رحلة روخيوصة .. لزيارة معالم المحروسة

[se_ Elsyed]

تعلن إدارة محاورات المصريين عن تنظيم رحلة يوم السبت القادم لزيارة معالم المحروسة ( مصر يعني )

والشروط كالتالي :

1- اللي أوله شرط أخره نور .. ومن الاخر كده الرسوم 5 ج للراس وممنوع إصطحاب الأطفال ..حد هايقولي طب أنا جاي ومعايا إخواتي وممكن كلنا خمس في كرسي .. أقوله أسف ... إحنا قولنا الراس بخمسة جنية .. يعني من الأخر اللي بعد الاخر .. نورا وإيناس وداركر لو طلعوا مع بعض يبقى كده بنتكلم في خمستاشر جُند .

2- الرحلة ستشمل زيارة الأماكن التالية ( القناطر الخيرية وهانروحها بمركب عائم وهناك باند موسيقي وحركات .. ومن بعدها أهرامات الجيزة .. ثم متحف الشمع بحلوان ) كل ده في يوم واحد ما حدش يسأل إزاي لإن دي مفاجأتون.

3- الرحلة ستتضمن أنشطة ثقافية وجوايز عينية ونقدية وأنشطة موسيقية مع فرقة المحاورات الفنية بقيادة المايسترو واحد تاني سحاب وخط الوسط من اليمين للشمال العندليب الأزرق موديست مع مطربة الأوبرا الأولى " سيوه " الشهيرة بترتر سد الحنك .

4- السعر اللي فوق اللي هو 5 ج هايشمل وجبة فطور ساخنة .. ووجبه غداء إنت وحظك الله أعلم هاتكون سُخنه ولا لأ حسب الجو .

بنؤكد لكم إنها رحلة لن تُمحى من ذاكرة التاريخ

الحجز هايكون بأولوية الدفع ( مش بيقولوها كده برضوا )

إنتظرونا كمان يومين على ما نلم الغلا

[واحد تاني]

الله عليك يا سين سين والله نفسنا نطلع رحلة من زمان ... خليها اول جمعة بعد امتحانات التيرم :)

بس الباص هيتحرك منين ؟ وفي ملاهي في آخر اليوم والا لأ ؟ mfb:

3- الرحلة ستتضمن أنشطة ثقافية وجوايز عينية ونقدية وأنشطة موسيقية مع فرقة المحاورات الفنية بقيادة المايسترو واحد تاني سحاب وخط الوسط من اليمين للشمال العندليب الأزرق موديست مع مطربة الأوبرا الأولى " سيوه " الشهيرة بترتر سد الحنك .

حلو ... نفدت من الخمسة جوندي و ضمنت ان انا والفرقة طالعين OVER بمجهودنا ... :D

[النسر المصري]

انا مش معايا غير ورقة بعشرين دولار ياآكسلانس :)

ياترى معاك فكه mfb:

[رمضان]

فيها يا أخفيها قلتوا ايه

ومش هدفع كمان يعني كده عافية

[inas]

بث بث

ابيه

دا انا اثمي مكتوب

بث هو انت يا اونكل حاتت نارك من نارنا ليه

هو مفيث اخوات غيرنا هنا ايه الحكد الدفين ده

وبعدين انت هتودينا القناطر والاهرامات وحولان هما فتحوهم على بعض ولا ايه

وبعدين كل ده فطار وغداء و مواصلات وترفيه ب 5 جنيه انتم هتاكلونا ايه بالدبط بالدبط؟؟؟؟؟

وبعدين انا اعرف ان الافتال الي اكل من ثنتين ببلاش mfb:

ثووووووووووووكرن يا اونكل

[se_ Elsyed]

أبنائي الاعزاء

لم أتوقع كم الإقبال الهائل على الرحلة .. ده أنا مش ملاحق طلبات من الصُبح

ولكنني mfb: أسمع جعجعة ولا أرى أي حبة دقيق يعملوا رغيف حتى

على العموم

نجم من نجوم الكِصة دي هايكون ... رمضان .. بجد والله مديله دور هايل .. بس ما تأخذنيش يا رمضان إسمك من الناحية السنيمائية مش عاجبني لإنه مش هايفرقع مع الجمهور .. لذلك عايز أسميك " عطوه " إيه رأيك ؟

أما الأختين الحلوين هناء ويا شيرين فدول طبعاً أساسي وقاعدين في اول كُرسيين في الأتوبيس ومعليين لهم الكراسي بحتة خشبة زي كراسي الحلاقين كده عشان يطولوا الكُرسي وهما قاعدين ومدلدلين رجليهم ..

أما بالنسبة للمايسترو واحد تاني سحاب .. فوالله العظيم لو كنت إنت سواق الأتوبيس نفسه يا واحد .. هاتدفع يعني هاتدفع ..

ولا تكتمل الرحلة إلا بوجود النسر المصري ليُحلق فوق سماء الأتوبيس السياحي الفاخر .. على الأقل يستكشف لنا الحتت اللي فيها ميه وكده عشان ما نموتش من العطش في صحراء القناطر الخيرية ..

وزي ما وعدتكم كلها يومين بالكتير وأدرمغ الدنيا بالقصة ..

إنتظرونا

[رمضان]

انا اللي جبته لنفسي ايه اللي دخلني في الرحلة دي بس ما انا كنت قاعد في حالي

على كل حال اديني هبقى نجم وربنا يستر من النجومية وضريبة النجومية

[Eldisel]

انا جي ماكوا ...... متسبونيش mfb:

وادي الخمسة جنيه بتعتي عبارة عن شلنات وبرايز محوشهة من ذمان ..... وجي ومعى سندوتشاتي ويمكن اجيب شوية قرقيش وجبنة اديمة وشوية عسل نحل نتسلى كولنى مع بعض واحنى في الرحلة :)

تم تعديل 24 يناير 2007 بواسطة Eldisel

[nash]

أنا جيت ومعايا فلوس الجمعيه اللي كنت قبضتها لدروس الواد...

بس مش مهم....المهم أركب قدام...ورا السواق علي طول....ماليش دعوة

..........................................................................................

ينفع أجيب معايا سداني من بتاع نورا؟؟ mfb: :)

[se_ Elsyed]

ينفع أجيب معايا سداني من بتاع نورا؟؟ :sad: :sad:

يمنع منعاً باتاً إحضار أو إستحضار المشروبات الروحية او أي اكلات مش مفهومه

إي السداني ده ؟

ده قريب سد الحنك ؟

بس شكله كده والله أعلم إنه سوداني بس حلقوا له وشالو منه الواو فبقى شكله كده

يا نورا او يا إيناس مانتو شبه بعض وبتتكلمو نفس اللغة السنهاليه

تقصدوا بالسوداني .. الفول السوداني بتاعنا اللي بنأزأزة مع اللوب قصدي اللب ؟

اللي هو ده

ولا إيه نظامكو

يارب

يارب قدرني على إيناس ونورا

أما أعدائي فأنا كفيلٌ بهم

[inas]

:unsure:

:lol:

:sad:

سنهاليه

سداني

معرفش انا الكلمات دي

:sad:

وبعدين انت متحامل علينا يا ابيه س س انا ريحا اجيب ولي أمري وجيا يشوفلي حل في الموضوع ده

[nora]

حمو حمو ث ث ايوه ده السداني ايه ده انت متعرفوش ......:sad:

بث حمو حمو ممكن اكيب السكوتر بتاعي علشان العب بيه في الكونينه

ووالله يا عمو مش هتشاقا ومش هلعب في الميه ومش هضرب السواق بالنبله :sad:

ومش هعد اتنطط على الكرسي ومش هجيب معايا بدرة عفريت ومش هجيب معايا لب ولا اسداني

ومش هرمي الزباله في الارض ......

ومش هدفع الخمسه جند:sad:

هي اللحله تلعه امثه باه انا زهقت الثنطه تقيله:lol:

ثما انت بتقول الي اخرو شرط اوله نور ولا مش عرفه ايه انت مالك ومال ابني لاه بص نور لسه صغير وملهوش دعوه بالكلام ده تعد تجيب في سيرت الواد على النت وتفرشله الملايه لاه دنا انا ااطعك:unsure:

تم تعديل 24 يناير 2007 بواسطة nora

[yasovinas]

العندليب الازرق موديست محضر لكم اغنية من الظراش القديم يعني من القفة اللى تحت السرير

بيغني ويقول (يا سواج ؛؛؛؛؛ زود السرعه ؛؛؛؛؛ خش في الترعة ؛؛؛؛ زودها شوية ؛؛؛؛؛؛ خش في الميه )

انا عايز احجز مكان يا ابو عمر والخمس جند هيجولك واحد واحد يعني كل واحد وحسب تاريخ تجنيده 1/1 1/5 1/8 حسب الظروف

[mashy]

MASHY MASHY BERA7ETKO

[darker19]

حلو الرحلة جت في وقتها لسة مخلص إمتحانات و عايز أغير جو وناس وكله....

لو سنحت يا أستاذ س س إحجزلي الكنكه أصدي الكنبة الورانية أصلي مخنوووووووووووووق ومش طايق أنفاسي حتى (ده لو يهمك سلامة الركاب و الأعضاء الي تالعين الرحلة), ومن أولها أهو أنا ماليش دعوة لا بشروط ولا قرارات ولا خطة سير, مش عايز أشوف ولا نص تفل حتى على متن المركبة الي هانتنقل بيها, يإما هايتعمل شدوشت, أنا جاي معاكوا عشان استرخي واريح أعسابي من الدغت النفسي و العصبي الي بيمارسوه الأعداء علينا فأرجو الهدوء التام........

ولي رجاء خاص إيناس ونورا ما يطلعوش معانا الرحلة دي ولو طالعين خلوهم فوق على الشبكة, ولا في أي حتة بعيده.....

أه وحبيت أنبهك من موضوع السداني ده, لا تسنح لحد يدخله لأن في الغالب شكل المركبه هايصبح غير حضاري في نهاية الرحلة.....

كنت هانسى أقلك, أنا كلمتلك الراجل الي عنده الهمبورجر البايظ الي عايزه عشان الشدوشتات بتاعت الرحلة, وكله تمام و البوضاعة جاهزة للإستلام و السعر زي ما تفقنا العلبة فيها 25 همبروجارية بنص جنيه....

تم تعديل 24 يناير 2007 بواسطة darker19

[النسر المصري]

ولا تكتمل الرحلة إلا بوجود النسر المصري ليُحلق فوق سماء الأتوبيس السياحي الفاخر .. على الأقل يستكشف لنا الحتت اللي فيها ميه وكده عشان ما نموتش من العطش في صحراء القناطر الخيرية ..

أحلق فوق :huh:!!!

الراجل ده افتكر اني انا نسر بجد ولا ايه :huh: !!!

سيسو!! سلامتك ياسيسو -_- !! انت عيان!! :huh:

[عازفه على أوتار الذهب]

هيييي هييييي رحله انا جاي

بس

.

.

.

:huh:

.

.

.

يعني لو مونكن يعني

.

.

.

.

حدش معاه خمسه جنيه سلف؟؟؟!! :huh:

.

.

.

نسر هرجعهوملك بعد الرحله على طول...هاااا

:huh:

تم تعديل 25 يناير 2007 بواسطة عازفه على أوتار الذهب

[النسر المصري]

حدش معاه خمسه جنيه سلف؟؟؟!! :huh:

.

.

.

نسر هرجعهوملك بعد الرحله على طول...هاااا

-_-

لا ياماما يفتح الله :huh: !!

قال خمسه جنيه قااال ...هه -_-

أنا مابسلفش إلا بالدولارات... -_-

وأقل حاجة ورقة خضرة بميت دورار :huh:

[yasovinas]

حدش معاه خمسه جنيه سلف؟؟؟!! :huh:

.

.

.

نسر هرجعهوملك بعد الرحله على طول...هاااا

:huh:

أنا مابسلفش إلا بالدولارات... -_-

وأقل حاجة ورقة خضرة بميت دورار :huh:

سمعت كتير عن نسر منتوش - يعني منتوش الريش

لكن اول مرة اشوف نسر نتاش

قال ورارات قال وايه ورقه خضرة بميت دولار

يا عم رررووووووووح -_-

انت يا سي سين سين اخبار الرحلة الهباب دي ايه هنطعها امتى ما تخلص في المشوار اللي مش باين له لون دا قبل ما نلاقي واحد كمان شوية يقول لنا عايز ناس مستحميه ولابسه شورتات بيضا

وكل اللي في الرحلة لازم اظافرهم مقصوصه ومبيتين راسهم في الجاز من يومين علشان صراصير الراس

اووووففففففففففففف

[Siwa]

انا جيت يا معالي الخديوي س.س الخامس عشر.......وعلى فكره بقه إحنا عيال مخلصه وسداده وقت الزنقه.....انا لميت من الفرقه وجبنلكوا حته بخمسين ليه انا وعم جادليو الشهير بابومحمد و عم حسب الله ذات نفسه الشهير باستاذ زهيري والعندليب الشهير باستاذ موديست والمايسترو واحد تاني سحاب.......وعاوزين كراسي سوبر لوكس بقه....وكمان احنا هندفع لدهب الجميله اللي معزومه معانا.....وفاضل 20 زياده ممكن استشير الفرقه نكفل بيها 4 تانيين...

مطربة الفرقه....ترتر كتاكيتو بني سد الحنك

تم تعديل 25 يناير 2007 بواسطة Siwa