اذهب إلى المحتوى
محاورات المصريين

افكار للفطار


pink rose

Recommended Posts

كوب ماء مغلي و ساخن يهدى شوية ( بس لازم حتتشوشوا شوية و انتوا بتعجنوا) مفيش حلاوة من غير نار

مصرية متغربة

إنت كتبت ماء مغلي ؟؟؟ jmb-)

إزاي ؟.. و معروف إن الخميرة تموت لو الماء ساخن أكثر من 37 درجة مئوية

يعني المفروض العجينة تطلع هابطة .. أو مسطحة حتى

إنت متأكدة ؟؟؟

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

مصرية متغربة

اعتقد والله اعلم ان عجينتك هي نفسها عجينة العشر دقائق تقريبا نفس المقادير

لا يا قمر

في اختلاف

في اللبن البودرة

و كمان أنا ما بأقسمش المقادير

زي عجينة العشر دقايق

انا بأعملها على بعضها

و ما شاء الله نجحت معايا جدا

و حلاوتها انها سهلة و مبتاخدش وقت

و فعلا عملتها كتير في الفطار قبل المدرسة الصبح

wst::

جربيها بس وادعيلي

:roseop:

أعد شحن طاقتك

حدد وجهتك

و اطلق قواك

رابط هذا التعليق
شارك

كوب ماء مغلي و ساخن يهدى شوية ( بس لازم حتتشوشوا شوية و انتوا بتعجنوا) مفيش حلاوة من غير نار

مصرية متغربة

إنت كتبت ماء مغلي ؟؟؟ :roseop:

إزاي ؟.. و معروف إن الخميرة تموت لو الماء ساخن أكثر من 37 درجة مئوية

يعني المفروض العجينة تطلع هابطة .. أو مسطحة حتى

إنت متأكدة ؟؟؟

اولا يا جميل انا معرفش معلومة الخميرة دي الا منك دلوقت

بس انا دايما بأعجن بمية سخنة

و ما شاء الله بتنفش جامد

يعني انا بأغليها في البويلر (الغلاية الكهربائية) و أصب منها بالراحة كده على العجين شوية صغيرين و أعجن

لحد ما أشوف العجينة اتعجنت

و بعدين بأحط الزيت في الآخر

يظبط المسائل

و بعدين اسيبها لحد ما تعلى و تنفش

و آخد منها على طول و أشكل الدوناتس بايدي و أحط في الزيت مباشرة

و طبعا بأكون مهدية الزيت بعد ما يغلي عشان ما تتحرقش

و بأعملها حجم صغير عشان بتنفش

بآخد حتة عجين

و ابرمها

لما تبقى مبرومة و طويلة

و بعدين اوصل الطرفين مع بعض

و احط في الزيت على طول

و

ممكن في الأول تفك منك

بس لما تعمليها كذا مرة

حتظبط معاكي

ممكن كمان تكوريها كورة صغننة

و بعدين تبططيها

و تحطيها في الزيت على طول

طبعا تشيلوها اول ما تبقى ذهبية اللون

قواعد التحمير المعروفة يعني

wst::

و أكيد تكونوا مجهزين سكر بودرة

مرشوش في صينية و عليه نقطتين مية

و اول ما تطلع الدوناتسية على طول تترمي في السكر

طبعا نقطتين المية دول

حيساعدوا السكر يلزق في الدوناتس و ما يقعش

يللا جربوا و قولوا لي

:roseop:

أعد شحن طاقتك

حدد وجهتك

و اطلق قواك

رابط هذا التعليق
شارك

  • بعد 4 أسابيع...

نظرا لعملى فتره طويله بوسط البلد قبل عهد مترو الانفاق و بعد

كانت بنزل مترتح على ملا وشى الحق اى مواصله قبل الزحمه

و كنت بوص بدرى طبعا لان وسط البلد يا تدخلها بدرى يا مفيش داعى تنزل من بيتك

كان فطورى كالاتى

فول بالزيت الحار+3 اقراص طعميه+طبق سلاطه خضراء

مع بعض الرغفه من العيش البلدى و بصلايه

بعد كده الحكومه قرفت الراجل صاحب هذا المكان الجميل

و بطلته العيش الاسمر البلدى الجميل و بقيت اضرب بعيش شامى

و التركيبه دى كانت بتصمد حتى الرابعه او الخامسخ بعد الضهر

يمسيك بالخير يا عم حرشه

تسلم ايديك و نفسك

رابط هذا التعليق
شارك

اسمحي لي يا ريمو بم إنك لم تجربي طريقة الكوكيز

أنا حاقول على طريقة مجربة و ناجحة و الحمد لله

كوكيز الشوفان

المقادير :

3 كوب شوفان

1 كوب سكر

1 كوب زيت

2 بيضة

4 ملعقة كبيرة شيكولاتة chocolate chips

4 ملعقة كبيرة حليب بودرة

فانيليا -ذرة ملح

2 ملعقة صغيرة بيكنج بودر

دي المقادير الأصلية .. و لكن أنا عدلت شوية ..

يعني باعمل خليط من الزيت و الزبدة ( الزبدة بتدي نكهة جميلة جداً ) ..

و قللت الكمية ..يعني كفاية 3\4 كوب .. بدل كوب كامل دهون

كمان زودت قطع الشيكولاتة .. على حسب الرغبة ..

و في المقابل قللت السكر .. عشان الشيكولاتة فيها سكر

الطريقة :

1) نولع الفرن على درجة 170 .

2) نخلط المكونات الجافة أولاً .. ثم نضيف السوائل و نخلط .

3) يفضل إستخدام صواني خبز البسكوت ذات الجوانب المنخفضة .. و ممكن إستخدام الرف الصاج بتاع الفرن

و نضع في الصواني ورق زبدة

4) توضع الوحدات بالملعقة و ممكن تشكيلها باليد بشكل بسيط ..

نترك بينها مسافات لأنها بتفرش جامد ..

5) توضع بالرف العلوي أو الأوسط حسب حرارة الفرن .

يا دوب تتحمر من تحت .. و تترك لتبرد ... بتكون طرية شوية و هي ساخنة

لكن لما تبرد بتكون هشة و مقرمشة و لذيذة جداً

على فكرة ممكن نعمل نصف الكمية للتجربة

و طبعاً معروف قد إيه الشوفان مفيد

يا رب تعجبكم :roseop:

اسكتي .. مش عملتها من يومين ..

التزمت بالطريقة حرفيا .. ملقيتش في فتح الله التشوكليت شيبس فجبت شوكلاته عاديه ( كورونا محشية حاجه بيضا كده ) وقطعتها قطع صغيره بالسكينة .. الجيش قال اتصرف ..

عملتها بالزبده وحطيت شويه زيت كمان زياده توكيد ..

قسمت العجينة نصفين نصف عملته بالشوكلاته ونصف عملته بالزبيب ..

الملاحظات الاولية ..

فشل ذريع غير عادي .. البسكوتات ( فرشت ) بشكل اجرامي لدرجه انها لصقت في بعضها وبقى الصاج كله بسكوته كبيرة .. قلت مش مشكلة قطعتها بقطاعة البسكويت لدوائر ومربعات .. وتركت اثنين كبار شاهد على الجريمه ..

مش عارفه هي عملت كده عشان انا دخلتها فرن هاديء نسبيا وكان لازم يبقى اسخن ولا طبيعي انها تفرش اوي ويبقى سماكتها اقل من نصف سانتي ؟

طلعت من الفرن طرية اوي .. ذقتها .. الطعم مكانش مقبول ولا في نية على مايبدوا لقبوله مسقبلا ..

ركنتها على جنب . .رجع اكلها بعد مابردت .. الحال هو نفسه الحال .. احبطت جدا بشكل لا تتصوريه اول مرة اعمل حاجه اكون حاسه انها مظبوطه اوي وتطلع بايظه اوي خاصه ودي اول مرة اعمل الكوكيز ..

رحت زي مالكتاب بيقول عبيتها في علبه محكمه الاغلاق وقلت اتركها لبكرا لعل وعسى تحصل معجزه ويتحسن طعمها الي كان محسسني اني باكل زبده وياريتها حلوة كمان ...

وذقتها بكرا .. .وليتني لم افعل ..

بجد يالونا انتي مجررررررررمه

وصفة الكوكيز بتاعتك رهيييييييييييييييبة من اجمل الحاجات الي كلتها ..

للاسف بعد ماخلصت مفتقده طعمها جدا .. عيبها الوحيد انها دسمه اوي واكيد بتطخن اوي بس بجد اجرامية .. اول مرة اذوق طعم الشوفان في بسكويت كمان ملاحظتك في محلها في زياده الشوكلاته فعلا طعم الشوكلاته مع الشوفان جديد جدا وهو ده الي ينقال عليه ملوش حل .. القطع الي بالزبيب مكانتش على نفس المستوى الشوكلاته احلى بكتير .. بقيت اشيل منها الزبيب واكلها ساده ..

المرة الجايه باذن الله هستخدم مغرفة ايسكريم اصغر من الي اسخدمتها في المرة الاولانية عشان يطلع حجم الاقراص اصغر ومتفرش كده .. مش هحط فيها زيت خالص كفايه الزبده وكمان باذن الله هزود الشوكلاته ..

بصراحه واجب علي اشكرك يالونا الكوكيز فعلا غريبة وطعمها شهي جدا تسلم ايدك على الوصفة ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

انا كمان طلعت مني فارشة جدا وبقت صينية شوفان مش بسكوت

وطرية جدا ولا زالت والزيت والدهون ايه للركب و تقريبا أبت ان تتشرب هازوها الزيت مطلقا

وكنت ناوية ادخل اقول الكلام ده بس اتلخمت في حاجة ونسيت

المهم كان مصير اللي طلع الى وصفة كويسة

زي الكورن فليكس عليه لبن دافي وكانت ظريفة

ياشماتة أبله ظاظا فيا :roseop:

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

انا كمان طلعت مني فارشة جدا وبقت صينية شوفان مش بسكوت

وطرية جدا ولا زالت والزيت والدهون ايه للركب و تقريبا أبت ان تتشرب هازوها الزيت مطلقا

وكنت ناوية ادخل اقول الكلام ده بس اتلخمت في حاجة ونسيت

المهم كان مصير اللي طلع الى وصفة كويسة

زي الكورن فليكس عليه لبن دافي وكانت ظريفة

ياشماتة أبله ظاظا فيا :roseop:

:blink: :blink:

شكلك انصدمتي الصدمة الي انا انصدمتها بصراحه مكنتش اتوقع النتيجه ابدا وانا بطلعها من الفرن بس على فكره لو صبرتي عليها يومين بجد نشفت وبقت حاجه تانية خالص

بالمناسبة انا كنت حطاها على ورق زبده هل انتي حطيتيها عليه برضه ؟ يمكن ده السبب ان طلع لك فيها زيت كتير ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

نشفتها والله كذا يوم و كانت ولا زالت في التلاجة بناخد منها بحساب لانها دهوووووووووووون

ما حطيتش ورق زبده عشان مش عندي بس دا كان هيبقى زبده من غير ورق

بس الحمد لله انا كنت عاملة نصف المقادير كتجربة :roseop:

تم تعديل بواسطة بركة

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

اتفضلي ياريم .. طلعت عيني ساعتين بالتمام والكمال مش بعجن فيها ولا بسويها وانما برفع الصور الخاصه بالموضوع .. لما خلاص كرهت نفسي . . بس ولايهمك تستاهلي والله

عملت لك الموضوع ده مخصوص اتفضلي ادخلي برجلك اليمين ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

اهلا اهلا اهلا

ياللي زينا تعالوا عندنا :lol:

نفس الصدمه المنيلة بستين نيلة دي حصلتلي و احبطت اقولكم

بس انا قولت يمكن عشان انا قليت ادبي وعملتها بسمنة مش زبدة

البتاعه فرشت فرشة عجيبة غريبة و الانيل بقى اني كنت عملتها بالسكر البني اوي دا اللي بيعملوا بيه السينابون شكلها بقى مش قادرة اوصف عشان الرقابة :blush2:

حاولت احليها في عيني عشان اقدر اكل منها بس هي واحدة و حسيت اني تخنت 15 كيلو تقيلة جدا و دسمة جدا

و كان مصيرها المحتوم بعد كام يوم كيس اسود :sad:

رابط هذا التعليق
شارك

اهلا اهلا اهلا

ياللي زينا تعالوا عندنا :lol:

نفس الصدمه المنيلة بستين نيلة دي حصلتلي و احبطت اقولكم

بس انا قولت يمكن عشان انا قليت ادبي وعملتها بسمنة مش زبدة

البتاعه فرشت فرشة عجيبة غريبة و الانيل بقى اني كنت عملتها بالسكر البني اوي دا اللي بيعملوا بيه السينابون شكلها بقى مش قادرة اوصف عشان الرقابة :lol:

حاولت احليها في عيني عشان اقدر اكل منها بس هي واحدة و حسيت اني تخنت 15 كيلو تقيلة جدا و دسمة جدا

و كان مصيرها المحتوم بعد كام يوم كيس اسود :sad:

يانهاركم ابيض ياظلمه .. كل ده كاتمينه في قلبكم انتي وبركه وسايبينا نجرب على عمانا كده .. مش كنتم قلتم من بدري مكنش جربت وعملت .. بس بيني وبينكم كويس انكم مقلتوش

بجد والله ياجماعه بعد يومين الكوكيز بقت تحفة التحف وبالظبط بالظبط زي مالونا وصفتها لذيذة جدا وهشة ومقرمشه وكل الحاجات الحلوة فيها .. انا كنت زعلانه اوي اول ماعملتها اولا لانها مطلعتش الي في بالي ده غير ميار بقى لما قعدت تقولي مش هي دي الي انا عوزاها .. بخلاف اني لما جيت اكلها بعد كده ( استخسار ) قلت حرام هزود وزني وخلاص بس في الآخر بقى لما احلوت اوي وخلصناها انا وميار حتتك بتتك عرفت ان التجربة تستحق التكرار بس اكيد مرة كل سنتين تلاته مش لانها وحشه لا والله وانما لانها فعلا بتطخن اوي ..

بالمناسبة ياريم .. كنت هجيب السكر البني لانه هو ده المظبوط في عمل الكوكيز بيقولوا بيعطيها طعم مكرمل .. تخيلي لقيت الكيلو منه في فتح الله بكام ؟

15 جنيه

:sad:

للنص كيلو كمان مش الكيلو يعني الكيلو بتلاتين بالتمام والكمال

قلت عنها ماتعملت بيه ووفرت فلوسي رحت اشتريت علبة لزانيا وكيس مكرونة شرايط الواحد بحاجه وعشرين جنيه يعني الاثنين مع بعض بـ بخمسين جنيه بس

:blush2:

وكام جرام توابل مشكلة بسبعين فقط لا غير ..

شكلي بهزر صح ؟

والله ابدا

ربنا يستر ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

بصي يا ضحى ولو اني بحب اقولك دودو

حطي على السكر الابيض شوية عسل اسود وهو هيبقى سكر بني

ماهو اصلا السكر الابيض قبل ما يبقى ابيض كان بني نزلوا منه حاجة هي دي العسل الاسود ياعسل ابيض

وده سمعته من الشيف اسامة الله يكرمه عشان الوصفه تبقى تمام

وربنا يستر على مصر واللي في مصر

والله حاجة تخض :blush2:

تم تعديل بواسطة بركة

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

  • بعد 6 شهور...

بسكويت مالح

rec1901.png

المقادير:

2 كوب دقيق جميع الاغراض

1/2 كوب زبد قطع

1/3 كوب ماء ساقع

1/2 ملعقة صغيرة بيكينج بودر

1 ملعقه سكر

1 ملعقه صغير ملح

1 ملعقه كمون ناعم

بيضه نصفها للعجن والنصف الاخر لدهن الوجه

الطريقة:

يتم خلط جميع المواد الجافه

ثم نضع الزبد ونفركه فى الدقيق

ثم النصف بيضه والماء ونعجنها

ثم نفردها ونقطعها اشكال ونضعها فى صاج

وندهن الوجه بيض

ونرش ملح وكمون

وندخلها فرن ساخن على 200 درجه

ممكن لو عاوزينها محشية جبنة مثلا نقسم العجينة نصين و نفرد كل نص على شكل مستطيل و تفردوا عليها الجبنة و تضيفوا القسم التاني من العجينة و تقطعوها بالاشكال

رابط هذا التعليق
شارك

  • بعد 4 سنة...

للرفع 

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 41
      وسط متاعب الحياة وهمومها ننسى الطرف الآخر وعنما تأتى لحظة حلوه لنتذكره فيها لانجد مانقدمه له . غابت الرومانسية ودفناها وسط مشاكلنا .وسط المطبخ والأولاد ... وسط العمل واعطال السيارة وفلوس الدروس .. لكن اكيد كلنا نفسنا فيها ..بنحلم بيها . وبندور عليها ولما يبقى فى وقت مش بنلاقيها هذه بعض الأفكار الرومانسية لللحظات الحلوه ويمكن استعمالها عندما تحاول (ى) مصالحة زوجك (تك) . 1- لو عديت على محل زهور اشترى ورده حلوه وقدمها لزوجتك قبل اللحظة الحلوة . 2- لو معاك فلوس حتى لو بسيطه اشتريلها هدية (دون
    • 6
      هذه بعض الاقتراحات التي اتمنى ان تُفعل من خلال المجلس الاداري لنقابة المهندسين. لعلها قد تفيد بعضنا لتوصيلها للمسؤولين القادمين أتمنى من السادة المهندسين في المنتدى طرح افكارهم ----------------------------------------------------------------------------------------------------------------------------------------------- علينا في البداية و قبل ان نركز على الخدمات أن نطور آليات التواصل مع الأعضاء و الإشراف على النقابة من خلال الأتي تطوير آليات التواصل مع المهندسين من خلال الوسائل الحديثة
    • 3
      السلام عليكم ورحمه الله وبركاته اخوانى الكرام كما هو مبين فى العنوان محتاج الى نصائح من اصحاب الخبرات فى شراء قطعه ارض فى مصر والبناء عليها على المدى الطويل للاستثمار بشرط تكون فى مكان له مستبقل واعد من ناحيه الاسعار (سواء أرض عمارات او ارض فلل) -اطلب من اصحاب الخبرات اعطاء النصائح فى تحديد المكان والمساحات المتاحه وتكلفه البناء من حيث رمى الاساسات - وبناء الدور الاول ثم الثانى وطبعا اللى هيكتب تجربته هيذكر المساحه بتاعه الارض ونسبه البناء كانت كم من مساحه الارض ال
    • 3
      أطالب الاستاذ عادل ابوزيد بنشر كل تفاصيل ثورة المحاورات في نهاية التسعينات وبداية الالفية الثالثة ضد التوريث ومحاربة الفساد وتكوين فكر الثورة ودورها في نشر فكر المنتديات السياسية التي خرجت من عب المحاورات ولعبت دور مؤثر في تحريك الشباب نحو الثورة كما اطالب سرد قصة تدخل امن الدولة ضد منتدى المحاورات وتهديدها لك وللمرحوم هشام عبد الوهاب كما اطالب رفع الحظر عن كل ما كتب ضد الحكومة وفضح فسادها وكان امر ابعادة بامر من امن الدولة سواء بامر مباشر او حتى بطريقة ودية حتى يعلم الشباب وخاصة من شارك ف
    • 5
      هعرض عليكم اعلانات لمنتجات عربيه لكن و بحق اعلانات متميزه فى فكرتها تعالوا نشوفها مع بعض تابع .............................
×
×
  • أضف...