محاصرة السلفيين لكنيسة بامبابة بزعم اختطاف مسلمة .. اين سيادة القانون

[Simba]

http://www.youtube.com/watch?v=rlkCIsWCO_Q&feature=share

[الدكتورة أم أحمد]

ربنا يستر عليك يا بلد

[Simba]

اصلا كده مش نافع

وفيه تراخي رهيب في احداث الفتنة

المفروض بقي يكون فيه عدالة ويتقبض علي رؤوس من هنا وهناك ويكون حسابهم عبرة لمن يعتبر

وبجد سيناريو تفتيت مصر وخرابها مش بعيد علينا ان استمر الحال بكده

[fatfouta]

من تويتر

يا جدعان، موضوع الناس اللي اتخطفت في إمبابة كان إشاعة وموضوع غير مؤكد، مش شايف سبب لأي خناق خالص دلوقت!!!!

[Dreamwithme]

اللي بيحصل ده لشغل الانتباه عن الأمور الأساسية

يعني لغاية دلوقتي مبارك ما اتنقلش السجن من شرم الشيخ

سوزان لم يتم التحقيق معها.....البلاغات ضد عمر سليمان لم يتم التحقيق فيها

لم تتم اعادة النظر في المحاكمات العسكرية اللي تمت للنشطاء والمعتقلين سياسيا

ياريت نفوق بقي

[Simba]

مش عارف اصلا ليه يرحوا الكنيسة ويحتكوا بالناس هناك

فيه اخبار عن ضرب نار وناس اتصابت

[abdulmuttaleb]

أولا أرجو تعديل العنوان دول مش سلفيين (حتى وإن ادعوا ذلك)، والسلفيين (بالمناسبة حتى د.أحمد الطيب ينتسب للسلفية) مستحيل يشجعوا على كده بما فيهم حد زي د.إسماعيل المقدم.

ثانيا كان فيه ظاهرة في مظاهرة الكاتدرائية أن بعض الشباب الهاربين من أمن الدولة بعد اقتحامها كانوا من أكثر المتشددين وقاوموا فكرة فض الاعتصام من امام الكنيسة، ولولا أنهم كانوا قلة مقارنة بالجموع التي انصرفت لحدث ما لا يحمد عقباه خصوصا أن الحماس والعصبية هي الموجه لهم دون أية قيادة أو حكمة أو معرفة (تخيل بقى ناس خارجين من اعتقال وتعذيب ولا تلفزيون ولا معرفة ولا أي حاجة خالص). دي ملاحظة قرأتها منذ نحو أسبوع تقريبا.

الآن بعد الأخبار من الوفد والأهرام، الأكيد وبدون أي لبس هو أن استغلال العواطف الدينية هو شيء بشع ومن ذهب من المسلمين هنالك أنا والله أحمله ذنب كل دم أهريق أو أذى أصاب المواطنين هنالك مسلمين كانوا أم مسيحيين، لأنه لا منطق في الدنيا بيقول إن إشاعة كده تقوم الناس كلها تروح تفتش وللا تعمل، وإلا فين القانون والنيابة والقضاء والدولة نفسها.

ده طبعا ناهيك عن أن البلطجية والصيع ما أحلى على قلبهم الحوادث اللي زي دي، وياللا يا جدع وأهو اللي يطول حاجة يطول، ربنا يسترها.

أرجع وأقول إن الإعلام لازم يبقى عليه كنترول، خصوصا أن فيه ناس ظهرت إعلاميا الفترة الأخيرة دي ماكنش المفروض يظهروا خالص وياخدوا أدوار بطولات على حساب البلد ولا هم فاهمين سياسة ولا دين ولا حتى فقه، ومعظمهم مشايخ مسلمون للأسف.

تم تعديل 7 مايو 2011 بواسطة abdulmuttaleb

[fatfouta]

لو قامت فتنة في امبابة.. او في اي حتى تانية حانواجهها ونكمل .. خلى الامراض تظهر وحانعالجها

[Simba]

هنواجه ايه بس يا فتفوتة ولا ايه

يقال 32 مصاب ما بين قتيل وجريح والضحايا الاكبر من صف الجيش

[fatfouta]

هنواجه ايه بس يا فتفوتة ولا ايه

يقال 32 مصاب ما بين قتيل وجريح والضحايا الاكبر من صف الجيش

شوفت بنفسك يا سمبا ولا كله كلام من تويتر والفيس بوك ووغيره؟؟

يا ريت نهدى شوية ونقول يارب

[مغتربة]

هنواجه ايه بس يا فتفوتة ولا ايه

يقال 32 مصاب ما بين قتيل وجريح والضحايا الاكبر من صف الجيش

يا ريت تكون الاعداد زى ما بتقول فعلا يا سمبا

لانى بقرا اعداد تانيه لو صحت هتكون كارثه بكل المقاييس

الناس بتتكلم عن 1000 مصاب و 13 قتيل

[fatfouta]

بيقولوا الجيش نزل هناك ربنا يستر

فعلا ان لم يتدخل الجيش والحكومة بحزم في القضايا الطائفية حالاً البلد هاتولع ومفيش حد هايكسب الكل خسران

[Simba]

من تويتر يا فتفوتة

ومن ناس بتابعها وبثق فيها

[ozoozo]

4 قتلي الي الان

في الحرب تمنع اقامه الحدود منعا للفتنه

واحنا في حاله حرب دلوقتي وعلي الجيش مواجهه كل ما يؤدي للفتنه سواء بالقتل المباشر للمسلمين والاقباط في مشاجرات الفتنه والدعوه للمظاهرات الدينيه او الاعتقال اذا كانت التصفيه الجسديه تؤدي لمزيد من الفتنه

[شرف الدين]

بيقولوا الجيش نزل هناك ربنا يستر

فعلا ان لم يتدخل الجيش والحكومة بحزم في القضايا الطائفية حالاً البلد هاتولع ومفيش حد هايكسب الكل خسران

مصر بدأت الخطوات الأولى في سكة ( اللي يروح ميرجعش ).

وده كله بسبب تراخي الجيش وتهاونه منذ البداية ...

للأسف الشديد - سمح الجيش لمقولة أحمد شفيق ( مش عايزين الثورة تبقى مهنة ) إنها تتحول لواقع.

ومن النهاردة مفيش حكومة

الشارع هو الحكومة

[مغتربة]

مصادر: اشتباكات إمبابة بسبب فتاة تدعى "عبير" من أسيوط وأسلمت

السبت، 7 مايو 2011 - 21:20

اشتعال أحداث الفتنة الطائفية بإمبابة - صورة أرشيفية

كتب محمد إسماعيل وعز النوبى

أكد شهود عيان، أن الاشتباكات تصاعدت فى شارع الأقصر بجوار كنيسة مارمينا، بعد تجمع العشرات من المسلمين أمام الكنيسة، وحاولوا الاستفسار عن مكان وجود أسماء محمد أحمد إبراهيم، التى يقولون إنها أسلمت بعد أن كانت تدعى عبير.

فيما تدخلت القوات المسلحة بموافقة الكنيسة واتفقوا مع ثلاث من القيادات المتواجدين ليدخلوا الكنيسة ليبحثوا عن الفتاة، ويتأكدوا من كلام مسئولى الكنيسة بعدم وجود الفتاة فى الكنيسة أو أى مقر تابع لها.

وأضاف "الأترج هديم البراجى" عضو ائتلاف الدفاع عن المسلمات الجدد، أنه بمجرد محاولة دخول الشيوخ الثلاث برفقة القساوسة وبعض أفراد القوات المسلحة للكنيسة بدأت تتدفق عليهم زجاجات مولوتوف وحجارة، وضربات ضدهم، مما أشعل الاشتباكات مرة أخرى وتجمع العشرات.

وكشفت مصادر، أن الفتاة تدعى عبير طلعت خيرى من كفر شحاتة بمركز ساحل سليم جنوب شرق أسيوط أشهرت إسلامها قبل 7 أشهر، عن طريق أحد الأفراد فى مشيخة الأزهر، وغيرت اسمها إلى أسماء محمد أحمد إبراهيم، وكانت برعاية "يس ثابت" بمنطقة، الذى ساعدها فى إشهار إسلامها.

وأكدت المصادر، أن الفتاة كانت تستعد للزواج، ولكن تم اختطافها فى مارس الماضى، وتين أنها ذهبت إلى منطقة إمبابة عن طريق أحد الخدام فى الكنيسة الذين يتهمهم شخصيات من المتظاهرين عن رعاية الفتاة خلال الشهور الماضية.

وأوضح المقربون من "يس ثابت"، أن الفتاة استطاعت أن تتصل به خلسة وأخبرته أنها تقيم فى منطقة إمبابة وبشارع الأقصر تحديدا بالدور الثالث بجوار كنيسة مار مينا، وأضافت المصادر أن المبنى الذى ذكرته الفتاة هو فى الأصل عمارة تابعة للكنيسة، ورغم هذا فى توقيت الاشتباكات وتدخلات القوات المسلحة والشرطة لم يعرف مكان الفتاة حتى الآن.

نقلا عن اليوم السابع

[abaomar]

السلام عليكم

الأن على القاهره اليوم

و على الهواء ما فيش قصه اربعه قتلى و الروايات عن مشاجره شديده و غير معروف

تفاصيل حتى الان فهل ممكن الانتظار لمعرفه الحقائق الموثقه ؟؟؟ممكن .

[abdulmuttaleb]

المشكلة أن حوادث زي دي بتخلي حالة الناس في البلد زي الزفت إضافة للتأثير الأسوأ على تقييم الاقتصاد وثقة المستثمرين

ويتهيأ لي جولة د.عصام شرف ح تتلغي لأنه ح يروح على ايه، أبسط رد لما تضبطوا الدنيا عندكم نبقى نساعدكم أو نستثمر عندكم

ده طبعا غير كمية التقارير الحقوقية والغربية اللي ح تخلي الرأي العام العالمي كمان ومؤسسات الائتمان تتردد في تقديم أي معونة

[abdulmuttaleb]

السلام عليكم

الأن على القاهره اليوم

و على الهواء ما فيش قصه اربعه قتلى و الروايات عن مشاجره شديده و غير معروف

تفاصيل حتى الان فهل ممكن الانتظار لمعرفه الحقائق الموثقه ؟؟؟ممكن .

وعليكم السلام

روح يا شيخ إلهي يعمر بيتك ويكرمك دنيا وآخرة الحمد لله أنه لا قتلى وأن الموضوع مجرد مشاجرة

الواحد قلقان مش عارف يقعد من ساعة الموضوع ده

تم تعديل 7 مايو 2011 بواسطة abdulmuttaleb

[أحمد سيف]

يا من تدفعون باتجاه التصعيد وتريدون سرقة الثورة بعد أن وقفتم ضدها في البداية

الاستمرار في هذا النهج ليس في مصلحتكم ولن يحقق لكم ما تصبون اليه ... فعودوا الى عقولكم واعرفوا حدودكم

احذروا السيناريو الجزائري ... فالجيش المصري لن يصمت على عبثكم الى مالا نهاية ... والشعب من وراءه

اللهم قد بلّغت ... اللهم فاشهد