نيويورك تايمز: 6 أبريل تلقت دعماً وتدريباً من منظمات أمريكية

[tarek hassan]

عايز أسأل الأخ تيمور هل هذه المداخلات لك كمشرف في منتدى آخر علشان تتناقش فيها ولا حد غيرك

عنوان موضوعك المحتمل في منتدى آخر هو

الخطوه القادمة للثوار هي قطع الملاحه في قناة السويس

صباح الورود عليك,,

ليست الدعوه الى بلبطة المتظاهرين في الترعه ,,

بل نقل التظاهرات المليونيه الى اقرب نقطة استراتيجيه من مجرى القناه ,,

اما موضوع ضرب الجيش للمتظاهرين بالمدفعيه الثقيله فلا اعتقد انه سيتم

تحياتي

م. تيمور المراغي

عضو اللجنة الاعلامية / حركة شباب 6 ابريل

أيضا

صباح الوروود على اجمل ناس

مجرد اقتراب المتظاهرين من المجرى الملاحي للقناه سيجعل شركات التامين الدوليه ترفع بوليصة التامين 3 اضعاف

وسيرتفع البترول بشكل جنوني لان امدادات النفط 60% منها تاتي وتمر عبر قناة السويس

كل ذلك سيجعل حكومات العالم تطلب من مبارك التنحي فورا

أيضا

الخوف

الخوف

الخوف ,,

طيب حيكون اسمها ثوره ازاي وعاوزين تقلبوا نظام الحكم ازاي ان كنتم خايفين

الثوره محتاجه فدائيين مش خايفين

واللي بيقول ان الاساطيل الاجنبيه ستضرب المتظاهرين العزل بالسلاح اطمنكم ان جماعة الجرين بييس دخلوا في مئات المواجهات مع حاملات طائرات نوويه ولم تضربهم مطلقا

عاوز اعرف

خايفين

ولا ثائرين !!

أرجو أن توضح لنا

معذرة لن أضع الرابط لأنه منتدى

دي مداخلاتي يا طارق ايوه وليا الشرف ,,

والتهديدات دي والتصعيد المتواصل ده اسلوبنا في الحركة عشان نجيب لكم الحرية ,,

دي اوسمة شرف اشكرك انك حطيتها هنا ,,

تسمح لي أقولك إن كلامك في المحاورات كان له طريقة غير ما كتبته هذا وأقل ما فيه

- أنه دعوة للتدخل الأجنبي

- وقلب نظام الحكم بالقوة وتعريض أمن البلاد للخطر

- وتعريض اقتصاد البلاد للخطر

- والدعوة لتعطيل الملاحة في قناة السويس

وغيره يا سيادة المشرف وكمان بتفتخر وعامل وطني وبتاع حرية

فكرك يصل لقطع الملاحة في قناة السويس بصراحة أنت لا تحتاج لمداخلة أنت تحتاج لمحاكمة

عموما هي وجهة نظري فيك قد أكون مخطئا ولذلك أدعو الجميع للحكم علي أو عليك

[م تيمور المراغي]

كلامي واحد على فكرة يا طارق في كل مكان ولو دورت حتلاقي نفس المداخلات هنا في المحاورات الا اذا كانت اتحذفت ,,

ماتنساش ان الكلام ده كان 8 نوفمبر قبل التنحي ب 3 ايام

ايراد قناة السويس بالكامل كان بيروح لمؤسسة الرئاسة مش لمصر

ولو ناوي تكمل مناقشة يا طارق خلليك اهدى من كده عشان نكمل حوار هادي سوا ,,

اكرر شكري على الاوسمة دي

[ابراهيم عبد العزيز]

لو فرضنا صحة هذا الكلام عن حركة 6 ابريل وقلنا أن :

( حركة 6 ابريل تلقت تدريبات فى أمريكا ))

ولو قلنا ايضا على سبيل المثال أن :

(( حركة 6 ابريل مدسوسة ))

(( حركة 6 ابريل ذات اجندات خارجية ))

وذلك على سبيل الفرض طبعا

اقول فى حالة صحة كل هذه الاتهامات ما المشكلة ؟؟؟؟

هل الثورة المصرية كانت ثورة حركة 6 ابريل ؟؟

الثورة المصرية كانت ثورة شعب باكمله خرج فيها الطفل والشيخ والمرأة والرجل والعامل

والمدير والفقير والغنى وكل اطياف المجتمع لا يهم ماهية حركة 6 ابريل , ولن ندع وسائل

الاعلام الامريكية تدس السم فى العسل ونثق فى أنفسنا ولسنا امعة ( نسير مع الرايقة ) ,

نثق تماما فى شعبية الثورة المصرية ومحليتها ولن يؤثر فينا كلام وسائل الاعلام الأمريكية

التى كانت تغض الطرف عن المظالم التى كانت تحدث فى مصر قبل ثورة 25 يناير وكانت داعمة

لكل الديكتاتوريات العربية لانها تحقق مصالحها, اذن الاعلام الامريكى لا يؤخذ كلامه مصدقا

به ابدا .

تم تعديل 7 مايو 2011 بواسطة ابراهيم عبد العزيز

[م تيمور المراغي]

اكيد استاذ ابراهيم لم تكن ثورة 25 يناير هي ثورة شباب 6 ابريل ,,

لكن بردوا ماننكرش دور الحركة المؤثر والفاعل في الدعوة و التخطيط و التصعيد قبل و اثناء وبعد الثورة ,,

ده وثائقي بيؤرخ ليوميات الثورة انتجته BBC في اعتقادي بيوضح امور كتيره ,,

تحيتي ,,

http://www.youtube.com/watch?v=MA27xT4hQtU&feature=related

[ابراهيم عبد العزيز]

اكيد استاذ ابراهيم لم تكن ثورة 25 يناير هي ثورة شباب 6 ابريل ,,

لكن بردوا ماننكرش دور الحركة المؤثر والفاعل في الدعوة و التخطيط و التصعيد قبل و اثناء وبعد الثورة ,,

ده وثائقي بيؤرخ ليوميات الثورة انتجته BBC في اعتقادي بيوضح امور كتيره ,,

تحيتي ,,

http://www.youtube.com/watch?v=MA27xT4hQtU&feature=related

طبعا يا أخ أرك لا احد ينكر ابدا دور حركة 6 ابريل ليس فقط فى ثورة 25 يناير ولكن حركة 6 ابريل كان لها دور كبير فى رفع وعى المواطن المصرى وعملت على ذلك منذ سنوات وتعريفه بحقوقه السياسية وهى الحركة التى أبدعت فى فى تعليم المواطن المصرى اساليب احتجاجية سلمية وفعالة منذ سنوات طويلة وفى وقت كان الكثيرون من الشباب المصري سلبيون وتحملت حركة 6 ابريل العبء كاملا .

وما كلامى الذى قلته عن ان حركة 6 ابريل لم تكن هى فقط من قامت بالثورة وان ثورة 25 يناير كانت ثورة شعبية خالصة إلا لكى أغلق الحجج والذرائع التى بدأت بعض وسائل الاعلام الغربية والامريكية فى ترويجها لضرب الثورة المصرية عن طريق التشكيك فى حركة 6 ابريل كحركة وطنية نفتخر نحن كشباب مصري بها ونعتز بها أيما اعتزاز .

تقبل تحياتى اخ أرك

[ssmaly]

الاخ ارتكت

انا سررت كثيرا ان يكون معنا واحد من اعضاء حركة 6 ابريل فى المحاورات

كل الناس النهاردة بتحاول ان تتهم اى واحد بالعمالة وانه ضد مصر عن طريق ربطه باى واحد شعره اصفر استعان به فى حتى لو كان استعان به فى التدريب فى لعبة كرة القدم

واذا كل واحد تدرب مع الأمريكان خائنا سيكون اكبر خائن هو مبارك وانور السادات الى وافقوا على التدريبات العسكرية المشتركة بين الجيش المصرى والجيش الامريكى طبعا بالأضافة لتلقى مبارك اموال من امريكا يسموها مساعدات لمصر والكل عارف انها كانت فى الاخر فى جيب مبارك وابنه

وسهل جدا التشكيك والاتهمات وعلى فكرة لائحة الأتهامات الجاهزة لم تتغير منذ عهد جمال عبد الناصر

العمالة لامريكا او الألحاد والتعاون مع روسيا والموسادالاسرائيلى ولكن هناك كمان اتهام جديد موديل 2011 التعامل مع حزب الله الشيعى وايران الماجوسية الفارسية

الان الحكم على كل مافات هو ماهو ات

يعنى لابد ان نجد 6 ابريل بيعمل بجد لصالح مصر بوطنية ولا ينظر الى الخلف او حتى يرد على الأتهامات

لان العمل هو ابلغ رد

[الغريب]

ومني لشباب 6 إبريل ألفين سلام وتحية

شباب مصري زي الورد ، ربنا يحميهم ويحرسهم

وأقول للجميع ..

كفاكم إنتقاص من وعي الشعب المصري

الحمد لله أن كل محاولة للتأثير على هذا الوعي تبؤ بالفشل

ثورة مصر ربانية ثم شعبية

الكل له إحترامه مادام سيقدم برنامج يرضى الله صاحب الفضل الأول على الثورة ثم الشعب المصري المنفذ لإرادة الله، وصاحب الوعي الذي خيب أمال كل منتقصيه

تحياتي ..

هذا استدراك مني على هذه المشاركة بسبب بعض الحقائق التي صارت تتبدى لي واحدة تلو الأخرى بخصوص حركة 6 إبريل

هيا بقت كده !

طيب مادام وصلت لكده انه استعراض للقوة امام شباب 6 ابريل وباقي الثوار

فشباب 6 ابريل و في حالة اصرار الناس دي على دخول الميدان بالقوة

سيرفعون لافته (( لن تمروا ))

ابحث في التاريخ

وشوف لما الكلمة دي بتترفع بيحصل وقتها ايه !

انت مع المواجهة والتصعيد !!

أنا بصراحة يا بشمهندس أخذت كلامك على محمل الثقة وكذبت عقلي وقولت أبحث في التاريخ عن "لن تمروا"

بالفعل أخذت الكلمة وبحثت في جوجل

وليتني ما بحثت !!

طلعت "لن تمروا" حركة مكونة من شباب منتمين في الأصل لحركة شباب 6 إبريل ولكنهم أنقلبوا وخرجوا عليهم حينما علموا بعلاقات حركة شباب 6 إبريل بمنظمات صهيونية أمريكية على شاكلت فريدوم هاوس ، وهذه المنظمات تتخذ من حركة شباب 6 إبريل وسيلة للمرور والنفاذ منها إلى الداخل المصري ، فرفض الشباب هذه الأمور وأسسوا لأنفسهم حركة جديدة تسمى "لن تمروا" (يقصدوا بذلك المنظمات الغربية)

هذا الكلام مذكور في مقال على مدونة منشور في 31/05/2009

حقيقة اغلاق جروب شباب 6 ابريل

بدا اليوم بتساؤل اعضاء الفيس بوك عن اغلاق جروب شباب 6 ابريل وفى الحقيقة كنت من عدد قليل جدا يعلم بالاسباب الحقيقة لهذا ولم افاجئ

كل الامر هوه خطة وضعها احمد ماهر لفصل مجموعة من انشط اعضاء الحركة بعد رفضهم التعامل مع منظمات مشبهوة صهيونية وامريكية واصراهم على نشر بيان رفض للتعامل مع هذه المنظمات وهو الامر الذى استجاب له احمد ماهر بعد عدة ضغوط , وبعد رفضه الاعتراف بسفر شباب الحركة واصراره على ان سفرهم كان بصفتهم الشخصية ,لكننا فوجنا بان احمد ماهر يعرقل ترجمة هذا البيان باصرار عجيب بل واصدار اوامره بهذا مما دفع البعض الى ترجمة هذا البيان بنفسه واعادة نشرة الامر الذى جعل بعض انصار التعامل مع هذه المنظمات ينقلب على احمد ماهر فما كان منه الا التاكيد ان هذا البيان ماهو الا للاستهلاك الاعلامى فقط وانه لن يترجم ولن يعمل به .

كان شعار البيان وهو شعار مرحلى للحركة بعد ان تاكد الجميع من محاولة احدى المنظمات المشبوهة وهى فرديم هاوس فتح باب مصر عن طريق شباب 6 ابريل هو لن تمروا

فكانت خطة احمد ماهر كالتالى :

اغلاق جروب شباب 6 ابريل حتى لا يتثنى للرافضين النقاش عليه امام كل الاعضاء (كانت الخطة الاصلية هى اشاعة احمد ماهر بانه لا يعلم شيئا عنى اغلاق الجروب مدعيا ان الامن كان وراء ما حدث ), وحذف بعض اعضائه ,ثم اعلانه عن استعداده للتعاون مع حركة او جماعة لن تمروا

وبهذا يكون ماهر قد تخلص من شباب الحركة الرافضين للتعامل مع تلك المنظمات المشبوهه واضاف على هذا كل الرافضين لشخص ماهر والمختلفين معه فى قضايا اخرى

الغريب فى الامر ان يستخدم احمد ماهر احد الشباب فى اختراق اميلات وحسابات بعض اعضاء الحركة لعله يجد لهم ما يدينهم لكن ولله الحمد بعد ان هذا لم يجدوا ما ارادو , وانقلب السحر على الساحر فكان هذا الشاب يخترق حسابات احمد ماهر واحد الشباب المسافرين الى امريكا وبعض المتعاونيين معهم وتم تسريب بعض الرسائل من داخل حسابتهم بفضل الله وحده ثم غباء هذا الشاب الى بدا بتسريب تلك الحسابات

الاغرب فى الامر ان هذا الشباب قام بعمل ثريد رباعى كان فيه مع احمد ماهر وباسم فتحى واحد اشخاص الحركة ممن يدعون الحيادية فتم اختياره كعضو فى لجنة تحقيق للحركة

وتوالت بعد ذلك التسريبات لهذه الرسائل التى وضحت للكل ان كل من فى الثريد ليسوا متورطين فى العمالة والتعاون مع تلك المنظمات ولكن تم توريطهم فقط فى سباب الرافضين لتلك العمالة وربما لتفهيمهم ان هؤلاء لهم هدف هدم الحركة وانهم ساعيين الزعامة

فادعو اننا فريق لن تمروا مجموعة حزبية تسعى الى تلك الزعامة

على الرغم من توضيح البعض منهم شمس الفخاخرى ( يسارى ) ونور حمدى ( مستقل ) ووليد خيرى ( قومى ) ومحمد عبدالعزيز (لبرالى وطنى

اننا مجموعة لا تسعى الا الزعامة ولا يجمعنا الا حب مصر

هذه كانت بعض الحقائق وسنوالى نشر التفاصيل فى وقتها المناسب

كما أن أسماء محفوظ عرضت بالكلام عن الحركة بما يؤيد أفكار 6 إبريل الحقيقية وأفكار حركة "لن تمروا" الحقيقية في أحد الحوارات التي أجريت معها

"حركة 6 أبريل" هي حركة شبابية ظهرت علي الساحة عام 2008 بدعوتها الشهيرة بالإضراب، الدعوة التي لاقت صدي من الشارع المصري يومها، رغم أن هذا الصدي لم يتكرر بنفس القوة في العام الذي يليه، منذ أيام قليلة سمعنا عن حركة وليدة انشقت من "6 أبريل" وهي حركة "لن تمروا"، لكن لماذا حدث هذا الانشقاق هذا السؤال الذي توجهنا به لأحدى منسقين اللجنة الإعلامية بحركة 6 أبريل "أسماء محفوظ".

ما هي حركة لن تمروا؟

هم مجموعة من زملائنا في 6 أبريل، قرروا أن ينفصلوا ويكونوا حركة جديدة أطلقوا عليها هذا الاسم، وذلك لأن أصبح لهم أهداف مختلفة وطريق آخر مختلف.

متي حدث الانفصال؟

خلال هذا الأسبوع

ما الأهداف التي أصبحت مختلفة؟

6 أبريل حركة مستمرة في طريق واحد وهو مصر أولاً، وكيف نخلص مصر من الفساد، ونعالج الغلاء، أما لن تمروا فهي حركة قومية إسلامية تهتم بالوطن العربي كله، وهي حركة ضد الصهيوينة.

هي حركة تهتم بالوطن العربي خاصة القضية الفلسطينية، وأنتم مصر فهل نشأ الخلاف بعد الهجوم الأخير علي غزة؟

لا،غزة ليس لها اي علاقة ، والخلاف كان من أيام قليلة فقط.

اذنً ما السبب؟

فكرة السفر للخارج هي السبب، هناك من سافر من مجموعة 6 أبريل لكن بشكل شخصي، وقابلوا هيلاري كلينتون في التدريب الأخير الخاص بالمجتمع المدني، فظهرت مجموعة رفضت الاحتكاك بأي أجنبي وطلبوا الانشقاق.

لماذا انتم تقبلوا التعامل؟ ولماذا هم رفضوا التعامل؟

نحن نرفض اي تدخل أجنبي كما نرفض اي تمويل اجنبي ايضا، لكننا لسنا ضد فكرة السفر للخارج لنتعرف أكثر علي هذة المجتمعات وعلي تفكيرهم، وفي النهاية نحن لا ننفذ اي أجندات أمريكية، بعكس لن تمروا التي ترفض اي احتكاك بأجنبي فهي ضد الصهيونية والامبريالية والتعامل مع الأمريكان، لكننا ضد الصهيونية والامبريالية ولكننا لسنا ضد التعامل مع الأمريكان للتعرف علي فكرهم،وهذا هو الخلاف الأساسي.

ومن هم الذين قاموا بهذا الانشقاق؟

لا يتعدوا 6 أشخاص، كلهم منتمين لحزب العمل.

ما شكل العلاقة بينكم الآن؟

مازالوا أصدقائنا، ولو هناك أي عمل مشترك سنتعاون فيه لنكمل بعض.

[ابو محمود]

الان وبمتهى الانانية يتم سرقة الثورة من الشعب المصرى من حركات ليس لها اي وزن سياسى فى الشارع المصرى ... ربنا يستر على مصر والمصريين

[م تيمور المراغي]

حركة «احتلوا وول ستريت» تستعين بأحمد ماهر لتكرار تجربة ميدان التحرير فى أمريكاا \\ الرباط الخاص بي

كده الثورة الامريكية صناعة مصرية :happy:

[MZohairy]

يا تيمور سيروا على بركة الله

و سيبك من كسارين المقاديف الله يكرمك

دول اقصى ما عندهم هو الدعاء على الحاكم سرا و اعلان حرمانية الخروج عليه في نفس الوقت

ربنا معاكم

[ابو محمود]

هذا وقت المثل القائل اذا كان الكلام من فضه

فالسكوت من ذهب ............ :sad:

[م تيمور المراغي]

د.حازم عبد العظيم: «هناك تربص من المجلس العسكري لأعضاء 6 إبريل.. ولابد من تقدير أعضاء الحركة» \\ الرباط الخاص بي

[م تيمور المراغي]

اختراق مصري خطير لاسقاط نظام الحكم الامريكي

عناصر اثارية مصرية تقود مظاهرات الامريكان في وول استريت

والامريكيين يرددون باللغة العربية :egyflag: :

( الشعب يوووريد ايسكات النزاام )

شاهد مش عارفه اجيبه ع اليوتيوب :happy:

[Alshiekh]

اختراق مصري خطير لاسقاط نظام الحكم الامريكي

عناصر اثارية مصرية تقود مظاهرات الامريكان في وول استريت

والامريكيين يرددون باللغة العربية :egyflag: :

( الشعب يوووريد ايسكات النزاام )

شاهد مش عارفه اجيبه ع اليوتيوب :happy:

أجيب لك أنا الفيديو

بس ياترى مين بيدفع لمين؟

http://www.youtube.com/watch?v=mt0ikW3D50o

[Simba]

من ساعة ما الثورة ما قامت مش شايف غير اتهامات في اتهامات وتخوين ما بعده تخوين

وما شاء الله كله من غير ادلة

الاسلاميين مفقعوين من 6 ابريل

و الليبرالين مفقعوين من السلفيين

والسلفيين خايفين من الاخوان تاخدهم علي خوانة

والاخوان شوهت صورة الثوار واتهمت معتصمين التحرير بانهم حشاشين ووصلت انهم سموا يوم جمعة الوقيعة

وبرضه مفيش دليل واحد يوحد ربنا

دليل يا عالم

دليل يا اخوالنا

ويتقدم بيه بيه بلاغ والقانون ياخد مجراه

انما اتهامات بالباطل علشان فلان سافر وفلانة حضرت مؤتمر

هو بطريقة التخوين الفظيعة دي البلد هتشوف ديمقراطية ابدا

هو عمر سليمان كان عنده حق لما قال المصريين مش جاهزين للديمقراطية الآن ؟؟

[احمد رضوان]

هو عمر سليمان كان عنده حق لما قال المصريين مش جاهزين للديمقراطية الآن ؟؟

كان فيه 18 يوم سجلهم التاريخ بفخر وإحترمهم العالم .... كان المصريين فيه فقط مجرد .... مصريين بشر إيدهم في إيد بعض مسيحي بيحمي مسلم ومسلم بيحمي مسيحي وبنت في وسط رجاله وعيال كانوا بيشموا وبيضربوا بانجو وقفوا يحموا الرجاله والستات والبنات والأولاد ... ال 18 يوم دول كان ممكن يبقوا 18 سنة لو لقوا قائد يوجه التوهج ده في إتجاه الأمام كان تالقوة دي ممكن تنقل جبل المقطم ممكن تعمل بدل السد العالي ألف سد عالي ... بس للأسف كان القرار أن بدل ما القوة تتوحد نقسمها لحزم وكل حزمة تضاد التانيه في القوة وتشتغل عكسها وبالتالي نوصل لتوازن تتشتت فيه كل القوى.

ده حالنا كان مؤامرة أم كان فشل ... ده وضعنا قوتنا كمصريين وقف العالم باحترام لحضارة اختفت لمئات السنين وظهرت في 18 يوم كان فيه اللى عايز يشتتها ، قسم البلد الأول جزئين انتخابات ودستور ، وبعد كده جزء النعم قسمه لجزئين سلفيين وإخوان وجزء اللا قسمه لأقسام كتيره المهم كله يقف قدام كله وبشرط ما سكونش فيه منهم منتصر ... نجح المخطط بشكل اكثر من رائع على الأرض مش بسبب عبقرية التخطيط فقط ... لأ كمان بسبب عبقرية الغباء وعدم ثباتنا

النتيجة اللى اكتشفناه ان في خلال 18 يوم كان ممكن نكون ومش مستحيل ابداً اننا نحاول ناخد فرصة تانية من القدر 18 يوم تانيه الجسم اللى مات من سنيين اتضح إنه لسه فيه الروح وقدر يقوم ويمشي ويكافح مش ممكن نقبل خدعة إنه مات تاني

الثورة مش ممكن تموت اللى اتغير مش المكان اللى اتغير جوه ناس كتير جدا حيظهر مع الوقت لأنه زى البذرة اللى إنغرست في 18 يوم وحتثمر إن شاء الله طالما فيه روح في الجيل اللى حضر الثورة

[م تيمور المراغي]

http://www.youtube.com/watch?v=48coS4HkIzA

[م تيمور المراغي]

نشطاء سياسيون ومرشح للرئاسة يشاركون فى مؤتمر هارفرد حول الثورات العربية.. "الطلاب المصريون" يهاجمون موسى بسبب "مبارك".. وأحمد ماهر: المجلس العسكرى يحمى "الفلول" والبحث عن الغنائم يهدد الثورة \\ الرباط الخاص بي

[جويرية]

http://www.youm7.com/News.asp?NewsID=503870&

انما ليه جمعيات الرفق بالانسان مش بتدرب حد غير 6 ابريل

يعني هيا مش بتدرب السلفيين ليه

وازاي الدولة سايبة جمعيات حقوق الانسان تعيث فسادا في البلاد من غير ما تحاسبهم ، دول عملاء علنا من غير ما

يستخبوا

دول معاهم اجندات انا شفتهم كل واحد معاه اجندة كبيرة و اتنين صغيرين

تم تعديل 17 نوفمبر 2011 بواسطة جويرية

[م تيمور المراغي]

http://www.youm7.com/News.asp?NewsID=503870&

انما ليه جمعيات الرفق بالانسان مش بتدرب حد غير 6 ابريل

يعني هيا مش بتدرب السلفيين ليه

وازاي الدولة سايبة جمعيات حقوق الانسان تعيث فسادا في البلاد من غير ما تحاسبهم ، دول عملاء علنا من غير ما

يستخبوا

دول معاهم اجندات انا شفتهم كل واحد معاه اجندة كبيرة و اتنين صغيرين

هههههههه عسول يا جوجو ربنا يحميكي :happy:

شوفي يا ستي السبب ان الجمعيات دي بتختار افراد ليس لهم ايدلوجيات محددة ولا يسعون للترشح للنتخابات او تفضيل فصيل سياسي دون الآخر بل المفترض في المتقدمين انهم عى مسافة واحده من الجميع وعلى فكره مش 6 ابريل بس لا معاهم كمان شباب من حركات تانيه كتير

تحيتي ,,