كيف تعرف انك احد ابناء الجيل الموكوس؟

[joo]

يخرب عقلك يا غريب انت يابنى جبت الحاجات دى كلها منين

معقولا تكون محتفظ بيها لحد دلوئتى

شكلك كدة من هواة جمع حاجات الموكوسين

[مسافر زاده الخيال]

انا ايضا من مواليد 1975....لكن جيلنا لم يكن موكوسا بل كانت اجمل ايام حيث كان التلفزيون يفتح بعد العصر الى الساعه 11.40 و قناه وحده بس وبعدين سنه 82 صار بيفتح من الساعه 10 صباحا الى قبل الظهر ومن بعد العصر بتوقيت مكه حتى 12ليلا عدا الخميس والجمعة يفضل متصل فتره وحده

طبعا بالنسبة للمسلسات كانت الدراما المصرية لها نصيب الاسد ومن مسلسات الاطفال اللى افتكرها هي (حواديت زمان تقديم زهرة العلا)و هناك برنامج اطفال نسيت اسمه بس كانت تقدمه مي عبدالنبي وبرنامج اطفال اقدم تقدمه مذيعه اسمها حسب ما اظن كريمان حمزه وكان في وجدي و محمد العربي لسه صغار واظن ان دينا عبدالله كانت من الاطفال في البرنامج....و

افتكر مسلسل بطله عبدالله غيث وليلى علوي وحسن مصطفى اللى يقول (انا البردعي)و مسلسل الزنكلوني

واغاني الاطفال زي منى يامنى و حبيبة بابا رشا ال....خ

وفي الصيف لما نجي جده ويكون ارسال مصر ق1 و ق2 شغال يكون كرنفال حتى نشرات الاخبار بنتفرجها (على اساس اننا بنشوف مذيعات زي الأمر)و دعايات التلفاز اللى مكنتش موجوده في التلفزيون السعودي وكان نقل مباراة الاهلي والزمالك حدث كبير بينقله التلفزيون السعودي علهوا

وطبعا اكتشفنا ان المسرحيات المصرية اللى كان ينقلها التلفزيون السعودي اقل من 10%من الحقيقة بس كنا سعداء بيها زي عش المجانيين

بس احلى تسلينا لينا كاطفال هي مجلات ميكي جيب والشياطين13 والمطربه سيمون كان لها شعبيه خرافية عندنا

و اذا افتكرت حاجه ح اذكرها

انا مش فاهم شعبيه ايه بتاعه سيمون دي؟

مش قصدك علي سيمون اللي كانت طالعه مع حميد الشاعري في اغنيه بتكلم جد؟

ايوه هييا.... قبل الفضائيات ايام تاني تاني و تاكسي و البك بينده عليا ال....خ وفي اغنية حلوه يا مصر كنت شخصيا باحبها جددددددددددا خاصة انو في دي الفترة كانت مادونا مكسرة الدنيا(طبعا الكاسيتات بتاعتها متهربه)وكان كم اغنيه لسيمون بالحان اغنيات مادونا اما اغنية باتكلم جد فدي حكايه لوحدها مع ماشيه لوحدي ونا مبسوطه مش عارف ليه بتستهون بسيمون الا اذا كنت من جيل اكبر من سنه 75 وبتشوفها عيله او من جيل بعد 85 وبتشوفها دقه قديييييييمه

[جنه]

تسمحولي انضم لجيلكم؟ :lol: كان فيه فى الاذاعه برنامج اعترافات ليليه وقال الفيلسوف, في التلفزيون البخيل وانا و بوابه الحلوانى.

بالنسبه لسيمون يمكن كانت مشهوره في الخليج في الثمانينات لانها كانت بتغني على موسيقا اغاني المودرن توكينج والفرقه دى كانت مشهوره في الامارات جدا .

[اغابي]

تسمحولي انضم لجيلكم؟ :lol: كان فيه فى الاذاعه برنامج اعترافات ليليه وقال الفيلسوف, في التلفزيون البخيل وانا و بوابه الحلوانى.

تمام انتو بتجيبو الحاجات دي منين

على فكرة انا كنت بحب اوى اعترافات ليلية وكان صوت المذيعة وهى مذيعى فى قناه الاولى للاخبار فى التلفزيون بس انا ما كنتش اعرف انها هى نفسها بتاعة الراديو برنامج اعترفات ليلية - وكنت باحب البرنامج داه ولا يمكن ابدا تفوتنى حلقة منه ا

لا هو راح فين يا جماعة

الذاكرة بتاعتكم تجنن

اغابي

[engmido]

طيب حد يذكر برامج الاطفال اللى كانت بتيجى زمان ع القناة الاولى ( او التانية مش فاكر)

يوميا السلعة 10صباحا

وكان جدولها كالتالى

السبت : ماما فاطمة وكرنبة

الاحد : ماما منى

الاثنين: ماما نجوى وبقلظ ( صباح الخير)

الثلاثاء: بابا ماجد

الاربعاء: مش فاكر

الخميس : ماما سامية شرابى ( عروستى)

الجمعة : ماما عفاف الهلاوى ( سينما الاطفال)

[anis71]

شدني حديث الذكريات اللذيذ ده وموتني من الضحك على على بعض الحاجات العبيطة ... خصوصا ذكريات المدرسة .. طيب حد يفتكر النشيد ده :

في بيتنا طيور كالبط والحمام

تعيش في سرور تعيش في سلام

اروح للطيور بالماء والطعام

فتشرب الطيور وتاكل الطعام "وتحمد ربنا وتشكر فضله انها عند ناس بتأكلها" :) دي من عندي

النشيد ده كان في اولى ابتدائي نفس كتاب امل وعمر لكن الترم التاني

على سيرة الاناشيد حد يفتكر نشيد الصباح ؟ هتقلي هو بلادي بلادي أقولك لأ

جت فترة بعد حرب 73 مصر غيرت النشيد في المدارس وكان خلي السلاح صاحي صاحي صاحي بتاع عبد الحليم وكانت تاخدنا الحماسة و ننخع النشيد بصوت عالي عشان تسمعنا اسرائيل وتعرف إننا قاعدين لهم فايقين ومستعدين نديهم درس تاني لكن طبعا اتلغا النشيد ده بعد معاهدة السلام ورجع تاني بلادي بلادي.

كان شراء الاختراع الجديد (علي ايامي) اللي اسمه سلاح التلميذ هو منتهى التفوق

لأ وإلا الجلاد البيج للكراسات في اول اسبوع والويل للي مايجلدش كراساته هيتلسوع

تفتكروا المصروف ؟ والقرش اللألمونياالابيض؟ وكان دايما ممسوح وكنا نصرفه ببذخ على الملبن ابوسكر او الحرنكش او الدوم أو حلوى خد الجميل أو البخت البلدي وده كان نوع بسكويت ردئ من النوع الذي يوضع فيه الايسكريم ويصنع بشكل طبق البيض وفي قاع كل خانة لحسة عسل اسود يوم مايضرب معاك الحظ تلاقي تعريفة مغموسة في قاع العسل وتبقى استرديت نص فلوسك فتتشجع وتشترى تاني يمكن تلاقى الجائزة الكبرى وهي القرش. والله ايام ضنك بس ما كناش حاسيين بالضيق والكرب اللي عايشينه دلوقتي

انا ذكرياتي قديمة شوية يمكن عشان اكبر من الجيل ده بكام سنة.

[Digital]

هيلا هيلي هيلي و هيلا هيلو

سقع و اسقيني يا فرجللو

-------------------------

اجمل من في الحفلة مين دبدوبة التخينة

اللي لابسة فستان و

فستان و جيبولا و لا مانا عارف ايه

:)

------------------------

انا انا انا ابريق الشاي

ايدي كده بوزي كده اصب الشاي و ارجع كده

و اعرف برضه يا كتاكيت احكي حواديت

البنات الصغيرين بقي يقولوا "ابري الشاي، ابريق الشاي، ابريق الشاي"

------------------------

طب فاكرين بقلظ و ماما سامية؟

انا كنت دايما بستني اشوف بقلظ بيعمل ايه غلط عشان اتعلم منه

ساعتها اظن كنت في الابتدائي

ههههههههههههههههههه

يااااااااااااه عجزنا فعلا و بقينا شباب

و علي راي احمد زكي

التربنتوخ التربنتوخ

كنا شباب و بقينا شيوخ

[الغريب]

up

up

up

up

[اغابي]

الجيل بتاعى احلى الذكريات

كانت ايام بجد

http://www.youtube.com/watch?v=71Cjk-suCpY

التوبيك جميل اوى