اذهب إلى المحتوى
محاورات المصريين

افكار للفطار


pink rose

Recommended Posts

زوجي العزيز بينزل بدري جدا لشغله و بالتالي ما فيش مجال لحوار تحضير وجبة فطار

و اكيد في ازواج كتير نفس الحالة كده

ايه رأيكم نساعد بعض في اننا نخترع حاجات خفيفة تنفع تتحضر من بالليل عشان ياخدها الزوج معاه الشغل

مش هاينفع نظام ساندوتشات كده كانه رايح المدرسة

عاوزين افكار لوجبة الافطار

هابدأ انا بما اني صاحبة الفكرة

باجيب البف باستري و احشيه جبنة لا فاش كي ري او جبنة بيضا و اقطع عليها زيتون و اطبقها بحيث يبقى شكلها مثلث و ادهن وشها بيض و ادخلها الفرن على نار عالية و طبعا تكون على الشبكة لحد ما تنفش و وشها يحمر

و بالهنا و الشفا

يالا عاوزين همتكم يا نون و طبعا بندق افندي انت مدعو بشدة في الحوار دا عاوزين ابتكارات كده بس ما تكونش ساندوتشات

مستنياكم

رابط هذا التعليق
شارك

فاكهة :roseop:

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك

بصراحة احسن حاجة بتنفعنى اليوم كلة

طبق الارز بالبن مراتى بتعملة من بليل وافطر بية

جامد جدا

ربنا يخليلك المدام و بالهنا و الشفا طبق الرز بلبن

بس لو شغلك فترة طويلة و ممكن تجوع المدام بتعملك ايه تاخده معاك؟

فاكهة :happy:

غريبة حكاية الفاكهة دي

بس فكرة برضو

شكرا للافاضل جو و حسام على الاهتمام

ايوة كده عاوزين الرجالة ينورونا بيحبوا ايه

ممكن يلفتوا نظرنا لحاجه غايبة عننا

خدوا شموا الورد دا و انتوا بتفكروا عشان عاوزين افكار نيرة :roseop: :happy:

رابط هذا التعليق
شارك

معجنات: بيتزا على شكل دواير , فطاير باللحمةالمفرومة والسوسيس ,

توست محشي تونة بالبقدونس والجبنة النستو ويتقطع مثلثات

جلاش باللحمة او بالكبده بتاعة الفراخ.

سلطة فاكهة مع معلقة عسل نحل

كانيلوني حادق او حلو

ولو افتكرت حاجة هقول على طول ان شاء الله ..

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

معجنات: بيتزا على شكل دواير , فطاير باللحمةالمفرومة والسوسيس ,

توست محشي تونة بالبقدونس والجبنة النستو ويتقطع مثلثات

جلاش باللحمة او بالكبده بتاعة الفراخ.

سلطة فاكهة مع معلقة عسل نحل

كانيلوني حادق او حلو

ولو افتكرت حاجة هقول على طول ان شاء الله ..

شكرا على الاضافة يا بركة :roseop:

و منتظرين افكار جديدة

رابط هذا التعليق
شارك

امبارح ماما عملت حاجه كده اسمها شريك (بضم الشين)

المقادير

كيلو دقيق

كوب سكر

كوب زيت

و طبعا خميرة

و شوية مايا حسب ما العجينة تحتاج

نعجن لحد ما نحصل على عجينة متماسكة و جامدة نوعا ما

و نسيبها تخمر و بعدين نقطع منها و نعمل اشكال

يعني ممكن ضفيرة فيونكات حلزون

و بعدين نرص في صينية و ندهن الوش لبن

و نرش عليها سكر بودرة و ممكن كمان مع السكر قرفة

و نخبزها في فرن متوسط الحرارة

هاتطلع جميلة ان شاء الله

لو لسا باقي عندنا هابقى اصور الاشكال و انزلهالكم

رابط هذا التعليق
شارك

طبعاً .. أنا أؤيد إن هي ما تكونش عبارة عن سندوتشات

وتكون حاجة تتاكل بغض النظر عن درجة حرارتها (يعني مش لازم تتسخن)

بسكوت بُـر (قمح) ياكله مع مشروب ساخن

ممكن شوية مكسرات من اللي بيحبها

ممكن بسكوت بالتمر

قراقيش وحاجات من دي يعني

هل صليت الصبح في جماعة؟؟

رابط هذا التعليق
شارك

طبعاً .. أنا أؤيد إن هي ما تكونش عبارة عن سندوتشات

وتكون حاجة تتاكل بغض النظر عن درجة حرارتها (يعني مش لازم تتسخن)

بسكوت بُـر (قمح) ياكله مع مشروب ساخن

ممكن شوية مكسرات من اللي بيحبها

ممكن بسكوت بالتمر

قراقيش وحاجات من دي يعني

بكرة ان شاء الله هاكتبلكم طريقة عمل القراقيش

انا جوزي بيموت في القراقيش دي

ماما لما كانت عندي عملتلنا قراقيش و واحدة صاحبتنا كان نفسها فيها اوي

صح يا فتفوت :roseop:

رابط هذا التعليق
شارك

بصى يا ريمو انت تخطفى رجلك كده لأقرب سوبرماركت "الدانوب " اعتقد موجود فى الرياض..

تحتلاقى فى المخبز عندهم انجليش كيك هايل على شكل تورته مدور او مستطيل ..

1-اشترى وحده ,,

2-قطيعيها شرايح متوسطه

3- تصحى الصبح بدرى خمس دقائق

4-تفتحى درج المطبخ وتطلعى الأكياس النايلون اللى بتتقفل دى

5- تحطى فى الكيس قطعتين مثلا

6-تقفلى الكيس

7-جوزك وهو خارج تديلة الكيس دوت وتبوسيه من هنا ومن هنا ..

وأظن كده انتى مقصرتيش فى اى حاجه معاه اهو .. وصدقينى هياخد الكيك ويدعيلك :roseop:

انا بعمل كده كل فترة ولو حبينا نغير جوزى بيعملنا سندوتشات قبل ما ننزل نروح الشغل :ninja:

آآآخ ..

نسيت اقولك ممكن تغيرى نوع الكيك كل فتره .. عشان الزهق وكده :D

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

8c5ebf71aa.jpg

اهو شوية شوريك من النت ربنا يخليلنا جوجل ماخلاش حد نفسه في حاجه :roseop:

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

حلوى الأرز

المقادير:

35 جم سكر

130 مللي ماء

100 جم دقيق أرز

3 جم بيكينج بودر

10 جم زبيب للتزيين

طريقة التحضير:

1- ضعي السكر والمياه معا في إناء واغليهما علي نار منخفضة إلي أن يذوب السكر تماما. 2- ادهني 6 قوالب كعك بالزبد واتركيها جانبا.

3- قومي بنخل دقيق الأرز مع مسحوق الخبيز (Baking Powder) مرتين، ثم أضيفي له شراب السكر الذائب في الماء.

4- اسكبي المزيج في القوالب المدهونة، ثم ضعيه في فرن ساخن لمدة 10 دقائق.

5- للتقديم قومي بتزيين القوالب بقليل من الزبيب.

هل صليت الصبح في جماعة؟؟

رابط هذا التعليق
شارك

بسكوت بدقيق الأرز

المقادير

3 صفار بيض

1/2 كوب زيت خضار

1 كوب سمن سايح

3/4 كوب شربات (قطر)

1/2 3 دقيق أرز

1/2 1 ملعقة صغيرة حبهان (حب الهيل) مطحون

1 ملعقة كبيرة سكر

2 ملعقة كبيرة حبة البركة للتزيين

الطريقة

- يُخفق صفار البيض جيداً في وعاء عميق ويُضاف إليه الزيت والسمن والشربات مع الاستمرار في الخفق حتى تمتزج كل المكونات.

- يُخلط دقيق الأرز مع الحبهان و السكر في العجان الكهربائي على سرعة بطيئة، ويُضاف إليه خليط البيض تدريجياً مع الخفق على سرعة متوسطة حتى نحصل على عجين متجانس لين.

- يُوضع العجين في كيس بلاستيك ويُترك في الثلاجة (البراد) لمدة لا تقل عن النصف ساعة حتى يتماسك.

- يُسخن الفرن على حرارة 180 درجة مئوية.

- يُقسم العجين إلى كرات صغيرة وتكوَر ثم تُرص في صاج فرن مع الضغط عليها، وتُزين بحبة البركة .

- يُخبز البسكوت في الفرن لمدة 12-15 دقيقة.

- إذا لم يتوفر دقيق الأرز يُمكن تحضيره عن طريق نقع الأرز في ماء،ثم تجفيفه من الماء تماماً، ثم يتم طحنه في المطحنة و يُنخل قبل الاستخدام.

هل صليت الصبح في جماعة؟؟

رابط هذا التعليق
شارك

بصى يا ريمو انت تخطفى رجلك كده لأقرب سوبرماركت "الدانوب " اعتقد موجود فى الرياض..

تحتلاقى فى المخبز عندهم انجليش كيك هايل على شكل تورته مدور او مستطيل ..

1-اشترى وحده ,,

2-قطيعيها شرايح متوسطه

3- تصحى الصبح بدرى خمس دقائق

4-تفتحى درج المطبخ وتطلعى الأكياس النايلون اللى بتتقفل دى

5- تحطى فى الكيس قطعتين مثلا

6-تقفلى الكيس

7-جوزك وهو خارج تديلة الكيس دوت وتبوسيه من هنا ومن هنا ..

وأظن كده انتى مقصرتيش فى اى حاجه معاه اهو .. وصدقينى هياخد الكيك ويدعيلك :D

انا بعمل كده كل فترة ولو حبينا نغير جوزى بيعملنا سندوتشات قبل ما ننزل نروح الشغل :P

آآآخ ..

نسيت اقولك ممكن تغيرى نوع الكيك كل فتره .. عشان الزهق وكده :D

يا لولا بقى كده برضو :ninja:

يعني انا عاوزة ابقى ست بيت شاطرة و اعمل حاجات لجوزي و اقعد اذله قصدي اقوله عمايل ايديا و حياة عينيا :roseop:

و انتي تقوليلي روحي الدانوب :sad:

لا مالكيش حق ابتا ابتا

رابط هذا التعليق
شارك

8c5ebf71aa.jpg

اهو شوية شوريك من النت ربنا يخليلنا جوجل ماخلاش حد نفسه في حاجه :roseop:

ايون عملنا الشكل دا مظبوط

بس قعدنا نخترع نعمل فيونكات و قلوب و حلزونات و ضفاير

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 41
      وسط متاعب الحياة وهمومها ننسى الطرف الآخر وعنما تأتى لحظة حلوه لنتذكره فيها لانجد مانقدمه له . غابت الرومانسية ودفناها وسط مشاكلنا .وسط المطبخ والأولاد ... وسط العمل واعطال السيارة وفلوس الدروس .. لكن اكيد كلنا نفسنا فيها ..بنحلم بيها . وبندور عليها ولما يبقى فى وقت مش بنلاقيها هذه بعض الأفكار الرومانسية لللحظات الحلوه ويمكن استعمالها عندما تحاول (ى) مصالحة زوجك (تك) . 1- لو عديت على محل زهور اشترى ورده حلوه وقدمها لزوجتك قبل اللحظة الحلوة . 2- لو معاك فلوس حتى لو بسيطه اشتريلها هدية (دون
    • 6
      هذه بعض الاقتراحات التي اتمنى ان تُفعل من خلال المجلس الاداري لنقابة المهندسين. لعلها قد تفيد بعضنا لتوصيلها للمسؤولين القادمين أتمنى من السادة المهندسين في المنتدى طرح افكارهم ----------------------------------------------------------------------------------------------------------------------------------------------- علينا في البداية و قبل ان نركز على الخدمات أن نطور آليات التواصل مع الأعضاء و الإشراف على النقابة من خلال الأتي تطوير آليات التواصل مع المهندسين من خلال الوسائل الحديثة
    • 3
      السلام عليكم ورحمه الله وبركاته اخوانى الكرام كما هو مبين فى العنوان محتاج الى نصائح من اصحاب الخبرات فى شراء قطعه ارض فى مصر والبناء عليها على المدى الطويل للاستثمار بشرط تكون فى مكان له مستبقل واعد من ناحيه الاسعار (سواء أرض عمارات او ارض فلل) -اطلب من اصحاب الخبرات اعطاء النصائح فى تحديد المكان والمساحات المتاحه وتكلفه البناء من حيث رمى الاساسات - وبناء الدور الاول ثم الثانى وطبعا اللى هيكتب تجربته هيذكر المساحه بتاعه الارض ونسبه البناء كانت كم من مساحه الارض ال
    • 3
      أطالب الاستاذ عادل ابوزيد بنشر كل تفاصيل ثورة المحاورات في نهاية التسعينات وبداية الالفية الثالثة ضد التوريث ومحاربة الفساد وتكوين فكر الثورة ودورها في نشر فكر المنتديات السياسية التي خرجت من عب المحاورات ولعبت دور مؤثر في تحريك الشباب نحو الثورة كما اطالب سرد قصة تدخل امن الدولة ضد منتدى المحاورات وتهديدها لك وللمرحوم هشام عبد الوهاب كما اطالب رفع الحظر عن كل ما كتب ضد الحكومة وفضح فسادها وكان امر ابعادة بامر من امن الدولة سواء بامر مباشر او حتى بطريقة ودية حتى يعلم الشباب وخاصة من شارك ف
    • 5
      هعرض عليكم اعلانات لمنتجات عربيه لكن و بحق اعلانات متميزه فى فكرتها تعالوا نشوفها مع بعض تابع .............................
×
×
  • أضف...