موضوعات

الكلام الي قلتوه هنا عدي عليه عشر سنين (تسع سنين و ١١ شهر)  و تقريبا انا عندي نفس مشكلة أستاذ حسام بالظبط ، انا فعلا سني داخل علي ٢٣ و يعتبر شهر قبل التخرج و فعلا انا بطلب من ربي العفاف جدا و عرفت واحدة و قعدت ارتبك جامد و افضل أعمل حسابات معقدة و قعدت اكتشف ان فعلا ححتاج ٢٠ سنة او ٣٠ سنة عشان كل ده يخلص.  الفكرة كلها مش بس السفر كمسالة فلوس انما برضو انا شخص هدفي ان اقدم دراسات عليا و ان اعمل ماجستير و دكتوراه إن شاء الله، ولما فكرت ان حتي لما أكلم اهل البنت فكرت في نفسي اني اخلص علي الاقل الماجستير و حكون وقتها بسافر كتير بسبب ظروف شغلي مع ان دخلي غير ثابت (مرشد سياحي).  الشقة موجودة نص تشطيب لو ده الي اقدر اقوله، يمكن الي فاضل هي الأجهزة و المطبخ.  و لسا عشان اكون صريح معرفش ايه هو الي علي العريس و العروسة يجيبوه، وغير كدا انا كنت من قبل ما اعرف البنت الي عجباني (حوالي سنة و نص) كنت بفكر في شغلي و اني ارفع نفسي لفوق بدراسات عليا او اني اسافر. لحد ما عرفتها و للاسف المشكلة مش مع اهلها لان عارف عنهم كويسين و صديق من عيلتي (عمي و خالي) اتعاملوا معاهم و اتاكدوا انهم اهل طيبين و كرم، بس اهلي يعتبروا الحاجز الكبير الي قصادي مع انهم المفروض الي في ضهري و سندي بس فكرة ان حتي بس اعرف واحدة شايفنها اخر خطوة تتعمل خالص. بس قعدت و أتكلم مع البنت و فهمتها ظروفي و هي قدرت ده جدا، بس كان لازم برضو اقولها ان فيه فترة ححتاج ان اكون اكون بيها نفسي بدخل ثابت عشان أوفر شقة جاهزة و ادخل في موضوعات معقدة الي معرفش ليه ليها لازمة زي (مؤخر، مقدم، قايمة، فرح اتفشخر بيه قدام الناس كلها عشان في الاخر ميعجبش حد).  انا الحمدالله لو اتكلم عن نفسي فانا الحمدالله إنسان بيدور علي واحدة علي خلق و دين و اهل كويسين اجتماعيا و اخلاقيا زي ما اتربيت عليه (فكرة ان برضو جواز بين عيلتين مش بس ولد و بنت) ، بس بفضل ربنا و كلام الناس الي ردت علي اسئلة كتيرة عمري ما تصورت اني حقدر اجاوب عليها و خايف و قاعد اتعقد كل يوم اكتر بسبب العادات و التقاليد الي عجزت شباب كتير و اكتر من عشر سنين وقت ما فتحتوا موضوع استاذ حسام ، و الحقيقة انا فعلا في كل مرة بفكر و بعمل حسابات كتيرة زي ما أستاذ حسام و اي حد زيه بيحاول انه في النهاية يضمن عيشة كويسة ميقلش عن مستوي البنت عن بيت اهلها.  بس فعلا الحسابات دي خلتني انسي ان الرزق ربنا الي بيجيبه ، و بتبقي بارادته و بنسي برضو إن الجواز بالحلال ربنا بيزود الرزق من غير ما يحس بارادته برضو.  اشكركم جدا و اتمنالكم ايام طيبة و سعيدة 🌸🌸🌸

إحصائيات اليوم الإثنين ٢٦ مايو ٢٠٢٠

أين نجد هذا الحرص و الحصافة في بنات اليوم … هل هناك من ترضى تعيش بقليلة  و تنتفع بكل أجزاء خروف العيد و ترضي بالزواج من  عزيز عثمان  ال مربوط على الدرجة التامن. و الناس درجات   

شاهدت  فقرة النكد الغير مبرر  تقديم و حوار وائل الإبراشي مع يسرا نجمة المسلسل  و الفقرة لم يكن لها معني في نهاية نشرة التاسعة كانت فعلا أمرا لا يليق  في أي وقت  فما بالكم بليلة العيد كيف لم تخطر في بالهم  هذا الإسكتش  

الحس الإنساني منعدم عند بعض الناس لأنه يحتاج لخبرة وذوق وإحساس  يجب مراعاة ما يقدم وما يقال في كل مناسبة  اللي بيتقال في الفرح غير اللي بيتقال في المأتم  كان ابو تمام يقول  لا والذي هوَ عالمٌ أنَّ النوى...... صَبِرٌ وأنَّ أَبَا الحُسَيْنِ كَرِيمُ  بيقول الفراق مر وابو الحسين كريم  فقامت عليه قيامة النقاد وقالوا ما العلاقة بين مرارة النوى وكرم أبي الحسين  لا تخليك في البكاء على الفراق يا تقلب على مدح ابو الحسين فلكل مقام مقال  زي ما احنا شايفين الوقتي حالة خطر الكورونا والحالة الوطنية بعد مسلسل الاختيار ...... تيجي تلاقي الموقف المخزي لبعض الأطباء ونقابتهم اللي عليها علامات استفهام  مش عايز أقول المثل الوحش بتاع شم الورد وبلاش التانية إحنا في عيد يا نقابة الأطباء  

مفروض أن يكون من ضوابط الإعلام  الذوق الراقي و عدم الجليطة بالأمس  ليلة العيد  تفضل علينا التليفزيون  بجرعة كبيرة من النكد بلا أي ضرورة  فنية أو إعلامية. … مقاطع من ما أظنه أحد مسلسلات رمضان  … أين الحس الإنساني  و ما هي الضرورة لمثل هذا ليلة العيد

إحصائيات اليوم الإثنين ٢٥ مايو ٢٠٢٠ د

إحصائيات يوم الأحد ٢٤ مايو ٢٠٢٠

سبحان من غير الأحوال. طيب ماهو كان كويس...وشغال حلو. أمال...المصريين...رموه ليه؟. قصدى...رموه من عينهم بعد ما بقي يدافع عن اللى كان بيشتمهم. وعجبى  

katar.mp4

لندع جانبآ جروبات الواتس يا استاذ عادل فهي في النهاية مجموعات مغلقة ... الأسوأ تجده علي صفحات الفيسبوك ...  مرض .. زواج .. غياب... سفر  محدد بالزمان والمكان .. طلاق مع نشر غسيل بيت الزوجية  .. أطباق و وصفات مطبخبة  ...خلافات أسرية ..  إشعارات وتنبيهات ومكاشفات هي في جوهرها من صميم  الاهتمام الشخصي للإنسان ... و لكنها اصبحت تجد مكانا متسعا لها في كوكب الفيسبوك  هذا ...  متاحة غالبآ للجميع ... و حتي اذا نسيناها يعود الفيسبوك ليذكرنا بها سنويآ ... ما يعنيني اذا كان هذا سيخلد للنوم  بعد قليل .. او ان  اخر خاله المقيم يالكويت سيتم ترحيله و يجب ان ادعو له .. ما هي الهمية في انها الذكري السابعة لوفاة حماتها .. او ان زوجها يشخر اثناء نومه ... لماذا يجب ان ارسل دعاء الي عشرة اشخاص ...  أتعجب حقآ و أن احاول ان افهم ما الخلفيات النفسية المتحكمة في نشرها .. ولماذا يعمد البعض إلى ذلك بإصرار عنيد  ... و كيف تأتي الجرأة  لتعميمها وإذاعتها ... ما هي حقآ الأهداف النفسية و الأخلاقية المحددة  التي يرغب هؤلاء الناشرين تحقيقها ؟ ...  ما هي حدود الخصوصية الشخصية وأين تقف أسرارها على فضاء الفايسبوك ... وهل هناك حقا ما يدخل اليوم في نطاق الخصوصية الشخصية من قيم وأخلاقيات لا تستحق النشر .. هل الدعوات والاستعطافات و حملات الاستجداء التي يبطلبها البعض من رواد الفيسبوك  مستوفية للشروط الأخلاقية وقابلة للتحقق ؟ وأخيرا وليس بآخر هل أصبح دور الأنترنت عموما محصورآ للبعض في مثل تلك الخصوصيات ؟ الفضول ليس فقط حكرآ علي المصريين و لكننا  اصبحنا شعب فضائحي بجدارة مستخدمين تلك الوسائل في نشر ما نعرفه ( بعد اضافة التحبيشات و المبالغات ) او  حتي ما لا نعرفه كي نكسب لحظات من الأهمية التي قد لا نجدها في حياتنا العادية ... ننشر حياتنا بأدق تفاصيلها علي الملآ ثم نولول ان مافيش حد بيسيب التاني في حاله ...

تقرر قصر مشاركة الزوار على إضافة موضوعات جديدة و ذلك ردا على سلوك الهتكرز بإضافة مداخلات خارجة على موضوعات قائمة منذ مدة طويلة و بالتالي إفسادها

كل عام وانت بخير وصحه وسلامه اخي العزيز  مسافر  بنفرح دائما لما بنشوفك في المنتدى تتابع حتى لو بدون مشاركة  العيد عيدان ويا ب السعادة تزيد وعمر مديد ملئ بالتوفيق والعمل الصالح

صحيح تمر الأيام ... زمان كانت بتمر بايقاع هاديء ... رزين ...  دلوقتي الوتيرة بقت سريعة بصورة ساعات تخوف ...  بقت مليانة ضجيج و لهوجة و عدم رضا  تبقي مناسبات زي دي .. تخلينا نرجع شوية  نشم نفسنا  كل سنة و انت طيب يا راجل ياطيب ... عيدك عيدين النهارده الف الف مرحب بعودتك  للمحاورات ... و في انتظار انطباعاتك علي اللي بيحصل عندكم في الفترة دي 🌻