اذهب إلى المحتوى
محاورات المصريين

المشاريب عالحساب


se_ Elsyed

Recommended Posts

السلام عليكم ورحمة الله وبركاته

ايه دة مين بيقول عرقسوس

الله عليك يا سيادة الامبراطور .................. هو دة الكلام ( مابحسش برمضان من غير عرقسوس )

بس طبعاً العرقسوس الساقع مش المغلي بتاع الكحة

( بس خلوا بالكم من ارتفاع ضغط الدم ............ دة بالنوسبة للناس العواجيز اللي زي حلاتي ........ شباب تحت التسعين يعني ......... :roseop: )

نيجي بقي للكابتشينو

دة بقي مزاااااااااااااج عالي جداً .......... بس افضل منه النسكافيه بلاك

وعلشان الادمان والحاجات دي ........... بفضل أكتر حاجة العصائر الفريش

وطبعاً مشروبي المفضل الموز باللبن ................. والشاي الأخضر

ممكن نعمل مشروب جامد آخر حاجة

عبارة عن مجموعة عصائر مركزة مع بعض وسكر قليل

عصير موز باللبن ......... طبعاً مركز

عصير فراولة مركزة

عصير مانجو مركز

ولو فيه جوافة مافيش مانع

وقطع فاكهة فيرش ( أهمها الكيوي )

طبعاً بنبدأ نصب الموز في اول الكاس

وبعدة الفراولة بس مش بنصبها في الوسط بنصبها علي حرف الكاس وبشوييييييييييييييييييش علشان ماتختلتش مع الوز وتبقي منفصلة وبلون مختلف

وبعده المانجو نصبها بنفس الطريقة

وبعده الجوافة ( مانجو وجوافة فريش مع بعض ازااااااااااااي معرفش ......... عادي يعني انا بعمل مانجو مركز جداً واحفظها في الفريزر )

بعد كدة هيكون الكاس متدرج الالوان ........... نضيف بقي قطع الفاكهة الصغيرة

ونعمل جرانش بالكيوي ........... أو موز عادي

ونحط الشاليموه

وبالهنا والشفا

( لازم كل المكونات تكون مركزة )

********

غير بقي عصير الليمون بالنعناع ......... بجد تحفة جداً ............. خرافة يعني

وطبعاً عصير البرتقال

وعصير الجوافة باللبن

....................

أيون بحب كل العصائر الفريش

بس بجد احل عصير عصير القصب

اللهم إرزقني بفرحة ... تجعلني أسجد لك باكية .

رابط هذا التعليق
شارك

  • الردود 47
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

ا

علشان ماتختلتش مع الوز وتبقي منفصلة وبلون مختلف

أيوه كده احسن جوعت

عارفه يا رضوى لو بعد ما نُسلق الوزه دي ... نروح خليينها من العضم وضاربين اللحمه المتشفيه دي في الخلاط .. ونصفي العصير ده في كوباية ونضربها عالريق ....

اوووووووه تبقى حاجه عظمه قوي .. والواحد يحس إنه ولا الملك فاروق اللي كان بيشرب الحاجات دي مضروبه ومستخلصة عشان يجيب من الأخر يعني ..

الملك ما يمضغش

الملك يلهط ويبلع على طول من غير صعوبة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

السلام عليكم و رحمة الله و بركاته

ايه ده يا جماعة ....انتو حسستوني اني ممدوح عبد العليم في فيلم الحارفيش باين لما كان بيروح يشرب مش عارفة ايه في البتاعة دي....بس هي تقريبا شمامة و حاطين جواها عصير

ما شاء الله...ايه الافكار الجبارة دي

انا شخصيا....بحب بتاع كده امي بتعمله.....كركريه.....(لا ده غير الكركديه....أيون)......علي تمر هندي......اما عن طريقة التحضير فهي كالتالي:

1-هي ماما بتنقعهم باين.....قبليها بليلة....

2- احنا و بابا نفضل رايحين جايين ع المطبخ نحط صباعنا في الحلة.....و نقول ايه ده.....(استعباط يعني)....

3-تاني يوم مش عارفة بتغلهيم و لا ايه.....

4- قبل الفطار في رمضان بنلاقيهم ع الطبلية....(معندناش سفرة و الكلام الفاضي ده)

======================================

حبيت اتمرد يعني.....قال يعني هو الشرب اللي هيعملي شخصية.....و ابتديت اشرب حاجة اسمها بينا كالادا......و عهد مين ده...و عهد الله....(ماسكة سماعات اللاب و بحلف عليهم)......مكنت اعرف انا بشرب ايه.....بس الكتالوج بيقولك باين اناناس..... علي جوز هند....(آه اهو راجل برضه يطري القعدة.... :roseop: )......و باين عليهم لبن و لا ايه.......بس تحس كده انك لابس القش بتاع هاواي......و فاضلك بورنيطة....و تبقي شبه فاطين في حرامية في تايلاند.

و النسكافية بالتلج.....ايه تحس كده انك و لا كانك عملت حاجة...الله مش احنا بنشلربه سخن مولع ليه...عشان يلسعنا في بوقنا.....

=============================

ملحوظة بقي ع جنب

الي جميع محبي العرق سوس....شفا و خميس

انا مخصماكم.....لاني ملاحظة كده انك بتتجمعوا علي كل الحاجات اللي مش بحبها....مرة فسيخ و التانية عرق الدود ده......ده استنصاد بقي

انا مبحبوش لانه عقدة م الطفولة ماما كانت بتصر نشربه مع حاجة تانية كده اسمها شيح.....بيقولك ايه بقي يا مواطن قال مهم للدود بتاع البطن...طب ازاي و هو اسمه عرق سوووووووس

و لله الامر من قبل و من بعد

بس خلاص

فوتكم بكوباية عصير...... التلج مشبر عليها .....بس مش مهم جواها ايه....لاااااااااااازم تشرب (وش ممثل مش فاكرة اسمه في فيلم همام في امستردام..... :smart: )

رابط هذا التعليق
شارك

الا القهوة عندى لازم كبوب صباحا بعد الفطار وكوب ساعة العصارى مع المدام فى البلكونة

يااااااااااااااااااااااسلالالالالالالالالالالالالالالالام :lol:

جووووو ... على فكرة كدة ما ينفعش

انت مش عارف إن فيه أخوة لك في السعودية ما عندهمش ريحة البلكونات ؟؟؟؟ :lol:

و حتى اللي عندهم .. ما يقدروش يفتحوها يقفوا فيها زي خلق ربنا ؟؟؟

ربنا يهنيك انت و المدام ببلكونتك :lol:

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

بالنسبة لي ماليش في العصاير :lol:

أنا لي في النسكافيه و الشاي فقط..

بس حاقول لكم على وصفة رائعة للسحلب ...جربوها و ادعوا لي .. بس في الشتا إن شاء الله :lol:

سحلب بالشوفان :lol:

و طريقته سهلة جداً

معلقة كبيرة شوفان + كوب لبن + سكر حسب الرغبة

يوضع على النار حتى يغلي غلوة واحدة فقط .. مع التقليب حتى لا يلتصق

حطوا بأه اللي عايزينه على الوش .. مكسرات مجروشة .. زبيب .. جوز هند .. سمسم محمص

ما تحطوش حاجة خالص براحتكم ... بس بجد روووعة bv:-

خدوا بالكم بيبقى سخن مولع :D

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك

شميت ريحه قهوة تركي في الموضوع ..

عجبتني اوي حكايه القرنفل وتسخين الفناجين الاول .. هبقى اجربها باذن الله ..

وحتى ذلك الوقت اسمحوا لي اقولكم على خبرتي في القهوة بما اني كنت بعمل قهوة زمان بيقال انها لا يعلى عليها ..

الطريقة طبعا اخذتها عن والدتي الي علمتهالي .. وحده وحده

اولا هنجيب فنجان قهوة كمعيار .. هنجيب كمان ( الكنكه ) ممكن نعمل القهوة في اي حاجه بس الكنكه بالذات بتساعد على تكوين ( وش ) للقهوة .. عشان كده نحاول قدر الامكان ان حجم الكنكه يكون مناسب تماما لكمية المية الي فيها .. لو هنعمل فنجان واحد يبقى نجيب كنكه صغيره جدا يادوب تكفي فنجان وهكذا

هنحط مية في الفنجان ونصبه في الكنكه .. طبعا لو هنعمل اكثر من فنجان يبقى هنعاير مية بعدد الفناجين المطلوبه ..

هنحط ملعقه صغيره سكر لكل فنجان برضه لو عوزينها مظبوطه او سكرها زياده حبه بسيطه .. لو عوزينها اكتر من كده زياده يعني او ( كراميل ) زي مابيسموها دلوقت هنزود السكر ولو عوزينها سكر قليل يبقى نصف ملعقه مثلا .. ايا كان نقدر نذوق المية الاول لو كنا لسه مش متاكدين من درجه الحلاوة المطلوبه ..

هنرفع الكنكه على نار هادية

لما نحس ان المية قربت تسخن وقبل ماتغلي هنضيف البن ..

هنحط ملعقتين صغيرين بن لكل فنجان .. نعملها اخف من كده شويه بس المقدار ده هو المظبوط وده المقدار الي يضمن لنا الحصول على ( وش ) للقهوة .

هنقلب تقليبتين تلاته لغايه مانضمن ان البن ذاب في المية.. ومهم جدا التقليب دلوقت لاننا مش مفروض ابدا نقلب القهوة بعد كده وهي على النار ..

هنحط الكنكه على النار تاني ..

هنوطي النار ..

نتابع الكنكه ونقف قدامها منتركهاش ابدا لغايه ماتفور .. من وقت للتاني ممكن ( نخبط ) بالكنكه على البوتاجاز عشان ينزل البن تحت ويطلع لها وش

هنلاحظ ان الوش بدأ يتكون .. وبمجرد ماتبدأ تقول انها هتغلي نرفعها من على النار بسرعه لانها لو غليت غلوة وحده اما هتفور وتندلق او على الاقل هتتقلب فيروح الوش .

هنكون محضرين الصينية عليها كوباية او اثنين مية والفناجين الي هنصب فيها

هنحط الكنكه على الصينية زي ماهي .. وهنا وكل مره بعمل كده بفتكر عبله كامل وهي بتقول ( القهوة تنصب قدام الي هيطفحها )

دي اساسي في القهوة لو صبيناها في المطبخ على مانروح نقدمها هيكون الوش راح .. لازم تنصب قدام الي هـ .. يشربها بمعنى تنشرب على طول بعد صبها مش نمشي بيها وهي في الفناجين

لما نيجي نصب القهوة هنصبها في اول فنجان بالراحه ومن عند الجنب .. مش هنملأ الفنجان للآخر وانما ربعه فقط او نصفه بالكتير .. هنروح نصب الفنجان التاني ثم الثالث وهكذا

الفكره ان الفناجين الي هيتصب فيها الاول هتاخذ الوش كله وعشان كده بنصب شويه من الوش الاول في كل فنجان بعدين نكمل الفناجين للآخر ..

وبالهنا والشفا ..

طبعا مش محتاج اقولكم ان البن لازم يحفظ في علب محكمه الاغلاق ان كنا عاوزين القهوة تبقى روعه وريحتها ماليه البيت ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

ايه يا جاسي المشاريب المطرقعة دي

قال اغلوا الكوكا قال :lol:

يا بنى جربى ديتها ايه كان كولا وحياتك هتدنى فيها براءة اختراع

مش هتخسرى غير كوباية كولا

جاسمين حبيبتى

موضوع شرب الكولا المغليه دا عرفاه من زمان

بس باتجاه تانى خالص

انا دايما كنت اسمع ان اى واحده حامل عايزه تنزل البيبى ( تجهضه ) بينصحوها كولا مغليه

انا مش عارفه الكلام دا صح و لا غلط

بس انا حبيت الفت النظر للحته دى علشان لو فيه احتمال 1% انها صح

يبقى على الاقل متجربهاش واحده حامل ابدا

انا بكرر تانى ان دا كلام سمعته كتير بس معنديش دليل على صحته من عدمه

و اتمنى فعلا انها تطلع معلومه غلط

انالقيت كلام فى دراسه عن الاجهاض غير الامن بتاكد الموضوع ده

أما إذا لم تستطع النساء تحمل حتى التكاليف المادية لعيادات بير السلم، لا يتبقى أمامهن سوى اللجوء إلى الطرق الشعبية والتي تعد الأكثر خطورة على الصحة والحياة، ولكنها غير مكلفة ماديا على الإطلاق فالنساء في مصر يلجأن إلى شرب سوائل القرفة والبصل ومغلي الكوكاكولا، كما يتناولن جرعات عالية من أدوية الملاريا أو الحصبة أو

يعنى طلع الى كنت باسمعه صح

علشان كدا يا ريت اى حامل متجربش ابدا الموضوع دا غير لما تقوم بالسلامه و نباركلها على البيبى

اولا احب اشكرك عشان الناس هنا فاكرانى مجنونه

هو انا مردتش لقول انا اتعرفت على المشروب اللوزعى ده اذاى عشان الاحراج

هوه وصفه ذى القرفه لعلاج انقبضات االطمث لانه فيه قرفه

بس بجد زى القرفه طعمه روعه

وانا اضم صوتى لصوتك و ياريت اى واحده حامل ماتشربش كولا من اصله و لا اى حاجه فيها كافببن

شكرا مغتربه

I shall be telling this with a sigh

Somewhere ages and ages hence:

Two roads diverged in a wood, and I—

I took the one less traveled by,

And that has made all the difference

رابط هذا التعليق
شارك

على فكرة يا جماعة البيبسى والكولا خطر جدا جدا المفروض محدش يشربها خالص

لانها بتجيب هشاشة عظام وقد قام العلماء بوضع رجل بقرة فى حوض بة بيبسى وفى اليوم التالى

تفاجئو بتحلل عظم ارجل البقرة

ياريت يا جماعة تبطلوها وخصوصا اطفالكم لان مهما تديهم لبن كوب بيبسى واحد

بيدمر كل دة

واللى اخطر من البيبسى النسكافية لانة مركز جدا وبيجيب تكسير وهشاشة فى العظام

يعنى تشربى 3 قهوة فى اليوم ومتشرابيش نسكافية

[وسط][/وسط]2ah7ju81.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...