shahd بتاريخ: 15 يونيو 2006 تقديم بلاغ مشاركة بتاريخ: 15 يونيو 2006 (معدل) ممدوح والـــــــ لحلوح المكان: بيت ممدوح في اوضة نومه هدوم متبعترة في كل حته والنظيف ويا الوسخ الموكيت مليان طين من جزمة ممدوح وقشر البصل على السرير وريحة الثوم بتفوح من الملايه الزمان : الساعة السادسة صباحا: تصحا نكديه في الصبح بدري مكشرة وحواجبها مخاصمين بعض وتعض ممدوح في ودنه , يقوم ممدوح مفزوع ويزعق لحد مالوزة تطلع ممدوح: ايييييييييييي صباح الخير يا نكوووووودتي نكديه: صباح القرف تهجم نكديه بأيدها المتلغوصة من غدا امبارح على الدولاب البلاستك المليان بهدوم وجزم كلة متلخبط مع بعضه وتطلع لممدوح هدوم يلبسها اشي جاكت احمر ملطخ بعصير منجا معفن على قميص اصفر زرايره بتغني ظلموه و بنطلون اخضر من غير ركبه وجزمة برتقالي بخطوط رمادي ورباط كحلي مهري وجوز شرابات كل فردة لون , وترميها في وش ممدوح نكديه بوشها الفقري خد الهي يهري جتتك ممدوح : وإياكم يا نكد كد تخرج نكديه من الأوضة وتروح تحضر الفطار نكديه: اطفح السم الهاري ممدوح ببتسامته العبيطه : تسلم الأيادي يا نكد عمري مائدة الأفطار : بيض فاسد , فول مسوس , شاي بارد متخمر, عيش ناشف والسفرة حالتها بالبلا ,يقعد ممدوح وعياله الثلاثه معفنه وجربان ومنتن على السفرة ونكديه في المطبخ وطبعا حضرت لنفسها مالذ وطاب وابتدت تاكل كأنها بتاكل ف اخر زادها وعماله تحط ايديها على بقها وتمسحها في هدومها وترجع تلعب في مناخيرها. الكل خلص اكل , قام ممدوح من غير ما يغسل ايده و مسحها على السفرة القماش وولاده وراه ركب ممدوح عربيته المهكعه... ابواب مخلوعه والسقف المكسور والزبالة مرطرطه على الدواسه والي كان المفروض يرميها الشهر الي فات بس العشرة ما تهونش المكان: عمل ممدوح( الساعه الثامنة صباحا) وصل ممدوح لشغله ورمى الورق على درج المكتب ,والمكتب مترب ومحطوط عليه فنجان شاي والدبان متربع عليه وعاملين عزومه على ساندوكتش الجبنة الأثري يطلع ممدوح لمكتب المدير ويستأذن منه عشان يخرج لمدة ساعه. ويسمحله المدير وهو حاطط اديه على مناخيره من ريحة جزمة ممدوح قال يعني هو الي نظيف قوي ياخييييي المكان في شارع رئيسئ( الساعه التاسعة والنصف) الشوارع زحمة واشارة المرور عطلانه عسكري المرور بيتخانق مع دبان وشه واول ماشاف ممدوح وسعله السكه والكل فلسع من السكه ونفد بجلده قبل ما ينوبه من الحب جانب يوصل القسم ( الساعة الحادية عشرة) المبنى : اكتر من دور وفي الساحة ناس كثير الي ماسك ملف والي واقف على البوابه يعرض خدماته و صاحب المجلات بيشاور ان حد يعبره ويشتري مجله تقلش السقافة مقطعه بعضها !!, و بتاع الحلويات يهش الدبان المتسلطن على الحلويات ,ويجي عيل ويخطف حته فتلزق دبانه في بقه فيروح شايلها ويكمل هبر و ممدوح عمال يتفرج وهو بيلعب في مناخيره ويمسحه في الجاكته , ويقلب النظارة فوق وتحت ورقبته رايحه جايه يمين وشمال وفي وسط الهليلة يجي واحد ويوقف ممدوح: اسمي مفجوع القنوع.. أي خدمة ؟؟ ممدوح وصوابعه جوا بقه وبيطلع بواقي الأكل الي لازقة في سنانه هو مافيش خله ياجدعاااااان ممدوح: بطاقة شهيه...... قصدي شخصيه مفجوع : هات ورقك ممدوح: حتعمل بيه ايه مفجوع: حعملك منه قراطيس لب ممدوح: اهااااااا بجد؟؟ مفجوع: يا ساتر على العبط حطلع لك بطاقة طبعا ممدوح:ميييييييييين انت ؟؟ مفجوع: لا الزبال ممدوح: وايش عرفك اني ما رميتش الزبالة بقالي شهر ؟؟؟؟؟؟؟؟ ياخد مفجوع من ممدوح الورق وهو بيشده من الكرافته زي خروف في ليلة خرجته ممدوح طالعه عينه ونفسه مكروش ممدوح: هه هه هه ينوبك ثواب خليني اريح بس عـ، الكرسي مفجوع: ده ايه المقرف ده يعععععععع ممدوح: ياعم انا جالي كساح من كتر المشي .. حستناك لما تخلص مفجوع :حضر لي لحلوحه عشان شغلك يبقى في التمام ممدوح: وتطلع ايه لحلوحتك دي ؟؟؟ مفجوع يسيب ممدوح ويمشي يرجع بعد فترة يلاقي ممدوح نايم وبيشخر على كرسي في وسط المبنى , يقرب منه مفجوع ويعضه لحد ما حتت لحمه تطلع في بقه ممدوح: اييييييي نكدييييييييه مفجوع بصوت متنرفز : الهي ينكد ايامك ... هات لحاليحي وخذ بطاقتك ممدوح: واجيبهالك منين دي ؟؟ ؟؟؟ هيا حاجة بتتاكل مفجوع: عععععععععععععع ممدوح: طيب طيب حطلب من المودام تعملك جردل لحاليح وساعتها يطبق مفجوع على رقبة ممدوح ممدوح بيترعش ويبصله بنظرة استعطاف ويطلع من جيبه حتة شيكولاتايه باينلها كانت في جيبه من عيد الكبير للسنة الي قبل الي فاتت ممدوح: اتفضل الذ لحلوحه لأبو المفاجيع حاجة كده مستوررررررد يقطع مفجوع بطاقة ممدوح ويرميها في وشه ويرفعه من ياقة القميص ويلزقه في الحيطه ويحط ايده في جيبه وكل الي يطلع بيه قشر لب و سوداني فيروح شايطه زي الكورة لحد ما يوصل لبره المبنى فيخبط في واحد طويلللللللللل عريض ( حيطه متحركة ياجدعااااااان) ممدوح: لامؤاخذة ياسعادة دولاب بيه يرد عليه الراجل وهو شايلة بصباعه الصغير ورافعه لفووووق دولاب بيه !!!!!!! انا دولاب ياربع ضرفة ممدوح: معلش الي ما يعرفك يجهلك .. تشرفنا يااااااا سعادة الباشا البرج المايل ععععععععععععععععع: ما تحترم نفسك انا اسمي غضبان القرفان يااااااااض ممدوح : انعم واكرم عاشت الأسامي يا جربان باشا غضبان القرفان: بقلك غضبان القرفان انت غبي يااااااااض ممدوح: حقك عليا يا باشا ابوس قرعتك نزلني غضبان: مش قبل ما تقلي انت جاي هنا ليه وعايز ايييه هاااااااا ممدوح : كنت عايز اتنيل على عيني اطلع بطاقة .. بس خلاص توبة مش عايز ... مالها بطاقة التموين يعني ؟؟؟ غضبان: مش تقول كده من الأول .. تعالى طلبك عندي ممدوح متنح ويبص لقرفان بندهاش غضبان القرفان: بتبصلي كده ليه زي ما تكون لدغتك عقربه ويشيله هيلا بيله ويرجعه المكتب ممدوح: يادي الحوسة انا عايزة اروح تعاليلي يا نكدييييييييه غضبان: بتقول ايه؟؟؟ اياك تكون بتشتمني هااااااااا ممدوح: ليه هو انا مستغني حد يشتم ميتروا الأنفاق ياناااااس غضبان: بس بلاش كتر كلام اترزع هنا لحد ما اخلصلك ورقك حاكم لو شافوك مش حتاخدها في يومك الأغبر ده ويرجع غضبان وممدوح مستنيه غضبان: يلا طلع بنت الملحلح البطاقة معايا اهيه ممدوح: بنت مين لا يا عم انا ماعنديش بنات الملاحيح كل الي عندي جربان ومعفنه ومنتن ........ غضبان: انت عبيط و لابتستعبط وانا اعمل ايه بالعيله الهرش دي بقلك طلع بنت الملحلح تلاقي بطاقتك عندك ممدوح: خلاص يا عدمان بيه تحت امرك بكره يكون عندك احلى عيش مرحرح بس فين البطاقة اشوفهاااا ينوبك ثواب غضبان: انت باين عليك حتسوق الهبل على الشيطنه ولا حتشم ريحتها قبل ما تتلحلح تطلع الملحلح ممدوح: هو انا حلاقيها منين ولا منين واحد يقلي لحلوحه والتاني بنت الملحلح هو انا وقعت في ناس مساطيل ياهوووووو غضبان: بتبرطم تقول ايه ؟؟؟ ممدوح : بقول الهي يعمر بيتك انا مش عايز زفت سبني اروح غضبان: هو دخول الحمام زي خروجه بعد ما طلعت عيني عشان اطعلك البطاقة تقلي مش عايز ععععععععععععععععع ويمسك غضبان ممدوح وفين يوجعك وفي وسط الخناقة توصل عربية البكس الضابط: في ايه يا غضبان؟؟ غضبان: الراجل ده بيتهجم عليا اثناء تأدية عملي ممدوح: أأأأأأأأأأأا لا والله العظيم يا سعادة الباشا ده هو الييييي الضابط: ما تكلمش الا لما اسألك ممدوح: امرك يا باشا بسسسس الضابط: بقلك اخرس خدوه ممدوح : تاخدوني فين ؟؟ حتطلعولي بطاقة هيييييييييه الضابط: انت حتستعبط انجر قدامي يامتسول ممدوح: متتتتت ايييييييه ... بقى كل القيافة دي ومتسوووووووووول تعاليلي ياااااااااانكدووووووووتي الحقوني يانااااااس ويفضل ممدوح يزعق . ان حد يعبره ابداااااا ويتحط جوا البوكس زي شوال رز مسوس ويوصل للقسم المكان قسم الشرطه:المأمور: ايه الي جاب كوم الزبالة ده هنا؟؟ ياعسكري العسكري: ده متاخد تحري سيادتك ممدوح: مش كنت متسول بقيت تحري بركاتك قرفاااااان المأمور: اخرس لأحبسك شهر ممدوح: وعلى ايه ححط البلغه في بقي واسكت المأمور: اسمك وسنك وعنوانك وكنت فين ساعة ما البنك اتسرق وهربت الفلوس لفين؟؟؟ ممدوح: فلوس ايه بس سعاتك هو ده وش حد معاه مليم احمر؟؟ العسكري: اتكلم عدل مع الباشا طاااااااااااخ الضابط: تعالى وقع على اقوالك ممدوح : هو انا نطقت العسكري: طااااااااااخ ممدوح: امرك يا باشاااااااا ويطلع ممدوح من عند الضابط على الزنزانه العسكري: بقلك ايه عايزني اطلعك من المصيبة الي انت فيها دي؟؟ ممدوح: ياريييييييييت ينوبك فيا ثواب العسكري: اطلع باللاحاليح ممدوح : لاااااااااااااااااااااااا ويطب ساكت تمت تم تعديل 16 يونيو 2006 بواسطة شهد طـــــــفولــــة شــــــهـــد رابط هذا التعليق شارك المزيد من خيارات المشاركة
khedr بتاريخ: 15 يونيو 2006 تقديم بلاغ مشاركة بتاريخ: 15 يونيو 2006 شهدنا الحلو ورقيقتنا الرقيقه وشهد مع سبق الاصرار والترصد يامصر... يامصر...يامصر ياااااااااااااااااااااااااااااامصر رابط هذا التعليق شارك المزيد من خيارات المشاركة
yasovinas بتاريخ: 15 يونيو 2006 تقديم بلاغ مشاركة بتاريخ: 15 يونيو 2006 جميلة يا شهد وقوي في معانيها تحياتي رابط هذا التعليق شارك المزيد من خيارات المشاركة
shahd بتاريخ: 15 يونيو 2006 كاتب الموضوع تقديم بلاغ مشاركة بتاريخ: 15 يونيو 2006 شهدنا الحلو ورقيقتنا الرقيقه وشهد مع سبق الاصرار والترصد خضر يارب يخليك وما تحرمش من ردودك الجميلة والرقيقة :lol: جميلة يا شهد وقوي في معانيها تحياتي عموووووو ياسوووووو يارب يجبر بخاطرك مرورك هو الأجمل طـــــــفولــــة شــــــهـــد رابط هذا التعليق شارك المزيد من خيارات المشاركة
Doofy بتاريخ: 15 يونيو 2006 تقديم بلاغ مشاركة بتاريخ: 15 يونيو 2006 ================================================================ الجميله شهد ياعني بجد سبحان من ضحكني من تاني عجبتني موت يوميات ممدوح ونكديه بس المشكله بضحك ونا سادد منخيري مفيش مشكله :lol: تحياتي لك دائما : : وَلا تَحْسَبَنَّ اللَّهَ غَافِلا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ[/ -------------------- رابط هذا التعليق شارك المزيد من خيارات المشاركة
shahd بتاريخ: 16 يونيو 2006 كاتب الموضوع تقديم بلاغ مشاركة بتاريخ: 16 يونيو 2006 ================================================================ الجميله شهد ياعني بجد سبحان من ضحكني من تاني عجبتني موت يوميات ممدوح ونكديه بس المشكله بضحك ونا سادد منخيري مفيش مشكله :P تحياتي لك دائما : : دوفي يارب يسعد ايامك نورتني بس بتضحك وانت سادد مناخيرك ليه ؟؟؟؟؟ مش حرام تسد نفساوية الراجل وهو حاطط برفان درجة اولى من عند عم عبد المعطي الزبال :P ريحته حلوة مووووووووووووت :lol: طـــــــفولــــة شــــــهـــد رابط هذا التعليق شارك المزيد من خيارات المشاركة
yasovinas بتاريخ: 16 يونيو 2006 تقديم بلاغ مشاركة بتاريخ: 16 يونيو 2006 النهارده الصبح نزلت وركبت السيارة متجه الى المسجد لصلاة الجمعه وعند اشارة المرور وقف بجواري سائق سيارة اجرة هندي - ورغم اني في الاحوال العادية لا نظر الى جيراني في الاشارة "الا اذا كن من بنات حوا !!!" - لكن القدر قادني الى النظر الى هذا الجار وفجأة تذكرت ممدوح وهو يبحث في تلافيف دماغه عما يمكن ان يؤكل من خلال فتحة مراخيرة اليمنى !!! ولكن الفارق هنا ان هذا الجار الهندي يسحب التموين من الفتحة الشمال ويضعه مباشرة في فمة دون اي تحضير او اي اضافات غذائية او مكسبات للنكهه تحياتي رابط هذا التعليق شارك المزيد من خيارات المشاركة
سمـ مصر ــا بتاريخ: 16 يونيو 2006 تقديم بلاغ مشاركة بتاريخ: 16 يونيو 2006 جميلة ياشهد بس كنت بشرب عصير ليمون دلوقتى مش قادرة أكملة :sad: والمصيبة أنى شميت كمان ريحة ممدوح من خلال موضوعك :rolleyes: رابط هذا التعليق شارك المزيد من خيارات المشاركة
shahd بتاريخ: 16 يونيو 2006 كاتب الموضوع تقديم بلاغ مشاركة بتاريخ: 16 يونيو 2006 النهارده الصبح نزلت وركبت السيارة متجه الى المسجد لصلاة الجمعه وعند اشارة المرور وقف بجواري سائق سيارة اجرة هندي - ورغم اني في الاحوال العادية لا نظر الى جيراني في الاشارة "الا اذا كن من بنات حوا !!!" - لكن القدر قادني الى النظر الى هذا الجار وفجأة تذكرت ممدوح وهو يبحث في تلافيف دماغه عما يمكن ان يؤكل من خلال فتحة مراخيرة اليمنى !!! ولكن الفارق هنا ان هذا الجار الهندي يسحب التموين من الفتحة الشمال ويضعه مباشرة في فمة دون اي تحضير او اي اضافات غذائية او مكسبات للنكهه تحياتي :sad: :ninja: لا ماهو اصل ممدوح لما شاف التموين بتاع مناخيره خلص راح ساحب من الفتحه اليمين بتاعت السواق الهندي..... لزوم التعاون :rolleyes: منور ياعمو ياسوووو طـــــــفولــــة شــــــهـــد رابط هذا التعليق شارك المزيد من خيارات المشاركة
لخبطه بتاريخ: 16 يونيو 2006 تقديم بلاغ مشاركة بتاريخ: 16 يونيو 2006 ظريفة الفكرة ياشهد تسلم افكارك يعني حدوته حلوه وفكره بردو معقوله وكاركترز بتترسم وكدا لكن تعرفي أنتي عملتى زي يوسف شاهين عايز يحط افكار العالم كله في فيلم واحد ودا الى بيخلي أفلامه مش مفهومه ( مع الفارق طبعا ) أنا اقصد انتى بترسم شخصية لواحد عايزه تقولى عفوا - انه معفن - وفي الأخر بنلاقي أن دا مالوش علاقة بالحدوته يعني لا هو فارق في الموضوع إللى هو الظلم والرشوه ولا فارق في الفكرة ...بردو السرد بيجيب تفاصيل مالهاش تأثير ولا مغزي من في القصه الحدوته اللى انتى عملاه مع شوية تركيز كانت تبقا حلوه أوي لذلك ركزي في التجارب الجايه واعملي ضوء بس على اللى انتى عايزه تبرزيه وانا واثق انك هتعملى حاجات جميله جدا ارجو ان يتسع صدرك لملاحظاتي أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
shahd بتاريخ: 16 يونيو 2006 كاتب الموضوع تقديم بلاغ مشاركة بتاريخ: 16 يونيو 2006 (معدل) جميلة ياشهد بس كنت بشرب عصير ليمون دلوقتى مش قادرة أكملة :sad: والمصيبة أنى شميت كمان ريحة ممدوح من خلال موضوعك :rolleyes: مش قادرة تكمليه ليه بس اكيد نفسك اتفتحت على خروف محشي اول شفتي ممدوح :ninja: شفتي ريحة ممدوح كميلة ازاي كرستيان مجاري يوووووور ظريفة الفكرة ياشهد تسلم افكارك يعني حدوته حلوه وفكره بردو معقوله وكاركترز بتترسم وكدا لكن تعرفي أنتي عملتى زي يوسف شاهين عايز يحط افكار العالم كله في فيلم واحد ودا الى بيخلي أفلامه مش مفهومه ( مع الفارق طبعا ) أنا اقصد انتى بترسم شخصية لواحد عايزه تقولى عفوا - انه معفن - وفي الأخر بنلاقي أن دا مالوش علاقة بالحدوته يعني لا هو فارق في الموضوع إللى هو الظلم والرشوه ولا فارق في الفكرة ...بردو السرد بيجيب تفاصيل مالهاش تأثير ولا مغزي من في القصه الحدوته اللى انتى عملاه مع شوية تركيز كانت تبقا حلوه أوي لذلك ركزي في التجارب الجايه واعملي ضوء بس على اللى انتى عايزه تبرزيه وانا واثق انك هتعملى حاجات جميله جدا ارجو ان يتسع صدرك لملاحظاتي الف شكر على الملاحظة وكلي اذان صاغيه تم تعديل 16 يونيو 2006 بواسطة شهد طـــــــفولــــة شــــــهـــد رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان