أضحك مع فاروق حُسني

[se_ Elsyed]

مش عارف طالبه معايا اليومين دول ثقافة وفن وحركات ... يمكن هروب من قرف المذاكرة - أنا كان مالي ما كنت في حالي وكبيري أضرب ميكي أو سوبر ميكي .. إيه اللي رماني رمية المذاكرة والوجبات المنزلية وزمزمية الميه كل يوم وشاندوشت الجبنه بالقوطة اللي زي ما يكون مقرر عليه هو راخر -

المهم اتكعبلت من يومين تلاته في موقع فاروق حُسني .. قصدي الفنان فرفور حُسني اللي عيني عينك بيستغل مركزة كوزير ثقافة وكل شويه يرزعنا معرض انقح من التاني ويبيع لوحاته بملايين .. في تحدي صارخ لكل الأعراف والقوانين اللي بتمنع أستغلال المنصب الحكومي وخاصة لو كان وزاري .. وعارفين مين بيشتري اللوحات دي وغرضه إيه

ما علينا مش عاوز أقلبها سياسة ..

والله أنا باحترم الفن ويعيش مولانا وبطيخ مولانا لكن لما يبقى بالشكل ده ... يبقى لأ لا مؤخذه لازم اقول رأيي

مش عارف ليه كل ما أتفرج على لوحات الفنان فاروق أبو حسني أفتكر مشهدين :

1- مشهد اللوحة اللي كان راسمها فؤاد المهندس في فيلم " خلي بالك من جيرنك " وكانت عبارة عن لوحه بيضا وفيها نقطة سودا ... وكان مسميها " عندما تأتي الخيول إلى المزرعة في بؤنه " والنقطة السودا كانت تُمثل شهر بؤنه ... وما فيش لا خيول ولا مزرعة ولا ديل حضان حتى .

2- المشهد التاني كان في فيلم المجنون " فاكرينة ؟ بتاع اسعاد يونس وأبو بكر عزت ووحيده سيف . لما وحيد سيف مراته اتهفت في عقلها وراحت مزاد وأشترت لوحه بألوفات عبارة عن لوحه بيضا وفيها حته مقطوعه وفزات بالمزاد بعد صارع عنيف مع المزايدين . وتعليقات وحيد سيف الطريفة على الموقف

مش هارغي كتير ... اتعلموا بقى الفن على اصولة

وتعليقاتي هاحتفظ بيها بعدين لأن سنته سوخه معايا ووقع في إيدي أخيراً

[se_ Elsyed]

سنينك زي لوحتك دي يا فاورق

اللوحة دي بالذات فاروق سارقها من عمر إبني بالحرف

يا غواصاتك يا روقه

أستنوني .. راجع

[Mercedes]

السلام عليكم و رحمة الله و بركاته

و الله يا سى السيد باشا, ما لكش حل. :blink:

فعلا الصور دى ماتنفعش لأى حاجة الا لحاجة واحدة بس:

هى أن لو واحد داخل الجيش و هيلبس ظابط, ممكن يبص على اللوحات دى ساعة كل يوم لمدة 3 اسابيع , يقوم يجيله -حول-( بعد الشر عليكم ) و بالتالى ممكن يطلع من الجيش او على الأقل يلبس عسكرى.

و الله الراجل فاروق ده مسخرة, بس مش لاقى حد يقوله, ايه ياهبل اللى أنت بتنيله ده؟؟؟

MERCEDES S430

[raouf]

ههههههه

اول ما شفت اللوح قلت دى اكيد من جوجل ايرث هههههههههههه

ابنى عنده 4 سنين وبيرسم احسن منه

[أحمد سيف]

يا اخوانا ايش فهمكوا انتوا في الفن الحديث ... ما تسيبوا الكلام فيه للمتخصصين ... هيا كل حاجه لازم نفتي فيها بمزاجنا :sad:

أنا عمّال أقول ايه ... أما أروح أنام أحسن wst::

[رضوي]

يابوووووووووووووووووووووي

دة آااااااني طول عمري عايزة اعرف ايه هو الفن التشكيلي دة

بجي هو دي الفن اللي بيجولوا عليه

دة العلم نور ياولالالالاد

والنور كهربا

والكهربا خطر ......... يبجي بلاش علم احسن

كدة بجي لو الواحد قاعد ع الترعة وبياكل جصب .... ممكن يعمل منه لوحة تشكيلية جامدة جوووووي يابوي

بس لما اعمل معرض ....... ياتري هبيع اللوحة بكااااااااااااااااااام!!!!!!!!!!!!!

[ozoozo]

اعتقد الوحات دي بتعبر عن المشاكل الموجوده ..........wst:: :sad: ;)

تم تعديل 6 فبراير 2010 بواسطة Salwa

[Mercedes]

اعتقد الوحات دي بتعبر عن المشاكل الموجوده ......;) :happy:

السلام عليكم و رحمة الله و بركاته

أيواااااااااااااااااااااااااااه

بالظبط كده wst::

:sad:

wst:: ;)

هههههههههههههههه

MERCEDES S430

تم تعديل 6 فبراير 2010 بواسطة Salwa

[engmido]

فكرتونى بعزب شو كان بيقلد مرة ع الرحمن الابنودى

يقولك ( كنت مرة جاعد جنب امى وكانت بتعجن فطير فألفت جصيدة فطرية)

وكنت مرة جاعد جنب واد عمى وبنشوى لحمة فنزل عليا الوحى والفت ملحمة)

[Salwa]

ياجماعة ..

الرحمة مطلوبة .. wst::

ده فنان تشكيلى .

وسبق لى وسألت....

طيب...تشكى لى ...ليه؟؟

والشكوى لغير الله ..مذلة .

بطلوا حقد بقى ... :sad: ;)

[عادل أبوزيد]

السابق كان تعليق الفاضلة لايت هاوس على موضوع قديم بعنوان "فاروق حسنى ... عالم من الألوان" منقول من مجلة أكتوبر و للأسف مجلة أكتوبر لا تحتفظ بأرشيف لصفحاتها على الإنترنت.

لمن يريد المزيد من المتعة مع إبداعات "الوزير الفنان" أضع هنا موقع "الوزير الفنان" على الإنترنت

يوجد فى موقع "الوزير الفنان" عدد كبير جدا من اللوحات منذ سبعينيات القرن الماضى

ملحوظة خبيثة : كل لوحات "الوزير الفنان" من نوعية واحدة و لم يغلط مرة واحدة فى حياته و رسم لوحة يفهمها "خلق الله" ناقصى الثقافة مثلى مثلا

[se_ Elsyed]

إنتو عارفين المصيبة فين يا جماعة ؟

المصيبة في اللي بيطبلوا له ومفهمينه إنه فنان وفذ وعبقري وملك الريشة وشخص ولا بيكاسو في زمانه

وطبعاً عشان واحد منهم يدفع الوفات في نكش فراخ زي دي .. فبيبقى وراها سبوبه جامده او مقاولة ياخدها من تحت ايد فرفور حُسني

وبعدين إيه ... يا ويله يا سواد ليله اللي يعترض على القرف ده .. فأقل شيء هايوصف بإنه منبعج فكرياً ... ومنشطح وجدانياً ومش فاهم حاجه في الرسم التكحيتي

لسه

لسه

أدوني بس فرصة أعرض لكم باقي الأعمال الفنية الفذة لفنان عصر النهضة فرفور حُسني

بس عارفين ...

أنا مش بألومه

أنا بالوم الناس اللي حواليه عشان ماحدش قال له في مره : إنت عبيط يالا ؟؟؟؟؟؟؟؟

تم تعديل 6 فبراير 2010 بواسطة Salwa

[عادل أبوزيد]

فى موقع "الوزير الفنان" عدد كبير جدا من اللوحات كلها من نفس النوعية و لكن هناك أيضا عددا كبيرا من المقالات النقدية هذه المقالات منها مقالين باللغة العربية لم أفهم منهم شيئا و هناك ما يزيد عن عشرين مقال باللغة الإيطالية ليت رفيق الدرب الفاضل سكوربيون يقرأهم و ينورنا.

[حسام يوسف]

والله العظيم بطني وجعتنى م الضوحك

الواد اخويا الصغير فنون جميلة

وشفت رسوماته

بس ماجابتش التجليات دي الصراحة

ايش جاب لجاب برضة :sad:

وفيه ناس بتشتري الحاجات دي؟

وعلى راى المثل:

ان كان الراسم عاقل

فالمشتري مجنون

[Damo]

وانا اللي كنت فاكرة اني مبعرفش ارسم

[ذهبية]

اية يا مواطنين انتم حاقدين على الراجل علشان فنان و لا اية ؟؟؟؟؟؟؟؟

دة رافع راية مصر عاليا فى كل المحافل الفنية........

دة المفروض بصراحة ياخد جائزة نوبل للسلام ..........

تصدقوا انا الراجل دة عاجبنى بجد عارفين ليةةةة

لانة ذكى جداا جدا كمان لانة عارف كويس ان لوحاتة الان بالملايين.......... لكن بعد ما يخرج من عزبة بابا......... هتكون اخرة لوحاتة عند بتاع الطعمية يتلف بية قرطاس طعمية سخنة

[Mercedes]

اية يا مواطنين انتم حاقدين على الراجل علشان فنان و لا اية ؟؟؟؟؟؟؟؟

دة رافع راية مصر عاليا فى كل المحافل الفنية........

دة المفروض بصراحة ياخد جائزة نوبل للسلام ..........

تصدقوا انا الراجل دة عاجبنى بجد عارفين ليةةةة

لانة ذكى جداا جدا كمان لانة عارف كويس ان لوحاتة الان بالملايين.......... لكن بعد ما يخرج من عزبة بابا......... هتكون اخرة لوحاتة عند بتاع الطعمية يتلف بية قرطاس طعمية سخنة

السلام عليكم و رحمة الله و بركاته

بس أنا متأكد أن بتاع الطعمية مش هيرضى يلف الطعمية فى اللوحات بتاع عم فاروق حسنى, لأنه هيخاف لحسن الألوان اللى فى اللوحة تطلع فى الطعمية.

بس ممكن يبقى يلف الطعمية فيها بعد مايقلب اللوحة على ضهرها لأنها فى النهاية هتكون أرخص من الورق الدشت.

أنا اتخيلت منظر فاروق حسنى بعد ما يطلع من الوزارة, و هو باعت الواد السفرجى يجيبله طعمية و يلاقيها ملفوفة فى لوحة من بتوعه هههههههههههههه :sad: :closedeyes:

يقوم يقول, ايه القرف ده, ميا ال................. اللى راسم الشخابيط دى ؟؟؟

MERCEDES S430

[Damo]

على فكرة يا س س حضرتك كده مش عادل ابدا..

المفروض كنت تبين رسومات فاروق حسني المليئة بالمشاعر الجياشة

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

[shiko]

وانا اللي كنت فاكرة اني مبعرفش ارسم

انا من هذا المنبر ومن وحى تجليات الفنان العوبقرى ..بقترح اننا نرشحه لجايزة نوبل للسلام "اكيد موش السلام الجمهورى ولا حى السلام اللى قبل العبور "

انا شخصياً شايفة ان تلك التفاهات لاطالما لم تثير اوجاع البطون ...ولم تنفخ اصوات البوق ولم تتسبب فى حروب تالتة ولا رابعة ...يبقى لازمن ولابد من جايزة .

[عنبو]

قريباً ان شاء الله سوف يتم افتتاح معرض الفنان محمد عبنو

وسوف يقوم الفنان عنبابكو بعرض خمس لوحات تتحدث عن الهطاااااااااااله واثرها الخطير على صحة البلهارسيا فى جسم الفلاح المصرى

وقال عنبو فى حديث صحفى له انه لن يبيع اى لوحه بأقل من خمسين الف $

يعنى هى جت عليا انا لو موجود فى مصر كنت عملت معرض هو اينعم انا دلوقتى حالاقى زيرو بس كلها شهر وشعرى يكبر وانكشه واعلم فيها اهبل

معرفش ليه طالبه معايا اليومين دول ولا بلاش سلااااااااام