إلي أي مدي تحتفظ بحلمك؟

[Dreamwithme]

السلام عليكم ورحمة الله وبركاته:

إلي أي مدي تحتفظ بحلمك وتؤمن به وبامكانية تحقيقه حتي إذا أكد لك جميع من حولك أنه حلم خيالي وأنك لا تستطيع تحقيقه؟

هل حققت شئ خلال حياتك كان الجميع أكد لك أنه مستحيل أو عاكستك الظروف فيه كثيرا؟

ياريت نتشارك في القصص التي من الممكن أن تكون الهام كبير للذين لم يحققوا أحلامهم بعد.

ياريت كل واحد يكتب قصته مع حلمه سواء اتحقق أم ليس بعد....وكيف يتمسك به؟

قصة للألهام

عندما كان فريد سميث صاحب ومؤسس شركة فيدرال إكسبرس fedex طالباً في السنة النهائية في جامعة ييل الأمريكية طلب أساتذته منه إعداد مشروع يمثل حلم من أحلامه

فاقترح فريد على أساتذته فكرة مشروع لنقل الطرود حول العالم في وقت قصير لا يتعدى يومين حكم كل الأساتذة على هذا المشروع بالفشل

وقالوا له إنها فكرة ساذجة و أن الناس لن تحتاج أبداً لهذا النوع من الخدمة وأعطاه أستاذه مقبول في هذا البحث

وقال له أنه على استعداد لإعطائه درجة أفضل إن عدل هو فكرة مشروعه فرد عليه الشاب المؤمن بقدرته والقابض على حلمه احتفظ أنت بتقديرك وسأحتفظ أنا بحلمي

وبدأ فريد مشروعه بعد التخرج مباشرة بمجموعة بسيطة من الطرود حوالي 8 طرود وخسر أموالا في بداية المشروع وكان مثار سخرية الناس ولكنه استمر وحاول وقاتل

من أجل حلمه والآن شركته من أكبر الشركات في العالم في هذا المجال .

إن التاريخ لم يذكر اسم الأستاذ الذي أعطى تقدير ضعيف لهذا الرجل ولكن التاريخ والجغرافيا أيضاً ( تجوب طائرات وشاحنات فريد جميع أرجاء الأرض )

ذكرت هذا الرجل بحروف من نور بل حروف من مليارات الدولارات ولم يدفعه الفشل في بداية المشروع إلى التردد في أن يتمسك بحلمه.

[لماضة مصرية جدا]

و عليكم السلام و رحمة الله و بركاته

عارفة يا دريمي لما قريت السؤال لقيتني بفكر في حاجة واحدة....بس معاكسة شوية

الي اي مدي حلمي هو اللي بيتمسك بيا

اكيد هتهزي راسك دلوقتي و تقوليلي...يا بنتي حلمك دوت مش حاجة حية ملموسة عشان تتمسك بيكي او تتخلي عنك....لكن انا اللي المفروض الكائن العاقل صاحب الاختيار و الارادة اني اتمسك بالحلم او اتخلي عنه

عارفة يا دريمي في اوقات كتير عندي احلام جوه مني....من كتر ما هي امتزجت بتفكيري....و خلايا دماغي....و احساسي بالراحة و السعادة بقت هي اللي مش بترض تتخلي عني...مهما حاولت اعاند و اجرب نفسي في مليون حاجة تاني تبدو منطقية جدا....و تبدو اقل مغامرة....و تبدو قطعا اقل انتقادا....لكن دايما هي اللي بلاقيها بتعافر الصخب اللي ف وقت ما بيملي حياتي و بتعافر انها تطلع ع السطح و تفرض نفسها

فيه حلم يا دريمي....بيفضل ينكش جواكي....عامل زي العيل الزنان....يزن صحيح...بس بتحبيه مووت و في الاخر ممكن تاخدي قرار انك تستجيبي لل "زن" دوت

بالنسبة ليا....كان حلم "السفر"

كنت بتلكك الحقيقة عشان اسافر ان شاله نص ساعة بالعربية لاي بلد جنبينا

السفر عندي مش هروب من مكان لمكان

السفر....فرصة قد تبدو انه عادية....لكنها بتتيح لصاحبها انه يكتشف مش اماكن تانية فحسب لكن يكتشف نفسه كمان اكتر...

طبعا الكل قال لا.....باستخدام جمل من نوعية

"انتي بنت...ازاي تسافري"

"لما تتجوزي.....ابقي اعملي اللي انتي عايزاه"

"انتي ناقصك ايه عشان تسافري"

"هو انتي فاكرة السفر دوت فسحة و مراجيح و خروجة بيتزا....ده غلب و مرمطةو سكينة بتقطع كل يوم حتة من القلب"

كلام كتير اتقالي.....و مش هكذب يعني و اقول اناعافرت.....لا بالعكس اوقات ببقي مطيعة حد الدهشة....مش عشان اي من المبررات اللي اتقالت....لكن عشان مكنتش عارفة و لا مصدقة ان ده حلمي اصلا...او انه ممكن يتحقق

بس زي ما قولتلك في الاول....فيه حاجات كده بتفضل "تزن" جواكي.....و في لحظة قدرية ما

بيكون آن أوانها انها تطلع من جواكي و تتحقق

اخدت القرار اني اسافر....بعد حوالي محاولتين تم احباطهم للسفر لاستكمال الدراسة ببريطانيا

المرة دي...كل العبارات اللي اتقالت....مبقتشي مجرد كلام.....بقت زعيق....و بقت مواقف صامتةمتجاهلة ليكي.....و بقت خصام امتد لحوالي سنة و نص....و احيانا كان فيه تاييد....لكن فيه صمت...و فيه شفقة...و فيه خوف عليكي من اللي هيحصل بعد القرار دوت

دلوقتي مرت سنتين بالتمام و الكمالو ابتديت في التالتة....باذن الله

اتغيرت جوايا حاجات كتير....و اتغير اللي حواليا كمان....و اتأكد جوايا احساس اني كنت صح

اتغير جوايا مفهومي عن السفر و الاستقرار....و الحرية و المسئولية....و اتخاذ القرارات و الاهم التماسك بعد ما اتخذها

اتغير اللي حواليا....لانهم ابتدوا يصدقوا ان عقلي الطفولي....خلاص اتعود انه يستقل....هيخطيء و هيصيب....و هيقع و هيقف....بس لازم اعتمد علي نفسي....لازم احضن نفسي و اقويها....مش استني ان ده يجي من اي حد تاني من بره

اتاكد جوايا احساس اني كنت صح

عارفة لما تبقي لسه طالعة الدنيا....مع اني مش صغيرة....بس كانت دنيتي ملفوفة بورق السوليفان و مكنتش اعرف ايه براه

كنت بشوف حاجات كتير بعيوني انا و احساس قلبي انا....و اسال نفسي هو انا صح

السفر....اكدلي....اني بفضل الله كنت صح

احساس ورق السوليفان لسه متغيرشي....و لسه بتعلم

و يظل حلم "السفر"....حاجة بتنكش جوايا.....و مش عارفة هتبطل امتي

اتصدقي....بفكر..."اسافر"....لحتة تانية......و محدش عارف براح الحلم هياخدني لفين

طولت عليكي

بس صباحك......حلم...بعيون مفتحة....بقلب واعي....بدعاء لربنا انه يجعل كل خطوة سفر لينا طاعة تقربنا منه

[Dreamwithme]

عارفة يا لماضة عجبني جدا كلامك وأثر فيا جدا

بالذات جملة

فيه حلم يا دريمي....بيفضل ينكش جواكي....عامل زي العيل الزنان....يزن صحيح...بس بتحبيه مووت و في الاخر ممكن تاخدي قرار انك تستجيبي لل "زن" دوت

فعلا الحلم لما بيكون طالع من جواكي بيستحوذ عليكي

وبتحسي أنه صوت عمال يزن عليكي جدا

لفتي نظري فعلا للناحية التانية من السؤال فعلا أحيانا بتشعري أن في حلم هو اللي بيجري وراكي ويطاردك

بس ده أكيد لأنه نابع من عقلك اللاواعي وفي الآخر أنا أشعر أن الأحلام ككل شئ في الدنيا رزق ربنا بيرزقنا به

فرزقك هيطاردك طوال عمرك ولن يتركك ...هذه هي فعلا الأحلام الحقيقية...

لكن لو الواحد قدر يسكت الصوت اللي في داخله أعتقد أنه ساعتها ده مش حلم حقيقي.

أتمني لك السعادة في تحقيق حلمك في السفر والاستمتاع بالحياة اللي أنت عايزاها ومخططة لها.

[مغتربة]

بصى بقى يا ستى

انا و احلامى دايما بنشاكس بعضنا

يعنى فى احلام لما بتلاقينى متمسكه بيها قوى بتحلف ميت يمين ما تتحقق

و فى احلام بتمناها مره واحده بس و بس بنساها و مبحطهاش فى دماغى القى الايام لفت لفت و جاتلى لوحدها من غير اى حتى محاوله منى

و فى احلام بعافر معاها و تتحقق بطلوع الروح و احلام بتتحقق بمجهود بسيط و تانيه بطلع عينى

انا و احلامى توم و جيرى على طول الخط

[eslam elmasre]

بصى بقى يا ستى

انا و احلامى دايما بنشاكس بعضنا

يعنى فى احلام لما بتلاقينى متمسكه بيها قوى بتحلف ميت يمين ما تتحقق

و فى احلام بتمناها مره واحده بس و بس بنساها و مبحطهاش فى دماغى القى الايام لفت لفت و جاتلى لوحدها من غير اى حتى محاوله منى

و فى احلام بعافر معاها و تتحقق بطلوع الروح و احلام بتتحقق بمجهود بسيط و تانيه بطلع عينى

انا و احلامى توم و جيرى على طول الخط

انا بصراحه كل املي في الحياة اني اعيش مستور واموت مستور وان ربنا يسترني دنيا واخره ودائما كلمة الحمد لله اواجه بها كل مصائب الدنيا واقول الحمد لله انها جات علي اد كده فيه اكتر من اللي جالي ولما ربنا يعطيني واحس انه زياده عليا اخاف واقول كل ده يا رب الحمد لله ما كنتش احلم بده وانت اعطيتني اكثر بكثير مما كنت اامل

لكن الدنيا امل وعمل وكفاح وشقاء ويظل الانسان يأمل ويعمل لتحقيق هذا الامل في اطار من القناعه والرضا بما قسمه الله لنا فكلنا افضل من كلنا وكل واحد في نفسه ملك زمانه ومكانه

[م تيمور المراغي]

الحلم بالنسبه لي كائن حي ,, ينمو ببطء لكن بثقة ,,

يوما بعد يوما ,,

ودوري معه هنا ,, هو ان اقاتل لكي اوفر له كل عوامل البقاء والسلامه ,,

وبطبيعة الامور ان من سار على الدرب وصل

ان شاء الله

لان دي سنة الله في الكون ,,

[عبير يونس]

عارفة يا دريمي في اوقات كتير عندي احلام جوه مني....من كتر ما هي امتزجت بتفكيري....و خلايا دماغي....و احساسي بالراحة و السعادة بقت هي اللي مش بترض تتخلي عني...مهما حاولت اعاند و اجرب نفسي في مليون حاجة تاني تبدو منطقية جدا....و تبدو اقل مغامرة....و تبدو قطعا اقل انتقادا....لكن دايما هي اللي بلاقيها بتعافر الصخب اللي ف وقت ما بيملي حياتي و بتعافر انها تطلع ع السطح و تفرض نفسها

فيه حلم يا دريمي....بيفضل ينكش جواكي....عامل زي العيل الزنان....يزن صحيح...بس بتحبيه مووت و في الاخر ممكن تاخدي قرار انك تستجيبي لل "زن" دوت

هو ده اللي بيقولوا عليه قانون الجذب يا لمضمض

حلمك امتزج بيكي و بقى جزء منك

عشان كده اتحقق

لأن عقلك الباطن اتبرمج عليه

و أصبح حقيقة بداخلك

فمن الطبيعي ان تخرج تلك الحقيقة الى حيز الوجود

بالنسبة ليا....كان حلم "السفر"

كنت بتلكك الحقيقة عشان اسافر ان شاله نص ساعة بالعربية لاي بلد جنبينا

السفر عندي مش هروب من مكان لمكان

السفر....فرصة قد تبدو انه عادية....لكنها بتتيح لصاحبها انه يكتشف مش اماكن تانية فحسب لكن يكتشف نفسه كمان اكتر...

طبعا الكل قال لا.....باستخدام جمل من نوعية

"انتي بنت...ازاي تسافري"

"لما تتجوزي.....ابقي اعملي اللي انتي عايزاه"

"انتي ناقصك ايه عشان تسافري"

"هو انتي فاكرة السفر دوت فسحة و مراجيح و خروجة بيتزا....ده غلب و مرمطةو سكينة بتقطع كل يوم حتة من القلب"

أشهد اني كنت من الناس دي

اللي كانت متخصصة في قتل الاحلام

زي ما كتير من احلامي تم وأدها في مهدها

من قبل الآخرين الذين سمحت لهم بذلك

و أشهد اني تبت إلى الله

و قررت أسيب الأحلام في حالها

و اللي يعجبني اتمسك بيه

و الي ميعجبنيش اسيبه يمكن يعجب غيري

فاكرة في مداخلة ليا من سنة كده اني عارضت و بشدة

نفس الاعتراضات اللي ذكرتيها في موضوع سفر البنات

و كنت مخضوضة من الفكرة

و تصورت بجهل اني لما اتخض يبقى لازم اللي حواليا كمان يتخضوا

الجاهل بيتعلم

و انا اتعلمت إني أسمع أصوات أخرى غير صوتي

و أني مش بالضرورة كل ما أفكر فيه يمكن تعميمه

بس بجد لو كل البنات في جدعنتك يا لموضة

كانوا الأهالي ما خافوش على بناويتهم و سابوهم يخوضوا تجارب كتير

في الآخر برضه الوالدين معذورين

ربنا يعيننا جميعا على تربية ابناءنا

و يقدرنا على عدم المساس بأحلامهم

[عبير يونس]

بصى بقى يا ستى

انا و احلامى دايما بنشاكس بعضنا

يعنى فى احلام لما بتلاقينى متمسكه بيها قوى بتحلف ميت يمين ما تتحقق

و فى احلام بتمناها مره واحده بس و بس بنساها و مبحطهاش فى دماغى القى الايام لفت لفت و جاتلى لوحدها من غير اى حتى محاوله منى

و فى احلام بعافر معاها و تتحقق بطلوع الروح و احلام بتتحقق بمجهود بسيط و تانيه بطلع عينى

انا و احلامى توم و جيرى على طول الخط

ما هو ده شرط الجذب يا جميل

لازم تجذبي الحلم بلطف

!Gently Does It

عارفة القصة بتاعة الشمس و الرياح لما اتنافسوا مين فيهم يقدر يخللي واحد من الناس يخلع المعطف اللي هو لابسه

الرياح فضلت تعصف بقوة شديدة عشان تخلع المعطف

و كانت النتيجة ان كل الرياح ما تعصف بشدة

كل ما الرجل يتمسك أكثر بمعطفه ( و يتكلفت بيه أكتر)

راحت الشمس ظهرت بلطف و رمت باشعتها الدافئة

فما كان من الرجل إلا أن خلع معطفه بمنتهى السعادة

فالتفتت الشمس للرياح قائلة:

اللطف يكسب!

كل ما نعمل حاجة بشدة دايما نحصل على أثر عكسي

و هو ما يعرف في الفيزياء بقانون المقاومة

لكل فعل ردة فعل مساوية له في المقدار و معاكسة له في المنحى

فالشدة تحصد مقاومة بنفس درجة الشدة

و اللطف يحصد لطفا مماثلا له تماما

اجذبي حلمك بلطف يا عزيزتي

[عبير يونس]

حلمي أنا بقى

إني يفضل ليا أهداف مستمرة طول ما أنا عايشة

بأحلم لنفسي

و لزوجي

و لأولادي

و لاخواتي

و لأصدقائي

و عائلتي

و لبلدي

و للبلد اللي انا عايشة فيها

و للمدينة اللي عايشة فيها

و للمكان اللي باشتغل فيه

و للبلاد العربية

و للدول الاسلامية

و للغرب

و للشرق

للكرة الأرضية

و للكون كله

نفسي الناس كلها تصل للسعادة و تعرف سرها

أنها تنبع من الداخل

نفسي أشوف الناس كلها سعيدة

نفسي أشوف الناس عندها أهداف بتسعى لتحقيقها

نفسي الكون يعمر بينا و لينا

نفسي استفيد و افيد اللي حواليا في رحلتي في الدنيا

و نفسي الاقي الجنة ... الفردوس الأعلى هي محطتي الأبدية مع كل اللي باحبهم و يحبوني

مع كل الناس اللي في قلوبها حب و خير و عرفت توجههم صح

الحياة رحلة كلها محطات

كل محطة بتاخد منا و بتدينا على قد ما تاخد

و كل ما بتاخد حب وخير بتدينا حب وخير

في ناس بتنشغل في المحطات و متنبسطش بالرحلة و توصل المحطة الأخيرة بالعافية

و في ناس بتضيع في المحطات للأبد و ما توصلش لأي حاجة لا في الرحلة و لا المحطة الأخيرة

و في ناس بتفضل نايمة لا شافت و لا عرفت و بتروح عليها الرحلة و كمان المحطة الأخيرة

و في ناس بتستمتع بكل لحظة في الرحلة

و تستمتع بكل محطة

و بتقرأ كل الرسائل اللي وصلتها

و تتبع التعليمات الإرشادية

لحد ما توصل لمحطة النعيم الأبدية

اللهم اجعلنا منهم يارب

محبتي ليكم جميعا

و كل ثانية و انتم في سعادة موصولة للسعادة الأبدية

[مغتربة]

بصى بقى يا ستى

انا و احلامى دايما بنشاكس بعضنا

يعنى فى احلام لما بتلاقينى متمسكه بيها قوى بتحلف ميت يمين ما تتحقق

و فى احلام بتمناها مره واحده بس و بس بنساها و مبحطهاش فى دماغى القى الايام لفت لفت و جاتلى لوحدها من غير اى حتى محاوله منى

و فى احلام بعافر معاها و تتحقق بطلوع الروح و احلام بتتحقق بمجهود بسيط و تانيه بطلع عينى

انا و احلامى توم و جيرى على طول الخط

ما هو ده شرط الجذب يا جميل

لازم تجذبي الحلم بلطف

!Gently Does It

عارفة القصة بتاعة الشمس و الرياح لما اتنافسوا مين فيهم يقدر يخللي واحد من الناس يخلع المعطف اللي هو لابسه

الرياح فضلت تعصف بقوة شديدة عشان تخلع المعطف

و كانت النتيجة ان كل الرياح ما تعصف بشدة

كل ما الرجل يتمسك أكثر بمعطفه ( و يتكلفت بيه أكتر)

راحت الشمس ظهرت بلطف و رمت باشعتها الدافئة

فما كان من الرجل إلا أن خلع معطفه بمنتهى السعادة

فالتفتت الشمس للرياح قائلة:

اللطف يكسب!

كل ما نعمل حاجة بشدة دايما نحصل على أثر عكسي

و هو ما يعرف في الفيزياء بقانون المقاومة

لكل فعل ردة فعل مساوية له في المقدار و معاكسة له في المنحى

فالشدة تحصد مقاومة بنفس درجة الشدة

و اللطف يحصد لطفا مماثلا له تماما

اجذبي حلمك بلطف يا عزيزتي

و الله يا بنتى لا شده نافعه و لا لين نافع ههههههههههه :sad:

انا و احلامى الحمد لله ناقر و نقير :P

ملناش قاعده تنطبق علينا

احنا لوحدنا كدا قاعده لوحدها

بس بجد ميرسى على الكلام الجميل دا

تحياتى

[Dreamwithme]

بصى بقى يا ستى

انا و احلامى دايما بنشاكس بعضنا

يعنى فى احلام لما بتلاقينى متمسكه بيها قوى بتحلف ميت يمين ما تتحقق

و فى احلام بتمناها مره واحده بس و بس بنساها و مبحطهاش فى دماغى القى الايام لفت لفت و جاتلى لوحدها من غير اى حتى محاوله منى

و فى احلام بعافر معاها و تتحقق بطلوع الروح و احلام بتتحقق بمجهود بسيط و تانيه بطلع عينى

انا و احلامى توم و جيرى على طول الخط

ما هو ده شرط الجذب يا جميل

لازم تجذبي الحلم بلطف

!Gently Does It

عارفة القصة بتاعة الشمس و الرياح لما اتنافسوا مين فيهم يقدر يخللي واحد من الناس يخلع المعطف اللي هو لابسه

الرياح فضلت تعصف بقوة شديدة عشان تخلع المعطف

و كانت النتيجة ان كل الرياح ما تعصف بشدة

كل ما الرجل يتمسك أكثر بمعطفه ( و يتكلفت بيه أكتر)

راحت الشمس ظهرت بلطف و رمت باشعتها الدافئة

فما كان من الرجل إلا أن خلع معطفه بمنتهى السعادة

فالتفتت الشمس للرياح قائلة:

اللطف يكسب!

كل ما نعمل حاجة بشدة دايما نحصل على أثر عكسي

و هو ما يعرف في الفيزياء بقانون المقاومة

لكل فعل ردة فعل مساوية له في المقدار و معاكسة له في المنحى

فالشدة تحصد مقاومة بنفس درجة الشدة

و اللطف يحصد لطفا مماثلا له تماما

اجذبي حلمك بلطف يا عزيزتي

و الله يا بنتى لا شده نافعه و لا لين نافع ههههههههههه :sad:

انا و احلامى الحمد لله ناقر و نقير :P

ملناش قاعده تنطبق علينا

احنا لوحدنا كدا قاعده لوحدها

بس بجد ميرسى على الكلام الجميل دا

تحياتى

طبعا أنا متفقة مع مصرية متغربة في الكلام علي اللطف في التعمل مع الأحلام

لكن في نقطة تانية مهمة في موضوع جذب ماتريدين وهي نقطة صعبة حقيقة

أن للأسف ممكن تكوني بتفكري كتير في حلمك ونفسك فيه وبتحاولي بس داخلك شعور بالحرمان من رغبتك في هذا الحلم

فبالتالي شعور الحرمان يولد ويجعل عقلك الباطن يجذب حرمان أكثر

عشان تحققي أحلامك لازم تشعري بالسعادة والامتنان كأن حلمك تحقق بالفعل

بعيد عن موضوع الجذب .......عجبتني جدا كلماتك يا مغتربة بأن أنت وأحلامك زي توم و جيري

جميل لأنهم بالرغم من أنهم من ناحية هما بيحاربوا بعض لكن أن خدتها من أنهم علي طول بيطاردوا بعض و كل واحد مش عايز يسيب التاني في حاله

ربنا يحققك لك أحلامك كلها يارب يا مغتربة

[Dreamwithme]

أستاذ اسلام المصري ...........كلنا بنحلم بالحلم ده الرضا أهم شئ ..ربنا يحقق لك أحلامك كلها يارب

أركيتيكت ربنا يكرمك بجد علي كلامك الجميل فعلا الحلم كائن ينمو ببطء والمفروض أن نتعهده بالرعاية

أستاذة مصرية متغربة .............أحلامك يا أفندم جميلة ويارب تفضلي تحلمي أحلام جميلة وربنا يحقق لك كل الخير يارب

[masraweya]

احلم معايا .. موضوع جميل و لايق عليك جدا

احلامي دايما في الخلفية

يعني مش طافية اوي على السطح .. بس عاملة زي الطاقة او الوقود اللي بيخليني استمر و اقاوح في حاجات كثير حتى لو باين انها خسرانة بتعبير ناس كثير

لما بقعد مع نفسي باكتشف ان ربنا سبحانه و تعالى اكرمني بحاجات كثيييييييييييييييييير من احلامي و حاجات ما كنتش بفكر فيها حتى .. بس يمكن كانت في الخلفية

بس في الزحمة ممكن كا ناخدش بالنا و ننشغل بالاحلام اللي لسة ما تحققتش عن الاستمتاع بل الانتباه لما تحقق فعلا

و في النهاية

الحمد لله رب العالمين

[اغابي]

شوفي يا دريم موضوعك جميل كالمعتاد طبعا

- انا لو حلمت بحلم ومقدرتش اوصله وخاصة لو اعتبرته انه مهم فى حياتى جدا

وعملت كل اللى فى طاقتى ومجهودى انى اوصل للحلم او النجاح داه -

وبعد كل داه - ما وصلتش له - امووت او اتجنن حاجة من الاتنين

الحمدالله

احلامى مش كتير - كام حلم معدودين على اصابع اليد الواحدة

لكن لغاية دلوقتى

كل حلم حلمته

اتحقق - بس بعد عذاب ومعاناه وصبر وارادة

وطبعا ربنا كان بيوقف معايا كتير اوى وبيسندني

المهم نتمسك بحلمنا

تم تعديل 24 ديسمبر 2010 بواسطة اغابي

[م تيمور المراغي]

الحلم بالنسبه لي كائن حي ,,

...........

http://www.youtube.com/watch?v=H-k6kiTz9Vg

[Dreamwithme]

أغابي سلامتك ألف سلامة من الجنان

أتمني لك تحقيق كل أحلامك

مصراوية ثقي في أحلامك ولا تستمعي لمن حولك وإليك أهدي هذه القصة الخيالية

في إحدى المرات كان يوجد مجموعة من الضفادع الصغيرة ..

كانوا يشاركون في منافسة ..

والهدف كان الوصول إلى قمة برج عالي ..

مجموعة من الجماهير تجمعوا لكي يتفرجوا على السباق ويشجعوا المتنافسين .

وانطلقت لحظة البدء ..

بصراحة لا أحد من المتفرجين يعتقد أن الضفادع الصغيرة تستطيع أن تحقق إنجازا وتصل إلى قمة البرج .

وكانت تنطلق من الجماهير عبارات مثل :

( أوه ، جداً صعبة .. لن يستطيعوا أبدا الوصول إلى أعلى )

أو

( لا يوجد لديهم فرصة .. البرج جداً عالي )

وواحدا تلوالآخر، بعض الضفادع الصغيرة بدأت بالسقوط ، ما عدا هؤلاء الذين كانوا يتسلقون بسرعة إلى أعلى فأعلى ، ولكن الجماهير استمروا بالصراخ :

( جداً صعبة !!! ... لاأحد سيفعلها ويصل إلى أعلى البرج )

عدد أكبر من الضفادع الصغيرة بدأت تتعب وتستسلم ثم تسقط ..

لكن أحدهم أستمر في الصعود أعلى فأعلى لم يكن الاستسلام وارداً في قاموسه ..

في النهاية جميع الضفادع استسلمت ..

ماعدا ضفدع واحد هو الذي وصل إلى القمة ..

بطبيعة الحال جميع المشاركين أرادواأن يعرفوا كيف استطاع أن يحقق ما عجز عنه الآخرون !!!

أحد المتسابقين سأل الفائز : ما السرالذي جعله يفوز ؟

الحقيقة هي ..

الفائز كان أصم لايسمع .

الدرس المستفاد :

لا تستمع أبدا للأشخاص السلبيين واليائسين .

سوف يبعدونك عن أحلامك المحببة والأمنيات التي تحملها في قلبك

دائما كن حذرا من قوة الكلمات؛ فكل ما تسمعه وتقرأه سيتدخل في أفعالك .

لذلك :

كن دائما إيجابيا .

ضع إصبعك في أذنيك لكي لا تسمع ذلك الشخص الذي يخبرك أنك لا تستطيع أن تنجز أحلامك .

ضع في اعتقادك أنك تستطيع النجاح دائما .

[م تيمور المراغي]

القصه معبره اوي يا دريم ,,

فعلا ,, ربنا يحمينا من اعداء النجاح

وما اكثرهم في وقتنا الحالي ,,,

[سكر]

احلام يا عينى على الاحلام

زمان لما كنت صغير كنت بحلم اكون رئيس الجمهوريه دلوقتى عرفت انى كنت عبيط وكان ليا احلام شاطحة كدة شويه

منها انى فكرت فى نفس فكرة محور التعمير الى بيحلم بيه فاروق البار دة طبعا من غير مما كنت اعرف مين فاروق دة

ما علينا بس بمناسبه الموضوع الجميل دة عايز اسال سوال ومحيرنى فعلا

ايهما اصعب

اختيار الحلم ام تحقيقة؟

يعنى انك تختار حلمك اسهل ولا تحقق الحلم دة

ويحضرنى فى ذللك الايه الكريمة

الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا

بقيت اخاف جدا انى اختار حلم والحلم دة يتعبنى جدا فى تحقيقة وفى النهايه اكتشف انه لا يستاهل كل المجهود المبذول فيه

[بركة]

ياترى مشيت النهاردة خطوة في طريق حلمك ؟