اذهب إلى المحتوى
محاورات المصريين

إلى أي مــدى تـــؤثر الســـلوكيات الشخصية للأخر على طريقة تعاملك معه ؟


se_ Elsyed

Recommended Posts

إيه العنوان المكلكع ده ؟

ما بأحبش انا كده .. باحب أختار عناوين مُثيرة وجذابة ... لكن في الموضوع ده بالذات الظروف تحكم .. والعملية مش ناقصة اثارة

هادخل في الموضوع خبط لزق

سبب كتابتي لهذا الموضوع .. هو تلك الضجة المثارة حول منع المطرب الانجليزي المشهور " التون جون " من الغناء في مصر تحت سفح الهرم ... والجهة التي منعته هم نقابة المهن الموسيقية

والسبب كان أنه " شاذ جنسياً "

مش بس كده ( بيني وبينكم أنا مع المنع ده .. بل بالعكس عاوز أديله 100 قفا على سهوا )

الافندي ... قصدي المخلوق ده اللي عنده 62 سنة ... بيتفاخر أنه شاذ جنسياً .... مش بس كده ... ده بعيد عنكم اتجوز واحد صاحبه من حوالي 3 شهور .... وبالمناسبة التعيسة دي راح رازعنا كام أغنية من اللي هما بيشجع فيهم على الشذوذ

هاموت وأعرف بيقول ايه في الاغاني دي ؟!!!

يعني مثلاُ تفتكروا بيقول " أنا اسمي عزوز .. وباحب الشذوذ .. ومش باشرب من القُله لكن بأشرب مالكوز " ؟

الله يحرقك يا التون يابن أم جون

وبالتأكيد كان هاييجي تحت سفح الهرم يسفحنا كام أغنية من دول ... والعيال البايظة عندنا مستنيين تكه ومش ناقصين ده كمان

عشان كده نقابة المهن الموسيقية رفضت بالرغم من إن المنظمين للحفل قالوا إنهم ممكن ينبهوا عليه يبعد عن الأغاني دي لما ييجي عندنا ... لكن بالتأكيد كان هايرفض وياخدها مسألة مبدأ ... ومش بعيد يجيب جوزه معاه ... أه ما عندناش ستات قصدي رجالة متستته تسافر لوحدها عشان الفتنة :wub: ..

وقام المذكور بتحويل وجهته إلى المغرب ... والأن تُثار ضجه أيضاً لمنعه من الغناء هناك ...

الاعجب بقى إنه حاصل على لقب سير من بلده وحاجه عظمه قوي ....

وثالثة الأسافي بقى إني كنت قرأت في فبراير الماضي تصريح لهذا الحشرة يصف فيها السيد المسيح بإنه كان شاذ جنسياً ......

استغفر الله العظيم .. قطع لسانك يا بعيد

السؤال هنا بقى ..

لو حكمت عليك الظروف وإتعاملت مع حد زي كده ... يعني الزوايا عنده مش مظبوطه .... تفتكروا هاتكون الطريقة ازاي ؟

يعني عادي كده ولا هاتبص له بأشمئزاز وقرف في الرايحة والجاية حتى يشعر إنه على خطأ وأن الدنيا مش بمبي وحلوه معاه

أتفهم تماماً إن الأنسان اللي عايش في الغرب ومنتشر عندهم الأفعال دي ... ممكن يتقبل الأمر الواقع وما يقدرش يعمل حاجه لأنه مش هايقدر يعدل المايله هناك

لكن في مجتمعاتنا الشرقية المحافظة .. بالتأكيد الوضع يختلف ... واللي بيسلك مثل هذا السلوك الغير قويم لابد ان يكون منبوذاً ...

وفكونا بقى من إن دي حرية شخصية .. وأنت حُر مالم تضر ... والكلام المجعلص ده .... لأن دي حرية منيلة بنيلة ...

ومجرد تقبُل المجتمع لهؤلاء ببمارساتهم التي تعف عنها الجيوانات حتى ... فهذا إقراراً من المجتمع لهذا السلوك وبالتالي سيصبح عددهم في إزدياد

وأيضاً فكونا من كلمة .. اصل دول مرضى ...

طب والمريض ده مش بيتعالج ولا يتمادى ويهبل بالطريقة دي ؟

يعني عن نفسي ما يهمنيش إذا كان الشخص اللي باتعامل معاه في العمل او الجيره أو أو او ... ما يهمنيش اذا كان بخيل أو رغاي أو ما إلى ذلك من الصفات التي تؤثر على صاحبها فقط ...

لكن هناك صفات أعتقد إنها تُحول الشخص إلى جرثومه في المجتمع لابد من أستئصالها إذا استعصت على العلاج

وأينعم مافيش إنسان له الحق إنه يُحاسب الأخرين .. لكن على الأقل يبقى في رفض لتلك الصفات الشاذة ..... مش كده ولا إيه ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • الردود 44
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

ايووووووووون .. طبعا يا سين سين دى فيها كلام..

انا الراجل ده قرفت منه من ساعه ما عرفت انه شاذ ..

انما يا سين سين يا خويا ان جيت للحق هو اصلا كده كده مقرف .

انما بقى لو حنطبق المبدأ اللى بتقول عليه ونقرف من الناس الشاذه دى فى الغرب فيؤسفنى اقولك ..

يؤسفنى ..

بجد يعنى وببالغ الأسف اقولك من ساعه ما عرفت ان الولد اللذيذ موت "ريكى مارتن" شاذ وانا لسه برضه بحبه :wub:

هو حر بقى .. شاذ ولا مش شاذ انا مالى .. الراجل فنان تحفه بجد .. اممم وعشره على عشره فى الوسامه يعنى بص .. اممم .. صعب قوى حكايه نقرف منه دى :P

بقولك ايه ..

عشان تقرب الصورة للمشاهدين ..

قصدى المحاورين والمحاورات وتسمع تعرف رأي جاد وحقيقى لو اسمحت استبدل المثال اللى حاطه اللى هو اصلا مقرف "التون جون"

بزينه شبابك يا بورتوريكو "ريكى مارتن " :roseop:

بس كده wst::

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

اجابة السؤال الجامد

طبعا بيفرق جدااا يعنى بصراحة بالاضافة الى احساس الاشمزاز و الصدمة هاقطع علاقتى فورا ومش هاحاول اصلا انى اشوف خلقتة تانى لان هيبعث على اى مكان يكون فية غضب الله

حتى لوكانت صفات بسيطة مقدور عليها زى البخل او اى حاجة شبة دة لسبب بسيط انى اكيدمن التعامل هيظهر الصفة دى

بالتالى بردةةة هاتكوى بنارها

يعنى لو واحد بينقل الكلام او بتاع مقالب او غيرة اكيد هينبنى برضة من الحب جانب

يعنى متقدرش ابدا

تفصل الصفات الشخصية للاخر عنك الا لو حالة واحدة فقط انة يكون عابر سبيل و يمر فى حياتك مرور الكرام

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

استغفر الله العظيم من كل ذنب عظيم

تصدقوا و تأمنوا بالله من يومين بالظبط كنت بافكر في الحوار دا مش فاهمة الناس لا ناس ما تنفعش قصدي الكائنات الحية دي عايشة ازاي و بتتعامل مع الناس الاسوياء ازاي

شوفت على اليوتيوب قال ايه يا خويا فرح في كنيسة لاتنين رجالة و القسيس فرحان بيهم كده و بيجوزهم

الله يخرب بيوتكم يا بعدا و قال واحد منهم العرسان قصدي يوووه القصد يعني واحد من الكائنات الحية دي لابس فستان فرح

طيب يا تييييييييييت ابن التيييييييييييت ما تتنيل تروح تعمل عملية و تتقلب ست و تريح نفسك و تريحنا حتى على الاقل هاتبقى مبلوعة

حاجه تقرف و تخلي الواحد معدته تقلب بلا قرف

انا عن نفسي لو شوفت كائن حي من الحاجات دي هابصله بقرف و اشمئزاز و اشمئناط و اقرفه في عيشه و اليوم اللي جه الدنيا فيه لازم يحس انه هو طوفلة الحشرة امال يعني الواحد يتعامل معاهم ازاي اذا كانوا هما اصلا مقرفين

يا س س الله يسامحك ايه يا عم المواضيع اللي بتعكر الدم و تقلب المعدة دي

لولا انا صعقت لما قولتي ان ريكي مارتن متنيل بايظ ليه كده الواد حليوة جاته القرف في شكله كرهتيني فيه يا شيخة

كنت زمااااااااااان اوي بحب جورج مايكل و اكتشفت انه نفس الخيبة كده قرفت منه و من شكله و عيشته و بطلت اسمعه اصلا

رابط هذا التعليق
شارك

لو حكمت عليك الظروف وإتعاملت مع حد زي كده ... يعني الزوايا عنده مش مظبوطه .... تفتكروا هاتكون الطريقة ازاي ؟

يعني عادي كده ولا هاتبص له بأشمئزاز وقرف في الرايحة والجاية حتى يشعر إنه على خطأ وأن الدنيا مش بمبي وحلوه معاه

أتفهم تماماً إن الأنسان اللي عايش في الغرب ومنتشر عندهم الأفعال دي ... ممكن يتقبل الأمر الواقع وما يقدرش يعمل حاجه لأنه مش هايقدر يعدل المايله هناك

لكن في مجتمعاتنا الشرقية المحافظة .. بالتأكيد الوضع يختلف ... واللي بيسلك مثل هذا السلوك الغير قويم لابد ان يكون منبوذاً ...

شخص شاذ جنسيا يعنى شخص مريض .. اعتقد انه يستحق الشفقه اكتر مما يستحق النبذ .. الا اذا حاول ينشر افعاله الشاذه فى المجتمع .. هنا بقى يبقى فيه وقفه صارمه وحازمه معاه .. لانه حيعتبر فى اللحظه دى من المفسدين فى الارض والواجب استئصال شأفتهم

لو فيه وازع من دين حنصحه وحعرفه اذا مكنش يعرف قد ايه فعلته دى محرمه دينيا لحد ان عرش الرحمن يهتز لها .. وده من الناحيه الاسلاميه .. واعتقد ان الشذوذ ايضا محرم فى الديانات السماويه الاخرى .. الى جانب تعريفه الاضرار الطبيه الخطيره للموضوع ده

طبعا ده رد فعلى لو كان الشخص ده فى مصر .. اما لو فى اوربا او اميركا او كندا حتجنبه تماما .. ومش حكلمه فى الموضوع ده او حتى أجرح شعوره .. لان القوانين فى الغرب بتحمى المثليين بشكل صارم

على فكره المغنى التون ده مشهور جدا فى انجلترا والعالم .. وهو اللى غنى اغنية تأبين ديانا .. وهو متجوز من حوالى اربع سنين من رجل استرالى لامواخذه .. وتونى بلير حضر فرحه... هو ولفيف من مشاهير بريطانيا والعالم.. ومن المغنيين المشهورين الشواذ ايضا جورج مايكل .. صاحب الكليب الشهير اللى بيشبه جورج بوش بالكلب

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

الشخص الشاذ جنسيا تعرض لاعتداء وهو صغير

وعادة يكون هذا الاعتداء من الاقارب او الناس المؤتمنين على هذا الطفل

ويكون عادة تحت مسمى زيادة في الحنان من هذا البالغ الشاذ والذي عادة ما يفتقد الضحية من ابويه هذا الحنان والقرب الجسدي

ثم يستمر معه هذا الشعور بالدفء المزيف الى ان يصبح هو الاخر شاذا في كبره

وهو انسان مريض نفسيا بما لا يدع مجالا للشك

أما كيف التعامل ؟؟؟؟؟؟؟؟؟؟ يجب التثقف في هذا الامر جيدا علميا ودينيا ..

وربنا يستر على ولادنا جميعا يارب ..

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

السؤال هنا بقى ..

لو حكمت عليك الظروف وإتعاملت مع حد زي كده ... يعني الزوايا عنده مش مظبوطه .... تفتكروا هاتكون الطريقة ازاي ؟

يعني عادي كده ولا هاتبص له بأشمئزاز وقرف في الرايحة والجاية حتى يشعر إنه على خطأ وأن الدنيا مش بمبي وحلوه معاه

السلام عليكم و رحمة الله و بركاته

استاذي

هو حضرتك انا حصلت معايا حاجة لطيفة جدا اول ما اشتغلت في المكان

فيه واحد اللي المفروض يدربني ع الشغل و كده....ليقته يا خويا حاجة كده زي فاروق فلوكس.... في فيلم "الراقصة و السياسي".....بس ايه بقي لابس بدلة و بشنب

انا في الاول بقيت اضرب اخماس في اسداس......مش متعودة انا ع النوع ده....و بعدين احنا صعايدة و دمنا حامي و نحب الراجل يبقي "ذئاب الجبل" يعني

المهم انا قولت يمكن عشان مش عربي....فده اختلاف الثقافات.....بس مع مرور الوقت....و مع كتر الخلافات بنا.....لاني الحقيقة كنت بحس اني حمشة زيادة عن اللزوم

لغاية ما واحدة صاحبتي اخدتني ع جنب كده و فهمتني الفولة......و انا برضه مش قادرة اصدق...لاني سمعت عنهم سمع...لكن انك تتعامل معاهم او تكلمهم....دي بقي كانت الصدمة

انا دلوقتي برضه بتعامل معاه بحكم الشغل بس التكتيك مختلف خالص.....لا بقرف منه و لا بتجنبه....بس بعامله انه لمؤاخذة...واحدة ست (و لو ان منظر محمد صبحي في مسرحية تخاريف.....مش قاجر يفارقني...ز لا هو ست و لا هو راجل)

المشكلة بقي....ان في محيط عملي اكتشفت حاجات كتير زي اختنا دية.......و بيبقي ليهم حركات محددة و نمط سلوكي كمان

مش عايزة اصدمكم زيادة بس كمان لقيت ان في مجتمعات عربية....فيه بنات بتبقي اولاد...و بتمشي مع بنات...و بتعاكس بنات....و حاجة لخبطة ع الاخر

الصراحة.....انا بقعد اتفرج...و ااراقب من بعيد.....مش بحتك غير في اضيق الحدود

المشكلة ان الناس دي لما بتيجي تتعامل معاهم بيبقوا ودودين جدا جدا جدا.......

و مش عارفين انت قرفان منهم ليه؟؟؟؟

بس خلاص

رابط هذا التعليق
شارك

ريكي مارتن wst:: :roseop: :P

معقول؟ .....بتتكلمي جد يا لولا؟

بس اللي اعرفه على حسب ما الواحد شاف يعني ان الناس دي بيكون باين عليها في شكلها وتصرفاتها .يعني اول ما الواحد بيشوف شخص شاذ...بيعرفه من شكله

لكن الجديد بالنسبه لي بصراحه ان ممكن مايكونش باين عليه :roseop:

عموما دي حاجه مقززه جدا .لانها عكس طبيعة البني أدمين .وعن نفسي ..حتى .لو هوه مين يعني (الشخص الشاذ ده )هاقرف منه طبعا واتجنبه خالص

واللي بيغيظني قوي بقه ان الشخص ده بيبقى الموضوع عنده عادي خالص .والحياه حلوه وجميله

اعوذ بالله

انا فاكره وانا صغيره شويه .اول مره عرفت فيها معلومه ان في رجاله بتتجوز بعض .او (ستات بتتجوز بعض)والله كان هايجيلي صدمه عصبيه من مجرد ما عرفت ان في ناس ممكن تعمل كده

407086_10150519470631088_583296087_9114843_428326208_n.jpg
رابط هذا التعليق
شارك

انا الاول حاقول راى وبعدين حاتكلم فى شوية تفاصيل

انا رايي ان الناس دول بيصعبو عليا – انا باعتبر ان عندهم مرض وبدعى لربنا يشفيهم

فى حاجة منتشرة فى الكويت هنا فئة اسمهم ( جنس ثالث ) او بيسموهم بالعامية – المتشبه بالنساء - وغالبا بيبقوا كويتيين – على فكرة عددهم كبير لدرجة انهم مرة طلبو من الدولة انها تعمل لهم نادى خاص بيهم

حصل مرة كنت انا وجوزى واولادى فى حمام السباحة وكانو بعيد عنى بمترين شابين شكلهم غريب كده سنهم حوالى 20 سنة - وجوزى اتنرفز وقرف من منظرهم واتعصب وقالى تعالى نخرج من هنا- مع انهم مش بيعاكسو ستات ابدا

- المهم الشابين دول - هما مع نفسهم كدا فى ركن - بس ليهم شوية حركات وتصرفات ملفتة و مش مظبوطة - ضحكة بصوت عالى ومليانة خلاعة - واحد منهم بيبقى حاطط روج فى شفايفه ولابس شورت رجالى اه بس ملون اوى او مطول شعر راسه حبتين ولما يتمشو هما وماسكين ايدين بعض على كورنيش حمام السباحة – ليهم طريقة فى المشية مش ( .. )

وبيبقى صديقه ماسك ايديه ونفس المواصفات وبتحس انهم شبه بعض وشويه يدو شكلهم رجالة وشوية بنات والواحد بيتلخبط فيهم

– انا بصراحة بيصعب عليا اوى

والناس بتقرف منهم وخاصة جوزى – بيتنرفز منهم – المهم الناس نادو ادارة النادي يطلعوهم بره – لان داه نادى عائلات واطفال وكدا - جم ثلاثة من امن النادي ( من اللى هما عضلات دوول ) - وطلبو منهم يخرجو بره حمام السباحة - المفاجاه بمجرد ما قرب الامن منهم – فى لحظة وما تعرفش ازاى اتجمع من كل مكان بالنادي ما لا يقل عن 25 من نفس الشكل والعينة ديه - اصحابهم - وكانت خناقة كبيرة – وواضح ان عددهم كبير

على فكرة هما لما بيتمشو فى المجمعات والاسواق وبيعاكسو مش بيعاكسو غير رجالة – عددهم كبير اوى فى الكويت – انا فى راى داه مش ذنبهم داه مرض نفسي – بسبب عدم الرعايا والتربية الصحيحة – حرام الناس تتعامل معاهم بالطريقة دى – وبيوصل انهم لو اتمسكو بيتعملوهم محضر فى الشرطة او بيدخلو السجن – هما معزولين عن الناس والناس بتخاف وتقرف منهم – لكن انا بيصعبو عليا جدا - لان داه مرض يا جماعة – ايه ذنبهم –

انا متاكدة انكم بعد ما تقرو المقالة والتحقيق داه – رايكم ممكن يتغير شوية

اليكــــم اللينــــــــك

http://www.alqabas.com.kw/Article.aspx?id=...p;date=17052010

كمــــان التحقيـــــــق داه

http://www.alraimedia.com/Alrai/Article.aspx?Id=19504

ربنا يشفيهم

اغابي

:roseop:

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

جورج مايكل

كيانو ريفز

نجلينا جولى فى جزء من حياتها

ليندسى لوهان

ادام ساندلرز

ان هيش

ابلين

سلفادور دالى

و ناس فى مجالات كتير قوى و فنانين فى مصر و دول العربيه

الحقيقه الواحد لو فى اوربا جتته بتمحس من الى بيشوفه و بيتعامل معاهم على انهم اختك فتكات

انما فى الخليج لو نرنكز شويه هنلاقى كتير من الهنود و الفلبنين كده و بردوا بنتعامل معاهم و احنا مش واخدين بالنا فى السوبر ماركت او الفود كورت

عموما المشكله فى الاجهار ده الى مقرف انما انا مش هيفرق معايا ميوله ليه لو طلبت منه رسمه هندسيه و لا حساب ايرادات

طالما بتكلم بادب و من غير تعمد اظهار ميوله الشاذه

الشذوذ عموما مرض و خلل نفسى احيانا و هرمونى احيانى

لكن فى اغلب الحوال الخلل النفسى مابتعلجش مالوش حل

فى مجتنعات اوربا من راى ان الموضوع ده متفشى لانهم اصبحوا متقبلينوا ذياده عن اللزوم

و لكثر حاله المملل من الجنس الاخر الى متوافر بذياده

اسباب كتير قوى انما فى مجتمعتنا

اتصور السبب هو الكبت الذايد و ارتباط الجنس بالشعور بالذنب

عدم معرفة كيفية التنفيس عن المشاعر

تكرار ربط الجنس الاخر بالغدر او الخيانه بيولد شعور بالمان مع نفس الجنس

المشكله ان احنا بنعالج الحكايه بعصبيه و دون لجوء لمتخصص وده الى بيزيد الطينه بله

I shall be telling this with a sigh

Somewhere ages and ages hence:

Two roads diverged in a wood, and I—

I took the one less traveled by,

And that has made all the difference

رابط هذا التعليق
شارك

مرت علي تجربة من دي

أنا لي تعاملات كتير مع شركات أجنبية بحكم عملي ..

وكان فيه شخص في شركة أسبانية .. والراجل ده كان فرحان قوي إن "زاباتيرو" بتاع الحزب الإشتراكي كسب في الإنتخابات .. وكان بيقول إنه راجل عظيم ..

سألته ليه .. قاللي إنه حيسمح للمثليين بالزواج ..

لقيت الفار قعد يلعب في عبي .. وبقيت مقلق منه ..

لحد ما في يوم لقيت زملاؤه في الشركة بيقولولي إنه كده .. وإنه بالفعل إتجوز واحد صاحبه ..

إخص الله يقرفه ..

مابثيتش طايقه ولا طايق أتعامل معاه ..

وكان هو والآخرين حاسين بكده

بعدها بكام شهر .. مشي من الشركة .. وارتحت منه ومن وشه

الحقيقة أنا من الناس (وبحكم عملي) باقدر أتعامل مع أي شخص مهما كان ..

لكن الحكاية دي ..

هي إللي ماقدرتش أهضمها أبداً

ولا باقدر أتعامل معاهم أبداً

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

والله بالصدفة البحته امبارح كنا بنتكلم فى الموضوع ده

شوفوا الصور دى

عارفين ده مين؟؟؟؟

ده شادى ايمن نور

اللى ممكن كان يبقى رئيسنا....طب اذاااااى؟؟؟

اهو يا ولاد

m_b01a8a290e8675a9abcc6414a7022b88.jpg

m_d21f13b49afd42e51eed4b600756f0e6.jpg

حاجة تقرف بصراحة

تم تعديل بواسطة fatfouta
رابط هذا التعليق
شارك

بقولك ايه ..

عشان تقرب الصورة للمشاهدين ..

قصدى المحاورين والمحاورات وتسمع تعرف رأي جاد وحقيقى لو اسمحت استبدل المثال اللى حاطه اللى هو اصلا مقرف "التون جون"

بزينه شبابك يا بورتوريكو "ريكى مارتن "

هو أحنا بنناقش أسماء دلوقت يا لولا .. ريكي مارتن ولا زكي جُمعه :roseop: ... طالما منيلين كده يبقى كلهم في كفه واحده مش هاتفرق ...

------------

طبعا بيفرق جدااا يعنى بصراحة بالاضافة الى احساس الاشمزاز و الصدمة هاقطع علاقتى فورا ومش هاحاول اصلا انى اشوف خلقتة تانى لان هيبعث على اى مكان يكون فية غضب الله

مانا بأقول لك يا جولدن يا أوختي ... ساعات الظروف بتحكم .... والظروف دي موجوده في الخليج كتير ... وبالذات العيال الفلبينين .. الموضوع ده منتشر عندهم إنتشار النار في السمين وإحنا كرجالة بنخاف على نفسنا منهم ... طب والله العظيم بأتكلم جد ... ولو حكمت وكنت طالع أو نازل من المكتب في الأسانسير .. ما بأركبش مع حد فيهم عشان الفتنه وبأخاف على نفسي ... لأن بيبقى ناقصه له تكه ويبقى ست ستات ... كفاية أنه لابس حلق في ودنه ... وبرضوا مشيته ورنة خلخالة بتلم علينا الدبان ...

--------------

ما تتنيل تروح تعمل عملية و تتقلب ست و تريح نفسك و تريحنا حتى على الاقل هاتبقى مبلوعة

هدي نفسك يا ريمو ... ما هو العملية دي مش بتنفع في كل الحالات .. وبعدين بيبقى في منهم رجاله ويمليوا لنفس الجنس عشان كده بيدلعوهم ويسموهم مثليين ..

فاكرين " سالي " بتاع طب الأزهر ... مره أستضافوها في برنامج وكانت أمنيتها الوحيده إنه يخلف .... وحياة أمك يالا ؟ وده إزاي إن شاء الله ؟

---------------

على فكره المغنى التون ده مشهور جدا فى انجلترا والعالم .. وهو اللى غنى اغنية تأبين ديانا

فاكرينها طبعاً .... ريشة في مهب الريح ...... يارب الريشه دي تدخل في عينه تقلعها له .... والريح دي تنفخه ويبقى زي البلونه وبعدين يطرشق وما نعرفش نلمه ...

-------------

الشخص الشاذ جنسيا تعرض لاعتداء وهو صغير

وعادة يكون هذا الاعتداء من الاقارب او الناس المؤتمنين على هذا الطفل

مش شرط على الإطلاق يا بركه يكون حصل كده

وهو انسان مريض نفسيا بما لا يدع مجالا للشك

ما يتنيل ويتعالج .. لكن لما يكون بيتمزج من كده .. يبقى مريض إزاي بقى ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مش عايزة اصدمكم زيادة بس كمان لقيت ان في مجتمعات عربية....فيه بنات بتبقي اولاد...و بتمشي مع بنات...و بتعاكس بنات....و حاجة لخبطة ع الاخر

والله إنتي غلبانه يا لماضه .... الموضوع ده يا ست الكل ... للاسف منتشر في الخليج بين الصبيان .. قصدي الصبيان الصبايا ..

-------------

بس اللي اعرفه على حسب ما الواحد شاف يعني ان الناس دي بيكون باين عليها في شكلها وتصرفاتها .يعني اول ما الواحد بيشوف شخص شاذ...بيعرفه من شكله

حمد الله على السلامه يا مدام روشه

لأ مش شرط يبان عليهم ... أصل في الخليج هنا شوفنا بلاوي زرقا وبيبقى الواحد عامل زي الضرفه بس هو من جواه مش مظبوط

---------------

على فكرة هما لما بيتمشو فى المجمعات والاسواق وبيعاكسو مش بيعاكسو غير رجالة

عارفه يا أغابي يا أختي .. الواحد مننا بقى عايش في غابه وخايف ينزل اي سوق هههههههههههه

----------------

اتصور السبب هو الكبت الذايد و ارتباط الجنس بالشعور بالذنب

كبت إيه يا جاسي ؟؟؟؟؟

وهما الناس بتوع الغرب عندهم كبت ؟؟؟؟؟؟؟؟

بالعكس ده فضى وفراغ وقلة أدب

-

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

في وحدة زميلتي في الشغل امريكية

ومن يوم الواحد ما بدأ يتعامل معها وانا حاسس انها عندها تخلف عقلي

والله احساس جالي من ساعة مبدأت اتعامل معاها

بس الواحد بيقول احنا الشعب المصري وبعون الله نقدر نتعامل مع القرود

وكل ماتحصل مشكلة الواحد يقول الست ده مش لاقية واحد يجوزها ويلمها

وتبطل مناكفة في خلق الله

مره واحدة زملتي مصرية قالتي انت متعرفش انها مجوزة واحدة صحبتها

ازاي يعني واحدة مجوزة واحدة طب ازاي

الاستاذة طلعت من المسليين

ياتييييييييييييييييييييت يابنت التييييييييييييت

ومن سعتها والعلاقة بينا بالايميل

بيني وبينكم الواحد يخاف علي سمعته

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك

الحقيقة أنا من الناس (وبحكم عملي) باقدر أتعامل مع أي شخص مهما كان ..

لكن الحكاية دي ..

هي إللي ماقدرتش أهضمها أبداً

ولا باقدر أتعامل معاهم أبداً

ما احنا قولنا الظروف بتحكم يابو أدهم

-----------------

عارفين ده مين؟؟؟؟

ده شادى ايمن نور

لأ مش معاكي يا فتفوته ... الصورة دي وهو صغير لكن دلوقت مختلف تماماً هو في معهد السنيما .. ويكفي بصراحة إني بأشوفه اول واحد في أي مظاهرة دلوقت وبياكل ضرب مالوش حل ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ما حدش يقولي دول مرضى و الله يشفيهم و صعبانين عليا و الكلام اللي يحرق الدم دا

العيان يتنيل يتعالج لو مالوش علاج يتلقح يداري على خيبته مش يروح يعمل فرح و يتجوز و حقوق و واجبات و الهبل اللي حاصل برة دا

دي ناس منحلة لا عندها دين و لا اخلاق

اما الشباب الروش العربي سواء و الله ما عارفه اقول ايه بنات و لا بنات و لا ولاد و لا ولاد المهم يعني البطيخ دا رأيي انه من فرجته على الافلام الزبالة العيال اتهبلوا و كانت الحكاية في الاول تقليد في تقليد لحد ما قلبت جد

كان في برنامج لبناني كده و جاييبن العيال المعفنة دي من الجنسين في منهم بيتكلم انه تعبان فعلا و انه عاوز يتعالج لكن في كائنات تانية زبالة بيقولك انا كده و خلقتي كده يبقى احترموني و عاملوني كويس و ادوني حقوقي

جااك كسر حوقك يا بعيد

و السبب انه شايف المخافي برة الدنيا فل في النعل و عايشين عيشة هنية في السلطانية

العيال دي بقى علاجهم علقة موت لحد ما يفوقوا لنفسهم و يقولوا حقي برقبتي

شوفت صورة على النت بس بصراحة مش عارفه هي حقيقة و لا متفبركة قال ايه شوية عيال في الكويت بيطالبوا بحقوق الشواذ هي كده مش هانقعد نجمل في الكلام و نقول مثليين

تم تعديل بواسطة remo
رابط هذا التعليق
شارك

السلام عليكم و رحمة الله و بركاته

هي الصورة اللي تحت دي.....مش لجميلة اسماعيل برضك.....و هي صغيرة؟؟؟؟....ربنا يسامحنا...يمكن هو الولد كويس و مافيهوش حاجة....ايه اللخبطة دي...لا الولاد بقوا ولاد و لا البنات بقوا ولاد برضه؟؟؟؟؟

الطف بعبيدك يا رب

m_b01a8a290e8675a9abcc6414a7022b88.jpg

m_d21f13b49afd42e51eed4b600756f0e6.jpg

حاجة تقرف بصراحة

رابط هذا التعليق
شارك

كنت عاوز أكتب موضوع أسميه " ديل الحضان "

والله بجد

بس ممكن ندمجه مع ده

الموضوع أنتشر في الخليج قوي يا جماعة .. وبجد لولاش في السعودية الرجال والستات لهم لبس مميز .. كانت الدنيا تبقى سلطه

العيال هنا بقت أخر بوظان .. ونسبة كبيرة جداً شعرهم دلوقت وصل لحد ضهرهم ... لأ ويقوم لامم ده كله بأستك ولو بصيت عليه من ضهره تقول ست ست مش أي كلام ... طب ليه ؟

يعني إثبات شخصية ولا لفت إنتباه ولا فراغ عقلي وإيماني ؟

اول أمبارح بالظبط ... كنت واقف في الإشارة وبأبص جنبي بالصدفة ... والله العظيم إتخضيت ... حاجه كده أشبه بأمنا الغوله ... عيل عنده 18 ولا 20 سنه .. سايق العربية ومربي شعره بطريقه بشعه .. ومكتكته

بالظبط زي الراجل ده كده 200pxhagridspets1de4.jpg

بس دكهوا من غير دقن ... ولا كلب ومهيشه ومنظره بشع ... مش عارف طايق نفسه إزاي أو بيسرحه إزاي .. ناهيك طبعاً عن موضة إتش دبور hdaborky7.jpg

بس على ابشع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كنت عاوز أكتب موضوع أسميه " ديل الحضان "

والله بجد

بس ممكن ندمجه مع ده

الموضوع أنتشر في الخليج قوي يا جماعة .. وبجد لولاش في السعودية الرجال والستات لهم لبس مميز .. كانت الدنيا تبقى سلطه

العيال هنا بقت أخر بوظان .. ونسبة كبيرة جداً شعرهم دلوقت وصل لحد ضهرهم ... لأ ويقوم لامم ده كله بأستك ولو بصيت عليه من ضهره تقول ست ست مش أي كلام ... طب ليه ؟

يعني إثبات شخصية ولا لفت إنتباه ولا فراغ عقلي وإيماني ؟

اول أمبارح بالظبط ... كنت واقف في الإشارة وبأبص جنبي بالصدفة ... والله العظيم إتخضيت ... حاجه كده أشبه بأمنا الغوله ... عيل عنده 18 ولا 20 سنه .. سايق العربية ومربي شعره بطريقه بشعه .. ومكتكته

بالظبط زي الراجل ده كده 200pxhagridspets1de4.jpg

بس دكهوا من غير دقن ... ولا كلب ومهيشه ومنظره بشع ... مش عارف طايق نفسه إزاي أو بيسرحه إزاي .. ناهيك طبعاً عن موضة إتش دبور hdaborky7.jpg

بس على ابشع

مريم لما بتشوف حد من العيال بتوع باروكة اتش دبور دا بتصوت و تقولي عفاريت يا مامي عفاريت wst::

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...