اذهب إلى المحتوى
محاورات المصريين

فيلم الموسم " سرقات صيفية "

se_ Elsyed

بواسطة se_ Elsyed
في دعوة للأبتسام

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

12txebxyd.jpg وديع : تهامي باشا عمي وعم السيما العربية واليورو متوسطية

8eolq9dfw.jpg تهامي : قصر يا وديع وقول عايز ايه عشان أنا طهقان ومش في المود

وديع : سلامة مودك يا باشا ... جايب لمعاليك قصة إنما إيه ... اخر حاجه يعني .

تهامي : ها ... أرغي

تهامي : " سرقات صيفية " إسم هايهز عالم السيما والمرسح والتليفزيون ...

وديع : سرقات صيفية ؟؟؟؟؟ ده على اساس إن الحرامية بيلبدوا في الشتا ويبقوا كمشانين يا وديع ؟... هههه هههه هههه

تهامي : لأ لأ يا باشا .. دول قواشيط وشغالين صيف وشتا .. لكن دي قصة واقعيه .. وبطلها واحد وزير

وديع : وزير ؟...!!!!! إنت عايز تحبسني بقى يا وديع ؟

تهامي : بعد الشر يا باشا ... ده هو اللي هاينام عالبورش ....

وديع : بتحكي عن إيه القصة يا وديع ؟ شوقتني

تهامي : ده وزير سابق يا باشا .. إنما إيه ... حووووووووووووت ... أراضي تلاقي ... فلل تلاقي ... شقق تلاقي .. بتاع كله

وديع : كان هجام يعني يا وديع ؟ ايوه يعني بيطلع عالمواسير يقلب الشقق دي ؟

تهامي : هع هع هع .. لا يا باشا .. ده كده يبقى حرامي غسيل ... بطلنا كان بيلهف الشقق والاراض والفلل من بابها .. بيشفطها كلها يعني ...

وديع : طب فين القصة يا وديع ؟ قصدي فين الخط الدرامي وتصاعد المشكلة والحل

وديع : الله يا باشا .. الله عليك وإنت بتتكلم سيما صح الصح .. البعد الدرامي وخط العمر والحبكة هنا يا باشا .. لما الوزير يتعكش .. ويثبت في الاخر إن الحاجات دي كانت ورث عن جده الباشا وإن الهبابير دي كانت عنده من قبل ما يدخل الوزارة وكله بالورق وفي إقرار الذمة المالية ...

تهامي : وديع ؟؟؟ هو الفيلم ده ما فيهوش مُزز ولا ايه يا وديع ؟

وديع : باشا .. طول عمرك باشا وبتحب المزاج ... في طبعاً يا باشا وعامل حسابك في حتتين .

تهامي : طول عُمرك فاهمني يا وديع ... خش عليه بالحته الاولانية .. ومن أول السطر

وديع : آ آ .. الحته الاونية متربه شوية ... حراميه برضوا بس معديه السبعين بشويتين ؟

تهامي : معديه السبعين ؟.؟؟؟؟؟؟!!! ودي أعمل بيها إيه يا وديع ؟

وديع : صبرك عليه يا باشا .. دي هاتنفعنا قوي في المستقبل

تهامي : مستقبل إيه يا وديع .. دي مستقبلها وراها يا بابا

وديع : أصلها تخصص نادر يا باشا ...

تهامي : ودي متخصصة في إيه إن شاء الله ؟

وديع : متخصصة في التزوير

تهامي : دولارات ؟

وديع : لأ لا .. إنتخابات .. بالصلاتو عالنبي تيته أموله بتدب إيدها في أجدعها صندوق إنتخابات بيدوب في إيدها زي حتة الحلاوة السمسمية

تهامي : اللهم طولك يا روح ... خش عليه بالحته التانية قبل ما نفسي تغم عليه يا وديع انت عارف اني ماليش في السياسة

وديع : الحته التانية ...أحب أقدم لك مدام راندا ... g57cq5f44.jpg

تهامي : أووووووبا كده فهمت مودي يا وديع ..... أحبه مهما أشوف منه .. ومهما الناس قالت عنه ... ودي جايه في إيه يا دودو ؟

وديع : دي تخصص سماد يا باشا

تهامي : سباخ يعني ؟ قصدك إنها فلاحه بتتاجر في الكيماوي ؟

وديع : مش أي كيماوي ... الكمياوي المسرطن بس ..

تهامي : طب إنده لي عليها يا وديع أشوف حكايتها إيه ... وكمان عشان اعمل لها تيست

وديع : باشا .. والله باشا ... بس .. أصل .. أ ... أ

تهامي: مالك يا وديع أنا أبتديت أقلق منك ؟

وديع : أصلها هربت بره البلد .. بس أوعدك ياباشا .. إن شاء الله هانلاقيها ... هانلاقيها ونجيبها تحت رجل جنابك

تهامي : طب لحد ما تلاقيها مش عاوز اشوف خلقتك ... وخد إقرا القصة دي

وديع : الأرض .... فيلم الأرض ؟؟؟ باشا ...

في السنة اللي انتجت فيها أمريكا فيلم حرب النجوم .... انتجنا أحنا فيلم الأرض 079x5oilw.jpg

فيلم الأرض إتعرض في جميع المدن الجديدة وحقق 27 مليار .. مش لاقيين منهم ولا مليم لغاية دلوقت

أفلامنا المصرية ..... ام الأجنبي

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

أستااااااااااااااااااااااااااااااااااااااااااااااااااااااااذ يا س س

والله بجد بحيي موهبتك

:lol :roseop: : wst::

رابط هذا التعليق
شارك
محمد عبدالعزيز عضو جديد

محمد عبدالعزيز

بتاريخ:
بتاريخ:

هى جميلة طبعاً مش عاوزة كلام

بس أنا عاتب عليك فى حاجة صغنونة

بذمتك ياراجل دى دعوة للابتسام ولا دعوة لفوران الدم على الصبح.

أنا خلاص مابقتش أطيق أسمع ولا أشوف أى حد له علاقة بالحزب الوطنى, ولما يحصل غصب عنى بحس بحاجات غريبة كده.

ماحدش يعرف علاج للحالة دى يا جماعة؟

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك
عاشق الترحال عضو جديد

عاشق الترحال

بتاريخ:
بتاريخ:

أستااااااااااااااااااااااااذ يا سي السيد :rolleyes:

حقيقي وصاف جامد يا برنس .

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك
مغتربة عضو جديد

مغتربة

بتاريخ:
بتاريخ:

جامدةةةةةةةةةةةةة موووووووووووووووووووووووووت

حاسب لحسن يلطشوها منك و يعملوها بجد

لازم تحافظ على حقوق الملكيه الفكريه بتاعتك

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:

جامدة فحت يابو السماسم

ربنا يرحمنا منهم

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

تفوقت على نفسك المرة دى يا سين سين

ابدااااااااااااااع

واضح ان الفيلم دة مش هيكون سرقات صيفية بس

المرفوض يكون اسمة

سرقات كل المواسم

لا صيف و لا شتا ياجدعان احنا اللى بنشتغل صيف و شتا و فى كل المواسم تلاقينا لا برد بياثر فينا و لا حر يهدنا

احنا اللى بنعدى البحر و لا نتبل

كل يوم عرض مستمر تجد عندنا كل جديد من سرقة الى اختلاس الى نهب الى تزوير

نحن نلبى كل الطلبات و نوعدك عمرك ما هتغير المحطة

فاصل و نواصل

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
sarmar عضو جديد

sarmar

بتاريخ:
بتاريخ:

وهبة ماشاء اللة جميلة جدا جدا

وخللى بالك من دهبية عايزة تبيعها على مزلقان السكة الحديد والاتبوبيسات

عندى اقتراح بدل مايكون اسم وديع نغيرة الى سيد على اسمك حتى تضع بصمتك بالاسم

مرة تانية انت موهوب فعلا

تحياتى للجميع وبصفة خاصة للاستاذ حسام عبد اللطيف

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك
  • بعد 1 شهر...
shiko عضو جديد

shiko

بتاريخ:
بتاريخ:

وديع ....انت هاااااااايل :lol: bv:- bv:- bv:-

بجد انا قهقهت لما قلت يا بس .. hypr: hypr: hypr:

:roseop: والفيلم ده قصة ولا مناظر؟؟

18344710.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...