أخيــــــــــرا المنتدى فتح؟؟؟!!!!! أكيد فيه مشكلة

[fatfouta]

المنتدى بقاله تلات ايام وأنا احاول افتحه

ساعات يفتح وساعات مايرضاش ابداااااااااااا

انما النهاردة من الصبح كان مش بيفتح خاااالص ودلوقتى لسه فاتح بالعافية

وكمان ملاحظة ان عدد الأعضاء قليل على غير العادة....فيه حاجة انا مش فاهماها؟؟؟

اكيد فيه مشكلة بس عندى انا بس ولا انتوا كمان عندكم نفس المشكلة دى؟؟؟

المهم الحمد لله انه فتح معايا اخيراااااااااااااااا

تم تعديل 2 مايو 2010 بواسطة fatfouta

[Deathangel]

فعلا كلامك صحيح , أنا كنت فاكر ان المكشلة عندى لأنه احيانا بيفتح واحيانا لا وكل شوية اراستر الراوتر , والنهاردة لما لقيته كده جه فى بالى ان الموقع اتحجب فى السعودية :) !!

[التونسى]

انتم اللاحقون ونحن السابقون !!!!

[Damo]

انا عندي تقريبا نفس الموضوع ساعات مبيفتحش لكن معظم الوقت بيفتح.

[sarmar]

وانا عندى ساعات بيفتح وساعات يعصلج ويزرجن لما افتح تيوبك ولا ادخل على اى موضوع لكن اعتقد ان النت كلة مش مظبوط اليومين دول ولو تلاحظوا الياهو فى الرياض ساعات كتير بيقطع بس لدقايق

انا كنت قرات انهم بيصلحوا الكابل الخاص بالنت الموجود فى البحر الابيض المتوسط ربما يكون هذا سبب مما نعانى منة

[fatfouta]

تقريبا من الساعة 5 وانا بحاول ادخل ومش عارفة

وهى دى الشاشة اللى بتطلع لى bv:-

..

[Advisor]

هذه المشكلة تكررت عدة مرات خلال رما العشر أيام الماضية و تكررت عدة مرات اليوم 2 مايو سنة 2010 و يرجع ذلك لعاملين تلازما معا بالصدفة مشاكل إنترنت راجعة لإنقطاع الكابل البحرى و البطء الشديد فى خدمة ال ADSL خلال العشر أيام الماضية ( و هناك موضوع مفتوح بهذا المعنى) و العامل الآخر أن الشركة المضيفة لموقع محاورات المصريين قررت فى نفس هذه الظروف أن تقوم بترقية السيرفر بآخر ذو قوة مضاعفة !! و مشاكل ال error 502 bad gateway ترجع إلى مشاكل تقنية فى مسألة ال server upgrade .

ما سبق كان إستهلالا لابد منه

بالنسبة لقلة عدد الأعضاء الظاهرة فى إحصائيات محاورات المصريين فيرجع ذلك أن الإحصائيات تتكلم عن الأعضاء الموجودين خلال الخمسة عشر دقيقة الماضية و هذه المدة يمكن تغييرها من أجل تخفيض الأحمال على السيرفر.

ما سبق كان تعقيبا على موضوع مشابه فى باب الكوميوتر و الإنترنت.