اذهب الي المحتوي
Abu Reem

# تعمل إيه لو جابوا واحد مطلعش من البيضة وعملوه مدير عليك ؟ #

Recommended Posts

سؤال بريء

إيه أحوال الشغل اليومين دول

يكون شعورك إيهلو جابوا واحد مطلعش م البيضة وعملوه مدير عليك؟

3387398716_3e283acdeb_o.jpg

لو واحد زميلك حالته زي ماانت شايف كدهأخد كل الترقيات ويا بخت من كان المدير خاله!

3386586659_7e9c87cbfd_o.jpg

وزميل تاني واخد راحته ع الأخر!ربنا يسهل لعبيده!

3387398774_4398d9059f_o.jpg

وده بقى فاكر نفسه رشدي أباظةمحطم قلوب العذارى!

3386586729_139b8f7c1a_o.jpg

وواحد تاني عمال يقـرع على كل اللي حواليه بحواديت جدو الباشا (الواقع بيقول إن المرحوم كان محولجي سكة حديد)

3386586749_76bb8b97e0_o.jpg

وده بقى زي البصل..محشور في كل أكله!

3387398860_fc6eaf3c4e_o.jpg

شكله يخدع صحيحده بقى الثعلب المكاراللي بينقل للمدير الأخبار!

3386586819_0dfc0b58ed_o.jpg

وده شعاره في الحياة :النبي قبل الهدية!

3386586875_e7fe8c18df_o.jpg

ده كل الحوافز والسفرياتجايه لهجايه له!

3386586899_b0978c4a9c_o.jpg

ده مش عارف يقف على رجليه صحيحبس مسنود قوي!

3387398958_ff6522ca12_o.jpg

شارك هذه المشاركه


رابط المشاركه
شارك

والهانم دي طول الوقت في أجازة وانتي تشيلي شغلها بقى!

أه... المصريين شعارهم في العمل:

المليان يكب ع الفاضي!

3387398990_aaf299471e_o.jpg

وده مولود في بقه معلقة دهب

وبيشتغل بس في أوقات الفراغ

3386587015_b1e3e2bdc5_o.jpg

أما انت يا مسكين

يرمولك أي فتافيت تفرح بيها زي العبيط!

3386587053_3a40fabe8f_o.jpg

تعمل إيه حذر فزر ؟؟

تدعي عليهم ليل نهار زي الولايا؟

3387399122_1e3034b819_o.jpg

والا تشد فى شعرك؟

3387399142_f9b53577d0_o.jpg

أو توريهم العين الحمرا؟

3387399278_2910ee37c5_o.jpg

أو تنهي حياتك نهاية مأساوية؟

3386587281_5f569c3227_o.jpg

تعض صوابع الندم إنك مفكرتش تهاجر من زمان؟

3386587163_50fd817922_o.jpg

ولا تتجوز واحدة غنية تصرف عليك

وتسيبك م الشغل خالص!؟

3386587187_dd772b953f_o.jpg

تعمل ودن من طين وودن من عجين

وتكبر دماغك ؟

3387399232_cc35784539_o.jpg

شارك هذه المشاركه


رابط المشاركه
شارك

:unsure: :sad: :ninja:

لا تعليق :blink:

لو المدير كان لسا ما طلعش من البيضة هسلق البيضة علشان اخليه يطلع mfb: ده مجرد هزار لاني لسا الحمد لله مدير جمهورية نفسي :sad:

و بجد موضوع جامد و مضحك و بجد مش قادر ابطل ضحك

شكرا ليك يا ابو ريم يا جامد :wub:

تم تعديل بواسطة MoHaMMeD EgYpT

شارك هذه المشاركه


رابط المشاركه
شارك

أو تعمل فيهم عملة كان نفسك تعملها من زمان!!

3387399336_af397250d8_o.jpg

اشمعنى هما

كل واحد يعمل عملة سودة

وتيجي على دماغك!

3386587337_367815963b_o.jpg

شعر راسك بيقف م البلاوي اللي بتشوفها !

3387399364_a64624fea5_o.jpg

ومهما اشتغلت

ولو وقفت على شعر راسك حتى

برضه مش عاجب!

3386587377_75df82fd96_o.jpg

تاخد جرعة شجاعة وتروح للمدير تقوله:

يا راجل يا عجوز

مناخيرك قد الكوز؟

3387399430_55fbe8e638_o.jpg

مش مهم إنك تكون من خيار الناس في الزمن الاغبر ده

3386587429_fecfea210f_o.jpg

مش مهم انت موهوب ولا لأ

3387399506_9f2f5fa614_o.jpg

ولا إنك تبقى دكتور كبير

3387399524_31d1ca90e2_o.jpg

لازم يكون معاك العصاية السحرية اللي بتفتح باب مغارة علي بابا

3387399542_4d5003f14c_o.jpg

إيه هي العصاية السحرية

( واسطــة )

التفسير في القاموس المعاصر

و : وسيلة مناسبة للوصول للغاية(هدية – نقدية الخ)

ا : إمكانية الوصول إلى علي بابا (خارطة الطريق يعني)

س : سبوبة حلوة للأربعين حرامي وإلا مش حتوصل لعلي بابا

ط : طلبك مجاب إن شاء الله

هـ : هـبرة كبيرة تعوض الشقا اللي شفته لحد ما دخلت المغارة!!

انتقل إلى رحمة الله بالقاهرة

المرحوم اللي اسمه

الضمير

قريب ونسيب الذمة والأمانة والأخلاق

وشيعت الجنازة من جميع الجوامع والكنائس

المصاب فادح

ولا عزاء للشرفاء

تلغرافيا: مغارة علي بابا!

وفروعها بالقاهرة وجميع المحافظات

شارك هذه المشاركه


رابط المشاركه
شارك

باين عليك موجوع جامد قوى يا أبوريم من الموضوع ده.

بعيداً عن إجابتى عن السؤال الصور والتعليقات بتاعتك عليها جامدة جداً.

إجابة السؤال بقى بتختلف حسب شخصية الإنسان اللى اتعرض للموقف ده.

فى اللى مش شايف غير المكان اللى هو شغال فيه وبيضطر يقبل بأى وضع أياً كان عشان يضمن مرتبه.

وفى اللى ممكن يعمل زى الناس :lol: , مش يعمل زى الناس اللى فى الصور بتاعتك طبعاً, إنما يمشى فى سكة الوسايط ومسح الجوخ للمديرين والكبار عشان ينول الرضا.

وفى اللى واثق من نفسه ومن قدراته وممكن يعافر ويشاكس ويشاغب عشان ياخد حقه.

وفى اللى واثق من نفسه ومن قدراته برضه بس حب يريح دماغه ويشوف مكان تانى.

أنا عنى نفسى اختار الاختيار الأخير فى حالة إن الاختيار التالت ماجابش نتيجة, والأرزاق على الله.

شارك هذه المشاركه


رابط المشاركه
شارك

الحمد لله الموضوع ده بعيد عني ، ولكن أقصد به طبعا وضع العديد مننا بصفة عامة خاصة أننا نعمل في دول غير بلدنا

ولا أتكلم بصفة شخصية ، وإن كنت مريت بهذا الوضع فيما سبق ولكن ليس من ناحية ( سن ) المدير الخليجي ، ولكن مؤهلاته ، ( كان واحد بثانوية عامة) ووصل لأعلى المناصب لأنه كان ,,,,, سائق الرئيس !!!!!!

شارك هذه المشاركه


رابط المشاركه
شارك

اشترى دمااااااااااااااغك

اعمل اللى عليك بما يرضى الله و حلل مرتبك

و اللى يرشك بالمايه رشه بالنار

و حبايب على كده

شارك هذه المشاركه


رابط المشاركه
شارك
و اللى يرشك بالمايه رشه بالنار

انت جاى تهدى النفوس والا أيه يا حاظابط ؟ الموضوع ده مش فى الخليج يعنى هنا مافيش مشكلة تبقى راجل

جامعى قد الدنيا ويبقى مديرك معاه اعدادية عامة ماتاخودهاش على صدرك

قول الحق يا ابو ريم احنا ستر وغطا على بعض حصل الموضوع ده معاك ؟ ده المفروض انكم جهة دبلوماسية

يعنى اقلها اقلها الواحد فيهم يكون ساقط سنوية ولاشهرية ولا أى حاجة من ريحة الحبايب :lol:

تم تعديل بواسطة osmel33

شارك هذه المشاركه


رابط المشاركه
شارك
احنا ستر وغطا على بعض حصل الموضوع ده معاك ؟ ده المفروض انكم جهة دبلوماسية

يعنى اقلها اقلها الواحد فيهم يكون ساقط سنوية ولاشهرية ولا أى حاجة من ريحة الحبايب

لا محصلش معايا الحمد لله ، بس بأشوفوه كثير أمامي ، وخصوصا ، الناس إللي لا يداوموا أكثر من شهر ( متفرق ) في السنة ، وما شاء الله ولا حد بيقول لهم أنتوا فين،، وده زي ما انت قلت ، وضع عادي في الخليج ، لأن في النهاية راتب الوظيفة عندهم مدفوع اجباري ،،، وربنا يبارك لهم ويزيدهم ،،،

أنا مش بأحسد والله :lol: ،،، همه بصراحة ، برده عندهم مشاكل وهموم ، ولكن من نوع تاني مش زي مشاكلنا ،،

وبلاش أسئلة خبيثة بقى ؟؟؟ :lol:

شارك هذه المشاركه


رابط المشاركه
شارك

أنت عارف يا ابو ريم ان الجماعة هايزيدوا فى الحكومة من أول الشهر اللى جاي ؟

يا عينى علينا احنا اللى عمالين نتفرج وأقلها اللى معاه نحو أمية خمسة باكو

انا مش باحسد برضه :lol:

شارك هذه المشاركه


رابط المشاركه
شارك
و اللى يرشك بالمايه رشه بالنار

انت جاى تهدى النفوس والا أيه يا حاظابط ؟ الموضوع ده مش فى الخليج يعنى هنا مافيش مشكلة تبقى راجل

جامعى قد الدنيا ويبقى مديرك معاه اعدادية عامة ماتاخودهاش على صدرك

يعنى لو حد غلط عليك يا عمنا هتسكت

اكيد مش هتسكت

هو ده قصدى مش اكتر

شارك هذه المشاركه


رابط المشاركه
شارك
يعنى لو حد غلط عليك يا عمنا هتسكت

اكيد مش هتسكت

هو ده قصدى مش اكتر

برافو عليك ، همه دول المصريين الجدعان

طبعاً انا موافقكم على حركات الحمشنة اللى انتوا بتتكلموا عليها بس على فكرة

قلة بس اللى بتعمل اللى انتوا بتقولوا عليه ده يعنى انا باحب لما اروح اشتغل

فى مكان انى احط بمناسبة ومن غير مناسبة الخطوط الحمرا اللى احب الشخص

اللى قدامي ما يتجاوزهاش ويبقى عارف انه لو تجاوزها مرة واحدة بس بالسلامة يا قلبي

هو مش بالسلامة قوى يعنى من الآخر بالجز.............................ة

بس اللى الواحد بيشوفه حواليه غير كده خالص وكله ماشي على قولة سيد درويش

لما قال عشان تعلى تعلى تعلى .... لازم تطاطى تطاطى تطاطى

هو بس المطاطية دى تختلف على حسب وضع الشخص بس للأسف الشديد

لقيت اللى بيطاطو لغاية كسر الضهر هما الناس اللى بنقول عليهم خبرا ومديرين

وكلام كبير

ولو عايزين وقائع انا عندى وقائع ما يعلم بيها الا ربنا للى بيحصل من أرض الواقع

تم تعديل بواسطة osmel33

شارك هذه المشاركه


رابط المشاركه
شارك

تسلم إيديك يا أبو ريم

موضوع لذيذ جدا وهادف

والألذ بقا صور البيبيهات عسولة خالص

أما بالنسبة لصلب الموضوع إذا كان مديرى أقل منى خبرة

وأقل منى فى المؤهل فلابد ان أضعه بين حين وآخر فى موقف مؤسف

يعنى بخبرتى الأكبر منه مؤهلى سأوضح له بالمواقف إنى أستحق عنه هذا المركز

وأعقده فى شغلة وبالتالى أعقده فى عيشته لحد مايقول حقى برقبتى ههههههههههه

شارك هذه المشاركه


رابط المشاركه
شارك

تجربتى المرير ةلعشر سنوات .. رئيس فى العمل يبتدى صاحبك وانت اللى جاى عليه أصلا .. ويقتنع تماما بقدراتك .. ويستفيد منك فى كل حاجة حتى فى الحياة العامة .. فى اللبس .. فى الأكل .. فى التسوق .. فى التعامل مع الناس .. يتعلم منك كمبيوتر .. وفجأة يقلب عليك .. عشان فيه مصرى زميلك يفترى عليك .. وهو أصلا محذرك منه وبيقولك ده كذاب لا يمكن يقول كلمة صدق ومع ذلك يصدقه ..

المدير الكبير هو اللى بيوزن القصة عشان انت تعاملك معاه فعليا مباشر .. تقدم استقالتك فى توقيت جالك فيه عرض كويس .. يقوم المدير الكبير يرفع راتبك يخليه زي اللى هو مفترض رئيسك .. عشان محتاجينك .. يموت كمدا وحزنا .. يمشى المدير الكبير يجيلك مدير من بتوع البيضة .. أو قرار فعلى انه ينهى خدماتك .. ويكون سعيد أوى .. ويتغم لما يكتشف انه لو صبر نص ساعة كنت قدمت استقالتك .. ههههههه .. وما تنتهيش الحكاية .. وتوصله أخبارك ويغتم أكتر ..

أصلا أسوأ حاجة فى الدنيا انه يتغم غيرك من خير يصيبك

طبعا هناك مجلدات من التفاصيل وراء هذه القصة

شارك هذه المشاركه


رابط المشاركه
شارك

اعمل اللى عليك و قوم بشغلك باحترافيه

و انت وقتها حتلاقى كل الاحجام بتصغر حواليك

و صدقنى حجم كل انسان بيتعرف و مافيش حاجه بتستخبى كتير

بس انا كان ليا سؤال

هيه البيضه اللى قصد حضرتك عليها اللى صاحبنا يعنى ماطلعش منها

بيضة الخبره

ولا بيضة السن

اصل البيض كتير زى مانت عارف

عموما لو خبره فدى سهله و لو انت محترف و خبره عنه حتمسحه باحترافيه

و لو بيضه السن او العمر يعنى هيه اللى لسه ما طلعش منها

فانا شخصيا لا اعترف بعامل السن للحصول على ترقى فى عملك

و البقاء للافضل مش للاكبر

تحياتى

تم تعديل بواسطة د محمد الناعم

شارك هذه المشاركه


رابط المشاركه
شارك

هيه البيضه اللى قصد حضرتك عليها اللى صاحبنا يعنى ماطلعش منها

بيضة الخبره

ولا بيضة السن

اصل البيض كتير زى مانت عارف

تحياتى

بيضة خبرة أيه بس يا دكترة ؟ :rolleyes: دى بطن أمه من الآخر

شارك هذه المشاركه


رابط المشاركه
شارك

تعمل إيه لو جابوا واحد مطلعش من البيضة وعملوه مدير عليك ؟

اللي جابوه بقي هما هما اللي انت بتشتغل لحسابهم .. و بتاخد مرتبك منهم ....

يبقي حضرتك تحط الوش الأبلاكاش و تشوف "الكتكوت" عايز ايه و اعمله بس بطريقتك انت ...

في النهاية دي مسئوليته و مسئولية اللي شغله .... و علي نفسها جنت براقش

اسألني انا يا ما عدي علينا بيض و كتاكيت .. لكن في النهاية العشة احنا اللي بنْمَّشيها ....

:rolleyes:

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×