اذهب إلى المحتوى
محاورات المصريين

توثيق قسيمة الزواج ؟؟


Recommended Posts

السلام عليكم ورحمة الله

الأخوة الكرام : في خطوات أستقدام الزوجة الى السعودية هل يتطلب قسيمة الزواج موثقة، وكيف يتم توثيقها ومن أين الأماكن؟ علماً بأني أسكن بالجيزة - أمبابة.

وهل تقوم الزوجة بتوثيقها أم ماذا ؟؟ وجزاكم الله خيراً

تم تعديل بواسطة أبو عبيدة الوراقي
رابط هذا التعليق
شارك

السلام عليكم ورحمة الله

الأخوة الكرام : في خطوات أستقدام الزوجة الى السعودية هل يتطلب قسيمة الزواج موثقة، وكيف يتم توثيقها ومن أين الأماكن؟ علماً بأني أسكن بالجيزة - أمبابة.

وهل تقوم الزوجة بتوثيقها أم ماذا ؟؟ وجزاكم الله خيراً

الاخ الكريم

توثيق قسيمة الزواج ليس لها علاقة بمكان السكن ولكن بمكان عقد القران (كتب الكتاب)

أولاً: مدون بوثيقة الزواج اسم المحكمة الشرعية التي يتبع لها المأذون الذي عقد القران

ثانياً: توجهه لهذه المحكمة الشرعية (و اعمل نسختين كمان للزمن..) بالوثيقة الأصل والصور وسوف يتم توثيقها من واقع السجلات التي يصدرها المأذون دوريا للمحكمة الشرعية هاختموها أختام كتير .

ثالثأ: توجهه بعد ذلك لمكتب التصديقات التابع لوزارة الخارجية (أسأل بالمحكمة الشرعية عن مكانه) حيث لكل منطقة مكتب تصديقات

مثلاً لو انت عاقد قرانك بمحافظة الاسكندرية وسكنك فى القاهرة فلازم توثق من مكتب وزارة الخارجية اللى فى الاسكندرية

بس وكده خلاص

طبعا ممكن الزوجه تعمل الكلام ده وممكن حماك كمان

وبالتوفيق ويوصلوا بالسلامة rs:

لله الأمر من قبل ومن بعد

رابط هذا التعليق
شارك

يوجد مكتب التصديقات التابع لوزارة الخارجية فى شارع احمد عرابى المهندسين وفى مكتب تانى فى جامعة الدول العربية من ناحية شارع السودان

رابط هذا التعليق
شارك

ابو عبيده اوعي تلف الفه السوده دي بتاعه المحكمه الشرعيه والفيلم الهندي ده انا هاقولك علي حاجه اسهل بكتيييييييييييييييييير وانا شخصيا لسه عاملها من شهرين

انت تخلي المدام تروح السجق الميدني -السجل المدني- بتاع العباسيه تطلع قسيمه زواج بالكومبيوتر قيمتها 25 جنيه بالبطاقه الشخصيه بتاعتها بس او القسيمه العاديه ودي بتبقي شبه شهاده الميلا اللي بالكومبيوتر ومالهاش دعوه بالقاهره ولا الجيزه ولا حتي اسوان لان ده كومبيوتر ماسك مصر كلها وبعد ماطلعها تقولهم انا عايزه اوثقها من الخارجيه فهايبعتوها لظايط يمضيهالها ويختمها وهي واقفه وتنزل تركب تاكسي بخمسه جنيه وتقوله مكتب الخارجيه اللي في البعوث شارع احمد سعيد علي بعد 3 دقايق من العباسيه وممكن تتمشاها لو عايزه وهناك توثق علي ختم الظابط والحكايه دي كلها مش هاتاخد ساعه زمن

رابط هذا التعليق
شارك

ابو عبيده اوعي تلف الفه السوده دي بتاعه المحكمه الشرعيه والفيلم الهندي ده انا هاقولك علي حاجه اسهل بكتيييييييييييييييييير وانا شخصيا لسه عاملها من شهرين

انت تخلي المدام تروح السجق الميدني -السجل المدني- بتاع العباسيه تطلع قسيمه زواج بالكومبيوتر قيمتها 25 جنيه بالبطاقه الشخصيه بتاعتها بس او القسيمه العاديه ودي بتبقي شبه شهاده الميلا اللي بالكومبيوتر ومالهاش دعوه بالقاهره ولا الجيزه ولا حتي اسوان لان ده كومبيوتر ماسك مصر كلها وبعد ماطلعها تقولهم انا عايزه اوثقها من الخارجيه فهايبعتوها لظايط يمضيهالها ويختمها وهي واقفه وتنزل تركب تاكسي بخمسه جنيه وتقوله مكتب الخارجيه اللي في البعوث شارع احمد سعيد علي بعد 3 دقايق من العباسيه وممكن تتمشاها لو عايزه وهناك توثق علي ختم الظابط والحكايه دي كلها مش هاتاخد ساعه زمن

هو ده ايلي كنت عايز اقوله..وبعد ماتختم من مكتب خارجية احمد سعيد...ترسلها لسياتك و تروح توتقها من السفارة... :roseop:

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

والله لو الكلام ده معتمد يبقى حاجة جميلة خالص - الله يبارك فيك والله - ما قصرت حبيبي - ربنا يحفظك ويبارك فيك.

رابط هذا التعليق
شارك

والله لو الكلام ده معتمد يبقى حاجة جميلة خالص - الله يبارك فيك والله - ما قصرت حبيبي - ربنا يحفظك ويبارك فيك.

الفيلم ده واحد زميلي لسه عامله قبل العيد ولما راح مكتب الاستقدام هنا فى الدمام قالولوه بلها واشرب مايتها واضطر يعمل الفيلم الهندي

وفيه واحد قدم نفس المستند بمكتب الاستقدام فى جده وعدت عادي

نروح لمين

شكلهم بيحبه الاختام الكتيير

والله أعلم

لله الأمر من قبل ومن بعد

رابط هذا التعليق
شارك

  • بعد 1 شهر...

اسهل حاجه فى توثيق قسيمه الرزواج وانا عملت كده انا وزوجى بدل اللف ده كله تروحو تودى القسيمه لمكتب االمؤزون وهو يعمل كل حاجه ويبقى فاضل ختم القنصليه تعملوه مع مكتب عماله

انا عملت القسيمه عند مكتب مؤزون العباسيه وخد 150 جنيه بس وخلصها فى يومين بس وبعدينا روحنا مكتب الفجر لالحاق العماله بالخارج خده 100 جنيه وختمها من القنصليه فى يومين برده وكده ولا تلف ولا تروح واريح حاجه

رابط هذا التعليق
شارك

  • بعد 3 أسابيع...

انا لسه عامل الموضوع ده بقالى شهر وهو كالاتى :

1- يكون معاك قسيمة الزواج تطلع بيها على مجمع التحرير الدور الأرضى تقول عاوز أصدق على القسيمة هيوصفوا ليك وموظف وانت رايح له هايستلمك الساعى يقولك عاوز ايه تعالى ياباشا ويوصلك للاستاذ الموظف اللى هايديك ورقة تملاها ويدخلك اوضة ويقفل الباب ويقولك طلع تقول ايه يقولك اى حاجة تديله 20 جنيه رشوة وبعدين يقولك استنى لغاية ما يخلصها لك هو والساعى وتختمها وتدى الساعى اللى فيه النصيب( الحرام طبعا) وبعدين تاخد بعضك وتجرى على :

2- مبنى المحكمة فى مصر الجديدة الدور الأول تقول عاوز اصدق على القسيمة برضه يوصفوا لك مكتب وكيل النيابة وتخمتها وتجرى على :

3- وزارة العدل الدور الثامن تقريبا تدفع رسوم بسيطة وتنتظر حتى تختم القسيمة وتستلمها وتجرى على :

4- مكتب تصديقات الخارجية فى المهندسين ش احمد عرابى او العباسية اللى يريحك وتدفع الرسوم وتختمها ثم تجرى على :

5- السفارة السعودية وتختمها.

وبعد كده تتشاهد وتحمد ربنا انك خرجت من البلد دى لغاية ما ربنا يرضى عنها وتتحسن احوالها.

رابط هذا التعليق
شارك

  • بعد 8 سنة...
  • الزوار

طب بنسبة لزواج مزدوج الجنسية يعنى مصرية امريكية هتعوذ ترجمه انا ترجمتها فى وزارة العدل ورحت الخارجية قالولى روح محكمة الضرب الاحمر ومش عارف مكانها فين الاسهل اروح المحكمة ولا اروح اطلع قسيمه كمبيوتر واختمها من الاحوال المدنيه واطلع بيها على الخارجية مع العلم انى مترجم قسيمة الزواج الاصل ارجوا الايفادة وجزاك الله خيرا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...