MoHaMMeD EgYpT بتاريخ: 24 مايو 2009 تقديم بلاغ مشاركة بتاريخ: 24 مايو 2009 بسم الله الرحمن الرحيم والله عندي سؤال كده بيطرح نفسه هل مصر لو بقت خليجية او حتي بها رخاء بنسبة الخليج يا تري ايه اللي هيحصل ؟؟ هل لو بقا معنا اموال زي الخليجين و المتربات بقت زي الخليجين و حياتنا بقت زي الخليجين يا تري ايه اللي هيحصل ؟؟ هل اخلاقنا هتتغير و لو اتغيرت هتتغير من الاسوء للاحسن ولا العكس يعني انا شايف ان الخليجي مثلا اللي معاه فلوس بيصلي و بيحمد ربه اما المصري و انا ما بجمعش طبعا العكس بيتفرعن اكثر و جبرتوه بيزيد هل اخلاقنا هتتغير لو بقينا اغنياء زي الخليجيين ؟؟ هل لو بقا معنا فلوس هل حكاية الفهلوة و النصب هتختفي من مصر ؟؟ انا شايف اننا مهما بقا معنا من فلوس برده هندعي الفقر طب ليه ؟؟ هل لو مصر ( الحكومة ) بقا معاها فلوس زي دول الخليج هل هتعدل التعليم و تقويه و هل هتعدل المستشفيات ؟؟ انا بقا رايي الشخصي : اظن ان حتي مهما بقا معانا من فلوس برده معظمنا اخلاقه عمرها ما هتتحسن و اذا اصبح خليجيين كتير اخلاقهم سيئة و معاملتهم لينا فاظن اننا السبب في كده يعني مثلا لو مصري حب يصاحب خليجي هيصاحبه علشان فلوسه و علشان مصلحة بس برده انا ما بجمعش يبقي منتظر ايه من الخليجي يقوله اهلا و اتفضل فلوسي في الختام ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ) يعني يا ريت نبتدي بأنفسنا و نعدل في اخلاقنا و نعرف ان الفلوس مش كل حاجة الفلوس مش هتشفعلك يوم القيامة الفلوس مش هتخليك اعلي مرتبة من شخص فقير الفلوس عمرها ما هتغير اخلاقك و لو غيرتها هتغيرها للاسوء في معظم الحالات الفلوس مش هتشتري لك اصحاب و لو بقا لك اصحاب بسببها اول ما يزول مفعولها اصحابك هيطيروا معاها و لا عمرهم هيعرفوك مش معني ان الخليجيين اغني و ربنا رزقهم انهم هيتحاسبوا يوم القيامة علي انهم خليجيين ولا هيبقوا vip لا كلنا سواسية مصري زي خليجي زي هندي زي زي ...الخ بس خلص الكلام زي الاستاذ شريف ما بيقول اقتباس رابط هذا التعليق شارك المزيد من خيارات المشاركة
adrianocrespo بتاريخ: 24 مايو 2009 تقديم بلاغ مشاركة بتاريخ: 24 مايو 2009 السلام عليكم في ناس الفقر كاتمها .......... لو بقي معاها فلوس مش حيرحموا حد اقتباس الفقر في الوطن غربه رابط هذا التعليق شارك المزيد من خيارات المشاركة
MoHaMMeD EgYpT بتاريخ: 24 مايو 2009 كاتب الموضوع تقديم بلاغ مشاركة بتاريخ: 24 مايو 2009 السلام عليكمفي ناس الفقر كاتمها .......... لو بقي معاها فلوس مش حيرحموا حد معاك حق لكن برده حتي الغني سواء بورث او حتي عمل برده مش هيرحموا حد و بجد العيب مش في الفلوس العيب في الشخص اللي معاه الفلوس اقتباس رابط هذا التعليق شارك المزيد من خيارات المشاركة
alsaher بتاريخ: 24 مايو 2009 تقديم بلاغ مشاركة بتاريخ: 24 مايو 2009 أستغرب الفكره رغم إني مش مصري ، لكن علاقاتي بأثرياء جدا بمصر وأصحاب شركات وآخرين موظفين درجه أولى وبحالة ممتازة ومرتب الشخص مع مكافآته يتعدى 20 ألف جنيه شهريا وطبعا يمكن ده يكون مرتب عادي في الخليج لكن ناس في قمه الإخلاص ، وقمة الرقي والإحترام وأيضا بحكم عيشتي لفترة بالخليج فلي أصدقاء أثرياء أيضا وخليجيين وبيصلوا لكن ما يمنعوش أي شيء عن إرتكاب الحرام بمجرد خروجه لدول أوروبا أو المغرب العربي أو غيرها فالقضية إن في هنا وهناك ناس كويسه وناس وحشه وبالنسبة لي أعتقد أن الخير هنا أكثر بكثير ، طبعا أنا لا أتأثر بالمظاهر ، لكن أتحدث عن جوهر الشخص فمثلا لوالدي صديق مصري مراح ماديا بصورة كبيرة وفي مصر وإبنته متعلمه أحسن تعليم أجنبي وتعمل في أكبر البنوك الأجنبيه في مصر وغير محجبه لكن لو رحت وقت الصلاة البنك تلاقيها لابسه توب الصلاة في غرفتها وبتصلي في المقابل هناك محجبات من الرأس حتى القدمين ولم تؤدي فرض منذ زمن !!! فالمسألة نسبيه ولا تقاس بالمظهر إحترامي اقتباس رباه إن لم اكن أهلا لبلوغ رحمتك *** فإن رحمتك أهلا لتبلغني لأنها وسعت كلّ شيء رابط هذا التعليق شارك المزيد من خيارات المشاركة
MZohairy بتاريخ: 24 مايو 2009 تقديم بلاغ مشاركة بتاريخ: 24 مايو 2009 اي ثروه سريعه او مفاجئه (Sudden wealth ) بتلخبط البني آدم و تغير تفكيره و تصرفاته و ردود افعاله و كل ما زادت الثروه كل ما زاد التغير و كل ما كان صاحب هذه الثروه المفاجئه فقيرا قبل هطول الثروه كل ما زاد التغير ايضا اقتباس Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
se_ Elsyed بتاريخ: 24 مايو 2009 تقديم بلاغ مشاركة بتاريخ: 24 مايو 2009 عفواً موضوع مش عارف فكرته ايه يعني انا شايف ان الخليجي مثلا اللي معاه فلوس بيصلي و بيحمد ربه هذه حقيقة ونلاحظها هنا في الخليج فجميع الخليجيين لا يغادرون المساجد .. وهم اما قائمين او راكعين يصلون ويبتهلون .. حقيقة لا يُمكن ان ننكرها اما المصري و انا ما بجمعش طبعا العكس بيتفرعن اكثر و جبرتوه بيزيد اهو اي كلام وخلاص هو حد شايف حاجه هل لو بقا معنا فلوس هل حكاية الفهلوة و النصب هتختفي من مصر ؟؟ شوف يا محمد ... اسال السؤال ده لنفسك : يا ترى يا محمد يا ايجبت لو بقى معاك 30 ج هاتبطل نصب على خلق الله وتبطل فهلوة وتستقيم ؟ ده على اساس انك مصري من ضمن المصريين النصابين الفهلوية انا شايف اننا مهما بقا معنا من فلوس برده هندعي الفقر طب ليه ؟؟ ربنا لا يجعلها تجري في ايدك يا عم -------------------------- بص يا محمد اذا كنت كارهاً لمصر وللمصريين .... الدنيا واسعه قدامك يا حبيبي روخ خد اي جنسية ( لو عرفت ) ده مش رأي اصلاحي منك لكن لما تكبر هاتعرف اننا بنسميه هدم او جلد للذات او اهالة الطين على شعب اصيل بأكمله .... فهمت حاجه ؟ اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الحاج فوزى بتاريخ: 24 مايو 2009 تقديم بلاغ مشاركة بتاريخ: 24 مايو 2009 الثقافة هى التى تتحكم فى الأخلاق ! ولا ينكر محايد أن الثقافة في مصر من زمن فقدت من يراعيها أو ينميها .. أو حتى من يراقب ما يستجد عليها من مشوهات ! اللهم إلا أقل القليل من أناس .. ضاع صوتهم وسط صخب مختلط لا يميز فيه بكاء الرضيع من عويل الثكالى . بالتأكيد الثراء الفاحش يزيد من " الفرعنة " ومن إظهار النواحي الجوانب الخفية ، أو التي لا تجد منفسا ً للإعلان عن تواجدها ! اقتباس من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك . رابط هذا التعليق شارك المزيد من خيارات المشاركة
Alrefaey بتاريخ: 24 مايو 2009 تقديم بلاغ مشاركة بتاريخ: 24 مايو 2009 كل شعب له فكر وميول خاص وطريقة معينة للتعبير عن ثراءه ونفترض ليه اننا لو اصبحنا اثرياء بالفعل انظرو الى ماقبل عام 50 فى القرن الماضى كان الجنية بيعادل 5 دولار وماكنش اى قيمة للريال السعودى او للدينار الكويتى ولا للقطرى ولا للأماراتى وكان فى مصر اثرياء العالم من بشوات وغيرة كانت فى مصر الفلل والقصور والجامعات وكانت فى دول الخليج الخيام والبعير ولا بترول ولا غيرة ماذا كان تصرف المصريين فى تلك الايام فى بلدهم وفى تعاملهم مع الاشقاء العرب ؟ كان المصريين القوى المدافعة عن العرب وكانت كسوة بيت الله الحرام من مصر وكان اهل الحجاز ينتظرو الحجاج المصريين بفارغ الصبر لما يحملون معهم من خيرات ومما عرف عنهم عن كرم وجود واخلاق عندما يحدث ثراء للمصريين سوف يفكرون فى جعل مصر امبراطورية تضم كل العرب لكن بينما يحدث ثراء للعرب سوف يستقل كلا منهم بذاته ومحاولة التنصل من اخوانهم العرب ماذا تفعل قطر الان تحاول تثبت للجميع انها دولة لها ثقل ولو حتى على حساب الوقوف على اكتاف مصر الكويت تحاول الامركة والتقرب لكل ماهو غربى الامارات محاولة الهروب للعالمية الاقتصادية تاركة الدور الريادى الذى انتهجه زايد رحمة الله السعودية عندها ما يكفيها من مشاكل داخلية من محاربة ارهاب على بطالة على مشاكل مقيمين وحقوق انسان ومحاولة الظهور بصورة ترضى الغرب مصر فى عز ما هى فيه من فساد وفقر ومشاكل داخلية الا انها دائمة الانغراق فى مشاكل كل ماهو عربى اقتباس "{وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} " رابط هذا التعليق شارك المزيد من خيارات المشاركة
mama nona بتاريخ: 24 مايو 2009 تقديم بلاغ مشاركة بتاريخ: 24 مايو 2009 ومين قال ان احنا مش اغنيا ومين قال ان الخليج احسن مننا كل وقت ومكان وله ظروفه واشمعنى افترضت الرخاء بالنسبة لنا زى الخليج ليه مش زى الغرب؟ وليه الاخلاق هتتغير اصلا ؟ ما احنا عايشين والحمد لله وبناكل ونشرب وبنصلى وبنصوم وبنزكى واخلاقنا زى ما هى سواء كنا ف مصر او فالخليج المبادىء لا تتجزأ يا اخى الفاضل اقتباس رابط هذا التعليق شارك المزيد من خيارات المشاركة
fatfouta بتاريخ: 24 مايو 2009 تقديم بلاغ مشاركة بتاريخ: 24 مايو 2009 يارب يا بنى تاخد الجنسية النيوزيلاندية او الكويتيه وتريحنا ياااااااارب اقتباس رابط هذا التعليق شارك المزيد من خيارات المشاركة
مسافر زاده الخيال بتاريخ: 25 مايو 2009 تقديم بلاغ مشاركة بتاريخ: 25 مايو 2009 المسألة نسبية,,,,,,,, فمثلا هناك فقراء معدمين في اوربا واميركا واليابان...........في الوقت اللذي يوجد هناك كبار الاثرياء من الهند ونيجيريا ومصر............. اليس رجلا مثل الفايد يعتبر اكبر ثري (اجنبي)في بريطانيا؟؟؟؟؟؟ الم تقرأ اخبار انتشار سرقة البقر في اميركا؟؟؟؟؟ وبالنسبة لدول الخليج .......... هل كثير عليها ان تكون الاغني-كدول- (لاول مرة في التاريخ) مقارنة بدول المنطقه؟؟؟؟؟؟؟ منذ السبعينات ومع ذلك تحملت فوق طاقاتها ماديا بسبب حروب الخليج والتحرير ودعم الجهود المادية في حروب الصراع مع العدو الصهيوني ناهيك ان اغلب مداخيلها تصب في خانة العماله الخارجية ((وهذا حق العمالة وليس منة او حسنة)) اقتباس راية في البلكونه... شاره عالعربية.... زملكاوي عيلتي كلها زملكاويه رابط هذا التعليق شارك المزيد من خيارات المشاركة
بركة بتاريخ: 25 مايو 2009 تقديم بلاغ مشاركة بتاريخ: 25 مايو 2009 (معدل) قال رجل انجليزي أعتقد أنه فيلسوف في رأيه عاش في مصر أثناء الإحتلال الإنجليزي لمصر وكان يعمل مديرا لإحدى الشركات الكبرى : " الإنسان المصري زي معدن الكروم الشديد البريق ( بريق الكروم أكثر المعادن بريقا على الإطلاق ) لكن ماهي مشكلة الكروم أنه يحتاج كل يوم أن تلمعه حتى يظهر بريقه , كذلك المصري يحتاج أن يصقل كل يوم لكي يظهر معدنه الحقيقي " يكفينا فخرا أن أحمد زويل مصري و مجدي يعقوب مصري و الدكتور المشد مصري و غيرهم كثير ظهروا بمعدنهم الأصيل لأنهم وجدوا من يصقل معدنهم ...... المسألة مش مسألة فلوس إنما هي مسألة إدارة مع نظام كامل يسعى للتحسين والإجاده و التقدم .........المسألة مسألة منظومة الحكومات وهي عاوزة توصل الناس لفين للجري وراء لقمة العيش وللا للرياده ..... وشكرا ...... تم تعديل 25 مايو 2009 بواسطة بركة اقتباس قال الله تعالى في حديث قدسي ( أنا عند ظن عبدي بي فليظن بي ما شاء........... ) نستطيع تغيير حياتنا بهذا الحديث من الان مع الأخذ بالأسباب............ رابط هذا التعليق شارك المزيد من خيارات المشاركة
أسد بتاريخ: 25 مايو 2009 تقديم بلاغ مشاركة بتاريخ: 25 مايو 2009 محمد الحقيقة أنه يجب علينا جميعاً الدعاء لك بأن ربنا يهديك .. ويصلح حالك .. وينور لك طريقك .. فأنت فعلاً في أشد الحاجة للدعاء بالهداية .. وإصلاح الحال اقتباس في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
ابو حودة بتاريخ: 25 مايو 2009 تقديم بلاغ مشاركة بتاريخ: 25 مايو 2009 فاقد الشئ لا يعطيه بمعني انه اذا كنت تنظر لنفسك ولبلدك بهذه الدونية كيف تلوم الغير على تلك النظرة لك ولغيرك من ابناء بلدك مسألة الظروف التي تمر بها مصر هذه الايام فالايام دول والارزاق متساوية بين البشر يعني كل ياخذ نفس القيمة لكن بكميات مختلفة من كل نوع يعني اللي عنده فلوس ممكن تكون صحته على قده واللي عنده فلوس وصحه ممكن ما يكونش عنده اطفال وهكذا والامر كذلك بالنسبة للدول بعض الدول عندها فلوس زي دول الخليج لكن ليس عندها من يعمرها او يدافع عنها وقت الحاجة ( رجالها ) لكن انت عندك كل ده لكن انت مش شايفه انا اسف في المثل اللي هاقوله يعني اللي بياخد جنسية تانية علشان يستفيد منها مش عيب بالعكس دي حاجة كويسة لكن واه من لكن ما ينساش جنسيته الاصلية لانه في الحالة دي هيبقى زي الحمار اللي حاول يطير وركب جناحات يعني لبقى عارف يطير و بقى شكله غير باقي الحمير فمبقاش عارف يعيش بينهم اقتباس رابط هذا التعليق شارك المزيد من خيارات المشاركة
عبير يونس بتاريخ: 25 مايو 2009 تقديم بلاغ مشاركة بتاريخ: 25 مايو 2009 (معدل) قال رجل انجليزي أعتقد أنه فيلسوف في رأيه عاش في مصر أثناء الإحتلال الإنجليزي لمصر وكان يعمل مديرا لإحدى الشركات الكبرى : " الإنسان المصري زي معدن الكروم الشديد البريق ( بريق الكروم أكثر المعادن بريقا على الإطلاق ) لكن ماهي مشكلة الكروم أنه يحتاج كل يوم أن تلمعه حتى يظهر بريقه , كذلك المصري يحتاج أن يصقل كل يوم لكي يظهر معدنه الحقيقي " يكفينا فخرا أن أحمد زويل مصري و مجدي يعقوب مصري و الدكتور المشد مصري و غيرهم كثير ظهروا بمعدنهم الأصيل لأنهم وجدوا من يصقل معدنهم ...... المسألة مش مسألة فلوس إنما هي مسألة إدارة مع نظام كامل يسعى للتحسين والإجاده و التقدم .........المسألة مسألة منظومة الحكومات وهي عاوزة توصل الناس لفين للجري وراء لقمة العيش وللا للرياده ..... وشكرا ...... ده نفس رأيي في الشخصية المصرية لازم تعهد زي ما بيحصل في صناعة النجوم و انا شايفة ان 99.9 % من المصريين نجوم محتاجين من يكتشفهم و يصقل مواهبهم يعني زي ما قالت اختي الغالية بركة لازم فلوس + إدارة ناجحة النموذج الخليجي يفتقد لإدارة و كمان يفتقد للعنصر البشري هو ما شاء الله خير كثير من الموارد الطبيعية و لكنهم مجتمعات استهلاكية و نسبة انتاجهم ضعيفة لأن الشخص الناجح يلزمه أن يكون مؤهل راغب في العمل باحث عن العمل فإذا همة ما شاء الله ( ما يقصرون ) في ارسال ابنائهم إلى بريطانيا و أمريكا و كندا و استراليا عشان يبقوا مؤهلين فالمؤهلات لوحدها مش كفاية لبناء موارد بشرية لازم الرغبة في العمل و البحث عنه و ده اللي بيسموه الطموح و لا أجد شعب في الدنيا ينافس المصريين في الطموح اللهم الا اللبنانيين اللي ما شاء الله وصلوا و بيوصلوا لنجاحات كبيرة على مستوى العالم و ده مش من فراغ طبعا و يا سلام لو في مصر امكانيات ارسال البعثات للخارج دي كنا كسرنا الدنيا لك الله يا مصر تحياتي :blink: تم تعديل 25 مايو 2009 بواسطة مصرية متغربة اقتباس أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
nizza la bella بتاريخ: 25 مايو 2009 تقديم بلاغ مشاركة بتاريخ: 25 مايو 2009 محمدالحقيقة أنه يجب علينا جميعاً الدعاء لك بأن ربنا يهديك .. ويصلح حالك .. وينور لك طريقك .. فأنت فعلاً في أشد الحاجة للدعاء بالهداية .. وإصلاح الحال امين اقتباس -------------------------------------------------------------------------------- كرتونة البيض فيها سم قاتل عموماً.. تعددت كراتين البيض والنتيجة واحدة لا حركة.. لا كلمة.. لا نفس.. رابط هذا التعليق شارك المزيد من خيارات المشاركة
elfakhrany بتاريخ: 25 مايو 2009 تقديم بلاغ مشاركة بتاريخ: 25 مايو 2009 أخى الفاضل MoHaMMeD EgYpT اذا كنت تتحدث عن ان المصريين فقراء فهذا ليس صحيح مقارنة بدول مثل الهند يوجد بمصر الكثير من الموارد الطبيعية واللتى لاتستخدم بالشكل الأمثل لسوء التخطيط اذا كنت تتحدث عن صفات الشعب المصرى فهى من أنبل الصفات مقارنة بكثير من الشعوب فهو شعب عريق - قوى - مناضل - متدين - متعلم ان كنت تعلم عن تاريخ مصر فيجب ان تتذكر دور مصر خاصة في عهد الفاطميين واستمر حتى القرن (14ه)، حيث كانت كسوة الكعبة ترسل من مصر كل عام. وأوقف السلاطين المماليك أملاكاً كثيرة للكسوة، وهو ما أعطاها الاستمرار. وعندما جاء العثمانيون إلى مصر ورثوا عن المماليك إعداد الكسوة، وكانوا يبالغون في زركشتها والاحتفاء بخروجها من مصر، وزادوا في حجم الأوقاف التي تخصص للكسوة، وظلت الأوقاف المخصصة للكسوة في تزايد مستمر لمواجهة تكاليف ارتفاع الأسعار. واختصت مصر بالكسوة الخارجية، في حين انفردت الدولة العثمانية بكسوة الكعبة الداخلية، وبقيت مصر تصنع أقمشة الكسوتين الداخلية والخارجية كلها إلى عام (1118ه)، حيث حيكت كسوة الكعبة الداخلية في إستانبول، واستمر العثمانيون في إرسالها إلى عهد السلطان "عبد العزيز بن محمود الثاني". وفي أثناء حكم محمد على باشا لمصر، فتوقفت مصر عن إرسال كسوة الكعبة ست سنوات، ولم ترسل إلا في (شوال 1228ه)، وانتهى أمر صناعة الكسوة في حي الخرنفش بالقاهرة. من فضلك يامحمد ارجع بالتاريخ للوراء واسأل اجدادك عن صفات الشعب المصرى أيام الرخاء لتجدها أيضا صفات أصيلة . اقتباس يدهشني أن يقول الأجانب : Share What You Can To benefit The Others وقد عملوا بذلك فتقدموا ! وقد قالها قبلهم أشرف الخلق سيدنا محمد (حب لأخيك ما تحب لنفسك) أتمني أن لا نكون كالفراعنة القدامي أخفوا عِلمهم فمات معهم ! [وسط][/وسط] رابط هذا التعليق شارك المزيد من خيارات المشاركة
المخنوق دائما بتاريخ: 25 مايو 2009 تقديم بلاغ مشاركة بتاريخ: 25 مايو 2009 فى الواقع أنا أرى ان الشعب المصرى إستوى من الفقر والذل والمهانه والظلم داخل مصر وخارجها وده اللى أثر على سلوكياته وخلاه يبدو بهذه الصوره المزريه وبالتالى فإن حدوث رخاء اقتصادى لمصر والمصريين لن يؤتى ثماره الإيجابيه سريعا بل سيتطلب سنوات حتى يتعود المصريين على هذا النظام الجديد الذى طالما إفتقدوه وستظهر الفرعنه كما تقولون وغيرها من سلبيات الغنى الفاحش ولا نلوم على المصريين إذا أساءوا إستخدام الرفاهيه والتعامل معها فى بداية الأمر ولكننى أظن أن فى النهايه غنى الشعب المصرى ورفاهيته سيكون مكسب للأمه العربيه كلها ........ بل وللعالم أجمع ويحضرنى بيت من قصيده شعريه طالما كان أبى يردده لى حينما كنا نتجادل عن أيهما أهم المال أم العلم وهو: بالعلمِ والمالِ يبنى الناس مُلكهم ِ ... لم يُبنى ملكٍ على جهلٍ وإقلالِ اقتباس اللهم إنى أعلم أنى عاصيك ... ولكنى أحب من أطاعك ... فإجعل اللهم محبتى لمن أطاعك شفاعة تقبل لمن عصاك اللهم إن أحييتنى غريبا ... فلا تميتنى غريبا كبير المحاسبين المتخصصين بالمملكة العربية السعودية ودول مجلس التعاون الخليجى رابط هذا التعليق شارك المزيد من خيارات المشاركة
جيمي بتاريخ: 25 مايو 2009 تقديم بلاغ مشاركة بتاريخ: 25 مايو 2009 يا جماعه براحه على محمد شويه ده مهما كان واحد مننا والا ماكنش كتب عندنا واخد راينا ...وماتنسوش ان فى حالة قنوط عام فى البلد وعادة جلد الذات دى قديمه (بس انت اوفر شويه يا مان ) .... لو الشعب المصرى بقى معاه فلوس يعنى ماعدش هيسافر الخليج ...فله ...وماعدناش بع كده نسمع ان المصرين وحشين فى الغربه....وادى عيب واندثر بمجرد مالفلوس جرت فى ايدينا..... بس اسمحلى اقتبس من كلامك ...والله ياخى مش عارف ليه كلامك بيعجبنى والله عندي سؤال كده بيطرح نفسه هل مصر لو بقت خليجية او حتي بها رخاء بنسبة الخليج يا تري ايه اللي هيحصل ؟؟ والله يا محمد السؤال لا بيطرح نفسه ولا حاجه انت اللى بتسرح وبتقعد تفكر فى حاجات مالهاش لازمه وبتوجع دماغك على الفاضى بس ماتقلقش ده عادى فى السن بتاعك ودىاسالة اى وافدجديد الى العالم ......انا مين ؟ انا ليه؟ انا ازاى؟اشمعنى؟ وهكذا.... هل لو بقا معنا اموال زي الخليجين و المتربات بقت زي الخليجين و حياتنا بقت زي الخليجين يا تري ايه اللي هيحصل ؟؟ هل اخلاقنا هتتغير و لو اتغيرت هتتغير من الاسوء للاحسن ولا العكس بص يا حماده واسمحلى ادلعك علشان انت زى اخويه الصغير احنا شعب اصيل وطول عمرنا بلاد حضاره وخيرات وعلم يعنى مش محدثين نعمه زى بعض الدول اللى انت بتقارنا بيها وان كان على كام الصفات السيئه اللى فعلا انتشرت فى مجتمعنا فى الاونه الاخيره ودى حاجه انا بايدك فيها اكيد هتختفى كل الصفات الوحشه وهنتغير للاحسن يا سيدى ...ولاحظ ان الثراء مش بس فلوس ده كمان عدل ونظام ....وامانه وحب الشعب لبلده ولحكامه..وحاجات زى دى احنا فعلا مفتقرينها ....اما بالنسبه للمتربات زى الخليجين انا مش فاهم دخلها ايه فى الموضوع ده...... يعني انا شايف ان الخليجي مثلا اللي معاه فلوس بيصلي و بيحمد ربه اما المصري و انا ما بجمعش طبعا العكس بيتفرعن اكثر و جبرتوه بيزيد يعنى الخليجين اللى مالين شارع الهرم دوول جاين علشان عمق العلاقات المصريه الخليجيه...اما بالنسبه للفرعنه انت بتناقض كلامك لما بتقول انا شايف اننا مهما بقا معنا من فلوس برده هندعي الفقر طب ليه ؟؟ بس معظم الشعب المصرى مابيدعيش الفقر ولا حاجه ده بالعكس ده شعب بيحب الفشخره واللذى منه هل لو مصر ( الحكومة ) بقا معاها فلوس زي دول الخليج هل هتعدل التعليم و تقويه و هل هتعدل المستشفيات ؟؟ لا هتسرقها برده بس اللى هيفيض هتعمل بيه الحاجات دى ...امال الريس ولا الوزرا ولا السيده سوزان ههتفتتح ايه؟؟؟؟؟؟؟ انا بقا رايي الشخصي : اظن ان حتي مهما بقا معانا من فلوس برده معظمنا اخلاقه عمرها ما هتتحسن و اذا اصبح خليجيين كتير اخلاقهم سيئة و معاملتهم لينا فاظن اننا السبب في كده يعني مثلا لو مصري حب يصاحب خليجي هيصاحبه علشان فلوسه و علشان مصلحة بس برده انا ما بجمعش يبقي منتظر ايه من الخليجي يقوله اهلا و اتفضل فلوسي طيب بس هما يجيبو حقوقنا اللى واكلينها علينا فى بلادهم يا حماده..... في الختام ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ) الكلام ده بينطبق على الناس كلها مش المصرين بس يعني يا ريت نبتدي بأنفسنا و نعدل في اخلاقنا و نعرف ان الفلوس مش كل حاجة الفلوس مش هتشفعلك يوم القيامة الفلوس مش هتخليك اعلي مرتبة من شخص فقير الفلوس عمرها ما هتغير اخلاقك و لو غيرتها هتغيرها للاسوء في معظم الحالات الفلوس مش هتشتري لك اصحاب و لو بقا لك اصحاب بسببها اول ما يزول مفعولها اصحابك هيطيروا معاها و لا عمرهم هيعرفوك برده لسه بحب الفلوس .. اقتباس رابط هذا التعليق شارك المزيد من خيارات المشاركة
جيمي بتاريخ: 25 مايو 2009 تقديم بلاغ مشاركة بتاريخ: 25 مايو 2009 بصرف النظر عن المواضيع دى كلها انت عامل ايه فى الامتحانات ؟؟؟؟؟مش بتمتحن اليومين دول برده ولا انا غلطان؟؟؟؟ على العموم ربنا ينجحك.............آمين اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.