اذهب إلى المحتوى
محاورات المصريين

اسعار السيارات فى مصر


صعيدي

Recommended Posts

الاخوة الاعزاء

السلام عليكم

سمعت ان اسعار السيارات فى مصر بقت نااااااااااااار

فى حد ممكن يدلنى اسعار الموديلات المختلفة ايه فى مصر

و لو فيه حد يعرف اماكن ثقة يدلنى عليها وجزاكم الله خيرا

mycopy10.gif
رابط هذا التعليق
شارك

الاخ صعيدى

انا لااتابع اسعار السيارات حاليا بعدما عرفت الزياده التى طرأت على نوع واحد منها وهى تويوتا كورولا الجديده

فقد قفز السعر من 82 الف الى 110 الف بزياده اكتر من 30%

مما رفع ضغطى 100% وقررت التوقف عن متابعة اخبار السيارات تماما(وش مفروس ومولع من نار الاسعار)

وليس بعامر بنيان قوم***اذا اخلاقهم كانت خرابا

رابط هذا التعليق
شارك

Hundai 70,000EGP

Toyota Crolla 113,500 EGP ( Full Automatic )

Mitsubishi lancer 106,000 EGP ( Full automatic )

Renault Megan 132,000 EGP ( Full automatic )

السيارات الكورى 60,000-70,000 (1500 CC )

السيارات اليابانى 100,000-120,000

السيارات الأوربى فوق ال1500 CC بتعدى ال150,000

المستعمل بردة زاد سعرة

سبب زيادة الأسعار ببساطة هو زيادة الدولار فى السوق وأيضا زيادة سعر الولار الجمركى

رابط هذا التعليق
شارك

الله ينتقم من نزعة الجباية التى تمسك بتلابيب الشعب من أيّام المماليك وحتّى أيام حكومتنا المبجّلة الحالية

يا ناااااااس

ياهووووووه

حد يقول ان دى أسعار العربيّات فى بلد متوسّط دخل الفرد فيها منخفض زى مصر بينما أسعار السيّارات فى بلد متوسّط دخل الفرد فيها مرتفع كأى دولة من دول الخليج لا يتعدّى ربع أو خمس هذه الأسعار؟؟؟

تعالوا بقى شوفوا حرقة الدم دى:

العبد لله اشترى من سنتين مرسيدس 200 موديل 1984 بــ11 ألف ريال والناس ضحكوا عليّا وقالوا انى اشتريتها بالغالى ولمّا بعتها بعتها بــ9 آلاف ريال واللى اشتراها كان بيعاتبنى انى مغلّى عليه السعر

العبد لله اشترى السنة الماضية مرسيدس 230 موديل 1989 بــ18 ألف ريال والناس قالوا لى :هوّه انت دايما ينضحك عليك كده؟؟؟!!!! ولمّا بعتها من أسبوع بعتها بالعافيه بـــ15 ألف ريال (بعد ما عملت ليها عمرة كامله كلّفت 4 آلاف ريال)

العبد لله بعد ما باع عربيته الأسبوع الماضى اشترى سيّارة دايو "ليجانزا" 2000 سى سى موديل 2002 وماشيه 30 ألف كيلو و لسّه الكراسى (ماعدا كرسى السائق)بالنايلون اللى عليها بــ19 ألف ريال وعليها ضمان لمدة 3 سنوات على 10 أشياء من ضمنها الماكينه والجير بوكس والتكييف و نظام الفرامل و علب الدركسيون و السنتر لوك...الخ الخ وشامل تأمين على السيارة لمدة عام مع مصاريف نقل الملكية واصدار الاستمارة

الى متى سيظل الشعب المصرى هو الشعب المطحون والمزنوق والمحروم والمفعوص؟؟؟!!!!

الله ينتقم منكم ياللى فى بالى

التوانسه لمّا بينزلوا بلدهم نزول نهائى من حق كل واحد فيهم ادخال سيارة مجّانا مع أى جهاز مجّانا شريطة ان يكون واحد فقط من كل نوع (تليفزيون , ثلاّجه , سى دى , فيديو , تكييف , غسّاله...الخ الخ) لأن هناك شيئ اسمه حصاد السنين الذى يجب على كل من أضاع زهرة شبابه ان يستمتع به ويحصده , ولكن حكومتنا المصونة قرّرت ان حصاد السنين انّما هو للحكومة وليس لمن أضاع عمره وصحّته وأعصابه ولقاء أحبابه فى الغربه.......

ملحوظه : اتصلت بالسفارة المصرية لأسأل عن جمرك سيّارة رينو "كليو-كلاسيك" موديل 2003 (1400 سى سى) على الزيرو طبعا لأن وكيل رينو عامل عليها عرض بــ29 ألف ريال...فكانت الصاعقه :

100% جمارك

+

15% ضريبة مبيعات (تحسب من قيمة السيارة + قيمة الجمرك.. يعنى بالمختصر 30% بس متجمّله تحت رتوش ومساحيق المسمّيات اللى بالك بالك)

+4% مش عارف بتاعة ايه لأنى قفلت السكّه أول ما سمعت كلمة "زائد 4% ضريبة......"

ياترى....

همّه اللى مفتريين

والاّ

احنا

اللى

شكلنا

مش

وش

عربيّات

ولك الله أيّها المصرى

(وش واحد بيحاول يعرف الفرق بين السلطان برقوق فى عهد المماليك و......"انتم عارفينه طبعا" فى العهد الحالى)

و...

و...

و...

متى نراك أيها الرخاء المزعوم؟؟؟!!!!!

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك

disappointed كتب :

التوانسه لمّا بينزلوا بلدهم نزول نهائى من حق كل واحد فيهم ادخال سيارة مجّانا مع أى جهاز مجّانا شريطة ان يكون واحد فقط من كل نوع (تليفزيون , ثلاّجه , سى دى , فيديو , تكييف , غسّاله...الخ الخ)

لأ وانت الصادق ياأخ محبط من حق التونسي المغترب أن ينزل سيارة إلى بلده في أي وقت يشاء بدون جمارك وبدون ضرائب !!!

أما أثاث البيت بالكامل فبإمكانه شحنه في نهاية غربته مهما كانت حالة الأثاث وبدون جمارك أو أي رسوم

ده حتى السودانيين لهم نفس الميزة لكن مع الاختلاف أن السيارة والأثاث يكونان في نهاية الغربة لإعفائهم من الجمارك

بينما حكومتنا الموقرة لم تكن تكتف بما تفعله بالأحياء ولكن حتى الأموات لم ترحمهم فتفتق ذهن الإرهابي الأول محمد الرزاز وزير المالية آنذاك عن فرض ضريبة الأيلولة بمعنى أنه إذا توفي شخص وترك ثروة في البنك فهذه الثروة لاتؤول إلى الورثة إلا بعد فرض الحكومة ضريبة عليها سميت في ذلك الوقت ضريبة الأيلولة وده نصيب الحكومة قبل الورثة !!!!! يعني لا الحي راحمينه ولا الميت راحمين أهله !!!!!!!!

وده لأن مجموعة وزراء اللي بيسموهم المجموعة الاقتصادية بيعملوا لهم كشف هيئة في الغباء واللي ممكن يحسوا إنه بيفهم بيستبعدوه على الفور وقدامكم يوسف بطرس غالي على سبيل المثال لا الحصر !!!!!!! بيتنقل من وزارة لوزارة زي ماهو عايز أقصد زي ما أمريكا عايزه !!!!!

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

تحياتي

الواقع أن ضريبه التركات مطبقة في دول كثيرة منها انجلترا علي سبيل المثال

و بما ان اللي مالوش أهل الحكومة أهله علي رأي راقيه ابراهيم فقد ارتأت الحكومة ان تشارك الورثة في التركة باعتبارها من العيلة

وعلي ذلك وحب تعديل المقولة الي اللي مالوش أهل الحكومة تاكله

والدوام لله

"وان يمسسك الله بضر فلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم" 107 سورة يونس

رابط هذا التعليق
شارك

أمال لو شفتم اللى انا شايفه هنا فى اليابان

الشاب من مرتب شهريين ممكن يجيب سيارة

الكوميدى احيانا تجد شخص ما يدلل على سيارته مجانا ايوه مجانا عارفين ليه طبعا هى مستعملة فى حدود 10 سنوات تبقى قديمة و لا بد من التخلص منها حتى يتخلص من مشاكل الضريبة ومكان الانتظار

اول ما جيت اليابان اشتريت سيارة صغيرة اوتوزام اوتوماتيك مستعملة بما يوازى 1500 جنيه مصرى وبعدين اتخبطت منى وماكنتش عامل تأمين لسه الراجل الميكانيكى طلب ما يوازى 10000 جنيه لاصلاح عيوب سمكرة ولما فكرت اتخلص منها دورت على اى حد يأخذها مجانا مالقيتش

و بعدين أخيرا لقيت واحد بتاع قطع غيار أخدها و دفعتله ما يوازى 300 جنيه ....ايوه انا اللى دفعتله مش هو اللى دفع و طبعا ده بعد محايلات و فصال

الخلاصة ان العربيات هنا فى اليابان تكاد تكون مجانا ناهيك ان شوارع اليابان معرض حى لاحدث انواع السيارات

بالمناسبة ما يحدث فى تونس يحدث فى بلاد كثيرة منها سوريا

و فى النهاية جتنا نيله فى حظنا الهباب

ممكن حد من بتوع الاقتصاد يفهمنا سر جشع الحكومة فى جمارك السيارات؟؟؟

mycopy10.gif
رابط هذا التعليق
شارك

تحياتي

الرسوم الجمركية هدفها في الاساس حمائي بمعني أنها توفر الحمايه للصناعة المحلية من المنافسة الاجنبية

وهذه الحماية قد يكون لها العديد من المبررات مثل

-حماية الصناعات الوليدة infant industries من الدخول في متافسة غير متكافئة وعليه تجب حمايتها لفترة معينة حتي تقوي علي التنافس فيما بعد

- حماية الصناعات التي توفر الكثير من فرص العمل

- حماية الصناعات الاستراتيجية و التي لها بعد يتعلق بالامن القومي مثل الحديد و الصلب

- حماية بعض الصناعات التي تتشابك مصالحها مع صناع القرار

و الواقع أن التجربة أثبتت أن الصناعات التي تنمو في ظل سياسات حمائية قلما تنهض في وجه المنافسة العالمية

و اذا لم يكن من الحماية من بد فمن أسف ان هناك صناعات مصرية كثيرة تتوافر فيها الشروط الثلالثة الاولي ولكن الحكومة تخلت عنها منذ أمد مثل المنسوجات علي سبيا المثال

فالهدف في راي هو منع استيراد السيارات لحماية بعص اصحاب المصلحة و يتم ذلك بفرض رسوم جمركية عالية prohibitive tariff

وش واحد محتاج حماية جمركية

"وان يمسسك الله بضر فلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم" 107 سورة يونس

رابط هذا التعليق
شارك

ماشى كلامك

طيب وماذا عن المنتوجات التى لا تُصنع فى مصر مثل كاميرات الفيديو والاجهزة الالكترونية

ده اسمه جباية ليس إلا

هنقول حق البلد من التجار لانهم هيبيعوا ويكسبوا ......طيب وماذا عن الافراد و الذى يحضر معه كاميرا او حتى سيارة وحتى هؤلاء التجار بيدفعوا ضرائب يبقى ليه جمارك و اللى فى النهاية تتحمل على السعر النهائى للمنتج

قرأت دراسة تفيد بأنه كلما ذادت التعريفة الجمركية قلت حصيلة الجمارك وذلك لذيادة حالات التهرب الجمركى

موضوع تانى بعيد شوية و لكنه متصل بالجمارك و الموانى

حدث ان بعض الاصدقاء فكر بالرجوع بأثاث منزله و بعض الاغراض الاخرى استعمال شخصى (طبعا عارفين محدودية الوزن فى الطيران)

و بعد الشحن و مصاريفه ووصول الحاجات للميناء

وجد الاف من العراقيل مثلا مطلوب منه اذن استيراد اخشاب علشان الاثاث

جميع الكتب (بما فيها كتب مطبوعة فى مصر) لا بد ان تمر على الرقابة مع دفع الرسوم اللازمة

جميع السي دى هات وشرائط الفيديو لابد من فحصها فى المصنفات الفنية

كان معه ميزان حمام شخصى المطلوب تصريح من مركز بحوث المعايرة مع دفع الرسوم اللازمة

عدة تليفون لابد من تصريح من هيئة الاتصالات

ناهيك عن الرسوم الجمركية الباهظة جدا و اذا طلب التنازل عن اى شيئ علشان يخلص فلابد من دفع غرامة لانك لوثت البلد بهذه الاشياء (وش واحد مفروس)

واحد تانى ناصح شحن بنفس الاسلوب و لكن فى الميناء ذهب الى مخَلص جمركى دفع له 6000 جنيه و خرجت كل حاجاته سليمة باقل رسوم جمركية ممكنة

طيب ليه المبلغ ده لو دخل نصه فى خزينة البلد مش يبقى أحسن

وايه لازمتها التعقيدات

معذرة لخروجى عن الموضوع الاساسي

mycopy10.gif
رابط هذا التعليق
شارك

ازيك ياشانا

كنتى قولتى انك اشتريتى باص ياترى ممكن تعطينى فكرة عن الاسعار والواحد يعمل ايه عشان يشترى باص بالقسط يدفع مقدم كام والقسط ممكن يكون كام

ده انا مش عارفه حتى اية الماركات ال عندنا بمصر

والنت ببحث فيه مش لقيه حاجة عن الباصات .

واكون شاكرة لو احد افادنى

وبالمناسبه بقولك ياشانا احنا بنحبك ارجعى لنا تانى

اللهم أكفنى بحلالك عن حرامك واغننى بفضلك عن سواك]
رابط هذا التعليق
شارك

سليمانو كتب

وش واحد محتاج حماية جمركية

و الله يا سليمانو انا ابتديت اخاف منك ... انت معانا و لا معاهم ؟؟

الرئيس مسئول عن كل ما تعاني منه مصر الأن

لا

رابط هذا التعليق
شارك

  • بعد 2 سنة...

السلام عليكم

بصراحة موضوع جمارك السيارات موضوع يجيب للواحد صداع

انا بعد غربة 18 سنة في السعودية قررت اشتري سيارة جديدة عشان انزل بيها مصر وبعد بحث ودراسة قررت اشترى سيارة شيفرولية اوبترا 1600 سي سي موديل 2006 اشتريتها بـ 38 الف ريال ولما سالت عن جمركها في السفالة المصرية ( اسف اقصد السفارة المصرية ) قالولي جمركها يتراوح مابين 37 الى 42 الف جنيه يعني بحسبة بسيطة يصبح سعرها في حدود 100 الف جنية مصري وللاسف عرفت ان سعرها في مصر في حدود 89 الف جنيه .. يعني بالعربي اخدت بمبة كبيرة .

حسبنا الله ونعم الوكيل

رابط هذا التعليق
شارك

السلام عليكم

بصراحة موضوع جمارك السيارات موضوع يجيب للواحد صداع

انا بعد غربة 18 سنة في السعودية قررت اشتري سيارة جديدة عشان انزل بيها مصر وبعد بحث ودراسة قررت اشترى سيارة شيفرولية اوبترا 1600 سي سي موديل 2006 اشتريتها بـ 38 الف ريال ولما سالت عن جمركها في السفالة المصرية ( اسف اقصد السفارة المصرية ) قالولي جمركها يتراوح مابين 37 الى 42 الف جنيه يعني بحسبة بسيطة يصبح سعرها في حدود 100 الف جنية مصري وللاسف عرفت ان سعرها في مصر في حدود 89 الف جنيه .. يعني بالعربي اخدت بمبة كبيرة .

حسبنا الله ونعم الوكيل

يا عزيزي أبو رامي ( طمنني الأول رامي عامل إيه دلوقت ؟ :D )

مسئولي الجمارك في مصر متدربين تدريب عالي المستوى في حواري تل أبيب .. وبالتالي تلاقي سعر العربية بعد الجمارك والحبشتكنات يا إما بيساوي ثمنها في مصر أو أكثر كمان

على سبيل المثال بالإضافة إلى حالة حضرتك ..

ثمن السيارة الكورلا الجديدة مع الجمارك والحركات تلاقيه وصل 120 ألف جنيه .. في حين إنك ممكن تجيبها من مصر أقل من كده 5 أو 10 آلاف ...

ده شغل عالي ..

وفي نقطة مهمة كمان يجب أن تؤخذ في الأعتبار وهي الضمان اللي بتخسره لو نزلت مصر .. اللهم لو كانت سيارة محترمة لها ضمان دولي .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يبدو و الله أعلم أن مشرعي الجمارك في مصر هم من الاشتراكيين السمّاويين , و هناك أكثر من دليل لهذا التوجه منها إنه هناك جمارك إضافية للمرايه الشمال بالسيارة بإعتبارها من الكماليات :D

و كذلك حزام الامان , و الراديو .

علاوة علي أن الجمارك المصرية هي الوحيدة التي تستخدم كلمه ( سلعة إستفزازية )

و أنا متخيل وجه و عبارات قاسم السمّاوي و هو يضع بنود التشريع الجمركي ....

مراية شمال ؟؟ هو أنا لاقي أكل ؟ أه يا ولاد ال..... , طب خدوا ,

و كمان حزام و أنا لابس البنطلون بحبل , طب خدوا :D

تم تعديل بواسطة Hammer

You can.... If you think you can

رابط هذا التعليق
شارك

الرسوم الجمركية المرتفعة هدفها حماية الصناعة الوطنية

من المنافسة الاجنبية , تشتري مصري أتفضل تجيب من

الخارج إدفــع ... هذة هي السياسة !

رابط هذا التعليق
شارك

تشترى مصرى اتفضل تجيب من الخارج ادفع

ما هو يااخى ياريت كان مصرى من الاساس العربيات اللى احنا بنتكلم عليها كلها مش مصريه و لا حتى عربيه لا العربيات ده تجميع مصرى او تجميع برازيلى

يعنى ان الجمارك بتحمى شركات خاصه لتجميع السيارات

غبور هوينداى ,,,,, منصور شوفوليه و اوبل و غيرهم

تبصلها من نحايه تانيه جمال و علاء _العائله المالكه _ ركبين فيها فى كل كل شركه بتجمع سيارات يبقى موظفين الجمارك والمسؤلين فكروا يحموا حبهم ازى

فقالوا نعملوا الجمارك و التعريفات ده

mrizs2yd_ZaBaDo.gifصبح صبح يا عم الحاج
رابط هذا التعليق
شارك

علاوة علي أن الجمارك المصرية هي الوحيدة التي تستخدم كلمه ( سلعة إستفزازية )

و أنا متخيل وجه و عبارات قاسم السمّاوي و هو يضع بنود التشريع الجمركي ....

مراية شمال ؟؟ هو أنا لاقي أكل ؟ أه يا ولاد ال.....  , طب خدوا ,

و كمان حزام و أنا لابس البنطلون بحبل , طب خدوا :)

ملعوبة .. ورسمت لنا صورة لقاسم السماوي وكأني أشاهده أمامي :D

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • بعد 2 أسابيع...

الأخ العزيز الصعيدي :

خد الموقع ده هايريحك من جميع الجوانب بالنسبة لأسعار السيارات الجديدة والمستعملة داخل مصر -وفقك الله

www.contactcars.com

وإلى الإخوة الأعزاء المغتربين هذا الموقع يجيب عن كافة استفساراتكم عن السمان اللي عاوزين تجيبوها معاكم من الخارج

http://www.customs.gov.eg/index.html

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

  • بعد 2 سنة...

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...