se_ Elsyed بتاريخ: 17 فبراير 2004 تقديم بلاغ مشاركة بتاريخ: 17 فبراير 2004 ذهبت بالأمس إلى طبيب العظام لإجراء اخر كشف حيث كنت اعاني من ألم في ركبتي من جراء الحادث وعملت بعض التحاليل والنتيجة كانت طيبة و أثبتت عدم وجود إلتهابات والحمد لله ... - المهم قررت بالمره إني أحود على دكتور الأسنان لإحساسي بألم في بعض الضروس خاصة عند أكل أي حلويات أو مثلجات ... فنظر الطبيب إلى أسناني وقال لي يابني إنت عندك " سحل " قلت له إزاي ده انا لسه ماروحتش مصر وبعدين انا في حالي ماليش دعوة بالسياسة ولا الحكومة ... يبقى هاتسحل إزاي ؟ ، فقال لي يا زلمة انا قصدي بالسحل إن أسنانك بتتأكل لوحدها مع مرور الزمن حاجة كده خلقة ربنا مش السحل بتاع الأنظمة العربية... قولت له إزاي ؟ يعني ممكن في يوم أصحى والأقي بوئي فاضي من غير سنان .. فقال لي ممكن بس قدام شوية .. فسألته طب وأيه السبب يا عمنا ، فقال لي إن ده سببه الرئيسي العصبية والإنفعال الزائد.. وسألني إنت شغال أيه ؟ فقلت له حلاق .. فقالي لي غريبه مع إن الحلاقين يتميزوا بالتلامه والبرود فقلت له لأ ما هي الحلاقة دي هواية أما شغلتي الحقيقة فهي مدير موارد بشرية ... قال لي وطبعاً بتتعصب طول اليوم وبتجز على أسنانك طول اليوم فسنانك بتتأكل .. فقلت له شفت بأه انا كان عندي حق لما قولت لك إني حلاق في الأول لأن فيه علاقة بين الحلاقة ويبن الموارد البشرية فكلاهما " يجز " ... و قلت له وبعدين يا دكتور أيه في حياتنا اليومين دول ما يخليش الواحد عصبي ويشد في شعره وممكن يصل به الأمر إلى أنه ياكل مشابك الغسيل ، فحكومة غراب الخراب - مع الإعتذار لعمنا أخناتون - خربوا الدنيا في مصر والإقتصاد تدمر والقطاع العام إتباع والعيش والعيشة واللي عايشينها بقت مرار ... فالرجل قال لي بس بس يا زلمة ماتوقعناش في الغلط انا سوري وماليش دعوة بالحاجات دي وبعدين الأدفايزر قال لنا مالكمش دعوة بالناس التانيين وكل واحد يخليه في حاله فأستغربت وقلت له أيه ده هو انتوا كمان عندكم أدفايزر ؟ قال لي أيوه يابني أومال بنشتغل جهجهوني كده ... فقلت له طب شوفلي حل لمشكلة التآكل ولا التصحر اللي عندي دي ، فقال لي الحل أنا نركب لك " عضاضة " فقلت له دي بسيطة الواد علي إبني ما شاء الله 5 شهور دلوقت عنده واحده ممكن أستلفها منه ... بس هايبقى شكلي بايخ وأنا رايح وجاي وفي بوئي عضاضة ...الناس هايقولوا الجدع أتسخط ياولاد ورجع لمرحلة الرضاعة تاني .. فقال لي يابني ماتبقاش متسرع العضاضة دي حاجة شفافة كده بتبقى عامله زي طقم الأسنان بنفصلها لك على مقاس أسنانك وتفضل لابسها على طول وماتخلعهاش إلا لما تيجي تأكل بس وهاتحتاج كام جلسه كده علشان نظبط الأسنان الأول ونرفع المقاسات ... فقلت له إتكل على الله ونفذ ... وأضاف إن من أسباب السحل اللي حصل لي برضوا هو إني خالع ضروس من زمان فقلت له ده فعلاً حصل وأنا في أولى كلية وساعتها بكيت بين يدي الدكتور علشان يشوفلي حل غير الخلع ولكن لا حياة لمن تنادي وكأنه ما درسش في كلية الطب غير الخلع بس وماكنش عندهم حاجة أسمها حشو ولا لف ولا أي حاجة من دي ، فالضرسين اللي أتخلعوا عملوا خلخلة في ترابط الأسنان مع بعض ، لكن سبحان الله يشاء السميع العليم أن فيه ضرس يطلع لي مكان واحد من اللي اتخلعوا وكان عندي 21 سنة حتى نسيت أبلغ بتوع موسوعة جنز ريكورد .... المهم اتحكم علي في النهاية أكون " مسحول " وعلى رأي الشاعر اللي قال .. إللي ماتسحلوش الحكومة يسحله دكاترة الأسنان .... وعجبي س س مشرف مسحول الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Byte بتاريخ: 17 فبراير 2004 تقديم بلاغ مشاركة بتاريخ: 17 فبراير 2004 اسأله عن السعر الاول ، الماوس جارد كلفنى 400 دولار، ممكن فى مصر يقف عليك ب 10 جنيه ومشط كبريت وتوفر لنفسك ريالات صعبة :rolleyes: لا إله إلا أنت سبحانك إني كنت من الظالمين لا إله إلا الله وحده لا شريك له، له الملك وله الحمد وهو على كل شيء قدير رابط هذا التعليق شارك المزيد من خيارات المشاركة
se_ Elsyed بتاريخ: 17 فبراير 2004 كاتب الموضوع تقديم بلاغ مشاركة بتاريخ: 17 فبراير 2004 اسأله عن السعر الاول ، الماوس جارد كلفنى 400 دولار، ممكن فى مصر يقف عليك ب 10 جنيه ومشط كبريت وتوفر لنفسك ريالات صعبة :rolleyes: هايتكلف حوالي 100 دولار ... بس قول لي يابايت الله يكرمك .... الماوس جارد ده أيه حاجة كده زي مصيدة الفيران ولا أيه ؟ وبعدين مش مهم الفلوس .. أهم حاجة هايضيق الواحد ويخلي عيشته مرار ولا هاتعود على وجوده في الفم ويبقى عادي ؟ أفيدني الله يكرمك أحسن عندي جلسه النهاردة... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Byte بتاريخ: 17 فبراير 2004 تقديم بلاغ مشاركة بتاريخ: 17 فبراير 2004 (معدل) هو بيكون عامل زى اللى بيلبسوه الملاكمين ولكن ارق، شفاف او شبه شفاف(لأن البكتريا تزيد فى العتمة)، واما مصنوع من البلاستيك الطري او الصلب، وبدل ما تجز على سنانك وانت نايم، بتجز عليه (بتلبسه وانت نايم بس) ، ولو مش مريحك سيبك منه، دكاترة الأسنان مختلفين فى فائدته! وبعدين هى جت عالسنان يعنى، بعد فترة معينة العربية بتفتح بقها :rolleyes: تم تعديل 17 فبراير 2004 بواسطة Byte لا إله إلا أنت سبحانك إني كنت من الظالمين لا إله إلا الله وحده لا شريك له، له الملك وله الحمد وهو على كل شيء قدير رابط هذا التعليق شارك المزيد من خيارات المشاركة
فــيــروز بتاريخ: 17 فبراير 2004 تقديم بلاغ مشاركة بتاريخ: 17 فبراير 2004 (معدل) يا حرام يا س.س. :) مش كان بدرى عليك الهم ده :) على العموم انا باقول ان ده ذنب الواد عمر اللى حلقت له بالاكراه عشان هو مش مقتنع بمواهبك الشعريه "المتعلقه بالشعر يعنى" :) المهم .. هى ايه الاعراض بالظبط من فضلك بقى :rolleyes: اصل موضوع الالم فى الاسنان عند اكل المثلجات ده شائع عند ناس كتير cbyb: فهل فيه اعراض اخرى الله يعمر بيتك ويحافظ لك على سنانك؟ :) تم تعديل 17 فبراير 2004 بواسطة فــيــروز "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Salwa بتاريخ: 17 فبراير 2004 تقديم بلاغ مشاركة بتاريخ: 17 فبراير 2004 ايه ده ؟؟؟ خلخلة ...ادفايزر....سحل ...انظمة ..........خلع ../ بضم الخاء ..؟؟/.ده فيلم رعب. العضاضة دى فعلا توضع فقط وقت النوم .....وهنا سعرها ايضا 100 يورو ... وليه العصبية دى ؟؟؟.....ليه دايما تكون فى حالة قلق ؟؟؟ كل ما تفعله فى خلال النهار ...تأثيره يظهر فى الليل ..... تضغط على اسنانك ...تفز فى نومك ....كوابيس .....طيب ليه ؟؟؟ هل فيه شئ يستحق كل ده ؟؟؟ الحمدلله انك بخير ........وشكرا على جرعة الضحك دى .......هو ده العلاج لكل شئ .. سلامى .. (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
se_ Elsyed بتاريخ: 9 مارس 2004 كاتب الموضوع تقديم بلاغ مشاركة بتاريخ: 9 مارس 2004 جئت لأزف لكم الخبر السعيد وهو إني إستلمت العضاضة امبارح ( تقريباً الساعة 9 بالليل ) وكنت عايز أقول حاجة واحده بس ( من غيظي ) : - الله يسامح اللي عمل البتاعة دي قبل كده ومانصحنيش . - والله يسامح اللي هايعملها ومايسشرنيش . الإختراع ده مقرف للغاية وحاولت أجربه حسيت إني حاطط لجام في فمي ... وأنا أُفضل بأن أكون مطلق السراح بحرية ومسحول ..على أن اكون مركب لجام ومش مسحول ... وكرباج ورا يا أسطى عشان الناس اللي متشعبطة ... راحت عليك الـ 100 دولار يا س س ، مش حرام يا جدعان الفلوس اللي بتتبعزق دي ، ده واحده موظفة غلبانة زي فيروز بتشقى وتتعب طول الشهر ومابتاخدش نصهم .... ( صحيح حظـــــــــــــــوظ ) سمعني يا عم حاجة حزايني ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
maksoof بتاريخ: 9 مارس 2004 تقديم بلاغ مشاركة بتاريخ: 9 مارس 2004 شوف بقى يا س س : إنت سعادتك تشوى خروف كل يوم و قبل ما تنام تاخد حتة لحمة مشوية تمضغ فيها و تأجر لك ممرضة أسنان تقعد جنب السرير عشان كل ما تبلع اللحمة تلقمك حتة تانية و إنت نايم و أهه منه عضاضة و منه غذاء و ما تقلش لعدوك على الوصفة دى :huh: م "و من يتق الله يجعل له مخرجا" صدق الله العظيم اللهم إنى أستغفرك من كل ذنب تبت اليك منه ثم عدت فيه اللهم إنى أستغفرك من كل عقد عقدته لك ثم لم أوف لك به اللهم إنى أستغفرك من كل نعمة أنعمت بها على فقويت بها على معصيتك اللهم إنى أستغفرك من كل عمل عملته لوجهك خالطه ما ليس لك رابط هذا التعليق شارك المزيد من خيارات المشاركة
فــيــروز بتاريخ: 9 مارس 2004 تقديم بلاغ مشاركة بتاريخ: 9 مارس 2004 ده واحده موظفة غلبانة زي فيروز بتشقى وتتعب طول الشهر ومابتاخدش نصهم .... ( صحيح حظـــــــــــــــوظ ) ممكن طيب آخد ربعهم مش هاقول لأ :huh: "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
se_ Elsyed بتاريخ: 11 مارس 2004 كاتب الموضوع تقديم بلاغ مشاركة بتاريخ: 11 مارس 2004 إنت سعادتك تشوى خروف كل يوم و قبل ما تنام تاخد حتة لحمة مشوية تمضغ فيها و تأجر لك ممرضة أسنان تقعد جنب السرير عشان كل ما تبلع اللحمة تلقمك حتة تانية و إنت نايمو أهه منه عضاضة و منه غذاء و ما تقلش لعدوك على الوصفة دى ما هي مش كل حاجة الواحد بيتمناها ممكن ينفذها يا عم مكسوف .. لأن هناك ضغوط وعوامل خارجية تؤثر على قرار الإنسان ... ما انت متجوز وعارف ... بس كان نفسي أكتب نهاية مفرحة للقصة .. زي مثلاً إن البطل يتجوز الممرضة فبي أخر الفيلم فيبقى كده هايلاقي حد ياخد باله من اسنانه ... أو نهاية تانية مفرحة برضوا : وهي ان المعجزة تحصل وسنانة تنبت تاني بعد ان بلغ من العمر أرذلة وبكده يبقى وفر مصاريف الجوازة ويا دار ما دخلك شر .... دي بقى ميزة الأفكار الأدبية الغزيرة وهي أنك تجد لديك القدرة على وضع نهايات مختلفة لنفس القصة ونفس الأحداث .... س س أديب ودكتور سنان الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان