بنك أفكار الأعمال الخيرية

[jasmin hamed]

السلام عليكم يااخوانا

على فكره و قبل ما انسى لما كنت فى مصر من يومين اتكلمت مع احد مندوبين رساله و قالى انه بفضل الله ثم تنسيق الحكومه و الكثير من فاعلى الخير تم بناء بعض الوحدات لمتضررى السيول

و ان مجموعة رساله بتساهم فى فرش البيوت ديه فلو اى حد عنده حاجه زايده عنه من عفش بيت سرير دولاب تلاجه بطانيه ممكن يطلب من مجموعة رساله انهم يجيى يخدوه من البيت

و ياريت يااخوان ان التنسيق يكون جماعى يعنى ممكن ورقه فى العماره الى انتو ساكنين فيها و تنسيق مع الجيران و القرايب لتوفير الوقت و المجهود

[لماضة مصرية جدا]

السلام عليكم و رحمة الله و بركاته

هي فكرة صغنتتة كده

بمناسبة ان العام الدراسي بيخلص او بيشطب دلوقتي

ممكن نجمع الكتب الخارجية و الورق و الملخصات...مش نكومهم كده....لا نحطهم في فايل بلاستيك...و نصنفهم

و بعدين

نوديهم لاقرب جامع بيتعامل مع اسر محتاجة و عندها ابناء في مراحل تعليمية مختلفة

او الافضل بقي

ان احنا بنفسنا نوديهم و نتعرف علي الولاد دول....و يا سلام لو كل فايل نحط عليه تيكت فيه اسم الولد او البنت عشان يحس انها بتاعته

و ان شاء الله مع بداية السنة الدراسية الجديدة نفكر برضه مع بصض "الشنطة المدرسية"....و دي هتبقي بعد رمضان بإذن الله

ع فكرة انا حلمت بالفكرة دي امبارح

و كان نفسي ابقي في مصر

بس ملحوقة.....كتيبة الشوباب هناك هيقوموا بالواجب باذن الله

اوعي حد يرمي بقي الكتب الخارجية...اديني قولت اهه

[بركة]

وكمان دلوقتي جمعية رسالة بتجمع الاوراق والكتب الغير صالحة للاستخدام مرة اخرى

لاعادة تدويرها في المصانع لعمل منتج ورقي جديد منها ويخرج مكسب هذا للفقراء

ربنا ينور قلبهم كمان وكمان يارب :sad:

[masraweya]

السلام عليكم

بادئ ذي بدء .. الشكر الجزيل واجب للأخت الفاضلة لماضة ان دلتني على هذا الموضوع الرائع .. جزاكم الله خيرا

الافكار ما شاء الله جميلة ..

يمكن اكبر مشكلتين بيقابلوا اللي عايز يعمل خير هما .. ادي لمين؟ و معنديش وقت !

الأولى حلها اللي يدور يلاقي

التانية .. اخلص بس النية و ربنا هيباركلك في الوقت وفيه حاجات كتيييييييييييير مش عايزة وقت كتير

الحاجة اللي لاحظتها اننا مبنديش اهتمام اوي باللي بيفكروا فيه ..واحدة صاحبتي قاتلي انها كانت بتزور دار ايتام و بعدين بنت صغيرة هناك قالتلها انتي بتحطي ايدك على شعري عشان تاخذي حسنات .. مش كدة؟ كانها بتقولها انا فاهمة انك هنا مش عشاني .. عشان نفسك..

احيانا بيكونوا محتاجين نقعد نذاكر معاهم .. نتكلم معاهم .. نحاول نفهم مشاكلهم ..

مش عارفة .. نفسي في خدمة مجانية .. اللي عنده مشكلة ييجي و يتكلم و نفكر معاه free consultation .. زمان كانت الناس بتعمل ده مع اصحابها و عيلتها .. إمام المسجد .. ناس بنثق فيهم .. و عمري ما تخيلت ان حد في مصر ميبقاش عنده حد ثقة أمين يتكلم معاه .. بس اهو حصل و نتايجها في صفحات الحوادث.

أسفة على الإطالة و لكم مني كل تقدير و احترام

تقبل الله منا و منكم و أحسن الله ختامنا جميعا.

[عبيد الله]

الله الله على هذا الموضوع..

نساء مصر بخير.. لم يخب ظني في أنكن من أطيب نساء الأرض وأكثرهن حناناً وإيثاراً.. قرأت جميع المشاركات.. وسعدت بردود النساء.. أعجبني حب الخير في قلوبكن، وسررت بقراءة تجارب الكثير منكن.. جزاكن الله خيراً.. وملء بيوتكن جميعاً سعادة وحباً وهناءً..

عندما نتحدث عن فعل الخير فكل منا له فكرة، وعدد غير قليل منا له تجربة.. وسأشارككم بوجهة نظري في نقطتين فقط حول أولوية الإنفاق.. وأرجو أن يتسع صدركم لي:

- الأقارب: أرى أن التوجه إلى ذوي الحاجة من الأقارب هو الأولى والأجدى والأعظم أثراً.. أفضل أن أنظر حولي في أقرب الناس لي، بني رحمي هنا وهناك.. ثم جيراني الأقرب فالأقرب.. ذلك سيكون قربة من الله، ومغفرة للذنوب، وصلة للرحم، وتعميق للحب وروح الألفة بين الأهل، حتى وإن بعدت درجات قرابتهم

[عبيد الله]

-الطالب المحتاج: ذلك المسكين أو تلك المسكينة التي لا تجد ما تشتري به لبساً جديداً أو ما تدفع به مصاريف الكتب.. أو حتى مصروف يومي تشتري به ما يسد رمقها.. في أي مرحلة كانت من مراحل التعليم.. ويا الله على ثواب من يكفل طالب العلم..

أذكر أني من عامين كنت أعمل في شركة بمدينة نصر وكان معي زميلي حكا لي: إحدى قريباته من أقصى محافظات جنوب المحروسة طالبة متفوقة في كلية الطب بالقاهرة.. وأهلها مساكين ليس معهم أقل القليل، وقد تعبوا من ثقل الدين وضيق ذات اليد.. زميلي هذا ظروفه هو الآخر صعبة وما كان يستطيع حتى ادخار شيء لنفسه بسبب ثقل المسؤولية عليه تجاه إخوته وأسرته.. وقد اتصلت به هذه الطالبة ترجو منه أن يجد لها عملاً مسائياً حتى لو بائعة في مكتبة حتى تستطيع شراء أبسط احتياجاتها.. هو بحث لها ولم يجد فعلاً..

ليلتها والله رمت النوم فما وجدته.. استحال جفني أن يغمض وهذا الموقف يسيطر على تفكيري.. كيف يمكن أن تتوقف هذه الفتاة عن التعليم ويضيع مستقبلها.. أو كيف يمكن أن تنقلب حياتها رأساً على عقب، تحت ظروف الحاجة، بنصيحة شيطانية من مريضات القلوب..

لذلك أؤمن إيمانا لا يتزعزع بأن الإنفاق له أولويات والاتجاه نحو مثل هذه الطالبة جزائه عظيم عن رب العالمين.. وأولى ألف مرة من كثير من مقاصد الخير..

[Mr MAGED]

حبيت بس أذكر الأخوة والأخوات ان معظم جمعيات كفالة الأيتام حاليا ً ان مكنش كلها

بتجهز وبتعد الزي المدرسي للأيتام

وأكيد كل واحد مننا في مدينته أو في الحي بتاعه جمعية رسمية لكفالة الأيتام

فحبيت أفكركم تشاركم عشان ميفتكوش خير زي ده

تحياتي للجميع

[عادل أبوزيد]

تتكرر في القرآن الكريم الإشادة بالذين عملوا الصالحات و الأمر يحتاج منا إلى التفكير و التفكير .. ما هي الصالحات.

ما سبق كان إستهلالا لابد منه

ما زلنا في حاجة لمزيد من الأفكار ... كل الأفكار جيدة   أرسل لي أحد أقاربي  قائلا  " إفتح علبة تونة  و أتركها في الطريق لعلها تكون المنجية"  يقصد لعل قطة جائعة تصادفها تشبع جوعتها !