اذهب إلى المحتوى
محاورات المصريين

الى مالكي اراضي العائلي في مناطق المستثمرين الجنوبيه وابو الهول بالقاهره الجديده


Recommended Posts

السلام عليكم ورحمة الله وبركاته

لاحظت منذ فتره ان هناك الكثير من اعضاء منتدانا الحبيب من مالكي اراضي ابو الهول والمستثمرين الجنوبيه عائلي وبما ان هذه الأراضي متقاربه وتقع في نفس المكان فقد فكرت ان نتعرف ببعض

على اساس اننا ممكن نتعاون في اشياء كتيره

مثلا نقدر نعرف احسن اسعار المقاولين في هذه المنطقه واسمائهم وعناوينهم

سمعت ان الجهاز ممكن يوافق على التعليه دورين اسوة بالنرجس عمارات لأنها قريبه مننا

فممكن لو عرفنا بعض واتحدنا ممكن يكون لينا كلمه مسموعه في الجهاز لأن في الأتحاد قوه

بعض مناطق المستثمرين الجنوبيه قربت مهلة البناء بتاعتها تنتهي وده معناه ان الجهاز المفروض يبدأ في تشجير الحدائق وما الى ذلك

فكمان لو كنا مجموعه ممكن كلامنا يبقى ليه صدى

ده غير اننا نتعرف على جيراننا المستقبلين وممكن نعرف مين فيهم مثلا عنده اطفال في نفس العمر واي النوادي اقرب لهذه المنطقه

واشياء من هذا القبيل

فياريت نتعرف على بعض

وهبدأ بنفسي

اسمي هشام عباس

املك قطعة ارض في ابو الول 1 المنطقه ق قطعه رقم 15

عملي عو جرافيك ديزاينر في سلطنة عمان

تم تعديل بواسطة هشام عباس
رابط هذا التعليق
شارك

  • الردود 362
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

اخي العزيز رفيق الكفاح الشامي

اهلا بك معنا وتوقعت انك تكون اول المشاركين

مهندس محمد شعلان اهلا بحضرتك وواضح ان حضرتك والشامي جيران ومتقاربين كمان

ياريت نعرف وصلتوا لفين في البنا؟ وايه العقبات الي صادفتكوا؟

رابط هذا التعليق
شارك

السلام عليكم جميعا... أنا مصري مقيم في النرويج و حاجز قطعه في منطقه ابو الهول 1. أود في البدايه الاشاده بهذا المنتدي الذي فتح لنا نافذه هامه للتواصل. أود كذلك الترحيب بكافه ألأعضاء المشاركين و خصوصا اللأستاذ هشام عباس. يا أستاذ هشام أنا استفدت كثيرا من مشاركاتك و يسعدني التعرف عليك و التواصل معك و كذلك باقي الاخوه في المنتدي. sbx:

رابط هذا التعليق
شارك

وعليكم السلام استاذ egyptianinoslo ورحمة الله وبركاته

انا الي اتشرفت بحضرتك جدا جدا

وسعيد كمان اني الاقي حد من جيراني في ابو الهول 1 ياريت لو حضرتك تقلي في اي منطقه؟

وعموما انا لسه النهارده بس متصل بمصر وسألتهم على معاد التسليم وهيروحوا بكره الجهاز ان شاء الله ويسألوا ويردوا عليا واول ما يوصلني الرد هوصله لحضرتك على المحاورات فورا

وحقيقي انا سعيد جدا جدا بمعرفة حضرتك

ولك تحياتي

رابط هذا التعليق
شارك

استاذ الأقصري او م محمود

اهلا بحضرتك ونورتنا اكيد ............حضرتك المستثمرين 1 يعني في مواجهة ابو الهول مباشرة........ مظبوط؟

ده معناه اننا هنكون جيران جدا ان شاء الله

وربنا يعينك على البناء

انا سامع ان مهلة البناء في المستثمرين 1 تقريبا شرفت على الأنتهاء

حضرتك بتقول انك مهندس يا ترى مجال تخصصك في البناء؟

واخبار الأسعار ايه مع حضرتك؟

انا صديقي اسمه احمد حسين ويمتلك قطعه في المستثمرين 4 وقد بدأ البناء في شهر 9 الماضي والأن

انهى البدروم والأرضي وعمدان الأول وهيصب سقف الأول خلاص ان شاء الله

لكن بصراحه المقاول الي معاه بياخد مصنعيه غاليه جدا جدا

وكمان المهندس من النوع الي بيحبكها زياده

يعني مثلا بيقول ان السقف ميتفكش قبل 21 يوم كاملين

وان الكود الجديد 135 ك حديد بدل 90 او 100 هو صحيح مهندس صغير انما بيعمل كل حاجه زي ما الكتاب ما بيقول وده طبعا بيزود التكلفه

المشكله انا صديقي هو كمان مغترب ومش متواجد في مصر والمهندس (ولأنه اهل للثقه ) فأحنا سايبين له كل شئ

وهو بيبني في مصر وبنتابع معاه الصور على النت

ما رأي حضراتكم لو نعرف اسعار المصنعيات كام؟

حاليا المقاول بتاعنا بياخد 15 الف مصنعيه على الدور

يا ترى هل هذا مبلغ مبالغ فيه جدا ام ماذا؟

تم تعديل بواسطة هشام عباس
رابط هذا التعليق
شارك

السلام عليكم جميعاً

أنا الحمد لله انتهيت من معظم الهيكل الخرساني ( باقي فقط غرفة السطح)

طبعاً التكلفة ...... حدث و لا حرج

الله يعين الجميع

أنا مقيم في السعودية و الموضوع بالكامل متولية مهندس فاضل و في ثقة كبيرة بيني و بينه

المهم

أنا متردد حالياً من موضوع غرفة السطح و اسأل عن امكانية التعلية مستقبلاً ...... خصوصاً اني عملت حسابي في الأساس على دورين زيادة في الوقت اللي كان الحديد وصل فيه الى 9000 جنيه و ربنا يعوض علينا

هل غرفة السطح ستكون إعاقة ؟

هل في فرصة للتعلية فعلاً ؟

المهلة باقي عليها سنه و شهرين ....... كلكم عارفين مقدار تكلفة البناء ...... و أنا خايف اني لا استطيع تشطيب المبنى بالكامل قبل نهاية المهلة ؟ ما العمل ؟ هل سيقومون بسحب الأرض و التعسف المعتاد كما هو الحال في مصر للأسف ؟ ما هو حد الأمان ؟ ...

أسئلة كثيرة ياريت لو حد عنده خبرة يفيدنا ......

رابط هذا التعليق
شارك

وعليكم السلام والرحمه استاذ mshaalan

اولا الف مبروك على قرب انتهائك من الهيكل الخرساني والذي هو الهم الأكبر في البناء

والله يعينك ويعينا

بس ياريت حضرتك تشركنا معاك في التكلفه علشان الي لسه بيبني والي مشرف على البناء يعرف مقدار التكلفه تقريبا لأنها بتختلف من شخص لأخر

ومن مقاول ومهندس لأخر

عموما الكل سامع عن امكانية موافقة الجهاز في المستقبل على التعليه وايضا تقريبا الكل عامل في حسابه في الأساس انه يعلي دورين في المستقبل ان شاء الله

علشان كده انا وايضا صديقي الي بيبني في المستثمرين 3 مش ناويين نبني غرف للسطح وانما فقط سنترك الحديد مع تغطيته بالطبع

تمهيدا للتعليه ان شاء الله

لا اعتقد ابدا ان بعد الأنتهاء من الهيكل الخرساني ممكن يسحبوا الأرض واعتقد ان بالكتير ممكن يبقى فيه غرامات

عموما سوف اتصل بالجهاز اليوم ان شاء الله واسأل عن هذه النقطه تحديدا وارد على حضرتك ان شاء الله

لكن على ما رأيت من المباني المقامه سابقا في اماكن مختلفه من التجمع الخامس لم يتم سحب اي ارض عليها بناء ولو لم يكتمل

فلا تقلق اخي الفاضل واستبشر خيرا ان شاء الله

وربنا يعينك على التشطيب

ومرحبا بك معنا وان شاء الله نتعاون على الخير

رابط هذا التعليق
شارك

استاذ الأقصري

وجدت هذه المداخله لحضرتك في موضوع اخر

السلام عليكم

ايه حكاية تمديد المهله دى وهلى الوضوع ده فى الشروق فقط ولا ممكن فى القاهره الجديده لانى اشتريت قطعه عائلى فى التجمع ومفروض ابنى حتى سقف الارضى فى نهاية فبراير 2010 , وده صعب جداُ , ولو ممكن ازاى اقدم على الطلب مع العلم ان الرخصه فى المجمعه حاليا يعنى لسه ما طلعتش ومنتظر خروجها ان شاء الله من المجمعه الاسبوع القادم

تحياتى وربنا يوفقنا جميعا

ممكن نعرف من حضرتك لماذا دخلت رخصتك مجمعه عشريه؟

فكما قلت سابقا صديقي يبني في المستثمرين 4 قطعه رقم 325 وقد انتهينا من الرخصه وبناء الهيكل للبدروم والأرضي واعمدة الأول وجاري صب سقف الدور الأول ولم ندخل المجمعه

الرجاء من حضرتك التوضيح ولك الشكر

وايضا من خلال نفس المداخله تبينت انه يجب فقط الأنتهاء من سقف الدور الأرضي عند انتهاء المده؟؟؟؟ وقد كان الأستاذ mshaalan يسأل في هذه النقطه بالتحديد

فالرجاء ايضاحها حتى تعم المنفعه

ولك مني كل الشكر والأحترام

رابط هذا التعليق
شارك

السلام عليكم يا أ/ هشام

بالنسبة لتكلفة البناء بالنسبة لي فهي على الوجه التالي

بدأت الحفر و الأساسات و كان وقتها الحديد غاااااااالي جداً (9100 للطن و حسبنا الله و نعم الوكيل )

و بعض الأنواع كانت أغلى ( حديد الكانات وصل 11200 جنيه للطن خلال هذه الأيام )

و بالتالي فتكلفة الأساسات و البدروم ( خرسانات فقط بدون ردم و إصة الردم و العزل و الطوب و و و ) 201 ألف جنيه.

بعد ذلك رخص الحديد و أصبح سعره 4000 للطن و طلعت إشاعه إنه حيغلى تاني فسارعت و بيعت اللي و رايا و اللي قدامي و اشتريت 20طن حديد و خزنتهم في البدروم

يعني حوالي 85000 ألف جنية )

و بعد كده رخص الحديد تاني و أخدت أنا مقلب كبير و ربنا يعوض عليه و مبروك على باقي الزملاء

بدأت بعد ذلك بتكملة الهيكل الخرساني واحده و احدة مع وجود الحديد و بالتالي كانت المبالغ المطلوبة نسبيا معقولة ( في حدود 6000 لأعمدة و سلالم الدور - و حوالي 18000 لكل سقف) طبعاً جميع الأشعار السابقة مونه و أجرة و كل شيئ

حالياً موضوع الطوب طلع تكلفته أكثر مما أتوقع

ياريت لو حد عنده فكرة أو انتهى من التشطيب يدلنا على الطريق الصحيح

ربنا يوفقنا جميعاً

رابط هذا التعليق
شارك

وعليكم السلام والرحمه mshaalan

انا بجد مش عارف اقولك ايه؟ على موضوع غلو الحديد ده ........... معلش وان شاء الله ربنا هيعوضك عنه خير ان شاء الله

بصراحه كده حضرتك طبعا كلفت كتير اوي وربنا يكون في عونك

بالنسبه للطوب ف المهندس الي بيبني لصديقي والي ان شاء الله هيشرف على بناء قطعتي انا ايضا كان بيقول ان

تكلفة الطوب من حوالي 50 الف الى 60 الف ج

اذا كان هو ده المعدل يبقى مظبوط انما لو كان غير كده؟؟؟ فيبقى احنا محتاجين لواحد بيبني في الطوب فعلا يفيدنا عن ذلك

رابط هذا التعليق
شارك

انا صديقي اسمه احمد حسين ويمتلك قطعه في المستثمرين 4 وقد بدأ البناء في شهر 9 الماضي والأن

انهى البدروم والأرضي وعمدان الأول وهيصب سقف الأول خلاص ان شاء الله

لكن بصراحه المقاول الي معاه بياخد مصنعيه غاليه جدا جدا

وكمان المهندس من النوع الي بيحبكها زياده

يعني مثلا بيقول ان السقف ميتفكش قبل 21 يوم كاملين

وان الكود الجديد 135 ك حديد بدل 90 او 100 هو صحيح مهندس صغير انما بيعمل كل حاجه زي ما الكتاب ما بيقول وده طبعا بيزود التكلفه

المشكله انا صديقي هو كمان مغترب ومش متواجد في مصر والمهندس (ولأنه اهل للثقه ) فأحنا سايبين له كل شئ

وهو بيبني في مصر وبنتابع معاه الصور على النت

ما رأي حضراتكم لو نعرف اسعار المصنعيات كام؟

حاليا المقاول بتاعنا بياخد 15 الف مصنعيه على الدور

يا ترى هل هذا مبلغ مبالغ فيه جدا ام ماذا؟

بسم الله الرحمن الرحيم

أخي الكريم / هشام عباس

تحية طيبة وبعد 000

أعتذر كثيراً في التدخل في محاوراتكم الناجحة الهادفة و فقكم الله دائماً لما فيه الخير 0

1- لي سؤال مهم جداً أرجوا من حضرتك أن توجهه إلى المهندس المشرف على أرض صديقك و هو من أين أتى بمعلومة أن الكود ينص على أن المنشأ السكني الذي إرتفاعه خمسة أدوار على سبيل المثال يحتاج إلى 130 كيلو حديد في المتر المكعب ؟!!!

الكود المصري يا أخي الفاضل لتنفيذ المنشآت الخرسانية ( كود رقم 203 لسنة 2007 ) الصادر و هو أحدث إصدار لم يشر إلى ذلك نهائياً 0

2- من المتعارف عليه أن مصنعية المقاول لن تتجاوز بأي حال من الأحوال 180 جنيه / للمتر المكعب كحد أقصى وبالتالي فالمصنعية لن تتجاوز 8000 جنيه للدور في حالة حجم خرسانة 45 م3 كما هو الحال في الإسكان العائلي 0

خالص تحياتي

أخوك مهندس / أشرف محمد

اللهم علمني ما ينفعني

و نفع الناس بما علمتني

رابط هذا التعليق
شارك

السلام عليكم استاذ هشام

ربنا يوفق الجميع

اولا بالنسبه للمجمعه كان فى الاول لعائلى مش بيخش المجمعه العشريه على اساس نسبة تكاليف البناء اقل من المحدد للمجمعه

ولكن الجديد ان اى مبنى اكثر من اربعة ادوار يدخل مجمعه

وكمان حاولت اطلع الرخصه ببدروم واضى فقط اختصارا للوقت وعدم دخول قصة المجمعه على ان استكمل الترخيص للباقى فيما بعد الا انهم رفضوا فى قسم التراخيص بسبب ان لا يوجد تجزئة فى العائلى.

بالنسبة للاسعار انا حعتمد على صديق لى ثقه لانى بعيد عن مصر منذا 3 سنين و10 شهور ولا استطيع ان افتى فيها لا انه قال لى ان مصنعية المتر المكعب خرسانه بيبدأ من 150 الى 160 جم وبيزيد 10 جم للدور.

بالنسبة لموضوع الشده الخشبيه فالمهندس اشرف رد على الموضوع ده وقال انه بيساوى ضعف اكبر بعد +2 يعنى لو المكان المسافه بين الكمرتين 5 متر تكون المده 12 يوم اما موضوع 21 يوم فى عائلى فده موضوع واسع شويه.

بالنسبة لنسبة الحديد فهى محددة بالرسومات اللى تم استلامها من الجهاز (عدا الاساسات) وارى التقيد بها يعنى الموضوع ما فيهوش اراء

وارى برضه زى ما ذكر المهندس اشرف فى المنتدى المفيد نشرة اخبار العقارات انه لازم الحلقة تكون كامله يعنى مالك+مقاول +مهندس ثقه من طرف المالك , وبكده مش حيبقى فيه خلاف .

تمنياتى بالتوفيق

رابط هذا التعليق
شارك

الف شكر د الأقصري على رد حضرتك

وكنت اعتقد ان اجمالي التكلفه لن تصل الى 500 الف ؟؟؟؟

ولذا فلن تحتاج مجمعه!!!!!؟ هذا ما اعتقدته

ربنا يسهل ويوفقك ان شاء الله ويقويك على البناء

رابط هذا التعليق
شارك

استاذنا الفاضل م/ اشرف محمد

لقد نسخت رد حضرتك وبعثته كما هو للمهندس المشرف على بناء ارض صديقي

وجزاك الله كل خير

وشرفت موضوعنا بمعلومات حضرتك القيمه

وياريت متبخلش علينا بأي معلومه عن موضوعنا كما فعلت وكما عهدناك دائما سباقا للخير

ولك تحياتي

تم تعديل بواسطة هشام عباس
رابط هذا التعليق
شارك

بسم الله الرحمن الرحيم

السلام عليكم و رحمه الله تعالى و بركاته

بداية أوجه التحية للأخ هشام عباس على فكرته الرائعة بالتعارف لمالكى الاسكان العائلى بالتجمع الخامس

أعرفكم بنفسى :

مهندس : أشرف

قطعة أرض 260 م2 بالمستثمرين الجنوبية

القرعة الخامسة - لكن لم أستلم خطاب التخصيص الى الان

أود منكم مشاركتى فى أختيار النموذج المعمارى المناسب للأرض

حيث أن القطعة مستطيلة فينطبق عليها 3 نماذج فقط و هم النموذج الاول "ب" و النموذج الثانى "ب" و النموذج الثالث "ب".

النموذج الاول "ب" : مميزاته :1 أن الصالون فى الدور المتكرر مستطيل و ينفرش كويس .

2 و الواجهه سهله فى التنفيذ

3 يمكن عمل شقتين فى الدور الواحد.

4 النموذج الوحيد الذى يمكن عمل مصعد به

عيوبه :1 مساحة الشقة فى الدور الارضى صغيرة حوالى 123 م2 مقارنه بالنماذج الاخرى.

2 الدور الارضى به حمام واحد فقط .

3 مساحة الحمام الرئيسى و المطبخ فى الادوار المتكررة صغيرة و لا تتناسب أبدا مع مساحة الشقة الصافية ( تقريبا 170 م2 ).

النموذج الثانى "ب" : مميزاته :1 صالون الدور الارضى محترم جدا و مساحة شقة الدور الارضى تتجاوز ال 145 م2.

2 صالون الدور المتكرر أكبر مساحة فى النماذج الثلاثة و هو على شكل حرف L

3 الخملم الرئيسى و المطبخ فى الادوار المتكررة هى الاكبر على الاطلاق فى النماذج الثلاثة

4 يمكن عمل شقتين بالدور المتكرر.

عيوبه :1 أرشات الواجه الأمامية و الخلفية مرتبط بأرشات الجار.

2 توجد غرفة نوم أصغر من النماذج الاخرى

3 بسطه السلم نصف دائريه و مبانيها كذلك

4 الصالة فى الدور المتكرر على شكل حرف L لكن كنزه شويه

5 إنشائى المتكرر به حديد مبالغ فيه T16 & T18

النموذج الثالث "ب" : مثل النموذج الثانى مع ترحيل مكان السلم الى الامام لتكبير غرف النوم على خساب مساحة الحمام و المطبح مع عدم أمكانية عمل شقتين فى الدور المتكرر.

أرجو من الأخوة الذين بدأوا العمل أو بيفكروا فى أختيار النماذج أن يشاركونى فى الاختيار.

ولى بعض الاسئلة :

1 - هل يمكن إعادة تصميم الأعمدة و القواعد لتتحمل 3 أدوار إضافية للمستقبل و هل يمكت كتابة ذلك فى الرخصة.

2- هل يمكن إعادة تقسيم الشقة من الداخل بما لا يتعارض مع الواجهه الخارجية

3 - هل يمكن بناء البدروم على كامل مساحة الارض و ترحيل الحوائط السانده الى حدود الجار من الجهه الخلفيه

و جزاكم الله تعالى كل خير

رابط هذا التعليق
شارك

الف شكر د الأقصري على رد حضرتك

وكنت اعتقد ان اجمالي التكلفه لن تصل الى 500 الف ؟؟؟؟

ولذا فلن تحتاج مجمعه!!!!!؟ هذا ما اعتقدته

ربنا يسهل ويوفقك ان شاء الله ويقويك على البناء

الله يخليك عزيزى استاذ هشام

اما بالنسبة للمهله فهى لمعظم اراضى تخصيص مستثمرين 1 فهى حتى مارس وفبراير 2010 اما القرعه فتختلف من من قطعه لاخرى طبقا للقرعه التى نزلت فيها

اما شرط بناء ايه قبل المهله فافاد مهندس الجهاز بالاتى:-

اراضى القرعه شرط بناء الهيكل كامل + تشطيب الواجهة +شقه صالحه للسكن

اراضى التخصيص شرط بناء الدور الارضى + واجهه+شقه قابله للسكن

مستثمرين 1,2,4 تواجه منطقة ابو الهول اما مستثمرين 3 فهى شمال مستثمرين 1 وغربها يقع النرجس

وترتيب المناطق هى اول الشارع الفاصل بيم الستثمرين وابو الهول بجانب النرجس مستثمرين 1 ثم مستثمرين 4 ثم مستثمرين 2,

مستثمرين 2 بيقولوا عليهم عائلى زيزنيا نظرا لقربهم من كمبوند زيزنينا

رابط هذا التعليق
شارك

اخي الفاضل newshare

اولا الف مبروك على فوزك في القرعه وربنا يرزقك برزق الأرض وتبنيها

ثانيا يا سيدي بالنسبه للمعماري فأنت لما تعمل السقف فلات سلاب هتقدر تغير اماكن الحوائط زي ما تحب

بمعنى ان حضرتك تقدر تكبر الحمام او تغير مكانه تماما او توسع غرفه او تضيق غرفه تانيه

وحضرتك كمان تقدر تدخل نمازج منفزه بالفعل وتتفرج على الطبيعه وده هيكون افضل الف مره من انك تشوف التصميم على الورق

لأن معظم الي بنى في العائلي عاملين الأرضي والأول فيلا دوبلكس وعاملين الأرضي كله رسبشن وحمام صغير ومطبخ وغرف النوم والحمام الكبير فوق في الدور الأول مع حمام تاني في الغرفه الماستر

والأدوار التي تليها معموله شقق وايضا تختلف اماكن الحوائط فيها حتى لنفس النموزج

لذا فأفضل طريقه للأختيار هي معاينة هذه النمازج على الواقع لأنها بتكون اوضح والمساحات ملموسه بشكل اكبر ده غير انك بتلاقي اخيارات كتيره جدا وافكار كتيره ايضا تقدر تختار منها

عزيزي د/ الأقصري شاكر ليك جدا على مشاركتك والمعلومات الجغرافيه الي حضرتك اوردتها في مداخلتك علشان المغتربين الي مش واضحه الصوره امامهم تتضح اكثر واكثر

وشكرا ليك مره تانيه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...