البحث في الموقع

أنا مش من النوع الي احب افتح مواضيع جديدة ..ولا عندي وقت اساسا ادخل علي النت بس للاسف مفيش اي موضوع بيعبر عني .وعن اي واحدة في حالتي بيكلموا كتير عننا..بس محدش سمع مننا..لان محدش بيهتم بينا كلامي ممكن يصدم ناس...وماله..اتصدموا...اعرفوا الحقيقة الي كلكم بتنكروها...زي النعامة الي دفنا راسها في الرمل.. مش مستنية موشح اخلاقي من حد...ولا نصيحة حد..وكفاية بقي تلعبوا دور القاضي والجلاد ودور الحكماء العقلاء. تبدأ الموضوع مين هي بنت التلاتين؟ هي بعيد عنكم وعن السامعين البنت الي عندها 30 سنة او فيما فوق ولسة مجوزتش هي الصداع الي دماغ عيلتها...لانها لسة مجوزتش هي الي المجتمع بيتهمها بالغرور...او المغلاه في المهور..او انها عاوزة تعيش مستقلة هي الي رجالة كتير واغلبهم مجوزين بيجروا وراها علشان يصاحبوها ..او يعملوا معاها علاقة غير شرعية هي الي اعز صديقتها بيبعدوا عنها بعد الجواز هي الي اي حد يشفها يشفق عليها ويمصمص شفايفه ويقول يا حرام مجوزتش هي الي مش بتروح افراح علشان متسمعش كلمة مواساه او شفقة او السؤال الرخم ..امتي نفرح بيكي ..او شيدي حيلك ..كأنه بايدي ...انا الي شفت رجالة كتير في قمة الوقار بيجروا ورايا..ويبقوا مهزقين انا الي سمعت الكلام كتير معسول من ناس كتير وكله كدب انا الي بقي عندي يقين ان الراجلة 70 في المية منهم خاين و 20 في المية عاوز يخون بس مش عارف انا الي الكل فكرني سهلة انا الي ناس كتير بتضغط علي مشعري اهلي والناس والمجتمع مشعري؟؟؟؟؟؟؟؟؟؟؟؟؟؟؟؟؟؟ مين بيهتم بيها؟ احتياجاتي؟؟ مين بيفكر فيها؟ انا الي مليش خصوصية يعني ايه تقفلي الباب علي نفسك بليل وانتي نايمة؟ يعني ايه تلبسي قميص نوم عريان وانتي نايمة؟ امتى احس اني بنت؟ الرغبة...الرغبة موجودة..بس ديني واخلاقي بيكبتوها لحد امتي مش عارفة يمكن للابد هل في امي مثلا او ابويا صرحوا نفسهم اني عندي رغبة؟ هل حلال اني اشوف اجمل ايام عمري وانا وحيدة؟ لو كنت مسيحية كنت اترهبنت ..بس انا مسلمة عادي كله منفض محدش عاوز يفكر الامومة نفسي اكون ام.. هل ينفع مثلا اروح اتبني طفل؟ مش هينفع الناس هتقول ايه الاستقلال...نفسي يكون ليا بيتي...حريتي في بيتي البس زي ما احب. اقلع زي ما احب بيتي علي زوقي..وانا الي ارتبه الزوج..نفسي يكون ليا راجل بتاعي انا...ملكي انا اعيش معاه قمة انوثتي..وهو يعيش معيا رجولته انا الي نفسي ادفن نفسي في حضنه..واحس بالامان معاه انا الي بخاف موت الاب او الاخ علشان مش هيبقي ليا سند انا الي لازم اظهر قوية قدام الجميع علشان محدش يطمع فيا انا الي لازم اقفش علي اي حد يتفرب ليا ...لانه ممكن عاوز يلعب بيا انا مش منحرفة...انا طول عمري ما كلمت ولد..لا في المدرسة ولا في الجامعة..وفي الشغل في اطار الشغل طزل عمر امي تقولي اوعي تكلمي ولد اوعي تخرجي مع ولد..اوعي واوعي سمعت الكلام لحد ما جه اليوم وبقت امي تقولي اخرجي واتعرفي علي الناس...انتي حابسة نفسك ليه دلوقتي الكل بيقولي شيدي حيلك وهاتي عريس .... عارفين نهلة..مين نهلة؟؟ زميلة في الشغل..كانت مخطوبة لواحد وبتظبط واحد تاني..ولما طبظته سابت خاطبها واتخطبت للتاني...ونادية وريهام عملوا تفس الحكاية بنات شاطرة مش خايبة زي حالاتي طيب عارفين امل؟ امل كانت مصاحبة عمر ولما حست ان عمر مش بتاع جواز راحت لصديقه واتعرفت عليه واتجوزته..البنت مخدرجتش من الشركة فاضية شاطرة طيب ورانيا..لا دي بقي حكايتها حكاية..فضلت راسمة علي المدير..ليل نهار قاعدة في مكتبة نحنحة ودلع ومياصة لحد ما جابته هي المبدأ الي مودية الواحد في داهية كلمة اخيرة لاي زوجة ..احمدي ربنا بجد انتي في نعمة...قربي من جوزك واحتويه..علشان تكسبيه وعلشان ميخرجش يلعب بديله برة ويرمي بلاه علي الي زيي احمدي ربنا علي نعمة بيتك وولادك ورجلك للمجتمع..ارحمونا وسيبونا في حالنا لأمي..يا ماما لو كنت علمتيني ابقي زي البنات التانية كان زماني متجوزة