اذهب إلى المحتوى
محاورات المصريين

أفيدونا بتجاربكم في تشطيب الشقق


المدهش

Recommended Posts

كم يتكلف تشطيب شقة مساحتها 130 متر ، كانت مسكونة من قبل ، والسيراميك في المطبخ والحمام لا بأس به ، لكنها تحتاج بعد ذلك إلى إعادة تغيير كل شئ فيها بداية من السباكة والكهرباء والنجارة وحتى الأرضيات والدهان..وكيف يمكن الحصول على أقل تكلفة للتشطيب مع الوصول لأفضل نتيجة ..وكيف نتفادى عذاب التعامل مع الصنايعية وننجو من مقالبهم ..يا ريت من لديه خبرة في هذا المجال أو مر بتلك التجربة يفيدني بها.

رابط هذا التعليق
شارك

ياريت يا جماعة نتبادل هنا آراءنا و معرفتنا عن موضوع التشطيب المؤرق ... من له خبرة سابقة يا جدعان لا يتأخر

<span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span>

رابط هذا التعليق
شارك

تشطيب شقة مساحتها 130 متر يتكلف في المتوسط 65000 جنيه ، تشطيب جيد ..

بدءاً من الكهرباء بالكامل .. والسباكة .. مع ملاحظة أن الخامات التي ستستخدم هي خامات من الدرجة الأولى .. بمعنى .. سيراميك فرز أول .. أدوات صحية فاخرة .. دهانات عالية الجودة ... الخ.

أما الطريقة المثلى لتنفيذ ذلك . أن تجد مهندس أو مقاول محترم (جداً جداً) يقوم بتوفير العمالة اللازمة .. والإشراف عليهم ..

أو إذا كان لديك الوقت .. فتقوم أنت بنفسك على ذلك ..

وربنا يعينك ..

لا تترك العامل أو الصنايعي يفكر أو يقترح عليك أي شئ أبداً ..

فكر أنت .. وقرر .. ولا تعطيه مبالغ كثيرة مقدماً .. فقط مبالغ بسيطة .. بحيث يكون المتبقي له أكثر من قيمة العمل الذي نفذ ..

إشتري أنت الخامات بنفسك .. لا تجعله يشتري لك أي شئ ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

الاخ الفاضل / المدهش

اولا ربنا بعينك على الموضوع ده

ثانيا حاول كما سبق وتم ذكره اشترى الخامات بنفسك دون وجود الصنايعى او على الاقل لا تذهب مع الصنايعى عند تاجر معين يفيدك به الصنايعى

ثالثا/بالنسبه لشراء الخامات سافترض انك من سكان القاهره

خامات الكهرباء ستجدها ارخص واوفر فى سوق الكهرباء بشارع العشماوى خلف مطافى العتبه

خامات الديكور والنجاره والدهانات من سوق الرويعى خلف صيدناوى العتبه

خامات السباكه والارضيات والسيراميك من حى الضاهر برمسيس

تلك مناطق لمستوردى الخامات التى سبق ذكرها

وحاول ان تكتب مشترواتك فى اكثر من نسخه وابحث فى اغلب المحلات عن ارخص الاسعار

واشترى من كل محل اعطاك صنف ارخص

لانه عاده التجار يكتب لك سعر رخيص فى احد الاصناف المعروفه ودون ان تشعر يرفع سعر صنف اخر للتعويض

حاول بقدر الامكان الا تأخذ الصنايعى معك كما قلت لك لانه دون ان تشعر بيلاغى التاجر او البياع ليتفقوا عليك

بالنسبه للصنايعيه مش هعرف افيدك كتير لانها بترجع للمنطقه اللى حضرتك عايش فيها وحاول ان تراجع الاصدقاء او المعارف عن صنايعيه كويسين واعرف منهم كم سيحصلوا منك من مال مقابل عملهم

حاول ان تعطيهم حسابهم المالى على فترات متباعده ويجب ان يكون الجزء المتبقى من حسابهم هو الاكبر والا ستجد ما لا يرضيك منهم من تاخير الى مالا نهايه

بالنسبه لموضوع ان تريح دماغك وتعطى الموضوع لمقاول او مهندس ديكور ويكون هو المسئول فالبتجربه الكثيره هذا النظام فاشل فاشل فاشل

ولا يعترف به فى مصر لان الامانه والنزاهه ستجدها قليله جدا فى هذا الامر وستكون مكلفه بلا داعى

بالنسبه للتكاليف الماليه صعب جدا حصرها بهذه الطريقه لانها متفرعه وتختلف من شخص لاخر حسب امكانياته

ملحوظه

لو لم تكن من سكان القاهره وتريد شراء تلك الخامات من القاهره من الممكن معرفه شركات الشحن التجاريه الخاصه بمدينتك وتقوم بشحن الخامات عن طريق تلك الشركه فذلك سيكون موفر جدا

اتمنى اكون قدمت ليك اى افاده ومبارك عليك مقدما

البحر مش قدى

فـ الإنتظار والبوح

ولا ذروة الفوران

واقف على شطه الحزين

صدعت كل الودع

بوشوشات الأمانى

ضج الودع منى

هجر الشطوط

وفتنى غرقان فـ انتظارى

رابط هذا التعليق
شارك

عزيزى المدهش

احيلك على هذا الموضوع القديم

تجارب شخصيه

آملا ان تجد فيه اجابات عن اسئلتك

تم تعديل بواسطة ماجد
رابط هذا التعليق
شارك

مدهش انا معرفش اسعدك ازاى رغم انة مهندسة ديكور بس بشتغل برة مصر فى نفس الكرير دة

فكل الى اقدر اعملهولك

انى كتبلك طريقة تركيب المواسير والصحى وتركيب السيراميك علشان لما العمال تشتغل تبقى عارف هما بيعملوا اية ويبوظوش الدنيا وانت واقف دامهم كمان

انما لو حتجيب مهندس يبقى كلامى مش حايبقى مهم

فلو عاوز خطوات العمل فىالاتى

تركيب السيراميك

تجهيز الحوائط للدهانات

اختيار الوان الجدران

توزيع الفرش

رد عليا هنا فى الموضوع وانا اكتبلك الجزء الى انت محتاجة

وربنا يوفقك

رابط هذا التعليق
شارك

ياريت يا باشمهندسة نانسى الغالية تفيدينا بخبرتك فى موضوع تجهيز الحوائط و اختيار الألوان و كمان موضوع الفرش .. الحقيقة انتى نزلتى فريسة على مائدة الطماعين من أمثالنا .. اللى بيحبوا الاستشارات الفنية ببلاش .. لكن هنعمل ايه بقى .. عشمنا كبير

مهيب

<span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span>

رابط هذا التعليق
شارك

استاذ مدهش

واضح بم ان الشقة كانت ساكنة قبل كدة

اكيد فيها دهانات

فلازم تتحك كلها من على الحيطة

وبعدين تملا الحفر صغيرة

وحاتبلك بالتفصيل تعمل اية

انما بالنسبة للفرش فية شوية معلومات عيزة اعرفها

1- هل ستستعمل عفشك السابق ولا كلة جديد ولو الى موجود اصلا لازم تقوللى قطع الموبيلية الى حترجع تستخدمها

2-مساحة كل غرفة ومذا تنوى ان تضع فيها

3- ارتفاع الاسقف

4- هل توجد زخارف جبسية او عاوز تركب زخارف

5- حتحتفظ بتوزيع الكهرباء ولا حتعمل تعديلات او تحدد نوعية الاجهزة لتوضيح كيفية اضافة المخارج

دة شوية اسالة مبدائية

وميهمكش احنا نحب نخدم

ولا يهمك وان شاء الله تخلص على خير

رابط هذا التعليق
شارك

أولاً أشكر كل من اهتم بالرد على استفساراتي وحاول مساعدتي وأود أن أرد على الأسئلة التي طرحتها المهندسة نانسي حول الشقة وأقول إنها كانت بالفعل "مسكونة"-ربنا يجعل كلامنا خفيف عليهم- وقد اضطررت لنقل عفشي فيها حتى أبيع شقتي القديمة وأستفيد بثمنها في سداد باقي ثمن الشقة الجديدة وهي بالمناسبة في مدينة نصر..وعفشي يعتبر جديد لأني اشتريته للزواج وعشت فيه 3 سنوات فقط ثم سافرت للعمل بالخليج منذ 5 سنوات ولم يستعمل من يومها، وهو عبارة عن صالون وانتريه كلاسيكي وغرفة نوم وسفرة..والشقة 3 غرف من بينها غرفة صغيرة على الريسيبشن وبها بابان"اكورديون" أو منفوخ لكن أريد التخلص من البابين وإيجاد بديل لهما..والشقة مع الأسف لم تكن مدهونة لكن جدرانها كانت مكسوة بورق حائط وبعضه مخلوع وبعضه موجود وصاحبها ترك لي "رولات" ورق جديدة لم تستعمل من قبل لعلي أستفيد بها..ميزانيتي لتشطيب الشقة لا تتعدي 40 ألف جنيه على أقصى تقدير ولا أريد أن أضع فيها أكثر من ذلك..نسيت أن أقول أن المطبخ والحمام بهما سيراميك في حالة لا بأس بها يعني يمشي حاله مع وضع بعض اللمسات الجمالية عليه وهذا بعض ما أريد الاستفادة بأفكاركم فيه..أشكركم جميعاً مرة أخرى ، وخاصة الباشمهندسة نانسي التي كانت عند وعدها القديم بمساعدة أي عضو في المنتدي يحتاج استشارات ديكورية وفي انتظار أفكاركم.

رابط هذا التعليق
شارك

شوف يا استاذ مدهش مبداءيا

لازم تشيل ورق الحائط الاول لانه اكيد رسوماتة قديمة

فتشيلة باحدى طريقتينيا اما تغمرة بالماء وتتركة فترة فيحل اللصق الموجود بة ثم يقشر من على الحائط

وللاسراع فى النزع يخربش بقدر المستطاع قبل الغمر بالماء

يعنى تخرج غيظك فية وتطلق العيال علية

او طريقة اخرى بتسليط بخار الماء علية وبتاثير البخار والماء فيمكن نزعة بسهولة

ثم يتم تحضير الحائط للطلاء

بتنظيف السطح بالسكين الخاص بالتقشير

ثم يغسل الحئط بماء وصابون وفى حالة وجود اى تخريمات بالجدار تملء بالمعجون لجعل السطح مستوى

ملاحظات مهمة

يجب تغليف الباب حتى لا يتسخ من الدهانات لو كان لن يدهن مرة اخرى

تغطية الارضية بالبلاسك لفحمايتها

وحاكملك الباقى بعد شوية

رابط هذا التعليق
شارك

واضح يا باشمهندسة انك رافضة تماماً لفكرة ورق الحائط ..فهل لأنه أصبح موضة قديمة ولا مش عملي ولا ايه..لأني بصراحة بافكر اشطب الريسبشن و"الطرقة" المؤدية للغرفتين الداخليتين والحمام والمطبخ وأترك الغرفتين كما هما مع بعض التشطيب البسيط خصوصا إن فيهم الموبيليا ومش عايز أبهدلها ، يعني ألصق ورق الحائط وأضع موكيت أو سجاد أغطي به الأرضية، وأؤجل تشطيب الغرفتين فيما بعد ..فما هو رأيك؟

رابط هذا التعليق
شارك

  • بعد 1 سنة...

ليه ياجماعة منعيدش الموضوع تاني ونشوف الشقة هتتكلف كام بأسعار دلوقت

انا عن نفسي عيزة حد يساعدني

ممكن يا استاذ ماجد او نقاش او اي حد

رابط هذا التعليق
شارك

صباح الفل يا سيدي المدهش !

أنا عن نفسي ممكن أنقل لكم خبرتي بكل أمانة لاني شطبت خلال السنتين الماضيتين عمارة كاملة عبارة عن ثلاثة شقق ..من بداية الطوب الأحمر وحتى سكنت بعون الله :P

وشفت الويل .. وويل الويل ..

:roseop:

عموما التشطيب مثل الملابس يمكنك أن تشتري بدلة بـ 150 ريال ويمكنك أن تشتريها بـ 2000ريال ..

طبعا لاحظت مشكلة ثانية أن الأسعار ليس شهريا بل اسبوعيا .. في بعض الأشياء خاصة أدوات الكهرباء .. حيث زادت خلال السنتين الماضييتين بنسبة 300%

عموما بعد أن قرأت مشكلتنك وعرفت الأشياء التي تريد تجديدها في شقتك هاقولك بالمتوسط تقريبا وباسعار شهرين فاتوا ...

شوف ياسيدي :

1- الدهان : يفضل أن تستخدم دهانات الجزيرة ،أنا عن نفسي استخدمتها وكانت ممتازة ، ولكن في الغالب كل صنايعي يفضل استخدام نوع معين من شركة يتعامل معها ........وعموما مساحة شقتك هاتتكلف حوالي 4أو 5 جوالين بالكتير ، سعر الجالون حوالي 200 جنية ..

والصنايعي هياخد في المتر حسب مستواه ... يمكن 2أو 3 متر في المتر ( المتر يقاس يحسب حسب الجدران وليس حسب مساحة الشقة لأن الجدران التي ستدهن ) وكن حريص وقت المتمير ان يحذف ثمن الفتحات ( الأبواب والشبابك .. الخ

2-السيراميك : الافضل طبعاً الجوهرة(الجوهرة الأفضل صناعة) وكيلوباترا (الافضل في التصميم) والسعر متقارب جدا : المتر بين 22 وحتى 30 جنية للمتر ، وستحتاج أن تقيس جدران الحمام والمطبخ لأن الجدران ستكون سيراميك أيضا .. ويعني قول هتدخل في 180 متر ... والصنايعي ممكن ياخذ ما بين 6: 8 جنية في المتر ..

وستحتاج لحوالي طنين اسمنت والطن بحوالي 400 جنية ...

3-الكهرباء : دي المشكلة لأن اسعارها زادت زيادة رهيبة لأن النحاس غلي ... وصعب تقديرها لأن الكهربائي لازم يشوف التاسيسات هتحتاج ايه بالضبط ... وأنت تحتاج كام لقمة ( فيشة يعني)... بالإضافة للكشافات ووصلات الدش والسماعات والجرس المركزي ... الخ

يعني ممكن تسيب للكهرباء بشكل عام ما بين الفين إلى 3 الاف جنية حسب طلبك ..

4- السباكة : يعني البانيو حسب الحجم ما بين 300 الي 500 جنية ، والقاعدة والحمام حسب النوع وما بين 500 الي 1500 جنية ... والأحواض والخلاطات هتدخل كمان حسب النوع ما بين 1000 الي 3000 جنية لو اخترت مثلا جروهي الألماني ...(يمكنك ان توصي حد في الخليج يحضره لك لأنه رخيص في السعودية بحوالي 500ريال) المهم يكون قلب الخلاط نحاس ... بالإضافة لأجرة السباك هتكون حوالي ما بين 700 الي 1000 جنية ...حسب شطارتك

المشكلة الاكبر التي ستوجهك يا صديقي هي في التعامل مع الصنايعية ... فالتعامل مع أغلبهم صعب جدا ...

لاسيما أنك في القاهرة ...

وأنا للاسف خارج مصر ، ولو كنت في مصر لكنت أحضرت لك صنايعية برخص التراب بالنسبة للقاهرة !

كل ما أستطيع أن اوصيك به ألا تدفع للصنياعي فلوس إلا بعد أن ينهي شغله... وحاول أن تشتري الطلبات بنفسك ... انزل مثلا الرويعي ... العتبة ........... الخ وحاول أن تقف ان أو حد تبعك بجواره أثناء عمله ... وحاول أن تكون لك تعليقات وارشادات علشان يفهم انك فاهم ...

وربنا يوفقك ويعينك ..

ولا أنا موجود وفي الخدمة .. لو محتاج أي سؤال .......................

رابط هذا التعليق
شارك

  • بعد 1 شهر...

السلام عليكم

يا جماعة الموضوع جدا رائع خاصة اني اشتريت شقة نصف تشطيب ومساحتها 150 وحاليا ناوية ابدأ التشطيب لكن مش عارفة كم حيكلفني الموضوع, و الأسعار الي شايفاها في مشاركة واثق الخطوة تقريبا من سنتين يعني ماينفعش اعمل حسبات عليها لو في حد عنده اسعار اجد شوي اكون له من الشاكرين وله مني الدعاء.

تم تعديل بواسطة taqwa
رابط هذا التعليق
شارك

مدهش انا معرفش اسعدك ازاى رغم انة مهندسة ديكور بس بشتغل برة مصر فى نفس الكرير دة

فكل الى اقدر اعملهولك

انى كتبلك طريقة تركيب المواسير والصحى وتركيب السيراميك علشان لما العمال تشتغل تبقى عارف هما بيعملوا اية ويبوظوش الدنيا وانت واقف دامهم كمان

انما لو حتجيب مهندس يبقى كلامى مش حايبقى مهم

فلو عاوز خطوات العمل فىالاتى

تركيب السيراميك

تجهيز الحوائط للدهانات

اختيار الوان الجدران

توزيع الفرش

رد عليا هنا فى الموضوع وانا اكتبلك الجزء الى انت محتاجة

وربنا يوفقك

استاذة nancy هل بامكان حضرتك مساعدتى فى عمل last finish لشقتى

هل ممكن اضع الرسمة واشرح لحضرتك فيها ايه بالظبط علشان تساعدينى فى اختيار انسب الألوان

وبعدين كنت فكرت ادهن جرانيت علشان بيكون الوانه ثابته وواضحة فهل حضرتك تنصحينى بالتغيير أو أى نصائح اخرى

شكرا لك

قمت بالفعل بالانتهاء من اعمال الكهرباء وجارى العمل فى السباكة ثم المحارة

أنتظر ردك

تامر السيد

أستغفر الله الذى لا اله الا هو الحى القيوم وأتوب اليه

رابط هذا التعليق
شارك

3-الكهرباء : دي المشكلة لأن اسعارها زادت زيادة رهيبة لأن النحاس غلي ... وصعب تقديرها لأن الكهربائي لازم يشوف التاسيسات هتحتاج ايه بالضبط ... وأنت تحتاج كام لقمة ( فيشة يعني)... بالإضافة للكشافات ووصلات الدش والسماعات والجرس المركزي ... الخ

يعني ممكن تسيب للكهرباء بشكل عام ما بين الفين إلى 3 الاف جنية حسب طلبك ..

ارجوا امدادى بمعلومات عن ( السماعات والجرس المركزى )

حيث اننى فى مرحلة التشطيب الآن

هل تقصد ( الإنترفون ) أم ماذا ؟؟

شكرا لك

تامر السيد

أستغفر الله الذى لا اله الا هو الحى القيوم وأتوب اليه

رابط هذا التعليق
شارك

  • بعد 1 سنة...

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      حالة من الرواج والانتعاش تعيشها السوق العقارية خلال هذه الأيام بعد إعلان البنك المركزى بدء تفعيل مبادرة الرئعرض المقال كاملاً
    • 3
      خبراتكم و نصائحكم تهمني جدا عن نفسي عانيت كثيرا من الشغالات الاجنبيات من ناحية الالتزام بالعمل و الاستمرارية فيه و في مرات من خيانة الامانة جربت الشغالات من اندونيسيا و من نيجيريا و اثيوبيا رغم اني اوفر لهم  ظروف عمل جيدة و اعباء المنزل في حدها الادنى و لا يوجد اطفال ليتكم تعرضوا خبراتكم و آرائكم و خياراتكم في جنسيات العاملات في بيوتكم  و مكاتب تشغيل العاملات الاجنبيات
    • 1
      أفكر في إقتناء سلحفاة لأحفادي … (٤ ، ٥ سنوات)  في أيامنا هذه يهمني معرفة خبراتكم في إقتناء السلاحف و رعايتها و مدى تأثر الأطفال الصغار بها.
    • Guest هانى عبيد
      0
      الأخوة الأعزاء ما موقف الشقق الخلفية فى عمارات اللوتس الجنوبية الحاصلة على ترخيص بناء فى مارس 2016 أى قبل صدور قرارات واشتراطات البناء ب 4 وحدات للدور للمساحات الأكبر من 950 متر مربع فى أبريل 2016 وذلك فى حالة مخالفة المالك لذلك بتقسيم الدور على 5 وحدات أو 6 بدلا من 4 ، فما مصير الشقق الزائدة عن 4 من المرافق أى الكهرباء والغاز والتى لم تسلم بعد للحاجزين . مع العلم أنه توجد عمارات تم تشطيبها وتركيب عدادات الكهرباء لجميع الشقق بها برغم أن بها أكثر من 4 شقق بالدور .؟؟ أرجو الافادة ..
    • 8
      وقع في يدي حجر غريب لا اعلم تحديدا ما نوعه من بين انواع الاحجار  الكثيرة وهو  على شكل بيضة برسوم فرعونية ( غير محفورة ) لبعض المقدسات لدى قدماء الفراعن مثل العقرب والصقر والتمساح ومفتاح الحياة وملك بتاج يجلس على كرسيه . ما هالني في أمر هذا الحجر هو انه يتوهج بنور اخضر ساطع ينبعث من داخل الحجر وليس من خارجه عندما يتعرض لنور الشمس او ضوء النهار او النار أو حتى الحرارة ويظل التوهج لثوان ثم يخفت . والادهى والامر ان الحجر عندما ترجه تشعر بأن داخله مادة سائلة كالماء ! ارفقت لحضراتكم صورة له ع
×
×
  • أضف...