اذهب إلى المحتوى
محاورات المصريين

عن المرور أتحدث


عصام

Recommended Posts

الشوارع فى القاهرة لا يستطيع إنسان أن يتحدث عنها إلا إذا كان ممن يعانون ويلات المرور بها يوميا ذهايا وإيابا… وأنا أحد هؤلاء للأسف :angry2:

أرى يوميا ما أرى وأفقد بصفة يومية جزء من صبرى وجزء من أعصابى ويتحرق شوية من دمى حتى أوشكت أن أجن .. فلا يكاد يمر يوم إلا وتأتى على ساعة أجدنى أتحدث إلى نفسى كالمجانين وبصوت مسموع.. آخرها كان بالأمس حيث وجدتنى أدخل إلى بعض اصدقائى مشوحا بيدى ومهللا بصوتى الذى سمعوه من مسافة أكثر من عشر أمتار :blink:

فكرت أن أشارككم خواطرى وأحاديثى إلى نفسى كنوع من تنفيس الغضب وفك الكبت :blink:

فيما يلى الحلقة الأولى

[وسط]!Question everything

[/وسط]

رابط هذا التعليق
شارك

الناس فى مصر ما بتفهمش لغة النور والإشارات ..

تبقى جاى من آخر الشارع وبسرعة كبيرة وماشى قدامك واحد بيشم هوا :) .. بيتفسح يعنى .. ومع نفسه كدا وع الشمال وسايق على 40 مثلا .. ومش بعيد يكون بيشرب شاى كمان .. تقوم انت تبدأ تقلب نور .. تقلب نور .. ولا حياة لمن تنادى :angry2:

تبدأ تتعصب … تدى كلاكس .. برضه .. تحس ان البنى آدم اللى فى العربية ميت :blink: .. لحد ما خلاص .. بينك وبينه أمتار .. ولا مفر من إنك تعدى من اليمين وهذا ما يحدث بالفعل .. :o

فى الوقت دا بتلاقى أحد ردود الأفعال التالية:

تبص له .. يطنش .. ولا كأنك موجود :D

أو يطلع لك إيده من الشباك بمنتهى البرود ويشاور لك ما معناه "بالراحة .. مستعجل على إيه؟ هى الدنيا طارت؟" :huh:

الله؟ وانت مالك يا بارد .. قدر إن ورايا مصيبة .. كارثة .. حد بيموت

أو تلاقيه يشوح لك وهاتك يا شتيمة .. آه والله .. وتلاقيه يقول لك "ما الدنيا قدامك واسعة هى حبكت من هنا؟ أما بهايم :blink:

[وسط]!Question everything

[/وسط]

رابط هذا التعليق
شارك

الإشارات بقى والانتظار

إنت راجل محترم .. رايح يمين تدى إشارة .. رايح شمال .. تدى إشارة .. وهكذا :D

طيب .. إنت ماشى لا بيك ولا عليك .. وماشى وراك على اليمين واحد .. ووراه واحد كمان ..

إنت قررت تدخل يمين .. عادى .. حقك .. صح؟

تقوم تيجى قبلها بمسافة وتدى إشارة ..

اللى وراك يشوف بقى الإشارة من هنا .. وتيجى له هلاوس سمعية وبصرية من هنا.. :o

ويقوم كابس بنزين وزانق وحاشر علشان يعدى قبل انت ما تدخل :blink:

وأخذا بمبدأ السلامة .. بتسيبه يعدى .. عادى يعنى الدنيا ما طارتش على رأى أخينا اللى فوق :D

لكن اللى يغيظك بقى .. إن اللى وراه كمان لما شاف الإشارة اتجنن هو كمان .. وهووووب قام لازق فيه علشان برضه يعدى قبلك.. :huh:

الله؟ ما انتوا يا جدعان ماشيين ورايا من أول الشارع .. ومش مستعجلين يعنى ولا حاجة

إشمعنى دلوقتى؟ :blink:

وأخيرا تلاقى نفسك بقدرة قادر عديت الشارع اللى كان نفسك تدخله ومضطر تلف لف الإبل علشان ترجع له تانى :)

لما سألت أحد العالمين ببواطن الأمور .. قالى "تدى إشارة؟ .. فى مصر؟ .. إنت اتجننت؟ لا طبعا غلط الصح انك تعمل عبيط .. وهووووووووووووب فجأة وبدون مقدمات تقوم حادف ولو انت راجل محترم يعنى هاتبص فى المراية قبلها" :angry2:

[وسط]!Question everything

[/وسط]

رابط هذا التعليق
شارك

فيه زرار فى التابلوه عليه مثلث!!

لو قدرت ألف وادور فى أنحاء مصر المحروسة واقول "يا جدعان .. فيه زرار فى التابلوه عليه مثلث .. الزرار دا مهم جدا .. وبيستخدم فى حاجات غير المشى فى زفة" هاعملها :blink:

لو قدرت أقول للناس ان حتة الزرار دا ممكن – بقدرة ربنا - ينقذ أرواح .. هاقول .. لكن طبعا ولا حاجة

الناس ولا هى هنا .. تبقى ماشى مثلا على كوبرى أكتوبر .. بسرعة كدا من 70 لـ 80 .. وفجأة وبقدرة قادر .. تسمع فرامل عربيات بتعزف ألحان

إيييييييء …. أوييييييييييييييييييييء إيييييييييييييييييييييييييييييييييييييء .. وعادة ما ينتهى ذلك العزف بــــــ "دشششششششششششش"!!!! :blink:

ليه بقى .. تكتشف ان واحد وقف فجأة .. كان سرحان مثلا .. أو حتى بيتخانق مع مراته وقرر يرميها من فوق الكوبرى فوق محطة القطر .. ما علينا :o

يقوم اللى جاى وراه وبنفس سرعته هااااااابد فرامل … ويتبعه من هم خلفه كل فى دوره لى أن يتوقف الجميع بسلام وأمان .. الحمد لله ربنا ستر

لحااااد ما ييجى الراجل بقى اللى راكب شيروكى ودايس وبيتكلم فى الموبايل ومش مركز :)

وهووووووووووب "طاااااااااااااااااااااااااخ" فى آخر عربية ليتسبب بذلك يا عينى فى بداية لحن جديد مكون من مقاطع قصيرة كلها شبه بعضها وهو "طاخ طاخ طاخ طاخ" :angry2:

ليمثل بذلك "ملحمة" وملحمة هنا معناها إنه بيلحم كل العربيات اللى قدامه فى بعض!!

طيب ا ترى لو الراجل الى فرمل فى الأول خااااالص كان داس على الزرار أبو مثلث – الانتظار يعنى- مش كان الناس اللى وراه عرفت انه واقف ومن بعده اللى وراه واللى وراه وهكذا؟

مش كان ربنا سلم؟

لكن للأسف .. أفتكر إنى مرة حصل كدا ونورت انتظار فورا .. لحاااد ما عدى واحد جنبى وزمر لى .. ولاقيته بيقولى "يا كابتن .. زرار الانتظار بتاعك معلق"!!! :huh:

[وسط]!Question everything

[/وسط]

رابط هذا التعليق
شارك

الخطوط البيضا شكلها حلو

الناس بقى اللى بتمشى على الخط الابيض دى حكاية .. وأى حكاية :P

ظابط نفسه ع الخط .. وتشوفه فى الحفاظ ع الموضوع دا .. يتهيأ لك انه لو حاد عنه يمين أو شمال هايتوه .. مش هايعرف يوصل بيتهم mfb:

تقلب له نور.. مافيش .. طيب كلاكس .. برضه مافيش .. الله؟

يا عم انت حاجز لوحدك حارتين من الطريق الى هو أصلا حارتين!! .. وموقف وراك شارع بحاله .. خد لك جنب .. ولا أى حاجة .. ;)

تقوم انت بقى تتعصب .. وتبدأ فى الانهيار .. تقوم تستنى يورب كدا وللا كدا وساعتها هوووووووب .. أحشرررررررررر وإيدك عل الكلاكس .. وبعدها يبدأ السيرك .. يتفزع ويحدف يمين وبعدين شمال ويتوتر ويعرق ..... وأخيرا ... يبص لك .. يشوح بإيده ورجله وبعدين يشتمك !!! ;)

أفتكر إنى مرة كنت طرف فى حوار عن المرور مع واحدة زميلتنا فى الشغل معاها عربية محترمة .. ووصلنا لمسألة الخطوط البيضا الى فى الشارع وفايدتها .. والى هاقوله أقسم بالله إنه ما حدث بدون أى مبالغة أو تهريج ..

لما سألتها عن فايدة الخطوط دى قالت "علشان الشوارع يبقى شكلها حلو م الطيارة!!!" :wub:

ولا تعليق

[وسط]!Question everything

[/وسط]

رابط هذا التعليق
شارك

مش شايف حاجة!!

بالليل بقى ..

الحكومة بنت حلال وكتر الله خيرها منورة الشوارع كلها ..

الشوارع منورة وزى الفل .. وإذا بيك فجأة وانت سايق عربيتك فى أحد تلك الشوارع .. إذا بيك اتعميت!! :wub:

مش شايف حاجة .. ولا وراك ولا قدامك :huh:

ليه بقى؟

لأن بعض الناس الى جاية وراك متخيلين انهم ماشيين فى الصحرا!!

وبعض الى جايين من الاتجاه المعاكس مقتنعين برضه بنفس الفكرة .. إنهم سايقين فى الصحرا

كل واحد منور النور العالى الجميل .. القوى جدا ده :D وطبعا النور اللى وراك معكوس فى المراية والنور اللى فى الاتجاه المعاكس ضارب فى وشك .. فإذا بيك فجأة إتعميت ;)

خاصة بقى ان العربيات الجديدة ربنا مبارك فى النور بتاعها بزيادة أوى..

ليه يا رجالة؟

ما الشارع منور وجميل والحياة لطيفة؟ :wub:

تبدأ انت بقى تشاور للى وراك علشان يطفى النور .. ولكن لا حياة لمن تنادى

تقوم انت تتنرفز ..

تهدى السرعة ..

تجيبه قدامك ..

ما انت برضه عربيتك جديدة يعنى .. وعندك ما شاء الله لمبات زينون أبيض وللا اصفر ألمانى .. حاجة كدا بتاع 200 وات

أول بقى ما ييجى قدامك .. تقوم منور العالى فى وشه :D

الشيء الغريب بقى .. إنك تلاقيه يبدأ يشاور من الشباك ما معناه إطفى نورك مش شايف :blink:

وإذا بيك تفاجأ إن الباشمهندس مش باشمهندس .. لأ .. باشمهندسة :D (فى الغالب يعنى)

أو إنه باشمهندس .. بس مش واخد باله إن النور العالى منور والصالون عندى ضهر

بالمناسبة بقى .. هو ليه كل الستات لازم تنور العالى بالليل؟ بصرف النظر الدنيا ضلمة وللا مش ضلمة؟

[وسط]!Question everything

[/وسط]

رابط هذا التعليق
شارك

الدوران فى الفــَسَحة

الخروج من الشوارع الجانبية فى القاهرة مشكلة كبيرة جدا .. بيتسبب أحيانا فى كوارث!! وتلك الكوارث عادة فى مثل تلك المواقف لا تشمل المتسبب فيها .. إزاى؟

سعادتك ماشى فى أمان الله لا بيك ولا عليك .. وإذ فجأة تلاقى صاروخ أرض أرض خارج من شارع جانبى لدرجة انك ممكن يتهيأ لك ان مايكل شوماخر بعربيته الفيرارى شرفنا فى شوارع القاهرة

حضرتك ماشى فى الشمال .. ومايكل خارج من شارع على اليمين لكن .. وبقدرة قادر تلاقيه داخل فى جنب العربية بتاعة سعادتك أو فى أحسن الأحوال تلاقيه بقى قدامك .. وفى الحالة دى وبسبب عنصر المفاجأة طبعا :) بتقوم سعادتك رامى إيدك على الكلاكس .. بيييييييييييييييييييييييييييييييييييييييييييييييبببببببببب :D وهابد فرامل جامدة جدا تفاديا للكارثة ...

وفى الحالة دى فيه عدة احتمالات .. يا إما اللى جاى من وراك برشق فى عربيتك نتيجة الفرامل .. :D يا إما الأخ مايكل يتخض :o ويقوم راجع تانى يمين وفى الحالة دى اللى جاى من وراه بيحاول يفاديه لأنه طبعا ما توقعش كدا يقوم يلبس فى أقرب عامود نور .. يا إما الاحتمال الأخير .. إن ربنا يستر وتعدى .. طبعا فى كل الأحوال هو شخصيا لم يتضرر

ولو حاولت تيجى جنبه علشان تفهمه غلطه تلاقيه يشوح لك وممكن يشتمك ..

ليه بقى يشتمك؟ :unsure: لأن هى ى السياسة المعمول بيها هنا .. سياسة "صاحب الصوت الأعلى يكسب" :)

ولما تيجى تكلم حد وتقوله فى أوروبا والدول المتقدمة فيه حاجة اسمها أولوية المرور للطريق الرئيسى دايما .. تلاقيه بص لك وعمل كدا B)

أفتكر مرة كنت راكب جنب واحدة (الله يمسيها بالخير) دمها خفيف شويتين :D حصل معاها الموقف دا ولقت مايكل خارج من الشارع الجانبى زى الطيارة .. وبعد ما ربنا سلم جت جنبه وفتحت الشباك وقالت له :"والله .. والله .. :rolleyes: لو خارج من أوضة النوم فى بيتكو رايح الحمام تاخد فوطة .. ما تطلع الطرقة بالشكل دا "

:D

[وسط]!Question everything

[/وسط]

رابط هذا التعليق
شارك

إبننا الغالي عصام

إستمر يابني في حرق دمنا كمان وكمان .. هي نقصاك إنت كمان ( مع الإعتذار لإيهاب توفيق )

يا عزيزي عصاعيصو .. ما يحكمنا في مصر هو قانون " العشوائيات "

كل حاجة عشواية من أول إنتخابات رئيس الجمهورية ..إلى عشوائيات إختياره للوزراء والمسئولين ..... لحد العربيات اللي بتبيع في فاكهة في الميدان ..

أنا بأتكلم جد

وإذا كنت بتتكلم عن المرور .. فأرجو أن تسترسل في حديثك الشيق وتحدثنا عن شيء إسمه رصيف المشاه .. وحاجه إسمها الشوارع العامة المُحتلة من قِبل برابرة الباعة الجائلية .. والأرصفة المُحتلة من قِبل التتار أصحاب المحلات .. وتلاقي المواطن المسكين اللي ماشي في الشارع بيبقى عامل زي لاعب الأكروبات بتاع السيرك .. مره يفُط ومره ينُط وبعدين يقوم عامل دبل سامرسولد زي بتوع الجمباز وشوية يقوم موطي من تحت سقالة خشب محطوطة أمام بيت بيترمم وبعدين يقوم متكعبل في صندوق زباله كبيييييييييييييييييييير الشركة الأسبانية جت فضيته وراحت ملقحاه في أي حتة ... وهكذا

أما عن التلوث السمعي فحدث ولا حرج .. وعايزك تغني من أول السلم ( بس حاسب السلمه المكسورة اللي في الأول ) وإوعى تنسى أغاني الميكروباصات ... ولا بلاش كده .. كلمنا عن عيال الجيران اللي بيشغلوا شرايط عمرو بن دياب ونانسي بنت أبي عجرم ويعلي الإستريو الهاي فاي على الأخر عشان تشاركه وجدانياً في سماع تلك المقطوعات ...

كل هذا لا يحدُث في الخفاء - حاشا لله - فنحن ملتزمون بمبدأ الشفافية .. وعلى عينك يا تاجر ....

ده يا راجل لما بلغت عن شخص بيُدير مقهى عبارة عن وكر لعرض الأفلام المُخله التي تُستقبل عن طريق الدش للشباب الصغيرين ... فين وفين لما جت الشرطة .. وراح مأبجهم ( مصطلح تأبيج في مختار الصحاح يعني رشوة ... يعني بيرش .. يعني أبجني تجدني ) بتوع الشرطة وراحوا بكل إباء وشمم عاملين مرش دير وراجعين تاني وكأن شيئاً لم يكن .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

بالمناسبة أنا تجرأت وسوقت في الأجازة اللي فاتت لأول مره وأعتقد إنها هاتبقى أخر مره ...

وأخدت شتيمة ما أتشمهاش شارون وهو بيدنس بقدمه المسجد الأقصى ...

ليه وليه عشان بالليل بأشغل نور العربية - العادي - وتلاقي واحد يقولك " يا .... إحم إحم ..... إنت فاكر نفسك ماشي في الصحرا ... إطفى النور يابني آدم عميتنا "

وإذا كان السائقين القادمين من الناحية العكسية قلالت الأدب وبيشتموا وهايروحوا مش النار لأ هايروحوا مارينا :) ... طب إيه دخل المُشاه ... والله العظيم اللي بيبقى ماشي في الشارع ويشوف نور العربية بيشتمني هو كمان ... طب إيه اللي دخلك إنت في الموضوع ؟ أعتقد إنه بيجامل العربيات التانية اللي متضايقين من النور

- كنت بأعمل مؤدب وبأمشي زي الكتاب ما بيقول .. لو مُسرع يبقى شمال لو هديت يبقى يمين ... إسمع كلام ماما ، إغسل رجلك قبل النوم ... وهكذا .. وفي الأخر تلاقي واحد جاي في المُعاكس ويديك نور في عينك ويشتمك عشان إنت مضايقه بمثاليتك المُفرطة ...

- حكاية الإشارة الحمراء اللي والعياذ بالله لو أحترمتها ووقفت لها تبجيلاً وأحتراماً ... تلاقي اللي وراك نازل فيك كلاكسات على هيئة شتيمة ... دي عادي

- نيجي للتقيلة بقى .... رجالنا البواسل سائقي سيارات النقل الثقيل والأتوبيسات العامة .... إوعى يا مان ووسع لأشوطك .... ماشي براحته في الشمال ولو تجرأت وحاولت تعدي منه ممكن بدون مبالغه يحطك تحت الدوبل ( ده مصطلح علمي يُشير إلى الكاوتشات العملاقة ) .... فأحسن لك تكسب وده وتحاول إنك تصاحبه على الطريق ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

:لسه يابنى لسه .. هو انا قولت حاجة؟ :)

دا انا ناوى أقول قوالة .. سيبنى دا انا مخنوق ..

طيب انت وجيت يومين وكنت هاتنتحر .. أنا بقى يوميا على الله سعادتك 6 أكتوبر - مصر الجديدة - 6 أكتوبر

مشوار كدا بيعمله حوالى 120 كيلو .. جوا البلد باشوف فيه العجب

من باقولك؟ هوا انا لسا قولت حاجة؟

الموضوع اللى جاى ان شاء الله

آن آن آن تشششششششششش

إنتظرونا فى

يوميات مواطن مع الداخلية :)

[وسط]!Question everything

[/وسط]

رابط هذا التعليق
شارك

  • بعد 1 شهر...

هات ورا هات ....!

إمبارح وانا مروح على المحور ..

ولمن لا يعلم السرعة القانونية على هذا الطريق 90 كم|ساعة

كنا بالليل .. وفجأة وبدون إنذار لقيت الراجل اللى قدامى واللى المسافة بينى وبينه لا تتعدى 50 متر وقف .. فجأة :P

الملفت بفى للانتباه إنى حسيت انى باقرب منه بسرعة رهيبة جدا .. مش طبيعية يعنى .. أسرع من المفروض !!

ضغطت جامد جدا على الفرامل .. وحدفت ناحية الشمال .. وكنت هاموت الراجل اللى جنبى ..

ولما قربت من الراجل اللى قدامى شوية .. اكتشفت إنه ..

بيرجع بضهره :P آه والله زى ما باقولكوا كدا

يعنى Not only, But also

ليه بقى لأنه كان عايز ينزل المنزل اللى على اليمين .. وللأسف فاته...!! فرر يقف ويرجع له تانى

وكمان إيه بقى؟

النور الأبيض بتاع الرجوع للخلف مش شغال..!!

يا لهوى يانى يامه .. يعنى الطم؟ :P

حسبى الله ونعم الوكيل

[وسط]!Question everything

[/وسط]

رابط هذا التعليق
شارك

  • بعد 5 شهور...

ياه

ك كلامك كأنه فيلم روائي يعاد يوميا :excl:

وخصوصا اننا زمل (6 أكتوبر) بس أنا 6 أكتوبر المعادي 6 أكتوبر تقريبا 100 كم يوميا :mellow:

وقريبا جدا تبدأ المعاناة التي أنعي همها كل سنة .... العودة من العمل في رمضان

ربنا يعيننا :blink:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

وخصوصا اننا زمل (6 أكتوبر) بس أنا 6 أكتوبر المعادي 6 أكتوبر تقريبا 100 كم يوميا :mellow:

يا رااااااجل؟

مش تقول كدا من زمان ؟؟

كدا بقى لازم نعملوا معاك واجب :blink:

[وسط]!Question everything

[/وسط]

رابط هذا التعليق
شارك

وخصوصا اننا زمل (6 أكتوبر) بس أنا 6 أكتوبر المعادي 6 أكتوبر تقريبا 100 كم يوميا :blink:

يا رااااااجل؟

مش تقول كدا من زمان ؟؟

كدا بقى لازم نعملوا معاك واجب :excl:

والله ما كنت أعرف !! :mellow:

بس الواجب دة علينا

عامة سوف أراسلك على الخاص لأنتعرف أكثر ان شاء الله

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

كلاكيت عاشر مرة!

أنا مقتنع تماما أكثر من إقتناعى بأن مجموع زوايا المثلث 180 درجة بأن المصريين مبيعرفوش يسوقوا عربيات! مش فاهم ليه محدش مصدقنى والله العظيم مبيعرفوش! أما موضوع القانون فهذا شيئ يعتمد على حضارة وثقافة الشعوب. إحنا فى مصر "بننطح" فى بعض! مش سواقة فقط لكن تعاملنا عبارة عن نطح، كلامنا نطح ، نقاشنا نطح ، أفلامنا نطح، نبيع ونشترى بالنطح، سياحتنا نطح، تعليمنا المدرسي والجامعى أكبر نطح ، حتى الغزل عندنا نطح!

ياخوانا لما نبطل نطح دماغنا حتفوق وحالنا ينصلح! إحنا نسبة التعليم عندنا فى مصر لاتزيد عن 10% ! يعنى كل عشرة فيهم تسعة لايستطيعوا القراءة والكتابة! إذا كان 90% من الشعب لايعلم أهمية القراءة والكتابة فهل من الممكن أن يعلموا أهمية التعامل المتحضر؟ طبعا لا! :mellow:

ياريت نصحى من الغيبوبة وكفاية سلبية! نحن لسنا قطيعا لكى نساق!

رابط هذا التعليق
شارك

تصدق بالله اننى مما اراه فى الشارع و من سيرك المرور فى القاهرة بصفة خاصة و فى مصر بصفة عامة كل ما اجى اشترى سيارة خاصة ارجع فى كلامى من خوفى من السواقة (القيادة) بالقاهرة

و مقضيها تاكسيات علشان ارحم اعصابى

و هين قرشك و لا تهين نفسك

رغم انى الحمد لله معى ثمن السيارة من زمان و دفعت عربون سيارة سنة 1999 و سحبته تانى مع الخسارة

يللا ربنا يصبرنا على ما بلانا

تواضع تكن كالنجم لاح لناظر على صفحة الماء و هو رفبع

و لا تكن كالدخان بعلو بنفسه الى السماء و هو وضيع

رابط هذا التعليق
شارك

هات ورا هات ....!

إمبارح وانا مروح على المحور ..

ولمن لا يعلم السرعة القانونية على هذا الطريق 90 كم|ساعة

كنا بالليل .. وفجأة وبدون إنذار لقيت الراجل اللى قدامى واللى المسافة بينى وبينه لا تتعدى 50 متر وقف .. فجأة :mellow:

الملفت بفى للانتباه إنى حسيت انى باقرب منه بسرعة رهيبة جدا .. مش طبيعية يعنى .. أسرع من المفروض !!

ضغطت جامد جدا على الفرامل .. وحدفت ناحية الشمال .. وكنت هاموت الراجل اللى جنبى ..

ولما قربت من الراجل اللى قدامى شوية .. اكتشفت إنه ..

بيرجع بضهره :blink: آه والله زى ما باقولكوا كدا

يعنى Not only, But also

ليه بقى لأنه كان عايز ينزل المنزل اللى على اليمين .. وللأسف فاته...!! فرر يقف ويرجع له تانى

وكمان إيه بقى؟

النور الأبيض بتاع الرجوع للخلف مش شغال..!!

يا لهوى يانى يامه .. يعنى الطم؟ :excl:

حسبى الله ونعم الوكيل

على فكرة هذا الموقف حصل لى بالتمام وكان معى زوجتى وإبنى و للأسف الشديد لم أتمالك نفسى وسردت له كل الشتائم التى أعرفها وكم كانت دهشتى عندما نظر الى هو ومن معه فى إستغراب شديد وكأنى مجنون! كل الذى ندمت عليه هو تفوهى بالألفاظ البذيئة أمام زوجتى وإبنى! للأسف!

ياريت نصحى من الغيبوبة وكفاية سلبية! نحن لسنا قطيعا لكى نساق!

رابط هذا التعليق
شارك

س س كتب:

..

ما يحكمنا في مصر هو قانون " العشوائيات "

أوجزت فأنجزت... لا فض فوك

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

هات ورا هات ....!

إمبارح وانا مروح على المحور ..

ولمن لا يعلم السرعة القانونية على هذا الطريق 90 كم|ساعة

كنا بالليل .. وفجأة وبدون إنذار لقيت الراجل اللى قدامى واللى المسافة بينى وبينه لا تتعدى 50 متر وقف .. فجأة :lol:

الملفت بفى للانتباه إنى حسيت انى باقرب منه بسرعة رهيبة جدا .. مش طبيعية يعنى .. أسرع من المفروض !!

ضغطت جامد جدا على الفرامل .. وحدفت ناحية الشمال .. وكنت هاموت الراجل اللى جنبى ..

ولما قربت من الراجل اللى قدامى شوية .. اكتشفت إنه ..

بيرجع بضهره :angry2: آه والله زى ما باقولكوا كدا

يعنى Not only, But also

ليه بقى لأنه كان عايز ينزل المنزل اللى على اليمين .. وللأسف فاته...!! فرر يقف ويرجع له تانى

وكمان إيه بقى؟

النور الأبيض بتاع الرجوع للخلف مش شغال..!!

يا لهوى يانى يامه .. يعنى الطم؟ mfb:

حسبى الله ونعم الوكيل

على فكرة هذا الموقف حصل لى بالتمام وكان معى زوجتى وإبنى و للأسف الشديد لم أتمالك نفسى وسردت له كل الشتائم التى أعرفها وكم كانت دهشتى عندما نظر الى هو ومن معه فى إستغراب شديد وكأنى مجنون! كل الذى ندمت عليه هو تفوهى بالألفاظ البذيئة أمام زوجتى وإبنى! للأسف!

أنا الثالث

وبأشجع كل من مر بهذه التجربه الفريده تماما والتى تنفرد بها مصر دونا عن كل بلاد العالم بلا أى مبالغه ـ المتقدم والمتخلف والتى زرت منها الكثير ـ أن يسرد علينا تجربته لأنها وللمره الثانيه شئ فريد من نوعه لا تشاهده إلا فى بلدنا ، يعنى فوضى المرور دى خلاص أصبحت جين وراثى فى خريطه مصر الجينيه ، إنما جزئيه إنك تبقى سايق فى أمان الله تلاقى فجأه واحد على بعد بسيط منك بيرجع للخلف دى بقى إللى فعلا ملهاش حل

المره الأولى ـ فى ميدان سفنكس وطالع مطلع كوبرى 15 مايو المؤدى للزمالك وأنا تلاته أو أربع عربيات معايا نفاجئ عند منتصف الكوبرى بالضبط بسعاده البيه فى عربيته المرسيدس 230 موديل سنتها ، يعنى من عليه القوم ، راجع للخلف وبيبص للجميع بإحتقار ، خلوا بالكوا ده كان وصل لأعلى الكوبرى فإكتشف الظاهر إنه طلع غلط فيعمل إيه ؟ يكمل ؟ لأ طبعا ملعون أبو القانون والمرور خد قراره وإتكل على الله ورجع للخلف

المره الثانيه ـ من كورنيش المعادى وفى طريقى لأخذ مطلع كوبرى المنيب وطبعا إللى مشى عليه يعرف تصميمه الدائرى يعنى يادوب تلمح العربيه إللى أمامك وتفاديها بصعوبه لو سرعتك أعلى منها ، ونفس السيناريو والله العظيم سعاده البيه وصل لنهايه المطلع وبعدين إكتشف إنه مش عايزه يبقى مفيش مشاكل ونرجع بظهرنا ويتحرق إللى ورايا

بس أنا لا شتمت ولا عملت أى حاجه من دى فى المرتين لأنى وبلا مبالغه شفت لحظتين رعب ينشفوا الدم خلونى تلوت الشهادتين فى الحالتين علشان أسترد نفسى

فى إنتظار الرابع

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك

أنا البرادعي ... لأ مش دي.....

أنا الرابع........ :angry2:

ولا يعرف ما أتحدث عنه الا من كان طريق محور 6 أكتوبر الملعون

دائما الطريق واقف في اتجاه المهندسين من السعة 5 الى 7 تقريبا يعني تقريبا وقت عودتي من العمل

أحلى مما يحدث للثلاثة السابقين هي أن الأتوبيسات والميكروباصات والسيارات الملاكي تعبر الطريق من الملف الذي يوجد قبل ميدان لبنان بحوالي 6 كيلو

وتمشي عكسي بأقصى سرعة مع تقليب النور علشان نوسع :lol: mfb:

ولنا في الحديث بقية

بس صحيح

سي السيد أوجز فأنجز ..............كعادته mfb:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      قبل أيام وبينما أعبر إشارة مرور تقاطع شارع امتداد ولى العهد مع سكة الوايلى ظهرا على بعد 500 متر من قصر القبةعرض المقال كاملاً
    • 6
      منذ شهرين تقريبا  سمعنا و قرأنا عن مبادرة مودة و رحمة  من أجل حماية مؤسسة الأسرة المصرية ، و أذكر أني كتبت - أو ربما نويت الكتابة - و كنت متفائلا جدا  و ظننت أن الإرادة السياسية  وحدها  كافية لشحذ الهمم على كل المستويات  لإختراع - نعم إختراع كان التعبير الذي إستخدمته - آليات على كل المستويات لحماية مؤسسة الأسرة المصرية. ما سبق كان إستهلالا لابد منه مرت الأيام  و خلال هذه الفترة ربما سمعت عن أنشطة لتسهيل الزواج عن طريق خفض التكاليف المطلوبة و التوعية بعدم المغالاة في تكاليف الزواج من مه
    • 0
      المواطن الأوروبى والأمريكى منضبطان فى سلوكهما المرورى بسبب المناخ القانونى فى بلادهما وهذا لا ينفى أن أى إنسعرض المقال كاملاً
    • 0
      صدر قانون الشهر العقاري سنة ١٩٤٦ في هذه المدة تغيرت النظم السياسية و الاقتصادية في مصر العديد من المرات كتبت هنا عدة مرات عن شيخوخة القوانين أكيد تتابعون الحوار المجتمعي عن التسجيل العقاري … كان ظني قبلا أن الحديث عن الشهر العقاري نوعا من الهوس المهني الذي يغذيه المحامين و السماسرة  ولكني أمس شاهدت برنامج حواري طويل عن التسجيل العقاري  و استمعت إلى مسئولين كبار يتحدثون  و يدللون على ان كل شئ تمام   و ان الهيصة الموجودة هي مجرد نوع من اللبس و سوء الفهم اليوم في الأهرام  قرأت عبارة
    • 2
      تابعت مناقشات الكونجرس و مؤتمرات الرئيس ترامب  لعدة أيام  ما سبق كان إستهلالا لابد منه الفاضل سكوربيون و الفاضلة سلوى  قلبي يدمي من الوضع في إيطاليا و إسبانيا الوضع أكبر من كونه مجرد فيروس و أجد في نفسي عجزا حتى عن المشاركة .... ماذا أقول و لمن أقول حوارات الكونجرس و الرئيس ترامب  إنهم في نفس الحوسة التي فيها أصغر دولة في العالم  أكرر أصغر دولة في العالم  عندهم عجز مادي و تقني غير قادرين علىمواجهته رغم مليارات الدولارات التي خصصوها لمواجهة كورونا فيروس   الأمر وصل إلى حد
×
×
  • أضف...