وأنا صغير..وأنا صغيرة...

[Damo]

وأنا صغيرة كانو يقولولي متاكليش بزر البطيخ عشان ميطلعش بطيخ في بطنك

وأنا صغيرة كانوا يقولولي متكليش وانتي واقفة عشان الاكل مينزلش في رجلك وتبقى قد رجل الفيل

وأنا صغيرة كنت فاكره ان البنات بس اللي عندهم رموش وكنت دايما محتاره ليه بابايا عنده رموش

وأنا صغيرة كنت فاكرة بابايا أطول راجل في العالم وكل مرة ييجي ياخدني من المدرسة انشر خبر ان أطول راجل في العالم جاي مدرستنا

وأنا صغيرة كنت فكره الباميه جواها مسامير عشان كانت بتشكني كل مااكلها

وأنا صغيرة كنت فكره ان الرجيم بيتخن

وأنا صغيرة كنت فاكرة ان البرص عبارة عن تمساح بيبي

وأنا صغيره كان نفسي أطلع مدرسة تصحيح...اصحح بس مش ادرس

وأنا صغيرة كنت واثقة ومتاكدة ان عندي قدرت سحرية بس لسه متعلمتش استخدمهم

وأنا صغيرة كنت برش مية على الناس اللي ريحة واللي جاية من البلكونه عشان أشوف ردت فعلهم

وأنا صغيرة كنت اجيب الرول بتاع الفويل بتاع المطبخ بعد مايخلص واقف في الشباك اقول فيه اذاعة الراديو وأعمل فقرات خاصة لشاديه

وأنتو كنتو ايه وانتو صغيرين ؟؟ :rolleyes:

تم تعديل 11 أكتوبر 2010 بواسطة Damo

[doha]

والله انتي زي العسل يادامو ..

كذا مرة يجي في بالي افتح نفس الموضوع بتاعك ده .. عن الحاجات الي كنا معتقدين بصحتها واحنا صغيرين او الي اتقالت لنا زمان ولما كبرنا عرفنا الحقيقة ..

عن نفسي كان عندي اعتقاد راسخ انا واختي الكبيرة اننا لو ( نطينا في مروحة السقف ) وهي بتدور ( هتقص ) رجلنا فيبقى شكلها ديل سمكه فنتحول حورية بحر !!!

بصراحه للآن مش فاهمه ولا عارفه منين جالنا التفكير الفظيع ده بس فعلا الفكرة كانت مسيطرة علينا وان بينا وبين امنية حياتنا للتحويل لحورية ( الي بيبقى نصفها انسان ونصفها سمكه ) ان تواتينا الشجاعة ونقفز في المروحه ..

على مااذكر ماما وبابا مكانوش بيضحكوا علينا ابدا واحنا صغيرين .. وعشان كده اعتقد مفيش حاجه قالوها لي وطلعت غلط بعد كده .. لكن كان عندنا مربية الله يمسيها بالخير كنا بنحبها اوي ونصدق كلامها كله ... احد اهم ماقالته لنا ان البرص ـ اكرمكم الله ـ لو موتيه بينفصل ذيله عنه ويفضل يتحرك والحركه دي مش عبث وانما هو هيفضل يجري لغايه مايلاقي الي موت البرص .. ويقرصه :blink:

طبعا الى يومنا هذا برغم اني عارفه ومتاكده انها كانت بتضحك علينا الا اني خلاص بخاف من ذيل البرص موت ومقتنعه الى الآن انه ممكن يقرص !!

آخر حاجه بقى من معتقدات الطفولة سمعتها لسه امبارح طازه .. بنتي راجعه من المدرسة بتقولي ان مين من عيلتنا ياماما حارب مع المصريين قلت لها جدك فلان وعم عم علان .. قالت لي طيب وبابا ؟ قلت لها لاه كان لسه صغير قالت لي امال ليه فلان زميلنا في الفصل باباه حارب مع المصريين ؟.. طبعا فهمت الي فيها .. الراجل قعد مع ابنه قعده وطنيه واقنعه فيها انه حارب في 67 واستشهد في 73 smk:

[pocy]

هههههههههههههههههههه موضوع فظيع جدا ووجب الرد السريع عليه والله كل اللى انتى عملتيه وانتى صغيره كنت انا بعمله بس انا كنت بدل ما ارش الميه كنت برمي بيض هههههههههههههههههههههههه

لا فى حاجه تانى افتكرتها وكل ما افتكر حاجه هاكتبها

وانا صغيره كان لازم اغسل سنانى قبل ماانام والا الشمامه هتيجي تشمنى وتطلع حاجات سوده فى سنانى

وانا صغيره كنت بحب جدا ارمى اللى معدى ببيض وبعدين اجرى على الاوضه التانيه وابص من ورا الشباك هههههههههههههههه

وانا صغيره كنت متاكده انى انا فرفيرو بس اخدين جناحاتى علشان معرفش اطير

لو افتكرت حاجه كمان هضيفها مع انك قلتى معظم اللى ممكن اكتبه

[pocy]

يعنى موضوع البرص ده مش انا لوحدى اللى معتقده كده ههههههههههههههه

[اغابي]

ييييييييي

ما بلاش يا دامو الحاجات اللى بتعتمد على الذاكرة دي

اانت مش عارفة الزهيمر واخد حقه معايا اليومين دووول

:lol:

اشوف يارب افتكر وانا صغيرة كان بيحصل ايه

- طب افتكر امبارح اتعشيت ايه الاول

فاصل

اغابي

:roseop:

تم تعديل 12 أكتوبر 2010 بواسطة اغابي

[nightmare]

ييييييييي

ما بلاش يا دامو الحاجات اللى بتعتمد على الذاكرة دي

اانت مش عارفة الزهيمر واخد حقه معايا اليومين دووول

:lol:

اشوف يارب افتكر وانا صغيرة كان بيحصل ايه

- طب افتكر امبارح اتعشيت ايه الاول

ههههههه , مش انتى لوحدك يا أغابي يا أختي , ده انا من ساعة ما شفت التوبك امبارح بالليل عمال اعصر في دماغي إنى أفتكر حاجة , مش قادر

لدرجة انى قاعد بقنع في نفسي دلوقتى إنى إتولدت كده ( علشان ما ازعلش والضغط يعلي ) cr((:

يارب افتكر بس اى حاجة.:sad:

مع تحياتي

[مسافر زاده الخيال]

من الخيالات الطفولية لدي...........

اني كنت اظن ان القطط ما هي الا اسود صغيرة ولما تكبر تصير اسد زي ما اشوف في التلفزيون بس كنت مستغرب ليه ما اشوف الاسود ماليه الشوارع !!!!!!!!!!!!!!!!!!!!!!!!!!!!!!

فهداني تفكيري ان القطط لما تبدأ تكبر (تهاجر) نحو الغابات وهناك تتحول الى اسود!!!!!!!!!!!!!!!!!!!!!!!bv:-

-------------------------------------------------------------------

كنت اظن (بتأثير المسلسلات التاريخية)ان جميع الناس كانت تتكلم عربي !!!!

---------------------------------------------------------------------

كنت اظن ان (الصيام) معناه الاكل بعد اذان المغرب مباشره (الافطار)

كنت اظن ان افلام الكارتون كائنات حية حقيقية لكن في كوكب تاني و نحنا بنشوفهم في التلفزيونtv_:

[اغابي]

ييييييييي

ما بلاش يا دامو الحاجات اللى بتعتمد على الذاكرة دي

اانت مش عارفة الزهيمر واخد حقه معايا اليومين دووول

:lol:

اشوف يارب افتكر وانا صغيرة كان بيحصل ايه

- طب افتكر امبارح اتعشيت ايه الاول

ههههههه , مش انتى لوحدك يا أغابي يا أختي , ده انا من ساعة ما شفت التوبك امبارح بالليل عمال اعصر في دماغي إنى أفتكر حاجة , مش قادر

لدرجة انى قاعد بقنع في نفسي دلوقتى إنى إتولدت كده ( علشان ما ازعلش والضغط يعلي ) cr((:

يارب افتكر بس اى حاجة.:sad:

مع تحياتي

الحمدالله يا نايت ان فى حد مشاركنى

اصل انا فاكرة ان الزهايمر استولى عليا انا لوحدى اتاريه مشارك معايا ناس اهو

طب تعالى نعصر ادمغتنا يمكن نطلعلنا بحاجة كدا ولا كدا

نحكيها فى موضوع داموا - اهو تبقى بشرى خير - يمكن بعدها يكون فى امل فى الافق

نفتكر اتعشينا ايه بجد

لكن خلى بالك دى ميزة لانى بسبب انى بانسي او اتناسي وبعلم نفسي الصفة الجميلة دى وهى نعمة النسيان

فبسامح كتير واحب الناس كلها وانسي الاسية وقلبي بيصفى بسرعة بجد دى ميزة حلوة

انتظريني يا دامو بس اعصر دماغى

اغابي

فاصل

:roseop:

تم تعديل 12 أكتوبر 2010 بواسطة اغابي

[Damo]

والله انتي زي العسل يادامو ..

كذا مرة يجي في بالي افتح نفس الموضوع بتاعك ده .. عن الحاجات الي كنا معتقدين بصحتها واحنا صغيرين او الي اتقالت لنا زمان ولما كبرنا عرفنا الحقيقة ..

مفيش أي مشكلة. اغير اسمي لضحى ويبقى موضوعك

احنا الاتنين واحد :rolleyes:

بس موضوع عروسة البحر ده لازم تعرفلنا أصله :happy:

لو افتكرت حاجه كمان هضيفها مع انك قلتى معظم اللى ممكن اكتبه

عادي قولي تاني

أهو نعرف صفات التشابه برضو :closedeyes:

من الخيالات الطفولية لدي...........

اني كنت اظن ان القطط ما هي الا اسود صغيرة ولما تكبر تصير اسد زي ما اشوف في التلفزيون بس كنت مستغرب ليه ما اشوف الاسود ماليه الشوارع !!!!!!!!!!!!!!!!!!!!!!!!!!!!!!

فهداني تفكيري ان القطط لما تبدأ تكبر (تهاجر) نحو الغابات وهناك تتحول الى اسود!!!!!!!!!!!!!!!!!!!!!!!

دي أكتر واحدة ضحكتني :lol: بس تفسير منطقي برضو

ييييييييي

ما بلاش يا دامو الحاجات اللى بتعتمد على الذاكرة دي

اانت مش عارفة الزهيمر واخد حقه معايا اليومين دووول

اشوف يارب افتكر وانا صغيرة كان بيحصل ايه

- طب افتكر امبارح اتعشيت ايه الاول

ههههههه , مش انتى لوحدك يا أغابي يا أختي , ده انا من ساعة ما شفت التوبك امبارح بالليل عمال اعصر في دماغي إنى أفتكر حاجة , مش قادر

لدرجة انى قاعد بقنع في نفسي دلوقتى إنى إتولدت كده ( علشان ما ازعلش والضغط يعلي )

يارب افتكر بس اى حاجة.:sad:

مع تحياتي

الحمدالله يا نايت ان فى حد مشاركنى

اصل انا فاكرة ان الزهايمر استولى عليا انا لوحدى اتاريه مشارك معايا ناس اهو

طب تعالى نعصر ادمغتنا يمكن نطلعلنا بحاجة كدا ولا كدا

نحكيها فى موضوع داموا - اهو تبقى بشرى خير - يمكن بعدها يكون فى امل فى الافق

نفتكر اتعشينا ايه بجد

لكن خلى بالك دى ميزة لانى بسبب انى بانسي او اتناسي وبعلم نفسي الصفة الجميلة دى وهى نعمة النسيان

فبسامح كتير واحب الناس كلها وانسي الاسية وقلبي بيصفى بسرعة بجد دى ميزة حلوة

انتظريني يا دامو بس اعصر دماغى

اغابي

فاصل

يا جماعة لا عصر ولا حاجة . هتفتكروا كده على مهلكم ..افتكروا كنتوا بتقضوا وقتكم ازاي..كنت بتقولوا ايه مع اصحابكو في المدرسه ؟ كده الحاجات دي هتكر واحدة ورا التانية :happy:

[شريف مان]

ماما كانت دايما تقولى بعد الاكل يالا يا شاطر أغسل ايدك أحسن الشمامة تشمك

:lol:

[Howayda Ismail]

وانا صغيرة كنت اروح كل يوم الصبح اشترى الجرنال لابويا ويزعل منى لو حد اخذه

وفتحه قبل منه وهو اللى خلانى احب القراءة

كل الاولاد فى سنى كانوا بيلعبوا ويصرفوا فلوسهم فى الحلويات وانا كنت احب

اشترى القصص والكتب واقعد اقراها ومازالت موجودة عندى لحد دلوقت

وانا صغيرة كنت احب افصل هدوم العرايس وكنت احب ارسمهم

كنت وان صغيرة احب اوى اتفسح مع صحباتى فى العيد نروح النزهة وملاهى كوتة

والقلعة ومحطة الرمل بس كانت الحياة اجمل بكتير من دلوقت من غير زحمة

ولا قلة ادب كانت التروماى وبس وسيلتنا الوحيدة ورغم صغر سننا كنا بنروح كل حتة

ييييييييييييييييييييييييياه كانت اييييييييييييييييييييييييييام

وانا صغيرة كنت خجولة جدا ماطلعش اسلم على حد من قرايبى ولاكنت ارضى ازورهم

كنت مرتبطة بوالدى الله يرحمه ومازلت وكنا نجيب اللب والسودانى ويقعد يحكيلنا حاجات كتير حلوة

كنت امشى فى الشارع ماكلمش حد ولااسلم على حد وفضلت كده لحد ماتزوجت وجاراتى افتكروا

انى متكبرة عليهم بس لما اتعرفنا على بعض غيروا فكرهم . كفاية كده احسن اشتقت لايام زمان

[تامر مصطفى]

موضوع اكثر من رائع

خصوصا واني دايما احن للماضي ودايما افتكر ايام الطفولة واتمنى انها ترجع تاني

وهحاول اتذكر معاكم خزعبلات الطفولة

وانا صغير كانت والدتي دايما تقولي كل الرغيف كله علشان ميجريش وراك يوم القيامة

وانا في كل مرة اسرح بخيالي واتخيل حوالي عشرين رغيف طالع لهم رجلين صغيرة وانا منطلق بأقصى سرعة وهما ورايا

بس في مرة فكرت لو وقفت هيعملوا ايه يعني؟؟

وانا صغير كنت صاحب نظريات واكتشافات

فأكتشفت ان الانسان بيكون في بداية حياته كبير وبعدين بيصغر والسبب في الاكتشاف ده ان كان لينا جار صديق والدي قصير جدا فكنت متخيل انه صغر وكمان كام سنه هيبقى أدي

وطبعا من ضمن التحليلات طرحت تساؤل ونجحت في الاجابة عليه

الا وهو طيب ليه انا مش فاكر حاجة من ايام ما كنت كبير؟؟؟

وبسرعة وضحت لنفسي الامر وطلعت بنتيجة وهي ان الانسان بينسى الاحداث اللي حصلت لما يصغر

وانا في سن ال5 سنوات كنت نفسي افضل سهران ومنامش علشان اشوف مين الرخم اللي بيجي بالليل يدلق علياميه وانا نايم لدرجة اني بقوم غرقان md2:

لما افتكر حاجة تاني ارجع اقولكم عليها علشان لسه عندي كتييييير

[مسافر زاده الخيال]

من التساؤلات الطفولية ..........زلماذا لا نستطيع قلب شريط الفديو VHS

مثلما نفعل باشرطة التسجيل................

لماذا لا تطير الدجاجة؟؟؟؟؟؟؟؟wst::

ما هو اخر رقم؟؟؟؟؟؟؟؟؟؟

كيف سيصبح العالم سنة 2000..non::..لان المجلات والافلام كانت تصور ان ذلك العالم سيطير الناس للفضاء والتطور غير مسبوق

كنت لا اتحمل النظر الى negative الصور

[المهندسه]

ييييييييي

ما بلاش يا دامو الحاجات اللى بتعتمد على الذاكرة دي

اانت مش عارفة الزهيمر واخد حقه معايا اليومين دووول

:lol:

اشوف يارب افتكر وانا صغيرة كان بيحصل ايه

- طب افتكر امبارح اتعشيت ايه الاول

ههههههه , مش انتى لوحدك يا أغابي يا أختي , ده انا من ساعة ما شفت التوبك امبارح بالليل عمال اعصر في دماغي إنى أفتكر حاجة , مش قادر

لدرجة انى قاعد بقنع في نفسي دلوقتى إنى إتولدت كده ( علشان ما ازعلش والضغط يعلي ) cr((:

يارب افتكر بس اى حاجة.:sad:

مع تحياتي

وحياتكم انتم الانتنين انا كمان زهايمر اووووى ومش فاكره بس بحاول افتكر

اني كنت اظن ان القطط ما هي الا اسود صغيرة ولما تكبر تصير اسد زي ما اشوف في التلفزيون بس كنت مستغرب ليه ما اشوف الاسود ماليه الشوارع !!!!!!!!!!!!!!!!!!!!!!!!!!!!!!

فهداني تفكيري ان القطط لما تبدأ تكبر (تهاجر) نحو الغابات وهناك تتحول الى اسود!!!!!!!!!!!!!!!!!!!!!!!bv:-

-------------------------------------------------------------------

تحفه جدااا عبقرى من يومك يا مسافر ..لاء بجد حلوه اوى

طبعا زى ما قالت ضحى كان عندى اعتقاد ان البرص بعد لما بيموت ديله بيفضل عايش بس بيكبر تانى لغايه ما يبقى برص جديد

كان عندى اعتقاد اول ما دخلت المدرسه انى لما اروح المدرسه مش هشوف ماما وبابا تانى

ولما يجى ميعاد المرواح كل يوم كان عندى يقين وتأكيد ان ماما و بابا مش هيرجعوا ياخدونى تانى (اصلى كنت شقيه اووووى)

كلنا واحنا صغيرين كنا عارفين ان احنا كنا فى بطن مامتنا لكن انا من حبى فى بابا كنت معتقده انى كنت فى بطنه هو.

كنت شقيه وقويه اوى وانا صغيره وكنا ساكنين تحت عمتى وماما وبابا بيروحوا الشغل و كل شويه عمتى تنزل تشوفنا وتطلع تانى ..هى تفتح بالمفتاح من هنا و انا احلف ميت يمين وعظيم ماهى داخله ابدااا البيت و ماما مش موجوده كان عندى اعتقاد انها هتاخد هدوم ماما وتمشى تقولولى اشمعنى الهدوم اقولكم ما اعرفش هى دى دماغى ساعتها وافضل اصرخ اصرخ والم الناس ...مهو كمان عمتى كانت بتحبنى موووووت بسبب فضايح كل يوم

لما افتكر تانى هرجع اقولكم اصل نودرى كتير علشان بعيد عن عيالكم كنت قويه شويه.

تم تعديل 12 أكتوبر 2010 بواسطة المهندسه

[اغابي]

وحياتكم انتم الانتنين انا كمان زهايمر اووووى ومش فاكره بس بحاول افتكر

طبعا زى ما قالت ضحى كان عندى اعتقاد ان البرص بعد لما بيموت ديله بيفضل عايش بس بيكبر تانى لغايه ما يبقى برص جديد

كان عندى اعتقاد اول ما دخلت المدرسه انى لما اروح المدرسه مش هشوف ماما وبابا تانى

ولما يجى ميعاد المرواح كل يوم كان عندى يقين وتأكيد ان ماما و بابا مش هيرجعوا ياخدونى تانى (اصلى كنت شقيه اووووى)

كلنا واحنا صغيرين كنا عارفين ان احنا كنا فى بطن مامتنا لكن انا من حبى فى بابا كنت معتقده انى كنت فى بطنه هو.

كنت شقيه وقويه اوى وانا صغيره وكنا ساكنين تحت عمتى وماما وبابا بيروحوا الشغل و كل شويه عمتى تنزل تشوفنا وتطلع تانى ..هى تفتح بالمفتاح من هنا و انا احلف ميت يمين وعظيم ماهى داخله ابدااا البيت و ماما مش موجوده كان عندى اعتقاد انها هتاخد هدوم ماما وتمشى تقولولى اشمعنى الهدوم اقولكم ما اعرفش هى دى دماغى ساعتها وافضل اصرخ اصرخ والم الناس ...مهو كمان عمتى كانت بتحبنى موووووت بسبب فضايح كل يوم

لما افتكر تانى هرجع اقولكم اصل نودرى كتير علشان بعيد عن عيالكم كنت قويه شويه.

حد يا ريا يا اختى يعمل فى عمتو كدا دا انت مفترية

:lol:

بصراحة ذكريات جميلة يا بشمهندسة

الحمدالله انا عمتى اشترت دماغها وما كنتش تزوربنا من اصله

علشان لانفضحها ولا تفضحنا

:lol:

ذكرياتكم جميلة يا جماعة والاجمل انها شايلة ملامح الزمن الجميل

تحياتى للجميع

اغابي

[Damo]

ما هو اخر رقم؟؟؟؟؟؟؟؟؟؟

وأنا صغيرة قررت اكتشف ايه هو آخر رقم

ومامتي شجعتني وجابتلي كراسة مخصوصة للبحث بتاعي :closedeyes:

[مسافر زاده الخيال]

ما هو اخر رقم؟؟؟؟؟؟؟؟؟؟

وأنا صغيرة قررت اكتشف ايه هو آخر رقم

ومامتي شجعتني وجابتلي كراسة مخصوصة للبحث بتاعي :closedeyes:

يعني خيالات الاطفال قد تكون متقاربه......................

[المهندسه]

حد يا ريا يا اختى يعمل فى عمتو كدا دا انت مفترية

كويس ان انا سيبتها تمشى و ما حكمتش عليها بال بالى بالك عمتى برضه و ابويا كان يزعل و يفتحلى فى سين وجيم ف اكتفيت ب bsh:) بس..منتظره ايه من ريا غير كده ksh::

[لماضة مصرية جدا]

وانا في سن ال5 سنوات كنت نفسي افضل سهران ومنامش علشان اشوف مين الرخم اللي بيجي بالليل يدلق علياميه وانا نايم لدرجة اني بقوم غرقان md2:

السلام عليكم و رحمة الله و بركاته

دي جامدة جدا.....هو السن ده كان فيه مشكلة في التصريف و لا ايه؟؟؟

نشاطركم الاحداث... :lol:

تحياتي

[se_ Elsyed]

على ما يبدو إننا وإحنا صغيرين إتربينا في بيت واحد

لإن مُعظم الأوامر العُليا دي كنا بنتلقاها من القيادة .. خصوصاً بتاعت الشمامه هاتشمك دي ..

بس من الأقوال المأثورة برضوا وإحناصغيرين : ماتاكلش لب سوري عشان مايعملش دودفي بطنك..

- للبنات بقى : ماتكنسيش البيت بالليل عشان الملايكة بتضايق

- جُملة كرهتني في شم النسيم واللي نسموه : إصحى يا سين سين لغنك لو نمت يوم شم النسيم يبقى هاتفضل وخمان وكسلان طول السنة لحد شم النسيم الجاي .... منتهى الرعب