتير

لو عايز تركب مكروباص هاتركب من رمسيس

وكده كده هما الأتنين هايوصلوك لحد الموقف الجديد فى أسكندرية ومن هناك تقدر تروح أى مكان أنت عايزه

[myusername]

السلام عليكم...

الف شكر ليكم كلكم يا جدعان... حدش عايز حاجة من اسكندرية؟

بعد البحث و التفحيص و التمحيص, قررت انى هروح بالقطر... ب19 جنيه فقط لا غير للدرجة التانية المكيفة, و هوصل فى أقل من 3 ساعات..

الميكروباز من رمسيس ما بين 20 و 25 جنيه..

الميكروباز من عبود ب17 جنيه...

و آدى المعلومات كلها علشان لو حد بعد كده حب يعرف المعلومات الكيمة دى :lol:

http://www.egyptrail.gov.eg/adocs/online/online.html

http://knol.google.com/k/%D9%83%D9%8A%D9%8...87%D8%B1%D8%A9#

[myusername]

شوف يا بومبو

تروح رمسيس هتلاقي تحت الكوبري اللي هناك و في بؤرة ميدان رمسيس ميكروباصات اسكندرية كتييييييييييييير أوي .. ميكروباصات تويوتا الجامدة اوي دي ... مريحة و سريعة و عيال ولاد لذينة و هينجزولك في الوقت ... بس أنا لو مكانك أحجز في القطر النضيف الحلو ده و اقعد سلطان زماني و اشرب نسكافيه كمان ... دول أنا متأكد منهم مية في المية

عندك بأة الترجمان ... أكيد فيه .. بس أنا مش متأكد ... و الترجمان ده الموقف اللي جنب رمسيس بحتة سيكا صغيرة كدة ... يعني ممكن تدي ضهرك لميدان رمسيس و تمشي في شارع جامع الفتح لحد جريدة الجمهورية و تاخد يمين و اسأل هناك على موقف الترجمان هيقولوك أهو يجي 100 متر كدة ... بس مش مستأكد مية في المية اذا كان فيه اسكندرية ولا لأ.

عندك باة الاختيار الرابع و هو موقف عبود للبيجو السبعة راكب و انا بردو مش متأكد فيه اسكندرية ولا لأ ... بس علمي انه فيه كل حتة ي مصر ... و دي ألكس يعني مش شومبونجو

كل ده باة أنا معرفش بكام بس غالباً هيكون القكر اغلاهم مش عارف حاجة بتاعة 50-70 جنيه تقريباً بس حاجة نضيفة و ممتعة و محترمة

يلا عيش حياتك

مكاوى ... للرحلات

الف شكر يا باشا...

بالنسبة للترجمان, اعتقد انه ب25 جنيه تقريبا... و انا عارفه لانى ركبت من هناك لما كنت رايح الغردقة.

بص أفضل وسيلة هى السوبر جيت

أريح وأضمن والفرق بينه وبين الميكروباص مش كتير

لو عايز تركب مكروباص هاتركب من رمسيس

وكده كده هما الأتنين هايوصلوك لحد الموقف الجديد فى أسكندرية ومن هناك تقدر تروح أى مكان أنت عايزه

الف شكر يا باشا... و احلى سلام لاهل اسكندرية..

[fatfouta]

كنا زمان بنروح موقف احمد حلمى يا يوز

موقف السوبر جيت فى الماظة

اوعى تقولى مين الماظة دى :lol:

تروح بالسلامة

انما انت مش قولت مسافر اوروبا غيرت ولا ايه؟؟؟

[myusername]

كنا زمان بنروح موقف احمد حلمى يا يوز

موقف السوبر جيت فى الماظة

اوعى تقولى مين الماظة دى :lol:

تروح بالسلامة

انما انت مش قولت مسافر اوروبا غيرت ولا ايه؟؟؟

الماظه طبعا عارفها wst::

هو يعنى علشان رايح اسكندرية و هرجع فى نفس اليوم, يبقى مش هسافر اوروبا wst:: مسافر انجلترا بمجرد ما اخلص الامتحانات باذن الله... بس ادعى لنا نلاقى لقمة عيش حلوة هناك smk:

[pink rose]

و انا اقول اسكندرية نورت فجأة ليه يا ولاد wst::

اتاري و انا مش داري يوزر جي عندنا

يا اهلا و سهلا يا يوزر

و نورت مصر قصدي اسكندرية :lol:

[واحد تاني]

الخريطة الخفية لمدينة الإسكندرية

[engmido]

طب حد ممكن يفيدنا ويكلمنا عن اسكندرية فى الشتا

وبرده فى المواعيد المقتولة زى شهر 5 شهر 9- 10

----

وكمان اماكن الشقق المفروشة المتميزة ع البحر واسعارها فى شهر 5 ...وشكرااااا لكم

[engmido]

طب الناس اللى فى الخليج محدش نازل يقضى جزء من الاجازة فى اسكندرية

[Amr Elgbaly]

اليكس بتكون ساحرة بكل ماتحمله الكلمة من معاني

انا اسكندراني بس مش ساكن علي البحر في الشتا والاوقات ديه كتير باجر شقة علي البحر او فندق

لو فندق في فندق نيو كابري ده موجود في محطة الرمل بجوار الغرفة التجارية

اسعار الغرفة حوالي 150 لليوم

بالنسبة للشقق يعني كنت واخد شقة في شهر 1 في الدور ال 16 في ميامي علي البحر (المنظر من فوق روععععععة)

كانت ب 1200 طبعا شقة مفروشة ولاني كنت واخد اكتر من شهر

من حوالي اسبوعين قعدت في شقة مشابهة برده في الدور ال 16 في ابراج النور (خالد ابن الوليد علي البحر )ب 120 اليوم

لو احتجت رقم تليفون الفندق او السمسار اللي بتعامل معاه قولي

خالص التحية والتقدير

[engmido]

والله يا اخى

اولا ..شكرااا لك ولاهتمامك

ثانيا..كنت اود ان اسال عن اسعار شقق مفروشة فى عمارات نضيفة ع البحر

ومكان امين خلال اليومين دول...لغرض تقضية يومين تلاتة تغيير جو انا والمدام

وافضل الاماكن التى ممكن نروحها فى هذه الفترة القصيرة

والشقق الموجودة فى المعمورة وخالد بن الوليد مش ارخص من 120 يعنى مثلا 80 - 100

طبعا لان الاسعار فى شهر 5 ميتة لان دى فترة امتحانات مش مصايف

وشكراااااااااا

[Amr Elgbaly]

والله يا اخى

اولا ..شكرااا لك ولاهتمامك

ثانيا..كنت اود ان اسال عن اسعار شقق مفروشة فى عمارات نضيفة ع البحر

ومكان امين خلال اليومين دول...لغرض تقضية يومين تلاتة تغيير جو انا والمدام

وافضل الاماكن التى ممكن نروحها فى هذه الفترة القصيرة

والشقق الموجودة فى المعمورة وخالد بن الوليد مش ارخص من 120 يعنى مثلا 80 - 100

طبعا لان الاسعار فى شهر 5 ميتة لان دى فترة امتحانات مش مصايف

وشكراااااااااا

والله ياميدو معرفش الاسعار دلوقتي كام بس الاسعار اللي بقولك عليها كانت في الشتا في عز الشتا اخر مرة كانت من حوالي شهر

مكان الشقق اللي اخدتها كلها كانت علي خالد ابن الوليد عند ابو هاشم

الشقق كانت شقة في ابراج النور والتانية كانت في برج المنتزة

المكان كويس والشقق كانت كبيرة وكويسة والميزة انها كانت في الدور ال 16 كان الفيو من فوق فظيييييييع

في مكتب سمسرة هناك اسمه البطل ناس كويسين لو حابب ممكن ابعتلك رقمهم

[Howayda Ismail]

السلام عليكم ورحمه الله وبركاته:اولا اهلا وسهلا بكل زوار الاسكندريه انا باكون سعيدة جدا عند سماع اي خبر عن الاسكندرية سواء في جريدة او tv او النت ويكون عندي احساس بغربه شديدة لو بعدت عنها وعمومااسكندرية جميلة طول السنة رغم بعض السلبيات الموجودةوده طبعا العادي زي حال مصر كلها

[Amr Elgbaly]

السلام عليكم ورحمه الله وبركاته:اولا اهلا وسهلا بكل زوار الاسكندريه انا باكون سعيدة جدا عند سماع اي خبر عن الاسكندرية سواء في جريدة او tv او النت ويكون عندي احساس بغربه شديدة لو بعدت عنها وعمومااسكندرية جميلة طول السنة رغم بعض السلبيات الموجودةوده طبعا العادي زي حال مصر كلها

هند علي ؟ قطر ؟ ولا انا مخطئ ؟

[engmido]

والله يا اخى

اولا ..شكرااا لك ولاهتمامك

ثانيا..كنت اود ان اسال عن اسعار شقق مفروشة فى عمارات نضيفة ع البحر

ومكان امين خلال اليومين دول...لغرض تقضية يومين تلاتة تغيير جو انا والمدام

وافضل الاماكن التى ممكن نروحها فى هذه الفترة القصيرة

والشقق الموجودة فى المعمورة وخالد بن الوليد مش ارخص من 120 يعنى مثلا 80 - 100

طبعا لان الاسعار فى شهر 5 ميتة لان دى فترة امتحانات مش مصايف

وشكراااااااااا

والله ياميدو معرفش الاسعار دلوقتي كام بس الاسعار اللي بقولك عليها كانت في الشتا في عز الشتا اخر مرة كانت من حوالي شهر

مكان الشقق اللي اخدتها كلها كانت علي خالد ابن الوليد عند ابو هاشم

الشقق كانت شقة في ابراج النور والتانية كانت في برج المنتزة

المكان كويس والشقق كانت كبيرة وكويسة والميزة انها كانت في الدور ال 16 كان الفيو من فوق فظيييييييع

في مكتب سمسرة هناك اسمه البطل ناس كويسين لو حابب ممكن ابعتلك رقمهم

ابعت ياريس