اذهب إلى المحتوى
محاورات المصريين

بين رمسيس وغلابة قطار قليوب يا قلبى لا تحزن!!!!


أحمد عزت

Recommended Posts

بسم الله الرحمن الرحيم:

سلام عليكم أخوتى أنا احمد عضو جديد فى المنتدى وأنا حاصل على ليسانس فى كلية الحقوق

وعاطل عن العمل mfb: وسعيد جدا" بوجودى معاكم وحاسس أنى حلاقى كل خير فى هذا المنتدى

وسأفتتح مجمل مقالاتى فى هذا المنتدى بخبر بسيط الا وهو نقل تمثال رمسيس التانى!!!!!

بلد حسبى الله ونعم الوكيل فى اللى بيحكمها !!!!جتت الناس لسة ما بردتش

من حادثة القطار الذى راح ضحيتها فوق السبعين قتيلا ده حسب ما بيقولوا!!!!!!

الله اعلم أصل الانسان فى البلد دي مالهوش تمن وسمعت والعهدة على الراوى

أن لو لقوا رجل أو أيد واقعة ما بيحسبوهاش من ضمن الجتت هما بيحسبوها

بالجتة كاملة لكن الأيدين والرجلين لو ما لقوش ليها صاحب ما بتتعدش

من ضمن الجتت!!!!!!!

كل ده وطبعا" ما فيش تعويض ما هى العين بصيرة

والأيد قصيرة مع الفقرا وأموات الفقرا........

ديه تعويضات قطر الصعيد اللى اتحرقت فيه الناس

وهى جواه فلوسهم لسة ما أتصرفتش!!!!!

ماعلينا من ده كلوا سيبونا من الهبل والناس الفقرا........

وتعالوا نتكلم عن حدث فريد عجيب غريب ألا.......

وهو نقل تمثال رمسيس التانى يا سلاااااااااااااااااام

رمسيس التانى هذا الملك الهمام صاحب الانجازات

التاريخية المزيفة واللى ملى مصر بمعابد وجدران

ونقوش تتحدث عن بطولاته المزيفة ما هو طبعا"

راجل متجوز 67 ست ومخلف 92 عيل ووحكم

مصر بعدد زوجاته يعنى كل سنة فى حكم مصر

بجواز ة جديدة و25 عيل كل 9 شهور!!!!!!

حيجيب منين انجازات وبطولات بالعقل كدة!!!!

كان اكيد طاغية كبير جدا" و بدليل

العدد المهول من التماثيل

اللى عملها ورماها فى كل حتة

علشان يفكر أحفادة بانه كان موجود

يعنى حتى بعد موتة عايزنا نفضل

فاكرينه ده حتى أتسمى ميدان......

بأسمه ده باين عليه كان راجل

غتيت جدا" وتلم وبارد وعايز.... ولا بلاش

لا ييجى يقوم من تحنيطه ويطالب أحفادة

بأعتقالى بتهمة العيب فى الذات الملكية

ما هو غتت ومش بعيد يعملها!!!!!!

ما علينا ماهى مصر مليانة

فراعنة كتييير وموجودين لغاية

دلوقتى!!!!!!!

المهم اللى غايظنى فى ده كله

عارفين مين الشعب المصرى!!!!

أنا مش غايظنى المصاريف المتلتلة

الى اتصرفت علشان صنم حيتنقل

من مكانة!!!! ولا غايظنى مذيعى

التليفزيون اللى كنت قربت يجيللى

منهم ذبحة صدرية وأنهيار فى الترقوة

وعفرة فى القلب !!!!!!

أنا كل اللى غايظنى البنى أدمين اللى راحوا

بالأعداد الرهيبة ديه علشان يتفرجوا على أغتت

وأتنبل ملوك مصر على مر التاريخ الانسانى

القديم والحديث والى جاى واللى مش جاى!!!!!

بالله عليكم رايحين لمين ورايحين تتفرجوا على أيه!!!!!!

وحأقتبس جملة قالها الكاتب مجدى مهنا فى المصرى اليوم

أيه الهبل ده بجد ايههههههههه الهبل ده ........

أحمد ؛

ملحوظة : هذا الملك هو والد الملك مرينبتاح وهو من المتهمين

الأوائل بانه( فرعون موسى ) .......

تم تعديل بواسطة أحمد عزت
رابط هذا التعليق
شارك

مرحبا بك يا متر .. بقالك كام سنه على أرصفة القاهرة..؟؟ تعرف يا استاذ احمد .. الحكومة بتاعتنا .. بترعى فقط اللى يقف فى ميدان .. وآدى أنت شفت .. بعد عشرات السنين .. إعتمدوا لرمسيس 60 مليون جنيه .. يفتحوا دول كام بيت للشباب الطامحين ؟؟العاطلين ..؟؟ ونقلوه عشان يشم هوابعيدا عن رائحة البنى آدمين ..ونظرات الحاسدين .. تفتكر حيصرفوا على شبابا اللىوقفوا على النواصى سنين كام ؟؟

ياريت تفكر ..وتشغل نفسك .. وترفع لن قضية على الوزير الفنان وتعرف لنا كم صرف من ميزانيةالدوله علىمثل هذه الافكار الجنان؟؟ دا لسه.. نقل مراكب الشمس .. اللىحينقلها فى الضل .. عشان فراعنةمصر لما حطوها زمان أمام الاهرامات بجوار باب المعبد الكبير .. كانوا مساطيل .. وبكره لما الفلوس تكتر .. حينقل الهرم الاصغر بجوار المتحف الجديد ..وصدق المثل القائل .." أقرع ونزهى"..

ورغم أن البلد فى حاجة لكل قرش للتغلب على عزائيل اللى نازل خطف فى ارواح الموا طنين .. أونقل الوزارات وتخفيف الضغط على كل المرافق داخل العاصمه .. اوحتى بناء مستشفى أومدرسة بدل فتح باب التبرعات لبناء مستشفى للأطفال .. أوتعيين الكام ألف خريج العاطلين من الحقوقيين ..لإزاحة جبل القضايا اللى عدى عددها الملايين ..والقاضى يستعرض فى الجلسة الواحده من خمسين الى سبعين قضية.. يحكم فيها ازاى .. ونظرا لأنه له مكافأه إذا توصل الى حكم يزيح الملف من امام قضاة المحاكم..حولوا نص هذا الجبل الى الخبراء .. وياليتهم خبراء ..يجمعون بين الحرفة والقانون ..ويفيدوا القاضى والمتخاصمين .. ولكنهم كلهم فى القانون لا يفقهون؟؟ لواستعانت وزارة العدل با مثالك من خريجى كليات الحقوق ولو بمكافأة شهرية وبلاش تعيين .. لمساعدة القضاة والخبراء فى البت النهائى فى القضايا .. بحيث يشعر المواطن أن العداله فى المحروسةعلى قيدالحياة.. سار الكل فى الطريق الصحيح ..مش كده ولا إيه..

تم تعديل بواسطة achnaton

كلمات حق وصيحة فى واد .. إن ذهبت اليوم مع الريح ، فقد تذهب غدا بالأوتاد ..

ليس كل من مسك المزمار زمار .. وليس كل من يستمع لتصريحات الحكومة الوردية ..حمار

ويا خسارة يامصر .. بأحبك حب يعصر القلب عصر

رابط هذا التعليق
شارك

أولا": شكرا" لك يا سيد اخناتون على المشاركة و الترحيب.........

وثانيا": منذ حوالى الثلاث سنوات وأنا أعيش فى جحيم البحث عن عمل!!!

أبحث عن ما يرضى طموحى وأخلاقى فلم أجد ,نعم لقد حاولت.....

فى بعض الأعمال وسافرت الى بعض الدول ولكن........

دائما" ما ينتهى بى مصيرى نهاية مأساوية وأرجع بخفى حنين!!!!!

ولكن سأظل أبحث و أبحث فلابد أن يبقى الأمل .......

حتى ولو حان الأجل !!!!!!!!!

نرجع لموضوعنا سيد اخناتون أنا مش معترض

على اللى عملته الحكومة لأنى متعود عليها ......

وعلى تصرفاتها وعلى تصدرها لقائمة أكثر حكومات

العالم تفاهة وسطحية على سطح هذه الكرة الأرضية!!!!!!!

فلدى ما يكفينى من المناعة ضد سياساتها الخرقاء

بقيادة أبى الهول !!!!!!

ولكن ما يحزننى حقا" التصرف الشعبى البغيض

واحتفال البسطاء والفقراء (المكويين بنار الغلاء)

بحدث تبذر فيه الحكومة أموال الدوله(6ملايين جنيه)

وتنهبه من قوت يوم هولاء الغلابة فيكافئهم الغلابة بالاحتفال

بهذا بالتبذير كالذى يكافئ اللص المتهم بسرقة منزله بمشاركة

هذا اللص بالاحتفال بهذه المناسبة !!!! أى خنوع وسطحية هذه....

فهل هذا شعب قادر على التغيير ؟؟؟فهل هذا شعب

قادر على انتزاع حريته من براثن فرعون وكهنته !!!

شعب يهلل لملك مات وهو طاغية منذ ألاف السنين

فكيف سيثور على من يحيا معه مجرد تساؤل ؟؟؟؟

ولعل يحضرنى مقالة كتبت فى جريدة العربى .........

وقرأتها صباح اليوم وأعتبرها من أفضل و ...

أطرف ما قرأت من تعليقات وهى بعنوان:

الجنازة حارة والميت.... تمثال!!!!!

بالفعل الجنازة حارة والميت مجرد صنم لا ينفع ولا يضر........

ولعله أضر بالشعب المصرى وزور التاريخ وأدعى الفروسية

وصرفت عليه الأموال وبذرت حتى بعد موته بألاف السنين !!!

تماما" مثل من يحكموننا منذ عشرات السنين!!!!!!

ولك الله يا مصر فلا حكام لديك

ولا محكومين!!!!!

رابط هذا التعليق
شارك

اهلا بك سيد/ احمدعزت ..بيننا...

ارجو ان تروق لك الاقامة بيننا ...

كلمتك الاولى فى المحاورات كانت عبارة عن سياط ...مؤلمة جدا ..

هل حقا حدث هذا فى عدهم لجثث القتلى ؟؟

هل كانوا يتركون الايدى والارجل ؟؟

الا يكفيهم الاستهتار الذى قابلوا به هذه المأساة ؟؟...وكيف لى ان اعجب ؟؟

اليوم رأيت ان الابن الفاضل /شريف عبد الوهاب ...جمع بعض المواضيع فى فهارس المحاورات عبارة عن ...مأسى ..

يظهر مفيش فايدة ...

كل مرة نقول حايتعلموا الدرس المرة الجاية ....

والمرة الجاية نقول المرة الجاية ...وكل مرة نقول المرة الجاية ...

والمرة الجاية مبتجيش ابداا بالنسبة لهم ..

وهاهو اخونا الفاضل اخناتون ..يقول ان ( الطفل المعجزة ) ....عاوز ينقل مراكب الشمس ..

ولما بنقول انها عزبة واتقسمت ........بيزعلوا منى ...

المخلوقات هى اغلى من وما على الأرض .....وخصوصا الانسان .

هذه حقيقة يعرفها اى عاقل ...........الا (عقلاء بلدنا) ..

يعاملوا الانسان على ارضه ( الانسان المصرى بالذات حيا وميتا ) وكأنه وباء يجب التخلص منه...

اليوم رأيت برنامج عن اختيار الفتاة التى تمثل ..الفتاة العربية ..( رأيت مقتطفات فقط )..

طبعا مهرجان اقيم فى ( مدينة السلام ) فى شرم الشيخ....ورأيت ( صاحبة الفكرة )...وتأكدت ان البلد ماشية فى طريق الانهيار التام ...من انحدار.........لانحدار ..

البلد اصبحت منشأة ...مجرد منشأة .....شركة استثمارية ...وشوية مستثمرين ...اللى عنده اسهم كتيررررر واللى عنده شوية ....

والباقى ؟؟

بكرة يسألوهم ..امال فين الشعب ؟؟؟ ويردوا يقولوا ......ذهب مع الريح....الشعب راح نتيجة زلزال وحوادث طرق وقطارات وعبارات وطيارات .......والباقى مات من القهر ...

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

شكرا" لكى أخت سلوى على الترحيب والمشاركة الثرية

سأقتبس منك هذه الجملة وأسألك :

ولما بنقول انها عزبة واتقسمت ........بيزعلوا منى ...

هما مين دول اللى بيزعلوا منك؟؟؟؟ :huh: :o

وجزاك الله خيرا".......

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...