تحياتى من كيبيك سيتى

[دعاء]

:)

اخوانى واخواتى اعضاء المنتدى الكرام

بجد وحشتونى جدا جدا جدا

دعاء تحدثكم الان من مدينة كيبيك سيتى عاصمة مقاطعة كيبيك فى كندا

احب ان تعذرونى على التقطع فى الكتابة ولكن نحن الى الان ما زلنا فى حالة انعدام وزن وفى مرحلة التظبيط والتاقلم ويادوب لسة النت واصل البيت من يومين

لكن بجد مش ناسياكم وماقدرش انساكم ابدا وهاحاول اروى لكم بعض تفاصيل الرحلة الى كندا

بس اطمنوا الى الان انطباعاتنا ايجابية عن البلد من خلال مشاهداتنا فى الفترة القصيرة الماضية فنحن لم نكمل بعد الاسبوعين لكن لسة مش قادرين ناخد راحتنا علشان الاولاد سنهم صغير والتحرك بيهم صعب من غير عربية ولسة ماتوفقناش فى عربية مناسبة بالاضافة ان الجو لسة برد ومازال التلج مغطى الارصفة

على العموم ده كان تنويه بسيط منى باقولكم انا هنا وان شاء الله نتقابل قريبا

ملحوظة :

مبروك يا دكتور تهامى اشراف باب كندا ان شاء الله قدها وقدود وربنا معاك

:waf:

[Nassarlink]

الف حمد الله علي السلامه

كنا قلقانين عليكي

اخباركم ايه طمنونا

[moheltohamy]

ألف حمد الله ع السلامة يا دعاء... بوسيلي كندا من هنا ومن هنا bv:-

ومنتظرين هاند أوفر محترم من هناك ، بعد ما انضمّيتي لمندوبي محاورات المصريين في بلاد الأبيض (واخدلي بالك انتا يا هشام؟ wst:: )... بقيتي من الأحرار دلوقتي يا دعاء :waf:

وربنا يكتبلك التوبة ، وتنضمّي للناس الكويّسين :) (إزيّك يا نصّار يا خويا :P )

منتظرين حكاويكي wst::

[د هشام ابراهيم]

أنا أهو ....ألف ألف حمد الله علي السلامة يا سيدتي الفاضلة .... كندا كلها نورت .... مدرك تماما صعوبة الأيام الاولانية ديه .... ربنا معاكم يا رب :) :waf: wst::

[mahros]

حمد الله علي السلامة يا مدام دعاء ..ونتمني ان تكتبي لنا كل انطباعاتك عن مدينة كيبيك..وايه اخبار المسلمين ..والاخوة المصريين..تحياتي وبالتوفيق.

[Nassarlink]

الف حمد الله علي السلامه

كنا قلقانين عليكي

اخباركم ايه طمنونا

شوفي يا ست الكل

احنا مش عاوزين منك اي حاجه خالص خالص

غير انك تحكي بالتفصيل المريح كل 30 ثانيه كنتي بتعملي ايه من اول ما ركبتم الطياره الي وقت كتابة التفاصيل

بس يا ستي

اظن الموضوع كده سهل خالص

بس امانه عليكي متسيبيش الي صغيره او كبيره

طبعا احنا مقدرين انشغالك وتعبك دلوقتي بس علي اقل من مهلك

ماشي

[waloaa]

حمدا لله على سلامة حضرتك يا مدام دعاء

ربنا ييسر ليكم كل أمر عسير

وكما تقولين دائما :وفقكم الله

[ايهاب سالم]

حمد لله على السلامه يا مدام دعاء

ربنا يوفقكم في الفتره الصعبه دي

انما ليه كيبيك سيتي

[ايناس احمد]

الف الف حمد للة على السلامة يادعاء :) :waf: wst::

المنتدى نور والحمد للة انكم بخيرواللة كنا قلقانيين عليكى

وربنا يوفقكم وخلى بالك من الاولاد علشان البرد wst::

وفى انتظار ك ذى ماقال الاستاذ نصار على اقل من مهلك

bv:-

[اسكندرية تانى]

الف حمدلله على السلامة

المنتدى نور تانى بوجودك

ربنا يسهل لكم الاوضاع

:) :waf: wst::

[issamsiph]

الحمد لله على السلامة مدام دعاء وانشاء الله حياة سعيدة وجديدة اتمنى لك التوفيق ولكل أعضاء المنتدى الطيبين

سلام لك من دمشق انشاء الله نحن مقدمين على كيبك وانتهينا من المقابلة وبانتظار الفيدرال

بس لي سؤال هل كيبك سيتي أفضل من مونتريال وهل يوجد سبب لأختياركم كيبك سيتي

أنا زرت مونتريال في الشهر 5 \2008 ولم يكن عندي وقت لزيارة كيبك سيتي

[الأهلاوي الأصيل]

ألف حمد لله على سلامتك وسلامة الأسرة الكريمة

يالا مستنيين هاندأوفر محترم أجدع من بتاع التهامي

على فكرة دايما أصعب فترة في الانتقال هي أول فترة ، وأنا أول ما انتقلت للكويت عشت أيام عصيبة جداً في البداية، وبعدين بتفك واحدة واحدة لغاية ما بيتك يتأثث بالكامل و تكملي كل احتياجاتك وتأخدي على البلد، ألف حمد لله على سلامتك، وسلمي لينا كتير على الغالية (كندا) ، ويارب نحصلك قريب بإذن الله

[دعاء]

الف حمد الله علي السلامه

كنا قلقانين عليكي

اخباركم ايه طمنونا

شوفي يا ست الكل

احنا مش عاوزين منك اي حاجه خالص خالص

غير انك تحكي بالتفصيل المريح كل 30 ثانيه كنتي بتعملي ايه من اول ما ركبتم الطياره الي وقت كتابة التفاصيل

بس يا ستي

اظن الموضوع كده سهل خالص

بس امانه عليكي متسيبيش الي صغيره او كبيره

طبعا احنا مقدرين انشغالك وتعبك دلوقتي بس علي اقل من مهلك

ماشي

الحقيقة اسهل من السهولة كمان :)

بس بجد حاضر من عنية فى اى وقت هاكون فيه مش بعمل المليون حاجة اللى بعملهم كل اليوم ( واهمهم التحليق على العيال اللى نازلين دبدبة على الناس والارض خشب يا جماعة واقل لمسة بحس انها بتهد الدنيا وخاصة ان الناس هنا هاديييييين قوى ) اكيد هاكتب عن كل اللى قابلته لحد اخر لحظة

[دعاء]

ألف حمد الله ع السلامة يا دعاء... بوسيلي كندا من هنا ومن هنا bv:-

ومنتظرين هاند أوفر محترم من هناك ، بعد ما انضمّيتي لمندوبي محاورات المصريين في بلاد الأبيض (واخدلي بالك انتا يا هشام؟ wst:: )... بقيتي من الأحرار دلوقتي يا دعاء :waf:

وربنا يكتبلك التوبة ، وتنضمّي للناس الكويّسين :) (إزيّك يا نصّار يا خويا :P )

منتظرين حكاويكي wst::

ان شاء الله يا دكتور او اقول يا Boss ماهو طالما انت المشرف يبقى ده امر ويوجب التنفيذ

اما موضوع التوبة فربنا يكتب لنا التوبة جميعا وتكون توبة نصوحة كمان باذن الله

[newcomer]

wst::

اخوانى واخواتى اعضاء المنتدى الكرام

لكن بجد مش ناسياكم وماقدرش انساكم ابدا وهاحاول اروى لكم بعض تفاصيل الرحلة الى كندا

الف حمد لله على السلامة

ان شاء الله تكون بداية موفقة :) :waf:

خدى راحتك.......و بعدين مستنين الهانداوفرز من وجهه نظر الجنس اللطيف bv:-

[دعاء]

أنا أهو ....ألف ألف حمد الله علي السلامة يا سيدتي الفاضلة .... كندا كلها نورت .... مدرك تماما صعوبة الأيام الاولانية ديه .... ربنا معاكم يا رب :) :waf: wst::

الله يسلمك يا دكتور هشام وشكرا جزيلا على ذوقك وكرم اخلاقك جزاك الله كل خير

وايضا لك جزيل الشكر على رسالة البريد الخاص

[دعاء]

الاخوة والاخوات الافاضل

mahros - waloaa - ايناس احمد - اسكندرية تانى - issamsiph - الاهلاوى الاصيل - newcomer

اشكركم جزيلا على مشاعركم الطيبة الله يسلمكم جميعا

والله فعلا الايام الاولى صعبة بس التيسير من عند ربنا

وانا طبعا عمرى ما هاوصل لمستوى الافاضل الشامى والتهامى وهشام ابراهيم وايهاب سالم فى الشرح بس هاحاول على قدى واللى عنده سؤال ممكن يساعدنى بيه

واتمنى بجد انى اقدر افيد اى حد سوف يمر بنفس التجربة ان شاء الله

شكرا لكم مرة اخرى

[pampino]

الف حمد اللة على سلامتك يامدام دعاء ولالاسرة كلها وان شاء اللة تكونى مبسوطة بكيبك واتمنى تكونى خير ليكم جميعا .. ويالا بقى منتظرينك تكتبيلنا وتحكيلنا عن رايك فى بلاد الكيبكواز

تم تعديل 24 مارس 2009 بواسطة pampino

[دعاء]

حمد لله على السلامه يا مدام دعاء

ربنا يوفقكم في الفتره الصعبه دي

انما ليه كيبيك سيتي

والله يا استاذ ايهاب الموضوع ده شرحه يطول

احنا لحد قبل مانسافر باسبوعين بس ماكناش عارفين نستقر على المدينة اللى هاننزل عليها تصدق ؟؟؟!!!

وكنا انا وجوزى بنقعد على النت لحد الصبح مايطلع علينا كل يوم علشان نقدر نلاقى مكان لكن استبعدنا الفندق لان ميزانيته هاتكون كبيرة جدا ومش هاينفعنا طبعا غرفة واحدة ولا اننا ننفصل فى غرفتين لان العيال طول الوقت انا عيزة بابا لا انا عايزة ماما وكده مش هانخلص

فوصلنا لحل اخيرا اننا ناجر شقة مفروشة لمدة شهر واثناء الشهر ده ممكن نخلص اوراقنا ونلاقى مكان للاستقرار الدائم براحتنا فواجهنا مشكلة تانية اننا مانعرفش ايه المكان اللى ممكن يكون كويس والمنطقة المناسبة وكمان ماعرفناش نحجز من على النت وفيه ناس كتير ياجروا كلمناهم فيه اللى كان مابيردش خالص وفيه اللى يقول لا علشان عدد الافراد كبير

ايه يا جماعة ؟ مش كندا بلد الاطفال برضه ؟ ليه كل ما حد يسمع 4 اطفال يتخض ويقول ماينفعش

ماكانش ينفع غير انه يكون فيه حد هناك يقدر ياجر لنا شقة ونبعث له الفلوس وكان فيه كام واحد فى مونتريال معارف واحد صاحب جوزى لكن للاسف كله تملص مننا لان عددنا كبير

وطبعا وصلنا لدرجة من الاكتئاب كبيرة جدا

لحد ما فى اخ فاضل فى كيبيك سيتى كان بيعزل من شقته وقالنا انه ممكن يسيبها لنا بس نحاول نيجى بدرى وبعد ماكنا حجزنا 2 ابريل غيرنا الحجز ل14 مارس فى سرعة فائقة

لان طبعا ماصدقنا ان اخيرا هانلاقى مكان بدل مانخرج من المطار ونتبهدل مع العيال فى بلد غريبه وكمان كان معانا كم شنط رهيب

وعلى الرغم انى ماكنتش مبسوطة لانى كنت بفضل مونتريال لاتساع مجالات كتير فيها الا ان جوزى رحب بالفكرة وقالى احسن بداية لينا تكون فى مدينة هادية وتكاليف معيشتها ارخص قليلا افضل فى الاول وبعد كده يبقى ربنا يسهل اذا حبينا تغيير المسار بس نكون اخدنا على نظام البلد وفهمنا الدنيا حوالينا

وعلشان كده توكلنا على الله وجينا على كيبيك سيتى

وفعلا لاقينا ان فرصتنا لدراسة اللغة الفرنسية هاتكون اسرع من مونتريال لان طابور الانتظار فيها طويل

وقولنا دلوقتى نركز على الدراسة واذا مالاقيناش فرص عمل ممكن ننتقل الى مدينة اخرى

معلش طولت عليك لكن باختصار جينا كيبيك سيتى لتوفر مكان سكن لم يتوفر فى مونتريال بعد محاولات جهيدة

وشكرا لمرورك الكريم

بس مين اللى هاجم على اللاب توب ده ؟؟ ولا هو الشغل واخد حقه تمام معاه ؟

[Gimie]

مبرووووووووووووووووووووووووووووووووك يا مدام دعاء و حمدا لله ع السلامة