اذهب الي المحتوي
zizetta

اخترناك بالأمريكاني

Recommended Posts

ملاحظات سريعة على الإنتخابات الأمريكية

واحد : لم يلاحظ أي وجود لقوات الأمن .. أو الأمن المركزي ولا حتى الأمن الغذائي

إتنين : لم يكن هناك حبر فسفوري ولا تركواز

تلاتة : مافيش وزير داخلية ولا رئيس لجنة إنتخابات بيعلن النتيجة .. بصراحة مش عارفين النتيجة بيعرفوها إزاي

أربعة : إعلان فوز الرئيس بيتأكد بإقرار المرشح الخاسر بفوز الرئيس

خمسة : جون ماكين مش هايدخل السجن خمس سنين عشان مش بيزور توكيلات أمريكاني

ستة : مافيش ولا واحد ولا حتى أي جهة متطرفة جاب سيرة تزوير في النتيجة

سبعة : ماحدش جاب سيرة بلطجة ولا حتى خناقة واحدة .. ، مش فاهمين إنتخابات إيه دي

تمانية : الناس إنتخبوا في النهار والنتيجة طلعت بالليل ، كأنها انتخابات نقابة النقاشين

تسعة : الإتنين المرشحين إتصلوا ببعض بالتليفون فور إعلان النتيجة

عشرة : ماكانش فيه أتوبيسات بتنقل الموظفين والمواطنين عشان ينتخبوا

حداشر : لم تذيع السي إن إن ولا الإي بي سي أغنيه إخترناك الأمريكاني ولا أمريكا اليوم في عيد

إتناشر : مافيش أي حد إشتكى من عدم وجود إسمه في الكشوف الإنتخابية . . ده إذا كان فيه أصلاً

تلاتاشر : ما سمعناش كلمة بطاقة إنتخابية

أربعتاشر : نسبة المشاركين ستة وستين في المية .. أكتر من مية وسبعتاشر مليون ...

خمستاشر : الشبه بين إنتخاباتهم وإنتخابتنا تنحصر في أن باراك باللغة السواحلية ( اللغة الكينية ) تعني مُبارك .

تحياتي

زيزيتا

شارك هذه المشاركه


رابط المشاركه
شارك

زيزي ( والله زمان .. بقى لي كتير ما قلتلكيش الاسم ده )

مونكن انقل الموضوع ده لباب " موضوعات تقطع القلب "

بإختصار هاحكي لك حكاية قرأتها في بريد الاهرام لواحد مهاجر بعياله لامريكا من مصر

وكان ابنه في سنة خامسة ابتدائي ( دي شهادة يا ناس )

فالراجل عمل حسابه ولم كمية ورق

اشي شهادات بتاعت 5 سنين

ووصل نور مختوم من 3 مُحصلين

وجاب شهود معاه لأمريكا وكان مستعد يحلف بالطلاق ان ابنه في سنة خامسة

وكان مجهز العُدة والعتاد عشان الموضوع ده

المهم لما راح المدرسة لم يطلبوا منه اي ورقة وزقوا الواد في الفصل

فالراجل كان هايعيط عشان شولت الورق دي كلها وحس ان تعب السنين راح عالفاضي

فسألوه سؤال :

1- لو ابنك كان في سنة تالتة وانت حبيت تدخله خمسه وضحكت علينا ... مي اللي مستواه هايتضرر .. احنا ولا انت ؟

قال انا طبعاً

قالوا له .. خلاص يبقى انت لو كدبت هاتكدب على نفسك ولو صدقت هاتصدق مع نفسك

------------

كذلك الحال في الانتخابات ... يعني هما لو زوروا وقلوظوا وبلطجوا

يبقى مين هايتضرر ؟

شارك هذه المشاركه


رابط المشاركه
شارك

باشا .. والله انت اللي واحشني يا سين سين .. مش عارفة ليه بنشط في المحاورات في الشتاء .. يمكن بفتكر موضوع التريكو اللي بالي بالك .. ( ان شاء الله لينا فيه فتح قريب )..انا فعلا قريت القصة اللي انت استشهدت بيها .. فرق الثقافات ده والله هو اللي حاجة تقطع القلب .. بس يا سي السيد انا قاعدة افكر في اجابة لسؤالك الأخير :

كذلك الحال في الانتخابات ... يعني هما لو زوروا وقلوظوا وبلطجوا يبقى مين هايتضرر ؟.. هو مين اللي حيضرر .. هه .. لأ بجد مين هه.. ؟؟

الأخت / الأخ amelshafey (فهمت انها امل شافعي ) بس أمل تمشي مؤنث ومذكر .. على العموم ربنا يستر من حوادث الموتسيكلات والرشاشات ..

وتحيا مصر

وتحياتي

زيزيتا

شارك هذه المشاركه


رابط المشاركه
شارك
باشا .. والله انت اللي واحشني يا سين سين .. مش عارفة ليه بنشط في المحاورات في الشتاء .. يمكن بفتكر موضوع التريكو اللي بالي بالك .. ( ان شاء الله لينا فيه فتح قريب )..انا فعلا قريت القصة اللي انت استشهدت بيها .. فرق الثقافات ده والله هو اللي حاجة تقطع القلب .. بس يا سي السيد انا قاعدة افكر في اجابة لسؤالك الأخير :

كذلك الحال في الانتخابات ... يعني هما لو زوروا وقلوظوا وبلطجوا يبقى مين هايتضرر ؟.. هو مين اللي حيضرر .. هه .. لأ بجد مين هه.. ؟؟

الأخت / الأخ amelshafey (فهمت انها امل شافعي ) بس أمل تمشي مؤنث ومذكر .. على العموم ربنا يستر من حوادث الموتسيكلات والرشاشات ..

وتحيا مصر

وتحياتي

زيزيتا

مذكر والله يا ستي

163376_25335470d71a39e13b.jpg

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×