نفسى اعمل مشروع

[محمد شلبى]

مش عارف ابدأ ازاى؟

كلنا شايفين الوضع المهبب اللى بلدنا فيه,وكلنا عارفين الوضع المنيل لمئات الالوف من الشباب العاطل الذي يجلس على القهاوى ويقف على نواصى الشوارع وقد فقد اى امل واى طموح وقبل ذلك فقد احترامه لنفسه.

من الآخر كلنا عارفين ان اللى هيستنى الحكومة تشغله يبقى بيضحك على نفسه ومش هيعيش عيشة نضيفة ابدا.

يعنى الامل من الآخر فى حاجتين : شغل خاص او السفر للخارج.

انا طالب فى آخر سنة فى كلية الطب,تقديرى التراكمى هيكون جيد جدا ,يعنى ماليش شغل فى الجامعة وهترمى فى الشارع او بالكتير هحصل شعنونة على السلوم cbyb: .

عشان كده انا خايف جدا,خايف من كل حاجة ,خايف من بكره,مش عارف هابدا حياتى ازاى,نفسى اعمل مشروع صغير اشارك فيه حد من اصدقائى اللى اتخرجوا ومش لاقيين حاجة يعملوها,يعنى انا مثلا اشترك برأس المال ويبقىهوه المسئول عن الادارة .

فكرنا فى حاجات كتير ومش عارفين نستقر على ايه وحاليل بافكر انى اعمل نت كافيه.ايه رأيكوا؟ممكن تساعدونى وتقولولى أبدا ازاى؟

تم تعديل 23 ديسمبر 2004 بواسطة محمد شلبى

[mwefy]

محمد اولا لازم اتكونش متشائم كده طبعا كل كلمه انت قولتها صح بس حاول تهون علي نفسك شويه عشان تعرف تفكر واحب اقولك ان اي مشروع في الدنيا لازم دراسه ليه مش هقولك دراسه جدوي به والكلام الجامد اوي ده بس لازم تكون عارف انت عايز ايه يعني ماينفعش تقول انا عايز اعمل مشروع وخلاص لازم تكون حاجه انت بتفهم فيها او علي الاقل ليك ميول ليها بس يمكن انا سابقك شويه في نفس الموضوع اني بدور علي مشروع بس انا بقه المشكله اللي عندي اني بدور علي فلوس تمويل يعني لاقت عمي موافق بس انا متردد جدا في الدخول معاه مش عايز مشاكل بصراحه، عملت لنفسي ورشه عمل وعرفت انا عايز اوصل ل ايه وايه اللي انا بحبه وبفهم فيه عملت حصر لقيت 3 حاجات ممكن تكسب في مصر اولهم الاكل مع اختيار مان مناسب وتقديم حاجه جديده باسعار كويسه وفعلا وصلت لاقتراح وعملت دراسه عليه ولقيت ان المشكله الوحيده هتكون في المكان لازم يكون مكان متشاف المهندسين مثلا مصر الجديده مدينه نصر و مش في اي حته ده المشروع الاول التاني كان محل وورشه لتصنيع الانتيكات الهاند مييد ودي اصلا هوايتي ((الديكور )) وفعلا روحت عند عند ابن خالتي في كليه الفنون الجميله واتفقت معاه علي ان يكون هو جزء من الكروو اللي هيشتغل معايا وان شاء الله هبتدب اني اعمل الحاجات دي وابيعها للمحلات عشان اجس نبض السوق بيها واعرف ايه اللي بينجح وايه لا واخد خبره في السوق شويه قبل ما اعمل المحل واكلفه

و الاحتمال التالت كااااان سيبر بس ده كان من زمااان احب اقولك ان مصر كلها دلوقتي بدل البيوت بقت سيبرز كل واحد عنده اوضتين فاضين اقلب يا ريس سيبر وسلملي علي الجيم نتورك وال دي اس ال

[محمد شلبى]

الاخ الكريم موافى

المشكلة ان هيا دى الحاجة الوحيدة اللى بافهم فيها وبـأحبها

[mwefy]

فرصه تميذك فيها قليله اوي لانها بقت منتشره جدا

[محمد شلبى]

بس المكان اللى ناويين نعمل فيه المشروع عبارة عن حى كامل ما فيهوش غير سيبر واحد بس وعليه زحمة كتير قوى.

بالنسبة لموضوع المطعم فهو كويس,بس هتحتاج عمالة فيه واحنا عايزين حاجة على قدنا .

[mwefy]

زي ما قولتلك ادرس الموضوع كويس واستخير ربنا وتوكل علي الله

[Cleo]

طيب...

ما هو أنسب مشروع ممكن يقوم به شاب ذو مدخرات محدودة وكذلك خبرة محدودة فى مجالات الأدارة و السوق؟؟

[kokowawa1979]

كليو كتبت :

ما هو أنسب مشروع ممكن يقوم به شاب ذو مدخرات محدودة وكذلك خبرة محدودة فى مجالات الأدارة و السوق؟؟

في رأيي أن أي مشروع يعتمد على الأكل مشروع ناجح جدا وخاصة محل فول وطعمية في أي مكان وأي زمان إن شاء الله مضمون جدا لكن المهم اتنين صنايعية أمناء حتى لو بدون خبرة لإن عمل الفول والطعمية ليس كيمياء حيوية !!!

علاوة على إن الرسك في موضوع الفول والطعمية منعدم تماما فقط ربنا يكف أذى شر موظفي التموين اللي مابيتشطروش غلا على الغلابة بينما يتركون الضباع تنهش في أجسام الغلابة

[محمد شلبى]

طيب حد ممكن يدلنى هل ممكن انى آخد قرض ومنين وازاى؟

[theblackpirate2005]

طيب...

ما هو أنسب مشروع ممكن يقوم به شاب ذو مدخرات محدودة وكذلك خبرة محدودة فى مجالات الأدارة و السوق؟؟

تلاته اصحاب يجيبوا ميكروباص ويشغلوه 24 ساعه

يلا يا محرز mc(:

انا وعاطف نسوق وانت تنادى وتلم الاجره

ايوه عباس وعاشر عباس وعاشر me0:

تم تعديل 24 ديسمبر 2004 بواسطة theblackpirate2005

[Maverick]

طيب...

ما هو أنسب مشروع ممكن يقوم به شاب ذو مدخرات محدودة وكذلك خبرة محدودة فى مجالات الأدارة و السوق؟؟

اعتقد ان يروح لواحد مهندس او دكتور صاحبه و يشوفوا حاجة

جديدة مش موجودة فى مصر ويعملوا ليها توكيل فى مصر

عيبها انهم محتاجين حد بره مصر

[mwefy]

من اهم الاسباب لفشل المشروعات الصغيره القروض لانها بتضر مش بتفيد لانك بتدفع من مكسبك كل شهر القرض+الفائده ده بيقلل سرعه نمو المشروع من ناحيه وبيقلل الربح و بالتالي التطوير اللي بينعكس علي رفض ونفور المستهلك

اذاي تبدأ انت معكش فلوس كتير اولا حدد انت معاك كام ومين وده مهم لان معظم المشاكل بتيجي من اختلاف الشركاء بعد فتره من بدئ المشروع ((كل شيخ وليه طريقه )) لازم تحدد في عقد مكتوب اختصاصات كل واحد ويكون واحد بس اللي ليه حق الاداره واتخاذ القرار ((في المرحله الاولي بيكون عاده دارس المشروع )) وكل الشركاء بيكونو عارفين ان ارائهم استشاريه عشان بعد فتره ودي مشكله كل المشاريع الجماعيه في مصر بعد المشروع ما شد حيله شويه اول حاجه بتدور في عقل كل شريك ((طب ما انا عرفت السكه اهو افض الشركه معاهم واعمل انا حاجه لوحدي واهو المكسب يكون لوحدي )) وده جهل يؤدي الي زياده العرض علي السلعه او المشرع وبالتالي هامش الربح هيقل لان القوه الشرائيه هيّ هيّ والمعروض بقه الضعّف او اكتر .

2- تحدد انت بتفهم في ايه او ميولك ايه مش شرط انت اللي تكون صاحب الفكره ممكن يكون حد من اصدقائك وتبدأ معاه بس بعد ما تتأكد ان الموضوع مدروس.

3- لازم تبدأ صغير وتفكر في حاجه مش منتشره كتير لان ده بيأثر علي العرض والطلب

ولو حد محتاج اي مساعده انا ممكن اساعده

[theblackpirate2005]

ايه رأيكم فى نت كافيه me0:

[mwefy]

طيب...

ما هو أنسب مشروع ممكن يقوم به شاب ذو مدخرات محدودة وكذلك خبرة محدودة فى مجالات الأدارة و السوق؟؟

الحل انه يشارك حد يكون موثوق فيه ويتعلم منه الحل في العمل الحر في مصر دلوقتي وخاصه المشروعات الحرفيه التي بتعتمد علي الحرف الصغيره لما بيضاف اليها الفكر المتطور بيكون النتيجه الوصول لاعلي درجه من الجوده والتميز

[green bird]

السلام عليكم

انا كما عندى نفس المشكله

انا بشتغل فى الخليج وعايز ارجع

بدور على حد يكون عنده خبره فى احد المجالات وناقصه سيوله واشتغل معاة

او ناس تانيه يكون وصعها نفس وضعى ونشترك كمجموعه ونعمل مشروع كويس

للأسف فى كل اجازه لما بسأل اصدقائى وقرايبى - اللى لهم اعمال فى مصر- واعرفهم انى عايز انزل وبطلب مشورتهم فى الموضوع ده دايما الرد بيكون خليك هناك احسن وانتظر شويه لأن الوضع سيىء فى لبلد اليومين دول

ممكن تدونى نصيحتكم

[ابو يوسف]

لا أريد أن أقول كلام تنظيرى من العيار الثقيل !!

ولن أفتى فى الاقتصاد – الذى أفهم فيه كما يفهم بائع الطماطم !!

ولكنى أرى أن التجربة الصينية مثلاً جيداً يحتذى فيه بخصوص المشروعات الصغيرة ..

وسأضرب لكم مثلاً واقعى ...

أعرف رجل أعمال شاب يستورد منذ فترة طويلة اكسسوارات حريمى من الصين و تركيا ..

ثم فكر فى انشاء وحدة تصنيعية صغيرة (أو بالأحرى تجميعية !!)

المشكلة كانت فى الخامات !! حيث أن تفوق المنتج المستورد هنا يكمن فقط فى الخامات و التشطيب النهائى الـ Finish

و استورد فقط الخامات و ساندها ببعض الخامات المصرية ..

و أصبح كل تركيزه فى التصميمات (و العقل المصرى لا يقل عن أى عقل فى العالم !! )

و المحصلة حتى الآن جيدة بفضل الله ..

حيث أن المنتج المصنع هنا أصبح ينافس المستورد ..

سعراً و جودة !!

ينقصنا أمور لا يمكن اغفالها .. ..

أن تكون فى مصر صناعة كبيرة تدعم هذه الصناعات الصغيرة لتوفير الخامات الجيدة ..

أن يتم تيسير الاجراءات البيروقراطية المعقدة ..

و أن يفيق العامل المصرى من كسله و يطلق عقله للابداع بعد أن توقف عقله عند انهاء المطلوب و قبض السعر بغض النظر عن الجودة !!

و من يهمه الموضوع و يريد الحصول على المزيد من التفاصيل حول هذه التجربة لا يتردد فى الاتصال بى ..

و ربنا يرزق الجميع رزقاً حسناً

[Tafshan]

الاخ محمد شلبي ،

انت محق في تفكيرك بالعمل الخاص و لكنك بدأت بدايه خطأ لانك اخترت مشروع بعيد عن مجال دراستك وتخصصك .. انت خريج كلية الطب بدرجة جيد جداً ، فلماذا لا تفكر في العمل بتخصصك ؟؟

بمعنى انك تؤجر شقه في مكان مناسب و اعنى بمناسب ان يكون غير مكلف و اقترح ان يكون في منطقة شعبيه حيث تقل الخدمات الطبيه فيها و تقل فيها الايجارات ، اما عن التمويل ، فأنا اقترح عليك ان تسوق لمشروعك بين زملائك في الكليه بمعنى ان تقوم بالمشروع مع 3 او 4 منهم و تطلق على المشروع " مركز صحى " .. و هذه الفكرة يمن تسويقها لعدد اكبر من زملائك اذا كان العمل فيها بطريقة اقتسام الوقت Shifting و يمكنك ان تعطي ثقل لمشروعك اذا اتفقت مع مجموعة من الاستشارين للعمل بدوام جزئى يوم في الاسبوع و بذلك تعطى مشروعك بعد فنى عالى و تعطى هذا المركز شهره لأنه يعمل فيه س او ص من الاستشارين مما يضيف لل cv الخاص بالمشروع

ليه رأيك ؟؟

[محمد شلبى]

استاذ طفشان

شكرا لرد حضرتك,لكن انا لسه فى بداية سنة 6 وهاتخرج فى شهر 1 /2006 وبعد كده سنة امتياز ثم دبلومة وماجيستير فى حوالى 4 سنين عشان اعرف افتح عيادة او المركز اللى حضرتك بتقول عليه,هو طبعا ممكن يتعمل قبل كده بس هيكون مخالف ومهدد بالغلق فى اى لحظة,انا عايز حل الآن ,عايز حاجة تساعدنى على تكملة مشوارى فى الطب ,علشان اقدر احضر او اسافر ادرس بره,وبصراحة مش عايز اعتمد على حد ,عايز لما احب اعمل كده يكون ده من مالى الخاص.

صحيح ان الكومبيوتر بعيد عن مجالى الا انه هوايتى الوحيدة والحاجة الوحيدة اللى بافهم فيها الآن.

ايه رايك انت؟

[se_ Elsyed]

في رأيي أن أي مشروع يعتمد على الأكل مشروع ناجح جدا وخاصة محل فول وطعمية في أي مكان وأي زمان إن شاء الله مضمون جدا لكن المهم اتنين صنايعية أمناء حتى لو بدون خبرة لإن عمل الفول والطعمية ليس كيمياء حيوية !!!

علاوة على إن الرسك في موضوع الفول والطعمية منعدم تماما فقط ربنا يكف أذى شر موظفي التموين اللي مابيتشطروش غلا على الغلابة بينما يتركون الضباع تنهش في أجسام الغلابة

لأ بجد يا كوكواوا كده ازعل منك ... لإن ممكن حد يصدقك وتطق في دماغه ويعمل الفكرة دي ويروح في أبو نكله ..

- بص يا سيدي .. اخوك الماثل أمامكم ده جاء إلى الدنيا في ليلة شتوية قارسة البرودة وفتح عينه لقى معظم عائلته متخصصين في مجال المطاعم والبوفيهات والحركات دي .. سواء في مصر او في السعودية ..... وتقريباً حتى سنة 98 كان لسه عندنا مطعم وشغال وتمام التمام لحد ما صفيته وقلبته محل حلاقة رجالي ... وحتى انا أثناء دراستي كنت لا أستنكف إني أشتغل زي أي صنايعي بحيث أبقى ليه في الصنعة ولا اكتفي بدور المدير وأبقى عامل وسط الصنايعية زي الاطرش في الزفة وبالتالي ياكلوني لحم ويرموني عضم او يلووا دراعي عشان ماليش في الصنعة ... والحمد لله اخوك س س لحد دلوقت صنايعي 10/10 في الفول مش الحلاقة ... ماليش فيها خالص .

وبالتالي أقدر أقولك إن محل الفول والطعمية إن ماكنش واقف علي حيله وهناك دخل معقول من شغل السندوتشات او السُفرة ( يعني ترابيزات وناس بتاكل وكده ) يبقى يفتح الله ...لإنه لو اعتمد على أبو قرش فول وتلات قروش طعمية وإحنا بنسمي ده " شغل قطاعي " يبقى بيته هايتخرب من تاني يوم لإن مكسب الحاجات دي معدوم جداً .. ده لو أضفنا عامل مهم جداً في عالم المطاعم وهو إن غلاء المون ( فول ، زيت ، عيش ، كهرباء ، ضرايب ، زبالة متكهربة ، يوميات صنايعية ) كل ده صاحب المحل هو اللي بيشيل الليلة بتاعته ..لإن من المستحيل تلقى في حالة غلاء المكونات دي ييجي صاحب المحل ويغلي من نفسه ثمن الساندوتش أو ما إلى ذلك ..لإن ده سوق واللي يسري عليك يسري على غيرك ..

نقطة تانية خطيرة جداً وما بيعرفهاش غير أصحاب المحلات - مش الصنايعية كمان - وهي إن محصول الفول من المحصولات الضعيفة جداً وأي شوية برد او حر زيادة بييجوا بيبوظوا المحصول في الأرض وبالتالي المعروض بيقل وبالتالي تجار الجُملة ( اللي في منطقة الساحل بشبرا ) بيغلوا علينا سعر الأردب ... فبتكون النتيجة إن بيتنا بيتخرب .... بالإضافة إلى سعر الزيت في مصر ناررررررررررر وعامل زي الذهب بيغلى ما بيرخصش .

طب إنت كده كرهتنا يا عم س س في الفول والطعمية والعيش والعيشة واللي عايشينها وكده محمد أبو شلبي هايروح يجيب صاج قرص ويسرح بيه ....

أقولك لأ ... طلبك عندي يا محمد يا شلبي وأنا اوعدك إني هاظبطلك كام مشروع وهاتدعي لأخوك س س بس إبقى أفتكرنا لما تغتني يابا وتعدي جنبنا بالمرسيدس وتطرطش علينا ميه وتبهدلنا ..

نلقاكم بعد الفاصل عشان خارج دلوقت .....

[محمد شلبى]

mc: :blink: :P :P :P :P :D

هيييييييييييييييييييه

هيييييييييييييييييييييييييييه

سى السيد هيظبطنى وابقى غنى يا ولاد

زغرطى يا امه